رواية بعد كذبك لا ترتجي مني نظره -50
رهف تبعد يدها:لاتصدق عمرك انك انت زوجي ..انا بس اطلع من هنا بطلق منك مابيك
اياد: رهف ترى الي راح بعد ولدي مثل ماحز بخاطرك حز بخاطري ...ليه ماقلتي لي انك حامل
رهف بنبره استهزاء: لانو ياقلبي ماحبيت اخرب عليك خطوبتك..
اياد: انا ماراح ارد عليك لان نفسيتك تعبانه
رهف: ابي امي مابيك
اياد: الحين الساعه 2 الفجر اصبري الين صباح واجيبها لك
رهف لفت وجهها :تيب ..
اياد وقف: تبين شي
رهف: لا مابيك
اياد :طيب
رهف لمى شافته بعد عن السرير خافت: اياد
اياد لف عليها: امري
رهف تناظر في لحاف: وين بتروح
اياد: انتي ماتبيني
رهف: قلت مابيك بس ماقلت روح اطلع
اياد يرجع يجلس على الكرسي قدامها: جلست اوامر ثانيه
رهف: ولا شي بنام
سكر عيونها ولفت وجهها عنه ...
اياد تنهد واخذ عباتها ونام ...
في نفس هالوقت بغرفه كلها ظلام باحد شقق الرياض
.. فيها سريرين والكل نايم ..وبوسط الهدوء رن الجوال..
يرفع جواله ويرد: هلاا شهود.. (بصوت منصدم) شهد وشفيك تبكيين شهد فهميني...
شنوووو رهف سقطت الحمل..
عيوون تحت اللحاف تنفتح:.............
نواف يكمل تلفونه: شهد فهميني ولا تبكين دقيقه خلينا اطلع من الغرفه في ناس معي نايمه(ويقوم من فراشه ويطلع برى الغرفه)
يرفع سعود اللحاف بعد ماطلع نواف ويوقف جنب الباب يبغى يسمع كل شي :............
في صالة الشقه..
: الحين فهميني
شهد وهي تبكي: هذا وحنا رايحين الحفلة حقة هيوف رهف جات ياحياتي توها تعرف انها حامل .. كانت ملاك
المهم جات عبير كلمتها واستفزتها ورهف عطتها كف.. جات عبير دفت رهف على الدرج وراح البيبي
نواف: عبير ذي الي بتاخذ اياد صح
شهد: ايه جعله ماتاخذه الله ياخذها
نواف: والحين كيفها وكيف اياد
شهد: رحنا وهي تحت اثار البنج حبيبة قلبي كانت فرحانه فيه
نواف: الله يعوضها
شهد: نواف انا خايفه عليها
نواف: لاتخافين وهي توها صغيره الله بيرزقها وبتصلح الامور ..بس الي فاك راسي اياد
ليه يبغى يتزوج عليها وليه هي خبت عليه سالفة الحمال ..شهد اذا تعرفين شي قولي انا مقدر
بدخل بالسالفه وبتفاهم معه ..
شهد تصرف: وانا شدراني عنه مخه ..نواف انا محتاجك جنبي تعال لي بسرعه
نواف: ناظري زين قلبي وروحي معك يابعد هالروح
شهدترجع تبكي: ................
نواف: انا جالس اقول كلام حلو ماقول ابيات شعر حزينه عشان تبكين
شهد وهي تبكي: اخاف تسوي لي زي اياد تزوج عليّ
نواف بعصبيه: فال الله ولافالك وجع شهد وش هالكلام
شهد اسكتت منصدمه:..........
نواف الى لان معصب:الووو معي
شهد بهدوء: الحين انت ليه معصب
نواف: لان اكره هالسالفه
شهد: من جدك نواف
نواف: شهد قفلي السالفه
شهد: طيب بقفل عشان تنام ..
نواف: باي ولاتزعلين عليّ ..
سكر من شهد وتنهد ..رفع عيونه شاف سعود قدامه ..ناظر في سعود : فرحان بجسمك راح اللبس بلوزتك
اقرفتني
سعود يروح ويلبس بلوزه ويرجع: وشفيه وش صاير
نواف: مدري انا عن نفسي تايه ..اوووه الساعه 2ونص الفجر
سعود: كاني سمعت اياد وزوجته وش صاير
نواف: وانت شعليك يهمك الامر
سعود يجلس جنبه: جد قول
نواف: ولد عمك طاح بمصبيبه
سعود: وش
نواف: خطب بنت عمتك ..وفي نفس الليله اعرفت زوجته انها حامل وبنت عمتك دفت البنت على الدرج
وراح الجنين
سعود بدهشه: اوووف وش هالحماس وبعدين
نواف: ولاقبلين اياد حاس نفسه حوس تحدى الكل عشانها واليوم بيتزوج عليها..
المصيبه يقول ماجد لي قاله ان شاء الله التحاليل ماتطابق يوم اعلوا خطوبة هو وبنت عمته
سعود: ماتلاحظ انه اياد مريض نفسي
نواف: ايه عنده انفصام بالشخصيه
سعود: اهاا .. ع العموم جعله في هالحال وادرى
نواف بحده: سعـــــود وشهالكلام
سعود: طيب بسكت
نواف: شوف بعد بكره نمشي الشرقيه وابيك تجي معي وتحترم نفسك ولا ابيك تتشمت باياد
وابيك تفتح صفحى جديده معك انتم مهما كان عيال عم
سعود: انا بقوم انام
نواف: شكلي بموت وبتصير يوم القيامه وانتم زعلانين من بعض
سعود: ههههههه يارب يدخل هو النار
نواف: شدعوه انت الي على طول الجنه
سعود: ههههههههههههههههههههه (ويروح له) وربي احبك ياخي انت شي (يرمي نفسه على نواف الى
صرخ ) احبك
نواف يحوال يبعده عنه: بعد بعد حسبي عليك بعد بعد
سعود: موانت زي اخوي عطني حنان
نواف يبعده عنه: بعطيك كفووف على وجهك غبي
ويروح عنه ... وهوماسك جواله ويدق..
$$$$$$$$$$$$$$$$&& &&&
رن جواله وعلى طول رد عشان زوجته ماتسمعه وتجلس من نومها رد بصوت خفيف .. : هلا
: ما نمت !
: لا
: طيب وراك تتكلم بخفيف
:زوجتي نايمه
:طيب ليه مانمت ؟؟
تنهد: كيف انام وانا بمصبيه يانواف احس الهم فاض من عندي ولدي راح وزوجتي ماتبيني
وابوي دق عليّ وسفل فيني ومالي وجه اناظر بأهل زوجتي ..والله مدري وش اسوي بعمري
نواف: انت الي جبته لنفسك .. اياد في احد يسوي سواتك
اياد: تبيني اطلقها
نواف: ماتلام عنبو دارك حتى اربع شهور البنت ماخذت معك قلت لها ابي اتزوج عليك
بالله اسالك انت تحبها ولا لا رد على سؤالي
اياد سكت ماعنده رد او بالاصح مومتاكد من مشاعره ناظر فيها وهمس لنواف: ابيها ماابي اطلقها
نواف: اجل روح صارح عمها واعتذر منه وقبل عمها هي خلها تسامحك
اياد: موراضيه
نواف: خلها عند اهلها كم يوم وانت كلم عمها وقوله
اياد: لالالا مابي تروح عند اهلها
نواف: عشان تهدى الامور يا اخي
اياد: طيب و بعدين
نواف: وزواجك من بنت عمتك انساها
اياد: اكيد بنساها ..بس كيف اقنعها تجي معي ولاتقول لـ اهلها الي صار لها؟؟
نواف: مدري ..على العموم انا بجي الشرقيه بعد بكره
اياد: تكفى لاتجي الا معك حل لي ما ابي اطلقها ابيها ..
نواف: الله يصلح الامور
اياد: اميين
نواف: يلا تصبح على خير
$$$$$$$$$$$$$$$$&& $$$$&&
بعد هاليوم المتعب جا يوم جديد ..
رن تلفون البيت في الظهر ..
احمد اخو رهف يرفع التلفون: الوو
:احمـــــــــد وحشتني
احمد: من رهوووف
رهف: ايه انا رهف احمد اشتقت لك
احمد: يرجك ربي ويينك انتي
رهف: انا بالمستشفى (تغيرت نبرتها) اشتقت لك
احمد: بالمستشفى شسوي
رهف: انا سقطت
احمد: ليه انتي حامل
رهف: كنت
احمد: ماعليك تتعوض تبين امي
رهف: تعال انت وامي عندي
احمد: لايكون انتي منومه بالمستشفى
رهف: ايه
احمد: شنووووووووو وليه ماقلتي لي
رهف: تعال بسرعه
احمد: اي مستشفى
رهف: دق على اياد ويقولك وناد عمي علي ابيه ضروري
احمد: طيب الحين نجيك ... زوجك معك
رهف: لاراح يغير ملابسه بيتهم ..
احمد: ثواني ونكون عندك ..
$$$$$$$$$$$$$$$$$$ &
وصل البيت وهو يجر رجله جر يحس انه مخنوق بلاوي على راسه اخذ اجازه من دوامه 3 شهور..
قبل مايدخل البيت دق جواله .. علي يتصل بك .. ناظر في الجوال " سويت كل شي عشانك وفي نهايه
كل شي جا على راسي.. " رد وهو مسلم امره لله : الو
علي: حيلك حيلك ترى الدنيا ماتسوى
اياد" شكلها ماقالت له": شخبارك
علي: بخير الله بيعوضك بس قول بنت اخوي باي مستشفى
اياد: انت مارحت لها
علي: لا يلا قول
اياد: مستشفى؟؟؟؟؟؟؟؟ غرفة 177 الدور 4
علي: وشفيك متضايق
اياد: على زوجتي بالله ياعلي لاتزعل وسامحني وماصار كل شي الا عشانك انا اغليك واعزك وانت فاهم
علي: شسالفه
اياد: لارحت عند رهف بتفهم يلا مع السلامه .. سكر منه بدون مايسمع رده ودخل البيت ..
واستقبلته امه: انت جيت يا مسود الوجه
جواد: انت تدري انك مولع الكل عليك وش هالبال الي سويته
ام نايف توقف: اجل انا تصغر وجهي قدام عماتك وحريم عمامك وفوقهم ام نواف ..الحين وش يقولون
عنا غير ناس نصاابه وكذابين هذا سوات سويها فينا ..
اياد: انا بصعد غرفتي
ام نايف تروح تمسكه من يده: وقف لمى اكلمك رد عليّ ليه سويت كذا ليه كذبت علينا
اياد: قدرت الله وحكمته واتركيني ابي اروح اشوف حالي بروح لها
جواد: لك وجه تشوفها
اياد صرخ صرخه : انــــــــــت مالك شغل محد له شغل فيني انا وزوجتي حرين لحد يكلمني
ام نايف من الخوف ارجعت الى ورى :...........
اياد ترك الصاله وراح القسم حقه ...
$$$$$$$$$$$$$$$$&& $$&&
عبير في غرفة نومها: اكيد زعل عليّ
نجلاء: لا ماتوقع
عبير: اجل ليه ماجو رسمي يخطبون
شمايل: والله عقولكم تافهه ..رايح عليه ولد وانتم تقلون بيخطب ولا لا
عبير: يمكن بنت اصلا هي بشهورها الامور مايوضح ولد ولا بنت
شمايل: ولا ولد ولا بنت الزبده ان راحوا
عبير تلف على نجلاء: احيانا احبها واحيانا اكرها كره موعلى بشر انقلعي من وجهي شموول
نجلاء: وشفيك عصبتي هدي ياختي
شمايل: انا بطلع بروح عند ليان
عبيربعد ماطلعت شمايل:والحل يانجوول
نجلاء: اصبري دام انه قال يبغاك خليه يخلص من سالفة رهييف التبن وبيجيك
عبير ابتسمت: عدل كلامك واصير حرم الدكتور اياد
نجلاء: هههههه واخيرا جاك حبيبك ههههههههههه
عبير: يلا خططي على حد
نجلاء: اسفه انا لو بختار مابي بز ابي واحد ناضج وكبير كذا عمره 30 او31
عبير: ليه فاقده حنان الجد حبيبتي عمرك ثلاث وعشرين وتاخذين كبر جدك
نجلاء: مافي فرق واجد بس سبع سنوات
عبير: فكينا عشان يصير غيور ويطفش
نجلاء: شدعوه اياد الفرفوش على فكره هواللي لبس زوجته عباته الراس سمعتيها ذاك اليوم
عبير: ينقلع بس اصلا لااخذته لاانسيه اهله
نجلاء: نشوف
عبير: بدق يجبون لنا حلا
$$$$$$$$$$$$&&
في المستشفى..
علي بدهشه:انا مومصدق بصراحه اياد سوا كذا
ام احمد: ماعاد ترجعين له ابد (تلف على علي) كلم خويك وقله ان ماعندنا له حرمه ابد
احمد: وانتي ليه ماتكلمتي من اول كذا ليه الحين تتكلمين
رهف: خفت والله خفت
احمد: متى بتطلعين
رهف: يمكن بكره
علي:اليوم بالليل انا سألت انا بجلس برى
ام احمد: خلك
علي: لا عشان تكشفين وبعدين انتظر زوجها
احمد: اجل بروح معك
علي: ان جيت بتصير هوشه خلني اتفاهم معه
ام احمد: وقله مابيه لاحنا ولا رهف
رهف: عمي قله يطلقني مابيه
علي يتنهد: ان شاء الله
وطلع من الغرفه .." ليه يااياد سويت كذا دمرت البنت مالي وجه اناظر اخوي بواحمد بسبتك" جلس على
الكرسي مهموم وحزين على بنت اخو ..
$$$$$$$$$$$$$$$$&
: من طلع امس ماجا الا اليوم تروش واخذ ملابسه وقدام عينك طلع ماله خلقنا ابد
تتنهد: ماينلام زوجته يايمه زوجته انا الي مودايم معها وفاقدتها يمه رهف طيوبه وتنحب حيل
ام نايف:بس مويعاقبنا كذا صارخ عليّ وانا امه مااحترمني كاني انا الي قلت
ماتجيب عيال موهو ..يكذب ويزعل علينا
اريج: ليه يصارخ اسم الله عليه
ام نايف: مدري عنه ..
ينفتح باب القصر وتدخل من نوال وعيالها ..:السلام عليكم
ام نايف واريج:وعليكم السلام
نوال: مارحتوا لرهف
ام نايف: مالي وجه اناظر فيها
نوال: شلي مالك وجه الحين امها بدق وبتعاتب بتسوي سالفه جد يمه لاتفشلونا خلونا نروح
اريج: انا عن نفسي ودي اروح
ام نايف: اخاف رهف قالت كل شي لهم
نوال: هذا اذا ماطلبت الطلاق بعد ..اقول خلنا نروح ونهدي الامور
ام نايف: انا ماعرف ولا اقدر استحمل اخاف يغلطون على ولدي ..ساعتها بتصير هواش
اريج: يمه عن الاعذار الي مالها داعي خلينا نروح لها
ام نايف: طيب
نوال: تبين تكسبينهم كوني حقانيه ولدك غلطاان
ام نايف تصرف: انا بروح اخذ عباتي وخلونا نمشي
$$$$$$$$$$$$$$$$&&&
في المستشفى ..
:علي
علي رفع راسه: اهلا اهلا شرفت حظرت جنابك
اياد يحط الاكياس على الكراسي: علي افهمني
علي يوقف: وش افهمك وش بتقول ؟؟!!.. خاف ربك البنت توها صغيره 20 ماكملتها وانت ذوقتها الويل
اياد: يا علي افهمني ترجييتك
علي: افهمك!!.. تكذب على الكل وتقول ماتجيب العيال وتروح تخطب ولاتقول لنا شي..ولا فوق كذا
مخليها لعبه الكل يهاوشها واخر شي سقطوا الجنين
اياد :محد يقدر يسوي لها شي .. بوجودي هم قالوا انهاطاحت على درج
علي: وماسالت من الي مطيحها .. اترك هذي السالفه كيف تتجرء وتقول عن بنت اخوي ماتجيب عيال
كيف تفكر تتزوج عليها.. ياخي بنات الناس مولعبه عندك
يفتح باب الغرفه ويطلع احمد منها: ولك عين جاي هنا بعد
اياد :انا جي لزوجتي
احمد: والله لو موحنا بمستشفى كان نظفت البلاط بوجهك
اياد: احمد ماله داعي التجريح
احمد: وين رجولتك ولا بس مراجلك تطلع على اختي
اياد: احمد الفاظك
علي: ليه بعد ناوي على اخوها يااياد
احمد: اطلع ..انقلع من هنا ورجا قبل ماتطلع طلقها
اياد: طلاق ماني مطلق (ويروح عنهم)
*
×
*
في نفس الوقت وصلت ام نايف وبناتها المستشفى .. وراحوا بعد ماسألوا وين غرفتها..
ام نايف طقت الباب وادخلت: السلام عليكم
ام احمد من دون نفس: وعليكم السلام
رهف: وعليكم السلام حياك يمه دخلي
ام نايف تبوس راسها: يمه شخبارك؟؟
رهف: الحمدلله زينه
ام نايف: اخباري زعلانه على حالك وفشلانه من ولدي
البنات سلموا على رهف واجلسوا جنب امهم ماعدا اريج جنب رهف ..
ام احمد: اسمحيلي ولدك مايستاهل بنتنا
نوال تظغط على يد امها: معك حق اياد وحنا شنو بيدنا هو قال كلمته بنتك الله يهداها جارته في كذبته
والي صار بيتصلح ان شاء الله صح يمه
ام نايف: ايه صح
اريج: فقدتك اليوم رهوف تغدا عنك اياد
رهف: لا
ام نايف: ولاتغدا عندنا ..هالولد اطباعه غريبه
لمياء: رهف موموجوده مايعرف ياكل هههههههههه
رهف ابتسمت :.........
ام احمد جالسه تناظر فيهم بعتب :...........
ام نايف: لاتزعلين منا حنا مالنا ذنب ياام احمد
ام احمد: موزعلانه بس ابي تطلع بنتي من هنا وتجلس عندي كم يوم
ام نايف: لك الي تبينه بس مااطول كثير عشان تنور البيت
ام احمد: خطيبت اياد بتنوره
ام نايف: لا .. دام رهف احملت يعني تجيب الولد لها مولغيرها
ام احمد" هذا وجهي ان شفتي بنتي ": خلاص بس زي ماتفقنا بنتي تجلس عندي كم يوم
ام نايف: ان شاء الله
لمياء :ترى بنشبلك
رهف: حياك
اريج تهمس : اياد حالته حاله من امس
رهف تلف عليها: شخبار عيالك؟؟
اريج ابتسمت وقرصت خدها: صرفي زين ههههههه
والكل يتروع من فتحت الباب ..
$$$$$$$$$$$$$$$$&
في بيت الفيصل ..
في المكتب..
الفيصل واياد جالسين ..
: وش الحل ياجدي
الفيصل: ياولدي ماعندي حل انا كل ماسألك سؤال ماعطيتني رد
اياد: هي ناويه على الطلاق وانا مابي اطلاق
الفيصل: هذا جدتك عمته دلال وزوجة ولدعمك ماجد معاهم راحوا ان شاء الله يطيبون خاطرها وتنسى
الطلاق ..
اياد: عمه واخوها كلموني انا ماكلمتها..انا مدري شرايها هي
الفيصل: ماعليك خل تهدء الامور ويصير خير ..بس الحين فهمني ليه انت قلت عنها ماتجيب عيال
بدون كذب
اياد:...........
الفيصل: دامك ماتبي تجيب منها عيال ياولدي ليه تزوجتها كان اخذت عبير وفكيتنا من هالشوشره الي صارت
اياد: انا ابيها
الفيصل: تبيها ولا تبي تجيب منها عيال شلون تصير اياد انت صار بعقلك شي
اياد:..........
الفيصل: لا تسكت قول الي بقلبك واوعدك مايطلع لـ اي مخلوق حتى جدتك
اياد: وش اقولك يايبه
الفيصل: تكلم صدقني ما راح اقول لحد
اياد سكت وناظر جد " انا اخذتها استر عليها ومافضحها ..سامحني يارب انا صرت كله اكذب"
: من تزوجتها مافي يوم قالت احرم عليك يوم شفتها كذا قلت اكيد ماتجيب عيال ..وهي اكدت
على كلامي ولاعارضت
الفيصل شك بكلامه: طيب انت الحين خلها تروح عند اهلها كم يوم بعدين رح انت وابوك طيبوا خاطرهم
اياد: وعبير وام جهاد
الفيصل: خلهم معليقن ان رهف جد عافت واصرت على الطلاق اخذها وان رضت يزعلون يومين ويرضون
اياد : الله يقدم الي فيه الخير
$$$$$$$$$$$$$$&&
افتحت الباب بقوه ادخلت ..
الجده مزنه ودلال وهيفاء: السلام عليكم
الكل رد السلام..
الجد مزنه تروح جهة ام نايف :وخري بجلس مالت على ولدك (تجلس وتناظر ام احمد) ياختي هالحريم
ماعندهن سالفه مايفهمن اولادهن زين ..اجل في رجل عنده حرمه كذا يبغى يعرس عليها ..ماعليك منه
يا بنتي انا جلدته لك بالعصا وعرف ان الله حق .. وذيك العنزه الشارده لك من يربيها
اريج تهمس لرهف: راح اخوي فيها
رهف"جزاه واقل من جزاه": يستاهل ..(لفت على الجده مزنه) نورتي الغرفه يمه
الجده مزنه: النور نورك
ام نايف: يلا اجل انا استأذن (تبوس رهف) لا تنسيني وربي عادتك من بناتي والي صار موعاجب احد
ولك طيبة الخاطر يا رهف
رهف: الله يخليك لي
ام نايف: يلا مع السلامه (والكل طلع )
هيفاء تجلس مكان اريج جنب رهف تهمس: جايه الطيب خاطر ذاك حده متضايق
رهف: خله يستاهل ..اصلا مومتضايق على شاني فشلان انه طلع كذاب قدام الكل
هيفاء: يووه يارهف ماجد ذبحني اياد متضايق اياد متحسف واياد واياد راسي صدع منه
ام احمد: شخبار امك هيوف
هيفاء: الحمدلله زينه
ام احمد تصب القوه لـ الجده مزنه: سمي يا ام جابر
الجده: الله يسم عدوك
دلال: اهم شي موولد اخوي العدو
ام احمد: شدعوه مهما صار نبقى اهل وزين الاخوان
الجده: عين العقل كلامك (تلف على هيفاء) خذي وحطيه على الطاوله (تلف على دلال ) صح الي تقوله ولا لا
دلال: ايه ..اصلا انا كلمت ولد اوخي وهو متحسف على الي صار فشلانه يناظر فيكم ولا في رهف
الجده: اقولكن ظربته بذا العصا
هيفاء تهمس: ماشاء الله كل وحده تقط صاروخ اكبر من الثانيه
رهف ابتسمت : حسيت اجل اياد ينظرب
هيفاء: مشي ياختي
$$$$$$$$$$$$$$$$&& $$&
في الرياض..
بالليل .. في احد مطاعمها الراقيه..
سعود: نواف كيف بتروح الشرقيه ويوم السبت الاجتماع
نواف: بروح الاربعاء الظهر وجمعه العصر نمشي
سعود: ماني رايح
نواف : لا حبيبي بتروح وبتوقف مع ولد عمك زي عيال عمامك كلهم .. وبتفتحون صفحه جديده
وغير هالكلام موصاير
سعود: نواف قلت لك لاتقلقني خلاص اسكت
نواف: بجلس ازن على راسك وراسه الين اخر يوم لي بهالدنيا واذا يأست منكم بصفطكم ولا بكلم احد
فيكم وخلكم كذا بدون نواف
سعود: دخيلك ميت عليك انا
نواف وقف:........
سعود: وين
نواف: توك تقول موميت عليّ
سعود: زعلت
نواف: ايه يلا اعتذر
سعود: اسف
نواف يجلس: مشكله الي يماشي بزر زيك
سعود وهويشرب عصير اسف جدوو
نواف:هههههههههه احس لا تجمعت انا وانت وماجد واياد الجلسه بتطلع شي وربي
سعود راسه على يده: احس لو تسكر هالموضوع بتصير الطلعه معك رووعه
نواف: جهز نفس الاربعاء بس
سعود يكمل اكله: يصير خير
$$$$$$$$$$$$$$$$$$ &&&
بعد مرور يومين..
شهد اطمن نواف على الاوضاع وهي فرحانه على جيته لها..
رهف طلعت من المستشفى ورحت بيت اهلها ..ومصره على الطلاق .. وعايلة الفيصل رافضين طلبها
اياد من بعد ماخذ الاجازه حابس نفسه في بيته .. واغلب يومه يقضيه في القسم حقه
ماجد ونواف ..مقهورين على حال صديقهم اياد .. ولا عارفين وش الحل معه
عبير حاولت كذا مره توصل لـ اياد بس مافي اي محاوله انجحت معها ...
سعود فرحان على اياد وشمتان فيه .. وكل ماقاله نواف عن اياد شي قاله" جعله فيه الحال واردى"
اليوم يوم الاربعاء ..
على الساعة ثلاث ونص
رهف انبطحت على الكنب الي بصاله لفت على الصوت الي جالها: فرحانه على حياتك
رهف كشرت: كريمه مالك دخل في حياتي ابد
كريمه : دامني اختك الكبيره لازم انصحك
رهف: شكرا مالك خص فيني
كريمه: على فكره لا تطلقتي انسي زيارات عند فلانه وعلانه خصوصا الي ماخذه من بيت اهل طليقك
رهف: كريمه حبي ريحينا بسكاتك حياتي تيب
كريمه:احترمي نفسك موعاجبك انقلعي على بيت زوجك دام انكهنا لاتجيبين علينا الكلام
رهف: مالت عليك زين (وتعطيها ظهرها) انام ابرك لي
كريمه:روحي نامي فوق
رهف: اوووووووووف انتي لو ماتجين بيتنا اريح
وتصعد غرفتهاوهي معصبه ... سكرت باب غرفتها بقوه .. وراحت انبطحت على سريرها .. رن جوالها
ردت بدون ماتشوف: هلا
: وشهالاخلاق الخايسه هاااه اعتدلي معي يا غبيه لا بنعال اخوي ضاحي
رهف: اسفه بس مولعت من الي عندي كريمه
شهد: نواااااافي بيجي خمس ونص بيجي عندي وااااااي فرحاانه رهووف
رهف:الله يوفقك متى طلع من الرياض
شهد:حول وحده ونص.. رهف من جد ناويه بتطلقين ذاك مقفل جواله ولا احد يدري عنه
رهف:مدري بس مابيه
شهد: انا اقوله خليه يتعذب شوي يحس انه جد فقدتك وغلط بحقك ..لان اخر مره كلمه نواف قال ابيها
ومابي غيرها
رهف : يبيني ويعذبني شهد طلبتك سكري السالفه وربي تجرح القلب
شهد: باااااارك لي بصير خاله زيك
رهف: منيره حامل
شهد: ايه ضاحي اخوي فرحان تدرين انه راح الرياض اليوم
رهف: هههههههه الله يخليه لكم
شهد: امين رهف طلقي واخذي ضاحي تراه حده مزيون هو يشبه عتاب وفطومه شوي بس ماعليك تراه
جميل
رهف: ههههههههههههههههههههه انطمي انا شفته وربي مافيه شي
شهد: عين على اخوي العازب ادري
رهف: لا اصلا اياد كرهني بالرجال كلهم
شهد: ماعليك اصلا مدري على ايش فرحان بروحه مليق وسامج ابيض وعيونه خضر وييييييع
خذ ضاحي صاحب عيون السواد عريض المنكبين وخقاقي الوجه
رهف: هههههههههههههههههههههههههههه شهد حياتي حيل متحمسه
شهد: مومني نوافي بيجي
رهف: شنو بتلبسين
شهد: مدري
رهف: البسي فستان
شهد: ناويه على حمال انتي
رهف: ههههههههههه لا نواف عاقل
شهد: اللبس جلابيه
رهف: ليه بتسوين له خليجيه
شهد: مابي فستان احس اصير خكريه
رهف: شهد حبيبتي ترى مافي رجال يحب العرابجه حلات البنت انثى
شهد: من قال اصلا اخوي ضاحي يحب البنت العربجيه
رهف: ياشيخه انتي واخوك ناس قاضيه وخالصه
شهد:هههههههههههههههههه هييه بنت هذا اخوي
رهف: الزبده تلبسين فستان وياويلك ان لبستي غير كذا
شهد: اووف طيب
رهف: حطي ميك اب كاامل
شهد: رايحه عرس انا ..كحل وروج وخلاص
رهف: حكل وروج وبلاش و كل شي
شهد: طيب عمتي
رهف: الله يوفقك يلا روحي اجهزي عمرك وانا بنام
شهد: غريبه انتي ماتحبين نومة العصر
رهف: من الطفش ماعندي شي ..
شهد: الله بعوضك ان شاء الله
رهف: روحي جهزي صارت اربع الا ربع وانتي تقرقرين فوق راسي
شهد تشهق: من جد يلا بااي ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك