رواية غراميات مجنونة -22
جنا: بعد تآمريني شوفي عاد دام الطلعه فيها نور انا ماني جايه يانطلع انا وانتي لحآلنا يا بلآهآآ ..
هنا: البنت جايه من السفر ومن زمان ماشفتها وابي اقعد معها وخلي عنك هالغيره اللي مالها داعي
جنا تقاطعها: مالها داعي
هنا بزمره: اووووه ترى طفشتيني بتجين والا لا
جنا: وتزامرين بعد ماني بجايه ( وتجلس ع اقرب صوفا تشوفها.. اما هنا طنشتها وماعلقت عشان مايكبر الموضوع بينهـم وخذت عبايتها وطلعت ولااهتمت بـجنا
اللي ماتت من القهر بسبب رده فعل هنا البارده وزاد قهرها من نور ..
( اما نور وهـنا فـ راحـوا لمـاك بناء على رغبه عبدالله .. وجلسوا وعبدالله راح يلعب على مايجي الغدا ..
نور: طيب هنو ماقلتي لي استانستي عند سمر
هنو ومافهمت مين تقصد : أي سمر
نور واستغربت ردها : سمر صديقتك
هنو وتفكر بخاطرها مين سمر ذي وشسالفتها
هنا: قولي اي سمر تقصدين
نور: هنو بسم الله عليك صاير لك شي .. سمر صديقتك اللي كنتي ساكنه عندها بالاختبارات
هنا وعرفت ان قصدها سعود وتوها تدري من نور ان اسمها سمر وقالت بعفويه وببلاهه: ليش هي اسمها سمر !!
نور واستغربت وبنفس الوقت عصبت شلون تكون ساكنه عند صديقتها طول ذيك الفتره وهي اسمها ماتعرفه وقالت: من جدك هنو ساكنه عند البنت وماتعرفين اسمها
هنا: عاد تصدقين توني ادري ان اسمها سمر منك احنا نناديها بلقبها الا انتي وش عرفك بآسمـها
نور: هنو من جدك لا انتي مومعقول تكونين ساكنه عند وحده لمجـرد انك تعرفين لقبها بس
هنا: لااجل انام بالشـارع احسن والا ارجع لذل زوج امي ابرك لي وبعدين ماجاء على بالي اسآلها
نور وانحرجت بس صرفت الموضوع وقالت: هنو موقصدي بس ماتحسين ان اختيارك لصديقاتك
هنا وتقاطعها: نور يرحم والديك لاتصيرين ممله ومالي خلق نصايح زين ..
نور: هنو عمري بسآلك سؤال يدور بخاطري وابي اعرف جوابه منك وبكل صـراحة
هنا: امري ..
نور: انتي تحبين جنا ؟
هنا: اي
نور: طيب وهي
هنا: امانه هذا اللي يدور ببآلك نور انا عارفتك زين اسألي بدون مقدمات
نور: ماشاء الله عليك فاهمتني زين .. طيب الحين انتي شلون علاقتك بجنا
هنا: الحمدلله مافيه احلا منـها
نور: قصدي علاقتك فيهااا ( و تطالعها بنظره حاده )
هنا: شي طبيعي
نور وتفأجأت ماتوقعت صديقتها توصل لهدرجـه: من جدك توقعتك علاقتك فيها بريئه
هنا: مافيه علاقه بريئه بين بنت وبنت
نور: يـآسلآم والله وتغير كلامك ياهنو
هنا: مافيه شي يضل على حاله
نور : من جدك انا قاعده اشوف انسآنه ثانيه غير هنو البريئه العفويه اللي كنت اعرفها قبل مااسأفر لجده
هنا: هذا حال الدنيا ( وتعطيها نضره غريبه )
نور: ليش تطالعيني كذا
هنو: وشفيك
نور: هنو نظراتك هذي تخوفني كأنها نظرات ولد
هنو: نور وشفيك ياقلبي انا مستحيل انظر لك نضره ثانيه الا انتي يانور انتي اختي
نور: لاتطالعيني كذا لاتطالعيني
هنو: نور بسم الله عليك فيك شي .. نور انتي اختي وانتي اخر وحده .. ولاحتى اخر او اول مستحيل افكر فيك غير انك اختي
نور: احس انك تغيرتي
هنو : ماتغيرت ولاشي يمكن لانك عرفتي حقيقتي تغيرت نضرتك لي مثلهم كلهم .. اذا امي تغيرت مااشره على صديقه عمري اللي حتى نضراتي تخوفها
نور وحز بخاطرها كلام صديقتها وحست انها تسرعت بالحكم عليها وموعاجبها حال صديقتها وتحس صديقتها مثل الضايعه اللي محتاجه لحد يوقف جنبها ويوجهها
ويساعدها من اللي هي فيه فـ قررت انها ماتتخلى عنها وترجعها مثل اول واحسن : هنو انا مستحيل اغير نضرتي فيك
هنو: اسمع كلامك اصدقك واشوف افعالك استعجب
نور: شدعوه هنو ماتصدقيني .. طيب طالعي بعيوني وشوفي تصدقيني والا لا موانا نور عينك
هنو ممازحه: والله اخاف اطالع بعيونك وتسوين لي قلق
نور بنفس النبره الممازحه: على حسب انتي ونضراتك
هنو: هههههههههههههه يحليلج يانور .. يعني معقوله انا انضرك نضره موو
نور تقاطعها: مستحيييييل انتي اختي ..
هنو: قولي لنفسك
نور: يوووه هنو خلاص الحين بتمسكين هالسالفه علي
هنو: هههههه لا عاد وشدعوى .. اصلا انتي وجنا لو مهما تسوون مستحيل ازعل منكم
نور( جنا بكل موضوع من المواضيع الظاهر اني رح اواجه مشكله كبيره وياها بس لا مارح اخلي هالعقبه توقفني عن اللي ببآآلي )
وكملووا ضـحـك وسـوالف وخلصوا غدا ورجعوا للبيت .. وتــوهـآ دخلت لغرفتها وجنا كانت جالسه ع الســرير وتقرى مجله اما هنا فـ كان
معها بوكيه ورد مرررآآآ رومانس ع طول وبدون تردد راحت لجنا واعطتها اياه
جنا: اممم وش المناسبه!!
هنا: المناسبه ان كل يوم حبي لك يكبر ويكبر وبعدين انا اعشقك وهذي احسن مناسبه
جنا: بس عشآآن كذا
هنا هزت راسها بالايجاب
جنا وخذت بوكيه الورد وقالت: شكرا بس توقعتك حسيت اني زعلت لاني ماطلعت معاكم
هنا بعفويه: موهذا كان طلبك
جنا وعصبت بس ماحبت تكبر الموضوع لان اللي براسها شي ثاني : بس ولو المفروض ماتطلع الا وانت مراضيني
هنا: يعني انتي الحين زعلانه ياقلبي
جنا: مشكلتي مااعرف ومااقدر ازعل منـك بس مره ثانيه لاتسوينها زين
هنا : من عيوووني ياعيوني انتي
جنا انحرجت وضحكت بعفويه: ههههههههه مشكلتي اخق عند كلامك الحلو ( وماكملت كلمتها الا وام هنا داخله عليهم
نوال: وشتسون انتو بعد
جنا وهنا استغربوا دخلوها وهنا بالذات استغربت وانقهرت من حركه امها البايخه وشقصدها يعني وليش دخلت: وليش دخلتي بدون ماتدقين الباب!!
نوال: لآ تضيعين الموضوع وقوليلي وش كنتوا تسوون
هنا بنفس نبره امها الحاده : مثل ماانتي شايفه واذا مومصدقتنا قعدي معنا وسمعي سوالفنا ...أوف ياربي شنو هذا حتى بيتنا مو قادرين ناخذ راحتنا فيه
والا جاك ماجاء اللي مايتسمى وتبين تتحكمين وتتدخلين بكل سـكان بيتك
نوال: هنوو تكلمي بأدب ولاتنسين اني انا امك واسلوبك هذا من يوم ورايح تغيرينه فاهمه
هنا وبنفس النبره الحاده قالت: للأسف مااعرف اغيره او بالاحرى ماعلمتني ولاربيتني على غير هالاسلوب
نوال: وانا ماعندي شي من يوم ورايح رح اربيك من جديد لان انتي يبيلك اعاده تربيه
جنا وتدخلت لمى حست ان الموضوع يكبر وراحت عند ام هنا وقالت: خاله لو سمحتي تعالي معي شوي ( ويطلعون لبرى
جنا: خاله نوال الله يهداك شفيك على هنو .. يعني ماصار شي لهذا كله
نوال: لا والله ماشفتي اسلوبها الوقح معي كيف واقفه لي وتتخصر لي وترد الكلمه بالكلمه ولاكأنـي آمـهآآ
جنا: خاله صدقيني هنو ماتقصد معقوله هنو بنتك الوحيده اللي تحبك وتموت فيك وتطالع الله ثم تطالعك تكلمك كذا منا والطريق(بدون سبب)
نوال:وش قصدك ؟
جنا: قصدي انهامعصبه وانا اكثر وحده اعرفها هنو لاعصبت ماتعرف امها من ابوها وانتي بعد معصبه وانتي وياها اللي يهداكم كل وحده اعصب من الثانيه
انتي ياخاله حقك علي هالمره وروحي اجلسي بالصـآله ومالك الا ان هنو تجيك الحين وتتعذر لك .. صدقيني هنو اصلا ماتقدر تحط راسها وتنام وانتي زعلانه
منها ...
/
/
" لا والله مين قالك الا انام وانام بعد .. هذا اللي ناقص انا اعتذر المفروض هي اللي تتعذر"
جنا: اولا قصري صوتك مووقت هيآآآط ثانيا عيب ياهنو عيييييب هذي امك .. امك اللي لو مهما تسوين مارح توصلين لمكانتـها ومافيها شي
لو دخلت ومادقت الباب مو امك الحييين شـاكه بتصرفـآآتـك وحركاتك فـ اللي تسويه الحين شي طبيعي ولااا اقل من الطبيعي
هنا: جنونتي لآ تتعبين نفسك انا مارح اعتذر لها
جنا ويآست منها وقالت بنبره مختلفه: طيب اذا ماتبين تتعذرين لعيونها .. فكري فيها من كل النواحي .. هشوم هاليومين قالب عليك بسبب اسلوبك
ويا امك ووياه بعد .. وانتي محد يقدر يوقفك عند حدك غيره صح
هنو وجات تتكلم وقاطعتها جنا قبل ماتقول اي كلمه وقالت: ياهنو خليني اكمل كلامي .. تخيلي الحين لو زعلتي امك هالمره واستمر الموضوع زعل ورى
زعل وكل واحد فيكم مكابر ومكبر راسه مارح يجيك من هالمواضيع غير وجع الراس والهم وكذا والا كذا انتي الخسرانه مافيه طلعات وجيات مثل اول مافيه
بارتيات ولاحتى زيارات لبيت صديقتك ولاشي ولاتقولين مايقدرون يسوونها يقدرون وترى هم لوكانوا ساكتين لك الحين ترى موخوف منك بس حبا فيك ومايبون
يقسون عليك ترى امك للحين على ذمه زوجـها وكل ماعانتديها اكثر بالاخير رح تلجأ لزوجها اللي ماعنده اسلوب تفاهم غير يده ..ايده والقبر .. وحتى لو
طلعتي من البيت مره ثانيه اقلها رح يبلغون الشرطه ويرجعونك لاهلك وانتي ماتقدرين تقولين ولاكلمه وحتى ربعك اللي كنتي تروحين لهم لمى يدرون ان اهلك كذا
وكل كلمه والثانيه بلغوا وجابوك هم من نفسهم رح يبتعدون عنك لان الناس وخصوصا صديقاتنا مايبون مشـاكل كل همهم وناستهم وبسس ولاتستبعدين بعد هذا كله
زوج امك يجيب لك واحد شايب ومعفن ومتزوج ولاأأأ فوق هذا مطوع وحالته حاله يعني مثل حالتي وتتزوجينه عاد حزتها جد انسى شي اسمه هشوم والشله والجامعه
بعد ..
هنا وسكتت لبرهه وفكرت بكلام جنا معها حق بللي قالته وامها دامها تغيرت اليوم واستخدمت معها اسلوب الشده موبعيده بكره تقسي هشوم عليها وبالنهايه
تلجأ لزوجها اللي تكره وماتتمنى تشوفه وقالت بعد صمت : معك حق بس شسوي الحين
جنا وانبسطت ان هنو اقتنعت بكلامـها راحت وجلست جنبها ع الصـوفآآ وقالت: الحين بالذات تروحين لامك وتبوسين راسها وتقولين لها سامحيني يالغاليه
صدقيني ماتلاقينها الا حنت لك ورح تبطل من مراقبتها لك شوي .. وهاااه قلت شوي مو كثير
هنا: بس والله جنو صعبه اني اعتذر
جنا: هنوو انتي مضطره الحين اعتذري وش رح تخسرين وبعدين مهما كان لاتنسين انها امك !!
هنا: معك حق _ وراحت هنو للصـآله وكانت امـها جالسه تطالع تلفزيون وراحت لها وباستها ع راسها وقالت: اسفه ماما .. سامحيني
انا هاليومين ماادري وش صاير لي ..
اما نوال حست ان الدنيا موسايعتها من الفرحه وقالت: حبيبتي انا مازعلت منك اصلا مافيه ام تزعل من ضـنـآهآآآ وبعدين ياقلبي انتي اللي سامحيني
عشآن دخلت الغرفه بدون ماادق الباب واحرجتك مع صديقتك
هنا : لاعادي ماما ماصار شي .. بس انا ماهان علي انام وانتي زعلانه مني .. تصبحين ع خير يمه اعذريني بس فيني نوم وراسي مصدع شوي
( وهنا قالت كذا لانها بحد حنت لامـها ويمكن لو جلست مع امها اكثر كانت ارتمت بحضن امها وقالت لها كل اللي بخاطرها وماقدرت تجلس اكثر لانها
احتقرت نفسها وتصرفاتها السخيفه مع آمـهآآ بس اعتذارها كان طالع من قلبـهآ وتمنت امـها بجد تتقبل اعتذراها وتسـامحـهآآآ .. واول مادخلت غرفتها لقت
جنا بوجهها: هاه بشريني
هنا هزت راسها بالايجـاب وقالت: جنو معليه بس ابي انآآم الحين
جنا بنضره خبيثه : حتى انا ابي انام
هنا وطالعتها بجديه : لا بجد ابي انام طفي النور احس اني تعبانه شوي ( ورمت نفسها للسـرير واستـسلمت للنـوم )
/
/
/
" يــاترى حيـاتي شنو تفكر فيه " فاجأهـا صوت زوجـها اللي لاحظ سرحانهـا وهي جالسه معه ع العشــآآآ ..
نور: هاااه لا وشي بس موضوع شاغلني شوي
بدر: طيب قولي شللي شاغلك وخليني افكر ويآك شوي بدل ماتفكرين لحالك
نور بـأبتسامه: ياحياتي يابدر لهدرجـه مهتم فيني حتى ماتبيني افكر لحالي
بدر: انا موبس مهتم فيك الا احبببببك وميييت عليك واي شي يخصك يهمني ولازم اعرفه ..
نور: بس هالموضوع مايخصني يخص وحده من صديقاتي يعني هي في مشكله وتبيني اساعدها
بدر: وانا متأكـد انك رح تساعدينها وصديقتك ماغلطت لمى لجأتـ لك وانتي قدها وقدود
نور: مشكور يابدر بـجـد كلامك هذا يريحني وان شاء الله ربي يساعدني واكون قد هالحمل يارب ماتتصور يابدر وشقد هالموضوع
متعبني وصديقتي هذي بالذات بأمس الحاجـه لي والله يقدرني واساعدها
بدر: الله يسمع مـنك .. ويانور لو كنتي محتاجه مساعدتي واستشارتي بأي شي انا موجود
نور هزت راسها بالايجـآب وهي تفكر بحـآآل صديقتها المتغـير واللي موعاجبـهآآآ بــالمـرأأأ ..بس خطرت ببالها فكره حست انها مناسبه او ع الاقل حل وسـط
نور وفزت: لقيتهااا
بدر: شفيك
نور: دقيقه حبيبي شوي واجي .. ( وتروح غرفتها وتطلع موبـايلها وتتصل بجـنـآآ وردت عليها بدون تـردد
نور: الو هلا جنآآ شلونك
جنا: الحمدلله تمام سوري بس مين انتي ؟
نور: آنـا نور عرفتيني ..
جنا وتغيرت ملامح وجهها : هلا نور وشفيك
نور: مافيني شي بس حبيبتي بغيتك بموضوع والموضوع شوي يطول بس مااقدر اتكلم فيه بالتلفون حبيبتي ابي اقابلك برى ونتفاهم
جنا: طيب مافيه مشكله انتي قولي لي وين ومتى !!
نور: انتي حددي الوقت والمكان اللي يعجبك .. اوكي صـآآر باي حبيبتي ( وتسكر وتفكر بخاطرها : ان شاء الله يجيب معها هالحل نتيجه ..
اليـــوم التــــآآلـــي .. صحت هـنا من نومـها بدري واستغربت لمى ماشافت جـنا موجوده وشافت رسـآله تركتها لها جنا ع التسريحه مع ورده حمرا
خذت الرسآآله وقرتها : هلا حبيبي .. صـباح الخير .. انا اضطريت اروح للبيت كم يوم كلها كم يوم وراجعه .. احبك جنونتـكـ ..
هنا خذت الورده والرسـآآله حطت بأحـد ادرج تسريحتها وابتسمت وبالمرا خذت لها تـأج عشان ترجع خصلات شعرها المتمرده على عينها وبعد مالبست التاج وهي تشوف شعرها
اللي طول بطريقه ملحوظـه جـدا قالت بخاطرها: اووووف لازم ينقص ..
ويدق بـآآب غرفتها واستغربت وقالت: ادخل
نوال: صبـآح الخير حبيبتي
هنو وهي جالسه ع سريرها تتصفح مجله ازياء رجاليه قالت بدون اهتمام: هلآ
نوال\ هنو وشرايك نفطر بـرى
هنو: ماابي .. (وتطالع امـها : ماعندك دوام اليوم
نوال وتجلس جنبها: لاحبيبتي امس عطلنا خلاص وسكرت المدراس
هنو وترجع تطالع المجله : اي زين
نوال: طيب وشرايك نروح انا وانتي للمطبخ ونسوي لنا فطور
هنو: مالي خلق وماني جوعانه انتي شكلك جوعانه روحي للمطبخ وسوي لك فطور ..
نوال: انا بعد ماني جوعانه بس كنت ابي اكل عشآنـك
هنو: لا اجل لاتاكلين انا ماودي بشي .. ولاجعت كلمتك
نوال: طيب متى تطلع نتايجكم
هنو: مدري عنها بس نراجعها ع موقع الجامعه
نوال: وبشريني حبيبتي شلون تتوقعين نتيجيك
هنو بسخريه: ههههههههههه من زمآآن خلصت اختباراتي توك تسألين!!
نوال ورقعت الموضوع وقالت: هنو انا امك ومن حقي اتطمن عليك بأي وقت اشوفك فيه ومو انا سبب القطيعه اللي صـآرت
هنو: على طاري القطيعه وشخبار زوجك
نوال: وانتي من متى تهتمين بأخباره ؟
هنو بقله اهتمام: على قولك اصلا هو مايهمني بس دامك للحين ع ذمته .. انا افضل انك تروحين وتجلسين معه لان كثر قعداتك معي مامنها فايده ولاتتعبين نفسك
انا مارح اتغير وخلي علاقتنا رسميه احسن ( وتقوم وتطلع من الغرفه اما امها فـ كانت مرا محتاره من اسلوبها ومزاجـهآآ المتغير ..
/
/
/
" مو اصـلآ علاقتنا رسميه من الاول .. وانا ماجيت هنا اتكلم معك عشآن نعمق علاقتنا او حتى نزيد التعارف انا ابي علاقتنا رسميه اصلا " قالتها لجـنا وهم جالسين بكـافي نسائي راقي ويفطرون
جنا: طيب يانور دام علاقتنا رسميه وماتبيننا نتعمق ع اي اساس تتكلمين معي بمواضيع خاصه !!
نور وقالت بنبره جاده: شوفي ياجنـآ انا وانتي مانتفق او بالاحرى كل وحده فيننا شايله على الثانيه وكل وحده لها اسبابها .. انا ماجيت عشان اقولك هالكلام او غيره انا وانتي
اللي يربطنا هو هنـا وهي تهمني مثل ماتهمك وانا خايفه على مصلحتها
جنا وعصبت من كلامها وقالت: خايفه على مصلحتـها .. ليه وش قالوا لك انا بضيعها والا بخربها .. وبعدين اصلآ انتي مين عشآن تخافين على مصلحـتها .. اووه نسيت انك صديقه
عمرها اللي معها طول عمرها وبعدها رحتي جده وتزوجتي ولاوحده فيكم درت عن الثانيه ولكن لمى تزوجتي ورجعتي للشرقيه سويتي نفسك مسؤوله عنها ونعم الصديقه والاخت والله
نور: علاقتي بهنا مااسمح لك تتدخلين فيها وبعدين انا اكثر وحده فاهمتها ومستحيل اضرها ومحد يبي مصلحتها كثري
جنا: وصلنا خير ومن الاخير انا مارح اتدخل بـعلاقتـك مع هـنا وحتى انتي لاتتدخلين بعلاقتي معها ( وتجي تقوم وتمسكها نور من يدها وتوقف وتقولها : جنا قعدي وسمعيني شوي
جنا وهي واقفه: اسمعك ليش انتي جايه تهزئيني وتسوين نفسك تبيني اسمعك بعد
نور: اذا موعشآآني عشان هنو بقولك كلمتين وفكري فيهم زين وبعدها انتي حره سوي اللي تسوينه
جنا بغرورها المعتاد: انا حره غصب عنك وكلمتينك هذولي ماهموني بس تدرين رح اجلس واسمعهم مو عشآآنك ( وقالت بنبره دلع تتعمد تقهرها: عشان هشومي حبيبي
وترى بالاخير لارح اسمع كلامك ولاشي رح اسوي اللي براسي ( وترجع تجلس مقابلتها وبكل غرور وثقه ..
جنا: خلصينا وقولي وش عندك !!
نور: شوفي جنا .. انتي عارفه ان هنو تحبك وانتي بعد تحبينها .. بس لو كنتي بجد تحبينها المفروض تتمنين لها الخير صح .. انا مااقول انك انتي اللي خربيتها او حتى
اجبرتيها على شي لان وببساطه مااحد يقدر يجبر احد على شي .. وبعدين انا اعرف هنو زين .. هنو لو ماتحبك ماكان سوت اللي سوته معك .. جنا انتي لو كنتي تحبينها المفروض
تخافين على مصلحـتها قبل كل شي .. انتي عادي عندك تهزين عرش ربــكـ .. جنا ترى محد رح ينفعك لا هنو ولاالشله ولاحد تخيلي لو تقابلين ربك وانتي على هالشكل وش رح تقولين له
لو انحطيتي بقبر صغير محد معك لااهلك ولا زوجك ولافلوسك ولااصلك وفصلك ولاحتى حسبك ونسبك وحتى هنو مارح تنفعك .. مارح ينفعك الا عملك الصـآآلح واللي قاعده تسوين كبيره
من كبـآئر الذنوب كيف هآآن عليك تهزين عرش الرحمن
جنا وخافت من كلامها لانها وببساطه تدري عن كل اللي تقوله نور بس ولامره فكرت فيه بجد وقاطعتها وقالت: نور مو ناقصه مواعظ وترى المقابله انتهت _ وتطلع وبسررررعه وهي تتجنب
دموعها اللي نزلت غضب عنها لمى سمعت كلام نور ماتبي تقعد معها اكثر لانها عارفه آنـهآآ صـادقه بكل كلمـة تقولها ولانها خايفه من كلامـها وكل مره تبعد هالشي من بآآآلهــآآآ ..
الســـآآآعه الثـــامـنــة ليــلآ .. ببيت هـنا كانت جالسه بالصــآآآله تلعب بلاي ستيشن مع اخـوها عبووود وكل مره تغلبه بالكووره وهو شوي ويصيح بس يكابر وبعدين هنو قامت
تخسر نفسها عشآآآن ماتزعل اخوها ومسكين اخوها مصدق نفسه انه هو اللي يفوز وهنا معطتـه جوووه وقطع عليها لعبهم صوت جوووال هـنا ..
هنا : الو هلا بازوكــآآآ .. انا بالبيت ليش
بازوكا: بو الشباب تعال بيت سعود الحييين
هنا: لالا الحين مايمديني
بازوكا: بلا بياخه عاد وتعال كلنا متجمعين مابقى الا انت
هنا: لا المشكله محد بالبيت الا انا وعبود
بازوكا: بسيطه عبود بزر جيبه معنا ويتسـلى معنا بس انت تعاااال
هنا: خلاص طيب حمستني والله بس بكلم الوالده عشان حضر التجول اللي عندنآآ .. اوكي بآآآي ( وتسـكر من عندها وتلفت لاخوها : عبود وشرايك نروح عند صديقتي
عبدالله : هي عندها العاب ببيتهم ؟
هنا: عندها كل انواع الالعاآآبـ بلاي شتسن واكس بوكس وحتى دبابات عندها بالبيت
عبدالله: واووووو خلينا نروح
هنا: طيب انت روح غير ملابسك وانا بتصل بآمي وبقولها وتتصل : الو هلا ماما
نوال: هلا حبيبتي وشفيك
هنا: ماما ابي اروح لعند صديقتي .. لالا بآآخـذ عبود معي مارح اطوول هااه وشقلتي
نوال: طيب حبيبتي مو مشكله روحي مع السواق وخليه يرجعك بس ماتطولين
هنا: اوكي ماما بآآآي ( وتروح تلبس وتطلع هي واخـوهاا .. )
ببيـــت ســعود .. دخلت هـنو مع اخــوهآآآ عبدالله وكانت مسويه لاخوهآ سبايكي بـشعره وملبسته بنطلون اسود سكيني وبلوزه بيضـا نص كم وهي لابسه مثله بعد بس شعرها مخليته عادي
لانه صـآآير طويل وماينفع بالسبايكي .. واول مادخلت الكل انهبل من ستـآآيـل اخـوهآآ ..
بازوكا: ياعمرررري علييييه والله شسمك ياحلووو
عبدالله : انا عبدالله
سعود: معليه هشوم اخوك احلا منك بمليووون مره يجنن بسم الله عليه
شمه وكانت توها جايه من داخل واول ماشافت عبدالله تجننت عليه وراحت له وشالته وجلست تبوسه وجلسته جنبها بالصوفا
شمه: عبدالله حبيبي انت صف كم ؟
عبدالله: بروح الثالث الحييين انا خلاص كبرت ..
شمه/ ماشاء الله عليك .. طيب عبود انت تحب تلعب بالدبابات
عبدالله: اي احبها مرررره هنو قالت عندكم دبابات وينها انا ماشفتها
شمه: بس كذا ولايهمك الحين بروح انا وانت ونلعب وشرايك
عبدالله: طيب بس بقول لاختي اول ( ويروح لهنو
عبدالله: هنوو انا بروح مع هذيك البنت وبلعب بالدبابات برى طيب
هنو وهي شافت معه شمه قالت: طيب بس ماتلعب كثير شوي وخلك مؤدب واركب بدبابات الصغيره ولاتسوي ازعاااج والعب شوي شوي
عبدالله: طيب ممكن اروح
هنو: ممكن (وتطالع شمه : واللي يعافيك انتبهي له وشوي وجيبه لانه ماينعطي وجه ومايمل من اللعب
شمه وهي ماسكه يد عبدالله : لاعآآآدي اصـلآ انا متعوده على الاطفـآآآل وبلعب معه لين تلخصون شغلكم ( وتروح مع عبدالله ..
وجات فتوش ومعها رجل لبنـآآآني ولابس بدله رسميه
فتوش: تفضل مسيوو جورج
جورج: كلك زوق .. طيب ياصبايا مين بدا تلبش اول ( كلك ذوق طيب يابنات مين تبي تبدء اول ؟ )
هنو: شسالفه !!
سعود وتقوم: اي صح نسيت مااعرفكم .. هذا مسيو جورج الكوافير الخاص فينآآ وهو بيني وبينك كوافير رجالي ويعرف كل قصاتنا ومن يوم ورايح ماتقص الا عنده
هنو وهي مستانسه: والله زين
سعود: مسيو جورج اعرفك على هشوم
جورج : مرحبيتن .. ليك هشوم شعراتك كتير طولانين انت بدك قصن كلن والا متل بازوكا بقصن ع طولن ( هشوم شعرك طويل انت تبي اقصه كله والا اقصه ع طوله مثل بازوكا)
هشوم واستانست عليه : امممم عبالي ستايل بس موعارفه اشرح لك زين انت عطني الكاتلوج وانا بشوف
جورج ويعطيها الكاتلوج : خدي راحتك
سعود: طيب اجل على ماتاخذ راحتهاا مسيو جورج ابدء فيني انا ابيك تقص شعري كالعاده تخليه مثل ماهو كدش بس تخفف لي من هالكشه شوي
جورج: لكان يلا تعي معي تـ نلبش بالشغل
سعود: يلا
( وراحت سعود وطلعت وقصت شعرها وبعدها بازوكا قصته ع طولها وبازوكا ودها تقص اكثر بس ماتقدر عشآآآن اهلها فـ قصته خفيف من قدام عشآآن السبايكي اما فتوش فـ غيرت لون شعرها
للبني وقصته ايموو ع طوله وجاء دور هـنو اللي اصــرت انها تكون اخر وحده وعذرها ان شعرها اطول شي وبتطول وراحت وجلست ثلث سـآآعه وبعدها طلعت والكل استغرب من ستايلها ويطالعون فيها
بـــآآآستـغراب
بازوكا: هشوووم انت مخربها
هشوم: ليه يعني مو حلو شكلي
سعود: مين قال حده فنن
فتوش: هو حلو بس اهلك عادي
هشوم : واهلي وش دخلهم شعري والا شعرهم !! ( وتتصل امـهآآ وتقول لها ان السواق بــــرى وطلعت بدون تردد .. وراحت للبيت واول مادخلت البيت كان اخوها هشوم وامـهآآآ جالسين بالصاله
واول مادخلت وشالت الشيله الكل انبـهـر من شـكلـهآآآ ..
نوال: هنو وين راح شعرك
هنو: قصيته ..
نوال: ومالقيتي غير هالقصه انتي من جدك طالعي شلون شكلك مافيه انوثه
هنو: هذا شعري وانا حره ان شاء الله لو اقرع محد له دخل
هشام وعصب من اسلوبها: هنو ووجع تراك مسختيها تكلمي مع امي بأدب لااقوم واعلمك الادب
هنو خافت من اخوها وقالت: زين انا وشقلت الحين لهذا كله حتى شكلي تبون تتحكمون فيه وبعدين هذا ستايل وموديل السنه وكل البنات يسوونه
نوال: لا والله اي بنات ذولي اللي يسوونه انتي تضحكين علينا والا شافتنا بزران عندك
هنو: لا اضحك عليكم ولاشي اصلا هذا ستايل السنه والكل يحبه وبعدين اهم نجمات هوليوود يسوونه وهذا يسمونه ستايل سامنثا رونسون
هشام: لا والله مستانسه بستايل هاليهوديه الكافره ولا تتفاخرين بعد انتي تعرفين سامنثا هذي وشتطلع .. والا عجبك ستايل ذيك المسترجله
هنو: هشوم تراك مسختها هذا شعري وانا حره فيه وبعدين سامنثا هذي موسيقيه و من اشهر الدي جي بهوليوود والكل يحبها ويقلدها
هشام:اصلا انتي وحده ماتستحين على وجـهك وكل ماسكتنا لك اكثر كل ماتماديني بالله شوفي شكلك بالمرايا هذا شكل بنت .. حتى شعري اطول من شعرك
نوال: خلاص ياهشـام اللي صار صار .. لكن ياهنو من يوم ورايح لي تصرف ثاني معك وشعرك هذا مااسمح لك تقصينه مره ثانيه فاهمه
هنو: شنو هذا استعباد ..
نوال: اقولك انكتمي ولاكلمه ولك عين تتكلمين بعد .. من جد ماتتسحين على وجـهك روحي لغرفتك الحين بـسكـات لايصير لي تصرف ثاني ويآآآكـ
هنو وانقهرت وقالت: اوووف اوووف ( وتروح لغرفتها وتقفل على نفسها الباب وهي مقهوره من امها واخوها .. وخاصه ان اخوها هاليومين صاير مايطيق منهـآآ كلمه ولو
تقول كلمه زيــأده رح تنضــرب فــ عشــآآن كذا هي محترمه نفسها هاليومين ..
هنو: ياربي شنو هذا اليوم يتحكمون بشعري وبكره يمكن مايسمحون لي اكح الا بـأذن منهم اوووف عيشه تقصر العمر ..
( وتطالع شعرها بالمرايآآآ باعجاب وعاجبها شعرها بالمرااا قصته بالمررررأأأ بوووي وصاير خفيف جدا وكانت اول مره تقص كذا مثل ستايل سامنثا رونسون بشعرها البني البوي وهالستايل
مررررآآآ عاجبها ومقتنعه فيه وجلست ع النت وجالسه تسوي بحث عن سامنثا رونسون وتتبع ستـايلها اللي عاجبها بالمرآآ ولااهتمت بكلام امها واخوها وكان كل همها تعاندهم اكثر واكثر ..
وبــالصـــآآآلــه ..
هشام: يمه بنتك هذي ماينفع معها الدلال ويبلها حد يربيها من جديد
نوال: هشام وشفيك هذي اختك وتؤامك والمفروض ماتقول عنها كذا
هشام: والله يمه انتي اللي شفيك انا من الاول كنت شاك فيها بس لانها اختي وتؤامي ماحبيت اضلمها اوحتى اتسرع بحكمي عليها بس هي اللي جابت الكلام لنفسها
وبعدين عمي محمد صادق باللي قاله يايمه بنتـك مسترجله
نوال وعصبت: هشام وبعدين .. احترم نفسك وانا عارفه تربيتي لبنتي زين .. بنتي مستحيل تصير من ذيك الاشـكال ..
هشام: وانا بعد قلت مثلك وقلت اختى لايمكن تكون مثل ذيك الاشـكال بس من بعدين اليوم عرفت الاتأكدت انها مسترجله يمه انتي ماتعرفين مين سامنثا ذي اللي بنتك مستانسه
عليها وتقلدها
نوال: الحين انت تقول كلامك هذا عن اختك عشان بس قصت شعرها مثل نجمه من نجمات هوليود!!
هشام: يمه انا موسطحي لهدرجـه .. سامنثا هذي وحده بريطانيا شاذه ومسترجله وبنتك معجبه فيها وبستايلها وتقلدها بعد يمه انا بس لو اتأكد ان هنا مثل ظني وربي رح تكون نهايتها على يدي ( ويطلع
من البيت وهي معصب بالمرآآآ .. اما امها فـ خافت من كلام اخوها وقررت تروح لبنتها وتتفاهم معها كأم ومش كصديقه لان بنتها تمادت كثير ولازم توقفها عند حدها وتعقلها )
نوال ودخلت غرفه بنتها بدون ماتدق البآآآبـ : هنو اسمعيني ..
هنو ومالها خلق امها وشالت اللاب والسماعات وحطتهم ع جنب وقالت بدون اهتمام: خير فيه شي ثاني بعد نسيتي تهزيئني عليه وتذكرتيه وجيتي تقولينه
نوال بنبره حاده: هنو بلا قله ادب تراك مسختيها ولو كنت ساكته عنك طول الفتره اللي راحت فـ لاتعتبرينه خوف مني انا قلت اعاملك مثل وحده كبيره وعاقله بس الظاهر التفاهم ماينفع معك
هنو واستغربت من نبره امها الحاده وقالت: طيب وش المطلوب الحييين !!
نوال : تكلمي بأدب فاهمه ..
هنو وخافت من امها وقالت وهي تتصنع الكبرياء: ان شاء الله
نوال: هنو بسألك سؤال وابيك تجاوبيني بصـراحه وبدون ماتكذبين علي .. تراك تعتبتينا كلنا معك
هنو: ......
نوال بشده وحزم: انتي مسترجله
هنو وانصدمت من سؤال امها معقوله امها ماتدري عنها او حتى ماشكـت .. هنو ملت من الكذب والتأأليف وهي حاسه ان امها تدري بس تبي تسمعها منها او حتى هي قررت تواجه
الكل بحقيقتها وماتخبي والله فيها فيها يعني هنو اتبعت مبدء هي خاربه خاربه خلينا نعميها : اي ..
نوال واستغربت من جواب بنتها وماتوقعت ردها يكون مثل كذا او بالاحرى تمنت تسمع شي ثاني ولو هنو قالت لها لا او حتى كذبت عليها كان صدقتها لانها هي اصلا مو مصدقه الفكره او حتى مكذبتها وقالت
بصدمه وذهول: وش تقولين انتي مسترجله ياهنو !!
هنو بقله حيله ونفاذ صبر: يووووه ماما ترى طفشتيني .. معقوله مسويه نفسك ماتدرين شوفي معي
( وتروح لخزانتها وتطلع ملابسـها : مامي شوفي كل ملابسي ملابس اولاد طالعي شكلي كاني ولد قدامك مو بنت وحتى طريقه كلامي مثل اخواني واكثر بعد وحتى
مااحط حلق بأذني ولااحبه وشوفي تسريحتي كلها جل وسبراي وعطور رجاليه مافيها وحتى قلم كحل وشوفي تشوازتي مثل هشوم اخوي واحلا بعد حتى عبايتي مفصلتها ثوب
ولد كل هذا ماعرفتي اني مسترجله
نوال: بس انا ماربيتك على كذا ياهنوو
هنو: ماما انا كذا من وانا صغيره بس لمى دخلت الجامعه وتعرفت ع بنات اكبر مني وكلهم مسترجلات مثلي تماديت اكثر واكثر وانتي كنتي لاهيه بزوجك وشغلك وعلى فكره انا مو بس مسترجله الا انا
بويا وافتخر اني بويا وانا مليت من التصنع قدامكم انا بقولك ياماما عشــآآآن ترتاحين يمكن انتي ماتمنيتي تكون بنتك بهالشكل بس للأسف فات الاواآآآن اللي توقفين بجبنها وتساعدينها ياليتك جيتي من البدايه و
كلمتيني او حتى لاحظتي التغير اللي انا فيه موالحين لمى طاح الفاس بالراس
نوال وهي مصدومه وكلام بنتها تسمعه مثل الصاعقه قالت: آآآيششش يعني .. شقصدك بطاح الفاس بالراس
هنو ومااهتمت لامها ولاحتى بشكلها المصدووم وكل همها تقول اللي بخاطرها وتخلع قناع البراءه اللي امـهآآ تظنها فيه : ماما انا مو بس مسترجله انا شاذه بعد ارتحي الحييين وعرفتي كل اللي
خاطرك تعرفينه
نوال وراحت لبنتها وطالعت بعيونها وقالت لها بجديه: وتقولينها بكل جراءه وقله ادب بعد ..اذا ماخفتي مني لازم تخافين من ربك اللي فوقي وفوقك وتحسبين له حسآآب شللي حادك انك تسوين هذا كله شللي
ناقصك ياهنو قوليلي
هنو: ماما مافي شي ناقصني بس انا احب هالشي و
نوال تقاطعها بحسره وألم: طيب ليشش .. ليش صرتي كذا .. معقوله عشآن بنات الجامعه بس عشان ترضينهم صرتي بويا وعشاني لهيت عنك شوي طيب حبيبي
ابيك تعطيني سبب واحد قوليلي ليش صرتي كذا ليييييش !!
هنو بخيبه امل قالت لامها وبكل صراحه: ماما .. أنـا بنفسي مو عارفه شلون صرت مثل كذا .. آنـآآ تعودت ع هالشي او بالاحرى محد جبرني انا اللي اخترت هالطريق وحبيته واستمعت فيه .. وماصرت
اتصور نفسي خارج هالطريق اللي اخترته وحبيته
نوال تقاطعها: هنو ماني قادره اسمع هالكلام منك هذا مو كلامك هذا كلام الشيطان .. هنو حبيبتي انت بداخلك اكيد رافضه هالفكره وماتحبينها بس الشيطان يحبب لك هالافكار
هنو واستغربت رده فعل امها وتوقعت ان امها تضربها اوحتى تهاوشها بس امها كانت تكلمها بعقل واسلوب وتبي تفهمها وقالت: ماما انا ولامره فكرت ان الشيطان هو اللي يوسس لي ولاحتى خطرت
ببالي هالفكره .. بس انا تعودت على هالشي وحبيته
نوال: موانتي اللي حبيته .. الشيطان يحببك فيه .. طيب بسألك حبيبتي انتي لمى تجلسين بينك وبين نفسك ماتحسين بالذنب ماتقولين هذا غلط ولازم ابتعد عنه
هنو: هااه .. مو احس هو شي غلط بس انا ماقد مره سألت نفسي لو هذا كان صح او غلط انا ..
نوال: انتي بنتي اللي احبها وانتي اقوى من الشيطان اللي بداخلك وانتي اللي المفروض تسيرين نفسك ماتخلين رغباتك تسيرك
هنو: ماما مافي احد يجبرني اسوي اللي اسويه انا سويته من نفسي
نوال: هنو انتي تدرين انك باللي تسوينه تهزين عرش الرحمن
هنو وخافت وفتحت عيونها ع الاخر: هأأأأه !!
نوال: اي تهزين عرش ربك .. تخيلي عاد ليش تسوين هذا كله وعشان مين .. مافيه شي بينفعك لاالبنات اللي معك ولاحتى اي حد يشجعك عللي تسوينه
هنو بكره لاصرتي بقبرك وسألتي عن اعمالك بأي وجه رح تجاوبين وتواجهين ربك .. اللي تسوينه حرام ومايتقبله لاعقل ولامنطق وانا ماربيتك على كذا و لاحتى
هنو ودمعت عيونها وقالت: ماما الله يخليك خلاااص .. اسكتي ماابي اسمعك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك