رواية عذبتني باسباب فرقاك -27
مي اخذت تلفوناتها بعد ما مسحت كل المس كولات والمسجات اللي فيه واتصلت
كانت تحاول تهدأ عشان تعرف تتكلم
المكالمة دولية ورنتها طويلة ما قدرت توقف دمعتها رد بعد طول انتظار Hello
غلب على صوتها الصياااح هااااااني .. هاااااااني .. انا مي ..
هاني اخترع من صوتها مي حبيبتي .. شفيييج .. ليش تصيحين ؟؟ انا ما طلع عندي رقم عبالي مكالمة من هني داخل الولاية
( هاني اخو مي .. ذكرته في بداية القصة عايش ومتزوج في امريكا )
مي انت اخوووووووووي ؟؟؟ انا ابي احس انك اخووووي .. محتاجتلك يا هاني ..
هاني مي قولي شفييج .. ماما فيها شي ؟؟ بابا فيه شي ؟؟
مي لا يا هاااني .. بس انا تزوجت ؟؟
هاني تزوجتي ؟؟ متى ؟؟ واشلون ؟؟ وليش محد قاللي ؟؟ ومن من ؟؟
مي بصوتها الباكي انا تزوجت اليوم .. وماما تبيني اتطلق باجر ..
هاني زين ليش عاااد ..
مي هاااني .. انا محتاجتلك .. عمري ما حسيت ان عندي اخووو .. بس الحين ابيك .. تعال لاتخليني بروحي ..
هاني بس يا مي ..
مي خلاص يا هاني .. عرفت ردك .. انا ما اسوى عندك شي ؟؟ انت نسيتنا يا هاني .. زوجتك اهم منا كلنا ..
هاني مي انا طلقتها من 6 شهور .. خلاص حبيبتي .. بحاول ايي ..لا تصيحين ..
مي مسحت دموعها صججج يا هاني ؟؟
هاني اي خلاص بيي .. بس امهليني يومين ..
مي زين بس يومين لان بدر مسافر وبيرد بعد يومين وماما مصره تبي بابا يجبره يطلقني ..
هاني مسااافر .. متزوجج اليوم يتركج ويسافر ؟؟؟؟..
مي احنا بس ملجنا يا هاني .. وصارت الملجة فجأه .. وهو شغله جذي ما قدر ياخذ اجازه ..
هاني وشنو شغله اللي يخليه يسافر ويترك زوجته من اول يوم ..
مي كابتن طيران ..
هاني اففففف .. مي انتي صاحية .. اشلون تتزوجين طيار .. كل يوم مسافر بلد ..
مي ارتفع صوتها احبه يا هاني .. من 6 سنين وانا احبه .. وراضية بأي شي .. اهم شي اكون يمه ..
تنهد هاني خلاص يومين وانا عندكم .. انتي تجنبي تقعدين مع ماما .. وان شاءالله خييير ..
مي ان شاءالله .. يالله اخليك الحين ..
هاني خدا حافظ
مي خدا حافظ ..
وسكرت وانسدحت على فراشها تمسح دمعتها وتنزل الثانية وعيونها على محبسها الالماس كانت غرفتها كلها مظلمة وهو يبرق بأحجاره الناعمه باسته بنفس طويل وقلبت على الجهة الثانية تكمل مجرى دموعها وحزنها أحبك يا بدر .. أحبك موووووووووت .. آآآآآآآآآه يا صغر الفرح في قلبي
وصارت تدندن على أغنية حسين الجسمي يا صغر الفرح في قلبي .. وهي تكفكف دموعها
يا صغر الفرح في قلبي ..
ويا كبر الألم والآه !! تغرّب في زمنها الناس ..
وزوّد ظلمها ببلواه .. لآنه مختلف عنهم
تبرى من طبايعهم .. تغرّب في زمنهواه ..
وفا وباعوه أحبابه .. وزوّد غدرهم .. همه
وشرّع للهوى بابه .. وأَنحر لأجلهم دمه
يا صغر الفرح في قلبي ...
وصلت فيلا كراشي وانفتحت لها البوابة الالكترونية
ودخلت بالفراري شافته واقف ينطرها عند المدخل وقفت سيارتها ونزلت
مسكها من خصرها وباسها في خدها اليسار هلا بأميرة قلب أمير ..
ابتسمت بخجل هلا حبيبي .. تأخرت عليكم ؟؟
كانت نور تطالعهم من الدريشه ماما .. شعرها طويل .. ماما شكلها حلوه ..
أم أمير لا حلوه ولا حلوه .. ما يهمني حلاها .. عروسته داخل غصبا عن اللي يرضى واللي ما يرضى ..
نور ماما .. البنت بتدخل بعد شوي .. شنو عروسته تبينه يذبحنا انتي ما تعرفينه .. هذا أمير ماما مو يوسف .. حتى يوسف ما يرضى احد يسوي فيه جذي مو بعد أمير .. لا تخلينه يسوي شي انتي ما تبينه .. فرحان فيها حرام نكسر فرحته وفرحتها ..
مريم ماسكه يده وخايفه ما بتخليني بروووحي ؟؟
أمير ضغط على يدها لا حبيبتي .. انا معااج وين ما تروحين .. لاتخافيين تراهم ما يعضون ..
مريم كان باين عليها التوتر والخوف بس أمير كان يشجعها ويغمز لها
يالله توقعااااتكم
؟؟؟؟
شنو ينطر مريم في بيت أهل أمير؟؟
بدر اضطر يساافر وهو خايف على مي
ومي ما تدري شنو راح يكون مصيرهاا مع رفض امهاا
تتوقعون ترضى بزواجهم ؟؟ ولا ترفض أكثر وتصر على الطلااق ؟؟
الجزء الثامن والثلاثين
كانت نور تطالعهم من الدريشه ماما .. شعرها طويل .. ماما شكلها حلوه ..
أم أمير لا حلوه ولا حلوه .. ما يهمني حلاها .. عروسته داخل غصبا عن اللي يرضى واللي ما يرضى ..
نور ماما .. البنت بتدخل بعد شوي .. شنو عروسته تبينه يذبحنا انتي ما تعرفينه .. هذا أمير ماما مو يوسف .. حتى يوسف ما يرضى احد يسوي فيه جذي مو بعد أمير .. لا تخلينه يسوي شي انتي ما تبينه .. فرحان فيها حرام نكسر فرحته وفرحتها ..
مريم ماسكه يده وخايفه ما بتخليني بروووحي ؟؟
أمير ضغط على يدها لا حبيبتي .. انا معااج وين ما تروحين .. لاتخافيين تراهم ما يعضون ..
مريم كان باين عليها التوتر والخوف بس أمير كان يشجعها ويغمز لها
دخلوا وكانت أم أمير ونور ينطرونهم في بداية الممر
أم أمير يا هلا .. شهالحلاة شهالزين .. ما شاءالله تبارك الرحمن .. توى ما نور البيت .. حياج يما البيت بيتج ..
أمير كان فرحان ما توقع تكون ردة فعل امه جذي ابتسم لمريم ومشاها ...
نور كانت تتأمل جمال مريم ونعومتها وابتسامتها وجمال اسنانها
أم أمير باست مريم واستقبلتها بأحسن وأحر استقبال
مريم كانت مستحية منها منور بأصحابه خاله ..
نور مدت يدها انا نور اخت أمير الصغيره ..
صافحتها مريم هلا نور .. ما شاءالله تشبهين يوسف ..
نور أهم شي حلوه ..
مريم حلوه ولا يهمج ..
نور شسوي انا ويوسف يبين علينا اخوان .. بس هذا من كوكب آخر
أمير خزها بس يابنت ..
نور وانا شقلت ... مريوم .. يصير اناديج مريوم ..
مريم اي .. يصير .. اخذي راحتج ..
نور وهي ساحبة مريم من يدها يالله مريوم تعالي معااااي ..
أمير سحب مريم وين ماخذه خطيبتي ؟؟؟
نور ابيها .. بعرفها على بنات عمتي ..
أمير انصدم بنات عمتي هنييي ؟؟ ليش ؟؟
أم أمير عمتك خاطرها تشوف عروستك .. سامحينا يا بنتي المفروض احنا اللي نروح نشوفج .. بس
أمير عرف ان الموضوع بيكدر مريم وبيذكرون لها أهلها حب يغيره بسرعة يالله خلونا ندخل ..
مريم ابتسمت لامير ومشت معااه ودخلوا الصالة الداخلية كانت عمته مشغولة بالسوالف مع بناتها
قطع عليها حديثها مع بناتها صوت أمير سلام عمه ..
عمته وقفت تطالع مريم من فوق لتحت وهي ضامه ذراع أمير هلا .. هلا عمه .. هذي عروووستك ؟؟
مريم كانت تبتسم ومو حاطه في بالها شي راحت ومدت يدها تصافحها
العمه كانت تطالع أم أمير وهي تخزها يعني سلمي عليها اخذتها وسلمت عليها من غير نفس
أمير كان حاس انه في شي غلط بس ما حب يبين لمريم هالشي ومريم المسكينة على نياتها وسلمت على ابرار وريم وراحت قعدت يم أمير ..
العمه اقول مريم .. جم عمرج ؟؟
مريم 22 خاله ..
العمه العمر كله ان شاءالله .. زين شنو تشتغلين ؟؟ بعد انتي بتاخذين ولدنا لازم نعرف عنج كل شي ...
مريم انصدمت من السؤال ودارت عيونها لامير
أمير ما عجبته حركات عمته بزنز وومن عمتي .. تدير حلالها بنفسها وهي وريثة محمد تقي أكبري .. وعندها شركة انشاءات بينها وبين يوسف .. خلصوا اسألتج .. ولا في بعد ..
أم أمير محمد ماما .. المحامي ينطرك في المكتب .. قال يبيك ضروري ..
أمير والمحامي ما دور ايي الا اليوم .. وين يوسف ليش ما راح له .. غريبة هو اذا ايي لازم يخبرني قبل يومين
أم أمير يقول يبيك انت .. لانك الوصي على اخوانك يبي توقع على جم ورقة وخلاص ..
أمير منزعج من هالحركة وخصوصا ان مريم كانت متمسكه بجاكيته وتناظره بنظرات ترجي انه ما يخليها بروحها
أمير خلاص .. خله ايي هني .. بلغي الخدم يقولون له ايي هني ..
أم أمير اشلون ايي هني ما يصير ... لا تخاف على مريم .. كلها جم يوم ويصير البيت بيتها .. قووم ماما ..
أمير باس مريم في خدها دقايق وراجع يا روحي ..
مريم ابتسمت بضييق وهزت راسها بالايجاب
أم أمير راحت وقعدت يمها هلا بعروسة ولدي ...
مريم بخجل هلا فيج خاله ..
أم أمير ماما .. ناديني ماما ..
مريم ان شاءالله ماما ..
أم أمير حددتوا موعد العرس ؟؟
مريم اي .. يوم الجمعة ..
العمه الملجة والعرس بيوم واحد ؟؟
مريم هزت راسها بالايجاب وابتسمت ونزلت راسها بخجل
العمه ليش مستعيليين هالكثر ..
مريم أمير مو راضي يصبر ..
العمه اي عاااد .. تعلميني بولد أخوي لما كان يبي يملج على بنتي .. دوشنا وأذانا لين ما سرعنا بالملجة ..
مريم وقفت مو مصدقه هااااا ..انتي شتقولييييين ؟؟؟ أمير متزوج غيري ؟؟ ؟؟؟؟؟؟؟؟
أم امير وقفت لها شفيييج ..هو للحين ما تزوجج اصلا .. ليش حبيبتي هو ما قالج انه متزوج بنت عمته من 6 شهور ..
مريم صارت دموعها تتطفر من عيونها بصمت وهي تهز راسها بالنفي وشفايفها ترجف
العمه طلعت من شنطتها عقد زواج هاااااج اذا مو مصدقة شوفي .. مل وهو ينطرج وياني يحفي عشان ازوجه بنتي ..
مريم كانت تقرى تاريخ العقد والاسماء وكل شي لحد ما وصلت لنهاية العقد وابتل بدموعها وطاح على الارض من غير ما تحس ..
صارت يدينها ترجف ودموعها مغرقة خدودها
نور كانت تشوفها وهي ماسكة نفسها بالغصب .. كسرت خاطرها .. حالة مريم تصعب على الكافر ..
أم أمير احنا قلنا نقولج .. قبل لا تورطين نفسج بهالزواج .. وتاخذين الريال من مرته ..
مريم حطت يدها على فمها تكتم صيحتها وشالت شنطتها وطلعت تركض ركبت سيارتها و حطت القير على r ودعسته بقوه وقلبت اتجاه سيارتها وطلعت من الفيلا بصياحها ..
اما داخل الصالة
أم أمير نور اخذيه وقطيه بسرعه لا يشوفه اخووج .. افتكينا منها ...
نور اخذت العقد وكرفسته وخشته بيدها ماما حرام .. لو يصير فيها شي .. بيموت اخوي وراها .. ما شفتيه شكثر يحبها ..
أم أمير الحرام انه ياخذها ويخلي بنت عمته الاولى فيه ..
نور سكتت ما حبت تجادل امها أكثر وكانت تشوف فرحة ابرار بهالمؤامره ..
العمه شفتوا اشلون نجحت خطتي ..
ابرار ان شاءالله عاااد يرضى .. مليت وانا انطر .. شوي واعنس
أم أمير راحت لها وحنتها من جتوفها خلاص .. هااانت حبيبتي افتكينا من الهم .. انتي عروسته ومحد غيرج
العمه وابرار وأم أمير هههههههههههههههههههه ..
أمير سمع صوت سيارة مريم وطلع يركض وراها بس ما قدر يلحق عليها
دخل داخل بصراااخ شفييها مريم ؟؟ ليش اطلعت بدون ما تقولي ..
ريم عمرها 10 سنوات ما تدري بشي نطت كانت تصييح ..
أمير شنوووووو ؟؟
أم أمير تبي تتدارك الموضوع هه .. ما ادري والله .. طول الوقت وهي متملله وتحوس بتلفونها .. حشى حتى مو حاشمتنا انا وعمتك .. بعدين قعدت تسولف بالتلفون وراحت بدون ما تسلم حتى ..
أمير يصرخ ويتهدد فيهم مريم ما تسوي جذي .. انا اعرفها زين .. اعرفها أكثر من روحي .. انتوا مسوين شي من ورااي وبعرفه .. بس الحين مو وقتكم .. بيي الوقت اللي اوريكم فيه ..
خذ سويج سيارته وطلع بالمايباخ يبي يلحق عليها
نور بصرااخ ماما شفتي .. أمير مو غبي .. بسرعة عرف .. الحين بتقوله وكلنا بنروح فيها ..
أبرار ليش يسوي جذي .. كل هذا يحبها .. وانااا
وقعدت تصيح وأمها خذتها في حضنها شكله ولدج ما منه رجى يا أمينة .. قومي ماما خلونا نمشي ..
أم أمير وين رايحين .. عبالكم هي بتصدق .. احنا وريناها وثيقة رسمية ما بتصدقه لو شنو يسوي .. خلاص يوم قربنا للنهاية بتتركون كل شي وبتروحون .. تبين تخلين ولد خالج للغريبة يا ابرار ..
ابرار بس هو ما يشوفني حتى ..
أم أمير باجر بيفتح عيونه وبيشوفج .. أهم شي افتكينا من هالساحره ..
نور ساحره شنووو .. ماما حرام عليج البنت مثل الملاك .. بس انتو لعبتوا فيها وخربتوا فرحتها ..
وتركتهم وطلعت تركض على الدرج وأول ما دخلت غرفتها رمت بالعقد على الارض وقعدت تصييح مقهوره على اللي سوته بأخوها وحبيبته ..
أمير وصل بيت مريم نزل وترك سيارته تشتغل شاف ساره وفاطمة قاعدين مع بعض وين مريم ؟؟
ساره وقفت مخترعه ليش هي مو معاك ؟؟؟ راحت بيتكم ..
أمير وهو ماشي بخطوات سريعه ساره اذا ردت البيت خبريني ..
ساره ركضت وراه لبرى أمير .. شصااااير ؟؟ خرعتني مريم فيها شي ؟؟
أمير لا مو صاير شي ؟؟ بس توصل خبريني ..
ركب سيارته ومسك التلفون يتصل لها بس مريم تلفونها مسكر مر على كل الاماكن اللي يروحونها مع بعض واللي مريم تلجأ لها بس ما لقاها .. لف كل الشوارع ما لقاها .. كان الاتصال بينه وبين ساره للصبح كل واحد يدور من صوب بس ما في خبر ..
طلع عليه الصبح وهو يدور عليها لحد ما يئس ورجع ينطر منها شي .. اي شي يطمن قلبه عليها .. اتصل آلاف المرات على كل تلفوناتها بس ما في رد كلهم مسكرين ..
بعد 4 أيام
كان في بيتها لان يئس وهو يدورها تعبت .. تعبت .. وين راحت خلاص انا قربت اين ..
راح وقعد قباله وحط يدينه على راسه انا بعد تعبت .. لفيت البحرين كلها ما لقيتها .. وين راحوا ..
ساره هم اختفوا مع بعض وبنفس اليوم .. والله انا شاكه انهم سافرو ...
بدر وقف سافروا .. اشلووون ؟؟
أمير ساره وين تحط مريم أوراقها الرسمية ..
يتبع
أمير ساره وين تحط مريم أوراقها الرسمية ..
ساره تحطهم بالتجوري اللي بمكتب المرحوم ..
أمير راح فتح المكتب ومشى للتجوري وقعد على ركبه افففففف .. باس وورد .. ساره ما تعرفينه ..
ساره لا ما اعرفه .. جرب تاريخ ميلادها ..
أمير يدق الرقم بتوتر وخايف ما يضبط معااه وهذا فعلا اللي صار ..
وقف شسوي الحين .. ابي اعرف اذا سافرت ولا لاء .. بدر ما تقدر تعرف من المطار ..
بدر المشكلة السستتم يتغير كل يوم .. يعني ماكسمم نقدر نعرف اذا امس سافروو ..
أمير زين انت جرب ..
بدر اوكي مو مشكلة .. اجرب ..
وطلع برى يسوي اتصالاته ..
أمير ساره انتي يدها اليمين .. على طووول معاها تذكري اي شي .. اي شي يساعدنا ..
ساره قاعده افكر .. انطر شوي يا أمير ..
دخل بدر مهموووم خلاص ما يحتاج تدورون .. انا تأكدت انهم سافروا مع بعض ..
أمير سافرووا وين ..
بدر ما ادري .. المطار قالوا سجلات المسافرين تتبدل يوميا ... ودوروا اساميهم بكل الرحلات مال امس ما لقووهم ..
أمير بدر انت بتينني .. عيل اشلون عرفت انهم سافروا ..
بدر قعد على الكرسي اتصلت بأخوها يتأكد من جوازها .. قاللي ولا شي موجود لا الجواز ولا الكردت كارت وساحبه مبلغ كبير من رصيدها وماخذه اغراض وايد مهمه وكأنها مهاجره مو مسافره ..
ساره زين واشلون تأكدت ان مريم مع مي ..
بدر حسيت انهم مع بعض ..
ساره أمير خلنا نجرب مره ثانية يمكن يفتح التجوري .. اقلب آخر رقمين ..
أمير راح وقعد يحاول وبعد محاولات عديده نجح وفتح التجوري وفعلا ما لقى جوازها
دار ويهه لساره انتي متأكده انها تحط جوازها هني ..
ساره اي متاكده من اسبوع لما فتحتها شفت الجواز وشفت وصية ابوها .. كانت تبي تفتحها بس أجلتها لبعد زواجكم ..
أمير زاد همه واتسكرت الدنيا في ويهه ورمى بثقل جسمه على الكرسي اذا سافرت يعني راحت ما بترجع .. يعني ما بلقاها خلاص .. مريم ضاعت مني ..
بدر حالك يا أمير مو أحسن من حالي ..
أمير على الاقل انت عارف سبب هروبها .. لكن انا ما ادري ليش تركتني وسافرت
بدر انت ما تدري ليش اطلعت من بيتكم فجأه ؟؟؟
أمير تذكر آخر مواجهه بينه وبين امه واخته كانت ثاني يوم ..
كان معصب كسر التحف الثمينه وقلب الكراسي يبيهم يتكلموون بس محد راضي يتكلم يعني شنوووو .. انخرستوا .. بتقولووون ولا اقلب البيت على راسكم انتي وياها ..
راحت أمه ووقفت في ويهه ونور منخشه وراها وتحتمي فيها لانها خايفة من اخوها وعصبيته أول مره يشوفونه جذي بس يا أمير .. شوووف شسويت كسرت كل شي .. تعرف هذول بجم ..
أمير بصراااخ مااااااااااا يهمني .. ما يهمني .. هذا كله مااا يهمني .. اللي تهمني نحشتوها من البيت ..
أم أمير أمير اذا ما تهدأ وتتزوج بنت عمتك .. قسم بالله بحرمك من ورث ابوك ..
أمير سكت وفتح عيونه ورفع حواجبه معاه وضحك بسخريه ههه . هههاااايي .. ههههههههههههههههااااايييي .. ماما بلليييييييييز لا تقطيني بالشارع .. حراااام عليج ... وين ارووح
أم أمير منصدمه من ردة فعل ولدها هذا احترامك لي يا محمد .. تضحك عليّ ..
أمير سكت انتي اللي ضحكتيني غصب .. شوفي ماما اولا الفلوس ما تهمني بالناقص احرقها كلها ولا اهتم .. هالملايين كلها ما تيي شي يم مريم .. تعرفين يعني شنو مريم أغلى من روحي .. انا عايش لها بس .. وسالفة ابرار انسيييها .. البنت ما ابيها ليش مو قادرين تفهموون .. تبيني انشرها بالجرايد .. قلت لها في ويهها بعد شتبوون أكثر .. وبعدين بابا ما وصاج علينا قبل لا يموت تعطين من ما تبين وتحرمين من ما تبين .. الظاهر انج نسيتي انه وصاااني انا بس توصل نور الثمنتعش بنفتح الوصية وكل واحد ياخذ حقه بالكامل .. شنو تحرميني وما تحرميني .. بليييييييييز لا تعيدينها ..
ومسك نور من ذراعها وسحبها انتي ..
نور كانت خايفة ودموعها على خدودها هـــ ــــــــــــااا ..
أمير بعصبيه بتقوليين شسويتوا بالبنت .. ولا تشوفين اللي ما يسرج ..
نور كانت تصيح بصوت عالي خايفه من اخوها وخايفه من امها لانها تخزها انها ما تتحجى كانت تطالع أمير بنظرات ترجي انه يتركها بس أمير كان ثاير عليهم لحد ما دخل عليهم يوسف وأنقذها من أمير
وصار هو اللي يصرخ عليهم اذا تعرفون شي قولوله .. بيموت من التفكير .. يومين مو نايم عافس الدنيا عليها .. انتوا ماتعرفون أمير .. ما تعرفون شكثر يحبها .. يموت لو تبعد عنه .. ماما انتي تعرفينه اذا يحب اشلون واذا يكره شيسوي .. لا تخلونه يكرهكم .. والبنت شكثر تحبه .. حاولت تنتحر عشانه .. فقدت أهلها وما لها بالدنيا غيره .. مو معقوله تطلع جذي فجأه ..
بدر أمير .. أمير .. وين رحت ؟؟
أمير انتبه له وابتسم وقاام بيمشي انا استأذن ..
ساره وين رايح ؟؟ للحين ما لقينا شي يطمنا عليهم ...
أمير رايح أعرف ليش اطلعت من بيتنا وراجع .. ساره .. بلييييييييييز .. هذول مريم ومي خواتج حاولي تلقيين اي شي يساعدنا ..
بدر قام وراه وانا بعد بروح المطاار بنفسي وبحاول اكلم المسؤولين يمكن يقدرون يساعدوني بشي ..
ساره وهي تحك شعرها بتخلوووني هني بروحي ..
أمير ابتسم ولبس نظارته وطلع
بدر ساره مو ترقدين .. ابي اخبار تبرد قلبي ..
ساره زين .. اذا صار معاك شي قوول .. لاتخلوني اعفس هني بروحي ..
طلع بدر ورى أمير متوجهه للمطار ..
ورفعت يدينها تدعي ياااااارب شدعي عليهم هذوول وحده بنت عمي ورفيجتي والثانية مرت اخووي وبعد رفيجتي .. اسكت احسن وأدور عليهم ..
أمير دخل فيلتهم وصفق بالباب
نور صارت متعوده على هالحركة نقزت ورى امها كالعاده
دخل عليهم واتفاجئ بعمته وبناتها وهذا اللي كان يبيه حيا الله من يانا ..
ابرار قلبها صار يرفرف من الفرحه ابتسمت بخجل ونزلت راسها
عمته قامت وباسته الله يحيك حبيبي .. ان شاءالله أمورك كلها تمام .. تعال اقعد يمي ويم ابرار
أمير طالع ابرار وابتسم ابرار ..
ابرار رفعت راسها لا اردايا وابتسمت ونزلته مره ثانية
أمير نقعد يم ابرار .. ليش لاء ..
راح وقعد يمها اشلونج ابرار ؟؟
ابرار حمروا خدودها بخير ..
مد يده ومسك يدها ممكن امسك يدج ..
أمه وعمته منبهرين مو مصدقيين اللي يشوفونه
بس نور كانت حاسه ان أمير موال في راسه يبي يغنيه .. وخايفه من هالموال وهذا الهدوء اللي هو فيه أكيد هدوء ما قبل العاصفة ..
أبرار هزت راسها بالايجاب انها راضية وموافقة
أمير اقوول يا جمااعة زين ما سويتوا .. انا اشلون كنت غبي جذي .. اخلي بنت عمتي واروح اخذ وحده غريبه .. صدق من قال محد يعرف مصلحة الولد غير اهله ...
العمه الحمدلله انك عرفت مصلحتك وين يا ولدي ..
أم أمير راحت وقعدت يمهم يعني نحدد موعد الملجة ؟؟
أمير أكيد انا مستعيل ما اقدر اصبر .. ابيها اليوم قبل باجر ..
ابرار مو مصدقة عمرها حاسة نفسها بحلم
العمه زين اللي افتكيت من شرها والله اني ما حبيتها .. ما ادري اشلون دلوعه ومغروره وصغييره
أمير اي والله اني افتكيت .. بس خطتكم أذهلتني .. اشلون حبكتوها مع بعض وبهالسرعة .. بصراحة بصراحة اللي اقترحتها ذكية وبشهادتي شهادة طبيب طبعا .. اعترف انها ذكية ...
أم أمير بدت تفهم على ولدها وتخز في أم أبرار تبيها تفهم بس للاسف ما فهمت وفضحتهم وضربت على صدرها بفخر انا .. طبعا عمتك .. خذيت عقد زواجي وسويت عليه كووبي وغيرت الاسامي حطيت اسمك واسم بروره وبتاريخ قديم شوي .. عشان تصدق .. وقلت لها مل وهو ينطرج وتزوج بنتي .. وقلت لها حراام علييج تهدمين بيت بنتي وتاخذين الريال من مرته ..
أمير كان يبتسم وهو يسمع يحاول يضبط أعصابه لا .. صج ؟؟ وشنو سوت يوم شافت العقد ..
العمه ويييييه .. نزلت لها دمعتين وذلفت باللي ما يحفظها ..
أمير اخذ يد ابرار ونزلها ببرود لا .. لا .. لا .. مسكينة عيل صاحت هااا .. والله وكسرت خاطري ياعمتي ..
العمه ولا تكسر خاطرك ولا تهتم فيها .. خلاص نملج الحين اذا تبي بس انت لاتكدر نفسك ..
أمير وقف بهدوء هه .. انتوا اللي كسرتوا خاطري .. انتي وبنتج .. وهذي اللي ينادونها أمي .. واختي معااكم بعد .. ولا تزعلوون .. كلكم مساكيين .. عبالكم دكتور محمد أمير كراشي لعبة بيدينكم .. انا تسووين بخطيبتي جذي .. تنحشونها من بيتي وتجذبون عليها .. تبووني اخذ هذي غصب .. انا ماسك لسااااني ما ابي اغلط على احد بس انتوا اللي جبرتوني .. تفرقون بيني وبين حبيبتي .. صارلي سنتين وانا انطرها .. ولما قرب زواجنا سويتوا سواتكم .. طلعواااااااااااا بـــــــــــــــــــــــــــــرى .. .. بـــــــــــــــــــــــــــــرى ..
عمته أول مره تشوف أمير جذي يصرخ لان هو بطبعه هادي لكن اذا الشي يتعلق بمريم يقلب الدنيا باللي فيها
وقفت في ويهه تبي تهديه أمير .. والله ما تبيك لو تبيك وتحبك ما كانت صدقت عليك وانحاشت .. جان وثقت فيك .. بس ما تبيك صدقني ما تبيك ..
أم أمير بخوف بس .. بس يا سعاد ..
أمير كالعاده بدت عليه حالته الهستيرية بتكسير التحف وتقلب الكراسي
سعاد أمير لييش تسوي جذي ؟؟ تطردني وانا عمتك اخت ابوك عشانها .. هذي تربية اخوووي فيك ..
أمير وقف قبالها وويهه شاب من كثر ما صرخ وعيونه مثل الجمر لاتيبين طاري المرحوم على لسانج .. الحمدلله ان ربج خذ امانته قبل لا يشوف اللي انا قاعد اشوفه .. لو كان موجود كان طردج بنفسه ..
نور بصياااح وهي تمد ورقة العقد أمير لاتكرهني .. انا ما لي خص .. والله ما لي خص .. ههااههئئئ .. ترجيتهم ما يسوون جذي بس محد سمع لي ... اذا كرهتني من وين اييب لي اخو .. انا مالي غيرك انت ويوسف لا تزعل مني ..
أمير هدأ واخذها بحضنه وهو يقرى العقد هه .. تدرون اني اقدر انومكم كلكم الليلة بالشرطة بتهمة تزوير أوراق رسمية .. ما شاءالله عليكم .. من اللي يشووف وما يصدق ..
كرفسه بيده وبعد نور من حضنه المفروض كنتي تقولين لي يا نور .. لو كنتي صج تحبيني ما خشيتي عني ..
نور كانت تشاهق وهي تمسح دموعها بظهر يدينها انا انصدمت لما شفت عمتي تطلع العقد .. والله ما كنت اعرف ..
أمير زين يوم عرفتي ليش ما تحجيتي ..
نور كانت تطالع امها وتصيح ما ردت أمير فهم ان خايفه من امها وعمتها ..
حط العقد بجيب جاكيته ودار جسمه يبي يطلع
نادته امه وين رايح ماما .. لاتطلع وانت معصب جذي ..
وقف مكانه ودار لها هه .. لا وانا أهمج الحين .. طول عمرج ما تحبيني وتغاريين مني .. عبالج ما اذكر .. ما اذكر لما كنتي تصرخين على ابوي وتقولين له يبت لك غيره .. اكا يوسف .. اهتم فيه شوي كثر ما تهتم بأمير .. نسيتي .. اذا انتي نسيتي انا ما انسى ..
راحتله ومسكت يده انت ولدي .. بجري يا أمير .. اشلون ما اهتم فيك ولا اخاف عليك .. انا صح كنت اغار لان علاقتك بأبوك كانت محيرتني .. بس بعدين عرفت ان لو اييب له عشره بتبقى انت العزيز ..
أمير نفض يدها لو كنتي تحبيني .. كنتي فرحتي لفرحي .. وما سويتي اللي سويتيه بحبيبتي .. تعرفين شنو مريم بالنسبة لي .. الهوا اللي اتنفسه ما اقدر اعيش من غيرها .. أحبها أكثر من روحي ..
أم أمير ما كنت اعرف انك تحبها جذي .. خلاص ماما انا مستعده اروح وافهمها كل شي واتسامح منها اذا تبي .. بس لا تطلع وانت على هالحال ..
راحت ابرار وقفت يمهم وانا اول وحده بحضر زواجك يا أمير .. وبرقص فيه بعد ..
نور بابتسامه وانا بعد يا اخووي ..
العمه كانت مصدومة من ردة فعل بنتها بس كانت ماخذه على خاطرها من ولد اخوها انه طردها من بيتهم بس هو ما ينلام فرقوه عن حبيبته غصب وخربوا فرحتهم
مسحت دمعتها وراحت حضنت بنتها من جتوفها مع اني زعلت منك يا ولد اخوووي .. بس ولا يهمك انا بعد بروح اتسامح منها واعتذر على كل اللي سوينااه .. وبحضر وبرقص معاهم بعد ..
ريم صارت تناطط عرس .. عرس .. عرس ..
أمير بضييق ليش هي وينها عشان تروحون لها .. لو ادري هي وينها .. جان رحت لها من زمان واخذتها بحضني .. وفهمتها ..
العمه ليش هي وينها ؟؟؟
يتبع
العمه ليش هي وينها ؟؟؟
أمير قعد على الكرسي ونزل راسه ما ادري .. ما ادري .. أربع أيام وانا ادورها نوم الليل ما نمته .. اشتقت لها ولريحتها ..
أمه راحت وقعدت يمه وحطت يدها على جتفه خلاص حبيبي .. ان شاءالله تلقاها وكلنا نروح لها ونفرح فيكم ..
رفع راسه أول مره يشوف أمه تحن عليه جذي يمكن خافت ان يكرهها صج ابتسم لها
نور قعدت على الاض وتسندت على ريله أمور .. وين بتسوون العرس ؟؟ هذا عرس اخوي العود ابي استانس ..
العمه اي صح .. ما جهزتوا شي ..
ابرار اي نبي عرس ما صار مثله بتاريخ عائلة كراشي كلها ...
أمير ابتسم هه .. خل نلقى العروس أول ..
الا وتلفونه يرن قام مشى عنهم هلا .. هلا بدر .. بشر ؟؟
بدر ايران .. سافروا ايران ونزلوا بمطار شيراز ..
أمير بدون تفكير وانت اشلون عرفت ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك