رواية عذبتني باسباب فرقاك -18
ساره نطت وايد واثق انها بتوافق على المشروع .. مريوم ما علييج منه خلينا ندرس الموضوع زين بعدها قرري .. ،، اخذت ساره الكره منه وبطت جبده
مريم زين .. مثل ما قالت بنت عمي .. عطني الملف وانا ادرسه زين وان شالله خير
الضيف وقف عشان يمشي وشكله شوي وينفجر من ساره ترى الاراضي وايد .. بس انا اخترت ارضكم لان أنسب مكان للمشروع .. وطبعا فرصة ما تتعوض يا مس .. ساره
ساره انقهرت منه ومريم كتمت ضحكتها لان اشكالهم كانت نكته وهم يتهاوشون
مريم وقفت ومدت يدها تصافحه زين انا ما عرفت انت من ؟؟ ولا اسم شركتك ؟؟ يعني ما يصير اشارك واحد مجهول تعرف هذا حلالي ولازم احافظ عليه
ابتسم بغرور المهندس يوسف .. يوسف سلمان كراشي
مريم سحبت يدها ورمت روحها على الكرسي مصدومة من 8 شهور ما سمعت عنه شي ولا شافته ولا تدري بشي وتحاول تنساه يرجع الزمن يذكرها فيه
ساره بعد مصدومة الاسم نفس الشي معقولة يكون اخوووه
يوسف مستغرب من ردة فعلهم مو فاهم شي خييير اشفييكم .. قلت شي غلط
مريم ابتسمت وبصوت رايح لا انت ما غلطت .. عن اذنكم
وركضت الحمام تطلع اللي بقلبها كله هاااااههئئ .. بعد يا أمير وراي .. زين لمتى .. لمتى يا أمير لمتى .. هالحب متى اقدر اشيله من قلبي .. والله تعبت والله مو قادر اتحمل .. حبك وجع .. وجع يا امير .. ياربي ليش مو قادره انساااه والله قلبي تعب .. ياربي محفور بقلبي .. مستحيل اقدر انساااه الا بموووتي .. ياربي خذ روحي عشان ارتاح من هالحب .. صار علتي مدى الحياه .. هااا هااااهئئ هئئ
يوسف كان يسمع صياح مريم ومو فاهم شي
وساره تطق الباب عليها تبيها تفتح بس مريم خلاص طاحت بنوبة بكائها ولوعتها على حبها الضايع
يوسف راح لساره وهالمره بدون حرب راح لها مسالم ليش تصيح .. انا زعلتها بشي ؟؟؟
ساره لا انت ما زعلتها ؟؟
يوسف عيل ليش صاحت من سمعت اسمي ؟؟؟؟؟
ساره بنفاذ صبر وانت شعليك منها ؟؟؟ خلصت شغلك روح الله ييسر لك
يوسف زين الشرهه مو عليج علي انا اللي مهتم وقاعد اسأل .. ان شاءالله عمري ما عرفت
ودار يبي يمشي راحت ساره ووقفته ما كنت اقصد بس بنت عمي مريضة وانا اخاف عليها اذا تصيح جذي
يوسف باهتمام انا آسف .. بس هي شنو مرضها بالضبط ؟؟
ساره قلبها .. انولدت بعيب خلقي بقلبها
يوسف آهاا .. الله يكون بعونها ..
ساره بتساؤل انت عندك أخوو ؟؟
يوسف ليش ؟؟ مشبهه علي ؟؟
ساره لا .. طبعا بس ابي اتأكد انت عندك اخوو ولا لاء؟؟
يوسف بصير طيب وبجاوبج .. اي عندي
ساره زين ممكن اعرف شسمه؟؟ .. شنو يشتغل ؟؟
يوسف وانتي شيخصج ؟؟ ما تبين اعطيج قياس ريله بعد .. ولا يمكن تبين تخطبينه .. لانها موضة صايرة هالايام
ساره احد قالك انك مغرور .. ووايد مصدق عمرك
ابتسم لها عشان يزيد غيضها وااااااااااايد قالولي .. وانتي احد قالج انج ملقوفة
ساره انقهرت منه بس كانت تبين له الجدية لو سمحت المسألة ضرورية فيها حياة أو موت جاوبني بسرعة
يوسف شجاوبج عليه .. قلتلج عندي اخو
ساره بإلحاح بس ما قلت لي شسمه ولا شنو يشتغل ...
يوسف محمد أمير .. و يشتغل دكتور أمراض قلبية
ساره بس هو ما يشبهك ؟؟ انت غير وهو غير
يوسف اي لاني اشبه ابوي وهو يشبه امي .. وبعدين انتي من وين تعرفين اخوي ؟؟؟
ساره بانفعال اسأله وهو يقولك .. سأله من مريم محمد تقي أكبري .. وهو يقول اشلون دمر حياتها .. واشلون باق بسمتها وضحكتها وقلب حياتها لجحيم .. سأله اشلون انعشها وهي كانت مغرقة روحها في البانيو بسبته ...
يوسف للحين مو فاهم شي اخوووووووووي .. أمير سووى كل هذا
ساره و أكثر سأله وهو يجاوبك
وراحت ساره مره ثانية تطق الباب على مريم وهو انسحب وطلع من الشركة كلها ومتفاجئ من كلام ساره وبمعنى اصح مو مصدق ان كل هذا يطلع من اخوه أمير
يوسف رجع من سفره صارله أكثر من شهرين بعد ما اخذ الماستر في ادارة الاعمال لان كان عنده باكالوريس هندسة معمارية وشال حمل الشركة عن اخووه شوي زعل على ابوه وزعل من اهله لانهم ما بلغووه بوفاة ابوه عشان ينزل البحرين ويوقف بعزاه بس عذرهم لانهم كانوا خايفين عليه وهو يحضر رسالة الماستر وموعد مناقشته قريب
أمير ما صدق اخوه يرجع حمل احزانه وهمومه وسافر لامه واخته امريكا عشان يكون معاهم بفترة علاج امه بس قبل سفره صار يشتغل بالمستشفى حوالي 16 ساعة يهرب من ألمه وحرة الفراق صورة مريم كانت ماتغيب عن باله ما قدر ينساها يشوفها بكل مكان وين ما يروح وين ما يقعد يتخيلها جدامه من يتكلم يحس ان يكلمها هي حتى أصابع يده كان يتخيل نفسه يلعب بخصلات شعرها ذراعه كان يحس بشي فاقده حضنها فاقد حضنها اشتاق لها ولصوتها وبسمتها ودمعتها كان من ينفرد بنفسه ما يقدر يتحمل دموعه المحبوسه طول الوقت ينزلها بحسرة وحرارة قلب قرر يهج ويسافر لامه واخته على وعسى ينشغل وينساها بس مستحيل كان حتى بشغله وبين مرضاه في باله ويكلمها بنفسه وبخاطره
بعد أسبوعين
وصلت الطائرة اللي فيها أمير وامه واخته واستقبلهم يوسف ورجعهم الفيلا بنفسه
يوسف نورتوا البيت .. والله اني مليت من القعدة بروحي
أمير ما رد بس التعب باين على عيونه راح وسدح جسمه على الكرسي
أم أمير الحمدلله انكم رديتوا كلكم مع بعض .. بس شلفايده يوم راح الغالي
نور ماما .. انا معاج .. وكلنا معاج .. لاتمرضين مره ثانية وتخليني بروحي .. والله مالي غيرج
يوسف راح حضنها من جتوفها وانا وين رحت ؟؟
نور انتو لاهيين عني .. انا ابي ماما تكون معاي .. ما ابيها تمرض وتروح عني .. مو كفاية أمير أكثر من 3 شهور هاجر البيت وما نشوفه الا بالغصب
يوسف هاااااجر البيت ؟؟؟
راح لامير كان حاط ذراعه على ويهه يبي يريح شوي
يوسف راح قعد على الطاولة الصغيرة اللي يمه أمير .. شتقصد نور ؟؟ اشلون انت هاجر البيت أكثر من 3 شهور وين رحت ؟؟؟
أمير حاقر ومتعمد يسكت ولا يرد عليه لانه مستحيل يخبر احد عن أسباب انتقامه من محمد أكبري غير ابراهيم طبعا
يوسف أمير .. من مريم أكبري؟؟؟؟؟
أمير من سمع اسمها قام وقعد نص قعده وصار يتنفس بسرعة ويطالع اخوووه بنظرات ترجي يبيه يقول اي شي .. يبشره عنها وعن اخبارها .. يطمن قلبه عليها
يوسف كان متفاجئ من نظرات أمير وتصرفاته اي .. من مريم أكبري جاوبني ؟؟
أمير بانفعال وانت من وين تعرفها ؟؟؟
يوسف انت جاوبني بالاول .. من مريم أكبري؟؟؟
أمير وانت شيخصك ..
يوسف يخصني لاني بصراحة تفشلت من سمعت اسمي الكامل انهارت البنت وصارت تصييح من قلب .. ولما سألت بنت عمها قالت لي اسأل اخوك .. اخوووك اللي دمر حياتها وباق الضحكة من بين شفايفها ..
أمير ساره قالت جذي ؟؟؟؟
يوسف وتعرف اسم بنت عمها بعد .. شكلك حافظ العائلة كلها
أمير قام معصب هذا مو شغلك ..
يوسف بصراخ اشلون مو شغلي .. أمير انت غلطت مع البنت .. وعدتها بشي وخلفت .. سويت شي لها خلاها تزعل جذي
أمير خلاص ما يسمع شي راح في عالم مريم .. مريم بروحها كلام اخوه عنها فتح كل جروحاته وخلاها تنزف مره ثانية وثالثة ورابعة وعاشرة بعد اصلا هي ما تسكرت ولا إلتأمت عشان ترد تنفتح .. يحس بجسمه كله شاب نار حرارته ارتفعت وراسه صار يلف ويدور عليه وقلبه ماكله عليها عيونه مشتاقة لعيونها وصدره مشتاق لغمرة صدرها .. صار مشتاق حتى لريحة شعرها اللي خلاه يتعلق فيها من أول يوم
دخل جناحه ورمى روحه على سريره ودفن راسه تحت المخده قللللللللبي .. مريم قللللللبي ما عاد يتحمل حبج حرق قلبي يا مريم .. شوقي لج أكبر عذاب .. ياريتني قدرت انساج على كل اللي سويته .. ياريت نفع معاي .. ياريت يامريم .. ما بقى غير اموت نفسي لان حبج ما بيفارقني الا اذا انا فارقت الحياة .. مريم يا روح روحي ودنيتي وعمري .. انا ابيييييج يا مريم انتي دواااااااااي .. انتي دوا قلبي ... تعالي يا مريم فرقاج أكبر عقاب عاقبتيني فيه .. تعالي علميني اشلون انساج مثل ما علمتيني اشلون أحبج يالغالية .. تعالي ساعديني وارحمي قلبي .. مو بس انتي اللي ضاعت ضحكتج انا بعد ضاعت ضحكتي اخذيتيها معاج حبيبتي .. اخذيتيها معاااااااااج
بعد يومين
مريم هلا استاذ يوسف ..
يوسف هااااااي مس مريم
مريم انا متصلة فيك عشان اخبرك اني درست المشروع من جميع النواحي
يوسف اي ... واخيرا رديتي .. صارلج أكثر من اسبوعين تدرسينه .. عنبوا ما حفظتييه
مريم هههههههههه .. وافقت على انشاء الشراكة بيني وبينك
يوسف على خير .. انا بخبر المحامي يجهز العقود وبطرشها لج بالفاكس اذا كلشي اوكي ووافقتي .. ان شاءالله بييج الشركة ونوقع مع بعض وجدام شهود بعد
مريم ان شالله ....
يوسف بس ما ابي اشوف بنت عمج النسره ... فنشيها من شركتج .. شكلها نحس عليج
مريم ههههههههاااااااااي .. حرام عليك سارة حبوبة .. ان شالله بيصير أغلب شغلك معاها
يوسف لا حرااااام صدمتيني .. أكيد امي بايعتني اذا كل شغلي بيصير معاها ..
مريم زين تسمعك الحين والله تطلع لك من التلفون
يوسف حس بأخوه طالع من جناحه فتح السبيكر على صوت مريم يبي يشووف ردة فعل أمير
يوسف لا والله يرحم والديج .. انا مو مستغني عن روحي ..
مريم ههههههههههههههااااااااااااااااي .. والله انك ظالمها .. ترى ساره طيبة وحبابة بس ما ادري شفيها عليك ..
أمير سمع صوتها صار يحس بخفقان مو طبيعي وده يركض لتلفون اخوه ويكلمها بس طبعا كبريائه ما يسمح له وقف يسمع المكالمة لاخرها
يوسف سكر التلفون وأمير حاول يتصنع اللامبالاه بس اخوووه عرف هالشي وحاول معاه لكن ما قدر عليه
طلع يوسف وأمير راح غرفته مره ثانية واخذ تلفونه وطلع منه رقم بيت ابو مريم .........
شتتوقعون يصير بكلمها ؟؟ وهي بترد عليه ؟؟
يعني ممكن يرجعون لبعض ؟؟
ابي رايكم
الجزء التاسع والعشرين
يوسف حس بأخوه طالع من جناحه فتح السبيكر على صوت مريم يبي يشووف ردة فعل أمير
يوسف لا والله يرحم والديج .. انا مو مستغني عن روحي ..
مريم ههههههههههههههااااااااااااااااي .. والله انك ظالمها .. ترى ساره طيبة وحبابة بس ما ادري شفيها عليك ..
أمير سمع صوتها صار يحس بخفقان مو طبيعي وده يركض لتلفون اخوه ويكلمها بس طبعا كبريائه ما يسمح له وقف يسمع المكالمة لاخرها
يوسف سكر التلفون وأمير حاول يتصنع اللامبالاه بس اخوووه عرف هالشي وحاول معاه لكن ما قدر عليه
طلع يوسف وأمير راح غرفته مره ثانية واخذ تلفونه وطلع منه رقم بيت ابو مريم لان ما يعرف رقم تلفونها الخاص .........
ضغط على زر الاتصال وقبل لا يرن يفصله
عاد الكره أكثر من 6 مرات .. مو قادر .. ما عنده جرأه .. مستحيل يتحمل يسمع صوتها قبل ما يشوفها
ترك تلفونه في الغرفة وطلع برى الصالة كانت امه تتكلم في التلفون اي ان شاءالله .. حياكم بأي وقت .. محمد أمير اي يمي .. تبين تكلمينه ..
أمير يأشر باصبعه ان لا ما يبي يكلم احد
بس امه اصرت ورمت السماعة عليه غصب ألو هلا عمتي .. شلونج ؟؟ شلون البنات ؟؟ عساكم بخير ؟؟ وشخبار ريومة .. ان شاءالله أكبرت
أم أبرار ريم بخير .. ولا بس تسال عن ريم .. ترى أبرار يمي
أمير تورط الله يخليهم لج عمتي .. يالله عن اذنج
أم أبرار يعني ما تبي تسلم على بنت عمتك ؟؟؟؟
أمير سلمي عليها انتي ..
ورمى السماعة على امه هلا هلا أم أبرار .. اي تعرفين ولد اخوج يستحي .. وأبرار مو غريبة ان شاءالله يصير هذا البيت بيتها
نور تصفر على أخوها اي .. اي ما نقدر مانقدر اخوي بيعرس
أمير طالعها بنظرات استفهام مو فاهم شي ودار عينه على التلفزيون يقلب في القنوات
أم أمير سكرت التلفون ودارت لولدها بإبتسامة ها ماما متى تبي الملجة ؟؟
أمير ما رد عليها أو يمكن ما سمعها
أم أمير علت صوتها أكثر أمير .. شفييك ما تسمعني ؟؟؟؟
أمير دار عيونه لها نعم ماما ... تكلميني ؟؟؟؟
أم أمير لا أكلم روحي ؟!!!
أمير ابتسم آمري .. تبين شي ؟؟
أم أمير أي حبيبي .. متى تبي الملجة عمتك بتسافر بعد اسبوعين ؟؟
أمير ملجة من ؟؟ وتسافر .. وانا شيخصني ؟؟؟
نور نطت أمووور ملجتك انت على ابرار بنت عمتي ؟؟ شفيييييييييك
أمير ضحك مو مستوعب هه ههاايي لا والله .. ومن قال هالحجي ان شاءالله ؟؟؟؟
أم أمير حمود يما انا اشوف ان بنت عمتك تصلح لك .. وابوك كان يبي هالشي من على حياته الله يرحمه .. وانا كلمت عمتك مبدئيا قبل لا يموت ابوك وهي وافقت ..
أمير بإنفعال وانا آخر من يعلم ؟؟؟؟؟؟؟
نور أكا الحين دريت .. يالله أمور نبي نفرح عاد
أمير مو مستوعب اللي قاعد يصير الموضوع هذاا ما ينفتح مره ثانية
أم أمير اشلون ما ينفتح يا أمير .. هذي رغبة ابوك .. وانا وعمتك بعد .. ولا انت ما تبي تفرحني يا ماما .. ابوك صارله أكثر من سنة من راح .. وانت كبرت لمتى بتقعد بدون زواج
أمير انا ما وعدتكم بشي .. وفرحتكم ما تهمني ..
نور انت ليش اناني جذي .. ماما تبي تفرح وفشلتها مع عمتي الحين .. شتبينا نقول لها مسامحة أمير ما يبي بنتج ...
أمير انا بنهاية 29 ..ريال مالي هدومي .. مو تارس عينكم تخططون حياتي من وراي .. وكلمتن توصلكم وتتعداكم .. زواج من ابرار مستحيل .. انا مو لعبة تشكلونها على كيفكم .. انا حياتي مو لي وحتى لو كانت لي مستحيل اسلم مصيري بيدكم .. وانتي يا يما اذا تبين تفرحين عندج يوسف زوجيها اياه ..
أم أمير تكسر كلامي يا أمير .. هذي آخر تربيتي فيك ..
أمير انا ما أكسر كلام أحد ... بس الموضوع منتهي .. وعشان ما نتزاعل انسوا سالفة هذا الزواج ..
أم أمير قعدت تمسح دموعها ما كان العشم فيك يا ولدي جذي .. تحرجني وتفشلني جدام عمتك وتكسر فرحتي
أمير ركز على آخر كلمة تكسر فرحتي كانت آخر كلمة قالتها له مريم يوم ملجتهم اللي ما اكتملت ابتسم لانها مرت صورتها في عيونه
أمه واخته تفائلوا لما شافوا ابتسامته
نور يعني اتصل في ابرار وابارك لها ؟؟؟؟
أمير استوعب كلامها تباركين لها على شنو ؟؟؟ انا مابتزوجها لو تنطبق السما على الارض .. انا مو ياهل تتحكمون فيني وفي حياتي .. ولا تفكرون دموعكم بتأثر فيني .. لا انا محمد أمير وتعرفوني عدل ما يحتاج أذكركم
أم أمير تطالع في ولدها تبي يطالعها ويحن عليها بس هو ما افتكر سحب سويج سيارته وطلع من البيت
نور طالعت امها ويييييييييييه .. ماما هذا معند .. شنسوي ؟؟؟ امبييييييه بنتفشل جدام عمتي وريلها ..
أم أمير هو بكيفه ولا بكيفه ما يوافق . اذا كبرت براسي بحرمه من ورث ابوه ..
نور يعني بابا هو اللي قالج تسوين جذي ؟؟؟
أم أمير لا طبعا أبوج يرضى على أمير ؟؟؟.. ما تشوفين كلامه أوامر واللي يبيه حاضر .. تبينه يغصبه ياخذ ابرار ..
نور ماما .. يعني انتي من راسج قررتي ..
أم أمير نور اخوج ولد عز ودكتور وحلو مو بعيده تقص عليه وحده من هالبنات وتخليه ياخذها .. انا بصراحة ما ابي جنتي وحده ما اعرفها
نور خلاص ماما .. انسي الموضوع .. مستحيل أمير يرضى .. وبعدين انا شاكة فيه انه يحب وحده من زمان
أم أمير وانا بعد عشان جذي جذبت عليه وقلتله رغبة ابوك .. يمكن يغير رايه .. قلت بكلم عمته وبحطه جدام الامر الواقع يمكن يرضى .. بس شكلها بنت ابليس ماكله عقله
نور ماما حرام علييج .. يمكن البنت حلوة وطيوبة .. مو مثل ما انتي تفكرين .. يمكن هي بعد بنت عز وشايفة خير
أم أمير لا ولدي انا اللي اختار له مرته
نور ماما .. لاتخسرين أمير .. انتي تعرفينه عصبي وما يحب احد يتدخل بحياته .. انا ما ابي اخواني يبعدون عني .. انا محتاجتهم ..
أم أمير انتي لاتخافين .. ان شاءالله بيرضى بس يبيله شوية صبر
نور الله يستر ...
في بيت أم أبرار
أبرار يما انا اعرف أمير ولد خالي .. ما يفكر فيني .. حراام عليكم تعلقوني فيه اكثر وتخلوني اتحلم على الفاضي ..
أم أبرار انتي ليش مستعيلة .. صبري شوي .. وصدقيني بييج لعندج ...
أبرار ماما .. نور قالت لي انه يحب .. لاتسوون فيني جذي .. تبوني اتزوج واحد يحب غيري
أم أبرار وانتي شعليييج من هالحجي .. بعد ما ياخذج بيحبج .. الحب يا ماما ايي بعد الزواج .. الحين طاير فيها بس من تتزوجون بيترك كلشي وبيصير لج بروحج .. وبتقولين ماما قالت
أبرار والله اني خايفة نتفشل مع الريال ...
أم أبرار انتي ارتاحي وما عليج انا ومرت خالج بنسوي كل شي
أبرار ننطر ونشوف
في سيارة أمير
كان مشغل FM وصدفة الاغاني كلها على الوتر الحساس زادت عليه حرة قلبه بس كان ماسك نفسه لكن لما سمع أغنية ماجد المهندس واحشني موت صارت الدموع تتجمع في عيونه صار يسوق بدون وجهه محدده بس يلف بالشوارع ما يدري وين يروح بس قعدته في بيتهم سببت له مشكلة مع امه وقرارها الجديد طفشته من البيت
صارله أكثر من ساعة وهو يلف بالشوارع ما لقى نفسه الا يم بيت أكبري يم بيت مريم بيت حبيبته .. حاس بروحه تركها بهالمكان قبل ما يروح
سند راسه على السيت وتنهد بضييق يا مريم شالي سويتيه فيني .. يا مريم تعالي شوفي حالتي ميت من دونج حبيبتي .. ابي اشوفج ... آآآآآآآآآآآآآه ياااني مشتاقلج ولعيونج وشعرج .. مشتاق لصوتج .. يا حظك يا يوسف شفتها وكلمتها وانا أخوك محروم منها .. يا ترى نسيتي يا مريم ولا شنو .. معقولة تكونين ارتبطي بغيري
بعد أسبوع
مي بصراخ مريوووووووووم انتي ينيتي ؟؟؟
ساره اي صح مريم ... اللي تسوينه ظلم في حقج ؟؟
مريم قاعده تتمكيج وبكل برود انا عارفة مصلحتي وين ..
مي مصلحتج انج تاخذين ايوب .. قلة الرياييل ..
مريم انتوا ليش مو قادرين تفهمووون.. ايوب تغير من فلس ابوه صار انسان ثاني .. يحبني ويبيني ومشتري رضاي
ساره مريم حبيبتي .. مو عشانج بتشاركين يوسف كراشي تقومين تقطين نفسج بالنار جذي .. ترى والله حرام عليج نفسج ..
مريم دارت لهم والاي لاينر بعيونها هذا سبب من الاسباب يا ساره
مي مريم .. نطري شوي لا تستعيلين
مريم شنطر لين ايي ويخرب الباقي من حياتي .. لا ابي اعيش اللي بقى من عمري بهدوء ..
ساره زين مثل ما عطيتي ايوب فرصة عطي أمير فرصة هو الاحق
مريم خلاص انا قررت .. وذنب عن ذنب يختلف ..
مي مريم الله يخليج .. عشاني .. لاتسوين جذي ..
مريم خلاص سكروا على السالفة انا قررت .. يوم الخميس بنسوي ملجة عائلية بس انتو وان شاءالله الزواج بعد شهرين
مي بصياح ساره قولي شي .. شوفيها شتبي تسوي ..
ساره والله عيزت منها .. زين مريوم أجلي الملجة شوي والله حرام عليج .. الخميس يعني بعد يومين
مريم دارت مره ثانية تكحل عيونها خلاص .. انا اللي مستعيلة ابي الملجة تصير بسرعة
مي وهي حاملة اغراضها وزعلانة انا اول وحده مو ياية هالملجة السخيفة .. واذا سويتي اللي براسج انسي ان عندج اخت اسمها مي
مريم دمعت عيونها حتى انتي يا مي بتروحين وبتخليني بروحي ... انا بسوي جذي عشان انساه .. لان حبه بيموتني انا من ياني اخوه وانا ما ارقد تعبت يا مي .. يمكن اذا تزوجت ويبت عيال انساه وهو أكيد نساني ويمكن تزوج غيري بعد صارله أكثر من 8 شهور .. أكيد نساني .. ساعدوني وقفوا معاي لاتخلوني بموت اذا ظليت جذي .. صدقوني بموووت .. ما بتحمل
مي رجعت وحضنت مريم خلاص حبيبتي .. لا تزعلين .. يعني حالي احسن من حالج .. انتي على الاقل هو حبج بيوم من الايام .. الا انا يا حسرة قلبي مو حاس فيني
سارة حزنت على صديقاتها وراحت حضنتهم خلاص .. لاتسووون جذي .. واذا انتي يا مريم تبين هالشي .. بنوقف معاج .. وانتي بعد يا مي لا تسوين في روحج مرده بدر بيرجع طال الزمن ولا قصر
مريم رفعت راسها وابتسمت خلاص خلونا نطلع نتجهز الليلة افتتاح الشركة ولازم نكشخ ولا نسيتوا
ساره قطييييييييييييييعه .. ذكرتيني .. هذا شيصبرني على شوفته
مي لهدرجة يلوع الجبد ؟؟؟؟؟؟؟؟ مع ان اخوه حلو
مريم لاطبعا .. بس هي كارهته
مي اي ليييييييش ؟؟ زين سارووو وصفييه لي اشلون شكله مافيني صبر انطر لليل
ساره سخيييف ومغرور ومصدق روحه .. ويلوع الجبد ونفسه خايسه
مي اآآآآآآآآآ .. ما خليتي شي ؟؟؟ سويتيه ما يسوى حتى قاعة نعالتج
مريم ههههههههههه .. ما عليج منها تبالغ .. بالعكس حلو وجنتل مان اسمر وعيونه واسعه وحواجبه مرسومه شبك وطويلة وشعره اسود ناعم وفيه سكسوكه خفيفه على فكه وخشمة طويل ووسيم طويل وجسمه حلو معضل .. انا ما انكر ان فيه غرور وثقة زايده بالنفس .. بس صدقيني ميووو يحق له
ساره فاتحه عيونها ومقهوره من كلام مريم
مي ميتة ضحك على شكلها هههههههههههههااااااااااااااييييي .. مريوووم فقعتي مرارتها شوفيها اشلون .. اشوي وتاكلج .. مريووووووووم حمقتيها هههههههااااااااااااااااايييييييي
ساره مقهوره صج بايخة وماعندج سالفة .. وسخيفة بعد
مريم زين يالله خلونا نمشي .. انا ابي اشتري ثياب للحفلة الليلة وللملجة مره وحده ما عندي وقت
مي زين بنطلع بأي سيارة ؟؟؟؟
ساره خلينا نطلع بال X6 من زمان ما طلعنا فيها
مريم يالله مشينا
طلعوا البنات و مريم ما لتقت بأمير .. يمكن للحين ما حان الوقت انهم يلتقون .. أو يمكن ما يلتقون طول عمرهم ....
شروا ثياب للحفلة بس ما امداهم يشترون للملجة تغدوا ورجعوا البيت يتجهزون لان الليلة حفلة افتتاح الشركة بين مريم أكبري ويوسف كراشي وراح تكون بحدائق كراشي
وصلوا البيت وكل وحده على الحمام تاخذ شاور على السريع لان الكوافيير والماكيير وصلوا وينطرونهم تحت
نزلوا البنات وكل وحده يزينونها من جهة
مريم كانت قاعده قبال المنظره وبالها في حياتها اليديده يا ترى يا أيوب بتقدر تنسيني أمير .. بتقدر تموته من قلبي .. ما شفت شخص اناني قدك يا أمير دخلت حياتي غصب وخليتني احبك واموت عليك وبعدت عني بدون ما تسأل عني .. لكن انت ما حبيتني انت تبي تنتقم من ابوي فيني ... ليش كنت لعبة بيدك وضحية للقدر .. ليش انحكم علي بالعذاب يا أمير .. انا ما كنت استاهل تخدعني جذي ..
ابتسمت كنت كل شي حلو بحياتي .. انقذتني أكثر من مره .. كنت الامان بالنسبة لي .. بس انا مو قادره اصدق اللي صار .. آآآآآآآآآآآه يا ليتني أقدر انساك .. يارب ايوب يقدر ينسيني اياك .. يارب ارحمني بواسع رحمتك ..
يت لها مي مريوووم حلو شعرج جذي أنعم
مريم حتى انتي .. الا ما خلصتوا .. بنتأخر
مي انا جاهزه انطركم وساره من مساعة وهي تتكلم بالتلفون بس اظنها جهزت
مريم زين بس اخلص من المناكيير ما بقى شي
مي زين انا اروح ألبس فستاني
مريم الحين انا بعد بقوم ألبس كاني خلصت
مريم كانت ناعمة لابسة فستان أسود قصير لفوق الركبة ضاغط على جسمها كله من الحرير المطفي فوق قص بدون سيور وفي الظهر خيوط رفيعة على شكل أكسات لنهاية الظهر كان عاري وتحت صدرها كان في خط كرستال اسود أصلي وفوق لبست على جتوفها شال فرو أسود طبيعي ولابسة شووز أسود بكعب عالي وكانت لابسة عقد ألماس مليان بالقلوب صغيرة وناعمة ومزينة بالألماسات السوده وحلق على شكل قلب صغير طقم مع العقد وخاتم فيه قلب كبير مثل الحلق وبيدها اسواره نازلة منها قلوب صغيرة وناعمة وبيدها الثانية ساعة على شكل قلب اسود وبداخل عدستها ألماس شفاف وأساورها من سلاسل سلفر ضعيفة
كان الكوافيير محلزن شعرها من جدام ونافخه من فوق والباقي ناشره كله وباين جماله ولمعانه وطوله الجذاب
مكياجها كان سموك اسود وسلفر والاي لاينر غالب عليه وعلى شفايفها المليانة روج أحمر مطفي
ساره مريوم شهادتي فيج مجروحة
مريم تسلمين حبيتي .. انتي بعد صايره جنان .. كل هذا عشان تبطين جبده
سارة كانت لابسة فستان ذهبي فاتح بحرير مطفي بعد لفوق الركبة وفبه فتحه صغيره ومن ورى كان ماسك عليها وعلى خصرها ناعم ومافي ولا شي غير السيور اللي فوق الصدر لافيين ورى رقبتها بربطة طويلة نازلة لنهاية ظهرها المفتوح كانت لابسة شوووز ذهبي مثل الفستان بالضبط كان شعرها مرفوع كله من جدام بف صغير ومن ورى منفوخ كامل كانت لابسة سلسلة ذهب فيها معين كبير مكتوب عليه ساره بالانجليزي مرصع بالالماس وحلق كبار على شكل دوائر بعد مكتوب فيها اسمها مثل السلسلة وخاتم ذهب عادي في فص ألماس كبير واسواره عريضة بعد مكتوب عليها ساره وبيدها الثانية ساعة ذهب من داماس كانت هدية بدر لها بعيد ميلادها العشرين كان مكياجها ناعم وخفيف أي شدو بدرجات الذهب ممزوج بالكحل الاسود وبلاش لونها لون البرونز وشفايفها بيج بلمعة الذهب
مي حلوووووه ؟؟؟؟؟
مريم وساره بصوت واحد قـــــــــمـــــــــررررررر
مي احم احم لا تخلوني اصدق نفسي ....
مي كانت لابسة فستان قصير مخمل عنااابي بعد ضاغط عليها من فوق علاقي بخيوط ضعيفة وتحت الصدر لاف عليها بشريطة من الحرير وفيه كرستاله كبيرة بالوسط ولابسه شووز عنابي حرير بكعب عالي شعرها كان ويفي بطبيعته بس اليديد عليه قدلتها طايحة على عيونها كروس بطريقة ناعمة وحلوه مكياجها كان بسيط عنابي مدخن بالاسود وشفايفها باللون الباهت بلمعة عنابية كانت لابسة عقد ألماس عنابي على شكل ورود عنابية وبكل وردة ألماسه والحلق مثل الشي بعد ورده كبيرة وبنصها ألماسه شفاف والخاتم مثل الشي والاسويره كانت ناعمة الورود نازلة منها على يدها وبيدها الثانية ساعة جلد عنابية ألماس
ساره ميووو .. تلفونج سمعته يرن بغرفتج روحي شوفي من ؟؟؟
مي يمكن ماما .. انا ما قلت لها اني بيي هني اكيد تحاتي
طلعت مي من الصالة وراحت غرفتها
ساره مريوووم بدوور تحت .. يبيج الحين ضروري .. انا ما حبيت اقول هالحجي جدام مي عشان ما اكسر بخاطرها وهي فرحانة .. نزلي قبل لا تيي وانا بلهي مي شوي
مريم مستغربة شيبي .. هو مو مسافر
ساره يبيج ضروري ..
مريم ساره انتي قلتيله عن ملجتي ؟؟؟
ساره بصراحة .. بصراحة اي قلتله
مريم عصبت اي مو لله طق مشوار وياني .. افففففففففف .. ما ادري شسوي فيييج
ساره انا اقنعته مساعة بالتلفون انه يروح بيتنا وباجر يكلمج .. بس هو مو راضي ومعاند بعد
مريم امري لله بنزل قبل لاتحس مي
نزلت مريم وراحت تحت كان ينطرها بالصالة
حس احساس مو طبيعي لما شافها نازلة وهي بكامل زينتها ابتسم بفرحه هلا ببنت عمي
مريم كانت عادية هلا بدر .. حمدلله على سلامتك ..
بدر رح لها ومسك يدها مريم .. الله يخليج .. لا تسوين اللي في بالج .. انا ابي اتزوجج .. تزوجيني يا مريم .. انتي ماتحبيني كلش .. انا مستعد بعد الزواج اخليج تحبيني
مريم يا بدر اذا انت ياي عشان هالموضوع .. اعتبر الموضوع منتهي .. انا قررت وخلاص وملجتي الخميس واتمنى تكون موجود معاي
بدر ليش يا مريم .. ليش .. ليش انتي ما تحبيني .. ليش
مريم من قالك اني ما احبك انت ولد عمي يا بدر .. وصدقني لو ما احبك كنت اتزوجتك .. انا بتزوج ايوب شاهري عشان أنسى أمير .. انت ترضاها على نفسك انك تتزوج وحده قلبها وعقلها مع غيرك .. ترضاها على نفسك .. اذا انت ترضاها انا ما ارضاها على ولد عمي .. يا بدر انت اخوي اللي ما يابته امي .. ابي اشوفك سعيد بحياتك .. مع البنت اللي تستاهلك .. سامعني البنت اللي تستاهلك مو انا .. انا للحين احب أمير وأموت عليه ..
بدر سكت كلام مريم سكته ما قدر يرد عليها
مريم ابتسمت عن اذنك بنادي لك ساره .. تبيك ضروري
قعد على الكرسي وحاس بحزن حط يدينه الثنتين على ويهه وصار يمسحه بضييق
مريم وصلت غرفتها كانوا البنات قاعدين فيها ويسولفون ويتكتكون للحلفة
مريم ميوووو نزلي تحت يبي لي مااااااااااي
مي مصدومة أول مره تطلب منها مريم هالطلب شنوووووووو .. تبيني انزل اييب ماي ؟؟؟؟؟!!!!!!!!!!
مريم اي يالله نزلي الماي اللي هني صار حاااار .. وانا عطشانة وانتي طبعا ما يهون عليج اموووت من العطش
مي لا كلشي ولا تمووووووتين من العطش حرام اصلا .. حتى كول هوم ماعندج تطلبين من الخدامة .. ما في غير الخدامة مي .. خدامتكم اليديده
ساره فهمت على مريم خدامة ستايل ومحلية بعد .. أكيد معاشها واااايد ..
مي انقهرت انتي انطمي احسنلج ...
ونزلت وهي تخبط بريلها على الدرج من القهر مشت شوي بالصالة ما انتبهت لبدر
بدر شافها راح مسكها من ذراعها ولفها
ظل أكثر من 3 دقايق ساكت يتأمل جمالها يحس بشي غريب بس مو قادر يحدد وجهة مشاعره اخذها بيد وحده وضمها لصدره بقوه
مي مو مستوعبه هذا بدر .. اي بدر بس من وين طلع لها .. كانت عبالها انها وصلت لمرحلة انها تمشي وتشوفه جدامها وتتخيله ضامها
غمرها اكثر لما حضنها بيده الثانية
مي شمت ريحته وحست بأنفاسه على رقبتها تأكدت انها مو بحلم تجمعت الدموع بعيونها بس ما قدرت تنزل منهم ولا دمعة صدمتها كانت أكبر من دمعتها وشوقها له سابق الزمن كله رفعت ذراعها وضمته هي بعد بكل قوتها
استمروا على هالحال أكثر من ربع ساعة مي ماتبي الوقت يمشي تبي توقف الزمن وتبقى بين ضلوعه طول العمر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك