رواية غراميات مجنونة -11
هشوم: انا اقول .. شصاير لك شكلك متغير بالمراا
نصور: لاتخاف موصاير لي بس ستايلي متغيرشوي
هشوم: مشكلتك ماتقدر تخبي علي والله كاشفتك بس شوف يانصور اذا فيك اي شي علمني لاتشيلها بقلبك انت اخوي اللي ماجابته امي (( مصدقين نفسهم رجال ))
نصور وارتاح من كلام هشوم: مافيه شي ولاتخاف لو فيه شي بقولك واقول قدامي خلينا نروح للحفله ونولعهااا راب انا اليوم متحديك ..
هشوم/ يلا قدام _ وراحت وضلت طول الوقت راب وضحك ورقص مع نصور وهي عارفه انو نصور مارح يقولها شي لان من طبعه كتووم بالمرا ومحد يقدر ياخذ منه لاحق ولاباطل _
:
:
:
:
:
:
" شتقولين انتي متأكـده من هالكلام ياروعه " قالتها لصديقتها وهي تكلمها بالجوال ومعصبه ع الاخررر
روعه : والله العظيم توها مرام متصله فيني من البارتي وقايله لي هالشي
جنا: ومين مرام هذي بعد ؟؟
روعه : مرام هذي وحده بشلتنا ذيك السمرا اللي شعرها بني فاتح اللي بسنه رابعه
جنا وتذكرتها : اي اي عرفتها هذي من ربع حنان اللي بالشله اااااخ يالقهر اجل حنان هالدعله مسويه بااارتي مفــاجئ لهشوم وكل الشله مدعوه فيه واهم شخصيات الجامعه الا احنا الاربعه ..
مستقصدتنا الحقيره
روعه : اي والله مستقصدتنا .. الحيوانه ربحت بهالجوله .. قهرتني ياشيخ ماقدرت اناااام ولامرام مسويه داقه تقهرني مالت عليها هي وحنان حقتها
جنا: الحقيره الحيوانه .. لكن وين بتروح مني انا لها ان ماضحكت عليها بنات الجامعه وقلعتها من طريقي قلعه نهائيه مااكون جنون
روعه : اي والله ياجنا تستاهل كل اللي بنسويه فيها انا لاخر لحظه كنت اشفق عليها لكنها طلعت حيوانه وحيه من تحت تبن تلعب لعبه قذره مثل وجهها القذر
جنا: روعه ياعمري .. ولاتنقهرين ولاشي لاتخافين خلاص هالحيوانه صلاحيتها انتهت وكلها كم يوم وينتهي دورها بحياه هشوم وهي قهرتنا يوم لكن احنا رح نقهرها طول العمر
روعه : اتمنننننننىىى يوم المنى اللي اشوفها فيه مذلوله ..
جنا : قرب هاليوم لاتحاتين ياعمري .. قرب يومهاا ..
/
/
/
بــالبــارتي .. كانت شوق جالسه مع نصور لحالهم وبعدين عن البنات شوي
شوق: يوووه نصور وشفيك تحن قلت لك مااقدر ..
نصور: ياسلام وانا اللي جاي عشانك وانتي واعدتني بالتلفون بالاخير تسوين حركات المبزره ذي والا بالتلفون غير وهنا غير !!
شوق : وبعدين يعني ماعندنا الا هالسالفه التافهه
نصور: تافهه بعد .. بسلامتك (وتروح وتخليهاا )
شوق : يوووه وقتها ذي بعد تزعل ( وتروح وراها وتشوفها جالسه مع بنت ثانيه والبنت مررا خاقه على نصور وتجيها حنان
حنان: يووه الظاهر عصفورك رح يطير من يدك
شوق: وش قصدك
حنان: مدري شوفي البنت اللي معه وشسالفتها شكلها تتلصق
شوق : خلك من عصفوري وداري عصفورك انتي نجم البارتي الحين تشوفين كل الكيوتات حوله ..
حنان: فديييييته شوفيه جالس هناك مع البويات يسولفون وانا بروح له الحين اغار عليه حتى من نسمه الهوا وهذا وهو عينه موطويله مثل غيره (وتروح )
شوق عصبت من حركه نصور حست انها مالها داعي وبنفس الوقت استفزتها البنت اللي جالسه معه كانت تبي تروح له بس عزه نفسها وغرورها ماسمحوا لها ناظرتهم بنص عين ومشت
وخلتهم وهي ميييييته قهررر تبي تعرف وش عندهم مع انه باين وش عندهم مايحتاج احد يفسرها لكن نصور انقهرت من حركه شوق وقررت ماتطلع من هالبارتي الا وهي كاسره خشمها
نصور والتفت للي معها: اقول شسمك ياحلوه
البنت: انا بدور ..
نصور: اهـااا .. حلووو طيب يابدور بغيتك بخدمه
بدور: امر انا كلي لك
نصور: لبى كلك والله سمعيني زين
:
:
:
الســاعـــه الواحــده بعد منتصف الليل .. والحفله لســى بأأولــهااا .. ناويــنها صبــااااحي .. طبعا بعد العشـا اللي قدر يجلس جلس والاغلب راااح .. لكن
الحفله مازالت مستمره وبأأووج عــزززهـــااا .. وخاصه بقيه المدعوين اللي ناوينها صـباحي بعد العشــا زاد حماسهم ونشاااطــهـم .. وخاااصه بالرقص .. الحفله كانت هادئه نسبيا بغض
النظر عن الاغاني والازعاااجات كانت حفله نظيفه مو مثل بارتيات نصور الخرباااانه .. الحفله كانت مــجرد حفله وبــسسس ..
كانت جالسه تسولف مع احد المدعوات وتضحك معها بس من داخلها ميته من نصور وتحاول تتجاهلها بأقصى الطرق بس اللي معور قلبهااا انو كل البنات يحاولون يبرزون نفسهم عند نصور
ولو راحت هي فيه غيرهاا مليوون
البنت: طيب انتي من وين تعرفين نصور؟
شوق : وليش هالسؤال ؟
البنت: اممم بصراحه ابيك تعرفيني على نصور
شوق: يووه وتبيني اشتغل واسطه بينكم تقدرين تروحين لها وتتعرفين عليها بنفسك انا مااحب اسلوب اللف والدوران
البنت: شدعوى شواقه طلبتك
شوق: سوري مااقدر اعطيك (وتروح عنها وهي ميييته قهر قاعده ساعه تسولف معها عشان تعرفها ع نصور حست نفسها غبيه لو تضيع نصور اللي الكل يبي يتعرف عليه وفجأأأه جات نصور بوجهها
نصور: شوق ممكن شوي
شوق ومسويه ثقل وهي من داخل مييييته من الفرحه لانها جات وكلمتها قالت بدون نفس وبغرورها المعتاد: خير !!
نصور: انا بطلع شوي وابيك بسالفه
شوق: قلت لك مارح اعطيك اللي تبيه
نصور: انا ابيك انتي ماابي اي شي ثاني
شوق بسخريه / واضح .. انا موفاضيه لك
نصور وزاد قهر بس هالشي خلاه يتمسك فيها اكثر عشان يكسر خشمها : طيب دقيقه بس سمعيني اذا ماعجبك تقدرين تروحين وتخليني
شوق : اوكيه دقيقه لااقل ولااكثر
طالعتهم من بــعيـــد بتمعن .. وراحت وجلست بزوايــا من الزوايا تطالع جوالها بتمعن وتنتظر وفجـأأه فتحت جوالها ع مسسسسج ( ok )
ابتسمت بخبث وراحت لجـهه لمــى .. وجلست تسولف معها وكـأأنها تعرفها من زماااان ..
:
:
:
:
:
مصــدومــه وموقادره تصدق اللي تشوفه عيــونها .. معقوله .. معقوله تشوف اختها الكبيره بهالشــكل .. اختها اللي تنصحها وتهاوشها لو قالت تبي تشبك مع بويا وتتنرفز عليهاا
لو شافت بويا وقالت عنها حلوه .. اختها اللي شديده عليهاا دايما تطلع بهالمستوى تمنت الارض تنشق وتبلعها ولاتشوفها بهالشـكل المقزز .. شافت اختها الكبيره ومثلها الاعلى قاعده وتبوس
بويا .. منظر اقشعر بدنها منه .. معقوله اختها تهز عرش الرحماااان .. قالت بحمق : شوووووووق
شوق وخافت وبعدت عن نصور وانتبهت لاختها لمى اللي شافتها وماقدرت تقول شي وقالت بتوتر وخوف : لــ ـ ــ مـ ـ ـ ـ ى !!!
نصور بكل ثقه وهي تشوف نضره الانكسار والذل بعيون شوق موعارفه شتقول او تبرر لاختها الصغيره همست بأذنها وقالت بنبره نصر : موانتي اللي ترفضين نصور .. حليها مع اختك الحين
ياواطيه .. وع فكره تراك ماكنتي عاجبتني بالمرا كنت ابي اكسرك مثل مارفضتني .. مو كل يوم لك يامغروره .. هاليوم بالذات عليك لانك قلتي لي لا ( وتروح وتمشي بكل شموخ وعزه
وهي مبسوطه باللي سوته وماهمها مشاعر لمى تجاه اختها ولا همها الجرح الكبير اللي تسببت لها فيه واخوتها اللي تأثرت بسببها كل همها تكسر خشمها وبس وسوت اللي تبيه وحست بنشوه الانتصار)
شوق وموعارفه شتقول مااهتمت لكلام نصور كل همها نضره اختها لها وشنو رح تقولها الحين وخصوصا انها كانت شديده معها : انا انا
لمى : انتي ماتستاهلين اني اتكلم معك ( ودمعت عنيها ) انا من اليوم ورايح مارح اعتبرك اختي الكبيره ومثلي الاعلي لان وحده تهرش عرش ربها ماتشرفني اخوتها (وتروح )
نصور وطلعت من المطبخ وراحت لبدور شكرتها ووعدتها انها تقابلها مره ثانيه ولمى ملت من البارتي طلعت بعد ماحطمت شوق بس لانها رفضتها بالبداااايه ..
انتـــهـــى الــبـــــارتــــي ع ثــاني يوم الســـاعه 8 الصبــاح بعد مافطروا البنات وراحوا لبيوتهم .. وطبعا الشله الحلوه مااحد دوام مـنهــم .. ماعدا جـنا وشـلتــها .. وع اخر
الدوام كانت حنان توها داخله الكليه وكانت مواصله وجايه ببالها هدف معين وخصوصا من بعد ماتأكدت انو جنا مداومـه وراحت لـجنا على طول ..
حنان: جنا
جنا واول ماشافتها عفست وجهها : خيررر
حنان: ههههههه خساره متعبه نفسك ومدوامه اليوم وتاركه زوجك هالشايب وبالاخير هشوومي مادوام .. ياحرررام
جنا: شي مايعنيك ..
حنان: اقووول لوتقعدين ببيت زوجك وتهتمين فيه وتصيرين زوجه صالحه احسن لك .. لانك قاعده تلعبين بورق خسران يااخي حسي فهمي هشوم مايبيك اوووف ماعندك كرامه
جنا : هههههههههههه خلي عنك سوالف الكرامه وهالمواضيع .. وتراك والله كاسره خاطري ميته غيره وقهر مني وموعارفه شلون تقهريني لكن بالاخير تقهرين نفسك .. خلك
مبسوطه بهشوم هاليومين وانا رح اعطيه فرصه يتنفس شوي ويجرب شي جديد وترى كلها كم يوم ويرميك مثل
حنان تقاطعها بحمق : يرميني هههههههه .. والله هشوم مارح يرميني مثل مارماك وياليت لو تفهمين عاد .. لان كل مافهمتي هالشي اسرع كل ماصار احسن لك وع فكره
انا قررت ارميك انتي وخمتك برى قروبي قروب هشوم ومن بكره دورا لكم قروب يلمكم غيرناااا ..وخلاص ياجنا انتي انتهيتي.. يوم لك ويوم عليك والايام الجايه كلها عليك .. تشاووو ..
( وتلبس نظارتها الشمسيه وتروح ... اما جنا عصبت بداخلهااا ومااااتت قهر منها وقالت : بنشوف مين اللي الايام رح تكون عليه .. ابتسمت بخبث وطالعتها بأحتـقأأأر ومشت ..
انــتــهــى البارت واتمنى انه عجبكم وانتظر ردوكم وتعليقكم وتقيييمكم وحابه اسمع توقعاااتكم
وارائكم في كلا من ..
شخصيه هشوم تحسوون انتو معاها او ضدهاا وليه وشنو رايكم بتصرفاااتها وتتوقعون انها تحب
حنان بجد وبدت تنسى جنااا
شخصيه جنا تحسونها ضالمه او مضلومه وشنو رايكم بتصرفاتهاا حبيتوها او لا
شخصيه حنااان .. شنو تحس فيه .. وهل فعلا تبي هشوم او تعاند جنااا
روعه واشواق وزينه شنو رايكم فيهم
نصور وش رايكم بتصرفااااته
حابه اسمع رايكم بهالشخصيااات الرئيسه واعرف هل حبيتوهم او لا ...
ياليت تجاااوبني وناطره ردودكم .. بأأأأأي
نلتقي على خيره ان شاء الله بالبارت القاااادم ..
الفــصـــل الخـــامس عشــر ..
•₪₪ نـفـس الـمـكـان اللي ذكـرني نسـاني ₪₪ •
رجـعت من الكليــه وهي مستـانسـه دخلت البيت وهي تفكر باللي صـار وانها ربحت جوله من معركتها مع جـنا وتفكر شلون تقلب كل خططها عليها وكل
همها انها تبعد جنا وصديقتها عن الشـله عشـان يفضــى لـها الجـو .. اول مادخلت لبيتـهم وفسخت عبايتها وشيلتها ماحست الا بذاك الكف اللي طيحـها من طولها
حنان وهي ع الارض طايحه ومصدومه وخايفه: بابا وشفيك ؟
ابو حنان: ولك عين تسأليني بعد ياللي ماتستحين على وجـهك
حنان من بين دموعها: بابا وشصاير ليش تكلمني كذا
ابو حنان : عطيني جوالك ياحيوانه عطيني اياه الحين
حنان بخوف : بابا انا
ابو حنان ويروح لشنـطتها وياخذ جوالها ويحطه بيجيبه وياخذ عقاله ويروح لغرفه بنته ويضربها ضرب مبرح لين تعب من كثر الضرب
ابو حنان: من اليوم ورايح مالك طلعه من هالغرفه فاهمه .. ومافيه لاجامعه ولابطيخ تجلسين بهالغرفه لين اشوف حل بهالمصيبه اللي سويتها ياحيوانه (ويسكر
باب غرفتها ويطلع )
حنان وبالكاد تقوم من اثار الضرب والدم بكل مكان من جسمها تطالع غرفتها بصعوبه وكل شي مو بمكانه ومفتشين بكل شي الملابس مبعثره ع الارض اللاب موموجود
والتلفون الخاص بغرفتها مأخود حتى جوالها الثاني موموجود بكت من القهر وهي ماتدري وش السالفه او شنو ذنبها ومعقوله ابوها الحنون اللي طول عمره يحبها ويعاملها
مثل صديقته وابوها اللي عوضها عن حنان امها الميته يسوي فيها كذا .. ليه وش سوت وشنو ذنبها .. فكرت وفكرت لين ماملت واغمى عليها من التعب ..
::
::
::
::
::
ببيت هشــوم .. من اول ماصحت من النوم وطول اليوم تتصل بحـنان وجوالها مقفل ويتصل بالثابت ومايردون اخر شي ردت
اختها وصرفته وقالت انها مسـافره وترجته انه مايتصل مره ثانيه
هشوم: شسـالفه وشفيها حنان وشصاير معها ؟ مالي الا نصور ( وتتصل فيه ويرد بعد 3 او 4 رنات
نصور: هلا هشوم
هشوم: هلا بك .. نصور مدري شسالفه اتصل بحنان ماترد واخر شي اختها قالت انها مسافره
نصور: ترجع بالسلامه
هشوم: نصور تستهبل اقولك مسافره شلون تسافر بدون ماتقول لي
نصور: هشوم عندك سالفه والا لا
هشوم: ليه موعاجبك سالفتي ؟
نصور: هشوم سلك سلك (وتسكر بوجـهها )
هشوم وعصب: سلامات وشفيها ذي انا الغلطان اللي اتصلت بهالاشـكال وحنون هذي بوريها اشوفها بالكليه واتفاهم معها على تصرفاتها حلوه ذي
بعد تسافر وتروح وتجي على كيفها وبدون ماتاخذ رايي .. (وترسل لنصور
شكرا ع الحركـه البايخه وع اخلاقك التجاريه ..
نصور فتح المسـج وشافه وقال: الحمدلله والشـكر والله فاضي .. ويرمي الجوال بعيد ويرجع يدخن ..
::
::
::
::
::
ببيت حــنان كانت اخت حنان جالسه مع ابوها
اماني: بابا الله يخليك خلينا نفتح لها الباب البنت مالها حس .. اخاف صار فيها شي
بوحنان: ان شاء الله تموت ونفتك منـها .. جابت لنا العار الله يلعنها
اماني: بابا انت من جدك وش هالحكي .. حنان هذي بنتك الصغيره اللي طول عمرك مربيها ع الصراحه والادب المفروض تسمع لها مو تحكم بسرعه
بوحنان : اماني وشفيك تبيني اصارحها بشنو بسواد الوجه اللي مسويته والا اسألها ليش جبتي لنا العار ؟
اماني وهي موعارفه شتقول : يبه انت حتى ماعطيتها مجال تتكلم او
بوحنان يقاطعها : اعطيها مجال بعد كل اللي صار بعد كل اللي شفته اكلمها بعد واسمع صوتها ياليتني متت ولاشفت اللي شفته
اماني بنبره باكيه : يبه حنان ماتسويها اكيد هذولي بنات ابليس اللي
بوحنان يقاطعها مره ثانيه بعصبيه وحمق : اماني وشفيك كل شي واضح وضوح الشمس ولو حد قايل لي ماصدقت هذا جوالي قدامك وشوفيه .. انا شفت
هالمقطع الف مره وماصدقت اللي اشوفه بنتي انا شاذه ولييييه .. شللي ناقصها عشان تسوي كذا فضحتني الله يفضحها ياليتي ماجبتها ياليتها
هي اللي ماتت بدل امها لمى ولدتها .. حسبي الله عليها
اماني: طيب بابا اللي يخليك
بوحنان: اماني قلت لك لا مارح افتح لها وياليتها تموت وارتاح منها ومن همها (ويروح )
اماني: حسبي الله على اللي كان السبب واللي ارسل المسج لابوي حسبي الله عليه ( وتمسح المسج اللي وصل لجـوالها بنفس الوقت اللي وصل لجوال ابوها و مسحته قبل
مايشوفه ابوها ويهاوشها لانها ماقالت له .. اما ابو حنان راح لمكتبه يجري اتصالته عشان يعرف مصدر الرقم للأسف طلع الرقم بدون اسم والجوال مقفل
انقهر زياده وطلع من البيت بكل قهـر )
اماني بعد ماتطمنت ان ابوها طلع من البيت راحت لغرفه اختها وتطق الباب: حناااان حناااان تسمعيني حناااان ردي علي الله يخليج ..
حنان: اماني انا بموووت انا تعباااانه ساعديني الله يخليج اماااني انا قاعده انزف دم من كل مكان بجسمي امااااني لاتخليني
اماني من بين دموعها: يابعد عمري ياحنان ابوي توه طالع الحين انا بحاول ادور نسخه من المفتاح وافتح لك الباب او بنادي احد يكسره
حنان : طيب اماني بسرعه الله اخليك انا اخاف يصير فيني شي لاتخليني يااماني
اماني: حناااان تحملي بتصل بالاسعاف الحين تحملي حنااان ( وتروح تتصل ودورت نسخه للمفتاح ومالقت او بالاحرى النسخه مع ابوها وترجع لاختها بسرعه )
اماني وتدق باب غرفه اختها: حنوووون حنااان تسمعيني
(وماتسمع رد زاد خوفها على اختها وتدق وتدق ولــكــن لاحيـاه لمـن تنــادي .. جاوا الاسعاف واضطروا يكسرون الباب بمساعده الخدم ونقولوا حنان لاقرب مستشفى
خاص .. ))
:
:
:
:
:
بـــعـــد مــرور أســبــوعين .. حــنان ماتدوام بالكـليه .. وهشوم نفسيته زفت وجـنا وصديقتها يسولفون مع هشوم ويتقربون مـنه بس هو يبي يعرف وش صاير
مع حنان ونصور اللي ماشافه ولاكلمـه من اسـبوعين .. فـجـأه رن جواله ورد : الو خير .. انت وينك يالقاطع وين طيب باي
(( وتروح للسـاحه الخارجيه وتشوفها بعبايه سوداء مثل الثوب ولابسه نظاره سوداء وشعرها قصير جداا مرجعته على ورى وصابغته اشقر كأنها ولد ووجهها الابيض صاير
اصفر وتحت عيونها هالات سودا متغيره كثيرررره واللي يشوفها مايعرفها حتى هشوم قعد يطالعها فتره لين عرفها ..
نصور ويسلم ع هشوم
هشوم : متغير ماعرفتك
نصور: يمكن عشان الصبغه .. ههههه
هشوم: نعيماا ..
نصور: الله ينعم عليك
هشوم: وينك ماتدوام ولا ترد ع جوالك ..
نصور: خلاص مارح ادوام ابد
هشوم: افاااا وراه ؟
نصور: بطلع من الجامعه
هشوم: تطلع يعني شنو ؟
نصور: يعني خلاص بسحب ملفي وماعاد رح ادوام ..
هشوم: من جدك .. شــســالفه حرام عليك مابقى شي ع اخر السنه ليش بتطلع
نصور: انت عارف اني مومال دارسه واصلا انا طلعت من الجامعه وخلاص.. انا واهلي بنسـافر برى ومارح نقعد بالسعوديه
هشوم: بتسافرون والا بتهاجرون ؟
نصور: تقدر تقول كذا .. عموما انا توني ساحب ملفى حبيت اسلم عليك ورح توحشني خشتك وماابي حد يدري بغيابي ماتدري يمكن اسجل من جديد السنه الجايه
انا مثل الطير اللي يحوم يحوم وبالاخير يرجع لعشـه .. انا احب هالجامعه واحب بناتها ومااقدر على بعدها وحافظ كل شبر فيها .. انا مثل السمكه لوطلعت من هالجامعه
بموت !! المهم هشوم انت احسن صديق عرفته بحياتي انت الوحيد اللي كنت مرايتي اللي تصحح لي اخطائي .. انت الوحيد اللي ماكنت تنافقني والوحيد اللي يقدر
يقول لنصورلا او اي .. انت الوحيد اللي افتخر بصداقته وانت اللي فعلا كنت صديقي لذاتي وبس .. اكثر شي زعلان عليه اني بفارقك وان شاء الله الايام ترجع تجمعنا
هشوم: نصور وشفيك خوفتني يعني مارح ترجع ابد؟
نصور: لا ان شاء الله بس مااقدر اتكهن بــشــي انتبه لنفســك ورح توحشني ..
هشوم: وانت اكثر
نصور(ويضم هشوم ويمسح دمعته قبل ماتطلع ويسلم عليه ويعطيه كيس : هذا تذكار بسيط مني لاتنساني هااه مع السلامـه ( ويلبس نظارته ويطلع .. )
هشوم وفتح الكيس وشاف فيه برواز كبير لصورته هو ونصور بأحد البارتيات ومصورين جنب بعض وستايلاتهم كانت بويات ع ايمو ومنزلين غره ع عيونهم وصابغيتها
بنفسجي وازرق بالصبغه المؤقته ومكتوب على الصورة friends for ever
هشوم وراودها شعور غريب وحست انها مارح تشوف نصور مره ثانيه ...
/
/
/
/
/
/
ਿ°●φ¸¸.»آخـــر صـفـــعـة حـب «.¸¸φ●°ੀ҉
بعد مرور عده أأياااام
بــالمستــشــفى .. تحسنت حاله حـنان والدكتور كتب لها ع خروج ولكـن مع العنايه الطبيه المشدده بالمنزل .. يعني تطلع ومعها ممرضه تهتم فيها ..
اماني: حنان بقولك شي بس ماابيك تعصبين
حنان: ادري الدكتور كتب لي خروج بكره الصبــح ..
اماني: انا ماكنت بقولك كذا كنت بقولك شي ثاني
حنان: واووو خبر سيئ ثاني بعد
اماني: حنان قبل مااقولك اللي كنت بقوله ابيك تسمعيني زين انتي الحين معصبه على ابوي بس لو كنتي بمكانه كنتي رح تعذرينه انا رح اسألك سؤال واحد وابيك
تجاوبيني بصراحـه .. حـنان انتي شـاذه ؟
حنان وانصدمت من سؤال اختها والافكار راحت وجات براسها وش دراها معقوله ابوها عرف باللي صـار بينها وبين هشوم بالبارتي : .....
اماني: اعتبر سكوتك فيه اجابه لسؤالي .. انا موحابه اعاتبك او حتى ازعلك مني .. بس رح اقولك اللي صار ابوي قبل اسبوع وبالتحديد بنفس اليوم اللي
صار فيه اللي صار .. وصله مسج ع جواله ووصلني بعد مسج وسائط مقطع لك انتي وبنت بويه معك بالجامعه وانا متأكده انها هشوم ابوي افتكر انكم كنتوا بالجامعه...
بس انا حاسه الا متأكده انو انتو كنتوا ببيتنا بالبارتي بس ابوي من هول الصدمه ماميز المكان بصراحه ابوي ماتوقعها منك و وصله مع هالمسج كلام كثيييير يشيب الراس
ابوي من عصبيته سوى اللي سواه ..ليش سويتي كذا احنا ماتوقعنا منك كذا ابوي مارباك على هالشي ابوي طول عمره حاول يكون لك الاب والام بنفس الوقت و
ربنانا على الصراحه وكان صديق لنا ماتوقعتك توصلين لهذا كله و
حنان بعالم ثاني من سمعت كلام اخـتــها راحت لدنيا ثانيه وتذكرت اللي صـار قبل اسبوع بالتفصيل الممل كان مع هشوم ببيتهم بحفله عيدميلاده وكانت بالصباح بتودعه لانه بيطلع
للبيت ويوم جاء بيطلع عطته هديته وتجـرأت للمره الاولى وباسته بس ماكان فيه احد معاهم مين صورهم مين .. مين له مصلحـه انه يأذي حنان ..
فكرت بجـنا بس وقتها جنا ماكانت معهم ووقتها حنان كانت متأكـده انو محد معهم بذاك المكان وكل البنات اللي بالبارتي ثقه وهي ماعزمت حد غريب كلهم اقرب المقربين لها
قاطعت كلام اختها وقالت: طيب والبويا اللي كانت معي وجهها باين
اماني: تقصدين هنو او هشوم عموما تطمني ماكان باين فيه الا انتي وهي ماشفنا الا شعرها السبايكي المقزز ماتوقعتك تتعرفين على هالاشكال وتنزلين لمستواهم ..
حنان ابوي قرر
حنان من بين دموعها قاطعتها وهي تفكر بهنو وبس ماهمها نفسها ولا اللي صار لها اهم شي هنو: اماني الله يخليك بطلب طلب ولاترديني تكفين لاترديني
اماني: اذا اقدر عليه مارح اردك ..
:
:
:
:
:
جالســـه بالجـامعه تسولف مع الشـله وجاها اتصال من رقم غريب من الملل ردت وسمعت صوت حنت لك واشتاقت له كثير : حـنان ؟ وينـك .. الحين وين
طيب طيب جايك الحين باي .. (وتقوم وتلبس عبايتها وتتصل بالسواق وتروح للمسـتشـفى فورا .. )
هناء ودخلت ومعها بوكيـه ورد وكانت لابسه عبايتها وشيلتها ع كتفها وشعرها سبايكي ولابسه نظاره شمسيه سودا
اماني واول ماشافتها تقرفت من شكـلها وطلعت برى بسرعه حتى ماردت السلام ..
هناء مااهتمت لها وكسرت خاطرها حنان وحالتها المزريه كانت تعبانه بمنعى الكلمه ..
هناء: شفيك شللي سوى فيك كذا ؟
حنان: هشوم خلك مني واسمعني زين ..
هناء: حنان انا مشتاق لك كثير وشصاير معك وشللي وصلك لهنا وكيف !!
حنان : مووقت هالكلام الحين .. هشوم الكلام اللي رح اقوله لك اكبر من كذا
هشوم : حنان خوفتيني وشفيك .. تكلمي قولي ..
حنان بعد تردد: انا .. انا رح اتزوج
هنا وانصدمت وقالت بعد صمت : حتى انتي ؟
حنان ووتصنع القوه والجرأه: لو سمحت لاتشبهني بغيري لاتشبهني بالغبيه جـنا .. اصلا انا رح اتزوج وانساك وتطلع من حيـاتي .. بصراحه انا
عمري ماحبيتك انا اكرهك اناحبيت اقهر جنا وبس وكنت ماخذتك عناد فيها و قهرتها وسويت اللي براسي وخلاص والحين بتزوج وابيك تنساني وتروح
لها او تعيش حياتك بعيد عنها مايهمني ...انا مااصلح لك واصلا ماابيك
هنا وانصدمت من كلامها اكثر واكثر: انتي شتقولين
حنان:اللي سمعته .. وياليت لو تطلع الحين
( وتتذكر كلام نصور لها لمى كانت بالكليه جالسه مع نصور وتطالع بحنان اللي جالسه مقابلتها
نصور: هشوم تحبها ؟
هشوم: امممم تقدر تقول كذا
نصور: غلطان
هشوم بأستغراب: ليه تقول هالكلام
نصور: هشوم انت توك طالع من صدمه جنا وغلط تطلع من علاقه وتدخل بعلاقه ثانيه .. هشوم انا ابيك تصير اقوى من بعد اللي صار مع جنا انا ابيك تكون مثلي
تدور مصلحتك وبس وبلا حب وبلا هم ووجع قلب .. هشوم انا ابيك تصير نسخه مني .. نسخه من نصور
هشوم: نصور مبدأك في الحب مايعجبني انا هشوم ومااحب اكون نسخه من احد ومااقدر اعيش بدون حب
نصور: للأسف عمرك مارح تتعلم .. بعالم البويات ياهشوم المطلوب مننا احنا البويات تستمع بالعلاقات ونعيش اللحظه صح مونحب .. مافيه وحده تستاهل انو نحبها
ترى كلهم خاينات كلهم مثل جنا واخس بعد ...انتبه ياهشوم انا خايف عليك لاتكرر صدمه جنا مره ثانيه
هشوم: لاتخاف عليك اخوك ذيب
نصور: اتمنى .. (( ورجعت لارض الواقع وحست ان كل كلام نصور لها صح .. قررت تصير مثل نصور وتنسـى الحب .. تعيش اللحظه صح
واحتقرت نفسها لمى عرفت ان وحده تافهه مثل حنان سوت فيها هذا كله ردت بكل تكبر وغرور تسترجع كرامتها وهي تتكلم بنفس اسلوب وطريقه نصور
وقالت بنبره غرور: لا مارح اطلع موبكيفك تنهين اللي بيننا بسرعه انا مولعبه بيدك فاهمـه .. وبعدين لاتسوين لي فيها اصلا انا اللي ماابيك ووحده مثلك ماتلزمني
انا كنت اشفق عليك انا مااحبك وكنت اسلي نفسي فيك .. جنا هي الوحيده اللي بقلبي وهي حبي الاول والاخير وع فكره ترى لاانتي ولاعشره مثلك يلعبون فيني
فاهمـه وترى انتي كنتي لعبه في يدي ... وانتهى وقتك وخلاص قضيت وقت حلو معك ونسيتك .. وهذي مكافئاه نهايه الخدمه
(ويرمي الورده بوجهها ويطلع ويشوف بوجهه اماني ويصدم فيها ويطالعها بنظره احتقار كانها تحتقر حشره قدامها وتطلع)
اماني: لاتقولين لي هذي البويا الحقيره هنو اللي كنتي تحبينها ؟
حنان من بين دموعها: .....
اماني: وش استفدتي الحين عصيتي ربك ودينك واهلك ع كلام فاضي وهذي هي تركتك وراحت حسبي الله عليهاا
حنان: انتي ماتعرفين هشوم زين انا استاهل كل اللي يصير معي
اماني: وتلومين نفسك بعد .. انتي تبين تقهريني ؟
حنان: خلاص اماني خلاص ماابي اتكلم بهالموضوع
اماني: براحتك .. ( وبعد صمت قالت \ انتي وشدراك انك رح تتزوجين ابوي قالك؟
حنان وهي متفاجئه: انا بتزوج ؟
اماني: ايه وابوي قالي اقولك ماتوقعت انه يقولك .. عموما ابوي حدد ملكتك بعد بكره على ولد عمي حسام
حنان ورجعت تبكي وانقهرت وماعاد تفرق معها لو تتزوج او لا تعتبر حياتها انتهت بعد خروج هشام منـها .. تمنت لها الخير والدليل انها ماحبت تدمر حياه هشوم وحاولت
انه يرجع لجـنا عشان يرجع مستانس مره ثانيه وعرفت انه وجودها غلط بحياته دخلت حياته بغلطه وطلعت منها بغلطه اكبـر .. بس بالاخير طلعت من حياه
هنا بتخطيط شيطاني من جنا وبشكل اجباري .. مع ان حنان حاسه ان جنا هي السبب باللي هي فيه بس تمنت الخير لهـنا مع جنا.. لان سعادتهم مع
بعض ولاخر لحظه فكرت بهنا اكثر من نفسها ..
:
:
:
:
:
:
ღღ دنيـا خذت فرحي وخذت عمري السعيد ღღ
ღღ دنيـا تـمـشـيـنـي عـلـى مـا هــي تـريـد ღღ
ღღ أسـايـرهـا...تـعـانـدني ღღ
ღღ أعـانـدهـا...و لا أقـــوى ღღ
ღღأضحكها...و انا أبكي ღღ
ღღ وهي ترسم لــي البلـوى ღღ
ღღ تبين لي الفرحه لحظه ღღ
ღღ وتعيشني العذاب سنين ღღ
ღღ واصبر قلبي المكسـور ღღ
ღღ واصبر عمري المسكين ღღ
رجعت للبيت وهي تفكر بحالتها وبحياتها شلون صارت .. نور عينها اللي اختفت فجـأه وماعادوا يتواصلون مثل الاول زين لو افتكروا بعض بالشهر مره او مرتين
بالكثير .. كل وحده فيهم لهت بحياتها .. جنا اللي وعدتها ماتتخلى عنها تركتها بلحظه ورجعت لحظه فـجـأأأه وتبي ترجع كل شي مثل الاول وهي كانت رافضه
عشان حنان .. حنان تكرههاا بالمرررا .. تسلت فيها عشان توصل لغرضها وتقهر جنا وهي بكل غبائها كانت مصدقه انها تحبها صدق ممثله بارعه معقوله نظراتها
لها وعفويتها وحبها وكل اللي كانت تسويه وهنا معها معقوله يطلع كل هذا تمثيييييل بثمييييل .. اااااه ياليتني سمعت كلام نصور .. نصور وينه الحين وشيسوي
من سافرت ماوصلها منها الا مسسج واحد ع الايميل وقالت لها فيه انها ماتقدر تراسلها مثل الاول وبتحاول تراسلها من فتره لفتره .. تمنت انها لو تقدر تقسي قلبها وتقويه
مثل نصور .. من طلعت نصور من الجامعه وحسست روحها وحيده ومع ذلك كل البنات حولها يدور رضاها ويبون لها الرضى صار الكل بالكل بالجامعه ومايخفى
عليها شي الكل حووولهاا .. بس هي حاسه انها وحيده فاقده نور ونصور وندمت انها كانت فاقده حنان .. صحيح جنا كانت حولها ومعها بس كانت تتجنبها ع قد ماتقدر
حسست روحها متضايقه حييييل ومن كثر التفكير عورها راسها وماقدرت تفكر اكثر حطت راسها ونااامت بدون ماتحسس .. ذبحها التفكير وقررت تهرب منه مؤقتا
بالنوم .. لآول مره حسست انها وحييييده ومحتاجـه حد ينصحها وتتكلم معه .. وحيــدة رغم ان الكل حولها ويبي رضاها بس اللي تبينه مو معها .. وللأسف
هي نفسها موعارفه مين تبي فكرت بأمـها بلحظه وجلسست تضحك بسخريه امها من تزوجت ابتعدت عنها وهنا ابتعدت اكثر رغم انو ماتفصلهم الا مسافااات قليله عن بعض
الا انـهم مايدورن عن اخبـار بعض ولاوحده فيهم تـدري الثانيه تفكر بأأأيــيييش .. يمكن الا اكيد لو امها جلست معها وتفرغت لها وسألتها وش فيها ولامتها ع التغير
اللي هي فيه وحاسبتها على طلعاتها وجيبتها الكثيره كان ماوصلت لهالمواصيل .. هنا وصلت لمرحله تحس ان كل اللي تسويه صح مع انها عارفه انه غلط بس تحسه
صح لان الكل يشجعها عليها ولااحد تجرأ وقال لها انه غلط .. واكثر شي زعلانه عليها مو المرحله القذره اللي هي وصلت لها للأسف هنا زعلانه على انها سلمت
قلبها ومشاعرها بيد وحده حشره بنظرها مثل حنااان ..
۞ ۩ ₪ »بــدري حبيبي .. تــوك تـذكـرت «₪ ۩ ۞
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك