رواية لين متى والحال ماتغير -5
خالد كان يعرف انهم يجذبون عقب صفر بقوه لدرجت ان كل الي فالكوفي سمعوه عقب ثواني يو 6 بودقاردات معضلين و لابسين كله اسود و نضارات شمسيه و قبوس اسود و لابسين سماعات
خافت حمده لنه كل هاذا كان تمثيليه فقالت بارتباك : يوووه انت شو تبا يعني الا تبا تزور المغفر شكلك منزمان ما سرت هناك
خالد : هههههه يكون بعلمج حمدوه تراني بنتقم يالله شباب سيرو من هني ... و يالله يا حبيبتي بااي
حمده : يالحقير احترم نفسك
خالد : انا محترم نفسي بس انتي الي شايفه عمرج و موب محترمه نفسج
سحبت خوله ايد حمده و تمت تمشي بسرعه و وراهم احلام و كوثر
كوثر : حمدوه كيف عرف اسمج
احلام : لا يكون تعرفينه من قبل بعدين هو ينتقم علا شنو
حمده : شدراني يمكن مشبهني علا وحده و سمعكم تنادوني حمده عالعموم يالله نرجع البيوت
كلهم دقو علا الدريولات او خوانهم و رجعو
اتمنى يعجبكم البارت و قريب بحط ثاني
بعد 3 سنوات
بعيدلكم الحين مواصفات كل وحده من الاخوات
اكبر اخت فاطمه متزوجه و عايشه مع ريلها فالشارجه بس تي تزورهم احيانا فابوظبي
عقبها رنيم : عمرها 22 سنه حلوه بمعنى الكلمه ضعيفه و جسمها حلو و شعرها بني علا احمر و عيونها عسليه و بشرتها بيضه يعني بنضره تطيح الطير من السما حنونه و شخصيتها قويه و دمها خفيف القعده معها ما تنمل متزوجه من 4 سنوات تقريبا و ما عندها عيال
عقب ليان 19 سنه حلوه متزوجه من سنه ( صح انكم ما حضرتو المناسبه السعينه بس هي اتزوجت من سنه و علاقتها مع زوجهها اوك ) مواصفاتها نفس اختها رنيم شعرها لين ضهرها بني علا احمر و عيونها عسليه رقيقه و شخصيتها تشبه اختها ساره حيل بس الفرق انها ضعيفه و بسرعه تتعب
و ساره 18 سنه دلوعه و رقيقه مره و شخصيتها ضعيفه اي كلمه تقوليلها تبكي بس بدون صوت يعني بس دموع و رومنسيه و دمها خفيف
حمده 17 سنه غامضه و هاااديه ما تحب تتكلم عربجيه و تحب الضرابه لسنها طويل بس وايد حنونه و قلبها طيب شعرها قصير ستايلها سبورت دايما و هي حلوه وايد شعرها احمر و عيونها عسليه و ابتسامتها تذوب الصخر و طويله و رشيقه
المهم نرجع لقبل سنه شوي
يوم حرس ليان الكل كان مبصوط و سوو حفله كبيره عزمو فيها كل اصدقائهم و اقربائهم و زفوها عقب راحت مع عبد الله و كانت حياتهم حلوه مع بعض بس دوم يتهاوشون عقب يتراضون
نرجع لأرض الواقع
جاسم و رنيم قاعدين يطالعون التيلفزيون
جاسم : رنيم شفيج زعلانه و متضايجه من الصبح
رنيم : اففف اتصدق زدت 2 كيلو هالشهرين
جاسم : عادي بعدك حلوه و احلى وحده فالعالم
ابتسمت رنيم : حلوه بس لازم اضعف
جاسم : رنومتي ترا انتي حييل ضعيفه
رنيم : عادي مب وايد بس بضعف شوي
جاسم : اوك
قامة رنيم لألة المشي و تمت تمشي علا سرعد بطيئه ربع ساعه و حست ان بطنها عورها فارتاحت
******
في بيت عصام
عصام : ساروووه
ساره : ها نعم يبه
عصام : تعالي ابا اكلمج فموضوع
ساره : نعم
عصام : في واحد خطبج
ساره : من
عصام : ولد ربيعي
ساره : يبه شو اسمه
عصام : ههه الحين مب مهم الا الاسم بقولج شي ترا ولد حلال و ما شاء الله عنده خير المهم انتي فكري و قوليلي بعدين انا ما رفضت اي طلب لربيعي ابدا فاباج تفكرين عدل
ساره : اوك يبه اصلي استخاره و اردلك خبر
راحت ساره و صلت الاستخاره و ارتاحت عقب وافقت
-----
حمده هي و صديقاتها كل يوم طلعات بس بقولكم شي تراها صادفت خالد فالمولات اكثر من مره و شكة بأنه يراقبها بس ما اهتمت
هو بالفعل كان يراقبها لنه مفكر يخطبها عقب ما تتزوج اختها ساره لنها اكبر منها
رنيم كان باين شكلها مره تعبان سارت عند جاسم : جاسم
جاسم : حبيبتي رنيم شفيج تعبانه
رنيم : جاسم ودني المستشفى
جاسم : اوك وين يعورج ... انزين سيري لبسي عباتج و تعالي
قامت رنيم بتعب و راحت لبست عباتها عقب ردت لجاسم
جاسم : خلصتي
رنيم بصوت واطي و مبحوح : خلصت
راحو ركبو السياره و سارو المستشفى
ما قدرت رنيم بمشي فمسكها جاسم و اعدها عقب يوم مصلو للباب طاحت رنيم مسكها جاسم و حملها عقب دخلها و هو يركض و هو خايف مررره عليها
دخلها لغرفه الطوارى و تم قاعد بره ربع ساعه و طلعت الدكتوره
جاسم : ها دكتوره شو فيها
الدكتوره : الحمدلله ما فيها شي هي حامل
تمت هالكلمه تتردد فاذن جاسم
حااامل
حاااااامل
حااااااااااامل
حاااااااااااااااااامل
جاسم : متا بتطلع
الدكتوره : الحين تأدر تاخذها بس تمر الصيدليه لنه في بعض الادويه لزم تاخذها
جاسم : اوك
طلعت رنيم و رجعو البيت بعد ما مرو عالصيدليه
جاسم كان يمشي جدامها رايح و راد : ياربييييه انا مب مصدق ولا مستوعب و اخيرا بصير اب
رنيم كانت قاعده اتطالعه : هههه جاسم شفيك
لف صوبها : رنيم انا مب مصدق
رنيم : اوك بنخبر اهلي
جاسم : اكيييد يالله نخبرهم بس بشرط
رنيم :شو
جاسم : ان نروحلهم و نقولهم مناك لني ابا اجوف ويوههم يوم يسمعون الخبر
رنيم : وك يالله
-----
ساره كانت قاعده عالكراسي تفكر بفهد ( الي بتتزوجه )
حمده كانت قاعده عدالها تفكر بخالد الي يلحقها كل مكان احيانا تجوفه بالصدفه و احيانا ما تنتبهله
عدالها قاعده فاطمه ماسكه ليلى بنتها و تلعبها ( ليلى عمرها سنه و نص دايم تضحك " بعدين بتعرفونها اكثر " )
عدالهم حنين و عصام الي يفكرون بعيالهم الي كبرو
عدالهم رنيم الي قاعده تطالع جاسم الي مجمعهم عشان كل واحد يقول الي بخاطره
اول شي جاسم : احم احم اعزائي المستمعين سابشركم بخبر مفرح رنيم حامل
كلهم فرحو و تمو يباركون لها و لجاسم
عقب دور ساره : اممم سيداتي سادتي اردت ان ابشركم بتاريخ ملكتي و هو بعد اسبوعين متمنيه منكم القدوم
و بعد تمو يباركون لها و فرحانين
عقب تمو يسولفون و يضحكون
بعد اسبوعين سوو الملكه و عقب شهر العرس
ساره قاعده عالكوشه و فهد بعده ما طلع
ساره مسكت ايد امها بقوه : يمه خايفه
حنين : حبيبتي لا تخافين
ساره تركت ايد امها : وين فطوم
حنين : هاذي الحين يايه
فاطمه : هلا حياتي مبروووك والله
ساره : الله يبارك فيج تعالي قربي
فاطمه : شو
ساره : فطوم انا خايفه
فاطمه : لالا تخافين حبيبتي وك من شو خايفه
ساره : مادري خايفه و متوتره
فاطمه : ساروه اقري علا نفسج تراجج طالعه روعه
ساره : مشكوره والله
ساره كانت تجنن و هي مغطيه علا كل بنات الحفل الا خواتها نفس الجمال كانت لابسه فستان ابيض و كل جواهر بيض و في جوهره كبيره من جدام طال من تحتا شرايط مملوئه جواهر
المهم و خلص العرس عقب ما صورو راحو بيتهم
فالسياره محد اتكلم ولا قالو شي
قعدت ساره عالكنبه و هي تعباااانه اتندت بقوه
قعد فحد حذالها
فهد : ساره
قالت ساره بكل حب و حنان : امر
فهد : ساره انا اتزوجتج بالغصب
انصدمت ساره
المهم بوصفلكم فهد
شعره اسود طويل لين رقبت عيونه بنيه و جسمه عادي في عضلات شوي و يعني اقرب من الوسامه
تمت ساره تصيح و فهد يطالعها مستغرب ترا بعده ما كمل كلامه و اتصيح عيل اذا كمل شو
فهد : ساره خليني اكمل عقب صيحي
ما قدرت ساره توقف صياح ( صياااحه ) المهم و قالت بين شقاتها : كمل اسمعك
فهد : و انا احب وحده ثانيه بس ابوي كان يباني لبنت صديقه و قالي اذا اتزوجتج بيرضى عني و اذا ما تزوجتج ماني بولده ولا هو ابوي
طالعته ساره بصدمه ووقفت عن الصياح فجأه عقب اغمى عليها و طاحت عالكرسي
طالعها فهد و هو منصدم اذا اي وحد غيرها كانت بتصيح شوي و بتسكت ما توقعها حساسه و صياحه لهالدرجه
تم فهد يهزها و هي ماتقوم عقب وقف عشان يوديها المستشفى بس جافها تفتح عيونها بصعوبه
جافها فهد و فرح لما قامت
ساره : ااا وين انا
قعت فهد حذالها : سار انتي حساسه
طالعته ساره و اتذكرت كل الي صار و تمت تصيح صياح يقطع القلب جنها ياهل خذيت منه لعبته
قام فد و راح يرقد و تركها تصيح و اهي تمت تصيح ساعتين عقب رقدت من التعب
اليوم الثاني
قام فهد و اخذ شور و لبس عقب طلع من الغرفه جافها راقده قرب منها و قعد صوبها جان يجوف الوجه البريئ الملاكي الي يبين ان ما عرف الهموم جاف الجحال السايح علا ويهها و عيونها المتورمه و خشمها الاحمر و خدودها الورديه جان يضحك علا شكلها بس اتذكر احلام ( الي يحبها ) كانت زعلانه من لنه اتزوج بس هو وعدها يطلق ساره بعد نص سنه و يتزوجا بس عشان يرضي ابوه
اتصل علا غاده
فهد : هلا حبيببتي
غاد كانت طويله جنها عارضت ازياء و عيونها عسسليه و شعرها اسود لين كتفها و خشمها متوسط و طويل و شفايفها مليانه بس كانت حقوده و طمااعه
غاده : هلا حبيبي
فهد : كيف حالج
قامت ساره و حي تحس بتعب عقب جافت فهد و هو يكلمها و يقولها كلمات حب و غرام
حست بقلبها يحترق و تمت تصيح بصمت و هي تسمع كلام عقب قامت تبدل ملابسها و تغسل ويهها طلعت جنها ياهل بدون مكياج بشرتها بيييضه و هي يعني حلوه نفس خواتها كلهم حلوات
لبست فستان نااااااااااااااااعم لين ركبتها و بدون اكمام عليه قلوب و نجوم
شربة شوي ماي و راحت ترقد لنها كانت تعبانه
فهد كل شوي يطالعها يجوف جركاتها يحس بتعاطف لها و اعجاب ببرائتها و طفولتها
------
جاسم كان ما يخلي ليان تسوي اي شي هو يطبخ و ينضف و يدلعا دلع من يوم عرف انها حامل
-----
ي صح ما كلمتكم عن حياة فاطمه زوج فاطمه اسمه عبد الرحمان كل شوي مسسافر مكان و كل يوم يطلع من الصبح و يرجع فليل
كانت فاطم مهتمه بليلى اهتمام كبير و كانت ليلى تشبها طيق الاصل
-----
ما زال خالد يراقب حمده فكل مكان و قرر يخطبهى قريب
-----
انتضروني فالبارت القادم مع تحياتي
قامت ساره و هي تحس راسها يعورها حيييل تسبحت و بدلت ملابسها عقب خذت حبت بندول و قعدت جدام التيلفزيون تجوف برنامج مسابقات
بعد دقايق طلع فهد و هو فقمت الفرح
ساره : فهد
فهد : همم
ساره : وين بتروح
فهد : بروح شوي و برجع زين
لفت ساره و قالت و هي تطالع التيلفزيون : زين
طلع فهد
اما ساره كانت تطالع التيلفزيون بس يبالها فمكان ثااني ( اففف هاذا ليش يسسوي فيني جذا ... انزين هو يحبها عادي خله يحبها انا شو دخلني فيه اذا كان يحبها و ليش يقوللي انه يحبها شو اسويله مثلا ... اااه بس لو اعرف شو اسوي يمكن لازم اتصل بفطوم او رنيم او حمده ... حمده ! هههههههه اتصل بحمده هههه اكيد بتقولي صارخي عليه و كفخيه هاذي وايد دفشه بس لا .... ما اقدر اتصل بفطوم ولا رنيم ياربييييه شو اسوي )
------
في بيت عصام
حنين : عصام ... تعرف خالد الـ......
عصام : هي شو بلاه
حنين : امه اتصلت بي و قالت انهم بيون اليوم يخطبون حمده بس قبل يوم اتصلت ام احمد الـ..... و بعد قالت انها تبا تخطب ولدها لحمده
عصام : هممم مادري اساليها بعدين ما كنت اضن حد بيخطب حمده
حنين : ليييش بسم الله عليها اصلا كل واحد يتمناها
عصام : انزين كلمتي حمده
حنين : لا الحين بسير اقولها
نزلت حمده : شو بتقوليلي
حنين : تعالي يمه قعدي
حمده : انزين
قعدت حمده حذال امها
حنين : حمده في ثنين متقدميلج
حمده : طيب .... شو اسمامهم الكامل
حنين : مع ان الاسم مب مهم بس بقولج واحد احمد الـ...... و الثاني خالد الـ......
اتذكرت حمده ( هالاسم مر علي من قبل خالد الـ...... اممممم هي صح خالد الي فالمول )
حمده : انزين خلاص بفكر و بقولج
حنين : وك
.............
عند رنيم و جاسم
جاسم : رنيم
رنيم : نعم
جاسم : رنيم انتي الحين بأي شهر
رنيم : همممم الرابع
جاسم : انزين ابا اعرف بنت ولا ولد
رنيم : مادري يمكن بنجوف يوم نسير للدكتوره المره اليايه زين
جاسم : اففف كل مره اتقوليلي يوم بنسير للدكتوره
رنيم : انزين و انا شو دراني .... اقول جاسم تذكر مزرعتنا
جاسم : هي اذكرها شفيها
رنيم : ابوي قال بنروح مناك الاسبوع الياي كلنا يعني انا و انت و امي و ابوي و اخواتي
جاسم : وااااو و اخيرا كان خاطري اني اجوفها
...............
حمده و هي منسدحه فغرفتها : ياربيييه هاذا خالد الي كان فالمول هي متأكده هاذا اسمه الكامل .... الحين ليش ياي يخطبني افففف منه انا لازم ارفضه بس ... مادري بصراحه بس لازم افكر عدل قبل ما اقولهم رايي
قامت حمده و نلت تحت بسرعه : اميييييه وينج
حنين : ها حمدوووه شئو تبين
حمده : يمه يمه يمه يمه
حنين : ويعوووه قولي شو تبين و خلصيني
حمده : يمه اسالو عنهم الاثنين و قولولي منو احسن بليييييز
حنين : طبعا بنسأل عنهم انا سألت ابوج و قال ان خالد احسن بس مادري بقول حق جاسم يسأل عنهم بعد
حمده : انزييييين بروح فوق
حنين : عمي صمختي اذوني سيري فوق محد ماسكج
حمده و هي تركض لفوق : باااي
.............
اليوم الثاني فالجامعه
ليان : مروى تعالي
مروى : صبري وين موبايلي اففف هاذي ثاني مره يضيع فيها
ليان : ها خذي موبايلي
مروى : انزين
طوط...طوط...طوط
مروى : الو ..... هي ...... بعد ثلاث ساعات خلاص ..... اوك باي
ليان : يالله مروى تعالي المحاضره بتبدأ
مروى : ياويلي اذا كانت الدكتوره عصبييه بندم اني انتقلت
ليان : خلاص انتقلن و انتهى الموضوع يالله تعالي بسرعه قبل ما تبدأ المحاضره
دخلو الكلاس و انصدمت ليان يوم جافت كل الكراسي قاعدين عليها بنات الا 2 و حذال هالثنين مريم و خلود : ياوييييلي خلود و مريم هنا اففف
مروى : شو نسوي الحين ما ضنيت انهم فهالكلاس
الدكتوره : يالله يا بنات اوعدو عطلتونا
اترددت ليان بس فالنهايه قعدو
فهالصف كانت قاعده مريم حذالها ليان عقب مروى و خلود
طبعا الكلاس كله بنات فالشيلع و العباه يحطونهم عند الباب اذا كانت الي تدرسهم حرمه خصوصا اذا كان عليهم امتحان
الدكتوره وزعت ورق الامتحان و كانت ليان مرتبكه مب عارفه تكتب و مريم قاعده حذالها
مريم كانت تطالع ليان و ما كتبت شي فالورقه
مريم : ليان ... لياااان
ليان بهمس : نعم شو تبين
مريم : شحالج
الدكتوره : انتي يا بنت عينك في ورقتك
ليان بنفس الصوت : مريم ترا مب وقته الحين طالعي ورقتج تراها فاضيه
مريم : فدرتج
الدكتوره : يا بنت عينك بورقتك و دا اخر تنبيه
ليان : لين الحين انا محترمتج بس ترا لا تجوفين عمرج زياده
مريم : انزين خلاص كتبي شعليج مني
الدكتوره : اومي يالله انتي و هيه و اطلعو برا
ليان : خلاص اخر مره
قعدت ليان تكتب لين خلصت الورقه الاولى
مريم : ليان شو جواب السؤال الثالث
الدكتوره : خلاص انتي و هي اطلعو برا برااا
ليان عرفت انها اذا ردة عليها بتعصب زياده فقامت و طلعت و مريم طلعت وراها
ليان : جفتي كله منج
مريم : خلاص اذا تبين ادخل و اكسر راس الابله اسوي كل شي عشان عيونج يا عسل
ليان : مريم احترمي نفسج مب عكيفج تلعبين بخلقت ربنا وعوو تحسبين عمرج جي بتجذبين الانتباه و بعدين انا ما اكلم بويات
رجعت ليان داخل و اعتذرت من الابله و كملت الامتحان
اما مريم تمت تمشي لين جافت كرسي و قعدت و انتبهت لشنطه حذالها
دفعها الفضول لتعرف هاي شنطت منو و لقت داخل الشنطه كرت مكتوب فيه ( ليان عصام الـ......)
انصدمت مريم و خذت موبايلها بسرعه و نسخت رقمها عندها
رجعت ليان البيت ( ليان متزوجه و تدرس نفس الوقت )
دخلت عند عبد الله
عبد الله : هلا ليان شحالج
ليان : اهليين الحمدلله اليوم خلصت الامتحان بقا امتحانين و نخلص
عبد الله : الحمدلله
دخلت ليان الغرفه و اول ما سكرت الباب دق موبايلها
ليان : هلا من معاي
................................
ليان : هلا من معاي
مريم بصوتها العادي و الرقيق : هلا اختي انتي رنيم
طبعا رنيم ولا مره سمعت صوت مريم الطبيعي فما عرفتها و قالت : هي بغيتي شي
مريم : لا سلامتج بس .. اممم يعني بسأل اذا عندج رقم مروى الي دوم تمشي وياج
ليان : اكيد اختي بس ممكن اعرف ليش
مريم : اممم بصراحه انا كنت اريد اسألها سؤال عن الماده ... انا من نفس صفكم
ليان : تشرفنا ... اممم انزين بعطيج الرقم ... سجلي عندج #######
مريم : مشكوره والله بس ممكن سؤال ثاني
ليان : تفضلي
مريم : مروى شو تقربلج ... لنه اجوفكم دوم مع بعض .... يعني قلت يمكن اختج او ...
قاطعتها ليان : لا مروى ربيعتي الروح بالروع ... يعني اعز ربيعه عندي ... المهم انا الحين استأذن ... اممم بس ما قلتيلي شو اسمج ( فضوووول )
مريم : انا مريم
ليان بصدمه : مريم !
مريم : شفيج
ليان ( لا مستحيل اتكون هيم ريم احن عندنا اغلب البنات اليب فصفنا اساميهم متكرره ) : هااا.. لالا ولا شي انا الحين بسكر لني مشغوله و بتصل بعدين
قامت رنيم و هي تحس بارهاق من المدرسه
.................
قامت ساره من الرقاد و نفس كل يوم فهد ما كان فالبيت لنه كان يتجنبها و يرجع فليل
دخلت الصاله و هالمره قررت انها تدق علا حمده علا الاقل حمده مب مشغوله ... حتا لو كانت اختها الصغيره يمكن تقدر تنصحها او تخفف عليها الهم
المهم اتصلت عليها و بعد دقايق ردت
..............
حمده كانت قاعده تفكر ( انا الحين احدد مستقبلي ... و خالد هددني انه بيندمني ...بي الثاني سمعته سيئه يعني مستحيل ارتبط فيه ... و اذا ما وافقت علا ولا واحد اكيد امي و ابوي بيزعلون ... و انا ارتحت يوم صليت استخاره ... يعني ما علي غير اني اوافق يمكن نسى تهديده او يمكن اممم ما اعرف بس الي اعرفه اني بوافق عليه ,...
قطع عليها صوت موبايلها و ردت
حمده : هلا ساروه شحالج
ساره : الحمدلله و انتي شحالج
حمده : اممم والله محتاره بصراحه و ما اعرف شو اسوي بس ان شاء الله الله يكتب الي فيه خير
ساره : شو قصدج
حمده : تصدقين فيه 2 خطبوني ههههه ما توقعت حد بيوم من الايام بيخطبني
ساره : صدق والله ... عيل مبرووووك و الله يتمم علا خير
حمده : الله يبارك فيج .. بس صبري يمكن ما اوافق هههه
ساره : هههه انا بوافق عنج
حمده : ليش بعد
ساره : وهو يحصلج الشرف ان ساره هي الي توافق بدالج
حمده : هههه انزين الحين قوليلي شو فيج ... علا فكره صوتج مو عاجبني
ساره ( انا اذا قلتلها بخرب فرحتها لازم اأجل : لا سلامتج اتصلت اتطمن عليج
حمده : هااا بشرينا فيه مشروع حمل ياي فالطريج
ساره : هههه حمدوه عن السخافه ( و سكرت )
طالعت حمده التيلفون و ابتسمت : شكلي احرجتها ... المهم شو كنت اقول
............
فتحت عيونها بتعب و قامت تسوي الفطور ... هالايام متعبنها الحمل ( هي الحين فاشهر الرابع و نص )
جاسم : رنيم شو تسوين
رنيم : فطور ..
جاسم : انزين حبيبتي لا تحسبين حسابي لنه اليوم عندي شغله ضروري
رنيم : انزين
........
كانت ساره اتحس بالخوف خصوصا انها بروحها فالبيت فقررت انها تكلم فهد يوم يرجع ...
.......
ليان كانت منسدحه و تفكر ( اممم ليش ما ايب عيال عشان يفرح عبد الله ... الحين صار لنا سنه متزوجين لا يكون فيني شي .... لالا مستحيل بس لازم افرح عبد الله هو ولا مره غلط علي و دايما يعاملني زين ... و انا ولا مره فرحته من سنه كامله ... ياااارب ترزقني الذريه الصالحه )
.......
يوم جديد .........
قامت ليان من النوم و هي تعبانه ... سمعت صوت الموبايل ايدق فردت بدون ما تجوف الرقم
و قالت بصوت مبحوح من الرقاد و التعب : هلا منو معاي
......: هلا ليان شحالج
ليان ما كانت مستوعبه منو الي يتكلم : انا بخير منو معاي
مريم : انا مريم الي كلمتج امس
ليان : هلااا مريم شحالج
مريم : بخير الحمدلله
ليان : عسا ما شر
مريم : اممممم ابا اقول انه يعني ... اقصد انه ... يعني ابا اتعرف عليج
ليان : عيل ابشري اتشرفت بمعرفتج ... بس ممكن اعرف السبب
مريم : بصراحه انتي قدوتي ... لنج مثاليه فالكلاس و اجتماعيه .. اما انا بصراحه درجاتي مب زينه و انطوائيه ما احب اتعرف علا احد ولا احب حد يتعرف علي
ليان : انزين انا ما عندي مانع ان نتعرف
مريم : بس المشكله اني بكلمج بس عالموبايل لني ما عندي الجرئه اجوفج فالجامعه
ليان : عادي .. الي تبينه
مريم : مشكووووره .. انزين الحين انا بسكر .. مع السلامه
ليان : في امان الله
..........
حمده و هي نازله من الدري و الابتسامه شاقه حلجها لنها اخيرا عرفت تقرر ... كل ما تفكر بالموضوع توصل لقرار انها بتوافق علا خالد بس تبعد هالفكره و اتعيد من اول و يديد و نفس القرار ... و بما انها حست براحه يوم صلت الاستخاره فقررت اتوافق
حمده : يمااااه يباااه
حنين و عصام بخوف : خير شو صاير
حمده : انا موافقه علا خالد
حنين : مبروووووك كلولولولولولولوش
عصام : مبروك
حمده : الله يبارك فيكم بس انا عنتدي شرط طلبتك يبه
عصام : و انا عطيتج
حمده : خل فتره بين الخطوبه و الملكه فتره كافيه يعني شهرين مثلا
عصام : خلاص ان شاء الله و الله يوفقج
...........
كانت قاعده فالضلام و هي تسمع صوت خطوات تقترب منها ... بالعاده ما يكون فيه احد فالبيت غيرها بهالوقت .... يمكن حرامي
اول ما يت علا بالها فكرت الحرامي غطت عمرها باللحاف و بدت اتصيح و اتشاهق
كان فهد متوجه صوبها بس سمع صوت صياحها ... ( هاذي ليش تصيح يمكن تحلم )
قرب منها اكثر ... اما هي فكانت تحس انها بتنخنق من الصياح بس حاولت اتهدي نفسها
فهد : ساره انتي قايمه
ساره عرفت صوته و فرحتها انه ضنها ما كان بمحله
بعدت اللحاف عنها و مسحت دموعها
فهد : شو فيج
ساره : هههه تحريتك حرامي
فهد : هاذا من تأثير الافلام الي 24 ساعه تجوفينها
ساره : يعني شو تريدني اسوي اذا انت 24 ساعه برا البيت
فهد : انزين باجر بوديج بيت اهلج لني بسافر اسبوع
نقزت ساره من الفرحه و قالت : واااااو و اخيرا
و راحت ركض عالحمام
..........
قامت رنيم و هي تحس بتعب سوت فطور و قعدت تطالع التيلفزيون و بعد شوي يا جاسم
رنيم : صباح الخير
قعد عدالها : صباح النور
رنيم : جاسم طلبتك
جاسم : و انا عطيتج
رنيم : طيب ييب خدامه تحبت من الطبخ
جاسم : طيب الي تجوفينه
رنيم : مشكووور الله لا يحرمني منج
جاسم : ولا منج يارب
رنيم : اميين
............
قامت و راحت تتجهز للجامعه
لبست بدي ابيض فوقه قميص بني كت و بنطلون ابيض و بوت بني
و فوقه العباه و الشيله
و راحت برا لقت عبد الله
عبد الله : بالله حبيبتي مشينا
ركبت السياره و انتوجهو للمدرسه
عبد الله : هاا وصلنا انتبهي علا نفسج حبيبتي انزين
ليبان : ان شاء الله قلبي يالله باي
عبد الله : مع السلامه
سكرت الباب و طالعت السما .. يمكن تمطر اليوم
دخلت الجامعه و بدت اول محاضره
كانت تدور مريم بس ما لقتها .. و بعد شوي يتها مريم ( البويه )
مريم : هلاااا حبيبتي
قالتلها باستحقار : عيب عليج اذا ما بتحترمين الخلق احترمي الخالق
مريم : هههههه انزين و بعدين
فكرت ليان شوي و قالت : والله اذا قربتي صوبي بخبر عبد الله
مريم : و منو عبد الله حبيبج ... اقصد البوي فريند
ليان : جب عبد الله اشرف منج و من عشر من امثالج
مريم : ههه ترا مصيري بعرف منو عبد الله يا حبيبتي ... ولا اقول ... ياااا خطيبتي هههه
ليان : عيب استحي علا ويهج احن فجامعه مب فالملاهي
مريم : ادري انزين يالله باااي يا حلو
انتهى البارت
انتضروني
باااايوو
ليان و هي تجمع قوتها : جب ... جب يالوسخه .. والله لو ما احترمتي نفسج يالحقيره براويج ... مره ثانيه ما تقربين صوبي ... ولا ابا اجوف رقعت ويهج جدامي ... انجلعي من جدامي ... ولا عاد اسمع حسج يالوسخه
و تركتها مصدومه و راحت علا محاضرتها
مريم : انا وسخه ! ... و حقيره .... بس كل شي يهون لاجل عيوونج الحلوين ... ان ما كسبتج ما اكون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك