رواية بعد كذبك لا ترتجي مني نظره -35
ماجد: اكلمه يقول مشغول ماني فاضي
هيفاء: ايه موفاضي بيروح يشوف بنت حلوه
ام ماجد: اي والله من جد حلوه ماشاء الله عليها
ماجد: ودامها حلوه ليه ماخطبتيها لي
هيفاء تظربه بالمخده: ليه مومايله عينك انا
ماجد يناظر فيها: يلا تمشين الحال
هيفاء تناظر امها: يمــــــــه شوفي
ام ماجد: امجيد اعقل الحرمه حامل وهالزعل موزين لها
هيفاء تقوم تجلس جنبها: جلعني فداك بس الله يخليك لي
ام ماجد:حبيبتي والله.. مدري وش سوى الحين اياد
ماجد ببتسامه على جنب: دام البنت حلوه اكيد بيطول السالفه
هيفاء: انا اعرف واحد شاف زوجته طلع لها لسااان هالطول
ماجد يحط الشاهي على الطاوله: بالضبط انا بعد اعرف وحده اول ماشافت زوجها طلعت الوجه الحقيقي
هيفاء:هههههههههههه في عينك
ام ماجد: تعالي رهف عندها خوات
هيفاء: ايه
ام ماجد: في وحده تناسب لمطلق
هيفاء : لا هي فيه بس كبره بالظبط ..انا اقول عندي خويتي شهد كبري وتناسب له
ام ماجد: بيضه ولا سمرا
هيفاء تهمس لها وتناظر ماجد: بيضه وحلوه كثير بعدين اكمل لك الوصف شوفي عيون ولدك
ام ماجد تناظر فيه: قم
ماجد: وين
ام ماجد: عندنا سوالف حريم ماتقوم
ماجد: طيب (ويقوم)
$$$$$$$$$$$$$$$$&& $$$$$$
..رهــف..
لبست الي قالت لي زوجة عمي بس ماسوت شعري زي ماقالت استشورته وخليته سايح وحطيت غرتي
على جنب هي وشعري كله ونزلت راسي وخلت اخوي يمسكني ..
انا متعوده اشوف الرجال اكشف واستهبل ..واتصنع الحيا ..بس هاليوم غير احس من جد اني فرحانه
وخجلانه حيل ..
دخلت المجلس وانا اشم ريحة عطره .. ذكرتني بسعود كانت نفس ريحة عطر ..حسيت بحزن وقلبي عورني
بس نفظت هالمشاعر من قلبي وجلست على اول كنبه وانا لحد الحين ماسكه يد اخوي
قال لي اخوي :وشفيك جلستي تعالي اجلسي هناك
واشري على كنبه قريبه من اياد.. مدري ليه مت من الخجل وهمس له :لا
قام عمي عندي ومسكني وقومني وجلسني جنبه على الكنب قريب من الكنب الي جالس اياد فيها
لف عمي عليه وقال له: صل على النبي قلت لك البنت ملكة جمال
ابتسمت وانا منزله راسي وطقيته على رجله ..صج فاضي انا متوتره وحالتي حاله وهوجالس يتغزل
نفسي ارفع عيوني ابي اشوفه ..عن قريب المره الي فاتت بس لمحه بس موقادره مستحيه
وجلست ارتب في شعري مدري ليه مستحيه ماابي يشوفني مستحيه منه حيل.. بس خلصت مسكت
يد عمي ليه مسكتها مدري بس احس بأمان كثير
*
×
*
..ايــــــاد..
جلست اناظر سخافاتها ..مسويه فيها مستحيه ..وحاطه شعرها على وجها موشايف غير شفايفها
لابسه فستان نص ساقها مطلعته ..اول مره اشوفها فاصخه لي بعد الملكه وش بتلبس ..صج الي استحوا
ماتوا..
عدلت جلستي وتكيت يدي على التكايه (او المركى اذا في مسمى اخر مدري الزبده نهاية الكنب حط يده)
وناظرت فيها معني ماشوف غير شعر وشفايف بس ..ابتسمت على جنب وقلت: شخبارك رهف..
كلمت عمها ورد علي بخباله: تقول لك بخير وفرحانه حيل لانه شافتني
شفتها ضحكت وحطت راسها على كتفه وهي تقول اسمه بدلع مااصخ وربي لايعت كبدي منها..كل شي اكره
صاير فيها ..مدري الاخت مفكره نفسها هيفاء وهبي على هالمياعه..
*
×
*
(نرجع الى القلم)
علي يلف على رهف:يلا قولي شخبارك؟
رهف وهي الى الان منزله راسها: اخبارك؟؟
اياد" يااعيني بمووت انا ..مالت عليك": الحمدلله .. انتي تشوفيني من هالشعر
علي ببتسامه: تستحي
احمد: رهف رفعي شعرك
علي يرفع شعرها ويرجع يطيح :وااااو..ماشاء الله
اياد "ولا وحارقه شعرها استشوار" ابتسمت: من الي مفروض الحين يصلي على النبي
علي: هههههههههههه اللهم صلي عليه وسلم
اياد: ايوه كذا..قولي يارهف انتي اي سنه بثنوي
علي: اخر سنه
اياد: ابي اسمع منها اسكت
علي: ان شاء الله عمي (يلف على رهف) والله ماياكل احد فكي عني شوي ورفعي شعرك
رهف تبعد شوي وترفع شعرهاوالى لان منزله راسها: انا اخر سنه في ثانوي علمي
اياد :شنو تبي غير المهر والشبكه
رهف: ولا شي
اياد: عمك اكيد قالك عن سلبياتي واجابياتي
رهف تلعب بالخاتم الي في اصبعها: بس قال انك عصبي " ياربي شفتي توتر .."
اياد: تبين خطوبه؟؟ ..
رهف: براحتك
اياد: انا اشوف الخطوبه تصير علشان الواحد يشوف خطيبته وانا شفتك مالها داعي
رهف: الي تامر
اياد: حلو بعد شهر الزواج
رهف تشهق وترفع وجهها وتناظر فيه: ايش
اياد يخز فيها: وشفيك تشهقين قلت شي غلط
رهف تنزل راسها بسرعه وتقص عمها:.............
علي يظرب يد رهف بخفيف: سلامتك.. شلي شهر مايمدي تجهز عمرها
اياد: خلاص شهرين
رهف:بيصادف شهر عسل ايام الاختبارات النهائيه
اياد" تخسي وربي اسفرك يخب عليك البر انتي" : اي مومشكله بعد الاختبار نسافر وناخذ لنا شهرين
رهف:تيب..
اياد: وين عمي ماشفته
علي: عمك بالدوام وشتبي فيه
اياد:عشان نحدد الملكه
رهف تقوم: عن اذنكم ..(وتقوم بسرعه تطلع وهي يدق قلبها بقوووه)
استقبلتها زوجة عمها ولاء..: هااه بشري حلو
رهف ترجف: اسكتي مدري وربي ماشفته الا لمحه ابي اشوف له صوره.. صوته حلو
ولاء: ههههههههههههههه وبعد
رهف: ابي اجلس وربي شوفي كاني ارجف(وتجلس وتشرب مااي)
ولاء: سويتي الي قلت عليك
رهف: واللعن بس وربي مااتصنع طالعه كذا ..ياعمري ياعمي اخذ مني قرصاات الين ماقال بس
ولا لمى جلست وقالي اخبارك لفيت على عمي وقلت له قول له اني بخير
ولاء: ههههههههههه مرسال غرام زوجي
رهف: هههههههههه لا موكذا السخيف قال تقول لك بخير وفرحانه انها شافتك ..
ولاء: هههههههههههههههههههههه وش سويتي
رهف: حطيت راسي على كتفه وقلت له عمــي خلاص صايره هناك حليمة بولند على هالدلع
ولاء: ههههه الله يرجك ..
رهف مبسوطه والفرحه موسايعتها والدنيا في بيت بو نايف مقلوبه والاجواء متوتره والصراخ في كل مكان
بصراخ: دامك ما تبين بنتي ..تقولين لــ عبير اياد لك هااه ليه
ام نايف :متى قلت الله يهداك اذكر الله يا ام جهاد
جواد ينزل من الدرج بسرعه :وش صاير؟؟
ام جهاد: تعـــال وشوف سوايه امك واخوك في بنتي عبير
جواد: ليه وش مسوين
ام جهاد لان الى تصارخ وهي معصبه: خطبتوا بنتي وفي النهايه ..رديتوا في كلمتكم ورحتوا خطبتوا وحده ثانيه
جواد واقف على بداية الدرج:متى خطبنا بنت يا عمه انتي الي قلتي وحنا لا قلنا لا ولا ايه
ام جهاد: عن الكذب انتم قلتوا ايه امك قالت (تلف على ام نايف) قلتي ولا ماقلتي
جواد: غلطه وسامحينها
ام جهاد: بعد ايش بعد مانتشرت السالفه انه عبير لـ اياد ..الحين الناس اكيد بيقولون ان بنتي فيها شي
ولا كان ولد خالها اخذها مالت على ولد خالها عمي العين والقلب
ام نايف: ام جهاد وشفيك داخله بيتنا وتدعين على ولدي ..
ام جهاد: شنو تطرديني من بيتي ياسهيله ناسيه نفسك ولا تحبين اذكرك
ام نايف: ابوي زي ابوك ام جهاد انا الى الان محترمتك عشان انك اخت زوجي وعمة عيالي
ام جهاد تصفق: ايوووه طلعي على حقيقتك قولي من زمان ماتبين بنتي ..بس الحمدلله مااخذتي بنتي
والله ما الوم حريم عيالك مايطبون بيتك من فعايلك .. عقرب رمل طلعتي
اريج: عمتي وشفيك قلبتي على امي خلاص اذكري الله
ام جهاد تفتح باب القصر: ذاكرته قبل ما اشوف وجهك انتي وامك (وتطلع وتسكر الباب بقوه)
جواد: اعووووووووذ بالله حشى جات خمس دقايق وشالت البيت فوق تحت
اريج: حشى شهالعمه يايمه
ام نايف: الله ياخذ ابليسك يا اياد يوم قلت تبي هالرهف
اريج: هذا بدال ما تعدين له بتوفيق تقولين له كذا
ام نايف: صارت مشاكل هذا مابعد نملك وصار كذا شلون اذا ملكنا
جواد: جدي مابيسكر اكيد بيهجدها
ام نايف تجلس :نشوف ..وهذا ماصارت يشوفها بيأذن المغرب الحين
$$$$$$$$$$$$$$$$&& $$$$&&
في الليل ..
في القسم لحالها زوجها مع اخوياه وهي جالسه لحالها فوق .. الاستفراغ معذبها طلعت من الحمام
وكان جوالها يرن بشكل مستمر .. ارفعت التلفون وبتعب قالت :الوووو
جاها صوت رجالي: هيفاء
هيفاء بخوف: منو انت
$$$$$$$$$$ $$$$$$$$$$ $$$$
توقعااااااتكم .. ^_^
منو هالاتصال الي جاي في هالوقت ؟؟
وجد شهد بتخطبها ام ماجد؟؟
اياد بيقول لرهف انه يعرف عنها كل شي ولا بيسكت؟؟
الفيصل وش رده على جية بنته لبيت ولده ؟؟
اياد تتوقعون بيزعل عشان عمته زعلانه ؟؟
اتصاااااال لرهف من منو ؟؟
..&&"..{الـــبارت الثــلاثــون}.."&&..
ــــــــــــــــــــــــــــــــــــــــــــــــــ ـــــــــــــ
×*|| الفـــصــل الاول ||*×
في الليل ..
في القسم لحالها..وزوجها مع اخوياه وهي جالسه لحالها فوق في قصر كبير..الاستفراغ معذبها طلعت
من الحمام..وهي مكشره من التعب ..الامومه حلوه بس تعب الحمل موحلو ابد..لفت على الطاوله الي فيها
الجوال يرن بشكل مستمر ..
ارفعت التلفون وردت :الوووو
جاها صوت رجالي: هيفاء
هيفاء بخوف: منو انت ؟؟
: من انا تستهبلين انتي وخويتك
هيفاء قلبها يرقع بقوه " يارب موسعود": منو معي؟؟
:انا سعوود ياهيفاء انا سعووود الي ترجيتي عشان تاخذين رقم ماجد ياهيفاااء ولوو ماعرفتني
هيفاء صارت مثل الجماد بس عيون تتحرك وقلب يدق بقوه :...................
سعود: انا مالي دخل فيك وانا لعند وعدي بسكت وماراح اتكلم عنك ..بس الحماره رهف ترجع لي
لا الصور توصل لــ اياد ولا بعد كروتها وهدايها وكل شي ..
سمعتي ترجع لي امممم او على الا قل ترفضه..شفيك ساكته مصدومه اي صح مبروك الحمل ..
(سكت شوي وبعدها رجع تكلم) ادري بتقولين من وين طلعت رقمي ..
هذا انا يامحبوبة ماجد كنت ادور على نظارتي الشمسيه في سيارتي وانا ادور لقيت الشريحه الي اعطيتها
رهف ومن حس الحظ مافيها رقم سري ودخلتها ولا اشوف ارقام ومن بينها انتي..
ع المعموم سلمي عليها وقولي لها الكف بيرد بس بطريقه ثانيه ..وتنسى اياد..
تبي تزوج تجيني معني ماتزوج وحده زيها..او اي واحد بس اياد لا .. ويلا سلام (يسكر)
هيفاء نزلت الجوال من اذنها وهي على حالتها مصدومه ناظرت في الرقم بس يطلع عندها الرقم خاص ..
سكرت عيونها وهي خايفه كل الاحتمالات جات في راسها ..
فضيحة رهف يعني فضيحتها .. فتحت عيونها على الاخر"ماجد ان حس بيطلقني وولدي بيعيش بدون اب
..ياربي وش هالحظ اول حب مات والحين بطلق ..والله اموت ان راح ماجد ..يارب على منو ادق على منو بس"
رفعت التلفون ودقت على رهف ..
رهف بفرح: هيووووف يوم الاحد بملك في الليل واخيرا بتزوج واحد غني تخيل يقول بعد الاختبارات
بنسافر وبناخذ شهر العسل شهرين ونااااسه هيوف
هيفاء تمسح دموعها الى قامت تنزل من الخوف: اسمعي الحين تروحين وتقولي لــ امك ماابي اتزوج
رهف تعقد حواجبها: شسالفه هيفاء وشفي صوتك؟؟
هيفاء تظرب على فخذها: مابيمرعلى زواج يوم والثاني يوم مطلقه وانا وراك
رهف ترفع صوتها:هيوف وشفيك؟؟
هيفاء: سعوود ..سعود داق عليّ ويقول الكف بيرد بس بطريقه ثانيه ولا ويرسل لك سلام ويقول لك
ارفضي اياد ولا صورك بترسل لـ اياد ..طلع كلامي انا وشهد صح ولا لا
رهف تشهق: وش اسوي يوم الاحد الملكه ..بعدين تعالي اي صور الي يتكلم عنها انا ماعطيته صور
هيفاء:ادري انه نصاب بس خلصينا .. ارفضي الزفت اياد ولد عمه
رهف :وش اقولهم ماراح يرضون ..
هيفا: والله هذي مشكلتك..صرفي عمرك.. دقي رجلك بالارض وقولي ماابي ..انتحري سوي اي شي
تدرين انو شهد مخططه امي ام ماجد تاخذها لمطلق..والله يارهف انتتطلقت ماني محللتك ..بتحرميني من ماجد
وبتحرمين ولدي او بنتي من حنان الاب..وشهد بيجي عليها الكلام بعد
رهف: وانا شدراني ان سعود بيسوي كذا
هيفاء:من غبائك ..عنبو دارك تبين واحد غني خذي من هالخرفان الي تكلمينهم ..مو ولد عم واحد تعرفينه ..
تعرفين ان درى اياد بيقوم الدنيا ..واكيد ماجد بيقول انتي نفس خويتك ويلا على بيت اهلك
رهف:طيب طيب لاتزعلين خلاص انا بكلم عمي وبقول له ماابي
هيفاء: طيب بااي..(وسكرت منها ولفت وجهها على جنب لمى سمعت الباب يسكر )
ماجد دخل وقف مندهش:وشفيك
هيفاء على السريرجالسه وتبعد خصلات شعرها عن وجهها:ولا شي بس مضايقه
ماجد جلس جنبها :هيفاء وشفيك
هيفاء تاخذ منديل وهي خانقتها:قلت له مافيني شي خلاص عاد
كانت بتقوم بس ماجد مسكها: اجلسي وقولي وشفيك؟؟
هيفاء ترمي على صدره وتنهار تبكي: ماجد انا احبك والله احبك لاتتركني ولاعليك من كلام الناس..
انا احبك انت ولا ابي احد غيرك
ماجديمسح على ظهرها: هيووف ماعليك من كلام عماتي اصفطي اكيد وحده من عماتي ضايقتك خلاص
انا احبك وماراح اتركك..خلاص موزين لك انتي وحده حامل.. هيووف خلاص (يرفع وجهه) خلاص حبي
هيفاء تمسح دموعها: طيب بسكت
ماجد: وععععع
هيفاء: وش
ماجد:شكلك وانتي تبكين وععع
هيفاء تظربه: فااضي
ماجد:اي والله فاضي ماعندي شغل امري
هيفاء تضحك وتمسح دموعها: جد خبل
ماجد يتربع على السرير: اي عمه مضايقتك
هيفاء ترمي المنديل في الزباله( عزكم الله) وترجع تجلس جنبه: ولا وحده
ماجد يظربها على كتفها: ولا وحده.. ومسويه لي مناحه وانا افكر وحده مزعلتك
هيفاء تبتسم تناظر فيه:نفسيات الحمل
ماجد: الله يكون بعونك ..يلا بروح اغير ملابسي
هيفاء تناظرفيه الين ماغاب عن عينها ..تنهدت "يارب وكلت لك امري ..يارب استر علي.. يارب لاتحرمني
منه ..ولاتحرم ولده منه.. يارب ابعد عني كل شر ..وابعد عني العيون الحاسده .."
$$$$$$$$$$$$$$$$&& $$
"ياربي وش اسوي يارب مابقى على الملكه شي اليوم الاربعاء والملكه الاحد ..وش اسوي
انا بنفضح هيفاء وشهد بينفضحون معي وش اسوي ..وش اسوي ياربي وش اسوي"
تظرب على خدها بيدينها ": انا الي جبت لنفسي والي في وحده غبيه تاخذ ولد عم خويها .. وش اسوي
(تشهق) لايكون مصورني وانا مدري ولا اخذ صور من جوالي وانا موحاسه بعمري..ياحسرتي
وربي اني غبيه حدي غبيه
تقوم من فراشها تاخذ الجوال من الطاوله:ادق على عمي ..بس الحين 11 اخاف نايم لالا بكره ادق احسن
يارب وش اسوي.. واذا دقيت على شهد بتصارخ عليّ ..يارب وش اسوي.. ادق على سعود !؟لالالا..اخاف
يسجل صوتي ..يارب والحل.. مالي الا شهد تصارخ الين بكره بس اتكلم مع احد
وتدق على شهد ..بعد ثواني يجيها صوت شهد..
: هلا رهف
رهف خانقتها العبره: شهد الحقي عليّ
شهد: وش وش صاير؟؟
رهف: سعود دق على هيفاء يهدد
شهد : ومااجد جنبها
رهف: لا..لانها كانت ماخذه راحتها في الكلام
شهد بعصبيه: رووووووحي ياشيخه جعلك الي مني قايلته .. قلت لك بتجي مصايب مارضيتي
..يلا رقعي الحين
رهف: تقول هيوف يهدد بصور ..وانا ماعطيته صور ..ويقول بعد ترفض اياد ..شهد بستجن مايحبني بس شغل
نذاله هي السالفه ولا ايش
شهد: قلعتك قلت لك ارفضيه يامال الضعفه ارفضيه بس مافيه فايده ..وطبخن طبختيه يارفله اكليه
رهف: شهد انا موداقه عشان اتهاوشيني ابي حل
شهد: موانتي تقولين انا بتحمل النتايج وضامنه سعود يلا تحملي
رهف بدهشه: شهد
شهد تحاول تقسي قلبها: والله الحل انتي ادرى فيه لاتصيرين طماعه كل واحد يمد الرجوله على قد لحافه
الله يرزقك بواحد احسن منه ..ارفضيه
رهف: يوم الاحد الملكه شرفض
شهد: ايه باقي عليها الخميس والجمعه والسبت ثلاث ايام باقي..وبعدين لارفضيه بتكونين بنت..مو مطلقه ولا ارمله..
وبتظلين وحده مستوووور عليها لاحظي..انه مستور عليها مو مطلقه ومفضوحه
رهف بدت تبكي: موغلط ان البنت تدور الستر انا مااظن ان يجي احد بعده ومثل مستواه
شهد:ارفضيه والله لا ازوج اخوي ارفضيه انتي ..ولك مني ضاحي لك..
رهف: انتي عارفه اني اعد ضاحي زي اخوي مابيه
شهد: اجل انقلعي وخلي اياد ينفعك يوم الفضايح.. طيب يا ست رهف ..يلا بااااااي
رهف رمت الجوال وجلست تظرب في راسها وتبكي .. ان قالت لا اهلها بقولون ليه ..وان قالت ايه فضيحتها على كل لسان
كانها تايهه في صحراء موعارفه ترجع ولا عارفه تكمل الطريق.. لعبت في النار وبدت النار تلسعها على الخفيف..
×*× ياترى يارهف بطفين النار ..ولا بتحرقك ×*×
$$$$$$$$$$$$$$$$&& $$
سكر جواله وهو على وجهه ابتسامة انتصار .. " ياعمري يا اياد حاب تقهرني انا اعرف كيف افشلك
وربي لا اخليك تمووت من القهر .. تستهبل رايح خاطب شي لي "
مدد رجوله وحط يده ورى راسه وهو منبحط على السرير وهو مبتسم سمع صوت الباب ينطق عكر مزاجه
: مفتوح
رياض: قوم نواف تحت يبك
سعود يفز من مكانه: نواف الحين بروح له ..
وبعد دقايق وصل سعود لنواف..
سعود:وشفيك
نواف: ولا شي بس بكره انا ماراح اجي الصباح اخذ الاوراق وحطيت فيها نوته مكتوب عليها وش تسوي طيب
سعود: وين بكره بتروح ؟؟
نواف: عندي مشوار ..
سعود بتريقه: الا متى ملكة سعيد الحظ
نواف: الاحد
سعود: اذا صارت زين ههههههههههههههههههههههههههههههههههههههههههههه
نواف ستغراب: ليه
سعود:مدري احس كذا
نواف: طيب عقبالك
سعود:لا ماابي ..اتركني انا
نواف : طيب يلا سلام (ويركب سيارته)
سعود ياشر له مع السلامه وهويبتسم .. دخل البيت وهويغني : ناويلك على نيه بس انت اصبر اشويه
ياهلا عاااشوو ..
ام رياض: عسى دوم هالفرح ..وشفيك فرحان
سعود: فرحان مروق يايمه(يبوس راسه)بروح انام ياقلبي
ام رياض ببتسامه: روح ياقلب امك
$$$$$$$$$$$$$$$$&& $$
صباح يوم الخميس ..الساعه عشر
علي يغسل يده: دقيقه لاتجيب احد برد على تلفون(ويرد) هلا رهف
رهف تبكي: عمي تعال اخذني ابيك
علي: رهف وشفيك
رهف تشهق: عمي ابيك تعال اخذني ابي اسولف معك انا مانمت من امس
علي: طيب تقدرين تصبرين الين 12 يخلص الدوام
رهف: طيب بس الله يخليك لا طول
علي: طيب طيب..انتي اذكري الله وانا جايك
رهف: طيب
وبعد مرور ساعه ..خلص دوامه وراح اخذها من بيتهم ..
في السياره .. رهف تبكي : عمي ماابي اياد
علي يوقف على جنب: شنووووو ..ولاكلمه خلينا نوصل الشقه ونتفاهم
وبعد دقايق وصلوا .. علي يفتح باب الشقه: دخلي يا انسه
ولاء تطلع من المطبخ: حبيبي علا... (وتشهق) رهف اشفيك تبكين؟؟
رهف تجلس وتحط الشيله على كتفها: ماابي اياد ..عمي قول لـ اهلي مابيه
علي يرمي مفاتيح على الطاوله: لعبه السالفه هي مره ابيه ومره ماابيه ..امس فرحانه بشوفته اليوم ماتبيه خلبه انتي خبله
رهف: موقاده اتخيل معي رجال ..مابيه خلاص ..موعاجبني
ولاء: رهف شهالخرابيط الي تقولينها ..
رهف تشاهق: عمي والي يسلمك ماابيه خلاص ماابيه
علي: سمعتي عنه شي موزين؟
رهف: لا
علي: شفتيه ناقص عقل ولا فلوس ولا موقد مستوانا؟
رهف: لا
علي: اجل ليه ماتبيه ؟؟
رهف: ماحسيته يناسبني
علي يعض على شفته : اقوول رهف عن الدلع حاصل لك دكتور واهله من اغنى العوايل وفوق كذا
الناس تظرب فيه المثل في الاخلاق ..معنا شكثر بنات والله ماعمره رفع عينه في بنت ..
بالله منو بتحصلين مثله ..اقول انتي شكلك خايفه من الزواج ترى مافي شي يخوف
ولاء تحط راس رهف على صدرها: لاتعقدي الامور يارهف ..انتي لسى ماتعرفتي عليه زين .. ترى هوزي عمك بس عمك على احلى
علي:ليه شايفته ست ولاء
ولاء تخز فيه وتمسح على راس رهف: موانت صديقه اكيد انت زيه صح علي(تشدد على اسمه )
علي يسكر عيونه ببطء ويفتحها وهويهز راسه:اي صح.. اصلا دايم يفكرونا توأم
ولا تبتسم وهي تناظر فيه: شفتي يارهف نفس عمك
رهف" ودي ياعمي فيه بس ماابي انزل راسك قدامه":..............
ولاء تمسك يد رهف و توقف :تعالي غسلي وجهك ولا عليك من الافكار الغبيه الي براسك
رهف تبعد يدها عن ولاء: عمي متى بتكلم اهلها
علي: رهف لا تنرفزيني .. اياد بتتزوجينه ..اصلا وش نقول لناس لا رفضتيه..
شغله زين .. اهله ناس طيبه.. وهو اخلاقه عدله.. مافيه عيب الولد ليه ترفضينه
رهف: مابيه ..احسه مغرور.. وبعدين ابي اكمل دراستي
علي: وش هالخبال قالك بتسافرين لاخلصتي الاختبار وش الهبل الي انتي فيه
واذا على الجامعه انا بكلمه لك وبقوله خلها تكمل ..خلاص
رهف" يارب وش اسوي.. مالي حل الا اقول لـ اياد نفسه": خلاص
ولاء: واخيرا يلا تعالي غسلي وجهك وقومي صلي عشان نروح المطعم نتغدا
رهف: مالي خلق اكل
علي: موعلى كيفك بتاكلين غصب ..
$$$$$$$$$$$$$$$$&& $$
في المطعم .. الساعه واحد الظهر..
هيفاء تترك الملعقه: الحمدلله ..
ماجد بتعجب: لاتقولين شبعتي؟!!
هيفاء" الا منسده نفسي": ايه حبيبي
ماجد: ماعجبك الاكل
هيفاء: الا عجبني حلو مره ..بس انا شبعت
ماجد: كيفك انا ماراح اقوم الا اذا شبعت
هيفاء: عليك بالعافيه (وحط يدها على الطاوله وتكت راسها على يدها)
ماجد: وشفيك تناظرين فيني
هيفاء ببتسامه: مزيون انت ماجد
ماجد ابتسم: عيونك الحلوه وبلا مجامله
هيفاء:والله جد انت حلو ..
ماجد: وين حلو وكرشتي واصله لك من كبرها
هيفاء: ههههههههههه حرام عليك وبعدين انت مو سمين ذاك السمنه
ماجد: يعني دب
هيفاء:هههه احلى دب ههههههه
ماجد: لا والله احلفي
هيفاء: والله ههههه
ماجد ببتسامه: فرحانه بعد
هيفاء: اذا وياك اكيد بفرح
ماجد: يارب دووم فرحانه
هيفاء ابتسمت له " يارب دخليك لاتحرمني منه"
$$$$$$$$$$$$$$$$&& $$
في بيت شهد ..
ضاحي: وش مالك نفس تاكلين
شهد: بس كذا مالي نفس ضاحي واللي يسلمك خلني بروحي
ضاحي: لايكون زعلانه عشان خويتك الثانيه بتعرس..
شهد" يابوي على التفكير الغبي":............
ضاحي يكمل: لاتخافي بعرسين وبيجيك الا احسن من زوجها بعد وقولي ضاحي ماقال
شهد: ضاحي انا موزعلانه عشان هي عرست وانا لا
ضاحي: اجل وش
شهد" وش هالنشبه ياربي": انا فيني النوم ومالي نفس اكل شي
ضاحي: طيب انا بتظرك الين تجلسين
شهد: يااعمري ياضااحي لالا خلاص بقوم اكل معك بس ماراح اكثر لان بنام
ضاحي ببتسامه: يلا انتظرك تحت
شهد "مالت عليك يارهييف يحصلك ضاحي اخوي ..وربي هو كوم واخواني كوم ثاني ..واذا موذاك
الحلا شنو يتحر اخوي عشان حضرتك جنابك تبي واحد حلو..جعلني فداه ماحب ياكل الا وانا موجوده"
قامت من الفراش ولفت على الجوال"مدري ادق عليها اشوف وش سوت ..الله يستر عليها "
*×* كل وحده في مكان ..
بس الروح وحده .. لازعلت وحده الكل يشيل همها..
كذا هم روح في ثلاث اجساد .. ×*×
$$$$$$$$$$$$$$$$&& $$
في العصر...
هيفاء: تعالي ابيك
هيفاء تقوم من جنب ماجد ومها تناظر فيها بحقد..
مها بعد مااختفت هيفاء عن انظارهم قامت وجلست جنب ماجد الي ياكل تفاحه: وشتبي فيها امي
ماجد يناظر التلفزيون: مدري
مها: كيف ماتدري وهي زوجتك؟؟
ماجد :استغفر الله(ويلف وجهه عليها) الحين زوجك وش يسوي ؟؟
مها: مدري
ماجد: اهاا انا نفسك مااعرف سكتي ابي اسمع الاخبار
مها: افففففف
*
×
*
في المجلس
هيفاء تجلس: امري يمه
ام ماجد: ابيك بخدمه بسيطه
هيفاء: امري
ام ماجد: ابي شهد تجي ابي اشوفها
هيفاء"بكذب": اهلهامايرضون يطلعونها
ام ماجد: اجل كيف تشفونها
هيفاء: نروح لها
ام ماجد: بس انا ماعرف اهلها..وابي اشوفها
هيفاء: عندي لها صوره
ام ماجد: وينها
هيفاءتفتح الجوال: شوفيها
ام ماجد: سبحان الله حلوه ..عادي اوريها مطلق
هيفاء: لا عمتي على الاقل خلينا استأذنها
ام ماجد: لا بس خليني اكلم مطلق
هيفاء: طيب
ام ماجد: هيفاء لاعاد تلبسي بنطلون ضيق انتي حامل ..والكعب انسيه عشان الحمل
هيفاء: ان شاء الله
ام ماجد: لاتقولي لحد الين مااسمع راي مطلق
هيفاء :طيب
وراحت ام ماجد عنها وحطت رجل على رجل"اهاا الحين عرفت سبب الزياه لبيت جدهم يبغون يشفوني
ولعنه تلعن ابليس.. وانا اقول وشفيهم كلهم يناظرون فيني ويمدحون في ماجد .. جد ناس موهينه"
:هيـــــــــفاء
هيفاء تتروع: مااجد وشفيك روعتني
ماجد: مدري عنك صار لي ساعه هيفاء وهيفاء ولا بحاسه
هيفاء بانزعاج: ايه بس عاد موكذا انا حامل خف من هالحركات
ماجد يجلس جنبها: عفيه قلبي طقيني او اقول لك حبي مسكي نعالك وعلى ظهري
هيفاء:ان شاء الله مره ثانيه بسوي
ماجد: والله لو انك موحامل كان ذبحتك..ماعلينا امي وشكانت تبي فيك
هيفاء توقف: امي قالت لاتعلمين احد
ماجد: وانا احد
هيفاء: لا حبي مواحد ..بس مقدر اقولك
ماجد يمسح وجهه بيده ويظرب فخذه: يعني الحين انتي مسويه فيها كاتمه الاسرار
هيفاء ابتسمت على حركته واضح انه يحاول يمسك اعصابه: هههههه ايه (وتهز راسها)
ماجد: طيب شكرا
$$$$$$$$$$$$$$$$&& $$
في نفس الوقت .. بالجناح ثلاث بنات وولد واحد..
: الحين انتم مالقيتوا مكان غير هنا
نوال: ماقلت لي شنو كانت لابسه ؟؟ شنو مسويه شعرها ؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك