رواية ضمني على صدرك وابعدني عن الناس -1
رواية ضمني على صدرك وابعدني عن الناس
الكاتبه : الين اليوم
منتديات غرام | أقلام لا تتوقف عن الإبداع
السلام عليكم ورحمه الله وبركاته
اليوم قررت انزل قصتي وبصراحه مالقيت احسن من منتديات غرام
ضمني على صدرك وابعدني عن الناس
والله ياعمري لاسكر بدون الكاس
فاديه:بابا تكفى ابغى ملحق لي زي الي عند بنات عمي شعاع وشمس
ابو فاديه:بس يا بابا هذا بيتنا كبير اختاري اي صالون واخذيه
فاديه:لا لا ابغى ملحق اهيص به بالعطله مدام ماراح نسافر
ابوها كسرت خاطره وقالها:خلاص ياعيون ابوك انتي بس امري وعلى هالخشم
فاديه:الله يخليك لي وباسه راسه وطلعت مبسوطه
اليوم الثاني (بالمدرسه)
فاديه:تصدقي شعاع انا مبسوطه لان بابا وافق
شعاع:وناسه يعني السهره مره عندنا ومره عندكم
فاديه:اكيد
اااف طولت الحصه كل هذا تاريخ المماليك وتونا بنص المنهج
شعاع: عاد انا امس شايفه
فلم مصري عنهم ماخذ
اكثر من ثلاث ساعات
فاديه:هههههه اجل ليش يمطونه لنا بعشر اسابيع وحصتين بالاسبوع
شعاع: تذكرت امس اختي شمس انخطبت
فاديه:والله منو ليكون الاحول مره ثانيه
شعاع: هههههه لا حبيب القلب
فاديه:راكان معقوله اخيرا
شعاع: اي والله مابغا بس لما شاف الاحول مصر على شمس تحرك
فاديه: الله يهنيها من قدك يا شموسه اخيرا جاء حبيب القلب
شعاع: تعالي شوفيها طايره من الفرحه
صفرت الحصه وطلعن البنات للساحه
شعاع:فدو تخيلي كل وحده تاخذ حبيبها زي شمس
فاديه:كان الدنيا بخير ومحد تطلق
شعاع:وانا اتزوج معاذ وانتي تتزوجين اخوي ماجد
فاديه:ليش انشالله اتزوج ماجد مايصلح ومعقد
شعاع: علي هالسوالف احس فيك تحبينه
فاديه: لا غلطانه ولا يعنيلي شي(طبعا تكذب لانه يعجبها من زمان بس ماتحب تبين)
شعاع:طيب ليش حرف الMمالي كتبك اذا موماجد منو
فاديه توهقت: هاذا ...هاذا بابا محسن
شعاع:يعني انتي موببالك ماجد
فاديه:طبعا لا
شعاع: الحمد لله تصدقين حتى هو مايبيك بس ابوي ناشبا في حلقه مالك الى فاديه
فاديه(انصدمت ):.......
شعاع:عاد تدرين من حاط عينه عليه
فاديه:من؟
شعاع:بنت خالي تركي لولوه وانتي عارفه المشاكل بين ابوي وخالي والعلاقات مقطوعه تماما
فاديه:وعشان كذا عمي بيدبسني بولده
شعاع:يعني هو موببالك ابدا
فاديه: اكيد لا وبعدين هو يحب لولوه شبغابه
شعاع: ياخبله انتي بنت عمه واولى من لولوه
فاديه:......
شعاع :فدو وشفيك ساكته
فاديه: افكر بكلامك
انتهى الدوام وجاء وقت الطلعه
كان ماجد ناطرهم بالسياره
شعاع: يله فرصتك حاولي تشدي انتباهه
فاديه:شوشو كيف؟
شعاع:انتي وشطارتك
راحوا اول ماركبت فاديه السياره
قالت بنعومه :السلام عليكم
ماجد بجفاء:هلا
ومشى بسرعه وطول الطريق وهو يتأفف
فاديه بنفسها تقول (هاذا مابه امل واضح انه يبي يطفشني لايكون صدق حاله هالمغرور)
وصلت فاديه للبيت شافت ابوها بدا ببناء الملحق استانست ونست ماجد وطوايفه
فاديه: ماما
ام فاديه:هلا فاديه يله اطلعي غير ملابسك وتعالي تغدي
فاديه: طيب انا طالعه
على الغداء فاديه وابوها وامها
فاديه:بابا متى بيخلص الملحق
ابو فاديه:ان شالله باول العطله
يكون خالص بس انتي اختاري الالوان والديكورات
فاديه: طيب بابا انا آخر الاسبوع راح اطلع مع شوشو بنت عمي واعطيك القرار النهائي الجمعه
ابو فاديه: خلاص اتفقنا
يوم الخميس
طلعن شعاع وفاديه للسوق عشان فساتين لخطوبه شمس وديكورات لملحق فاديه
شعاع:فاديه وش رايك نلبس فساتين زي بعض ونصير زي التوم
فاديه: وااااو فكره حلوه موافقه
اشترن فساتين ذهبيه مع اكسسوارات نفس الشي وحجزن كوافيره
فاديه: شوشو مابقى الا الديكورات
شعاع: يله هاذا محل بسرعه انا تعبانه
فاديه:شوفي هاذا حلو وش رايك قاطعهم البياع
البياع: اهلا اختي بغيتي شي
فاديه: لو سمحت ابغى اخر
اشكال الديكورات
البياع(باستهزاء):انتو جايين لحالكم مامعكم رجال
فاديه(عصبت):انت شدخلت لك فلوسك كامله وخلاص
البياع حس بالاهانه:وانا ماعندي شي ابيعه لك
فاديه: انت على وشو شايف عمرك ترى المحلات كلها تتمنانا نجيهم
البياع :خلاص روحولهم
فاديه: صدق قله ادب
طلعت من عنده معصبه
وراحو محل ثاني بس لما قرت شعاع اسم المحل ظلت واقفه
فاديه: شعاع وش فيك
شعاع: هاذا المحل لمعاذ
فاديه:اي معاذ...حبيب القلب
شعاع :ايوه حبيب قلبي
فاديه: ليه ماقلتي من اول كان ماشفنا قليل الادب الي قبل شوي
شعاع:انا ماكنت عارفه الا لما قريت الاسم
قاطعهم صوت رجال وراهم
معاذ: شخبارك يابنت جيراننا
شعاع شهقت وعضت على شفتها وقالت لحالها(يارب ماسمعنا)
فاديه: عفوا اخوي تعرفنا
معاذ: انا معاذ صاحب المحل
انا اعرف شوشو اقصد الآنسه شعاع بنت جيرانا
واشر بيده وقال:تفضلو المحل تحت امرك
فاديه سحبت ايد شعاع الي للان ماطلعت من الصدمه ودخلتها المحل
ظلت فاديه تتفرج على الديكورات وتسأل شعاع وشعاع مومعها
اما معاذ مانزل عينه عنها يفكر بالي سمعه (معقوله تحبني زي مااحبها ماني مصدق)
قاطعه صوت صديقه بندر
السلام
معاذ :وعليكم السلام
فاديه اختارت وكانت بتقول لمعاذ عشان يحجزهم بس اتفاجأت بوجود قليل الادب مع معاذ
معاذ:وش فيك معصب
بندر: دخلت قبل شوي عندي وحده استغربت انا مامعها رجال سالتها معك رجال قالت (يقلدها)
انت وش دخلك لك فلوسك كامله
حسيت بالقهر وطردتها
معاذ: معها حق انت وش دخلك
بندر:مادري قهرتني بس عجبتني قوة شخصيتها و حسيت اني غلطان لحقتها ابي اعتذر بس مالقيتها
دخلت فاديه :مايحتاج تعتذر اصلن ماهميتني
بندر انقهر: انتي ليش مغروره
طنشته وعطت معاذ ورقه فيها
مديلات الديكور وقالت:بكره انشالله يجي بابا(وشددت على بابا وهي تناظر بندر)ويتفق معك
بندر حس انه مقصود قال:ياانسه انا ماقصدت شي بس الديكور شغل رجال وانا ماتعودت على البنات
فاديه: حصل خير
معاذ: بأسم مين الحجز
فاديه:بأسم محسن الزاهي
معاذ: تفضلي اختي هاذا كرت المحل وفيه جميع ارقامي
اخذو البنات الكروت وطلعن
بندر:ياخي قويه وشكلها بنت عز
معاذ: ليش ماتعرف عيله الزاهي عيله عز
بندر:سمعت عنها كثير
معاذ: اااه يابندر شفت الي معها هذي بنت عمها وهي شوشو حبيبتي
بندر :ياخساره ليه ماعلمتني عشان اقزها زين
معاذ: لا يشيخ احلف بس
بندر: هههههه امزح وش فيك
معاذ: ادري انك تمزح ولا كان صارت علوم
بندر:انا عاجبتني بنت عمها ماتعرف اسمها
معاذ:لا ماعرفه بس(يقلد صوت بندر)
انا ماتعجبني اي بنت ابي بنت تزلزل كياني
بندر:اي والله زلزلت كياني
ياخي اسلوبها وثقتها بحالها وقوة صوتها اشيا جذبتني
معاذ:والله مانت سهل يابو فيصل
بندر طلع(يغني): تعجبيني في غرورك واعتزازك
وتتعبيني في ميولك وانحيازك
انت يانجم البديع الحالمه
بين النجوم
(اي والله نجمه بديعه)
ذكرياتك في خيالك ماتنوم
وان نسيتك ذكريني ذكريني
وارسلي الذكرى بمزاجك
كذا كذا كذا تعجبيني
(اي والله يابنت الزاهي تعجبيني)
رجعن البنات للبيت
فاديه:ها ماما شرايك مو كانا توم
ام فاديه:يالله فكره حلوه تصدقين الشبه كبير بينكم
شعاع:اكيد ياعمه مو كلنا شبه جدتي
ام فاديه: الله يوفقها شموسه ويهنيها مع راكان
طلعن البنات لغرفه فاديه يجهزن للحفله
يوم الخطوبه
بغرفه العروس كانت الاجمل شمس وشعاع وفاديه كانهم توأم نفس اللوك
شعاع :فاديه احس حالي واقفه قدام المرايه
فاديه:هههههه فعلا حيل تشبهيني
شعاع: لا مصدقه حالك انت تشبهيني انا اكبر منك باسبوعين
شمس: اف منكم انا متوتره وعلى نار وانتم تستظرفون دمكم
شعاع: ليش مو هذا حبيبك الركوي الي غلاه يكوي
شمس:شعيع فاديوه اطلعو برى
طلعن وهن يظحكن على شمس
ام شمس:شعاع روحي جيبي الحلا
شعاع: يوه يمه في تحدي مع هذول البنات على الرقص
ام شمس: فاديه عفيه يمه جيبي حلى لطاوله جيرانكم ام طلال
فاديه:من عيوني عمه
راحت شذا لما دخلت المطبخ شافت ماجد يكلم الشغاله
رقص قلبها من الفرحه
بيشوفها وهي كاشخه
رفع ماجد عينه وقال: شعاع تعالي فهمي هالبقره قوليلها تحط قرنفل بالقهوه
فاديه: انا مو شعاع انا فاديه
ماجد ببرود وهو يبتسم: طيب شالفرق كلكم خواتي قوليلها تحط قرنفل
(ماجد كان قاصد ان لو في بقلبها شويه حب يموت)
وقفت فاديه ودمعتها بطرف عينها بس قوت حالها وحطت القرنفل وهي ساكته وطلعت
ماجد ظل يناظرها وهي كاسره خاطره وقال:اعذريني يابنت عمي بس القلب للولو
وشال دلته وطلع
فاديه:حطت الحلا عند ام طلال
بلقيس:فاديه اقعدي عندنا شوي
فاديه: لا وراي شغل ماعليه اسمحيلي
بلقيس: مسموحه ياقلبي
وطلعت لغرفه شعاع وقعدت تبكي
جبتها علجرح وكنك مادريت
وانت قاصد ماهي بالنيه صدفت
والدليل انك تبسمت ومشيت
وانا اناديلك ولا يمي التفت
وقررت انها تنساه وتنهي اي مشاعر بقلبها له زي ماهو مايبيها هي ماتبيه
< لاصرت بايعني أشوفك
على خير
مع السلامه دام مابه سلامه
قلت أنتهينا قلتلك خير ياطير!!!!
ماني بأول شخص يخسر غرامه!!!
محذرك من قبلها
ألف تحذير
لاعفتني بيعيف قلبي هيامه
مانيب ميت لا
ولا أحتاج تبرير
صح الله لسانك ووفر كلامه بسمعك حبكه وفكره
وتصوير
وأفهم عدل يامدعي بالفهامه
وجه الشعر أبيض ويحتاج تغيير
ودي تزين هالقصيده علامه
ماضيك الأسود بذكره دون تقصير
كذا يكون بخد هالشعر شامه
يصدق معي تعبير ويخون تعبير
ياضيعه الشاعر بوقت
أنسجامه
يمكن خطأ أدونك بالشعر مير
لو ماأحترمتك للغرام
أحترامه
ماكان حبك غير بس طعنتك غير!!!?
علمتني معنى الندم والندامه
ماجاك مني أي زله
وتقصير
كل ماخطيت أعاتبك
بأبتسامه
حسبي على الذكرى إذا هبت عصير
ماعاد تنفع شرهتي والملامه
البال ظامي وقتها
والحزن بير
خسرتك وهمي كسبت أهتمامه
والليل فازع لك كذا جاني مغير
ظلمتني وأكثر ظلمني ظلامه
لأقبل علي أوحيت صوت المسايير
وفزيت كل ضيفن أقوم بمقامه
وليا عزم هالليل ضيقه وتفكير
قلي بربك كيف بقدر أنامه
مافيه داعي للعتب والمعاذير
الغدر خال الجرح وأطيب عمامه
أما يجيب الله مطر تالي وخير
ولا السلامه ماااش
مامن سلامه >
اما شعاع كانت مشغوله بالرقص بس لما فقدت فاديه دقت عليها
شعاع:الو فاديه وينك
فاديه: انا بغرفتك اعدل مكياجي واجي
شعاع: طيب لاتتأخرين الرقص تحدي صار
فاديه : عطيني خمس دقايق
شعاع:طيب
سكرت من شعاع وعدلت مكياجها ونزلت
وحطت حرتها بالرقص وابدعت
دخل العريس ولبس عروسته
راكان:مبروك
شمس: الله يبارك فيك
راكان: مبسوطه شموستي
شمس ابتسمت وظلت ساكته
راكان يهمس باذنها:
أقدملك كلمة أحبـــك
مع مشاعر ماتبي تهدك
وهمس يذوب على خدك
وشوق يغني على قلبك
وعيون بس تبي تشوفك
وإذن ماتبي تسمع غير صوتك
ولي قلب يصون قلبك
ماقدر أقول شي ثاني غير إني أحبك
انحرجت شمس وبان عليها
راكان: يسلملي الخجول
انتهت الحفله وراحو الناس
بغرفه شمس
راكان: شموستي انا مومصدق
شمس:....
راكان:الو شموسه ردي
شمس:معك
راكان:طيب ليش ساكته
شمس: لا ولا شي
راكان:اكيد فرحانه وخجلانه
شمس: ....
راكان:تدرين هالاحول يبيله
حبه خشم
شمس:ليش
راكان: لماخطبك مره ثانيه شبت النار بصدري
شمس:وانت ايش كنت ناطر
راكان: كنت اختبر حبي عندك
شمس تهورت وقالت:
لوتبعد مسافاتك
وتقطع جواباتك
وتقل شوفاتك
ويغيب صوتك
ماتغيرغلاتك
راكان: ياقلبي انتي وشمس عمري وظله
شمس:راكان تحبني
راكان:ولو شموسه يبيلها سوال
الخوف:من غيبتك
والسعد:في شوفتك
والصعب:لونفترق
والمستحيل:أنسااااك
وظلت المكالمه حتى بزوغ الفجر
ـــــــــــ
اذا لقيت تشجيع كملت الباقي
بعد اسبوعين
شعاع ماسكه كرت معاذ وتناظر
وناويه تدق عليه تسمع صوته وتقفل على طول
دق دقتين وسكرته
رجع دق معاذ و ردت وظلت ساكته
معاذ:الو
شعاع:.....
معاذ:ردي ليه ساكته
قررت ترد:الو
معاذ: اخيرا تكلمتي خير داقه علي
شعاع(ياعمري مايعطي وجه):لا كنت احسبه جوال شعاع (ماطلع على بالها غيره)
معاذ: هاه شعاع انتي شعاع
شعاع ارتبكت:لا لا لا انا احسب هاذا جو الها
معاذ: شعاع انا عارف انه انتي
شعاع: انا.لا.اقصد وسكرت الخط
رجع دق وماردت وارسل
(شوشو حبيبتي تكفين ردي)
ورجع دق وماردت
ارسل(شوشو انا عارف انه انتي)
اما شعاع من قرت هذه الرساله قفلت جوالها
وحاولت تنام بس ماقدرت الا بعد ماصلت الفجر
معاذ:والله يابندر حاس انها هي
بندر: ياخي انت ليش متأكد يمكن غلطان
معاذ: طيب لش قالت شعاع
بندر:هو مافي غير شعاعك
معاذ: بس انا حاس انها هي اجل ليش ارتبكت وقفلت جهازها
بندر: كلامك منطقي ومقنع
اقول انا بروح لشغلي سلام
معاذ: مع السلامه موفق
بندر:آه يانجمه البديعه حتى اسمك ماعرفه
بس ماني بندر اذا ماجبته
دق على معاذ
بندر:الو معاذ
معاذ: هلا بندر نسيت شي
بندر: لا بس ابي اعرف متى تسلم ديكورات بنت عم شعاعك
معاذ:بعد يومين ليش
بندر: لا ولا شي باي انا مستعجل
معاذ: باي
بندر:موعدنا بعد يومين يالنجمه البديعه
فاديه وشعاع بالمدرسه
فاديه: اف اليوم اخر يوم
شعاع: وناسه خلصنا اختباراتنا
بلقيس: فاديه يعني اليوم افتتاح ملحقك
فاديه:لا الى الآن باقي الديكورات
بكره توصل يعني الخميس
حنان:العزومه للكل ولا بس بنت عمك شعاع وبنت جيرانكم بلقيس
فاديه:حنانوه وش هالكلام ورفعت صوتها وقالت يابنات كلكم معزومين يوم الخميس عامله بارتي بمناسبه انتها الاختبارات
البنات:واااو وناسه اكيد جايين
طلعت سيارت الديكورات وراها سياره بندر
وصلو وبدو ينزلون الاغراض عشان يركبونها
بندر:انت شسمك
راجو:انا راجو ويستغل سواق هنا
بندر: طيب انت يبي هاذا ميه ريال
راجو داخ بس شاف الفلوس:اكيد يبي ميه ريال
بندر: انت يقولي اسم البنت الي يجي هذاك اليوم ويختار هذا ديكور
راجو:اسمها فاديه
بندر: اذا قلتلي رقم تلفونها اعطيك ميه ثانيه
راجو مد الجوال:هاذا رقم فاديه
بندر وهو مومصدق اخذ الجوال وسجل الرقم
طلع بندر ودق عليها على طول
فاديه:الو
بندر:يالبى قلبي هالالو
فاديه:نعم من انت
بندر: انا معجب قليل الادب سميتيه مره
فاديه سكرت الخط بوجهه
رجع دق بس هي ماترد
بندر:تعجبيني والله تعجبيني
ارسل
(ابتعدنا ويشهد الله
إن قلبي لك قريب
ابتعدنا وفي خيالي
صورتك عيت تغيب
ابتعدنا وشوقي لك
حاضر ودايم يزيد
ابتعدنا والبعد بين
الحبايب ماهو بعيد
ابتعدنا~
وابتعدنا~
وابتعدنا~
والشوق يزيد.)
فاديه:غريبه منو هاذا
رجع دق وما ردت
وظل يرسلها ويدق وماترد
اماعلاقه شعاع ومعاذ تطورت على التلفون
بس قالت ان اسمها دلال
وهو متأكد انها شعاع
معاذ:دلوله تصدقين انا للان مادري انتي من وين
شعاع: انا من الجوف
معاذ: بعدي اهل الشمال والله
شعاع: الله يسلمك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك