رواية قتلهن الطيش وأحياهن الحب -15
هند ضحكت : لا والله مااقلد .. بس بكلم وحده من صديقاتي وارد ادق عليك
اورنج : بتقوليلها عني اكيد .. بس قبل لا تقوليلها أي شي خليها تقول ماشالله اخاف تحسدني
هند : ههههههههههه لا ماني بقايله لها شي عنك وليش تحسدك ان شالله ؟1
اورنج : لأني ادري بتقولين لها دمي خفيف الله يسعدني ههههههههههه
هند : ههه هه هه ايه بالحيل ماشالله .. ( هند حست انه نسى موضوع الصوره وبطلت تقفل الخط )
اورنج : طيب اذا قفلتي مني واتصلتي عليها وقفلتي منها ارسليلي الصوره اوكي
هند قالت بنفسها يوووووه وش هالنشبه : ههههههههه طيب يصير خير يالله مع السلامه
اورنج : احس انك بتسحبين فيني
هند : لا لا اعوذ بالله انا لا مااسحب فيك ولا شي بس انسى موضوع الصوره
اورنج : ليش ياقلبي بس .. تراني اليف ومااخوف وبمسحه على طول
هند : لا لا اسفه جدا وبعدين خير ان شالله توني اول مره اكلمك ابرسل لك صورتي بايعه نفسي انا
اورنج : ايه بذي صادزه تونا ماعرفنا بعض .. اجل خليها على الايام الجايه لما نثق ببعض اكثر ؟؟ صح كلامي يالبى قلبك
هند مستغربه من اسلوبه : ايه صحين بعد
اورنج : تدرسين انت ياهند ؟1
هند : لا مخلصه ثانويه بس
اورنج : ليش ماكملتي دراستك؟!
هند : انا مو راعيه دراسه اهم شي اعرف اقرا واكتب وخلاص ماله داعي اكرف على الفاضي
اورنج : شلون على الفاضي ؟!
وضلو يسولفو وطبعا هند نست نور .. ونست تتصل تشوف وش سوت ..
,,,,,,,,,,,,,,,,,,
اما نور قامت بعد ماكلمتها هند واخذت شور سريع ونزلت تحت تشرب شي ولقت ضي وسعود بالصاله : السلام عليكم
سعود وضي : وعليكم السلام ورحمه الله
راحت لأبوها : هااا بابا كرستينا اعطتك علاجك
سعود : ايه .. انت وينك من اول ماشفتك ؟1
نور: والله عندي امتحان صعب وكثير ادعيلي يالغالي
سعود : الله يوفقكم ان شالله
نور ناظرت ضي : ضيو خلصتي دراسه مواد بكره
ضي: ايه من بدري بعد
نور: وين دحيم بالشركه
سعود : ايه الله يعطيه العافيه بعد العصر راح ومابعد رجع
نور: الله يعافيك وان شالله انت بتقوم لنا مثل اول وتروح شركتك
سعود : الله يسمع منك يابنيتي
نور: يالله انا بروح اشرب لي شي واطلع اكمل مذاكره تبون شي ؟!
سعود : سلامتك
وراحت نور للمطبخ سوت لها كوب نسكافيه وطلعت للغرفه تبي تكمل بس قبل لا تبدا قالت اتصل على هند ...
هند لازالت تسولف مع اورنج الا جاها انتظار رقم نور قالت : تركي اكلمك شوي معاي ويتينق
اورنج : من اللي يتصل ؟!
هند : ياخي بلا لقافه يالله باي
اورنج يضحك : باي
وترد على نور: هلا ياقلبي .. هااا كيف النفسيه سويتي مثل ماقلت لك ؟ّ
نور: ايه توني داخله الغرفه ابي اكمل ..
هند : اوكي ياعمري كملي اللحين واذا خلصتي كلميني
نور: ان شالله .. والله لا يحرمني منك يارب
هند ابتسمت : ولا منك .. يالله مع السلامه
نور: مع السلامه ... وتو تحط الجوال الا رن نغمه الرسايل وردت خذته مره ثانيه وفتحت الرساله الا نفس الرقم الغريب مرسل ( وينك حبيبي .. خافقي محترق شوق .. استحلفك بالله ياهووووه وينك .. ابد مالي بهالكون مخلوق .. صارت حياتي كلها في ايدينك..ودي اضمك ضمه العنق والطوق .. ودي اكحل عيني برمش عينك .. عمرك سمعت بعين تبصر بلا موق .. هذي العلاقه بين قلبي وبينك .. وشلون اشوف النور ياسيد الذوق .. والشمس تاخذ ضيها من جبينك .. حبك عباره عن شرايين وعروق .. تجري بجسمي نبضها من حنينك .. ) استغربت نور وش هالرقم اللي يرسل لها رسايل بس طنشت الموضوع وقالت يالله ماحنا خسرانين شي .. وقفلت الجوال عشان مايشغلها وكملت دراسه
بعد ايام حسن بسيارته يلفلف بالشوارع ومتضايق بالحيل لأنه مشتاق لهند موت بس متأكد وعارف انه لو اتصل مارح ترد عليه .. وجلس يقول لفسه انا الدلخ اصلا ليش قلت لها كان خليتها ماتردي عن شي وانا انهي موضوع منيره بنفسي .. يالله مني ياليتني سويت كذا .. والله اني مشتااااق لها موت .. طيب ليش ماادق على نور اكلمها وافهمها السالفه .. لا بس نور جديه شوي واخاف ماتاخذ ولا تعطي معي واكيد رح توقف بصف خويتها ..ي ااااربي وش اسوي بس ... قسم بالله اني احبها ..
يتبع..
تابع الجزء السابع
لوجين كانت بغرفتها واخذه بريك عن الدراسه وفتحت اللاب توب وطلعت السي دي اللي شايلته بين ملابسها عشان محد يشوفه ودخلته باللاب وهي ماجابته الا عشان شي واحد بس .. عشان تشوف صوره وليد اللي حافظتها بالسي دي .. فتحت الصوره وتأملتها وكبرتها وجلست تشوفها بهدوء .. وتقول بنفسها يالله وحشني .. وناظرت جوالها وتسائلت اتصل عليه .. لا لا ماني متصله اخاف تصير مشاكل مثل المره اللي فاتت .. ياربي ليش محد يقدر الحب بهالبيت ..اوووف بس .. وسحبت الجوال واتصلت
هند : الوووو
لوجين : هنوووده
هند : هلا ياعين ابوي
لوجين : والله مشتاقه له
هند كشرت : منهو؟!
لوجين : وليد
هند : اقول لوجين اعقلي ياعمري
لوجين : ياااربي حتى انت ماتقدرين مشاعري .. وش اسوي اذبح نفسي
هند : لا يالولو انا مقدره والله بس انت عارفه اللي صار اول مشاكل ومواضيع مالها اول من تالي خلاص باب انقفل لا ترجعين تفتحينه
لوجين : طيب والله مشتاقه له
هند : حتى انا مشتاقه لحسن الحقير بس داعسه على مشاعري ومبعده عنه عشانه مايستاهل ورح تجيني مشاكل من وراه .. وانت بعد رح تجيكي مشاكل من ورا وليد فعشان كذا اقطعي اللي بينكم عشان تتلاشي هالمشاكل
لوجين ضحكت : طيب يادكتوره هند شكرا على كلامك الجميل المقنع
هند ضحكت : العفو ونحن في الخدمه
لوجين: وش جالسه تسوين ؟!
هند : ابد والله جالسه .. لولو تدرين وش سويت ؟!
لوجين : وش؟!
هند: بس امانه ماتقولين لنونو اللين انا اقولها بالوقت المناسب
لوجين : اوكي
هند : اكيد ؟!
لوجين : هنووو يالله قولي والله اكيد مارح اقول شي
هند : كلمت اورنج ..
لوجين شهقت : هااا .. احللللللللللفي؟!
هند : والله .. بس هااه لا تقولين لنور انا اقولها
لوجين : طيب ماني بقايله بس كيف وشلون ووش قلتو وعرف من انت ؟!
هند : لحظه.. حبه حبه وسؤال سؤال
لوجين : هههههه طيب يالله قوليلي من طقطق لسلام عليكم وبالتفصيل الممل
وقالت لها هند السالفه كلها
لوجين : يامجنونه ...طيب لو درت نور
هند : ان شالله مارح تدري
لوجين : ليش وش يضمنك
هند : مارح اكلمه لما نكون مجتمعين
لوجين : هنود والله حرام هي امنتك انك ماترسلين له ولا تكلمينه
هند : انا اصلا مارح اطول مكالماتي معاه .. وبعدين لا هو بيعرف انا من ولا هي بتعرف اني كلمته وخلاص مارح يصير شي ان شالله
لوجين : والله مدري عنك بكيفك
هند : طيب يالله انقلعي ياحلوه
لوجين : شكرا ياذوق
هند تضحك : العفو .. لاشكر على واجب
لوجين :يالله باي خليني اكمل تأملي بصوره الحبيب الاولي
هند : ههههه طيب ولا تطولين النظر وتتعبين نفسيا
لوجين : طيب .. يالله سلام
هند : مع السلامه .
,,,,,,,,,,,,,,,,,,,,,,,
خالد ووليد بالسياره واقفين عند برنيز وطالبين قهوه فرنسيه الا هذي سياره فهد وقفت وراهم بالصدفه خالد ووليد مانتبهوا له بس فهد عرف السياره سياره خالد ودق له بوري .. خالد انتبه وناظر بالمرايا : هذا فهد
وليد يناظرالمرايا وحاس باحراج : هلا والله .. ووليد اللين هاليوم وهو يتمنى الارض تنشق وتبلعه ولا يشوف فهد
خالد اخذ القهوه من العامل وقدم السياره ووقف على جنب
فهد شاف انه في شخص ثاني بالسياره بس موب عارف انه وليد قدم وطلب موكا ونزل يسلم على الشباب اللين يجهز الطلب
خالد ووليد لازالو بالسياره ويوم شافوا فهد نزل نزلوا .. تضايق فهد وتمنى انه مادق بوري عشان مابشوف وليد بس طنش هالاحساس
وليد كان خايف من رده فعل فهد لو سلم عليه
لكن فهد تقدم لهم وسلم عليهم عادي ولا كأن شي كان
فهد : هلااااا والله بالشباب .. اخباركم ويسلم مصافحه وحبه خشم
ماجد : هلا والله .. اخبارك وينك يالقاطع
فهد والله بالدنيا
وليد ساكت ولا حب يتكلم بس تفاجئ بماجد يوم كلمه : اخبار وليد ان شالله تمام
وليد كأنه ارتاح شوي : والله بخير يامال الخير انت وش اخبارك وش علومك عساك طيب
فهد : الحمدلله بخير دامكم بخير وعافيه ,, شخبار باقي الشباب والاستراحه
خالد : والله بخير ويسألون عنك .. متى بتشرفنا بجيتك
فهد يضحك : ان شالله قريب
وليد : عاد مايحتاج نلزم عليك
فهد : اكيد اكيد مايحتاج,, يالله اخليكم الحين بس شفت سيارتك ياخالد وقلت اسلم عليك وكسبنا شوفت وليد
وليد : الله يسلمك ماتقصر
خالد : حياك الله
فهد : يالله مع السلامه وركب سيارته
الشباب : مع السلامه وركبوا ومشوا .. وهم بالسياره خالد مبسووط من فهد بالحيل : ياحليله ابو عبدالله .. شكل اللي براسه طاح .. وطفت ناره
وليد : ايه والله وانت صادق انا استغربت من معاملته معي
خالد : الصراحه حتى انا
وليد : كنت متردد اتكلم معه لو هو مابدى بالكلام كانت جلست ساكت ومافتحت فمي بكلمه
خالد : اكيد انه تفهم الموقف .. وخلاص اللين متى بتضلون كذا
وليد : يالله الحمدلله على كل شي .. بس تدري في بالي شي من زمان بس متردد
خالد : خير ؟!
وليد : ودي اخطبها
خالد فتح عيونه على الاخر والتفت للوليد : منهي ؟!
وليد يضحك : اقول لاتفهي وناظر طريقك
خالد : رد عيونه للشارع اللي يمشيه وقال: من قصدك اخت فهد
وليد : ايه .. اجل من؟!
خالد : من صدقك انت
وليد : ايه
خالد : صاحي ولا فيك شي
وليد : بكامل قواي العقليه وفكرت بهالموضوع كثير
خالد : تنزوج وحده كلمتك ؟!
وليد : ايه عادي بعد لوجين اسويها
خالد : وش المعنى
وليد : لأني احبها
خالد باستغراب : تحبها؟؟؟؟
وليد يشرب من القهوه : واموت عليها
خالد : من متى هالكلام ؟!
وليد : من يوم تركتها
خالد : بس عمرك مابينت هالشي
وليد : موب لازم ابين مشاعري قدام احد بس انا ماكنت اتوقع نفسي حبيتها ولكن طلعت ميت فيها
خالد : ايه الخلاصه بس وش لاقي فيها زود
وليد يضحك : عيب اقولك عن زوجتي شي بس هي مو مثل البنات اللي عرفتهم وكلمتهم
خالد : الله خليتها زوجتك الحين .. ضمنت هالشي
وليد : ماعلى الله عسير
خالد ونعم بالله
,,,,,,,,,,,,,,,,,,,,,,,,,,,,,,,,
اول اسبوع من بعد اختبارات نور ولوجين اللي استمرت اسبوعين ونص اجتمعوا البنات عند لوجين وكانوا جالسين برا بالحوش كان الوقت بعد العشا
لوجين : ياشينك ياهند
هند : ليه ؟! وش سويت ؟!
لوجين : كان جبتي الشيشه معك
نور ضحكت وهند قالت : لا ياشيخه قومي احلفي وانت واقفه
لوجين تضحك : من جد ليش ماجبتيها
هند تناظر نور : بالله سكتيها بلا استهبال فاضي
نور: خليها تستهبل توها مخلصه اختبارات وودها تفضفض عليك
لوجين : هههههههههههههههه
هند : ليه وش قالولك من انا ؟!
نور: انت هند من انت بعد .. هند نكتت الشله ههههههههههههههه
هند: بالله من جد انا نكتت الشله .. من زين هالشله عاد
لوجين : هههههههههه احلى شله ولا عندك كلام ثاني
هند : ايه عندي
نور: وش عندك ؟!
هند : اخيس شله شفتها بحياتي وامصخ بنات اصاحبهم واحس نفسي لايعه منكم لو زودوا هالمصاخه بطلع اللي تغديته عليكم
نور ولوجين : وااااااااااااااااااااع بلا قرف
هند تضحك : احسن
لوجين : الا صح يانونو
نور: هلا
لوجين : ماتشوفين منيروه بالكليه وماقبلتيها وماتكلمتو بشي
نور: لا اشوفها من بعيد واحس بعيونها قهر ماادري ليش احس عندها كلام ودها تقوله وساكته بس انا ذبحتها بعيوني كل مااشوفها تناظرني اشمق لها وكأني اتوعدها بشي
هند تنهدت بصوت عالي .. نور: سلامتك من الآه ياقلبي .. وش فيك
هند : بموت
لوجي : الله تموتي مره وحده ,, ليش بس
هند : مو من شي بس من قهري على نفسي
نور: ليه؟!
هند : لأني حبيت واحد وبالاخير طلع ... ودمعت عيونها
نور: خلاص خلاص ماله داعي تقولي ومانبي دموع وحزن تونا طالعين من هم امتحانات مانبي هموم ثانيه
لوجين : صح عليك يانونو
هند مسحت عيونها : غلط عليك يالولو
لوجين : ليش ؟!
هند تضحك : لا بس اقلدك هههههههههههههههههه
رن جوال هند وناظرته الا هذا اورنج ردت وهي مبتسمه : هلا والله
اورنج : السلام عليكم
هند : هلا والله وعليكم السلام
اورنج : شلونتس ياقلبي
هند : بخير الحمدلله انت كيفك
اورنج : بخير دامني سامع صوتس
هند : دوم يارب
نور تناظرها : من
هند ابتسمت وماردت عليها : لا بس انا عند صديقاتي العزيزات
لوجين : سلمي عليه
هند : تسلم عليك لولو
نور تناظر لوجين : منهو ذا بعد
لوجين ماعرفت شتقول لها بس تجاهلت اسألتها بحركه ذكيه منها : هنوده قولي له ابي اضيف الايميل تبعو
نور سكتت ولا سألت شي تنتظر هند تقفل
اورنج سمع لوجين اوكي قوليلها ارسل لها الحين الايمل رساله وتضيفي وانا اقبل اضافتها
هند تكلم لوجين : يقول اوكي
لوجين : زين ..
هند تناظر نور: خذي تبين تكلمينه
نور: مو قبل مااعرف منهو
هند : كلميه وبعدين بتعرفين من هو
نور: لا ماابي
اورنج : من هذي
هند : وحده من صديقاتي
اورنج : وش بلاها
هند : موب راضيه تكلمك
اورنج : قولي لها صوته حنون مايخوف
هند ضحكت : يقولك صوته حنون مايخوف
نور : ايه باين صوته انا سامعته وانا مااكلمه اجل لو كلمته بنطرش على طول
اورنج هههههههههه : وش فيها ذي وش تحس فيه
هند : ماادري .. وقامت من عند البنات تمشي بعيد عنهم
هند : ايواا .. اخبارك
اورنج : تمام ياقلبو ..
هند : قمت من عند البنات
اورنج : والله ؟!
هند : ايه
اورنج : وين رحتي
هند : حنا بالحوش وهم جالسين وانا قمت امشي بعيد
اورنج : اموااااااااااااااااااااااااااه
هند : وش ذا
اورنج : بوسه مني لتس ارسلها مع هواء شرقاوي
هند : شكرا بس لا عاد تنعاد
اورنج : هاه .. ليش ياقلبي
هند : لأني مااحب هالكلام
اورنج : ماتحبينه ؟! شلون ماتحبينه ؟! فيه بنت ماتحب هالكلام ؟!
هند : ايه انا مااحب
اورنج : لا ياحبي لازم تحبينه عشان احبتس
هند : وعشان تحبني لازم يكون هالكلام بيننا .. مااظن انه ضروري
اورنج : بالعكس ضروري ياقلبو وبعدين عمرتس شفتي حبيبين مايكون بينهم علاقات حميمه
انصدمت هند من هالكلمه : وش قصدك ؟!
اورنج : انت فاهمه قصدي مايحتاج اوضح وبعدين حنا مو اول مره نتكلم بهالمواضيع
هند : طيب يالله تبي شي ابي اقفل الحين
اورنج: ايه ابي..
نور : من تكلم هند
لوجين تبلع ريقها : واحد غبي غلطت برقمه
نور: هي غلطت ولا هو غلط ؟!
لوجين : لا هي الغلطانه
نور: اهااا .. وبعدين تجلس تقول انا حبيته وسوابي وخانني سبحان الله هند ماتتوب دايم كذا تتصرف بطيش
لوجين : خليها تعيش حياتها
نور: لا والله .. خليها تعيش حياتها وبكره لاصار فيها شي مثل المره الاولى مارح تقول اعيش حياتي وبعدين ترى المره الاولى ربي اللي ستر عليها اللين الحين ماقالت منيوره أي شي
لوجين : وش يأكدلك انها ماقالت او مابتقول ؟!
نور: مدري بس اللي يبي شي يسويه بوقته وماينتظر السالفه تبرد ومثل ماقلت لك احس منيره عندها شي اشوف بعيونها قهر موب طبيعي ودها تتطلع حرتها ومو قادره
لوجين : تصدقين حتى انا مااتوقع رح تسوي شي
نور: ولا انا وبعدين خلاص انتهت السالفه مر عليها شهر واكثر
هند : هههههههههههههههههههههههههههههههه
اورنج يضحك : عجبتس الموضوع يالدووبا
هند تضحك : والله انك قليل ادب ماتبطل حركاتك النص كم هذي يالله مع السلامه
اورنج : ليش ياقلبي خلتس معي شوي
هند : خلاص البنات ينتظروني .. اذا رجعت البيت اكلمك اوكي
اورنج : اوكي حبيبتي
هند : ترووك
اورنج : هلا ياعيونه
هند بدلع مصطنع : حافظ علي
اورنج : شلون يعني احافظ عليتس ؟!
هند : يعني اهتم فيني حط بالك علي
اورنج : خلاص اذا ركبتي معي بالسياره ما بسرع هههههههههههههههههههههههههه
هند : ياااربي منك كل شي عندك مزح
اورنج : ههههههههه ياقلبي انت تقولين حافظ علي خلاص مااسرع فيتس ( ومات ضحك )
هند تضحك : والله انك غبي ومعفن يالله مع السلامه
اورنج : يالله ياقلبي مع السلامه
هند : باي باي
اورنج : باي تيك كير ماي دير
وقفلت منه وراحت للبنات وجلست وهي تضحك : باااك
نور ولوجين : اهلين
نور: ايوا ياست هند ومن هذا بعد
هند : واحد
نور: عارفه انه واحد اجل وحده
هند : لا تشغلي بالك بعدين اقولك من هو
نور حست ان هند ماتبي تقول لها : اوكي براحتك يامس هند
,,,,,,,,,,,,,,,,,,,,,
نور راجعه للبيت وطول الطريق مشغول بالها باللي تكلمه هند وتقول بنفسها ( ياربي غريبه ليه ماقالت منهو .. معقوله تسوي شي من وراي .. لا مااظن هنوده ماتخبي شي علي .. بس ليش ماقالت .. يالله بكيفها اليوم ولا بكره رح اعرف ) قطع حبل افكارها عبدالرحمن : وين وصلتي بأي دور ؟!
نور: هاه .. لا لا مابعد بديت
عبدالرحمن : بوش مسرحه
نور: ولا شي بس كذا سرحت بالشوارع والسيارات
عبدالرحمن : ليش ماخذيتي ضي معك ؟! اكيد انها طفشانه من البيت ..
نور: قلت لها بس مارضت لأن الهنوف ماجات هي بعد
عبدالرحمن : اهااا
,,,,,,,,,,,,,,,,
هند لازالت عند لوجين
لوجين : هنوده متى يتقولين لنور ؟!
هند : ماني بقايله لها شي خلاص بنهي الموضوع بنفسي
لوجين : شلون بتنهينه ؟! وشكل اللي بينكم كبر ومو مثل ماقلتي انك ماتبين تطولينها معاه
هند ماعرفت شتقول لأن كلام لوجين صح
لوجين : وبعدين انت شلون تقولين لها خذي كلميه ؟! غبيه ؟!
هند : وش يدريها انه هو ماعمرها سمعت صوته ولا هو بعد
لوجين :ايه صح ..سكتت وردت تكلمت .. هنوده لاتنسين انك دايم تقولينن حنا مانخبي شي على بعض وحنا صريحات وحنا وحنا واللحين تثبتين غير هالكلام
هند حست بضيقه : خلاص يالولو قلت لك بنهي الموضوع بنفسي
,,,,,,,,,,,,,,,,,,,
دخلت نور البيت وراحت على غرفع ابوها اللي من وقت الحادث نقلوها بالدور الارضي ودقت الباب على خفيف بس ماسمعت صوت وفتحت الباب فتحه بسيطه بحيث تشوف سرير ابوها .. ولقته متغطي ونايم وردت طلعت من الغرفه وطلعت على فوق مرت على غرفه ضي وبعد لقتها نايمه استغربت كلهم نايمين بدري وراحت على غرفتها فصخت عباتها وراحت فتحت الدولاب وطلعت بيجاما و توجهت دوره المياه
,,,,,,,,,,,,,,,,,,,
هند راحت بعد نور بوقت مو طويل وطبعا رجعت مع السواق دخلت البيت لقت امها وابوها جالسين بالصاله : السلام عليكم
سعاد وصالح : وعليكم السلام ورحمه الله وبركاته
سعاد: هااه رجعتي
هند داخله للصاله : ايه
سعاد : شخبارهم ؟1
هند رمت نفسها على الكنب : بخير
سعاد تكلم هند وبدون مقدمات : الاسبوع الجاي بنطلع للبر
هند فرحت : صدق ؟!
صالح : ايه صدق وبنقول لأبو فهد وابو عبدالعزيز نطلع سوا
هند طايره من الفرحه : متى ربوع ولا الخميس
صالح : الاربعاء والخميس بنخيم هناك يومين ونرجع الجمعه
هند : الله وناسه
وقامت تبي تطلع غرفتها
صالح : وين ؟!
هند : بطلع اكلم البنات واقولهم
صالح يضحك : زين قوليلهم
وطلعت هند للغرفه وبدلت ثيابها واتصلت بلغت البنات
,,,,,,,,,,,,,,,,,,,,
هند اتصلت على لوجين قالت لها هالخبر الحلو وقفلت منها واتصلت على نور.. نور كانت منسدحه على السرير لكنها مانامت وكالعاده الجوال تحت المخده شوي اللي يهز الجوال وسحبته وتناظر الشاشه : هذي هنوده .. ردت : هلا والله
هند : ازيك ياحلوه
نور: تمام .. انت شلونك
هند بخير الحمدلله مستانسه على الاخر
نور: دوم ان شالله وش السبب
هند : متصله اقولك الاسبوع الجاي بنطلع البر وبابا قال انه بيكلم ابوك وابو لوجين نطلع سوا
نورابتست : والله ؟!
هند : ايه والله .. لما رجعت من عند لوجين قالوا لي
نور: زين والله .. وانت متى طلعتي من عند لولو
هند : بعدك بنص ساعه تقريبا
نور: اهااا .... سكتت شوي وقالت.. ايوااا ياهند .. وماتبين تقولين من اللي كنتي تكلمينه ؟!
هند : ههههه بتعرفين قريب
نور: وانا ابي اعرف اللحين
هند حست بنبره صوتها الجديه : لا خليها بوقتها
نور: هند انا مارح اقفل الا لما اعرف من هذا اللي تكلمينه
هند : نونو حبيبتي خلاص بوقتها بقولك
نور انقهرت : اوكي براحتك .. وسوي اللي يريحك .. بس تذكري ان انا مااخطي خطوه الا اقولها لك اوكي خلي هالشي في بالك
هند : ليش معصبه طيب؟!
نوربأنفعال : ماني معصبه بس خلاص كل واحد على كيفه ..
هند : اوكي .. هدي اعصابك
نور تحاول تتمالك نفسها : اعصابي ابرد من الثلج
هند : الظاهر مو كذا
نور: هند تبين تقولين ولا اقفل
هند : لا ابي اقول بس ..... وسكتت
نور: بس شنو ؟!
هند : امممم .. نور اللي كنت اكلمه ... وتبلع ريقها ..
نور: اخلصي ..
هند : اورنج
نور شهقت وحست كأن احد ضربها كف على وجهها : اورنج
هند : ايه
نور كانت تكلم هند وهي منسدحه وفزت تربعت على السرير : اورنج اللي عندي بالمسن
هند : ايه ماغيره
نور حست بقهر فضيع ودموع ماتعرف لها أي سبب : ليش ياهند ؟!
هند : ماادري
نور صرخت : شلون ماتدرين ؟ّ! شلون .. من متى تكلمينه .. قولي كل شي صار بينكم وبالتفصيل
نور قالت هالكلام ماتدري وش اللي تنتظره من صدمات
هند : بنكمل شهر تقريبا .. و.. و.. و.. تراني ارسلت له صورتي ..
نور حست ان اعصابها فلتت منها : شتقولين ياهانم .. ارسلتي صورتك .. ليش ياهند ليش تسوين كذا .. انا امنتك ماتكلمينه .. وياليتها جات على الكلام بس الا وصلت للصوره .. هند وش اللي صار لك .. ليه سويتي كذا ؟!
هند بدت تبكي : نور امانه سامحيني .. والله العظيم انه مايدري من انا ولا ااذا لي علاقه فيك ولا لا
نور: بس حتى انا امنتك ياهند وانت وعدتيني .. بس ياخساااره منت قد كلمتك .. وغير كذا لك شهر تكلمينه وتستغفليني ياهند لهالدرجه انا عندك مااسوى شي واللي بيننا ماحسبتي له حساب .. انت الظاهر للحين ماتعرفين مصلحه نفسك.. لكن ياهند اللي بقوله لك كلمتين .. والله والله لو يصير معاي أي شي لو انحرق لو اموت مااجي بلحظه اقولك وانسي انك كنت بلحظه صندوق اسراري واذا جاكي أي ضرر منه لا تجي تقولين لي لأن انا محذرتك من الاول ..وقفلت نور الخط بوجهها وهي بقمه القهر .. اكيد الكل بيقول ان نور تحب اورنج بس نور ماتحبه نور ماتبي أي علاقه بينها وبين هالانسان اكثر من المسن موب عشان شي بس انها ميب مرتاحه له .. وغير كذا انها متفقه مع هند انه مايصير بينهم شي وهند مااعطت أي اعتبار لهالشي واللي ولع نور اكثر انها ماتوقعت حركه مثل هذي من صديقه عمرها هند اللي من طفولتهم وهم مايخبون على بعض شي وتجي هند بلحظه تهدم الثقه اللي بينهم...
,,,,,,,,,,,,,,,,,,,,,,,
انتــــهى الجزء الســــابع...
وش رح يصير بين نور وهند ؟!
وهل ياترى نور رح تتطلع البر معهم ولا لأ؟!
الجـــــزء الـــــثامن,,,
مدخل/
صديقتي ..
احبك ..
ولهذا السبب سأعذرك .. واسامحك ..
فصداقتنا اكبر من أي شي..
..........
هند بغرفتها جالسه على طرف السرير وتصيح وتتصل على نور لكن نور ماترد عليها وبعدها قفلت الجوال .. هند ضلت بحيرتها شلون تراضي نور وقررت انها تصارح اورنج بالشي اللي صار وتعترف
يتبع ,,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك