رواية عذبتني باسباب فرقاك -14
أمير تغيرت ملامحه وبصوت رايح ودني بيت أكبري .. حتى لو كنت علي السكيورتي ما يهمني .. أهم شي اكون يمها .. وتكون تحت عيني ..
ابراهيم أمير انت لازم تصارحها بحقيقتك وتعترف لها قبل ما تعرف من غيرك وتخسرها للابد
أمير غمض عينه بألم واخذ نفس طويل وهز راسه بإيجاب وفتحها مره ثانية يالله يا ابراهيم مشينا
وصل أمير بيت مريم ونزل بعيد شوي وراح يتمشى لحد ما دخل من الباب الصغير وعينه على غرفة مريم أضوائها كانت معتمة والمكيف شغال تأكد انها رجعت من المستشفى دخل الملحق وعلى الحمام مباشره اخذ شاور ماي دافي وبعدها طلع من الحمام وهو لابس بوكسر اسود ساده وبدي اسود مكتوب في الصدر Amooori
مشط شعره ورفع اللحاف عشان ينام بس ما قدر كلام ابراهيم يرن في اذنه .. مريم تروح من يده .. مريم مع غيره .. لا مستحيل يقدر يتحمل هالحجي أكثر نزل راسه تحت المخده وصار يضغط عليها يبي ينام بس مو قادر .. رفع راسه وصار يفرك شعره بيده يبي ينام مو قادر .. يبي يشوفها اشتاق لها ولعيونها وللمسة يدها
قام فتح الكبت واختار وحده من البجامات اللي شرتهم له مريم أول ما صحى من غيبوبته
اختار شورت رصاصي لتحت الركبه وفي خط اسود على طوله ولبس جاكيته الخفيف بس ما سكر السحاب خلاه مفتوح ولبس جوتي سبورت اسود ماركة puma وطلع من الملحق وصار يتمشى في الحديقة وعيونه على غرفتها
قام يتلفت بعيونه يمين ويسار يطالع الحراس ولما حس انهم انشغلوا عنه تجرأ وفتح باب الفيلا الداخلي ودخل على أطراف أصابعه
كان البيت عتمة والكل راقد طاحت عيونه على الدرج مشى من ورى الكراسي وهو منزل جسمه يحاول يخفي روحه عشان محد يصحى من النوم ويشوفه لحد ما وصل للدرج وصار ينط كل درجة بثلاث درجات
يالله شمطوله هالدرج وهو على شكل حلزوني والسفتي اللي فيه حديد وزجاج يعني اي احد واقف تحت ولا فوق يشوفه بسهوله كانت أكبر مجازفة يسويها أمير من دخل بيت مريم
وبعد خوف وجرأه نفس الوقت وصل لنهاية الدرج وصار جدامه ممر طويل وكله أبواب خشبية بيضا ومحتار ما يدري اي وحده فيهم غرفة مريم
صار يمشي جم خطوه ويوقف عند كل باب ايي يبي يفتحه ويتراجع
قرر يمشي ورى قلبه .. بهالحالة ما في غير قلبه هو دليله ترك كل الابواب اللي على يمينه ويساره
مشى لاخر الممر وصل لباب كبير مكون من بابين
حس بصوت احد يفتح باب
مد يده بسرعة عشان يفتح الباب لقى نفسه ما تراجع بالعكس تشجع اكيد قلبه ما خيبه وهذي هي غرفة مريم
فتح الباب ودخلها بسرعة وكانت اضاءه نوم خافته من زوايا الغرفة سكر الباب وراه مشى على اطرافه مره ثانية
قرب من سريرها وكالعاده شعرها متبعثر على ويهها ونازله خصلاتها الطويلة برى فراشها ونايمة بهدوء
ما قدر ما يشوفها وهي نايمة صار له أكثر من اسبوع يروح لها وهي نايمة ويسهر معاها للصبح والليلة اول ليلة في البيت ما قدر يصبر أكثر وكلام ابراهيم ما فارق عقله
ضحك ضحكة صامته ومد اصابعه يتحسس جمال بشرتها ونزل على شفايفها كانوا مفتوحين شوي صار يلعب فيهم بهدوء وبعدها اخذ خصلاتها وبعدهم عن عيونها
مريم حست بشي مو طبيعي كأن احد يضايقها بنومها عبالها انها كانت تحلم عبست بملامحها وصارت تشد وتحاول تسحب لحافها اوووو .. ميووو خليني ارقد .. تعالي .. تعالي رقدي يمي بس خليني انام .. والله فيني النوم
أمير ما قدر يشوف جمالها الرباني وشكلها وهي عابسه ومعصبه نزل ويهه وقرب شفايفه على خدها وباسها بنعومه
مريم فتحت عيونها مخترعة وقامت قعدت على السرير ما تشوف ويهه عدل من الظلمة اللي بغرفتها وتوها بتصرخ الا أمير يحط يده على فمها يحاول يسكتها
بعده حاط يده على فمها ما شالها لان مريم للحين تحاول تصرخ وهو قايم وقاعد على السرير يمها ومد يده الثانية وفتح ليت الابجوره
مريم كانت مرعوبة وخايفة عبالها واحد غريب هاجم عليها بس لما ضوى المكان وشافت أمير هدأت شوي
أمير لما حسها هدأت شال يده من على فمها
مريم مستغربة وفرحانة وخايفة ومشتاقة وزعلانة تحس بمشاعر وايد متداخلة في بعضها بس طبعا بدت بأول شعور انت شتسوي هني ؟؟؟؟؟؟؟؟؟
أمير ابتسم لها بحنية ييت اشوفج
مريم قامت وقفت على طولها انت ينيت ؟؟؟ لو احد شافك وانت ياي شبيصير فينا ؟؟؟؟
أمير ما يهمني .. اهم شي اوصللج .. واشوفج
مريم نطت من فوق السرير كانت لابسة بجامة شورت أحمر ياقوتي لفوق الركبة من حرير الساتن وفيها من الجوانب فتحتين صغار وشرايط ناعمة باللون الاسود وبدي علاقي بسيور ومن ورى على شكل اكس بنفس الشرايط اللي بالشورت كان شكلها يدوخ بيضا ولابسة احمر وشعرها اسود لنهاية ظهرها
أمير كانت عيونه عليها وهي تنط مثل الفراشة لناحية الباب انسحر عليها وزادت اللمعة بعيونه
قفلت الباب بهدوء وهي تحاول ما تطلع صوت عشان محد يسمعها
وراحت وقفت قدامه وطفت الاضاءه الخافته عشان محد ينتبه له من الحراس وسحبت للممر الصغير اللي يربط بين غرفتها وبين الدرسنغ روم
مسكته من جاكيته السبورت وهي عاضة على اسنانها وتحاول توطي صوتها قد ما تقدر هيييييي .. انت اشلون تتجرأ وتيي هنيييييي .. ابوي لو يدري بيقطك بالشارع
أمير مسك ذراعها ما يهمني .. اهم شي اشوفج .. اشتقت لج
مريم وانا ما ابي اشوفك ولا اشتقت لك ..
أمير مسكها من خصرها حتى لو شفاتج جذبت وقالت كلام .. قلبج يقول العكس .. وعينج تبيني
مريم حطت يدينها على يدينه تبي تفكهم عن خصرها لا ما ابيك .. اطلع من غرفتي ومن حياتي
أمير ما سمح لها تفك يده دفعها بكل قوته ورماها على صدره انتي لي .. وما راح اتنازل عنج
مريم خلاص ضعفت تحت قوته واندفن راسها بنص صدره صارت اذنها اليسار جهة قلبه
ضم يدينه بقوه ورى ظهرها ورفعها بسهولة ونزل راسه وهمس بإذنها أحبج
مريم كانت حاسة نفسها بحلم مو حقيقة صارت تغمض عيونها وتفتحها وترمش بسرعة مو مصدقة اللي تسمعه ودها تصرخ هي بعد وتقوله انا بعد احبك بس لا هي مجروحة منه كانت تبي تبعد عنه بس أمير كان يشد أكثر ما يبيها تفلت من حضنه
مريم كان قلبها ينبض بسرعة مو قادره تتنفس
أمير حس بأنفاسها تتسارع خاف عليها ونزلها على الارض حبيبتي فيج شي ؟؟؟؟؟؟
مريم عيونها زادت اللمعة فيهم بالدموع روح يا علي .. انت مو لي .. انت ما تبيني .. انت لساره وساره لك .. مشكور انا مو محتاجة لحب واحد شفقان على حالتي
أمير بعصبيه بس يحاول يضبط أعصابه ويخفض صوته مريم .. شنو شفقان انتي صاحية .. مريم انتي حبيبتي ولي بروحي فاهمة .. مستحيل اضيعج مني .. وموضوع ساره والله ما شفتها ولا اعرفها .. والحب اللي جمعني بيني وبينج ما اعرفها ..
سحب يدها وحطها على صدره حسي بهالقلب يا مريم .. حسي فيه وفي صاحبه ..
بدى صوته يروح ودمعته خانته ونزلت حسي فيني يا مريم .. حسي بقلبي .. دمعتي عزيزه يا مريم عمري ما سمحت لاحد غيرج يشوفها .. انا احبج ومستحيل افكر بغيرج .. انتي لي وباخذج .. رضيتي ولا ما رضيتي
ابتسم مريم انا لو كنت بخونج ما بختار بنت عمج .. انا كنت اكلم نفسي .. اي حبيبتي كنت اكلم نفسي .. لاني من ذاك اليوم وانا حاس نفسي مو قادر اسيطر على مشاعري .. شوفي حتى دموعي مو قادر احكمها صارت تنزل غصبا عني ..
اخذ نفس ومسح دمعته انتي سمعتي كلام كنت ابي اقوله لج بس ما قدرت .. قلته بالغرفة .. بس وربي اللي خلقني كنت بروحي .. حبيبتي تبيني احلف لج بشنو عشان تصدقيني .. سأليها اذا مو مصدقتني
مريم كانت تشهق بصمت ودموعها يتكلمون عنها
أمير يأس يبيها تقول شي بس مريم كانت بس تصيح وشفايفها ترجف
أمير الظاهر ان ما في فايده .. خلاص يا مريم اخليج على راحتج .. آسف على ازعاجج .. انا طالع من غرفتج ومن بيتكم ومن حياتج للابد .. بس ابيج تعرفين شي واحد انج ظلمتيني وظلمتي حبنا
مريم ساكته
آخر أمل راح ترك يدها وطاحت بالهوا ومريم مو قادره تنطق
طلع من الممر وراح عنها
مريم استجمعت كل قوتها وصاحت أحـــ ـــــ ـــــبـــ ــــ ـــكككككككك
أمير قلبه قام يضحك قبل شفاته دار وراح يركض لقى مريم رامية روحها بحضنه انا بعد أحبك وأبيك
أمير ماقدر يتحمل شد بحضنته ورفعها وصار يدور فيها ياروحي انتي ...
وقفوا بعد دقايق
أمير صار يبعد خصلات شعرها عن ويهها وحط يدينه على خدودها وعيونه متوهجة ومليانة دموع أحبج .. أحبج
مريم ابتسمت وانا بعد احبك موت
أمير وكله أمل خلينا نتزوج
مريم تهز راسها بسرعة اي .. اي
أمير حضنها مره ثانية آآآآآآآآآآآه يا قلبي .. الله لا يحرمني منج يا روحي
مريم ولا يحرمني منك
أمير حبيبتي .. انا لازم اروح قبل لا احد يحس فيني
مريم تغيير ويها وكأنها طفله متعلقة بأمها ولا ابوها وخايفة تفقده لا .. لا تروح .. خلك معاي
أمير حضنها من جتوفها مريوووومه حبيبة قلبي .. انا ما اقدر ابعد عنج .. بس لازم اروح قبل لاحد يحس فيني
مريم بدلع مو قلت ما يهمك خلاص .. يا نعيش مع بعض يا نموت مع بعض
أمير باس راسها يومي قبل يومج يا الغالية
مريم ابتسمت ابتسامة رضا زين خلني اشردك ..
راحت فتحت الباب ما لقت احد مدت يدها ومسكت يده عشان يطلع وراها الا انصدمت بالخدم دفعته مره ثانية لداخل وسكرت الباب
الخدامة شافت مريم سكرت الباب راحت طقت عليها الباب مس مريم .. مس مريم
مريم صارت تصطر روحها على خفيف اففففففف .. شمقعدهم هذول .. رحنا فيها
أمير رفع يده وشاف الساعة 6 حبيبتي الساعة 6 أكيد بدى دوامهم
مريم فتحت عيونها آآآآآآآآآآآآ .. صارت الساعة 6 !!!!!!!!!!!!!!!!!!
أمير اي حبيبتي الساعة 6 .. ما حسينا بالوقت
مريم تكلم الشغالة ابي اناااااااااام ذلفي عن ويهي كسرتي الباب لابارك الله فيج
أمير ضحك عليها اشلون اطلع الحين ؟؟؟ شفتي اشلون توهقنا
مريم بضحكة خبيثة عيل .. اقعد معاي لين نشوف حل
أمير واذا احد يه وشافني ؟؟؟؟
مريم الباب مقفول .. ومحد بيي غير مي .. ومي ما تقعد الا العصر .. خلاص اقعد معاي
أمير بابتسامة غلبتيني ما قدرت عليج
مريم غمزت له انا مريوم .. تعال نقعد هني
راحت مريم وقعدت معاه على السرير وأمير طاير فيها كان حاضنها من ورى وهي تسولف معاه عن حياتها وطفولتها وطموحاتها معاه .. عدى عليهم الوقت وهم يحلمون بحياتهم اليديده وحبهم الصادق كانت تلعب بشعره وهو يلعب بشعرها وكاتمين ضحكهم ودنيتهم واسعة عليهم السعادة غامترهم ويلعبون مع بعض بالمخدات وكل واحد يرميها على الثاني
مريم بدلع علوي ...
أمير ضمها من وراها يا عيون علوي وقلبه وروحه انتي ........
مريم وهي بحضنه .. متى حبيتني ؟؟
أمير وهو مغمض عين وفاتح عين اممممممممم .. سؤال صعب بصراحة
مريم بعدت يده عنها ودارت له وصار ويهها في ويهه لهدرجه ؟؟؟؟؟؟؟؟؟؟؟!!!!!!!!!!
أمير لا حبيبتي امزح معاج ..
لفها وضماها مره ثانية حبيتج من شميت عطر شعرج .. ودمعتج نزلت على ويههي
مريم كانت تبي تتذكر متى؟؟؟؟؟؟؟
أمير اكيد ما بتتذكرين .. لانج ما كنتي حاسة باللي سويتيه
مريم انــــــــااا ؟؟؟
أمير اي انتي .. قربتي مني بذاك اليوم وطاح شعرج على ويههي وشميت ريحته
وسحب خصلات شعرها يشمهم ويتذكر آآآآآآآآآآه ياقلبي على هالعطر .. ريحته تدوخني ..
مريم ما تبيني اقص منه ؟؟؟ شعري وايد طويل
أمير والله لو تجيسين شعره وحده منه ذبحتج .. انا شاللي مطير عقلي غير هالشعر الاسود .. وصاحبته
مريم انزين قولي متى ؟؟
أمير من صجج ما تتذكرين ؟؟؟
مريم اي من صجي
أمير يوم اللي تمسكت فيج وانتي خفتي ونزلت دمعتج على ويههي
مريم يعني يوم اللي صحيت ؟؟
أمير اي حبيبتي .. انتي نزلتي وقربتي مني وشعرج طاح على ويههي .. وشميته
مريم كل هذا صار وانا ما ادري
أمير ولا حسيتي بعد ...
مريم زين قولي .....
أمير شنوووو ؟؟
مريم وهي مغمضة عيونها شكثر تحبني ؟؟؟؟؟؟؟؟؟
أمير وهو يحاول يعض اذنها ويخليها تغار تبين تعرفيين شكثر أحبج ... خليني اكلج .. عشان تعرفييين
مريم حاطه يدها على فمها تحاول تكتم ضحكتها وتمايل رقبتها عنه
وبعدها مريم تعبت من الضحك ونامت وهي متسوده فخذه اما هو كان يتأمل حلاها لين ما ثقلت عيونه وسند راسه على المخده ونام
أصوات تطق الباب بقوه وكأن احد بيكسره وصراخ
ابو مريم بابا .. فتحي الباب .. مريم .. بابا .. فتحييه قبل لا اكسره
مريم وأمير انفزعوا من نومتهم صاروا يطالعون بعض وهم مرعوبين
توقعاااااااااتكم
؟؟؟؟؟؟؟
الجزء الرابع والعشرين
وبعدها مريم تعبت من الضحك ونامت وهي متسوده فخذه اما هو كان يتأمل حلاها لين ما ثقلت عيونه وسند راسه على المخده ونام
أصوات تطق الباب بقوه وكأن احد بيكسره وصراخ
ابو مريم بابا .. فتحي الباب .. مريم .. بابا .. فتحييه قبل لا اكسره
مريم وأمير انفزعوا من نومتهم صاروا يطالعون بعض وهم مرعوبين
مريم ابووووووووي .. شفييييييييييه ؟؟ بيكسر الباب .. اخاف انه درى عن شي ولا شك
أمير لا تخافيين حبيبتي .. صرنا خبره مو اول مره ابوج يطب علينا
مريم انزين الحين شنسوي
أمير نطري شوي يمكن يمل ويروح
مريم اشلون يروح ما تشوفه بيكسر الباب .. بطني ..بطني صار يعورني
أمير حبيبتي انا معاج .. لاتخافيين .. ما احب اشوفج جذي
مريم زين الحين شنسوي .. ما بتقدر لا تطلع من الباب ولا من البلكونه لان السكيورتي تحت وابوي على الباب
أبو مريم باقي شوي ويكسر الباب فتحي الباب يا مريم .. صارلي نص ساعة معقولة ما صحيتي ؟؟ بابا بس بشوفج من رجعتي من المستشفى ما شفتج .. بابا لا تخرعيني انتي مو عوايدج تقفلين الباب
مريم صارت ترجف روح انخش بأي مكان .. ادخل الدرسنغ روم بسرعة
أمير لا يا مريم .. اذا انخشيت الحين يعني بنخش طول العمر
راح لباب الغرفة وحط يده على القفل يبي يفتحه
مريم مصدومة حطت يدها على يده وصارت تسحبها بقوه علي انت ينيت .. اشلون تبي تبطل الباب .. تبي تفضحنا
أمير لاتخافين حبيبتي .. احنا ما نسوي شي غلط
مريم قعدتنا مع بعض في غرفتي أكبر غلط
أمير مريم حبيبتي خلج واثقة فيني .. ولا تخافين
مريم تبي تمنعه بس هو سبقها وفتح الباب
وهني كانت المصيبة
اسودت الدنيا في عيونها لما شافت ابوها ومي وأم حميد واقفين على الباب ما تدري ليش راحت ووقفت ورى أمير تحتمي فيه من ابوها
ابو مريم متصنم مو قادر يتحرك ولا ينطق حاس انه جسمه انشل وريله ثقيله ولسانه مربوط من هول المصيبة والمشهد اللي قدامه بنته حبيبته وحيدته بغرفتها وبجامتها النوم مع الغريب اللي حماه ورعاه في بيته واللي زاد مصيبته انها تحتمي فيه هو الغريب وخايفه منه
صار يتصبب عرق ويهه انقلب احمر
مي كانت صدمتها أقل لانها عرفت عن علاقتهم بس ما توقعت ان توصل لهدرجة كانت حاطة يدينها الثنتين على فمها وفاتحة عيونها للاخر
بس اللي كانت تصرخ مربيتها هذي آخر تربيتي فيج يا مريم .. والله حرام .. والله حرام تبيعين نفسج بالرخيص جذي
وتركتهم ونزلت بصياحها
ابو مريم حاس بخنقه ومو قادر يتنفس
مريم كانت دموعها تتكلم عنها ومشبصة بجاكيت أمير
أمير كان هادي وملامحه طبيعية مو مبين عليه الخوف ولا التوتر بالاحرى ما جنه مسوي شي
ابو مريم مد يده يبي يسحب مريم بس أمير مسكه بقوه وكأنه يبي يشفي غليله منه تحمل تلمس شعره منها وانا موجود
ابو مريم فتح عيونه مصدوم نعم ؟؟؟!!!!!!!
أمير دار ويهه لمريم مريم نزلي تحت مع مي .. ابي اكلم ابوج
مريم خايفة ومو راضية تترك جاكيته ما ابي ... بقعد معاك
ابو مريم مريم انا ابوج !!!!!! .. تحتمين فيه مني .. !!!!!!
أمير لف لها مره ثانيه ومسكها من جتوفها مريم حبيبتي .. وثقي فيني .. يالله نزلي تحت مع مي
ابو مريم مو مستوعب اللي يصير وكأن مريم وحده ثانية غير عن بنته اللي رباها خايفة منه وتحتمي بالغريب
مرت من جدام عيونه ما قدر حتى يكلمها
طلعوا البنات من الغرفة ودخل ابو مريم وسكر أمير الباب
ابو مريم يحاول يهدي أعصابه انت من ؟؟ واشلون اقتحمت حياتي ؟؟ وشسويت في بنتي ؟؟؟ ليش غيرتها جذي
أمير بدون ما يطالعه دار ظهره عنه انا بتزوج مريم ..
ابو مريم لاوالله .. وانت من عشان تيي وتفرض علي تناسبني ...
أمير مو شغلك .. انا ابيها .. وبتزوجها فاهم ومريم بعد تبيني
ابو مريم انا ما ازوج بنتي لواحد من الشارع حتى اسمه ما يعرفه .. لا حبيبي اصحى على نفسك .. والشرهه مو عليك علي انا اللي وثقت فيك ودخلتك بيتي
أمير ما رد عليه طلع بوكه من جيبه وفتحها ما لقى غير كرت الشغل طلعه ورماه على ابو مريم وطاح على الارض
ابو مريم نزل وأخذ الكرت بس أمير سبقه وداس على الكرت تبي تعرف انا من صح ؟؟؟؟
ابو مريم صار تحت ريل أمير حس بالاهانة وقام وقف ومسك أمير من جاكيته انت شتبي ؟؟؟ اطلع من بيتي .. وبعد عن بنتي .. مستحيل ازوجك اياها لو على جثتي .. انطرني اموت بعدين اخذها
أمير لا .. لا يا عمي ما عجبني كلامك .. ومو عدلة ولا حلوة في حقك تطرد ابو احفادك ... يا جد اولادي .. وانا ما يهون علي تنزل لريلي
ابو مريم وايد واثق اني بعطيك بنتي .. وانت داهمت بيتي وجذبت علي وعلى بنتي .. ابي اعرف بس انت شقلت لها خليتها تتغير جذي وتتعلق فيك وتخاف مني
أمير لاتخاف ما قلت لها عن جرايمك واشلون جمعت كل هالثروه
ابو مريم شتقصد ؟؟ اي جرايم ؟؟ انت من وين يبت هالحجي
أمير لا تخاف من مصدر موثوق .. من ضحيتك انت وشريكك
ابو مريم ضحيتي ؟؟؟ من ضحيتي .. قول اللي عندك وخلصني
أمير سلمان محمد كراشي .. اللي نصبتوا عليه وبقتوا منه نص حلاله
ابو مريم مو فاهم شي سلمان كراشي .. هذا مات من اربع شهور .. شعرفك فيه ؟؟؟ وشنو علاقتك فيه وفيني ؟؟
أمير نزل واخذ الكرت من على الارض وعطاه ابو مريم تفضل يا عمي .... هذي علاقتي فيه
ابو مريم ضاق نفسه ولسانه انربط وهو يقرى كرت أمير فتح اول ازرار قميصه ووسع النك تاي وحط يده داخل جاكيته وصار يمسح على صدره وصار جبينه يعرق ومو قادر ياخذ نفس
تحت بالصالة
مريم نانا والله ما صار شي من اللي في بالج .. والله ما صار شي
مي مريوم اشلون انتو مع بعض في الغرفة ..
ام حميد سكتي يا مريم ولا تحاجيني .. آآآآه يا قلبي .. بنتي اللي ربيتها على يدي ما عادت بنت
مريم عصبت نانا .. ليش مو مصدقتني
ام حميد بحسره اشلون بالله اصدقج .. وانا شايفه واحد غريب بغرفتج وانتي بثياب النوم .. اشلون
مي خلاص نانا .. يبين عليها صادقة
مريم وعيونها على مي اي نانا .. والله والله والله ما صار شي وانا للحين بنت
ام حميد اي قالوا للهرامي اهلف قال ياني فرج
مي تضحك نانا صارلج أكثر من 16 سنة وبعدج تحرقين ..يقولون قالوا للحرامي احلف قال ياني الفرج
مريم نانا .. انا مستعده اروح معاج لاي دكتوره تكشف علي واطمنج اني للحين بنت
ام حميد عشان تفضحين روحج .. لا حبيبتي انا اللي بكشف عليج
مي بلللللللللللل .. نانا شهالحجي الله يهداج .. وانتي شعرفج بهالسوالف
مريم ما علقت بس كانت كاتمة ضحكتها
ام حميد انا اللي اعرف بهالسوالف .. قبل لا ايي هني كنت داية في ايران واعرف بسوالف النسوان
مريم زين انا موافقة سوي اللي تبينه ..بس صدقيني
ام حميد حتى لو ما صار .. اكيد صار شي غير
مريم نانا .. انا ما اعرف اشلون ارضيج .. اروح يمين تروحين يسار .. يبه صدقتي ولا كيفج علي ما لمسني بالعكس علي يمي طول الوقت .. يحميني ويحبني ويخاف علي
مي بفرح يعني تصالحتوووووووووو ؟؟؟؟؟؟؟؟؟؟؟؟
مريم هزت راسها بفرح اي تصالحنا
ام حميد اكيد بيتصالحون ما تشوفينها شلابسة
مريم نانا .. انا وعلي بنتزوج
مي حلللللللللللللللللللفي .. وااااااااااااااااااو .. مريووووم حبيبتي ألف مبروك
ام حميد لا والله .. اشوى ما نسيتي تعزمينا بعد .. مريوم امج للحين ما نعرف عنها شي وانتي تفكرين تتزوجين وهي مفقوده
مي اي صح خالتو كبرى للحين ما ندري عنها
مريم خل بابا يوافق وبعدها يصير خير
ام حميد انا مو مرتاحة يا بنتي .. هذا شيقول لابوج صارلهم أكثر من ساعة فووق
ابو مريم انت محمد أمير ولد سلمان ... ما شاءالله انا آخر مره شفتك كان عمرك 9 سنين .. يعني قبل 20 سنة .. كبرت وصرت دكتور بعد
أمير كل هذا على حياة ابوي .. قبل ما تذبحونه انت وشريكك عبدالله شاهري
ابو مريم احنا ذبحناه شسوينا فيه ؟؟؟
أمير شكلك نسيت .. قولي اذا نسيت انا اذكرك
ابو مريم انا ما اذكر اني زعلته بيوم عشان اذبحه
أمير مستحيل تذكر انكم نصبتوا على ابوي 48 مليون دينار .. وطاح وحاشته جلطة بقلبه من القهر .. وانا ما قدرت اسويله شي وانقذه .. مات بين يدي .. مات وهو يوصيني ارجع حلاله اللي راح وانتقم منكم واحد واحد
ابو مريم بنبرة ترجي انا مستعد اتنازل لك عن كل حلالي بس بعد عن مريم .. هذي بنتي الوحيده .. والله ما رزقني فيها الا بعد 10 سنوات زواج .. حرام عليك بنتي مريضة قلبها ضعيف .. انتقم مني انا سو اللي تبيه بس مريم لا .. مريم ما بتتحمل ..........
أمير هه هه .. خايف على بنتك مني ؟؟؟ انا اللي خايف عليها منك !!
ابو مريم صدقني انا كنت مسافر ومسوي توكيل لعبدالله هو كان يدير الشغل من وراي ويسوي صفقات مع ابوك .. حتى لما دريت ان ابوك مات كنت مسافر ما قدرت احضر عزاه .. بس اذا تبي تنتقم انتقم مني .. بس بنتي لا .. كفاية عليها امها مفقوده حرام تفجعني فيها
أمير انا كلامي معاك خلص .. وانتقامي منك خلص .. عارف الصفقات اللي راحت عليك آخر شهرين والتعويضات الكبيرة اللي دفعتها كلها دخلت بحساب ورثة سلمان كراشي
ابو مريم اخذ اللي تبي بس مريم لا
أمير باخذها وبحرق قلبك عليها
ابو مريم يعني انت ما تحبها تبيها بس عشان تحرق قلبي ؟؟؟
أمير انت شتعرف عن الحب .. ها قولي شتعرف .. ابوي تعب علي ورباني لين ما كبرني .. كنت اذا ابي شي ألقاه بدون ما اطلب تعرف ليش لانه كان يحبني ويعرف شنو بقلبي وشنو بخاطري .. لما حس اني محتاج أقوي شخصيتي طرشني الصين 3 شهور اتعلم أصول الدفاع عن النفس والقتال .. تعلمت المبارزه بالسيوف بأقوى المعاهد .. ولما صار عندي ميول للموسيقى والعزف على البيانو سفرني اوهايو ودرست سنتين معهد كليفلاند للموسيقى .. ولما كبرت وصرت مراهق وبديت اتلاعب بالدراسة خاف على مستقبلي طرشني جنوب انجلترا ودرست الثانوية هناك بمدرسة داخلية 3 سنين ما نزلت البحرين .. وبعد ما تخرجت سفرني كندا درست هناك 6 سنوات طب عام وبعدها سنتين تخصصت بأمراض القلب والجراحة العامة باميركا .. ولما رجعت ابي اعين ابوووي للاسف جم شهر بس وكانت صحته من احسن ما يكون .. والفضل لك انت وصاحبك ما ظل مرض ما ابتلى فيه لين ما انجلط .. شفت اشلون على كل اللي سواه عشاني ما قدرت انقذه من الموت .. مات وانا اسويله العملية
ابو مريم يعني انت كنت متعمد .. ييت بيتي وبحالتك ومغرق بدمك متعمد ؟؟؟؟؟ لييييييييش اذيت نفسك جذي .. لو ييتني كنت رجعت لك كل فلوسك وعوضتك عن كل شي .. انت كنت مكسر
امير اوكي انا موافق انك تعوضني .. بتعوضني عن ابوي .. تقدر ترجعه لي .. تقدر تشفي امي من الشلل اللي فيها .. تقدر تمسح كلمة يتيم عن اخواني .. تقدر ترجعه لي يفرح فيني ويوقف معاي بيوم عرسي .. جاوبني تقدر .. انا سويت في روحي جذي عشان ادخل بيتك واعيش بوسطكم .. وانتقم منك على سعتي
ابو مريم يا ولدي والله مالي ذنب .. انا كل اللي كنت اعرفه ان ابوك انسحب من شراكتنا
امير بصراخ بعد ما هفيتوا فلوسه .. طردوته من شركتكم
ابو مريم زين مريم لا تدخلها بالموضوع .. اتركها
امير انت اللي بعد عنها مريم حبيبتي وباخذها وبعالج قلبها وبنسيها اياك
ابو مريم لا ياولدي .. الا مريم اترجاك لا تبعدها عني .. ما اقدر اعيش بدونها
امير انا خلص انتقامي .. ابيك تودع بنتك لاني باخذها الحين وما بتشوفها طول حياتك
ابو مريم بنتي ما بتتركني وبتروح معاك
امير بعد اللي صار .. مستحيل تقعد معاك وخصوصا لين عرفت حقيقتك
ابو مريم شتبيني اسوي عشان تصدق اني مالي ذنب
امير لاتخاف عبدالله شاهري فلسته .. والجاي اعظم
ابو مريم محمد يا ولدي لايصير قلبك اسود .. اذا تبي تتزوجها ازوجك اياها بس لاتبعدها عني .. انا مثل ما قلت جد احفادك
امير وانت عبالك اني منتظر موافقتك .. بس ما ابي ازعل حبيبتي عشانك
ابو مريم زين خلاص لا تبعدها عني والله قلبي ما يتحمل ما بقى في العمر كثر ما راح
امير انا اصلا اكتفيت منك وصدقني لو ما مريم جان دمرتك أكثر .. بس انا ما ابي ازعلها .. حبها بقلبي هو اللي نساني الانتقام ووقفني .. يالله ابيك تنزل الحين جدامي وتقول لها انك موافق على زواجها مني انا علي السكيورتي .. واذا يبت لها طاري حقيقتي .. والله لاحرمك منها .. واعيشك باقي عمرك بحسرتك
ابو مريم اي والله ياولدي لاتقول لها عن شي .. وانا راضي باللي تآمر فيه
امير وهو فاتح باب الغرفة يالله ننزل تحت نبشرها .. ولو سمحت ابي الملجة والخطوبة ليلة باجر
ابو مريم بس يا ولدي امها ......
امير ما يهمني احد .. قلت ليلة باجر .. يعني ليلة باجر .. ومهرها وشبكتها توصل لها
ابو مريم هز راسه بضييق ونزل ورى امير
ولما قربوا من آخر درجة امير مسك ذراع ابو مريم مو تقول لها الخبر وانت بتموت .. ابيها تستانس اضحك احسنلك
ابو مريم كمل طريقه وهو يتصنع الفرحة
لقى البنات قاعدين ومعاهم ساره بعد وام حميد مو موجوده
امير ابتسم لمريم لانها غيرت ملابسها لبست فستان لنص ساقها اسود بخصر واطي وفيه سير لافته على رقبتها من فوق وقصه تحت الصدر بسير من المخمل ومن تحت الصدر لنهاية الخصر ضاغط عليها ولابس من فوق الفستان بدي خفيف مفتوح بكم طويل لونه رصاصي فيه لمعة خفيفة وشعرها لامته على جهة وحدة ونازلة خصلات على عيونها وبشرتها كانت صافية ما كانت حاطة مكياج لابسة حلق على شكل دوائر سوده كبيره وفيها فصوص كرستال صغيره
مريم ردت له الابتسامة وعيونها تلمع من الفرحة
مي منصدمة من الهدوء بس ما علقت
ساره طبعا ما تدري بشي
ابو مريم ابتسم و راح حضن بنته كبرتي ..كبرتي يا مريوم وصرتي عروس
مريم ما فهمت بس استحت من كلام ابوها وابتسمت ابتسامة خجل ونزلت راسها
ابو مريم مخنوق بعبرته وصوته رايح من ضييق النفس مريم .. مبروك حبيبتي .. علي خطبج وانا وافقت ليلة باجر ملجتج
تركها وراح مكتبه وهو كاتم حزنه ودمعته حاس بالذنب وانه باع بنته لواحد مثل امير في نظره قاسي وقلبه اسود
البنات نطوا على مريم وحضنوها وقام الصراخ والتصفق
ومي تغني وتهلهل على مريم حناااج عيين مريوووم حناج عييين لي زفووج على علوووي بالج تستحييين
ومريم فرحانة وتضحك والدنيا مو سايعتها من الفرحة
ساره فرحت لبنت عمها صح يتها لحظات انعجبت بأمير بس ما حبته ولا تعلقت فيه كان مجرد اعجاب
أمير كانت فرحته مو اقل من فرحة مريم ما قدر يكتم ضحكته ضحك على هبال البنات لدرجة ان مريم انتبهت له وراحت وقفت يمه اموووت واعرف اشلون قنعته ؟؟؟؟؟
أمير مد يدينه ومسك يدينها وانا اموووووت واعرف انتي من وين يايبه كل هالحلاة والجمال ..
مريم الله يستر منك بس .....
أمير نطري باجر تيي هالحزه وتصيرين فيها حلالي وشوفي شللي بسويه فيج .. انتي وشعرج الحلو هذا
مريم سحبت يدها وضربته على صدره بخفه آآآآآآخ منك .. ناوي على قلبي تييب آخرته .. ترى ما يشيل كل هالفرحة مره وحده
ابتسم لها الله يقدرني واسعدج حبيبتي .. جم مريوم عندي
مريم وحده ما في غيرها ... يا خطيبي الحلو
امير يا خطيبتي القمر .. انا بروح اجهز لباجر الملجة
مريم انا بعد بطلع مع البنات اشتريلي شوية اغراض
باسها في جبينها زين حبيبتي .. اتحملي بروحج .. لاتسرعون
مريم ان شاءالله .. الله يحفظك لي ولا يحرمني منك
امير وهو ماشي ولا يحرمني من عيونج حبيبتي الحلوه
مشى عنها متجه لباب الفيلا الخارجي وهي عيونها عليه لين ما طلع واشر لها
البنات كانوا واقفين وراها ويصفرون مستانسين والدنيا ما شايلتهم مريم بنتخطب للشخص اللي تحبه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك