رواية عذبتني باسباب فرقاك -15
البنات كانوا واقفين وراها ويصفرون مستانسين والدنيا ما شايلتهم مريم بنتخطب للشخص اللي تحبه
طلعوا من البيت وركبوا في اللكزس مالت ساره لان مريم تبي تدلع عمرها وما تبي تسوق في حكم انها عروس
ساره وييييييييييييه نسينا نقول لفطووم .. الحين بتزعل وتمد البرطم علينا .. ميوو اتصلي لها
مي كاني قاعده اتصل بس هي ما ترد
ساره جربي مره ثانية .. أكيد ماتسمع
وفعلا ردت فاطمة وكانت ما تسمع شي لانها مطولة على الاغاني حدها
مي بصراخ ألو فاتيييييي .. احنا بنروح السوق بتيين معانا ؟؟
فاطمة لا مو يايه .. رفيجتي معاي
مي بنروح نشتري فساتين ليلة باجر ملجة مريوم
فاطمة باقي شوي وتطلع لهم من التلفون أأأأأأأأأأأأأأأأ يالحميييييييييييير .. مريوم بنتخطب ومحد قالي
مي توى الحين صاير كل شي .. بتيين ولا لاء ؟؟
فاطمة أكييييد بيي .. يالله مرووني الحين
مي ورفيجتج ؟؟؟
فاطمة الحين بذلفها بيتهم .. يالله لا تتأخرون علي
مي زين .. زين خمس دقايق واحنا واصليين .. يالله باااي
فاطمة بااااااااااي
مي شكنتوا تسولفون عني ؟؟؟؟؟؟؟؟؟؟
ساره ولا شي .. بس كنت اسأل مريم من متى وهي تحب علي والله ما كان يبين عليهم ..
مي شفتي اشلون حتى لما كنا نحببج فيه ونقولج يناسبج ما كانت تتأثر
ساره اي والله .. مريوم كل هذا خاشة بقلبج .. اشلون قدرتي .. بس تصدقيين لايقين على بعض من لما شفتكم مع بعض ليلة الباربكيو هو يعزف وانتي تغنين .. بس حسافة ما كملت معاكم القعده لان بابا مرني وطلعت معاااه
مريم ومي صاروا يطالعون بعض ومريم الفرحة باينه في عيونها وتضحك من داخلها بقوه اخيرا ارتاحت من شكها وخوفها بس زعلت من نفسها شوي لما تذكرت ظلمها وشكها في حبيب قلبها وهو كان بريئ من اتهامها له بالخيانة
مريم اتنهدت براحه ليش وين رحتي انتي وابوج ؟؟؟؟؟؟؟
ساره ضحكت بسخرية يعني وين بروح عازمني على عصير .. عشان ياخذ بخاطري ويقولي انه ما يقدر يقعد هني ولازم يسافر وسفره مهمة وضرورية وان شاءالله مو مطول اسبوع وراجع .. تعرفين انتي ابوي كلام على الفاضي .. اصلا انا من شفته متصل لي وقالي طلعي لي برى الفيلا عرفت السالفة فيها سفره
مريم خلاص قامت تضحك بدون سبب من فرحتها وراحة بالها طبعا مي عارفة السبب وعاذرتها بس ساره اللي مستغربة من تصرفاتها بس عذرتها اكيد من فرحتها بخطوبتها
وصلوا عند بيت ابو بدر ياخذون فاطمة
في الجهة الثانية كان رايح الفيلا ياخذ له اغراض ويختار وحده من بدلاته اللي وصلوه من ايطاليا الا وتلفونه يرن
مثبت تلفونه بإذنه وهو يطلع بدلاته ألو ... هلا ابو خليل
ابراهيم اوووووو .. الا راد على تلفوني بسرعة بالعادة اتصل 10 مرات يالله ترد
أمير رمى البدلات على السرير مشغووووووووووووول ... انا هني في بيتنا
ابراهيم متفاجئ في بيتكم ؟؟؟؟ ليييييييييش ؟؟؟
أمير لا ما في شي بس ييت اشوف امي .. واخذ لي شوية اغراض
ابراهيم ايييي .. زين تعال مرني شوي
أمير لا والله ما اقدر .. ليلة باجر ملجتي ومشغول لفوق راسي
ابراهيم فاتح عينه بهالسرعة عااااااااااااد .. اشلووون ..
أمير قصة طويلة ما تنقال بالتلفون لين شفتك بقولك .. يالله خلني اكمل باقي اشغالي بعدين اكلمك لين فضييت
سكر التلفون الا وصوت اخته الصغيره نور تصرخ مـــــــــــــــــاااامــــــــــــــــاااا ... ماما شفييييييييج .. ماما لا تموتين .. ماما قعدي
رمى كل اللي بيده وراح يركض غرفة امه
توقعاااااااتكم
شصار فيها أم أمير ؟؟
وهل بتم الملجة على خير ؟؟ ولا هذا الحدث بيقلب مجريات القصة
الجزء الخامس والعشرين
سكر التلفون الا وصوت اخته الصغيره نور تصرخ مـــــــــــــــــاااامــــــــــــــــاااا ... ماما شفييييييييج .. ماما لا تموتين .. ماما قعدي
رمى كل اللي بيده وراح يركض غرفة امه
لقى نور قاعده على السرير وتصيح وهي تهز امها بقوه ماما .. لا تخليني .. ماما .. هاااااااااهااهئئئئئئ
رفعت راسها لقت أمير واقف ومتصنم
نور اخت أمير الصغيره عمرها 16 سنة آخر العنقود ودلوعة أبوها الله يرحمه شعرها لنص ظهرها ولونه أشقر عسلي وعيونها مثل عيون اخوها زيتية وواسعة خشمها صغير وناعم وفمها مليان وناعمة بملامحها وحجمها صغير ضعيفة وفيها شوية طول
زادت في صياحها أمير ماما ما تتحرك .. سوو لها شي لاتخليها تموت مثل البابا .. أمير لا توقف جذي تحرك .. ما ابي اصير يتيمة بدون ام .. أمي الله يخليك انا مالي غيرها ..
أمير راح وقعد على الطرف الثاني من السرير وصار يتحسس يد امه لقاها ثلج مد اصابعه وفتح عيونها يكشف عليها وبعدها نزل يتحسس نبض وريدها
طول وهو يفحصها
نور ما قدرت تتحمل وقامت تصرخ ماما لاتموتين .. أمير لاتقولي انها ماتت ..لا ..لاتقول .. ابي امي
أمير ترك امه وراح قعد يم اخته وخذاها في حضنه نور حبيبتي .. انتي مو صغيره كبرتي الحين
نور حتى لو ابي امي .. انت طول الوقت مشغول ويوسف مسافر انا من لي اعيش هالبيت بروحي
أمير بس انتي مو بروحج .. ماما معاج .. وانا بعد كلها ايام وارجع اعيش معاكم
نور رفعت راسها متفاجئة يعني ما ماتت ؟؟؟؟؟؟؟
أمير ابتسم لا حبيبتي .. نايمة ..تعرفين الدوا اللي تاخذه ثقيل يخليها راقده طول الوقت
نور مسحت دموعها أمير صرت اخاف اقعد هني .. امي وجودها وعدمه واحد .. البيت فاضي وكله حرس اخاف حتى اطلع الحديقة .. لا تروح خلك معانا
أمير نونو .ممكن اطلب منج طلب صغيير
نور ما ردت بس طالعته بنظرات تنتظر منه الاجابة
أمير مهليني بس الليلة ومن بكرا انا معاج على طول ما راح اترككم
نور ابتسمت ابتسامة رضا اذا على الليلة مقدور عليها صارلك 3 شهور ما طبيت البيت ..
وبصوت جدي محمد أمير ...
أمير قولي ..
نور متى بتعالج أمي ؟؟؟؟؟؟؟
أمير الحين تاخذ المرحلة الاولى من العلاج .. وان شالله الشهر الياي نبدأ بالمرحلة الثانية
نور يعني بتسافر ؟؟
أمير قام باس راس امه عشان يطلع اي حبيبتي .. لازم تسافر وان شالله انتي بتروحين معاها
نور زين انت وين رايح ؟؟؟ اقعد معاي شوي توى الناس
أمير هي ليلة وبتعدي ان شالله وبتلقييني هني طول اليوم
نور كلش .. بترد البيت الصبح في المستشفى والعصر في الشركة اذا شفناك بالليل نعمة
أمير مو قلتي أهم شي تشوفيني .. خلاص اتحملي
نور عيونك تلمع .. شكلك عشقان يا خوي
أمير ابتسم وطلع ونور لحقته أموررررررررري .. تعال قولي من هذي .. من اللي قدرت عليك
أمير ثقيييل دم وما اضحك وطول الوقت جدي ومتنرفز وعنيد ومغرور و و و ...
نور زين مو قايلة شي .. بس صج مافيك اخلاق عدلة .. اشلون حبتك هذي
أمير انا اول مره اشوف اخت تقول عن اخوها جذي .. يا بنت لا تطيحين بحظي مو انتي تقولين اني احلى واحد فيكم
نور اي حلو وهذا اللي باط جبدي .. انك احلى مني
أمير ما علق بس انفجر من الضحك على اخته ورجع غرفته اخذ بدلته وجوتيه وطلع من البيت مر على بيت ابراهيم لان كان بروحه في البيت زوجته وبنته طالعين
ابراهيم وهو يجهز الكوفي ابي افهم شي واحد .. انت اشلون قدرت تذله جذي وتجبره يوافق على زواجك من بنته
أمير عادي ... انت ما تعرفني يعني .. هذا ورفيجه هم اللي خذوا ابوي مني انا وامي واخواني .. بيتنا اخترب .. اختي دمعتها ما تنشف من عيونها وين قبل دلوعة ابوي ما يرضى احد يزعلها بكلمة مو بعد ينزل دموعها .. ولا امي كانت شايله البيت وما ترضى احد يدخل غرفنا ولا يطبخ لنا ولا يلمس اغراضنا غيرها .. كانت متعلقة بأبوي لدرجة انها مو قادره تتحمل فراقه .. ولا يوسف اللي للحين ما يدري عن موت ابوي ولا مرض امي لاهي بدراستة وكل ما يتصل نور تتعذر له ان ابوي نايم ولا مسافر ولا طالع وامي معاه .....
ابراهيم تبي نصيحتي يا امير ؟؟
أمير شنووو ؟
ابراهيم بلا لك ياه هالزواج .. ابعد عن هالبنت ..
أمير انفعل ابراهيم انت من صجك ؟؟ بعد كل اللي سويته عشانها تبيني ابعد عنها .. انا قاعد اعد الساعات عشان بس ايي باجر ونملج وارتاح
ابراهيم يا أمير انت تتكلم عن ابوها بحقد وقلب اسود اشلون بتعيش معاها .. هذا ابوها يعني مهما حبيتها ومهما طالت العشرة والايام بينكم مردك بتشوف صورة ابوها السوده فيها وبتكرهها
أمير اكرهها ؟؟؟؟؟ انت شتقول انا اكره مريم
ابراهيم اي يا أمير .. أجل الزواج .. ما تدري يمكن مع الوقت تنسى حقدك وتسامح ابوها
أمير ابوها لا مستحيل انسى اللي سواه .. مستحيل .. ومريم باخذها منه وبحرق قلبه
ابراهيم شفت اشلون .. وانت عبالك اذا مريم عرفت بحقيقتك بتتم تحبك وانت تكره ابوها بهالشكل
أمير انا بفهمها بحقيقة ابوها وبأسبابي
ابراهيم بتقولها انك اقتحمت حياتهم وحبيتها عشان تنتقم من ابوها .. لا يا أمير انت الحين بتبدأ مرحلة يديده واذا صج تحبها لازم تسامح ابوها .. لان بيصير عمك ابو زوجتك ويد لعيالك
أمير حتى لو سامحته .. ما اقدر يا ابراهيم كل ما ادخل بيتنا واشوف حالة امي اموت قهر .. ولا اختي ولا اخوي اللي ما يدري عن شي .. أربع شهور واحنا مو قادرين نصارحه بشي
ابراهيم عشان جذي اقولك لا تتسرع .. صدقني لمصلحتك .. صارحها أول
أمير ما اقدر اول نتزوج بعدها اقولها .. ابيها تكون لي
ابراهيم عشان اذا عرفت حقيقتك ما تقدر تبعد عنك .. أمير هذا مو حجي واحد فاهم ومتعلم .. ان تعرف اسهل شي بتطلب الطلاق
أمير ابراهيم انت الحين شتبي شايفني فرحان وتبي تخرب علي فرحتي .. تبيني اصير مثلك احط يدي على قلبي واقعد اتحسر طول عمري ..
ابراهيم لا يا خوي لا تظن اني ما ابي لك الخير ولا غيران منك عشانك بتاخذ البنت اللي قلبك اختارها وحبيتها بالعكس انا ابيك تفهم ان مريم بنت ابوها واذا تحبها لازم تنسى اللي صار وتبدأ حياتك اليديده بدون كره وزعل وتقول لمريم بنفسك قبل لا تتأخر وايي احد غيرك ويفهمها بطريقه ثانية وبعدها ما بتقدر ترجع بالزمن لورى
أمير ساكت ويفكر بكلام ابراهيم يالله انا ماشي .. ابيك تيي باجر وتوقف معاي .. مالي غيرك من بعد ما راح ابوي
ابراهيم ولا يهمك .. بس ابيك تفكر بكلامي وتتصرف قبل باجر
امير يصير خير .. يالله في أمان الله
ابراهيم في أمان الكريم
وطلع من بيت صديقه وكلامه يلف ويدور في باله ................. محد عارف يمكن اقتنع ويمكن لا كل شي جايز
البنات لفوا الاسواق وتشروا لهم اغلى واحلى الفساتين وراحوا يسهرون ويحتفلون بخطوبة مريم وكانوا ملزمين يسهرون للصبح بس مريم ما رضت كانت تبي ترد البيت بسرعة وتشوف أمير اشتاقتله والبنات احتجوا بس بالاخير طاعوا كلام العروس واقتنعوا انهم لازم يرتاحون لان باجر بيكون يوم حافل
ردوا البيت قريب الفجر ومريم نزلت من السياره وكانت عيونها على الملحق بس كان مظلم عرفت ان أمير نام ابتسمت ودخلت الفيلا مع البنات وكملوا سهرتهم بغرفة مريم
فاطمة مريوم .. من صجج بتتزوجين وبتخلينا
مي لا والله عبالج احنا ياهل كبرج .. لا حبيبتي احنا عدينا العشرين نبي نشوف حياتنا .. وييييييييييه مريوم انا بعد لازم اتزوج غرت منج بييني اكتئاب ما اقدر ما اشوفج كل يوم .. علي بياخذج مني ...
مريم حبيبتي انتي ما راح اتطولين صدقيني .. وراي قلبي حاس جذي
ساره وهي متخصره وانا ؟؟؟؟؟؟؟؟؟؟
مي لا انتي بتعنسين .. توى الناس عليج
ساره حلفي انتي وويهج .. اسم الله عليّ .. انا بعد ابي ريل
فاطمة مشغله أغاني في تلفونها وتسمع بالمايك وييييييييييييييه ... سااااااارووو هذا بدر يتصل
ساره راحت على السرير مكان ما فاطمة منسدحة اكيد وصل .. عطيني برد عليه
فاطمة بصوت واطي بتقولين له عن ملجة مريم
ساره أكيد لازم يعرف عشان يصحى من احلامه
فاطمة لا ساره حرام توى راد لاتكدرينه
ساره تسكتها لانها ردت على اخوها هلا حبيبي .. وصلت
بدر توى طالع من الحمام وينكم انتو .. وين تلفونج عيزت وانا اتصل وانتي ماتردين
ساره طلعت من غرفة مريم وراحت غرفتهم هي وفاطمة بدر خلك من تلفوني .. ابيك بموضوع ما ينقال بالتلفون .. مر علي بيت عمي الحين
بدر الحين ؟؟؟
ساره اي الحين .. تعال بسرعة
بدر زين اغير ثيابي وايي
ساره ليش انت ما بدلت ثياب الشغل ؟؟
بدر بدلتهم بس لابس شورت وبدي ثياب النوم .. تعرفيني ما احب اطلع فيهم
ساره بدر ما يحتاج تعال بطلع لك للسياره
بدر لهدرجة الموضوع مهم ..
ساره اي يابدر لهدرجة .. يالله تعال
بدر زين ربع ساعة وانا عندج .. باااي
ساره باي
سكرت ساره التلفون وتركته في الغرفة ورجعت تقعد مع البنات
مريم ساره وين رحتي ؟؟؟ تعالي ندز مسجات للربع ابي اعزمهم على الملجة
ساره زين كاني ييت .. يالله
مي بتعزمين حمود ولد خالتج
مريم اخاف اعزمه وتيي اللزقة لجين
ساره بس مو عدلة ما تعزمين خالتج
مريم اذا ماما مو هني ليش اعزمها
ساره تعالي مريوم اشلون امج ما تحضر ملجتج ؟؟
مريم سارو عاد لاتخربين فرحتي .. بعدين هذي بس ملجة .. ان شاءالله في العرس تكون معاي .. ودام ما في اخبار ان شاءالله تكون بخير .. ولا شرايج فطوووم
مي ويييييه .. رقدت والمايك بإذنها ..
ساره سكري التلفون احسن .. بعد شوي بوقضها
مي زين انا نازلة اييب اكل يوعانة تبون معاي
مريم انا ما ابي
ساره وانتي شله تبين عندج اللي مشبعج .. الفال لنا .. اقووووول ميووو يبي لي معاج
مي زين ولا يهمج
مريم مي ييبي الدفتر اللي فيه ارقام البنات اللي كانوا معانا بالمدرسة .. تلقينه في الهمر
ساره ليش بتعزمينهم ؟؟؟
مريم طبعا .. تبينهم يزعلون مني ...
ساره لا .. ما يصير تزعلين احد .. الفرحة فرحتنا كلنا يوم خطوبة مريوم
مريم الله لا يحرمني منكم كلكم
نزلت مي تحت المطبخ وبدت تلم الاكل والعصاير لها ولساره حطتهم على الطاولة .. بقى دفتر مريم اي لازم تطلع تاخذه من السياره
طلعت في الحديقة وراحت كراج السيارات كانت السياره مفتوحة دخلت وقعدت على السيت وفتحت الbt اخذت الدفتر ونزلت من السياره
فتحت الدفتر تطالع الارقام وهي تمشي
الا وسياره تصدمها .............. طبعا سيارة بدر
مي طاحت على الارض آآآآآآآآآي
نزل بسرعة وراح لها تعورتي ؟؟؟
مد يده وقومها لا .. اي شوي .. ولا يهمك
فتح عيونه انتي اشلون تطلعين الحديقة جذذذذذذذذذذي ؟؟؟؟؟؟؟؟؟
مي كانت لابسة بجامة حمره سبورت بشورت قصير بنص الفخذ وبدي علاقي ضاغط عليها
مي طالعت روحها من فوق لتحت اي عادي
بدر اشلون عادي .. شوفي نفسج شلابسة .. هذا لبس بنت محترمة تطلع الفجر والسكيورتيز ماليين المكان .. ليش هذول مو ريال ..
مي مصدومة انت شعليك مني .. انا متعودة امشي جذي .. محد كلفك عليّ
ومشت عنه مقهوره مسكها من كف يدها ولفها غصب انتي محد مالي عينج ؟؟ اشلون ترضيها على نفسج تطلعين جذي ..
مي سحبت يدها ومشت عنه ارضاها .. خلني في حالي
بدر مسكها من ذراعها ودفعها بقوه وصارت على حضنه عض على اسنانه مو بكيفج .. تغيرين ملابسج احسنلج ..
لحظة سكوت مي مو مستوعبة انها بين احضانه وانفاسه قريبة من انفاسها صارت تشاهق بدون صوت وعيونها في عيونه بدت تلمع وكأنها تحضر نفسها وتطلق اول دمعاتها
بدر سكت لانه عيونها كانت شادته الحزن اللي فيها ودمعتها المحبوسة وكلامها تذكر كلام مريم وحبها له وحبه لبنت عمه بس لما شافها ما يدري ليش عصب عليها وهو مو من حقه حتى لو كانت لابسة هاللبس .. في شي بداخله يخليه يتملكها مع ان احساسه مو لها بس يحس انها له وما يقدر يسكت ويشوفها تمشي جذي
كانت ويهها قريب من ويهه حس بأنفاسها وتوترها بس ما يدري ليش مو قادر يبعد عنها
مي مخنوقة وصوتها رايح انت شتبي ياي ترمي بلاك عليّ بنص الليل ..
وبعدت عنه
بدر لا تخافين مو ياي عشانج .. ولا عشان اشوف هالشوفة
مي هه .. عشان مريم ؟؟
بدر وانتي شيخصج ..
مي اي صح .. سوري
مشت عنه لجهة الباب
بدر مــــــــــي ...
مي وقفت بدون ما تلف نعم .. خييير .. في شي ثاني ؟؟؟؟
بدر انا بعد آسف مو من حقي .. بس انا اعتبرج ..........
مي مثل اختك حفظتها .. تبي شي ثاني
بدر اي .. ممكن تنادين لي ساره .......
مي ان شاءالله
ومشت وهي كاتمة دمعتها
بدر حس باحساس غريب .. اول مره يحس ان يبي يكلمها مو مثل كل مره يختصر كلامه معاها
دخلت الغرفة على البنات بدون ما تخبر ساره ان اخوها واقف برى
مريم ميوووون وين الدفتر ؟؟؟؟
مي تذكرت ان الدفتر طاح على الارض وييييييييييه طاح من يدي
ساره انتي حتى الاكل نسيتيه
مي اوكي بروح اييبه دقايق ... ويييييه ساره اخوج برى
ساره توج تقولين .. الحين بنزل بلبس شي طويل لا يسوي لي سالفة
مي ابتسمت بسخرية لانها تذكرت السالفة اللي سواها عشان ثيابها تأكدت ان يعتبرها مثل خواته وراحت نزلت مره ثانية
بدر لمحها مره ثانية نازلة وبنفس اللبس وكانت تركض بسرعة عشان ما يوقفها ويكلمها
طبعا ما قدر راح لها انتي تتعمدين يعني ؟؟
مي ما ردت عليه نزلت خذت الدفتر من على الارض ودارت ويهها بتمشي عنه
بدر عصبته الحركه وتحقريني بعد ؟؟!!
مي بطولة بال بدر كف بلاك عني ...
بدر انتي الظاهر ما تعلمتي اشلون تحاجين الناس
مي اذا الناس أمثالك .. ان شاءالله طول عمري ما احاجيهم ولا يشرفني حتى اسلم عليهم
بدر فقد أعصابه ومد يده وعطاها طراق من قوته طاحت على الارض
مي مصدومة فيه رفعت راسها وحطت يدها على خدها تتحسس مكان الطراق لانه وجعها ودمعتها سالت على خدها وطالعته بنظرة مليانة غيض وقهر بس مستحيل تكون حقد
بدر للحين يده مثبته بالهوا وعلى وضعيتها صارت عيونه تتنقل بين يده وبينها وهي مرمية على الارض مو مستوعب الشي اللي سواه هو طول عمره هادي ولا مد يده على احد لا بعيد ولا قريب
كانت في وحده شاهده على اللي صار واقفة عند الباب وفاتحة عيونها مشت بخطوات ثقيلة وقربت من مي نزلت لها ومسكت يدها ووقفتها مي .. تعورتي حبيبتي ؟؟
مي طالعتها بعيون مكسورة ومسكره فمها بيدها وهي تصيح ودموعها على خدها ما ردت عليها وركضت دخلت داخل الفيلا ورمت روحها على الارض وقعدت تصيح بصمت
ساره بدر .. انت شسويت .. بأي حق اتطق البنت .. اختك .. حبيبتك ؟؟
صارت الكلمة الثانية ترن بإذنه وهو ساكت
ساره بدر شفيييك ؟؟؟ ليش ساكت شله طقيتها .. شبتقول البنت الحين
بدر ساره انا بمشي تبين شي ؟؟
ساره الحين انا متصلة فيك عشان تيي تعطي مي طراق وتروح ......
بدر لا .. انا ما كنت اقصد .. بس هي استفزتني .. وانا ما حسيت على نفسي
ساره مو حلوه الحركة اللي سويتها ..
بدر بنفاذ صبر ساره خلصيني شتبين ...
ساره الليلة ملجة مريم ... لازم تكون موجود
بدر ما كان يسمع عيونه على الباب يبي يصلح غلطته ويعتذر بس مي اختفت عن عيونه
ساره بدر سمعتني ..
بدر هااا .. شقلتي ؟؟
ساره صارلي ساعة اهذر .. وانت خبر خير
بدر زين شعندج
ساره الليلة لازم تيي
بدر وين ايي ؟؟؟؟؟
ساره ملجة مريم شفيييك ؟؟؟
بدر يحس الدنيا تلف وتدور عليه شنو ؟؟؟ ملجة مريم ؟؟؟ ليش ... واشلون ... ومن بتاخذ .. وانا
ساره بدر .. انساها .. البنت تحب غيرك وخطوبتها الليلة .. اذا تحبها اتمنى لها الخير .. وخلني اروح اشوف المصيبة اللي طيحتني فيها وفشلتني مع رفيجتي الله يسامحك
بدر اشلون مريم تاخذ غيري .. انا ولد عمها وابيها .. ساره سوي شي .. ساعديني .. اقنعيها .. فركشي الملجة .. عشان اخوج يا ساره
ساره بدر تبيني اخرب فرحة بنت عمي .. لانك اخوي ما ابيك تتورط بحب مو لك .. وبصراحة بصراحة انا فرحت لها .. عشان تنساها لما تشوفها تزوجت وتشوفها مع غيرك .. البنت تحبه وتبيه خلها ياخوي .. انت الله بيعوضك باللي احسن منها
بدر لا ياساره ساعديني .. ما اقدر اتخيلها لغيري .. هذي حبيبتي
ساره بدر .. انساها .. وباجر تيي لان عمي بروحه ..
بدر مستحيل يا ساره ايي واحضر ملجة حبيبتي .. ما اقدر تبيني امووت
ساره بدر انا بروح اشوف مي المسكينة ذبحت روحها من الصياح بسبتك .. وكفاية يا خوي ضيعت عمرك وانت تركض ورى وهم .. حبيبي باجر تيي
بدر ساكت وعيونه صارت تلمع والدمعة محبوسة فيها من جهةة مريم اللي كلها ساعات وتروح منه للابد ومن الجهة الثانية مي ما قدر يتحمل ركب سيارته ودعس على البنزين وطلع من بيت عمه وهو في حالة هذيان مو قادر يتحمل الهموم اللي تجمعت عليه مره وحده وبيوم واحد
ساره ركبت الغرفة للبنات وشافت مي تصيح بحضن مريم
مريم بصراخ اخووووووووج خلاص ما بقى فيه مخ .. اشلون يتجرأ ويطق رفيجتي
ساره راحت وقعدت على الارض يم مي مي حبيبتي .. انا آسفة .. والله هو هادي واول مره يسويها .. مسحيها بويهي
مي ما ردت بس تشاهق وتمسح دموعها
مريم وانتي شذنبج ؟؟؟
ساره ذنبي ان اخوي .. مي حبيبتي انتي قلتيله ان ملجة مريوم اليوم ؟؟
مريم وليش تقوله ؟؟
ساره يمكن قالت له .. وعصب وطقاها
مريم لا حبيبتي .. عصب لما شافها بالشورت ..
ساره غريبة .. وهو شيخصه ؟؟
مريم لان هذي الغبيه .. تحـــ .....
مي لا مريوم لا تقولين ..
ساره شفيييكم .. اذا اخوي مسوي شوي قولولي .. لا تخشون عني
مي ما في شي يا ساره ...
مريم لا في .. في يا مي .. ساره مي تحب بدر ..
ساره فتحت عيونها وفمها متفاجئة شنوووووووو !!!!!!!!!!
مريم لا تتفاجئين يا ساره .. مي تحبه من زمان وخاشة بقلبها .. تشوف حركاته وحبه لي وساكته
ساره الغبيييي .. وبعد يطقها .. اكيد ما يدري
مريم لا ابشرج يدري ......
ساره يدري ويسوي جذي .. خلاص انا فهمت ليش طقها .. لانها نزلت جذي وهو سم ضروسه يشوف وحده فينا تلبس قصير هالشكل وتحت سكيورتيز
مريم ذكية والله عيل انا شقول من مساعة
ساره يعني يغاااار عليها
مي يغار غيرة اخوو لاخته .. مثل ما قلتي ما يرضى تمشين انتي وفطوم بالقصير
ساره مي حبيبتي لو كان الشي من اخ لاخته ما كانت وصلت السالفة للطراق .. خلاص انتو هدوا أعصابكم وملجة مريم بتصير وغصبا عنه .. وبتشوفين يا مي بييج يترجاج .. انا اعرف اخوي .. دام وصلت السالفة جذي يعني انتي شي مهم عنده .. بس هو يفكر نفسه انه يبي مريم .. بس هو حاس انج له ملكه ما قدر يشوفج جذي .. نطري وبتشوفين وبتقولين قالت ساره وصدقت
مي ارتاحت من كلام ساره وحضنتها ومريم فرحت لهم وحضنتهم وكانت هذي آخر جمعه يجتمعونها ثلاثهم قبل ما تتزوج مريم .. ارتاحت مريم ان ساره عرفت ان مي تحب اخوها وبتوقف معاها وبتساعدها لانها من بعد اليوم بتكون لشخص ثاني بعيد عن هالصداقة شوي
كل وحده راحت غرفتها وتفكيرها معاها
مي حاطة يدها على خدها وتمسحه بيدها وتبوسها وهي فرحانة بكلام ساره وتتذكر غيره بدر ومستانسة الدنيا مو شايلتها
ساره تفكر اشلون تجمع بين اخوها ورفيجتها تجدد فيها الامل مره ثانية اخوها بيطلع من الهم والحزن اللي فيه ولقى البنت اللي بتعيشه وبتسعده لانها واثقة بمي وحبها لبدر
مريم .. وين مريم بوسط البنات تفكر بالليلة و بخطيبها وبحفلتها وحبها وشوقها له مو مصدقة متى تمر الساعات وايي الوقت اللي تكون فيه زوجته وحلاله ويكون لها بروحها كانت كلما تحاول تغمض عيونها تلقاها مفتوحة من الفرحة وترمش بسرعة كانت حاسة بقلبها يضحك مو قادره تفكر بشي ثاني غيره
وبعد تعب ومحاولات للنوم ناموا البنات بصعوبة
مرت الساعات وصار الوقت اللي لازم البنات يصحون فيه ويتجهزون للملجة صحت فاطمة وسوت عرس في البيت بفوضتها عشان الكل يصحى ويتجهز وأولهم العروس
مريم ما صدقت يجي احد يصحيها فزت من فراشها على الحمام لان الكوافيير والماكييرا وصلوا ينتظرونها تحت ولازم تجهز قبل المغرب لان الملجة بعد الصلاة
اخذت حمامها وطلعت عطرت جسمها بالزيوت الطبيعية ولمعت بديها بالكريمات الخاصة ولبست بيجامة بيت خفيفة وراحت الصالة اللي بالدور الثاني كان الكل متجمع هناك
وفاطمة ومي لما شافوها بدوا يصفرون ويغنون لا اله الا الله ... عودوا العروس بالله .. لا اله الا الله
أم حميد قعدت تهلهل وهي تمسح دموعها هلا حبيبتي .. قعدي بييبلج اكل
مريم ابتسمت ابتسامة شكر لمربيتها وقعدت على الكرسي وبدى الكوافيير يجفف شعرها عشان يزينه
مي وهي تساسر ساره ساروو لا تقولين لاختج والله فضيحة ..
ساره ولا يهمج .. لا توصيين حريص .. ميووو شهالزين بتخبلين اخوووي المينون
مي بخجل سارووو لا تفشليني عاد ... ان شاءالله عاد يعطيني ويهه
ساره خلج واثقة من نفسج .. انتي حلوة .. وبتشوفيين
مي كانت لابسة فستان تركواز ازرق طويل وفيه ذيل من الدانتيل بس فيه فتحة على صوب لركبتها وفوق الفتحة وردة من الكرستال وفوق عن الخصر سلاسل ناعمة سلفر وفوق ماسك على الصدر ولاف على رقبتها بربطة كبيرة نازل منها سلاسل على طول ظهرها كان عباره عن دانتيل شفاف مثل اللي في الذيل ولابسة صندل سلفر بكعب عالي
كانوا رافعين شعرها كله بتموجات كبيره متداخلين في بعض ومزينين بأوراق من الكرستال الفضي ومنتشرين بكثره ولمعة ملفته ومكياجها كان ثقيل بألوان هادية يعني السموك اللي مع الاي لاينر مشدود لبرى وعاطي عينها وسع أكثر ومنوره عينها بلمعة سلفر تحت عيونها وتحت حواجبها وبلاش وردي خفيف على خدودها وجبينها وشفايفها بروج وردي فلاش وعليه جلوس شفاف
كانت لابسة حلق على شكل معينات ألماس كبيرة وبأحجام مختلفة متداخلين في بعض واساوره ألماس بعد على شكل معينات بس صغيره في يدها اليمين اما يدها اليسار لبست ساعة ألماس جلدها تركواز وعدستها على شكل معين
مي ان شاءالله حبيبتي .. الله يسمع منج .. لان تعبني بصراحة
سارة صبري .. صبرتي وايد .. صبري بعد شوي
مي نصبر شورانا ... انا مستعدة اصبر العمر كله مو يوم او يومين .. على فكره حتى انتي حلوة بس مو جنهم كثروا لج الاي لاينر
ساره يعني مو حلو ؟؟؟؟؟
مي قمر ..
ساره كانت لابسة فستان موووف فاتح حرير وطويل وفيه ربطة سير بنص خصرها من المخمل وفوق عند الصدر سيور مخمل وفيها بالنص كرستالات طايحة على جتفها كان ضاغط على جسمها بخصر واطي لنهاية خصرها ضاغط وفيه بعد سير مثل اللي بالخصر والكرستالات صايره على جنب على شكل فراشة كبيرة من تحت صاير على شكل مثلثات كثيفة لتحت كانت لابسة صندل موف بكعب صغير لانها طويلة ومو محتاجة تلبس كعب طويل
شعرها مرفوع نصه بتموجات عريضة بالكامل ومنثور عليها ورود كرستال
كانت عيونها غالب عليها الاسود وطالع لبرى حواجبها بدرجات البنفسجي وبلمعة فضية والبلاش البنك ممزوج بالبراون على خدودها بطريقة كروس عاطي خدودها شد على فوق وشفايفها ملونين بروج بنفسجي فاتج بدون جلوس
لبست عقد على شكل ورود كرستال وبوسط كل ورده فص بنفسجي حوالين رقبتها وحلق على شكل ورده مثل اللي بالعقد بس أكبر شوية والفص باين أوضح وباصبعها خاتم مثل الحلق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك