رواية اختلفنا من يحب الثاني أكثر-6
ندى: سمعوو الحين نروح عند ساره وعشان تقول لأمها ان العصر بنروح ويااا عزوز العثيم وعشان بعد اذا مارضت احنا نقنعهااا
سااااره: أي أي وعشان اعرفها عليكم
ندى: والعصر نطلع من عند ساره وكل وحده تروح بيتهم تبدل ملابسها ونروح لبنان عشان عزوز بعد عمري مايتعب ويمرر خلاص كلنا موجودين مع بعض شرايكم
أريج: خطيررررررره أناااا موافقه
بنان+فرح: وانااا بعد
رنا+حنان: واحنا بعد
ساره: طيب وجوجو
ندى: جوري نتصل عليها ونقولها تطلع من الجامعه على طول تجي عندك
ساره: طيب كم الساعه آخر محاظراتها؟؟
ندى طالعت ساعتها: بعد ساعه تخلص آخر محاظراتها
أريج: أجل يلا قومووو عشان نلحق نتصل عليها قبل ماتطلع
فرح: يلا
ساره:أنااا بقوم( أكرمكم الله) الحمام في أحد بيقوم معي
أريج: أي انااا روحي وأنااا الحقك بس بطلع الكلنيكس
ساره واهي تمشي: أوكي
لما راحت ساره الحمام بعد ماطلعت من الحمام وقفت قبال المرايه تعدل شكلها وفجاءه دخلت وحده بس ساره توقعتها أريج وقالت بدون ماتلف عليها: تأخرتي
البنت: ليه أشتقتي لي
ساره أستغربت من الصوت لفت وعفست وجهها باأشمئزاز من البنت الي شافتها ورجعت للمرايه وقالت: لا طبعا أنااا ماأعرفك عشان أشتاق لك بس توقعتك صديقتي
البنت قربت من ساره وحطت أطراف أصابعها على وجهه ساره واهي تقول: طيب مو مشكله نتعرف
ساره لفت بتطلع واهي تقول بقرف: ماأتشرف
بس لمااا مرت ساره من عند البنت البنت مسكت يدها ولفت ساره عليها بقوه وسندت ساره على الجدار وحطت يدها على فم ساره عشان ماتصرخ او تطلع أي صوت وساره ماقدرت تتحرك او تبعد البنت عنها لان ساره جسمها ضعيف مقارنة بالبنت اللي اقل مايقال عنها انها (جثه) البنت تطالع ساره بنظرات مقرفه ولما سمعت صوت وحده برى تنادي ساره على طول وبسرعه سحبتها معها لأحد دورات المياه وساره ميته خوف لما دخلت أريج لدورات المياه استغربت ان ساره مو موجوده دخلت واهي تنادي ساره أما ساره بدت ترفس برجلها الباب والبنت تحاول تمنعها أريج راحت لدورت المياه اللي يطلع منها الصوت واهي تقول: ساااره انتي هنااا في احد داخل
البنت طلعت اهي وساره لما شافت ان اريج ممكن تفضحها ولما طلعت كانت لسا حاطه يدها على فم ساره ومخليه ظهر ساره ملاصق لها واهي تقول لأريج: والله لو تروحين وتقولين لأي أحد لأخليك تندمين قد شعر راسك والحين تطلعين مثل مادخلتي ولاكأنك شفتي شي
ساره تطالع أريج بخوووف واهي دموعها بتنزل
أريج: انتي انهبلتي تركيها لأنك عارفه وأناااعارفه أنااا بنت مين وأقدر أسوي فيك شنو
البنت بدت تخاف لأنها عرفه أن أريج مستحيل تسكت على أي أحد يضرها أو يضر شخص تعزه وبالأخص ساره وبنات عمها الخمسه فا ترددت تترك ساره اولا
أريج بصرخه واهي وجهها صار أحمر من العصبيه:قلت لك تركيهااااااااااا ماتفهمين
البنت خافت وتركت ساره وطلعت بسرعه من دورات المياه... وساره على طول أغمى عليها لما تركتها البنت
أريج ركضت لهاااا بخوف وحاولت تصحيها بس مافي فايده طلعت راسها من الباب واهي تصرخ: بناااااااان ندددددددى
وبماأن البنات كانو جالسين قريب من الحمامات سمعو صرختها وقاموو كلهم يركضون ولما راحو شافوها واهي ماسكه ساره وتصيح على طول البنات شالو ساره وودوها عيادة المدرسه
وبعد ربع ساعه توضيح(البنت اللي تعرضت لساره نفسها اللي كانت تلاحقها والتقت فيها مره واهي طالعه مع بنت من دورة مياه)
صحت ساره تلفتت حولها ولقت البنات متجمعين والخوف مبين بعيون كل وحده فيهم وبالأخص أريج اللي كانت تصيح حاولت تجمع قوتها حطت يدها على راسها واهي تقول:شاللي صار
طبعا البنات كانو جالسين على الكراسي ولما تكلمت ساره كلهم قامو
أريج بخوف ودموعها ماوقفت: ساره انتي بخير
ساره لفت عليها ولما شافت دموعها ابتسمت تطمنها: انااا بخير لاتخافين بس.... وسكتت لما تذكرت اللي صار وقامت بسرعه واهي مخترعه وترتجف وبدت تصيح
أريج عرفت انها ذكرت فاقامت وحضنتها واهي تقول:خلاااص والله لأخليها تندم الحماره الحيوانه بنت ال.......... ال............ انااا اوريك فيها
ساره واهي ترتجف في حضن أريج وخايفه
وبعد شوي هدت ساره وطلعو البنات من العياده وراحو لمكانهم اللي كانو جالسين فيه
ساره رفعت يدها تطالع الساعه: يوووووه بنات مابقى الى ربع سارعه وتطلع جوري خلونا نمشي عشان نلحق نتصل عليهااا
فرح: بس انتي تعبانه خلاص انتي روحي عشان ترتاحين
ساره خزتها واهي تقول: يازينك طافيه وانااا مافيني شي ومارح اخلي وحده حقيره مثل ذيك تخرب علينااا مخططاتنااا... وطالعت أريج وقالت بابتسامه: صح أريج
أريج تغمز لها: أأأأأكيد
ساره: يلاااا قوموو
قاااامو البنات واول مارحو على طول ساره فتحت جوالها واتصلت على جوري وقالت لها تجي وتجيب معهااا نسيم اذا ترضى
وبعد ربع ساعه كانوووو كلهم متجمعين عند سااااره حتى جوري ونسيم
جوري: أقول سوسو ليه وجهك اصفر كأنك شايفه جني
ساره: لاأبد سلامتك مابي أقول السالفه عشان لاأخرب اليوم الحلو بذكر ناس ماتسوى
ندى: لالالا أنااا بقولك لانكم لو ماقلتو بتجيني سكته قلبيه
نسيم: بس احنااا مانبي نسمعها منك نبي نسمعها من صاحبة السالفه صح جوري
جوري: صحين يلا سوسو تكلمي وماعليك أنتي بس اتخلصين أناااا بنسيك مو بس السالفه الى ابو اللي جابوها
ساره ابتسمت وقالت: هاذا الله يسلمك.....وحكت لها السالفه كلها
جوري بصدمه: كل هذا صار لك...وقامت حضنتها واهي تقول: عمري انتي
نسيم تطالع أريج واهي تقول: بس والله وطلعت لك هيبه في المدرسه واحنا ماندري
أريج أبتسمت: هيبتي ماتطلع الى وقت الشدايد وللي احبهم بس وطالعت ساره وابتسمت
سااااره بصرخه خفيفه: خلااااااااااص غيرووو السالفه اااي ويلا ماقلتو شنو تبون فطور
بنان: انااا مشتهيه خبز بالجبن من المخبز
ندى: وانااا ابي خبز بالسكر
ساره بابتسامة خبث: أقول بنات ماودكم تطلعون
بنان وكأنها فهمت عليها وقالت: تفكرين باللي افكر فيه صح
ساره:اااااي
فرررررح: هــــــــــــــــي هـــــــــــــي لاااا عرفت اللي تفكرون فيه ولااا مافيه
ندى: أأأأأي حتى انااا عرفت بس تتوقعون في سياره تكفينه
ساره: سمعووو أنااا بقولكم على اللي أنااا افكر فيه ونشوف مين اللي راضي ومين اللي معارض
نسيم: يلااا نورينا
ساره: شوفوووو............................
جوري نطت من الوناااااااااااااسه: ااااااااااااااااااي ااااااااااااااااي ااااااااااااااااااي
فرح: لاااااااااااااااااااااااااااا لااااااااااااااااااا لاااااااااااا
ساره: هاااا وش رايكم مين موافق
كلهم رفعو اياديهم ماعدى فرح
فرح: اوووف منكم طيب... ورفعت يدهاااا
نسيم: ونااااسه عندك أخوان توأم
ساره أبتسمت: أأأأي بس سياره وحده
ندى: لاخلاص عطيني جوالك اتصل على اللي.... وطالعت جوري ههههههههههههههههه
ساره : اااي وانااا بدق بعد على السياره الثانيه يلا
جوري: وااااي اخيرا والله اني اشتقت له
أريج: أي سوسو منو عنده اليوم السياره أن شاء الله أيمن
نسيم: اااوووووه وبعد تفضلين واحد على واحد
ساره: هههههههههه لاا أنااا اقولك لأن يامن نذل بس أيمن طيوووب فديته صحيح يطق عرق النذاله احيانا بس أخف من يامنووو بكثيررررر
وقالت لأريج: ااااي ابشرك اليوم عند أيمن فديتوووو
ندى بعد ماسكرت قالت بفرح: واااااي رضى رضى
ساره: يلااا أنتبااااه بننقسم في سيارتين أناااا وأريج وبنان وحنان وفرح في سيارة أيمن ونسيم وجوري وندى ورنا في سيارة....طالعت جوري وقالت بابتسامه: تركي
نسيم:لااااا ابي اشف التوأم حتى لو واحد
ساره: خلاص كلشي ولا نسوم حنان تروح مع تركي ونسيم تجي معنااا
رن جوال ساره
ساره: بنااااات يلا أيمن جى....ردت عليه وقالت انهم بينزلون وبس سكرت دق رقم غريب وحطته ندى
ندى ردت وكان تركي وقالت انهم بينزلون لبسو البنات كلهم ونزلووو وتفرقو في سيارتين...
رااحووو للمخبز وخذو اللي يبون بعدين مرو على المطعم وبعد خذو لهم اللي يبون
ساره أتصلت على جوري تبي تجننها لانهم مع تركي...
ساره: هااااي
جوري بصوت واطي: هايات
ساره: شنو ماسمعت
جوري بنفس الصوت:قلت هايات وعمى صمخا والا صمخاا..
ساره:ههههه طيب لاتعصبين
جوري:........
ساره: اقول انااا ادق على ندوش أحسن لي..باي
جوري: باي
نروح لخالد بعدين نرجع لهم
خالد كان في قمة الوناسه لانه بكره بيروح يخطب رسمي وكل شي بيكون اوكي...
كان جالس بغرفته وفاتح الاب توب وجالس يطلع البحث النهائي لجامعته في السعوديه... وفجاءه رن جواله بنغمة مسج فتحه واستغرب من الرقم الغريب اللي رسل له هالرساله الغريبه وكان محتوى الرساله ( مبررروووك الف الف مبروك بيبي سمعت انك خطبت بس بليز ياريت ماتفرح كثير لان صدقني هالفرحه مارح تطول)
دق على الرقم بس مارد كمل البحث ولما خلص بعد اربع ساعات رجع دق بس من رقم اخوه وبعد محد رد عليه وقال يمكن علي مسوي فيه مقلب او احد من ربعه بس تذكر ان علي مستحيل يسوي هالحركات لان علي شوي ثقيل ومافي احد غيره يدري بموضوع الخطوبه بس بسرعه طنش الموضوع وماعطاه أي اهميه
..............................................
دقت ساره على ندى
ندى بحماس: هاااااااااااااي
ساره: هايات
ندى: وجهها قلب ألوان انتي اللي متصله صح
ساره: ههههههههههه أكيد...أقول ندوش ها وين ودكم تروحون
ندى:مادري والله لحظه شوي...لفت على تركي: اقول تركي
تركي: هلا
ندى:وش عندك بعد ماترجعنااا
تركي: أبد ماعندي ولا شي..
ندى: طيب ممكن استغلك
تركي بابتسامه: أحلى ياتستغليني بس في شنو بتستغليني
ندى: كم مشوار زياده
تركي: يعني سواق
ندى: يلا عاد اخلص واافق..
تركي ماوده يرفض ابد: والله حاله .. طيب وين تبون تروحون
ندى وجهة كلامها للبنات: بنااات تقول ساره وين تبون تروحون
حنان: نروح البيت نفطر بعدين نفكر
رناا: أي والله أنااا ميته جوع
ندى: وانتي جوجو
جوري بصووت واطي: معاكم
ندى: خلاص تركي رجعنا وانزل لان اخو ساره اللي اهو السايق الثاني بينزل يفطر انزل معه وبعدين نشوف وين بنروح
تركي: وان شاء الله تبيني أجلس مع بزر
ندى: مو بزر حيل في ثالث متوسط مادري ثاني
تركي يقلد صوتها:مو بزر حيل
ندى: يلا عاااد لاينط عرق النذاله الحين
تركي: طيب أمري لله...وناظر جوري من المرايه بحكم انها جالسه وراه وقال: كله لعيون الحلوين يهون
جوري طالعته وقالت: تلايط وطالع قدامك...
تركي تنحنح وقال: وش فيه الحلو زعلان
جوري: قلت لك تلايط وطالع قدامك ماني بايعه عمري
تركي: دامك معي بالسياره تأكدي أني منتبه للطريق مو علشان شي بس عشانك موجوده وانتي عندي كل الدنيا وماأرضى يصير لك أي شي...
في هالحظه السياره صارت هدوووء بعكس سيارة أيمن
بناااان: أي سويره ماقلتي لي وش قالت ندى على مخططاتكم
ساره: أبد بنرجع الحين البيت ونفطر وبعدها نطلع ونشوف وين بنروح
أريج: واااااي اليوم وناسه كله برى البيت
نسيم: اااي حسيتي؟؟
أريج: أاااي
في سيارة تركي
بعد صمت طويل تكلمت حنان: تركي لو سمحت اذا مايتعبك أنااا وصلني البيت
ندى: يؤيؤيؤ حنوووون وااااي؟؟؟
حنان: حاسه اني تعبانه شوي وبرجع البيت وبجيكم العصر
ندى: بسم الله وش جااك توك وش زيينك..
رنا: طيب تعالي وارتاحي هناك
جوري: أي صح
حنان: لالالالا خلوني ارجع البيت
جوري رافعه جواجبها وتطالع حنان يعني ماتشووفين شر:...
ندى بعد محاولات لأقناع حنان قالت: خلاص براحتك
تركي: خلاص أوصلهم واوديك
حنان: مشكور ماتقصر
خلونا نروح لهيفا على ماتوصل السيارتين البيت...
هيفا كانت في قمت فرحتها بنهاية الاختبارات بس تضايقت شوي بسبب اللي صار لساره طبعا أهي كانت حاضره وعرفت كل شي بحكم انهم في نفس المدرسه...
هيفا طلعت وشافت أخوها سامي كالعاده جاي ياخذها فتحت الباب اللي قدام بس شافت شخص موجود فا سكرت الباب وركبت ورى..
سامي:ها فوفو كيف النفسيه مع نهاية الاختبارات
هيفا نست الشخص الموجود وقالت بصرخه: اااااااي ونااااااسه عاد بهالمناسيه ودني اعزمني على الفطور
سامي انحرج من صراخ اخته وقال واهو يحاول يمسك اعصابه:قصري صوتك وبعدي فوفو قلبو خليها عشا الحين ماتشوفين معي واحد
هيفا انحرجت فقالت بصوت واطي: سوري
سامي لف على اللي جنبه وقال:سوري نواف بس اختي مرجوجه شوي
نواف: ههههه لاعادي عندي نماذج
سامي: اااي تقصد على البنت اللي تكلمها
نواف: اااي فديتها
هيفا انصفق وجهها حاولت تشوف وجه الشخص وقدرت وقررت انها لماا ترجع البيت بتخلي نواف اللي تكلمه يرسل لها صورته عشان تتأكد اذا نفسه صديق أخوها او لا؟؟؟
عند تركي.....
وصل البنات البيت عند ساره وراح يوصل حنان بيتهم
واهو في الطريق مع حنان قال
تركي: حنان
حنان بدون نفس: نعم
تركي: أنا سمعت كم شغله وحبيت أتأكد منهم ممكن؟؟؟
حنان: تفضل
تركي: أنتي تعرفين أحد؟؟
حنان بسخريه: اااي كثير.. وقالت بجديه: أحد مثل منووو؟؟
تركي: أحد مثل عبد الرحمن
حنان بصدمه: شنو
تركي: تعرفينه صح ولا تحاولين تنكرين لاني عرفت وتأكدت من كل شي
حنان بلامبالاه: ودامك متأكد ليه جاي تسأل
تركي: سمعي أنااا ماعرفك ولا بيني وبينك شي بس اللي اعرفه ان ندى وجوري يعزونك كثير وانااا اعرف عبد الرحمن هذا وتراه لاعب في مليون بنت تقريبا فا أنتبهي انتبهي ياحنان
وقفت السياره عند بيت حنان
حنان نزلت وكان أخوها واقف عند الباب ولما شاف تركي راح يسلم عليه..
نتعرف على اخوان حنان اللي بيكون لهم دور في الروايه...
(سلطان 25سنه كبر محمد أخو أريج ويدرس مع محمد في أمريكا/حسام 20 سنه/حازم 17 سنه)
توضيح(حنان كان عندها أخت توأم بس ماتت لما كانت صغيره بسبب أمها اللي كانت ترضعها وانقلبت عليها واهي نايمه وماتت وحنان انطوائيه كثير وقليلة كلام وام حنان تخاف على حنان بشكل مو طبيعي ومدللتها كثير)
عند بيت ساره...
لما نزلو البنات أريج قالت باستغراب: اجل وين حنان
ساره: يالهوي اكيد تركي خطفها صح
جوري: هاهاهاها سخيفه لا راحت بيتهم
أريج بأستغراب: ليه
ندى: تقول تعبااانه بتريح شوي وبتجي العصر عند بنان وفرح على طول
أريج: آهااا.. دائما تسوي هالحركاات
ندى: اريج عااد لاتتضاايقيين تعودي عليها متقلبه المزااج دايم..
ساره: يلااااا قوموو خلونااا نفطر
جوري بزلة لسان: طيب وتركي
نسيم تطالعها بنص عين: وش فيه تركي بعد
جوري: لااا بس يعني مارح تنتظر يجي وبعدها نفطر
في هاللحظه دق جوال ساره شافت الرقم وعطته ندى
ندى ردت
ندى: هلا تركي.. والله ان عمرك طوييل
تريكي: وليه انشاء الله ....
ندى : لا ابدن بس بعض النااس يقوولوون(وتقلد صوت جوري) ماراح ننتظر يجي تركي وبعدها نفطر..
تركي عض على شفايفه: اقول بلا ماتحرجيين بعض الناس على قولتك ونزلي فتحي لي الباب..
ندى: طيب...وسكرت
ساره: وش يبي
ندى تطلع جوري: يبي أحد يفتح له الباب
جوري: حلمي..وضفي وجهك فتحي له..
ساره: هههههه خلاص الحين أخلي أيمن ينزل يفتح له
وراحت ساره.. وبعدها جلسو يفطرون وحطو للشباب فطور
نروح لحنان التعبانه
حنان طبعا بعد مارجعت البيت شافته فااااضي أخوانها طالعين وأمها بعد وابوها مسافر راحت غرفتها وغيرت ملابسها وخذت جوالها دقت على عبد الرحمن...
حنان بصوت شوي تعبان: الووو
عبد الرحمن: هلا والله
حنان: أهلين
عبد الرحمن: حبيبي وش فيك صوتك تعبان؟؟؟
حنان: ابد بس تعبانه شوي
عبد الرحمن: طيب وين أهلك خليهم يودونك المستشفى ولا أجي أنااا اوديك
حنان: لامايحتاج وبعدين أهلي كلهم طالعين البيت فاضي
عبد الرحمن: يعني أنتي لحالك بالبيت
حنان ببرائه: أي
عبد الرحمن: طيب يعني في مجال أجي أشوفك
حنان بصدمه: شنو
عبد الرحمن: وش فيك أخترعتي ولا انتي تعتبريني غريب
حنان: لا مو القصه كذا بس اذا أحد جى مو أخواني
عبد الرحمن: طيب وش رايك في طلعه
حنان باستغراب: طلعه؟؟؟؟
عبد الرحمن ويحاول يقنعها..: أي
نروح لهيفا بعدين نرجع لحنان ونشوف وافقت على اقتراح عبد الرحمن او لا
هيفا بعد مارجعت البيت رجته بصراخها لانها خلصت اختبارات
أبو سامي: ياهيفا خلاص درينا انك خلصتي اختبارات
هيفا: باااااااااااباااااااااا أنااا خلصت مستوعب الموضوع أسبوعين وأنااا افحط ويوم خلصت ماتبيني أستانس خلني أعبر عن فرحتي
أبو سامي: يابنتي عبري عن فرحتك بس مو بالصراخ
هيفا: طيب قوم طلعنا بليز بابا بليز تكفى
أبو سامي: وين تبين تروحين
هيفا: نروح المشروع نفطر هناك ونرجع عشان انام لاني بالليل بطلع مع سامي
أبو سامي: ووين بتروحون على الله وليه ماتخذونا معكم ولا خلاص عجزنا ماتبونا
هيفا: لا ولو انت شيخ الشباب وبعدين أبد بنروح نتعشى وبنروح العثيم نتمشى وبلعب ابي افرغ طاقة الفرح اللي داخلي اااااي وسويره بتروح مع ربعها
أبو سامي قال باستغراب: ربعها وابوها وامها راضين تطلع ماناس مايعرفونهم
هيفا: منو قالك ان مايعرفونهم عمي(أبو ساره) يعرف ابو البنت وخالتي(أم ساره) تعرف ام البنت لا وازيدك من الشعر بيت يامن وأيمن يعرفون أخو البنت يعني لاتخاف على بنت اخوك رايحه مع ناس ثقه
أبو سامي: أي الله يوفقكم ويستر عليكم ان شاء الله
هيفا ماتدري ليه حزت في نفسها هالكلمه بس قالت بابتسامه: آآآآمين
نرجع لحناااان
حنان بعد ألحاح من عبد الرحمن وافقت انها تطلع معه فاأتصلت على امها وقال لها انها بتروح عند صديقتها وظلت ساعتين على ماأختارت وش بتلبس وش بتحط المهم في الآخر خلصت بعد ماطفش عبد الرحمن من الانتظار طلعت وراحت عند مطعم قريب من بيتهم واهو المكان اللي ينتظرها عبد الرحمن فيه ولما وصلت اتصلت عليه وقالها لون السياره ونوعها ورقم اللوحه شافته واقف عند المطعم وراحت واهي تمشي خطوه وترجع عشر من الخوف وفي الآخر فتحت الباب وشافت عبد الرحمن وركبت لانها عارفه ان اهو لانها شايفه كذا صوره له من اللي كان يرسلهم لها ركبت وقالت بصوت واطي: السلام
عبد الرحمن واهو شاق وجهه من الابتسامه قال: وعليكم السلام على أحلى بنوته في الكون
وحركوو بالسياره واهم في الطريق سألها واهو يمد يده ويمسك يدها: وين تبين تروحين شوفي المكان اللي يريحك
حنان واهي مستحيه: على ذوق أي مكان بس بشرط يكون مكان عام
عبد الرحمن بخبث: من عيوني شرايك نروح مطعم ولا كوفي
حنان: أي شي
عبد الرحمن: اوكي خليها هالمره علي بس اممممم
حنان لفت عليه: بس شنو في شي
عبد الرحمن: لا ولاشي اخااف اقول وتفهميني غلط
حنان بسذاجه: لاقول مارح افهمك غلط
عبد الرحمن: أنااا من رأيي روح مكان خاص لان اخاف احد يشوفك وانتي معي وداخلين مكان عام
حنان فكرت فيها أن اخوانها كلهم برى فاأحتمال كبير تلتقي بأي واحد منهم فا قالت: اوكي مو مشكله بس ماقلت لي وين
عبد الرحمن: أنااا عندي مفتاح شقة أخوي واهو مسافر وشرايك نروح هناك
حنان واهي ميته وذايبه من مسك يدها: اوكي
عبدالرحمن رفه يدها وطبع بوسه : فديييتك حبيبتي..
حنان ماتت بمكانها:...
نرووح للبنات (بيت ساره)
طبعا بعد ماخلصو فطور طلعو ودقو على بعض يتفقون وين بيروحون وآخر شي قررو ياخذون لهم آيس كريم من باسكن وبعدين يروحون المشروع طبعا قررو على المشروع بعد مادقت هيفا على ساره تسألها اذا هي بالبيت بتمر عليها عشان تروح وياهم المشروع وقالت لها ساره انها مع البنات وانهم مو عارفين وين يروحون فقالت لها هيفا خلاص تعالو المشروع وخلونااا نفلهاااا
نروح لهيفا
هيفا بعد ماتجهزت وخلصت مسكت جوالها ورسلت لنواف تقوله انها تبي صوره له...
نرجع لبدريه عمة وسام ونسيم
بدريه بعد ماسكرت راحت واتصلت على ابو نسيم لما رد عليها..
بدريه: هلا وغلا هلا بأخوي
بو نسيم: هلا هلا بدريه
بدريه: شخبارك؟؟وشخبار مرتك وعيالك
بو نسيم: كلهم تمام خلصي وش تبين تراني مشغول
بدريه: لا بس حبيت اسألك متى بيجي بو وسام يتقدم لنسيم رسمي
بو نسيم باستغراب:بو وسام يتقدم لنسيم من متى ووش السالفه
بدريه: مو نسيم ووسام يحبون بعض ويكلمون بعض على الجوال طبيعي بيتقدم لها
بو نسيم بعصبيه: ووش تقولين ووش تخربطين انتي مجنونه ولا تجيننين علي بنتي نسيم ماتكلم وسام وزين منها بعد اذا ذكرته
بدريه: والله انا ماجبت شي من عندي هذا الكلام اللي سمعته ومتأكده منه مليون بالميه بعد
بو نسيم سكر الخط في وجهها واهو معصب
.............................................
نروح لشخص ظهوره قليل في روايتنا....
علي(صديق خالد) كان عند خطيبته (لمى) في البيت...
علي أول مادخل حاوط خصر لمى بأيدينه واهو يقربه منه ويبوس خدها ويهمس في أذنها: أخبار حبيبي
لمى بتموت من الحيا واهي تقول بهمس: طول ماحياتي بخير أنااا بألف خير
علي حضنها بقوه واهو يقول: آآه يمه فديتك
بعدت لمى عنه واهي تقول: راح نبقى واقفين برى...مسكت أيده واهي تقول:تعال ندخل
دخلت لمى وعلي للمجلس وبعد ماجلس علي لمى قالت: أنااا بروح أجي الشاي
علي مسك أيدها وسحبها بقوه لدرجه أنها طاحت بحضنه
علي: ههههه طلعت خفيفه
لمى لوت بوزها واهي تقول: أجل أنت يالدب
علي بعد عنها: أناااا دب؟؟
لمى حضنته واهي تقول: وأحلى دب بعد
لمى بعدت عنه: الى شخبار خالد مع ساره
علي: ابد ولا شي هذا بكره بيروحون يخطبون رسمي
لمى: وخالد شلون نفسيته تحس فرحان ولا لا؟؟
علي: فرحااان وبس الى قولي طاير من الفرحه
لمى بابتسامه: طيب وماقالك متى زواجهم يعني قبلنا ولابعدنا
علي: والله ماقال توه بدري بس قال أنه أحتمال يكون معانا يعني بعد سته شهور
لمى : طيب ومارح يسوون خطوبه
علي: والله مادري
....نخلي المخاطيب بروحهم....
توضيح( نسيت أقولكم ان لمى وعلي سوو لهم خطوبه في الاسبوع اللي قبل الاختبارات يعني وقت غلط بس لمى وجنونها اللي ماتبي الى في هالوقت)
العصررررررر السااااااااااااعه 4 ونص
كانوا البنات متجمعين عند بنان وفرح وجالسين بالمجلس يجهزون أريج قالت:بناااات وين حنان ماجات تأخرت
فرح: أي جد وينها اتصلي عليها ياأريج
ساره واهي تحط لها الروج: يلا أريج أتصلي
أريج: طيب بتصل بس انتي خلك طافيه
أتصلت أريج بس كان جوال حنان مغلق
رجعت اتصلت بس نفس الشي واتصلت أكثر من مره بس النتيجه كانت نفسها..
أريج بخووف: بناااات حنان ماترد
بنان: خلاص نمر عليها البيت
ندى: بس الشباب مارح يرضون
ساره: خلاص احنا نروح ونقول لأم بنان اذا جات تقولها تلحقنا هناك
جوري: خلاص هذا أحسن حل
.. بعد دقايق من تجمع البنات انطق الباب وكان عبد العزيز يقول لهم يطلعون.. طلعو البنات وطبعا ماكفت سياره وحده عشان كذا جى فيصل أخو أريج بسيارته عشان ياخذ قسم منهم.. والترتيب كالأتي(أريج وساره ونسيم ورنا في سياره فيصل...وبنان وفرح وندى وجوري في سياره عبد العزيز) في سيارة عزوز
بنان: ندووش بكره نتصل على فطيم نهبل فيها نقول لها ان عزوز ودانا العثيم..
ندى: أأأأأأأاي والله كان يطلع لها قرون
عبد العزيز عصب: بنيين عقلي عن مرتي
جوري: وخروو عنه يامرتي تراك حتى ماملكت عليها
عبد العزيز: أم كشه تراني حجزتها يعني مارح تكون لغيري
جوري: ماتدري يمكن البنت تراجع عقلها وتعرف انها غلطت يوم وافقت وتقول أنااا هونت ماأبيه
عبد العزيز تنرفز ووده يكفخها: حتى لو قالت اهي الخسرانه في مليووون يبوني<<في عيني
ندى بخبااثه: جوجو خلينااا نقول لفطيم عن هالكلام ونشوف وش تسوي
عبد العزيز : ياحبكم لخراب البيوت
ندى بحمااس: عزوز عزوز اسمع هالنكته
عبد العزيز: مع اني اشك انها مثل وجهك بس يلا قولي
ندى: دامها مثل وجهي أكيد حلوه المهم ماعلينا اسمع
في محشش ومرته بيتطلقون والحرمه تبي حضانة الأطفال بس المحشش مو راضي في المحكمه قال المحشش للقاضي
جوري وهي ميته ضحك:ههههههه نديو وعمى لاتكملين
ندى بنذااله: الا الابكمل المهم قاله الحين ياقاضي اذا عندك ريال ودخلته في آله البيبسي البيبسي اللي يطلع لك ولا للآله قال القاضي اكيد لي قال المحشش اجل خلاص العيال لي
عبد العزيز:ههههههههههههههههههههههههههههههه رحم الله آمرء عرف قدر نفسه ههههههههههههههه
ندى رافعه حاجبها: وش دخل هالمثل
عبد العزيز: لان يدل ان انتو مجرد آلات للعيال ههههههههههه
جوري تتأفف: قلت لك ياحماره لاتقولين شوفي الحين وش يسكته النذل
وكملوو سوالف لحد ماوصلو العثيم
أمااا في سيارة فيصل
أريج واهي تحووس: فيصل وين الأشرطه
فيصل: في الدرج
أريج فتحت الدرج وطلعت كذا شريط لفت على البنات واهي تقول: بنات تبون راشد الماجد ولا خالد عبد الرحمن ولا أليسا
نسيم: راشد راشد
ساره: أي جوجو راشد
أريج: وانتي رنا
رنا واهي تطالع من النافذه: براحتكم
شغلت أريج راشد وجات على أغنية ياغداره
أريج: فصول حبيبي شرايك تفحط فينا شوي
فيصل: مهبوله انتي لاصرنا لحالنا فحطت فيك
نسيم بميانه: ليه واحنا مالنا رب
فيصل استغرب من اللي تكلمت بس قال: لا ولوو بس خايف عليكم
أريج عصبت: نعم نعم يعني واناا ماتخاف علي بايعني والا بايعني..
فيصل:لا الاولى.. و يااااليل البقاره الحين وش يفهمها ذي
ساااره ميته ضحك:هههههه
أريج لفت على ساره بحقد: عجبتك آنسه ساره
ساره: ههههه حيل
اريج متنرفزه: ورا ماتنكتميين افضل
فيصل: خلاص تعالي وكل يوم اقولها لها ولا مايحتاج اقول تعالي انتي كل يوم والثاني اذا اهي ماجات لك انتي تجين
أريج: قووول والله كل يووم تقولها لي عشان ضحكة الآنسه
فيصل: يااااليل الحنه ووجعت الراس..جوجو قلبووو خلاص نزلي ترى وصلنا
نززززلوووو السيارتين للعثيم
لما دخلو كان شكلهم ملفت كثير لانهم 8 بنات وشابين والبنات كانو لابسين عبايات كتف وبعضهم متنقب والبعض الآخر فاتح وجهه..
ساره اتصلت على هيفا ..
ساره: هااا فوفو وينك
هيفا: كاني بس بمر على ياسمين وبجي
ساره: ياسمين بتجي معك شالفله
هيفا: أأأي هذا احنا في الطريق انتو وصلتو؟؟
ساره: اااي تونا أجل خلاص أحنا بنتسوق واذا جيتي دقي علي
هيفا: اوكي
وسكروو
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك