رواية اصبعي وهو اصبعي ان غدرني اقطعه -34
( الفصل الرابع والثلاثين )
من صحيت حسيت فيه شي مو طبيعي 00 عبدالعزيز نايم على الكنبه وباين وجهه اصفر وتعبان 00 اقتربت منه 00 ومسكت يده 00 رصيت على يده بخفيف وحس فيني – عبير
عبير – صباح الخير انت ليش نايم هنا
غمض عيونه وقطب حواجبه – عبير انا تعبان
عبير خافت ورصت على يده – تعبان وش فيك
عبدالعزيز – ماادري حاس اني مو طبيعي هالتعب ملازمني من رجعت البارح
عبير نزلت دموعها – تكفى عبدالعزيز قولي وش فيك
عبدالعزيز وهو مغمض عيونه بألم باين فيه – عبير اسمعيني لو صار فيني شي أمانتك اخوي عبدالله
عبير صرخت – بسم الله عليك لا تقول هالكلام
عبدالعزيز وهو بالكاد يسمع صوته – اسمعيني ياعبير عبدالله اخوي في المستشفى يتعالج من الإدمان لوصار فيني شي خبري خالد اخـ ........
عبير قاطعته وهي تصرخ وتبكي – بس بس لاتقول هالكلام انت بخير انت بخير
وركضت تلبس عبايتها وتنادي على الحارس والسواق اللي عندهم عشان يودونه للمستشفى
حرك الريشه على وجهها 00 وهي تحك وجهها 00 وهو عاجبه هالمنظر ويضحك ورد يسوي نفس الحركه عصبت 00 وفزت من نومها ناظرت فيه – شتبي
مشعل – قومي نبي نطلع بأخذك رحله ماقد حلمتي فيها
صحصحت وضحكت – صدق
ضحك لضحكها – صدق يالله فزي
قامت بسرعه ووقفت بس مسك يدها 00 ناظرت فيه بإستغراب ,, مشعل – وين بوسة الصباح
ابتسمت بخفه وباسته بسرعه وركضت للحمام 00 انبسط أجمل أيام حياته قاعد يقضيها مع الأنسانه اللي غيرت كثير في حياته 00 في الأنسانه اللي تمنى في يوم انه يعيش معها في سعاده وخاء 00 كان غبي 00 صدق غبي 00 ولحد الحين غبي لانه مو قادر يعترف لها بحبه 00 خايف يصير شي وتتركه وهو مااعترف بحبها لذلك هو يتمنى 00 بس هيبته ولا أي شي يدل في شخصيته ممكن يسترجي يعترف بحبه لها 00 تذكر ساره اللي اقتحمت حياته في ذروة مكابرته مع نوف 00 وبنفس الوقت كأن يتمنى نوف هي الوحيد اللي يشكل معها أسره وعياله يكونون منها 00 وبنفس الوقت الشيطان قاعد يوسوس له 00 مرات متمسك ان هاللي في بطنها منه ولحظات يخونه عقله ويفكر لو تكون نوف حامل من غيره 00 بس هي هالحين لها معه عشرة عمر وكانت متستره وتفكيرها غير بدوي بحت 00 وجدتي اللي مربيتها 00 واللي من هالنوع مستحيل العولمه تغير فيها شي 00 دق جواله وطلعه من جيبه شاف على الشاشه مكتوب ( ساره – يتصل بك ) فتح المكالمه – هلا ساره
ساره – هلا حبيبي وحشتني مــــره
مشعل – مايوحشك غالي
ساره – متى بترد
مشعل – بعد اسبوع ونص تقريبا
ساره بمفأجاه – حلو يعني يمديني
مشعل استغرب – على شنو
ساره – اني اجيكم خلاص مثل ماانت عارف بتجي الأجازه وانا بستأذن ابي اغير جو
مشعل انصدم ساره ونوف في مكان واحد يعني إنفجار هو في غنى عنه – اا ساره
ساره قاطعته – لالالالالالا لاتقووووووول مايخصني انت وحشتني انا ماوحشتك اخس عليك
مشعل – بس
ساره – لابس ولا شي لاتقول اوعدك من ناحيتي مااسوي شي يزعلك مني بس هي ماادري عنها بصراحه وبعدين تحمد ربها ماخليتك لها إلى ذا الفتره
مشعل اللي ارهقته ساره بطلبها – بكيفك
ساره استانست – هيييييييييييه مشكور ياقلب قلب ساره
صكر منها وهو متضايق 00 اكيد اكيد بتصير مشاكل 00 افففففف الله يصبرني يارب
طلعت نوف من الحمام 00 وهي لافه الروب عليها 00 خذت ملابسها وردت للحمام ثاني 00 مشعل اتضايق 00 اكيد سمعت المكالمه اللي تو لان باين انها زعلانه
وصلت المستشفى وهي ترجف وخايفه 00 ممكن عبدالعزيز يروح من يدها 00 وش تسوي كيف تتعامل 00 من تكلم !!
فكرت وفكرت ياربي دخيلك لاتفجعني ولا تفجع أهله فيه 00 ياربي وش اسوي وش افعل 00 ماسكه يده لين تلقته بسرعه غرفة الطوارئ 00 وهي انتظرت إنتظار قاتل حد يطلع ويخبرها 00 ماطولوا كثير وهم يتراكضون 00 انفجعت وهي تبكي 00 ياربي دخيلك يارب لاتفجعني فيه يارب يارب 00 اعترضت طريق واحد من الدكاتره وهي تبكي بالانجليزي – بليز دكتور اخبرني ماذا حصل في عبدالعزيز
الدكتور – للاسف اخبرك ان مابه انفجار في الزائده والمريض قد تحامل على نفسه كثيرا حتى التهبت وانفجرت
اسندت ظهرها للجدار وهي ترجف وتبكي 00 ياربي لاتفجعني فيه يارب دخيلك قومه لي ولامه ولاهله بالسلامه 00 يارب يارب عشان اخوانه واحبابه يارب 00
جابولها الاوراق عشان توقعها حقت دخوله للعمليه 00 وهي خايفه وترجف ماتقدر توقع على شي يخص حياته 00 خايفه يصير فيه شي وتكون هي السبب فيه 00 قامت تبكي وترتجف ومكان امامها خيار إلا انها توقع 00 الانتظار مش في صالحه ابد 00 سمت بالله وقعت 00 وطلبت تشوفه 00 دخلت له وشافت الاجهزه حوله وتحت عيونه سواد 00 وهو مستسلم 00 ونايم بكل اريحيه 00 اكيد انه مانام 00 اكيد كان يعاني طول الوقت وانا غافله عنه 00 مسكين ياعبدالعزيز 00 باست يده وحضنتها وقامت تقرأ عليه وتحصنه بالاذكار 00 جهزوا غرفة العمليات وادخلوا عشان يسحبونه وقفتهم وهي ترجف – لحظه رجاء
اقتربت لراسه وباسته وضمته – استودعتك الله الذي لاتضيع ودائعه ( كررتها ثلاث مرات ) وبكت على صدره 00 خذوه وهم يطمنونها 00 ان مثل هالعمليات بسيطه إن شاءالله ( بس هي كانت ترجف لان اثنين تعرفهم وقريبين من حياتها ماتوا بسبب إنفجار الزائده 00 وهالكلام حقيقي وبالفعل صار ) وعسى الله يرحم موتى المسلمين
كانت الطلعه فاتره نوعا ما 00 تقريبا صامتين 00 مسك يدها وهي مستسلمه له تحنحن – احم احم نوف اسمعيني ساره بتجي هنا وبتقضي معنا الاسبوع الباقي
نوف صدمته – طيب إذا هي بتجي انا برد للسعوديه مش لازم اقعد معك الفتره الباقيه
مشعل انصدم وظل صامت 00 ونوف افتكرته انه انبسط من قرارها 00 ظلوا صامتين فتره – يعني اخر قرارك
نوف وقفت وابتسمت له – ماابي احرجك اكثر انا عارفه لو هي بتجي اكيد بتصير مشاكل انت في غنى عنها
مشعل بعدم اقتناع – بس حنا جينا مع بعض نرد مع بعض
نوف اللي تكابر وهي تتمنى يصر عليها تقعد معه 00 ودموعها تنذر بالهطول 00 ماكانت متوقعه ردة فعله بهالبرود – لا خلاص يكفي انا فهمنا بعض في هالرحله اللي ماانساها ابد
مشعل رص على يدها – وصدقيني هي اجمل رحله قضيتها في حياتي
نوعا ما هالأعتراف 00 لطف الجرح الغائر اللي في صدرها 00 تتمنى يرص عليها بالقعده وراضيه ماتطلع ابد بس ماتضيع هاللحظات الحلوه اللي ماتنساها 00 واللي ساره حسدتها عليها وبتخربها 00 اول مره تحس بالغيره تشتعل في صدرها لما تترك المكان والساحه وتغادر وتترك مشعل وحضن مشعل لساره 00 بلعت الغصه ومسكت دموعها – ابي ارد الشقه
مشعل حس فيه شي 00 اكيد ماتبي القعده معي 00 وماصدقت اني اعطيها مجال تروح 00 وساره جابت لها الحل على طبق من ذهب – اوكيه
من صحى وحس نفسه تمام 00 وهو يتنقل بين هاذا ويتعرف على هاذا 00 ولسان حاله يقول ماأجمل الحياه بدون مخدرات ودوخة راس 00 وكانت هي تناظره من بعيد لبعيد وتراقب تحركاته 00 إنسان جذبها من الوهله الأولى 00 نشيط محب لمساعدة الاخرين 00 يبث السعاده في قلب المرضى اللي صار له شعبيه بينهم كبيره 00 تمنت تروح وتسولف معه 00 بس وش المناسبه 00 اقتربت منه وهي تناظر في اللعبه اللي قاعد يشرحها للجميع وهم حاسين بالوناسه والأنشراح 00 وتغيير نفسياتهم والملل والكأبه اللي حاله عليهم
عبدالله بالانجليزي – لكن من هو الحكم
كلهم أشروا خلفه وهي انصدمت 00 ليتلفت عبدالله ويبتسم لها إبتسامه طيرت ابراج عقلها – تقبلين
وكأن هالابتسامه ودتها لعالم غير ابتسمت وهي تومئ براسها – ايه
عبدالله – أذن ابتدت اللعبه
اشرحوا لريهام اصول اللعبه 00 انها تطلب منهم البحث عن شي ضائع مفقود 00 وهم يبحثون عنه 00 وفي النهايه يعلن الفائز واللعبه مقسمه إلى فريقين فريق عبدالله وفريق جورج الفرنسي
بعد مافهمت اصول اللعبه وكل شي اعلنت عن بداية اللعبه وهي تضحك لما انطلقوا يبحثون عن قبعة العجوز فرساتي 00 وكان منظرهم مضحك جدا خصوصا كبار السن وهم يتراكضون يبحثون عن القبعه
لحد الحين متردده خايفه يصير فيه شي وتلام على اللي سوته 00 وعبدالعزيز اللي أكد لها لو صار فيه شي تكلم خالد 00 أكيد كان بيخبي علي إدمان اخوه بس الظروف لعبت ضده 00 ماابي اصدم أهله باأنتظر إذا صار شي كلمت حد فيهم 00 خايفه من عبدالعزيز 00 وظلت رايحه راده في الممر حق غرفة العمليات وهي تدعي وتبكي وتترجى الله سبحانه يلطف في حاله 00 ويرده لاهله
دلال – بنتي ماترد كذا ياولد بدريه
طلال اللي ماسك نفسه من نبرة كلام عمته – وش هو المطلوب عشان ترد بنتك ياعمتي
دلال – اول شي تطلق السعلوه اللي اخذتها على بنتي ماتدخل ضره عليها ابد
طلال بسخريه – عجبي والله مو انتي دخلتي بنتك ضره على بنت اخوك
دلال وقفت بعصبيه – اول شي هاذي مو بنت اخوي
الصدمه ألجمته – كيييييييييف مو بنت اخوك اجل وش تصير
دلال – الساحره حرمته أوهمته انها بنته وهاذا اللي حاليا تطبقه بنتها على اخوك المسكين اللي يضن ان اللي في بطنها ولده
طلال عصب – بـــــــــــــس اتقـــــــــــــي الله انتي عمه انتي
دلال قاطعته بصراخ – اقطــــــــــع واخس تتطاول علي في بيتي بعد
طلال – من الأخير تبين بنتك ترجعلي ولا اتوكل وتحرم علي بين الحريم كلهم
ألجمت دلال وطلعت نوره تصرخ وتبكي – لاااااااااا انت زوجي وبروح معك تكفى طلال لاتعيد اللي قلته وهي تحضن وجهه بيدها – تكفى عشان عيالنا
مسك اعصابه – اجل استعجلي وانا في السياره انتظرك
طلع وصفق الباب وراه 00 خلت البيت يرتج رج
دلال وهي معصبه – هاذا انجن وقام وقعد موب صاحي
نوره وهي تبكي وتركض لفوق – بروح اجيب شناطي قبل لايسوي شي ويطلقني
من وصلنا وانا حابسه عمري في الغرفه 00 مالي نفس اطلع برى الغرفه 00 والعجيب ان ماله حس 00 وقفت على حيلي 00 وفتحت الباب بهدوء دورت عليه مالقيته ياربي وين راح 00 جلست على كنبة الصاله والأفكار تلعبي 00 اكيد راح يكلمها وهو يشرح لها سعادته في جيتها لعنده 00 يابختها صدق يابختها 00 ممكن اللي يقرأ قصة حياتي يضحك من غبائي إلى هالدرجه الحب وصلني 00 إلى درجة اني حبيته عقب اللي سواه فيني 00 بس والله والله هالأنسان غير غير غصب غصب يخلي اللي يرتبط فيه يحبه 00 وهاذا اللي خلى كل حريمه يحبونه 00 عنده طريقه تحبب الأنثى غصب فيه 00 عنده كاريزما غير 00 عنده ستايل غير 00 عنده اشباع عاطفي لبنت حواء 00 يابخت اللي طاحت وتملكت قلبه يابختها 00 بكيت حسره وقهر على حظي اللي رماني في حب إنسان بهالشكل وبهالصوره 00 إنسان حبه مايرحم ابد 00 إنسان معه العاقل لايعقل ولا يفهم 00 أثّر كثير كثير على حياتي ضميت بطني وانا اشهق وأتحسر 00 مستحيل مثل إنسان بهالصفات يحب إنسانه غبيه وجاهله وقبيحه في حظرة جماله 00 وبدويه وقرويه ولا اعرف لأساليب الحياه معه بشي بعكس كل اللي خذوه كلهم فاهمين للموضه ومتابعينها ويلبسون الغالي بس انا انا ولا شي في حضرته ولا شي ولا شي 00 تكورت على نفسي وانا ابكي بدل الدمع دم وانا اشهق واصيح 00 واضرب قلبي ليش حبيت شخص انت مش في مستواه ابد مش في مستواه 00 وكل اللي خذيته منه طفل مو معترف انه طفله بكيت على غبائي 00 خذ مني اللي يبيه 00 وهالرحله بالذات خذ فيها كل اللي يتمناه أي رجل وله هو كامشعل 00 غبيه في لحظة غباء اعترفت اني حبيته واعترفت باأفعالي اني معه امشي مسيره مش مخيره 00 اني معه اضيع فيه هو واتوه في عالمه اسرح فيه وإليه 00 يعني فاز علي والتحدي اللي سواه هو اللي كسبه 00 بكره بيرد يحذفني 00 ومستحيل يعترف بهالطفل مستحيل 00 انفتح الباب ومعها زادت دموعي 00 جاء يعني ضعف جديد 00 حضر يعني استسلام 00 يعني غباء يعني توهان يعني كل شي كل شي 00 وقف على راسي – نوف فيك شي
بكيت أكثر لما حسيت دقات قلبي تزيد وهي تهلي فيه وترحب 00 زادت شهقاتي اكثر
مشعل – صاير شي فيه حد صاير شي ( رفع وجهي بيده وهو يناظر عيوني ) ارفعي عينك لي
رفعت عيني له بإنكسار وذل وانا اتوه في عيونه
مشعل – تكلمي فيك شي ( وهو يمسح دموعي )
تكلمت وانا كارهه خضوعي له بهالصوره – متضايقه شوي
يويلي اكيد بيعرف ان سبب تضايقي اني مابي الرجعه 00 يعني بيسيطر علي اكثر ويضحك فيني ويستخف في مشاعري
نزل على ركبته وهو يتعمق في وجهها – يعني مو متضايقه مني
نوف وهي تمسح دموعها وتشهق – لا طبعا
مشعل وقفها وحضنها 00 وهي زاد بكاها اكثر ونحيبها 00 وتدفن وجهها في صدره
خذني لك في عالمك لاتصحيني 00 خلني امتع ناظري في شوفك وفي عيونك
اضيع انا لمن عيوني حضنت رمش محبوبي 00 ياناس آآه على ذيك النظرات تذبحني
كانت راكبه فوق الكرسي وهي تصفر 00 فريق عبدالله هم اللي احضروا القبعه 00 وجاهم يركض الدب ميشيل وهو يركض بغباء 00 وحرك الكرسي بدون قصد اللي كانت واقفه فيه ريهام اللي تحرك الكرسي وهي تصرخ 00 وانفلتت رجلها وطاحت بس لحق عليها عبدالله ومسكها وهو يطمنها وهي خايفه وترجف 00 ازفرت بخوف وهي تفك يده عنها وتنزل وعينها في عينه ابتسمت له – شكرن
حركت شي في مشاعره شي بسيط جدا إبتسامتها حلوه كثير 00 وقاموا يعلقون اللي حولهم وهم يحرجونهم ويضحكون 00 ابتسم عبدالله ونزل راسه وهو يحرك شعره وريهام استحت ودخلت داخل
طلع الدكتور وهو باين التعب في عيونه 00 ركضت عبير له وهي تبكي – ارجوك دكتور طمني
الدكتور – اطمني حاليا هو بخير لاتخافي فقط لن يصحى خلال 24 ساعه من تأثير البنج لاننا لانريد ان يصحى حاليا ويتألم
انفرجت اساريرها وهي تحمد الله وتشكره – شكرن لله ثم لكم دكتور
استغرب الدكتور كلمتها 00 وابتسم لها 00 وراح وخلاها 00 دخلت عنده بعد كذا وهي تدمع من منظر الأجهزه حوله 00 والسواد اللي تحت عيونه مخيف 00 ونامت وهي ماسكه يده من فرط التعب اللي هي تحس فيه
العصر \ بيت سالم
التحركات على قدم وساق 00 اليوم خطوبة دنيا على محمد 00وبدريه مبسوطه في هالنسب لان بو محمد كان سفير سابقا 00 مهما كان تظل هي بنتها الوحيده ومبسوطه لها 00 دنيا اللي حابسه عمرها في الغرفه وتبكي 00 اليوم أكيد بينكتب إعدامها على محمد اللي متحلف لها 00 والحب والهوى اللي حبته له مابيفيد معه بيجلب لها التعاسه والإنتكاسه 00 بكت دم بدل الدمع على الندم اللي تشعر فيه اغضبت اهلها وتعبت ابوها وهي سبب في زعل راشد ومشعل منها 00 اللي موراضين يطلون في وجهها إلى هالحين بسبب اللي سوته 00 ومحمد اللي مجبور يتزوجها 00 بكت قهر وهي تحس بالغصه والموس في حلقها 00 لاهي اللي قادره ترفضه وترتاح ويرتاح 00 ولا هي اللي تقبله وتموت حسره وألم واخوانها يرضون عليها نوعا ما 00 أكيد أكيد نهايتي معك يامحمد الطلاق 00 الطلاق مو شي سهل بس هاذا اللي يريحك ويريحني وأكيد انك بتقبل لو كان هالقرار مني 00 ومن هالحين جاري تنفيذه يامحمد
في مكان ثاني في نفس البيت
نوره تحاول تقهر هلا اللي جالسه معهم في الصاله 00 وهي تهز رجولها وجالسه تقريبا في حضن طلال 00 وتناظر هلا بناظرات ناريه 00 بينما هلا ساكته وجالسه في جنب ريم
هلا – خاله تحتاجين شي عندك شي تراني فاضيه
نوره – ياشين السرج على البقر
طلال عصب – وش قلتي
نوره – لا ابد بس اقول ياحليلها ( غيرت السالفه ) عمه تحتاجين شي نساعدك في شي
بدريه – لا تسلمون الخدم متكفلين بكل شي
ريم – صراحه ماني مصدقه من هالحين ان دنيا بتتزوج
بدريه – ولا أنا ولا حتى سالم ياحبيبتي يادندون الله يسعدها
هلا – خساره ماتعرفت عليها كثير لما دخلت البيت هي بتطلع
نوره في داخلها 00 لا مطوله الحبيبه 00 دخل فيك عزرائيل إن شاء الله
طلال وقف 00 نوره مسكته – وين
رماها بنظراته اللي خلاها تفك يده وناظر امه – يمه محتاجين شي انا بروح الشركه
بدريه – لا سلامتك يمه بس رد بدري عشان تستقبل مع ابوك الضيوف
طلال – إن شاء الله
راح وخلاهم 00 وبدريه قامت تشوف التحضيرات 00 وريم قامت وراها
شمقت نوره في هلا – وانتي يالسعلوه مطوله هنا في بيتي
هلا وقفت – شوفي انا مكنت برد عليك وانقص من عقلي بس هالبيت مو بيتك ترى صارلي نصيب فيه مثل مالك وهالبيت بيت عمي وبيت زوجي
نوره عصبت وهي تقلدها – زوجي ,, انتي هيه هيه جايه من الشارع وبتملكين هالقصر بلا آحم ولا دستور
هلا – هالبيت اصلا مالي فيه ولا لك انتي بس انا ارد عليك بنظريتك المعوقه والسخيفه
نوره وقفت وهي تتقرب منها – ايا بنت الذين تردين علي انا بنت الحسب والنسب
( ومسكتها مع شعرها ) ومسكتها هلا مع شعرها وقاموا يصارخون 00 وبدريه وريم قاموا يتراكضون يفرعونهن
بدريه – بــــــــــــــس في بيتي وتسون هالحركات الهمجيه الشوارعيه السوقيه وين عايشين حنا هآآآآآآآآآآآآآه ردي انتي وياها
وهم فاكين بعض 00 وشعورهم متطايره 00 وقامن يرتبنها
بدريه – بسرعه روحن من قدام وجهي ماابي اشوف ولا وحده يالله
مشن ونوره تحاول تستفز هلا
دق الجوال وهم جالسين في الصاله 00 ناظر في الشاشه ( ساره – يتصل بك )
رفع الخط – هلا ساره
بينما نوف انتبهت للمكالمه
ساره – هلا حبيبي يالله قولي بسرعه وين الشقه انا في الطريق
مشعل وقف – أي طريق
ساره – أي طريق يعني هذاني في مطار برلين كنت ابي اسويها مفأجاه لك حبيبي بس مااعرف مكان الشقه بالتحديد
مشعل عصب – خليك في مكانك انا جاي هالحين ( صكر منها )
وناظر في نوف – سمعتي المكالمه وانا بروح اجيبها 00 ماادري الشقه مو كبيره بس غرفه وحده بحاول استأجر غرفتين اليوم
نوف وهي تهز راسها – ماشي
طلع وهي ضربت الكوب اللي بيدها في الارض 00 وقعدت تبكي 00 جت وبتطلع روحي هالحين في دلعها معاه 00 لوقبل مافرقت معي بس هالحين بتحرني لما تتدلع عليه وهو يموت في دلعها
خالد – ياحمود انا اشوف اني ودي اتزوج ( ناظره حمود ) عارف عارف تقول في هالظروف بس وانا اخوك هاذا افضل حل انت شايف حالة منال على الاقل تسهى في العرس وتنسى شوي من حزنها لاهي اللي راضيه تأكل ولا تشرب حتى صديقتها اخت محمد عجزت معها وانا وانت كله حابسة عمرها في هالغرفه ولا تبي تشوف حد
وبعدين انا لابي لاعرس ولا طقطقه مجرد ذبحتين إشهار للعرس وبجلس معكم فتره في هالبيت مابنتركك لاتخاف بس جلستي هالحين معكم شينه
ابتسم حمود وكبر خالد في عينه هو بنفسه نسى الناس وش بتقول عن قعدة خالد معهم وهو مادخل عليها فهذا شي ينقص في حق اخته 00 بينما هو فكر فيها وفي كلام الناس عليها 00 يقدر يطمن على اخته مع هالانسان العظيم جدا
حمود – معك حق ماادري وين راحت علي هاذي وفاتتني
ضحك خالد – الحمدالله اللي فاتت عليك ولا كان يمديك طردتني ولا خليت الناس تحكي
ابتسم حمود – ومتى تبي العرس ياللي همك كلام الناس
تحنحن خالد وهو يضبط ياقته – تسلم تسلم العرس ياطويل العمر يوم الخميس الجاي
حمود – واهلك خالد
خالد – اهلي وش عليهم انا اللي بتزوج ولا هم
حمود – لا اكيد بيون يفرحون فيك
خالد – لاتشيل هم انا بكلمهم واكيد مابيقولون شي
حمود – بكيفك اجل
خالد – بس فاتح منال في الأمر
حمود – إن شاءالله
كانت تأكل علك وتتلفت وتتفرج في الناس 00 لين عيونها لمحت عيونه ووقفت تركض له وضمته – وحشتني وحشتني وحشتني مووووووت
مشعل اللي فكها من حضنه – ساره وش هاللبس اللي لابسته
ساره اللي كانت لابسه بنطلون سكيني ضيق مره وماسك على جسمها 00 وبدي ابيض ربع كم 00 ومتزينه وفاكه شعرها 00 ومعها جاكيت صوف فرو ابيض
ناظرت في لبسها – نوووووو ميشو اخس عليك لاتقول مو حلو
مشعل سكت وهو يشمق فيها – هو حلو ماقلنا شي بس فضيحه هاللبس مره فضيحه
ساره برطمت – اوووففف ميشو هاذا إستقبال تستقبلني فيه
ابتسم غصب عنه – امشي امشي بس
مسكت يده وهي سعيده انه ابتسم 00 وركبوا السياره متوجهين للشقه
في السياره
ساره – لالالا ميشووو
مشعل ناظر فيها بخوف – وش فيك
ساره – اخس عليك مشني ابي اشوف شوارع برلين من زمان عنها
مشعل – نوف في البيت لوحدها ومااقدر اتأخر عليها أكثر من كذا خلينا نرد الشقه وبعدين نختار طلعه حلوه ونطلع فيها كلنا
ساره سكتت غصب عنها عشان ماتفضح مخططها اللي هي جايه عشانه بس من تلقى فرصه او اصغر فرصه بتقدر تغير اللي في راسه – هين يامشعل تفضل بنت الساحره علي انا ساره اللي الكل يتمنى نظره مني
وصلوا الشقه 00 وهناك نوف كانت في الغرفه
مشعل – تفضلي ساره
وهو اتجهه لغرفة النوم يدور على نوف 00 شافها تلم ملابسها في الشنطه
مشعل – وش تسوين
نوف – شوفة عينك ألم ملابسي
مشعل – عشان ايش
نوف استغربت – انا طلبت منك ارد السعوديه وانت وافقت
مشعل – اصبري كلها يومين وبنرد كلنا للسعوديه
نوف اللي انصدمت من قراره – بكيفك
مشعل – الحين تعالي ساره جت في الصاله تنتظرنا
نوف – طيب دقايق واجيكم
.
.
( الفصل الخامس والثلاثين )
طلعت لهم .. وهي مرتبكه من هالأنسانه اللي اكيد جت هنا بتسبب لها مشاكل 00 سلمت 00 بس ساره جالسه ماوقفت لها 00 وهالشي ازعج مشعل 00 جلست نوف مقابله لمشعل وساره – تشربين شي
ساره – نو شكرن ( ناظرت مشعل ) وين غرفتي
مشعل – بنحجز شقه اوسع هالشقه مافيها إلا غرفة نوم وحده
ساره – اها ( والنار تشعل في صدرها 00 يعني كانت تنام معه في غرفه وحده آآآآخ ياقهري )
مشعل – انا بكلم الاستقبال هالحين يشوفون شقه اوسع في العماره
كلمهم واتفق معهم 00 وفي الليل نقلوا اغراضهم للشقه الثانيه 00 وساره تحاول ترسم الطيبه وجواها العكس الخبث واللؤم
صحت لما حست بحركة 00 الممرضات حولها 00 ناظرت فيه 00 لين هالحين ماصحى 00 ياربي سترك ولطفك يارب
دق الجوال حق عبدالعزيز اللي كان موجود في الغرفه 00 ناظرت فيه مكتوب عبدالله يتصل بك 00 بلعت ريقها كيف ترد عليه 00 او وش تقول له 00 ومابين عقلها وتردداتها انقطع الاتصال
في الطرف الثاني
كان قلق جدا 00 عبدالعزيز اخوه يتصل فيه ولا يرد عليه 00 هاذي عاشر مكالمه والمشكله تأخر عن زيارتي 00 ياربي لطفك
دق للمره الثانيه وانفتح الخط – هلا عبدالعزيز اخيرا
انصدم لما سمع صوت الحرمه – احم انا عبير زوجة عبدالعزيز
عبدالله سيطر على انفعاله – هلا عبير كيفك
عبير – بخير .. كيفك انت
عبدالله – بخير ,, عبير وينه عبدالعزيز
عبير ابلعت ريقها بخوف – نايم
عبدالله اللي شك فيه شي – نايم إلى هالوقت من اليوم ادق ولا يرد اختي قوليلي كلام غير هاذا عبدالعزيز مايحب نوم هالوقت
بلعت ريقها انكشفت خلاص – شوف عبدالله عبدالعزيز احتاج عمليه صغيره و
من قالت عمليه انصدم – ايشششششششش
عبير خافت – لحظه لحظه عبدالله عبدالعزيز بس فيه الزائده وخلاص هو بخير
عبدالله بخوف – الزائده ,, ( ارتبك ) طيب طيب عبير انا بروح اخبر الأداره إذا سمحولي اطلع بجيكم
عبير – لالالا مايحتـ
بس انقطع الخط لان عبدالله صكر 00 ضربت راسها على تهورها المفروض ماتقول حقه وتخوفه بهالشكل
من عرف ان عبدالعزيز اخوه صار فيه اللي صار ودموعه تنزل يترجاهم يطلع 00 بس هم رافضين رفض قاطع 00 خايفين من عودته للأدمان 00 في الأخير استسلم واتصل ثاني على جوال عبدالعزيز وردت عبير – هلا عبدالله
عبدالله – اسمعيني ياعبير خلي الجوال معك بطمن على عبدالعزيز كل شوي دخيلك خليه في يدك إدارة المركز رفضت خروجي
عبير – اطمن والأطباء كل شوي يطمنوني على صحة عبدالعزيز
عبدالله – طيب انتي عندك حد ولا لوحدك
عبير دخل هالانسان قلبها لما خاف عليها – لاتخاف عندي السواق والحارس والخدامه
عبدالله – زين طمنتيني ولو احتجتي حق أي شي انا موجود
عبير – مشكور وماتقصر
اقتربت منه بعد ماسكر الأتصال – وش فيك اسمع هوشتك مع الأداره
ألتفت لها عبدالله – كنت ابي اطلع
خافت لما قال هالكلمه 00 هالانسان دخل قلبها لو طلع ممكن تتألم لخروجه – وليش
عبدالله – اخوي عبدالعزيز في المستشفى وابي اشوفه
انصدمت – في المستشفى شفيه
عبدالله – الزائده
ريهام – خير إن شاءالله
عبدالله – أي خير ابي اشوفه واطمن عليه والاداره رافضين
ألتفت يمين ويسار – عندي اللي يطلعك في الليل تطلع وترد وش رأيك
عبدالله انبسط – صدق ايه ايه ارجوك
انبسطت لفرحته – طيب في أخر الليل بطلعك تشوفه وترد بسرعه اوكيه
عبدالله – اوكيه
دلال بصراخ – ايششششششش بتتزوج هالاسبوع
خالد وهو يجلس ويهز ركبه عارف السالفه بتطول وهو متوتر من امه – ايه
دلال وهي تصرخ – والله طالت وشمخت لاتحسب اني يوم صكت يعني راضيه على هالعفشه اللي تبي تأخذها
خالد كتم غيضه – ياسلام يعني متملك عليه كذا مثل الهواء لعبه واطلقها
دلال بسياسه وهي تجلس جنبه – ايه يمه تطلقها وهالحين بعد ماوراها احد ابوها ميت وغير كذا يمه والله ماهي من مستواك ابد انا ابيلك الزين والخير
خالد اللي عصب ووقف – ايشششششششششش انتي وش تقولين يمه تدرين لو سويتي اللي قلت عليه بكون مو رجال ولا عندي نخوه انتي ترضينها لوحده من بناتك
دلال – بسم الله على بناتي
خالد – خلاص اللي ماترضينه لبناتك لاترضينه لبنات الناس
دلال – خالد اتركها وبزوجك شيختها
خالد – لو ابي شيختها على كلامك يمه كان مارضيت اخذها وكفايه في عيني اشوف منال شيخة الغيد بعد مو الحريم
دلال اللي عصبت – اذلف عن وجهي بسسسسسسسسسس
خالد طلع وخلى امه وهو ميت ضحك لما عصب فيها
في المطعم يتعشون 00 والصمت مطبق عليهم جميعا 00 سوى صوت الملاعق والشوك في الصحون الموضوعه عليها من الأطباق مالذ وطاب
مشعل قطع الصمت – ترى بنرد بعد بكره
ساره اللي انصدمت – ايشششششششش حرام عليك ميشو
مشعل – وش اسوي انتهيت وغير كذا خالد اخوك يمكن زواجه هالاسبوع وابي اعزي حمود خلصت الشغل ومايحتاج نماطل اكثر من كذا
ساره عصبت – ايششششششششش وامي تدري ان زواجه ها لأسبوع
مشعل – وش دراني عنها تدري ولا لا انتم ليش تكتمون حرية الواحد
ساره بعصبيه – ياسلام يعني يوم نمنعه لايتزوج وحده من الطبقه الوجعانه لا وعينهم رافعينها فوق بالحيل بالحيل نصير نكتم حريات
نوف اغتاضت من كلامها عن منال كذا وبسخريه – مشكلة اللي منصب ابوهم مايدوم لهم ويتفشخرون على العالم
ساره ضربت على الطاوله بقوه – انطمي انتي
مشعل اتأزم الموضوع عنده وبيشوف اخرتها معهم
نوف – ماني منطمه انتي اللي أنطمي وتراني محشمتك وساكته عنك اخوك هو اللي ركض ورى منال مو هي اللي ركضت وراه
ساره وهي شاده على شفايفها – لان أخوي مسحور مثل بعض الناس ممشينهم حريمهم على حل شعورهم
مشعل عصب لما فهم كلامها ووقف – بسسسسسس خلاص بنرجع للبيت (وبسخريه) هه وتبون نقعد هنا عشان تجيبولي الضغط والسكر الشرهه مو عليكم الشرهه والله علي انا
نوف بسخريه عشان تقهرها – اصلا انا بغيت الرده من عرفت بيجي ناس ثقيلين دم وطينه
ساره عصبت – اش قصدك يالتعبانه
مشعل عصب وصرخ عليهم في المطعم والناس تناظر فيهم – بسسسسسسسسسسس خلاص انطمن
في أخر الليل
ريهام عطت مبلغ محترم حق السواق الخاص في المركز وهو اللي تكفل بنقل عبدالله خارج اسوار المركز
تسللوا بخفه عبدالله وريهام لين طلعوا من المركز 00 وبقت الخطوه الأهم وهي كيفية الهروب من أعين الرقابه اللي مالين المكان في الحدايق 00 مشت بخفه هي وإياه لين حسوا بحركه من خلفهم 00 ثبتت عبدالله على الجدار ورصت عمرها عليه وهي تمثل انها تبوسه على رقبته 00 عبدالله اللي انحرج من الموقف 00 وهي مسكت يده اللي رافعهم وحطتهم ورى ظهرها 00 جت الموظفه خلفهم 00 ناظرت فيهم وابتسمت وراحت وخلتهم 00 وعبدالله عرف هالحين ليش سوت هالحركه 00 فكت عمرها عنه ووجها احمر كثير وباين الأحراج فيها وبحركة شفايفها – أسفه
عبدالله اللي تفهم إحراجها 00 وفي داخله انبسط على حركتها 00 والأحراج والأحمرار أعطاها شكل حلو كثير ابتسم لها 00 ومسكته لين تسللوا للسياره اللي تنتظرهم عند بوابة المركز 00 هناك وقفت وهي تودعه – اوكيه لاتتأخر معك بس ساعتين فقط من تصير الساعه خمسه بالضبط تكون موجود في المركز قبل مايفقدونك وتصير مشكله
عبدالله – اوكيه
ردوا للشقه 00 ونوف دخلت غرفتها تبدل وهي معصبه 00 وساره قعدت جنب مشعل اللي جلس في الصاله وتحاول تراضيه – ليش جلست
مشعل – مافيني نوم
ساره – طيب تعال بسهر معك داخل في غرفتنا
مشعل وقف معها وهو كاتم غيضه
نوف اللي بدلت وغسلت طلعت 00 ماشافت حد 00 وعرفت انه دخل معها الغرفه زفرت بضيق ورجعت أدراجها للغرفه
الصباح
صحت ماشافت حد صاحي 00 راحت تحظر لها كوب نسكافيه 00 وجلست تشربه وهي تناظر برنامج على وحده من القنوات
انفتح الباب وطلعت ساره 00 وهي لابسه قميص أقل مايقال عنه قميص أو قطعه ساتره حتى 00 أبتسمت في وجهها بتقهرها 00 ونوف لفت راسها عنها
ساره بقهر – ليش ماسويتي الفطور
نوف – المطبخ قدامك
ساره عشان تقهرها أكثر – والله بنت الوزير ماتدش مطابخ
نوف – هاذا وانتي بنت وزير تقولين هالشكل لو صرتي بنت أمير وش بتسوين
ساره اللي عصبت منها – باأنفيك من على الأرض
نوف تستفزها أكثر – وين بالظبط زحل ولا المريخ
ساره عطتها ظهرها وراحت للمطبخ وهي تطلع منه الأغراض 00 وسوت الشاهي اللي صرخت لما لمست المويه الحاره 00 ونوف تضحك على غبائها ودلعها اللي يقهر
انفتح الباب وطلع مشعل لابس البجامه من دون القميص 00 وفيه النوم 00 ابتسم لما شاف نوف اللي كانت لابسه قميص حمل لنص الساق وكم جوبنيز – صباح الخير
نوف ناظرت فيه بهدوء – صباح النور وشربت من النسكافيه 00 أغراه شفايفها على الكوب 00 وجلس جنبها 00 وسحب الكوب منها وشرب منها
نوف ناظرته بنص عين 00 مشعل ابتسم وكأنه يسوي دعاية معجون أسنان 00 طلعت لهم ساره على هالمنظر وانقهرت وبدلع وغيض مكتوم – ميشو حبيبي الفطور جاهز
مشعل اللي ناظر فيها من فوق لتحت على جرائتها طالعه بهالبس 00 كله عشان تحر نوف اللي مستحيل تنحر في نظره
وقف وهو يتوجه معها للمطبخ 00 ونوف اللي جالسه بالصاله وتقلب في القنوات وهي تحس بالغيض والقهر 00 يشوفها بهالقميص المثير ويأكل معها 00 ناظرت في لبسها حق الحمل وفي بطنها البارز وانقهرت 00 فيه فرق واضح وشاسع 00 حست بدمعتها لما نزلت 00 هي جسمها وشكلها حلو وجميل 00 وانا شكلي بشع 00 وقفت واتجهت على غرفتها 00 ودخلت الحمام اللي داخلها ووقفت على الغساله حتى ماجاء في خاطره يناديني للفطور 00 او حتى يعزمني لو بالخطاء 00 غسلت وجهها بمويه بارده 00 وسمعت باب الحمام يدق – منو
مشعل – انا وينك تعالي افطري معنا
نوف اللي ابتسمت ومسحت وجهها بالفوطه 00 ورتبت شكلها 00 افتح الباب وانصدمت فيه بوجهها 00 ولابس قميص البجامه 00 ابتسملها وبادلته الأبتسامه
مشعل – وينك تأخرتي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك