رواية سميتك معشوقي -14
سيف وتسنيم كانو نايمين بغرفتهم رن جوال سيف
سيف : هلا فيصل
فيصل : انت نايم؟
سيف وهو دايخ نوم : يعني انت الحين داق علي عشان تسألني هالسؤال؟
فيصل : اوكي سيف لصحيت دق علي
سكر سيف الخط وكمل نومه
اما فيصل اتصل على نوره
ردت نوره وكانت توها صاحيه من النوم : نعم
فيصل : نوره انتي ليمتى بتضلين تلاحقيني .. تراني تعبت منك
نوره : فيصل انا احبك .. ليه ماتفهمني؟
فيصل : انتي تمشين بالعكس؟؟.. يوم كنت احبك محتقرتني ولا معبرتني .. كنت مجرد غبي بنظرك .. مستخدمتني وسيله عشان توصلين لاخوي .. والحين تقولين تحبيني؟؟؟؟ .. للأسف انتي تحبين اخوي .. واذا تبين اخوي روحي له هو مو تتبلين علي
نوره : فيصل انا احبك انت .. ابيك انت .. صدقني انا كنت غبيه لاني قلت الكلام عنك .. فيصل انا ماتخيل نفسي اعيش بدونك
فيصل : يعني الدعوه عناد .. يوم صرت احبك واموت فيك .. ماتبيني ومستهينه فيني .. ويوم كرهتك تجبريني احبك ؟؟
نوره : اوعدك اني راح احبك للأبد
فيصل : بس انا احب وحده ثانيه ومستحيل اتخلى عنها عشانك .. سمعيني زين .. البارح امي وابوي كانو يبون يجبروني عليك عشان الكذبه اللي انتي قلتيها لهم .. وانا وافقت اني اتزوجك .. لكن لاتضنين اني بستمر بزواجي معاك .. راح نتزوج .. لكن انتي بجهه وانا بجهه وماراح اقرب لك ابد .. ومن الحين اقولها لك انتي تحرمين علي حتى لو كنتي زوجتي .. مجرد اوراق لاغير .. بترضين تعيشين مع واحد مثل اخوك؟؟؟؟؟؟
نوره وهي تبكي : فيصل خلاااااص .. ليه تعذبني كذا؟؟؟؟
فيصل : نوره والله اني اتمنى لك الخير مثل ماتمناه لنفسي .. يانوره شوفي حياتك مع واحد يحبك .. لاتدمريني وتدمرين نفسك
نوره وهي تبكي : فيصل مهما بعدت عني راح اضل احبك .. حتى لو ماتزوجتني .. الله يوفقك يافيصل >> سكرت الخط
_______________________________________
في المستشفى .. بغرفة حمد
مشعل : حمد لازم تعترف بمكان البضاعه
حمد : ماعندي شي
مشعل : لازم تعترف .. انت ماراح تستفيد بهالبضاعه اللي مخبيها .. راح يحكمون عليك اعدام .. على الاقل توب لله قبل لاتموت .. سو خير لو مره وحده في حياتك واعترف عن مكان البضاعه ... الكميه اللي انت مخبيها تقتل الكثير
حمد : قلت لك ماعندي
مشعل : لاحول ولا قوة الا بالله .. يعني مصر على عدم الاعتراف؟
حمد وهو يضحك : شخبار الملسونه هند؟؟.. ترا للحين ماخلصت شغلي معاها .. ماراح اخليها على اللي سوته
مشعل عصب عليه : ياحيواااان لاتلفظ اسمها على لسانك لاوالله اقطعه لك
حمد يبي ينرفز مشعل : هههههههه لقطعته كيف اعترف؟؟؟
مشعل : ياكلب والله لو ماتتسنع لاسنعك بطريقتي
حمد : وش بتسوي يعني؟؟ تقتلني؟.. يلله اقتلني
مشعل : ومن قال اني بقتلك .. انا اعرف كيف اتصرف معاك ... ضغط مشعل على جرح حمد وصار حمد يصرخ ويتألم لين استسلم واعترف بمكان البضاعه
مشعل : الحين البضاعه واعترفت بمكانها .. الحين ابيك تطلق هيفا
حمد : مستحيل اطلقها
مشعل : ههههههههه .. طيب مو لازم تطلقها ... تعرف ليه؟... لان لامحاله بينحكم عليك بالاعدام لان كمية المخدرات اللي انت مخزنها عندك كبيره جدا .. وهيفا راح تتحرر منك بسهوله .. سواء طلقتها او لا هي بتتخلص منك
طلع مشعل من المستشفى وخذ معام مجموعه من الشرطه وداهمو المخزن اللي اعترف بمكانه حمد ولقو المخدرات كلها وشالوها
بعد ماصحى سيف من النوم .. توه تفرغ يدق على اخوه : هلا فيصل .. شفيك داق علي من الصبح خربت علي نومتي
فيصل : ههههههه .. تو الناس .. الطيور طارت بارزاقها وانت توك متفرغ
سيف : خير وش فيك؟؟؟... شكنت تبي خلصنا
فيصل : كل الخير ياخوي ... كنت ابيك تساعدني بس الحين خلاص تصرفت لحالي
سيف : خير وش كنت تبيني اساعدك فيه؟
فيصل : كنت ابيك تشوف حل مع الغبيه نوره اللي متبيليه علي اني لامسها
سيف : ليه انت صج لامسها؟
فيصل : ياربي منك .. الحين اقول لك متبليه علي تقول لامسها؟؟.. من جدك ياسيف؟؟
سيف : هههههههه .. طيب وش سويت معها
فيصل : تكلمت معها والحمد لله اقتنعت بكلامي
سيف : اخبرك ماعندك اسلوب مع البنات .. وش قلت لها؟
فيصل : ليه شايفني مافهم؟؟.. تراني اذكى منك بس للحين ماعرفتوني زين
سيف : ههههههه .. طيب اهم شي هي ماراح تتعرضك مره ثانيه؟
فيصل : ماظن بتتبلى علي مره ثانيه .. تخيل !!!.. تقول لي الله يوفقك .. اول مره تدعي لي بحياتها هههههه
سيف : فيصل ترا هالبنت كاسره خاطري
فيصل : حتى انا كاسره خاطري .. لانها تحبك مرره وانت ماعطيتها وجه
سيف : اقووووول بس
فيصل : ههههههههههه .. يلله بس عندي شغل بروح الشركه
سيف : اوكي حتى انا لازم اروح الشركه واشوف اللي لي واللي علي...باي
__________________________________________________ _______
جالسه بغرفتها والتفكير مو راضي يختفي من عقلها
قررت تتصل عليه عشان تعرف وش الموضوع اللي كان بيكلمها فيه مشعل
هند : مرحبا مشعل
مشعل بابتسامه : هلا والله
هند : مشعل ..امممممممم .. بصراحه انا صرت احاتي .. مادري وش الموضوع اللي تبي تقول لي عليه
مشعل : هههههه .. مستعجله؟
هند : لا عادي .. بس انشغل تفكيري شوي .. ممكن اعرف وش هو الموضوع؟؟؟
مشعل : هند .. لو اتقدم لك بتوافقين علي؟
هند ماقدرت تنطق ولا كلمه
مشعل : الووووو
هند : هلا .. معك
مشعل : أنا آسف .. ادري ان سؤالي هذا فيه احراج لك .. لكن لاتردين علي الحين .. فكري على مهلك واذا فكرتي ومنحرجه انك تردين علي .. اكتبي قرارك برساله جوال وارسليها لي سواء كانت قبول او رفض
هند تبي تغير السالفه : وش سويتو مع حمد؟
مشعل : ابد اعترف بمكان البضاعه ونظفنا المكان من السموم الموجوده
هند : الحمد لله .. طيب وهو وش بيصير معاه؟
مشعل : شي مؤكد بيحكمون عليه اعدام .. لان كمية المخدرات كبيره
هند : مادري كيف اشكرك على وقفتك معانا
مشعل : اقول لك كيف بس ماتزعلين؟
هند : لالالا خلاص لاتقول >> خافت يطلب منها شي محرج
مشعل : ههههههههههههه .. لاتخافين .. كنت بطلب منك تنتبهين لنفسك لانك تهميني
انحرجت هند وماعرفت وش تقول : طيب انا مضطره اسكر لان .....
مشعل قطع كلامها : لانك انحرجتتي .. خلاص اخليك الحين .. وعلى فكره ... حمد مو راضي يطلق هيفا .. لكن مو مشكله هو مصيره بينعدم وبترتاح منه اختك .. بس اللي اهم هو انتي
هند : عن اذنك مضطره اسكر الخط
مشعل : ههههه .. طيب يلله باي
_____________________________________
هيفا : ريناد تراك مللتيني .. ماصارت كل شوي وتنامين .. شدعوا ؟؟... حتى المريض ماينام مثلك
ريناد : هيفا والله مادري وش صاير فيني .. حاسه بتعب وكسل .. راسي بينفجر
هيفا : شكل ابوي مدلعك ومخليك تنامين على كيفك وتصحين على كيفك .. عشان كذا نومك ملخبط ومتقطع
ريناد : يووووووه .. شكلك متفهمين .. اقول لك اول مره يجيني هالحاله تقولين مدلعني؟؟
هيفا : طيب خلاص عاد .. ماباقي شي وتطقيني
ريناد : ياليت اقدر هههههههه
هيفا : أي هين كان انا اللي اكفخك
ريناد تبي تجنن هيفا : انا مرت ابوك .. يعني بمثابة امك .. المفروض تناديني ماما وتحترميني وتطيعيني
هيفا : لا والله؟؟؟... هذا الناقص بعد .. لا بعد عطيني الرضاعه وسكتيني بلعبه
ريناد : هههههههههههه .. هيفوووه وربي اتخيل شكلك وانتي ماسكه الرضاعه واللعبه ههههههههههه
هيفا وصلت حدها : وربي لو ماتسكتين الحين ياوليك
دخلت عليهم هند : وش عندكم على الضحك .. صوتكم واصل لغرفتي
ريناد : هههههههه تعالي شوفي اختك كيف معصبه
هند : وش سالفتكم طيب ؟؟
هيفا : حظرتها مرت ابوك .. تبيني اناديها ماما
هند : ههههههههههههههه .. طيب وش فيها لناديتيها ماما .. عادي
هيفا : لا والله؟؟؟.. ليه ماتنادينها انتي؟؟؟
هندا : انا مايصلح .. لاني اكبر منها .. لكن هي اكبر منك
هيفا : اكبر مني بشهور بس
ريناد تسوي حركات بعيونها عشان تغيض هيفا : اهم شي اني اكبر منك .. حتى لو كان بيوم
هيفا : رنووووود لاتحرقين اعصابي احسن لك
هند : ههههههههه .. ريناد ترا اول مره اشوف هيفا متنرفزه كذا .. انتي الوحيده اللي قدرتي عليها .. والا هي دايم تنرفزنا .. والحين جاتها اللي تنرفزها ... احسن جربي القهر كيف
هيفا قامت من جنبهم وراحت غرفتها
__________________________________
جالس بغرفته ويفكر .. كنت اشتاق لها وهي موجوده بالقصر .. والحين هي بعيده .. كيف بشوفها ؟؟.. كيف بتكلم معاها؟؟.. اشتقت لصوتها حيييييل .. لازم اكلمها
اتصل على تسنيم
فيصل : مرحبا تسنيم .. شخبارك؟؟
تسنيم : هلا فيك فيصل .. الحمد لله انا بخير .. انت شلونك؟؟؟
فيصل : انا بكون بخير بس بعد ماتساعديني في حاجه
تسنيم : انت مثل اخوي .. آمر باللي تبيه
فيصل : طيب ماترفضين؟
تسنيم : اذا كنت ماقدر على طلبك اكيد برفض
فيصل : لا .. طلبي تقدرين عليه .. بس تكفين لاترديني
تسنيم : طيب وش اللي تبيه يافيصل
فيصل : ابي رقم هيفا اختك . تكفين لاتقولين لا .. طلبتك
تسنيم : بس انا فعلا ماقدر اعطيك رقمها بدون علمها .. لازم استئذن منها قبل .. يمكن هي رافضه فكرة انك تكلمها
فيصل : لا .. ماودي تعلمينها .. صدقيني ماراح اقول لها اني اخذته منك .. وبعدين انا ناوي اصير زوج اختك
تسنيم : ونعم فيك يافيصل ..هيفا راح محظوظه لو كانت من نصيبك .. خلاص راح اعطيك رقمها .. بس مو تقول لها انك اخذته مني؟؟؟؟
فيصل : صدقيني ماراح اجيبك في الطاري .. انتي عطيني رقمها وتطمني
عطته الرقم وكان مستانس .. على طول دق عليها .. وهيفاستغربت الرقم .. اول مره يجيها هالرقم الغريب .. فتحت الخط وسمعت فيصل وهو يقول الو واستغربت الصوت وسكرت بوجهه.. فيصل ملزم الا يسمع صوتها.. اتصل عليها مره ثانيه وثالثه ورابعه ولا ترد .... ونفس الشي تتجاهل الرقم .. آخر شي حطته على الصامت لانها انزعجت من تكرار اتصاله >> متعقده من سالفة حمد
هيفا سمعت نغمة رساله وارده .. فتحت الرساله وشافت الرساله من نفس الرقم الغريب ومكتوب فيها ...
ياصاحبي جعل ربي يخليك
ارفق بقلبي وارحمه ياحياتي
ارحم غريق في غرامك يراعيك
بعدك عذاب وشوف زولك غناتي
بين العرب هواجس القلب تطريك
وماظن ينسى من يسوي سواتي
متعلق قلبي بحبك ويغليك
وعسى غلاكم مايسبب وفاته
هيفا : ياربي مين هالمجنون اللي يرسل لي رسايل مثل كذا؟؟؟... اووووف .. انا احسن لي انام شوي ولا اتعب راسي بالتفكير >> نامت
_______________________________________
عند ريناد وهند
ريناد : زين والله انك قدرتي تتصرفين .. بس ابي اعرف كيف جاتك الجرأه وطلقتي عليه؟؟
هند : قلعته .. اللي مثله مو حسافه يموت ونفك العالم من شره وبلاويه
ريناد : هههههه.. تدرين لو انا مكانك؟؟..كان مادري وش بيصير فيني
هند : الحمد لله انه ماخطف هيفا .. والحمد لله ان الله نجاني منه
ريناد : ربي عطاك على قد اعمالك .. انتي مررره طيبه وقلبك ابيض .. اووووف ياربي حاسه بدوخه مو راضيه تروح
هند : من متى؟
ريناد : من امس .. احس بكسل غير طبيعي ... دايم ودي انام
هند : ههههه شكلك حامل
ريناد : حامل؟؟؟.... ليه الحمل كذا علاماته؟؟؟
هند : ايه .. ريناد شرايك نروح المستوصف وتسوين تحليل؟؟
ريناد : اخاف مو حمل .. يمكن كسل بس
هند : ولو .. حتى لو ماكان حمل .. خذي تحليل وشوفي .. وش خسرانه انتي؟
ريناد : لا انا اخاف من الابره .. واذا تبين تتاكدين اذا فيني حمل او لا نجرب شريط اختبار الحمل
هند : اوكي .. بروح اشتريه الحين
ريناد بخوف : لا تكفين لاتروحين لحالك .. مانبي يتكرر اللي صار
هند : ههههههههه ... لاتخافين ... حمد عليه حراسه مشدده ومايقدر يقوم لانه للحين مجروح .. يعني مستحيل بيجي مره ثانيه وبيكرر فعلته
ريناد : ولو .. لاتروحين .. اذا شفت ابوك بيطلع يجيب اغراض والا شي .. بقول له يجيب لي واحد
هند : اوكي ياخوافه
_________________________________
ندى جالسه بالصاله وشاغله نفسها بالتفكير .. دخلت عليها تسنيم
تسنيم : وش يفكر فيه الحلو؟
ندى : هاه؟؟.. لا مافكر بشي
تسنيم : كل هالسرحان؟؟؟... وتقولين مافكر بشي؟
ندى : ههههه .. لا مافي شي .. تعالي بس اجلسي جنبي ياصقيقتي العزيزه ههههه
تسنيم : ندى .. كم شهر لك من الحمل الحين؟
ندى : دخلت السابع .. ليه؟
تسنيم : ابد .. بس مجرد سؤال .. ندو تحسين نفسك ثقيله او متضايقه وانتي حامل؟
ندى باستغراب : لايكون انتي حامل وساكته؟؟؟
تسنيم : لا تطمني مو حامل .. بس خايفه من الحمل
ندى : ياحليلك بس .. الحين انتي خايفه من الحمل وانا خايفه من الولاده >> تغيرت ملامحها من الخوف
تسنيم . يوووه ماقصد اخوفك ههههه .. الله يسهل عليك ياندو .. متى تولدين بس نبي ولد صغنطوط عشان يكون مع فهيد .. كاسر خاطري فهودي مامعاه طفل مثله يلعب معه
ندى : لا ياحبيبتي .. انا ابي اجيب بنت عشان تكون لفهيد حبيبي .. ويصيرون عيال بنتي حلوين
تسنيم : ههههههههه .. طيب واذا كبر وقال مابي بنتك وش تسوين؟
ندى : اصلا ماراح يقاوم جمالها ولا راح يرفض تكون زوجته ..(وبغرور) يمكن بنتي اللي تقول مابيه .. ابي زوجي يكون مثل جمالي
تسنيم : ندى .. ناصر تزوجك عن حب والا زواج تقليدي؟
ندى : امممممم .. تزوجني عن حب .. طبعا هو ولد عمي ونفس الوقت صديق اخوي سيف
تسنيم بحماس : علميني كيف حبك وتزوجك
ندى : سيف وناصر مخططين يطلعون البحر وكانو بياخذون معاهم فهد اخوي الله يرحمه
تسنيم بحزن : تدرين ندوو؟؟... اشتقت لفهد كثيير
ندى : تسنيموووه الذكريات القديمه اتركيها عنك وعيشي بحاظرك احسن .. وخليني اكمل قصتي
تسنيم : هههه طيب كملي لاتعصبين علينا
ندى : سيف قال لي اجهز كل شي لان الخدم كانو مشغولين لان ابوي شاري اثاث جديد للقصر والخدم يرتبون ويفرشون وامي تشرف عليهم .. المهم .. جهزت الشاي والقهوه وطلعت للحديقه وانا موسعه صدري وقاعده اغني على راحتي .. وانا ملتفته برجع للقصر صدمت في ناصر .. مجرد ماشفته صرت ابكي من الفشله ههههههه
تسنيم : ههههههههه .. وبعدين وش سوا هو يوم شافك تبكين؟؟؟
ندى : قهرني صار يضحك علي .. احر ماعندي ابرد ماعنده .. والل قهرني ازيد .. طلع ل مندل من جيبه وعطاني اياه عاد انا زدت بكي ههههه .. كن الامر عادي .. ولا حس على الاقل يصد عني .. ودي انحاش بس رجولي انشلت وتفكيري انشل ماعرفت اتصرف
تسنيم : ههههههه بعدها خطبك على طول؟
ندى : ايه .. خطبني بس ماوافقت عليه في البدايه .. مع اني حبيته من اول ماشفته .. بس كابرت
تسنيم : انو كلكم فيكم نفس الاسلوب .. عندكم العناد محتل المرتبه الاولى
ندى : هههههههههه .. مو كلنا .. فيصل غير عنا
تسنيم : اهم شي انك وافقتي عليه بعدين
ندى : وبعد معانااااه منه
تسنيم : مسكين شكله للحين مستحمل عنادك ههههههه.. وان شاء الله اللي في بطنك ماياخذ عنادك
ندى : لا اللي في بطني ابيه يكون علي
تسنيم : الله يجيبه بالسلامه
_________________________________
صحت هيفا من النوم وشافت 6 مكالمات لم يرد عليها ورسالتين
فتحت جوالها وشافت ان المكالمات من نفس الرقم الغريب
فتحت اول رساله .. كان متوب فيها
إنتظرتك ليه طولت الغياب
وأنت لامن غبت لحظات افقدك
جمرةاشواقي تناديك
بعتاب
كيف جالك قلب تنسى موعدك؟
سيد الإحساس حسك كيف غاب
كيف عن دافي شعوري يبعدك
وادري إنك ماتأخرت
بغياب
بس أناإللي دايم
أسبق موعدك
فتحت الرساله الثانيه .. كان مكنوب فيه
هيفا وربي اشتقت لك .. لاتقسين علي .. ارجوك مشتاق اسمع صوتك .. ردي علي
اشتقت لك موت ..... فيصل
هيفا اول ماقرت اسمه شهقت وحطت يدها على فمها وبققت عيونها : فيصل؟؟؟؟؟..... ياربي وش اسوي الحين؟؟.. المشكله استحي اكلمه .. رجعت حالة الاتصال الى عام .. توها بتحط جوالها على الطاوله الا جاها اتصال من فيصل .. صارت تفكر ترد والا ماترد .. في آخر لحظه ردت
هيفا : الو
فيصل : مرحبا
هيفا : هلا
فيصل : هلا والله بهالصوت
هيفا : هلا فيك
فيصل : شغلتي بالي عليك .. اتصلت كثير ومارديتي
هيفا :كنت نايمه
فيصل : اخاف اكون ازعجتك؟؟
هيفا : لا .. من وين لك رقمي .. توني شريته ..كيف عرفته؟؟
فيصل : مو مهم كيف عرفته .. المهم اني سمعت صوتك
هيفا : فيصل .. انت ليه تكلمني بهالطريق؟؟
فيصل : ليه؟؟.. وش فيها طريقتي؟
هيفا : يعني احس تعاملني كني............
فيصل : هيفا انا احبك .. وراح اعاملك كحبيبتي .. اتمنى اسلوبي ماضايقك .. لاني راح اخطبك قريب .. انا الحين انتظر حل للغبي حمد عشان يطلقك .. ماراح يبرد قلبي لين اخلي النذل يطلقك غصب عنه
هيفا : فيصل طريقتك خطأ اصلا
فيصل : ليه؟؟... وش الخطأ اللي سويته؟
هيفا : فرضا احد شاف رسايلك .. اكيد بشكون ان في بيننا علاقه من زمان .. بصراحه تضايقت يوم قريت رسايلك
فصل زعل من كلام هيفا : طيب انا آسف .. يلله باي >> سكر الخط
هيفا : يوووه شفيه هذا؟؟؟.. لايكون زعل؟؟ ياربي شسوي الحين ؟؟
________________________________________________
دخل سيف على ندى وتسنيم وهم يسولفون وجلس جنبهم
سيف : عاد الحريم لصارو يسولفون وخرو عنهم
ندى تطالعه بنص عين : لا عاد وانتو يالرجال ماشاء الله لجلستو مع بعضكم كنكم بتتضاربون
سيف : ههههههههههه .. عاد انا بصراحه اللي جد ابي اضرب زوجك .. كل شوي وهو مقارن نفسه فيني
ندى : منو ناصر؟؟؟
سيف : لا الجني حقه
تسنيم : هههههههه .. سيف لاتنرفز ندو .. عاد كل شي ولا ندى
سيف : لا والله؟؟ الحين صارت ندى اهم من زوجك؟؟؟
تسنيم : زوجي يستحمل .. اما ندى مثلي من الجنس الناعم .. مايستحمل ضغط من احد .. وخاصه ان ندوو حامل .. يعني النفسيه عندها عدم
ندى وهي تطالع بتسنم باستغراب : يعني انا مجنونه؟
تسنيم : هههههههه .. ابي اعرف انتي ليه تفسرين الاشياء بغير معانيها؟؟؟... انا اقصد ان نفسية الحامل تكون دايم تعبانه .. ماتحب احد ينرفزها ومحتاجه لهدوء ودلع
ندى : اهااا .. احسب بعد
سيف جلس جنب تسنيم وبهمس : وانتي متى تصير نفسيتك مثلها؟
ندى لقطت الكلمه من سيف : بعض الناس مستعجلين على رزقهم
تسنيم : ههههههه .. حشا مو اذان .. صايره لاقط اصوات
ندى : بسم الله على اذاني لاتعطينهم عين
تسنيم : لاتخافين .. عيني مو حاره
ندى حست بألم بسيط وتغيرت تعابير وجهها .. ووضح شكلها انها متألمه
تسنيم : ندى تحسين بشي؟
ندى : ايه حاسه بالم يروح ويرجع
سيف : ندى تبين اوديك المستشفى؟
ندى : لا مايحتاج .. ماحس بالم قوي .. ناصر وين؟
سيف : مادري عنه .. قال لي ان عنده شغل وبيرجع
ندى : اهاا ... يعني مو بالمجلس هو ..آآآآآآه >> رجع عليها الالم
سيف : ماقلت لك اوديك المستشفى افضل؟؟؟؟
تسنيم : انا بقوم البس عباتي وبروح معكم
سيف : بسرعه
ندى : عادي بصبر لين يجي ناصر ويوديني
سيف : لا ياندى يمكن في خطر على الطفل لو انتظرنا اكثر .. انا بكلم ناصر يجينا بالمستشفى
لبست تسنيم عباتها وساعدت ندى عشان تركب السياره واتجهو للمستشفى
_________________________________
وقفت سياره عند بيت سالم وكان فيها طفلين .. بنت وولد
سالم كان بيطلع وشاف الطفلين
سالم : مين انتو ؟؟.. وش جايبكم هنا؟
نزل رجال من السياره : مرحبا .. انت ابو هند؟؟؟؟
سالم : ايه انا بو هند .. خير؟؟؟
.......... : الطفلين هذول عيال هند .. وانا عمهم محمد اخو ابوهم
سالم : ياهلا والله .. تفضل
محمد : زاد فضلك
سالم دخل محمد بالمجلس .. اما الطفلين صارو يدورون انهم بالبيت
هند شافت عيالها ماصدقت اللي شافته عيونها.. ماقدرت تمسك دمعتها .. ضمتهم بشوووق وصارت تبوس فيهم من كثر شوقها عليهم
بالمجلس
سالم : غريبه جايب العيال من نفسه
محمد : ابوهم عطاك عمره .. توفى بحادث هو ومرته .. والحمد لله ان العيال في البيت مع الشغاله
سالم : لاحول ولا قوة الا بالله
محمد : سالم .. بصراحه انا مهتك بعيال اخوي .. عشان كذا ودي اطلب يد بنتك هند ونربي عيال اخوي
سالم : انت عندك زوجه؟
محمد : ايه انا الحمد لله متزوج وعندي عيال .. وراح اعامل عيال اخوي مثل معاملتي لعيالي وحالي متيسر ولله الحمد
سالم : طيب انا ماقدر ارد عليك الحين .. لازم اسأل هند بالموافقه
محمد : بامكانك تسألها الحين .. لاني ماراح اطول هنا
سالم : ان شاء الله .. عن اذنك اروح اشوف رايها
محمد : خذ راحتك
((البـــارت الــ 19 ))
هيفا شغل تفكيرها كلام فيصل .. وخافت يكون زعل منها لانها ماتقصد تزعله
قررت تتصل عليه
هيفا : مرحبا فيصل
فيصل وهو يتغلى : نعم
هيفا : اوكي سوري على الازعاج .. لكن حبيت اقول لك حاجه
فيصل : تفضلي
هيفا : فيصل .. للحين اقول ان اسلوبك غلط
فيصل : وشو؟؟؟
هيفا : طيب لحظه بس خلني اكمل كلامي
فيصل : طيب قولي
هيفا : اذا مثل ماقلت انك تبي تخطبني .. اعتقد المفروض الشخص الوحيد اللي تقدر تكلمه هو ابوي مو انا .. ولو ابوي يدري انك ترسل لي رسايل حب وغرام وربي يسوي كارثه . مافي احد يرضى على بناته
فيصل : بس انا تفكيري شريف
هيفا : ادري .. لكن غيري ماراح يصدقك .. ماودي اطول معاك .. ومثل ماقلت لك .. اذا تبيني اكون زوج لك اخطبني من ابوي .. وبلاش اتصال ورسايل
فيصل : يعني ماتصل كلش الا لين ابوك يوافق اكون زوج لك؟
هيفا : طبعا
فيصل : واذا رفض؟
هيفا : راح يكون رأيي من رأي ابوي .. اذا ابوي موافق انا موافقه
فيصل : واذا مو موافق بعد انتي ماتوافقين؟
هيفا : انت كلم ابوي اول شي وبعدين يصير خير .. ماقدر اعطيك كلمه اكيده
فيصل : اوكي خلاص .. رقم ابوك عندي وراح اكلمه .. وآسف على اسلوبي اللي مو عاجبك
هيفا : اوكي باي
فيصل (ياربي منها .. ماتبرد القلب ولا تعطي وجه): باي يا....... هيفا
هيفا ودها تضحك عليه بس مسكت نفسها .. واول ماسكر الخط ماتت من الضحك
دخلت هند على هيفا ومعاها عيالها وكانت مررره فرحانه : هيفا عيالي جابوهم هههههههه
هيفا : وشو؟؟. عيالك ؟؟... ياحلاتهم (صارت تضمهم وتبوس فيهم ) يجنننووون فديتهم .. متى جابهم المقرود؟؟
هند : اللي جابهم عمهم
هيفا : صحيح؟؟؟.. طيب وابوهم ليه ماجابهم حظرته .. اخاف مو قادر ينفق عليهم
هند : ابوهم مات بحادث هو وزوجته .. الحمد لله ان عيالي سالمين
هيفا : ربي ماينسا عباده .. انتقم لك منه
هند : الحمد لله على كل حال .. اهم شي عيالي بيضلون معاي للأبد .. وبيكبرون قدام عيوني وقلبي متطمن عليهم
دخل عليهم سالم
سالم : هند تعالي معاي ابيك
هند : ان شاء الله يبا .. هيفا خلي ريم ومؤيد عندك
________________________________________
سيف : متى تبين الزواج؟
سحر : اتمنى اليوم قبل بكرا
سيف : سحر .. راح اتكلم معاك بصراحه .. وابيك انتي بعد تكونين صريحه معي
سحر : طبعا ياقلبي
سيف : سحر انتي تحبيني جد والا في خاطرك نار الانتقام مني لاني رفضتك من البدايه؟
سحر : انا؟؟... لا أنا احبك جد ... عمري مافكرت اني انتقم منك .. وبعدين انت ماسويت لي شي عشان انتقم
سيف : متأكده؟
سحر : طبعا متأكده
سيف : بس انا سمعتك بنفسي ياسحر .. سمعتك وانتي تقولين لامك بنتقم وبدمرهم كلهم .. كنت صادق معك .. وكنت بقول لك احبك لكن انتي شلتي الجوال من اذنك تحسبيني سكرت الخط .. لكن بهالوقت اللي سمعت كلامك اسودت الدنيا بعيوني .. تمنيت الارض تنشق وتبلعني ولا اكون بهالغباء واصدق انك تحبيني
سحر : سيف انا صدق كنت ابي انتقم .. لكن حبيتك جد .. نسيت شي اسمه انتقام .. وانا موافقه على أي شرط تقوله لي .. والله اني حبيتك
سيف : سحر .. لولا خوفي من الله .. كان ضريتك .. وخليتك طول عمرك تحتقريني وتكرهين طاري سيف .. ربي رحمك .. صديقي كان عارف باللي بيني وبينك .. ونصحني .. واحمدي ربك انه وصلت على كذا .. سحر لآخر مره بحذرك مني .. لو تقربين صوبي او اسمع بس اسمك او اشوفك داقه على رقمي .. تدرين وش بسوي؟؟
سحر : سيف ليه تسوي لي كذا .. انا ماغلطت عليك عشان تعاقبني
سيف : اسمعيني زين .. لاتقاطعيني .. رقمي تحذفينه من عندك .. ولو اسمع انك متبليه علي لو باتفه سبب .. راح اخليك مو بس تكرهيني؟؟.. بخليك تكرهين نفسك واليوم اللي عرفتيني فيه .. اطلعي من حياتي اذا تخافين على نفسك .. وخليني اعيش مرتاح مع زوجتي وولدي .. باي
ناصر لمح سيف وهو واقف بره المستشفى يكلم وقرب عنده
ناصر : وين ندى؟؟
سيف : يسوون عليها فحوصات .. تسنيم معاها .. تعال نشوف وش يقول الدكتور عن حالتها
دخل سيف وناصر المستشفى
_______________________________________
سالم : هند .. الحمد لله ان عيالك رجعو لك .. لكن مثل ماهم محتاجين لأم ترعاهم .. برضو محتاجين ابو يهتم بمصاريفم وعلاجهم ودراستهم
هند : طيب يبا وش المشكله؟؟.. بامكاني ادور على وظيفه واعيل عيالي واوفر لهم كل اللي يبونه
سالم : يابنتي انتي محتاجه لرجال يسندك .. وانا رجال كبير ماظمن كم باقي من عمري
هند : الله يطول بعمرك يبا .. ويخليك لنا
سالم : عم عيالك تقدم لك .. ويبيني ارد عليه الجواب الحين .. انتي وش رايك؟؟
هند : لا يبا مستحيل ...انامو موافقه
سالم : لاتستعجلين بالرد يابنتي .. فكري شوي على مهلك
هند : يبا هذا قراري .. مابي اتزوجه
سالم : يابنتي انتي عندك طفلين .. كفايه انه بيتكفل فيهم
هند : يبا ردي الاخير هو الرفض .. لاتحاول معاي
سالم : طيب انا بقول له رفضت ويتوكل على الله
طبعا محمد رجع لاهله .. هند توها تتذكر ان مشعل ينتظر ردها فتحت جوالها وكتبت في رساله
السلام عليكم .. مشعل ابشرك عيالي رجعو لي بصحه وعافيه .. يعني صرنا ثلاث اشخاص .. هل مازلت تفكر بالزواج مني؟
بعد ثواني اتصل مشعل عليها .. ردت عليه وهي مرتبكه : هلا مشعل
مشعل : هلا فيك .. هند انتي وعيالك في عيوني ولو ماكفتكم عيوني قلبي يوسعكم حتى لو تعزمين جيرانكم
هند : هههههههه .. يعني قابلني بعيالي؟
مشعل : عيالك قطعه منك .. وانا ابيك كامله
هند باحراج : اكيد؟
مشعل : اكيدين مو بس اكيد
هند : طيب عم عيالي خاطبني وانا محتاره وش ارد عليه .. يقول انه اولى في تربية عيال اخوه
مشعل بمزح : وشو؟؟ ... لو توافقين عليه اذبحكم اثنينكم
هند : هههههه شدعواااا .. تطمن رفضته
مشعل : وانا؟؟
هند : انت وشو؟؟؟
مشعل : تسوين نفسم مو فاهمه؟؟؟... انا مقبول والا مرفوض؟؟؟.. يهمني رايك
هند : امممممممم ... (باحراج) مقبول
مشعل : الحين اجي اخطبك .. باي >> مستعجل الاخ خخخخ
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك