رواية بعد كذبك لا ترتجي مني نظره -55
ثقــه
دلــع
غـــرور
فستان قصير فوق الركبه بدون اكمام ...
شعر طويل اشقر..
ريحة عطر من شانيل ..
عبير ادخلت المجلس واجلست قريب من اياد ...
: السلام عليكم
رفع عيونه بسرع نزلها " وش هالقلة الحيا ذي شلون تطلع كذا قدامي .. قالوا نظره شرعيه مو نظره
دجه وش هالبنت يازينك يارهف": وعليكم السلام
ايمن اخو عبير: اجل انا اتركهم ربع ساعه واجي كم اخذو راحتكم
اياد بس طلع ايمن: ليه ليه متعبه عمرك كان لبستي مايو اريح لك عبير
عبير: ليه موحلو لبسي
اياد: بالله مومستحيه من اخوك طالعه كذا..
عبير: هذا لبس بنات العز
اياد: لا تشملين هذا صنفك يلبس كذا ياما بنات عز لبسهم محتشم
عبير عوجة فمها: انت جاي تخطبني ولا تهاوشني اياد
اياد " ويييييييع على بالها رهف ": اسمعي انا ابي زوجتي تلبس عباية راس ..و ملابس زي كذا ماتلسينها
الا لي انا .. واخر وهو اهم شي امي ثم امي ثم امي لسانك طال على امي رحتي فيها ..
عبيرارفعت حاجب ونزلت حاجب بغرور: انا مالي خص بحد وعلى العبايه يصير خير لاصرت عندك..
(ميلت بدلع على جنب وتكت يدها المركى او التكايه..وحطت شعرها على جنب) ماعلينا قولي كيفك؟
اياد ابتسم وهز راسه بـ لا : موبخير بدون رهف .. باي ياحلوه
وطلع من المجلس ...
عبيراوقفت وهي مقهــــوره: هين يا اياد والله لا انسيك اسمك مو بس رهف
× × ×
* *
طلع واستقبلت عمته ام جهاد: هلا بزوج بنتي هلا
اياد باس راسها: هلا عمه
ام جهاد: هاه بشر
اياد: ونعم التربيه .. يلا انا بمشي
ام جهاد: بكره متى نحلل
اياد: بمر انا اخذكم ونروح المستشفى
ام جهاد : خلاص ننتظرك
اياد: يلا مع السلامه..
طلع من القصر وهو يحس انه مخنوق .. فتح جواله وشاف اتصالات ورسالة رهف وراح لعند بيت رهف..
وقف بعيد عن البيت وفتح نافذه جلس يناظر بيتهم ويتذكر من اول يوم شافها الين اخر مره شافها..
"والله ابيك والله احبك ..والله محد جاب راسي غيرك ..آآآآآآخ يارهف ..وهذا وقته زوجة عمك
تولد ولدت بكره عندها ايام الاسبوع مالقت الا اليوم اوووف "
رن الجوال وشافت رقم غريب اول مره يشوفه .. رد ساكت :............
: الو السلام عليكم
اياد بفرح: رهــــــــف
رهف بضحكه: واخيرا فتحت جوالك
اياد: كنت عند الرجال
رهف: كيفك دبي الابيض اليوم
اياد: دب في عينك .. مايعه من رقمه
رهف: ههههههههه ماماتي لان ماعندي رصيد ..تيب قول كيفك؟؟
اياد" هذي المياعه ولا بلاش": زعلان
رهف: والله تيب كان دقيت لـ ابوي لعمي
اياد: ماعندي غير رقمك ورقم علي بس
رهف: خلاص اعطيك رقم ابوي
اياد: رهف
رهف: امر حبي
اياد: انا خطبت عبير اليوم
رهف كان مويه بارده انزلت عليها:...........
اياد: رهف والله غصب عندي ..والله امي امسكتني من ذراعي الي يالمني رهف مابيها والله ابيك
..وترى ماني مطلقك حتى لو انتي الي تبين رهف والله والله احبك
رهف: انا مومصدقه اياد قول تكذب
اياد: هذا صوت وحال واحد يكذب رهف انا قدام بيتكم ..رهف بكره بحلل رهف مابيها ابيك
رهف سكرت عيونها: اياد خلاص اجيك اجي لـ امك وابوس رجولها بس لاتحرمني منك اياد
مايصير كذا اياد والله ابيك.. اموت لوتروح عني اياد
اياد: مابيدي شي والله ماعندي شي
رهف تبكي: اياد شوف لك حل ايـــاد
اياد: رهف لاتبكين وربي تعورين قلبي
رهف: اياد مابيها تشاركني فيك شنو ماتبي تاخذه الا انت.. اياد والله احبك خلاص ماعاد اسوي شي
يزعل والله وتنهار تبكي
اياد ماقدر سكر منها وطار لعند ماجد ..
× ×
عند رهف جلست تبكي في مكانها ودقت على عمها علي: الوو
علي: وشفيك
رهف: ابيك انا عند سيارتك
علي: ليه
رهف: تعال لا انتحر الحين
علي: طيب
وبعد دقايق صار علي مع رهف في السياره ...
رهف تتحجب: عمي اياد خطب
علي: الوصخ
رهف تمسح دموعها: هو اليوم جا ..بس ماشاف رد من احد وامه اجبرته يخطب بنت عمه
علي: بالله من قالك
رهف بكذب: لمووي اخته ..تقول صايره هوشه كبيره بين امه وهو
علي: انا شفت اتصاله جيت برد قفل لان مافيه شحن
رهف: والحل عمي انا مابيها تشاركني فيه
علي: بيطلقك هو
رهف: موراضي يطلق ..عمي ابيه انا
علي: هذا انتم لا شفتوا بيروح قلتوا ابيه ماكان جاي مع ابوه
رهف: كنت مقهوره منه
علي: استحملي غبائك
رهف: والحل
علي سكت شويبعدين ناظر فيها..: شوفي دقي على لموي ..وشفيني قمت امون ..
الزبده الصباح دقي وقولي لها اي مستشفى يحللون وابشري بالعز
رهف: شنو بتكلمه
علي: لا ..بس بحركه مني لاسويته بيرجع لك
رهف: والله جد انرجع لي اول ولد لي ع اسمك ..وربي انت موعم عادي انت عم اذا نحط على الجرح
يبرى
علي ابتسم: شدعوه الحين زوجك شكثر فلوسه بتسمين ولدك على اسمي ..شكرا مابي جد بخيله
رهف: شنو تبي اجل
علي: ابي ارض ولا قصر متواضع في اي حي فخم
رهف : ان شاء الله لاماتنا انا واياد اخذ الي تبي
علي: ههههههههههه اسم الله عليكم.. المهم سبع ونص الصباح تدقين عليها ويفضل الحين
او تعطينها خبر لا عرفت وين تقولك
رهف: خلاص تبي شي برجع لهم
علي: لا سلامتك بس لحد يدري بالسالفه عشان ماتكبرطيب
رهف وهي تمسح دموعها: تيب
علي يقرص خدودها: يلا نرجع
$$$$$$$$$$$$$$$$&
على الساعه 12 بالليل..
: شنووووووووو خطب
هيفاء: ايه وشافها نظره شرعيه جعل عيون العدو البلا
شهد: ياعسها وهي تبمشي تطيح على وجهها قدامه ..وتنكسر وبعد الكسر تصير عرجى
هيفاء: امين ..انا سالفة النظره الشرعيه دريت من امي اماجد بس سالفة انو خطب من رهف
كلمتني وهي تبكي كسر خاطري
شهد: يعني هي ماتدري انو شافها ...ياربي وش هالمصايب..
هيفاء: الله يعني ماعلينا شهد ماتحسنت حالته
شهد: لا يقولون اثر الحادث ماهي غيبوبه مدري وربي شيخربطون
هيفاء: الله يشفيه
شهد: امين
هيفاء: روحي ارتاحي وانا بخمد بعد
شهد: تكفين ادعي لـ نواف ان ربي يشفيه
هيفاء: والله ادعي له والكل يدعي له ..الله يشفيه
شهد: الله لايحرمني منكم
هيفاء: ولا منك اقري قران قبل ماتنامين تهدي نفسيتك شوي
شهد: ان شاء الله
هيفاء: يلا مع السلامه ..
سكرت منها وادخلت غرفتها..لقت ماجد متربع على السرير ومتكي راسه على يده ..
هيفاء: بسم الله هذا وقتهم حقينك
ماجد: انطمي .. حشى ساعه تكلمين شهد ولا خطيبك
هيفاء: يوه لو شهد خطيبي
ماجد: يوه لو تجين تنامين احسن لك
هيفاء: كاني بنام
ماجد: ايه نامي وخلني اشوفك تكلمين احد وطولين معه غيري
هيفاء: ليه ان شاء الله
ماجد: زوجك وحب اتحكم فيك كيفي
هيفاء: حبيبي ماجد
ماجد: امري حبي
هيفاء: انخمد حياتي
ماجد: هههههههههههههه
$$$$$$$$$$$$$$
وصل القصر .. وحالته النفسيه تعبانه جدا .. استقبلته امه وابوه
:السلام عليكم
بونايف: شصار
اياد بصوت مبحوح: بكره التحاليل والي تبونه بيصير .. راضيه يايمه
بونايف: وشفيك زعلان
اياد: ماني زعلان بس تعبان شوي .. بروح انام
بونايف : اياد
اياد: نعم يبه
بونايف ناظر فيه: روح خلاص
ام نايف بعد ماراح اياد: انا اشك انه ساحرته
بونايف: انتم يا الحريم عقولكم مدري كيف جايه.. من يتعب الواحد جاه عين او انسحر عنبو الناس
ماعندها غيركم .. جد ناقصات عقل ودين
ام نايف: شوف حالته كيف صايره
بونايف:ماينلام اول خسر ولده ثاني شي زوجته واعز اصدقاء بالعنايه وانتي ضاغطه عليه بالزواج غصب
خفي عليه خفي .. شوفي جاريتك الحين اشوفه حاله من حال اخوانه عبدالعزيز وفيصل بس ماشاء الله
عليه بداك على نفسه .. اذا عبير تحاليلها ماضبطت انسي انه يتزوج بوحده مايبغاها ..
واذا قال ابي رهف الكل يسكر فمه واولهم انتي ..عن اذنك
ام نايف: ان شاء الله تظبط التحاليل وينسى رهف ..
× × ×
* *
انبطح على الكنب وسكر عيونه .. "وين كنت وكيف صرت ..سحبان مغير الاحوال " لف على صوت
جواله ..وارفع : هلا مين
: انا عبير غيرت رقمي اظن الحين عاتي اكلمك صرت خطيبتك
اياد: بالله عليك انتي تستحين فيك حيا من داخل
عبير: اياد انت ليه تعاملني كذا على فكره انا شفت رسايلك مع رهف انت ماتحبها ليه ماتبي اطلقها
اياد: ومن قال اني ماحبها ..ورسايلي معها كله مزح بمزح وانتي ليه تفتشين جوال زوجتي رهف
عبير: انت بطلقها شنو بتجلس على حرميتن
اياد: اسف اذا ماعجبك الوضع انو رهف تكون زوجتي ..جلسي في بيتكم
عبير بدلع: وتقدر تستغى عن حلاي ودلعي وعزي
اياد: طســـــــي عن وجهي ناقص خبال اخر الليل انقلعي ماصخه(ويسكر الجوال ويقفله) غبيه
وتافه وماعندها سالفه في الحياه ..
رمى الجوال وكانه منقرف منه .. ونام على الكنب ..
$$$$$$$$$$$$$$
×*×القوس قوسك والسهام سهامك ..مالي على رمش تسله قوه
انا اسيرك واقفن قدامك .. والـــي تبي تسويه فينــي ســوه×*×
في صباح يوم الثاني ..
سعود يجلس على كرسي المتحرك: آآآخ كذا زين بس حط عدل الحديده الي تحت رجلي المكسوره ..يلا وصلني لـ نواف ..
رياض يسوي زي ماكان سعود: ماراح اطول سمعت الدكتور وشقال
سعود: موعلى كيفه انا تعبان موهو.. اخلص وصلني طفشت من هالغرفه
رياض : اسمه جناح موغرفه
سعود: رياض اخلص
وبعد دقايق صار سعود مع رياض قدام العنايه واقفين .. يناظرون ثلاث حريم يناظرون نواف من ورى
الشباك الشفايف ..
سعود رفع راسه: من ذول
رياض: اهله
سعود: قربني منه ابي اشوفه
رياض: سعود عيب اهله
سعود: اووف هذا وقته
شوي حرمتين والثالثه لسى واقفه تحركوا وقربوا من سعود
سعود عقد حواجبه : ........
:السلام عليكم
سعود: وعليكم السلام انتي عمه ام نواف
ام نواف: ايه شخبارك
سعود: شوفت عينك حالتي حاله ..سامحيني
ام نواف: على شنو
سعود: لو ماسولفت معه ولهيته كان ماصار كذا
ام نواف: لاتزعل هذا ربي كاتبه لكم والله يشفيكم
سعود: امين
ام نواف تلف : خلود تعالي
سعود رفع عيونه وجات عينه بعين خلود وعلى طول لف وجهه"سبحان من خلق هالعيون"
..لمى ابعدوا رفع عيونه : يلا وصلني
رياض: ماشاء الله اهل ربعك تغض البصر بس بنات الناس الي ماتعرفهم تلعب فيهم لعب
سعود: اسكت (وجلس يناظر في نواف) ابي ادخل له
رياض: ممنوع عشان صحته
سعود يلمس النافذه: نواف انا صالحت ماجد وقلت له ماعاد اسوي شي يزعلك ..وتراضينا باقي اياد
..نواف بسوي كل الي تبي قووم انا انتظرك مالي صديق غيرك قوم نواف لاتصير مثل ابراهيم الخاين
راح ولا اخذني معه
رياض نزل الين مستواه وضمه اخوه: خلاص سعود انت رجال وشفيك تبكي
سعود: مكتوب علي الوحده ولا شنو سالفه ..
رياض: لا..وان شاء الله بيقوم بالسلامه.. بس هدي من نفسك
سعود يبعد عن اخوه ويمسح دموعه: خلاص رجعني
رياض يوقف ويلف الكرسي : يلا
مشوا شوي..
سعود: رياض انتظر يمكن يجي اياد
رياض: اليوم بيسوي التحاليل مع عبير
سعود :وزوجته
رياض: تبي الطلاق ماتدري انها سقطت الولد وهوطلع عليها اشاعه ماتحمل.. سوالف صارت بغيابك
سعود:...............
رياض: وشفيك سكت تتشمت في حالته انت ماتحب له الا الشر
سعود همس له: هذا قبل
رياض سكت لسكوت سعود.......
سعود" مسكينه رهف ..جبت لك المشاكل وانتي ولا سوتي لي اي شي ..اووف لو مت وانتي زعلانه
مني ..يالله لازم اعتذر منك ومن اياد او الاقل هو ويوصل لك الخبر"
$$$$$$$$$$$$$$$$&&
على الساعه 11 ونص
×*×العرب طلعوا حكم وامثال ومن الحكم والامثال
مثــل ماتدين تدان & الدنيــــــا دوااره ...
وقف سيارته قدام المستشفى ونزل منها ..
لابس نظاره ..
بلوزه سوده..
بنطول رمادي ..
ماسك بيده ظرف ابيض ..
دخل الى الغرفه التحاليل .. وكلم واحد .. وعطاه المبلغ الي بالظرف .. وطلع من المستشفى
وفي نفس الوقت
دخل اياد وعمته وبنتها..
وكل من عبير واياد ادخلوا غرفة المخصصه لتحاليل .. وثواني واطلعوا ..
ام جهاد: متى النتايج
اياد: اليوم الظهر
عبير: تيب ..ابي الحمام وينه
اياد :اطلعي من هنا وامشي سيده وعلى اليسار تلاقينه
عبير: شكرا حبي
اياد" حبتك القراده ":...........
عبير راحت شافت استراحه انتظار لنساء فاضيه ادخلت فيها ..وارفعت جواله ..ودقت على ارقام
وفكت غطاها واجلست وجاها صوت المطلوب ردت بغرور: هااي يابنت الفقر
:نعم وشتبين
عبير: رهف حبيت اعزمك على اسبوع الجاي ملكتي على اياد
رهف: لا صحيح تهني فيه على فكره الكلاب دايم ياخذون بقايا اسيادهم
عبير: ايش قصدك
رهف: ولا شي على فكره اذا تبين السفاره الاندونسيه تكلمين اهلك ام عيون مغطه تراك غلطانه
انا رهف ..يلا باي (وتقفل الجوال في وجهها)
عبير: هيين يا العبده هيييين
وترجع الى اياد وامها ..
اياد: يلا نمشي
عبير: لا متحمسه على النتيجه
اياد: ماراح تطلع الا وحده الظهر
ام جهاد: خلاص نروح وانت عطنا خبر
اياد: يلا مشينا
عبير: لالا خلنا نتغدا مع بعض في المطعم وحده نجي هنا
ام جهاد: ايه صح
اياد سكر عيونه يعض على شفته يحاول يمسك اعصابه ويشدد على كلامه: طيب
$$$$$$$$$$$$$$&
جالسه في الصاله حزينه .. تبدل حاله غير هالحال ..الحزن طاغي عليها ..
بو ضاحي : هلا بنتي شهد قمر هالمكان
شهد ابتسمت: هلا يبه
بوضاحي يحط محفظته جنبها: خذي سوي عوايدك الي قبل واخذي فلوس مني
غصب
شهد تمسح دموعها: لا مابي تسلم
بوضاحي: تبين ازعل امك عشان تضحكين
شهد: لا خلها امس مانمت عشاني مانمت
بوضاحي: الله يحفظها لكم .. اجل يلا قومي
شهد: وين عند نواف ؟؟!!
بوضاحي: لا نفطر برى ونمر على البحر
شهد: لا مالي نفس
بوضاحي: يابنت حالك موعاجبني ..
شهد اخنقتها العبره: يبه هذا نواف
بوضاحي: ادري انه نواف اجل مسفر ادري انه نواف ونعم فيه بس لا تيأسين من رحمت ربك
وتهملين روحك .. حرام عليك والله ان صار فيك شي امك تروح فيهاوانا قبلها.. انتي اعز العيال عندي
عشان خاطري قومي اكلي وانا بنفسي بعد الاكل بوصله لك بس اكلي
شهد: طيب
$$$$$$$$$$$$$$
على الساعه وحده الظهر..
اياد واقف وجنبه عمته وعبير: هاه بشر
الممرض: اسف ماتطابقت التحاليل
عبير: شنووو كيف
ام جهاد: متاكد من الاسم
الممرض: ايوه عبير ال؟؟؟؟؟؟؟؟؟و ايادال؟؟؟؟؟؟؟؟
اياد ابتسم وبسرعه اخفها: طيب خلاص شكرا
ام جهاد لمى شاف اياد لف عليهم: عيد التحاليل من جديد
اياد عقد حواجبه :شنـــــو
$$$$$$$$$$ $$$$$$$
تم الفصل الاول ..
تابعونا الفصل الثاني من الجزء الاخير ..,
..&&"..{الـبـارت الســادس والـثـلاثـون}.."&&..
( الاخـــيـــــــر)
ــــــــــــــــــــــــــــــــــــــــــــــــــ ــ
*×|| الـفصـــل الثـــاني||×*
على الساعه وحده الظهر..
اياد واقف وجنبه عمته وعبير: هاه بشر
الممرض: اسف ماتطابقت التحاليل
عبير: شنووو كيف
ام جهاد: متاكد من الاسم
الممرض: ايوه عبير ال؟؟؟؟؟؟؟؟؟و ايادال؟؟؟؟؟؟؟؟
اياد ابتسم وبسرعه اخفها: طيب خلاص شكرا
ام جهاد لمى شاف اياد لف عليهم: عيد التحاليل من جديد
اياد عقد حواجبه :شنـــــو
ام جهاد: ايه يمكن غلطانين
اياد: انا موصي احد عليهم تطلع اليوم بالواسطه ترى بدون الواسطه اسبوع وتطلع النتيجه
عبير: شنو بذلنا يعني
اياد: لا بس حتى لو عدناها بتطلع غير مطابقه..
ام جهاد: شنو ماراح تتزوجون
اياد: والله كان نفسي بس سلامة العيال اهم
عبيربنرفزه: خلاص خلاص .. انا ابي ارجع البيت والحين
اياد" آآآآآخ لو انت ولد كان مرحومه من زمان": يلا مشينا
عبير وامها زعلانين ..عكس اياد الي طاير من الفرح " الحمدلله انو ماطابقت التحاليل
.. يارب مثل مافرحتني برجعت رهف ..فرحني برجعت نواف يارب "
وصل عبير البيت مع امها .. وراح الى نواف في المستشفى .. كان مرتاح وقف يناظرمستغرب من
الي جالس على الكرسي المتحرك وجنبه النيرس.. عقد حواجبه ومشى لين ماقرب منه:سعود ؟!
سعود لف وجهه ناظر اياد بحزن: هلا اياد
اياد: ليه موفي غرفتك
سعود حرك الكرسي وقرب من اياد الواقف: انتظرك ابيك في موضوع
اياد: وشتبي بعد
سعود: انا اسف على كل الي صار مني ..والله ماعاد اسوي شي يفشلك..
ولا عاد اقرب من زوجتك ولا منك سامحني يا اياد
اياد ناظر فيه بضيقه حالة سعود كانت تحزن : لاتعتذر اهم شي تترك بنات الناس في حالهم
سعود: يعني سامحتني
اياد: ايه ..
سعود يمسك يد اياد: اجل روح قول لنواف انك سامحتني يمكن يصحى وربي تعبت من دونه اياد الله
يخليك روح قوله اللــ....ويروح صوت سعود من البكي ..
اياد نزل لمستواه وضمه : خلاص سعود انت رجال عيب ..والي صار يمكن خيره من ربك لك ولنا وله هو
..ربك مايسوي شي الا فيه خير لعبده ..وربنا كريم وبيشفيه ..خلاص عاد امسح دموعك
سعود: ماعندي منديل
اياد يلف يمين ويسار وهومبتسم مسح دموع سعود بكم ثوبه: ههههه الحاجه ام الاختراع
سعود: عيوني ياشيخ ابيها
اياد يقوم: وش طلعك من غرفتك وبعدين كيف هذي اسمحت لك وانت صحتك ماتاهل
سعود: بالموت رضت طفشتني ..خلاص رجعني لــ سريري
اياد: طيب
سعود: اسف على اللقافه بس جد راح تاخذ عبير
اياد: لا
سعود: اليوم الصباح يقول رياض تحلل مع عبير حق الزواج
اياد: ماظبطت التحاليل ..
سعود: ادري كله مني خربت حياتكم
اياد: هذي كتبت ربك
سعود: خلاص بطلقها
اياد: لا
سعود: الله يخليكم لبعض
اياد يصرف : انت متى تعرس
سعود: خل افك الجبس الي بيدي ورجلي وساعتها ويقوم نواف بالسلامه يصير خير
اياد: تصدق انت اول واحد ابشره انو التحاليل ماظبطت
سعود: ياحظي.. ليه؟؟
اياد: لاني مقفل جوالي ..مالي خلق اكلم احد
سعود: ابوي وينه
اياد: عمي بورياض؟؟
سعود: ايه وينه كل عمامي مرور علي جدي الا هو ماشفته
اياد: بصراحه مدري
سعود: الله يستر
اياد: تبي افتح الجوال واكلمه
سعود: لا ..ولا ابيه يدري اني سالت عنه ..طول عمه قاسي ولايعرف الرحمه
اياد: انت بعد ماقصرت فيه
سعود: غلطت ماقول لا بس اي ابو في الدنيا ولده يطيح بالمستشفى يسال يشوفه هو ولا شي
اياد: مدري وش اقولك
سعود:...........
اياد سكت لسكوته " يارب كمل كرمك ورد لي رهف ونواف "
$$$$$$$$$$$$$$$$&&&
جالسه في الصاله نفسيتها من سده لاتغدت ولافطرت..بالها مشغول على عمها وخايفه عليه.. فضى جوالها
من الشحن حطته بالشاحن وكل شوي عيونها على الجوال.. "ياربي لايكون صادوه ..خلاص مابي اياد بس عمي يكون بخير ياربي هذا وين راح فيه"
احمدوهو يقلب قنوات التلفزيون: وشفيك
رهف: هااه مافيني شي
احمد: الا فيك ..كل شوي تناظري الجوال ولاتغديتي ولا شي
كريمه: يمكن تنتظر من الفارس الهمام زوجها يدق عليها .. ما اشوف مصاختك معه جابت لك شي..ذابحتني تدلعي ومدري ايش ..هااه ماشفنا شي ..ولا المصيبه بيحط على راسك وحده ..قلت لك الرجال يحب الحرمه على طبيعتها مو تتصنع ..
رهف: والمطلوب وشتبين توصلين له
كريمه:و لاشي بس الثقل زين ترى
رهف: ياشيخه طيري..(رن جوالها وركضت له وطنشت الكل وردت بلهفه)هااه بشر
: هاتي اتعابي اول
:علـــــــي عن السخافه قول
علي: بنت انا عمك
رهف: ياكرهك يلا قول
علي: فركشت السالفه
رهف بفرح: جد كيف
علي: شفت لك واحد هندي وجلست اضغط عليه ومدري ايش بالموت وافق وعطيته الفلوس
رهف: ياحيااتي طيب وخلاص يعني ما هذا شسمه
علي: الي شسمه ..جنبك احد
رهف: ايه
علي: ماعليه الزبده ان تفركشت السالفه
رهف: تسلم وربي خفت عليك
علي: لاتخافين عمك اسد
رهف: تيب عمي كيف هذا
علي: اطلعي من الي انتي فيه ..انا لغة الاشارات مافهمها..
رهف تطلع من الصاله وتصعد غرفتها وتقفل الباب: يووه تعبت
علي: اسم الله عليك خلصي ابي اشوف ولدي وزوجتي
رهف: ابيه يجي.. كيف؟
علي: عاد هنا مقدر شنو اكلمه لك مثلا تعال اخذها
رهف: لاخير وش ميتين عليه
علي: مدري عنك صبري مرده لك
رهف : عمي
علي: هلا
رهف: مشكوووووررر مشكوووور حيل حيل ربي يخليك لي
علي: ويخليك لي يلا عاد طسي اشتقت لزوجتي ولدي حمني
رهف: هههههه تيب باي..
جلست تناقر من الفرحه وتدور حول نفسها " الحمدلله لك يارب"
$$$$$$$$$$$$$$$$&&&
في العصر قصير او نايف
:كللللللللللللللللللللللللللووووللللللللللللللللوو ووش
: قصري صوتك قصر ربي من عمرك
لمياء: يمه فرحااااانه لـ اخوي واخيرا افتكينا من الخايسه عبير
اريج: هههههههه اي والله حتى انا فرحانه
نوال: من زود الفرح موراضي يرجع البيت
ام نايف: الا مسوي زعلان دق على ابوه وبشره وانا ماعطاني وجه
محمد:وش صاير
لمياء: ماتطابقت التحاليل
محمد: يعني بتجي رهف هنا
لمياء :ان شاء الله حمووودي ادعي انها تجي
نوال: بالله هذول توأم الولد هادي والبنت مرجوجه
محمد: لاتقولين حق اختي مرجوجه لا نعال يجيك الحين ويعدل وجهك
نوال تلف عليه: لالا مقدر على القوي جرب ان ماصفقتك حبيبي
لمياء: بكيفك تصفقينه ..
وينفتح الباب القصر ..
يدخل بونايف مع اولاده ..
ام نايف: سلطان وين اياد
عبدالعزيز: مات الله يرحمه
اريج: وجع وش هالمزح
ام نايف: عدوه ان شاء الله وينه
فيصل: انا جوعان وابي غدا
بونايف: ولدك عند نواف بالمستشفى
ام نايف: نوال جهزي لهم الغدا (وتجلس)
بونايف: ماراح تتغدين معنا
ام نايف : لا سد نفسي عبدالعزيز بدق على اياد
بونايف: يمزح ماعليك منه
وبعد دقايق يدخل اياد وهو دايخ في النوم: السلام عليكم
ام نايف توقف وهي معصبه: وينك انت فيه هاااه وينك
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك