رواية بعد كذبك لا ترتجي مني نظره -32
اريج: لانها مره حبوبه ..ماتسمي امي الا خاله حتى خواته ناس مؤدبه
مو الي امي كانت بدبسنا فيها ام نايف استحي على وجهك قوولي خاله عمه شي
اياد" لاتغرك ياختي هالكلام يمكن ربي عطاها جمال بس ماعطاها اخلاق سنعه ":...........
نوال: اي صح طلعت تعرف زوج ماجد صديقك
اياد بصدمه: شنـــــــــــــــــــــوووووو
اريج: اشفيك اياد
اياد حس على نفسه: لا بس كيف ..يعني كان قلتوا لا تقول لحد
اريج: حلوه ذي بنخطب بنتكم بس لاتعلمون احد
نوال: اياد انت متفشل من هالعايله
اياد يصرف : لا بس ماودي احد يدري لمى التحاليل تتطابق مافاهمين عليّ
اريج: تيب يوم يردون علينا بنقول لهم لاتقولون
اياد" يارب وش هالمصايب الي تتحذف علينا .. ولا ماجد زوجته قبل ماتبيه شكلها الاخت نص الشرقيه لها
والنص الثاني للمدام الي باخذها ":.......................
$$$$$$$$$$$$$$$$&& $$$$$$$$
رهف تحط رجل على رجل: وليه ماقلتوا لي فشلتوني قدامهم
كريمه: هذا ماقلنا لك ومياعه وين واصله مالت
رهف: الف مره قلت لك انا بنت وابي احسس الناس اني بنوته ناعمه ..مو احسس الناس اني رجال
..ماعلينا ماما شرايك فيهم
ام احمد: وانعم فيهم بس لازم نسال عنهم ..
رهف : ماما لبسي حلو
ام احمد: لو لابسه فستان احلى
رهف تمد شفايفها: موحلو التنوره مع البلوزه
ام احمد: حلوه بس الفستان احلى
رهف: طيب المره الجايه بلبس فستان
احمد يدخل الصاله .. : هااااه سمعنا ناس بتودع البيت
رهف: ايه وعقبال اختي نوره يارب ونفتك من كريمه اختي (تلف على نوره) قولي امين
نوره: المهم انك انتي تنقلعين
رهف: هههههههههههههههه يالخايسه
احمد: لا والله توها متروشه
رهف: ماعلينا شلون شكله احمد
كريمه: جد شلون شكله
احمد: استحي انتي وياها
ام احمد: طيب قولي انا ..
احمد: هين والله لو اقول لــ ابوي
رهف: احمد قوووول
احمد: عيونه خضر وابيض طويل وعريض بس
رهف شبه مكشره: ابيض ؟؟ يعني اي درجه لونه
احمد: زي خالي بو محمد
رهف: شنووووووو لا مابي
ام احمد: اجل وش تاخذين اسمر
كريمه: عشان البزارين فحمه
رهف: انطمي انتي .. يمه هذا اخوك زوجته بيضه وجنبه سوده .. شلون انا خلقه حنطاويه عبده جنبه
احمد: حلو الحليب بالشكلاته
رهف: من جد ابيض مره مره
احمد: مومره مره امزح معك اقل بياضه من خالي
رهف: اشوى وابوي وشقال عنه
احمد: بس اطلعوا حط راسه على الكنب ونام ..اقوله شنو رايك قال لا ناس زينه ونام
رهف: انا بروح انام صارت 12 باااااي
ام احمد بعد ماراحت عنه رهف: ترى الولد يبغى يشوفهم
احمد: يقوم بس مناك مافي شوف الا بعد الملكه
كريمه: من حقه
احمد: لا يعني لا .. يملك ويشوف
نوره: واذا ماعجبته بعد الملكه يطلقها
احمد سكت :...........
كريمه: نعطيهم صوره
ام احمد: قلت قالت الصور تغير .. شوفي لكم يوم ويجي يشوفها
احمد:لازم يعني هالشوفه
ام احمد: ترى بيشوفها بعبايتها والحجاب على راسها لاتخاف
احمد: وقولي لها تحت العبايه بنطول فستان قصير ولا برموده ماتدخل
ام احمد: طيب
*
×
في الدور الثاني رهف بعد ماغيرت ملابسه دقت لى شهد ..
شهد: هلاااا وغلا
رهف بفرح مع حمااااس: شهـــــــــووود انخطبت شهووووود
شهد انصدمت: شنووووو
رهف: وانا انخطبت
شهد سكتت زعلانه بتروح رهف منها :...................
رهف: وربي مبسوطه عقبالك شهوووود بواحد زيي بطرا
شهد تتنهد: الله يوفقك وش اسمك
رهف: اسمه اياد ..
شهد: الله يوفقك
رهف: ماما بعد يومين بترد بتقول ان حنا موافقين بعد مانسال عنهم
شهد تاخذ نفس: طيب
رهف تستغراب: شهد وشفيك
شهد: ولا شي .. بس بتروحين عني زي هيوف انشغلت مع ماجد
رهف: يااااااااااقلبي شهود انتي صديقتي الصدوقه لاتخافين بنشب لك نشبه محترمه
شهد: اكيد لو دقيت وحده بتردين عليّ
رهف: انا ماعندي غيرك ولووو شهود وشفيك ؟؟
شهد: مدري بس مابيك تروحين عني
رهف: ياقلبي ماراح اروح عنك حتى شهر عسل بقول مابي عشان اقدر اشوفك
شهد: وضاحي من بيقبل فيه
رهف: هههههههههههههههههههههههه ياروحي والله حتى انا نفسي فيه بس تجري الرايح بما لاتشتهي السفن
شهد وهي زعلانه: شعندي المتنبي نطق ..
رهف:ههههههههههههههههههههههههه يالبى الزعلان بس
شهد: خلاص انطمي
رهف: احبك انا
شهد: ولعنه كلمه زياده سكرت التلفون
رهف: اموت في الابيض الي حمر من الخجل
شهد : انطمي وسكرت التلفون في وجهها ..
رهف مااتت من الضحك عليها .. بس هي عندها غير حمرت خدودها شوي بس مسرع ما حمرت عيونها وجلست
تبكي .. موغيره لا خوف ان تظل بلا احباب .. من فتحت عيونها.. وهي مامعاهم.. اهل مايرضون يطلعونها
لبيت خوياتها بس هم يجون ويونسونها وحتى حفل عيد ميلادهم يحتفلونا بالمدرسه عند البنات بس قبلها يجبون
اغراظهم لعنده وعشان يفرحون ثلاثتهم ..
" تزوجت هيفاء وانشغلت بماجد صار اتصالها اغلبه عن ماجد ياتشتكي ياتمدح او اطلب شي له ..
يارب رهف ماتصير زيها .. رهف اقرب لي منها ..يارب لاتفرقنا حنا الثلاثه " بكت ولمى حست انها ارتاحت
نامت ..
$$$$$$$$$$$$$$$$&& $$$$$$$$
ظهر يوم الخميس ..
ام ماجد في صاله تكلم تلفون: بسأل هيفاء.. خلاص .. الله يكتب الي فيه الخير.. ياحرمه اهم شي هو لونه ابيض .. الحين الي يسمعك
البنت ماتتطالع اهم شي اخلاقها.. وتقولين هو الي مختاره يعني عاجبته .. طيب يلا مع السلامه
ماجد: وش السالفه وشفيها هيفاء
ام ماجد: مسوي روحك ماتدري اياد اخطبوا له خويت زوجتك
ماجد: الحين عبير وعبير وفينها صديقة هيفاء
ام ماجد: اريج ولمياء منهبلين عليها ..وام نايف ونوال يبغون له وحده بيضه زيه
ماجد: هوابيض ياخذون له ابيض بيجبون عيال برص بيو
ام ماجد: ليه ودك بوحده غير هيفاء هذا هيفاء بيضه وانت ابيض
ماجد: بياضي عادي حتى هيفاء بس اياد اووف يغطي
ام ماجد: قول ماشاء الله
ماجد: ماشاء الله
هيفاء تجي لهم الصاله وتجلس وهي مبتسمه :...........................
ماجد يناظر فيها: خويتك مخطوبه
هيفاء: اي خويه
ام ماجد: الي بيسال يسال كذا عاد.. اتركيه عنك انتي تعرفين وحده اسمها رهف ال,,,,,,,,,,,,,,,,,,,
هيفاء: اي خويتي .. ليه وشفيها
ام ماجد: امس ام نايف راحت عنهدم اثاري ولدها اياد يشتغل مع عمها علي
هيفاء تجمدت مكانها: ايه
ام ماجد: ام نايف بتخطب رهف لــ اياد
هيفاء تذكرت سعود: كيف بتخطب ؟؟ (تحك ارقبتها) مو عبير لــ اياد
ام ماجد: اياد يبغى رهف
هيفاء" لايكون الهبله تنتقم من سعود" : اهاا هي امس دقيت عليّ بس كان جوالي صامت
ام ماجد: ام نايف تقول رهف تشوفينها تناسب لــ اياد
ماجد بنرفزه: هيفاء شعرفها بـ اياد هااه وشعرفها
ام ماجد: موقصدها يعني قد زواج ولا لا ..تعرف اياد مايحب شغالات كله امه تباشره
ماجد: اهااا
هيفاء: لا قدها صحيح دلوعه بس قدها ان شاء الله .." يارب التحاليل ماتتطابق"
ماجد: شدعوه انتي مودلوعه
هيفاء: والدلع عيب
ماجد: لا بس موفي محله
هيفاء: احمد ربك على هالنعمه الي عندك
ماجد: يمه شفتي لسانها اطول منه مافيه
ام ماجد: عاد هو باين فيك ..الى الان عنيد (تقوم) اروح اشوف الغدا احسن
هيفاء ترفع حواجبها بسرعه: ويص فشلوه
ماجد: الحمدلله العقل نعمه ترى
هيفاء: الله والعقل عاد
ماجد: اي والله لو فيني عقل وافقت عليك
هيفاء تخز فيه: نعم
ماجد: نعامه ترفسك وتخلص شغلها عليك
هيفاء: ويييييييييع ياغذر
ماجد: الفاظك يا قليلة الادب انا زوجك
هيفاء: دخليك بس زوجي وزوجي ولا مره طلعتني محسوب عليّ زوج انت
ماجد: اقول لايكثر ويلا روحي ساعدي الشغالات ..على فكره انتي تشبيهن وحده من الشغالات
هيفاء: ياسبحان الله وانت اذكرني بسواق بيت اهلي انا يوم شفتك اول مره فكرتك توأم حقه
ماجد" جد بزره ولسان طويل" : آآآ .. يلا اعتذري
هيفاء بتعجب: الحين انت الي تغلط عليّ وانا الي اعتذر
ماجد يسحبها لعنده ويحط راسها على فخده ويمسك يدها بيد واليد الثانيه ماسك فيها مخده: اعتذري
هيفاء الى لان على نفس الوضعيه: بصرخ ..آآآآآآي يدي ماجد حنا في الصاله ..موفي القسم آآآآآآي يدي
ماجد سمع صوت امه قريب منهم بعد : ادواك عندي
هيفاء قامت وراحت الى القسم حقهم ركض .. قبل ماتشوفها ام ماجد ..
$$$$$$$$$$$$$$$$&& $$$$
على الغدا ..
اجمع الاربع الاخوان مع اولادهم حوال السفره الاكل على الارض ..
: هو قال تعال بس قلت يوم ثاني
بو احمد: الاخ يبغى يشوف نظره شرعيه
علي: تحمس الاخ شوي
عدنان: شلي تحمس من حقه
ياسر: لا موحقه ..يبي قبل الملكه بخمس دقايق
علي: ولا ماعجبته نتفشل قدام الكل
فهد: وليه اختي فيها شي ماتعجبه
سعد: طيب صوره
علي: يبغى يشوف كيف علقيتها
بو احمد: بعد مااسال عنه يجي يشوف
عدنان: ناس سنعه وذربه شتسال
بو احمد: انا قلت سؤال عنا وحنا بسال
ياسر: جد وش تسال ..وافق واتكل على الله
بو احمد: والله انا عاطيهم بنت موشي عادي .. وانا وشيظمني مايكون راعي خمر وبنات وهالسولف
ياما ناس قدامنا الدين كاسيهم ومن ورانا عفانا الله
الكل سكت لان كلامه صح .. بعد دقايق
علي: بس يااخوي انا عشت وياه وشفته انسان زين
بواحمد: قبل ثلاث السنين هالكلام .. ياعلي يااخوي الانسان ينقلب بين يوم وليله شلون بعد ثلاث سنين
علي: بكيفك انا عن نفسي عاشرت واشتغل معه اشوفه زين وهو صديقي تبي تسال براحتك ومن حقك
بواحمد: يومين وبرد لاتخاف وان جد ناوي بيخطب منا مايعطلونا هاليومين
$$$$$$$$$$$$$$$$&& $$$$
بعد الغدا جالس سعود على الكرسي قدام المسبح الاخارجي وهو لابس برموده سماويه وبلوزه كات بيضه
ولابس نظارته الشمسيه.. واحط يده وراى راسه ويلعب بشعره .. رفع جواله وجلس يدور بين على اسم
معين بعدين قفل جواله بكبره..
: في مين كنت بتتصل هاااه
سعود تروع: بسم الله
دلال: هههههههه ياخواف شخبارك
سعود: ماشي الحال
دلال تجلس قدامه: وانا سعووود
سعود: اخبارك ياحلوه؟؟
دلال: ايوه كذا حلوين انا بخير غريبه جالس في البيت
سعود: مع مين اطلع يعني مالي احد بعد الغالي
دلال بحزن: الله يرحمه .. طيب موزين كذا تحبس عمرك
سعود: وين اروح طيب
دلال: مدري ..طيب قوم نتمشى انا وياك
سعود وقف : يلا اغير بلوزتي واجيك وبعد عنها شوي
دلال: دقيقه بصورك كذا وانت كانك من ذول يسون دعاية عطر
سعود: الحين انتي تمدحين ؟؟
دلال: ماحطوا وجيهم الا انهم مزاين
سعود: الاشيون ضعاف وماكو عيون وشعر اعوذ بالله وربي السواقين حقينا احلا منهم
دلال: ماعلينا يلا كانك ملك جمال ارضيت غرورك
سعود ابتسم: كذا حلو يلا ( ابتسم على جنب وحط يده في جيب البرموده ) صوري
دلال: ياسيدي (وتصوره بالجوال)
سعود جلس على الكرسي ولف وجهه وهولابس نظارته الشمسيه: صوري
دلال (تصوره): عليك جمال ربي يحفظك مالوم البنات
سعود: هههههههههههههه عيب انا مااكلم
دلال: ايه هين ..
سعود ياخذ جوالها : يلا نصور مع بعض
دلال: لا انا وحده كله اغير جوالي اخاف احد يطلع صوري
سعود :طيب ( سكر كامرت الجوال وطلعت الخلفيه كانت صورت اياد) مالت ليه حاطته
دلال تاخذ الجوال: امس كان عندي وكان متكشخ وصورته
سعود: وشعنده
دلال: توه رايح بيت خطيبته وشهقت .ياويلي هو محلفني مااقول لحد
سعود: ليه هو خاطب
دلال: ماتقول لحد امانه
سعود: متى ملك
دلال: ماملك راحوا كلهم امس يشفون خطيبته
سعود: اهاا وعبير
دلال: مايبيها
سعود: اهااازين بروح اغير ابلوزتي وبرجع
دلال: امانه عليك ماتعلم احد
سعود: من حبي له اتكلم معه ولا افتح سالفه مع غيره فيه مالت عليه وعلى خطيبته
دلال: هههههههه طيب روق
$$$$$$$$$$$$$$$$&& $$$$
سعود يحش في اياد .. وماجد وايـــــــاد يحشون فيه وهم يكلمون بعض بتلفون ..
ماجد يسكرالباب بيد وماسك الجوال بيد: لا تكلم نواف .. وانا جد غلطان طبيت فيه بس جد
اكرهه
اياد: حاس فيك تحس المكان الي فيه هو تمحيه من الوجود مسود الوجه
ماجد: مالت عليه ويطنش اكلمه افشل فيه ولا كاني اسمعه
اياد: خواف وجبان شفته ذاك اليوم صفقته وكسرت يده وماقال لحد
ماجد يجلس على الكنب: لا السالفه فيها بنات .. انا مافيها بنات
اياد: ياشيخ غير الموضوع لاعت كبدي
ماجد: ايه صح ذكرتني كيف تخطب من غير ماتقول
اياد: انت دريت
ماجد: لا لسى (يعلي صوته) ايـــــه دريـــــت وليه ماتقول
اياد: مابعد يصيرشي .. قالت لك زوجتك
ماجد:انا وزوجتي درينا من امي
اياد: وكيف درت امك .. اكيد امي قالت وهذا انا موصيها
ماجد: لاتظلمها هي موقصدها تقول بس هيفاء صديقة رنيم وتبي تشوفها تصلح لم بنت ولا لا
اياد: من رنيم
ماجد: الي بتخطبها
اياد: يرحم امك اسكت قلبت اسم البنت فوق تحت اسمها رهف
ماجد: وانا وشدراني ماعلينا وش صار
اياد: تعال انت سالت عن اهل زوجتك زين
ماجد: ايه وعن البنت نفسها هيفاء بنت اخلاق صحيح طويلة لناس بس ماعندها خرابيط
اياد: ياعيني على الي يمدح..ماعلينا وخويتها رهف تتوقع زيها
ماجد:اياد ممكن تسكت وانا وشدراني عنها
اياد: طيب اسف
ماجد: سكر انت الي يطول معك في تلفون غلطان يلا يلا سكر( وسكر من اياد) واستنشق الهوا بعدين زفره
ودخل الغرفه
لقى هيفاء نايمه بدون لحاف هز راسه بــ لا .. "شكلها نامت وهي تصيح كل ما صلح الحال خرب
من جديد انا غلطان مفروض ماامسكها كذا"
جلس على طرف السرير : هيفاء ياهيفاء
هيفاء قامت : نعم
ماجد : ليه نمتي بدون غدا
هيفاء: مالي نفس
ماجد: اسف وحقك عليّ
هيفاء: كل مره تغلط علي وتقول اسف وانا زي الغبيه اسامحك
ماجد: طيب وش الي يرضيك وانا اسويه
هيفاء: ودني عند رهف العصر
ماجد: من عيوني بس بشرط تاكلين الحين
هيفاء: والله مالي نفس توني جالسه من النوم
ماجد: طيب بعد ساعه نروح مطعم تتغدين
هيفاء: طيب
ماجد يفتح ذراعه : تعالي
هيفاء تروح تضمه:.........
ماجد: انا متعود محد يجادلني او اذا قلت كلمه محد يعصيني انتي مكسره جميع القاعدات
وقبل كذا جايتني مثل مايقولون بشرك .. مومتقبلتني ابد ادري ان شعورك اتجاهي تغير
وانا نفس الشي بس لازم كل مااحد يستحمل الثاني شي طيب
هيفاء: طيب بس سامحني على الرسايل الي قبل الخطوبه
ماجد: مسامحك
هيفاء ضمه اقوه :........
ماجد: هيفاء في احد بياخذني منك؟؟
هيفاء ترفع وجهها: لا ليه
ماجد: الي يشوف مسكتك يقول في احد بياخذني
هيفاء" مالت على الجو الرومنسي الي تعرفه": كيفي زوجي وابي ضمك بقوه
ماجد: طيب مطوله ابي انام
هيفاء تبعد عنه: نام
ماجد: طفي النوم ولا اسمع صووت
هيفاء بملل: طيب
ماجد يناظر فيها وهي تطفي النور يوم افها بتطلع: وين وين
هيفاء :بنزل تحت
ماجد: ماعرف انا الا وانتي جنبي نامي معي
هيفاء: توني جالسه من النوم
ماجد بحده: ايــــــــش قلت تووو
هيفاء: طيب اسفه
$$$$$$$$$$$$$$$$&& $$$$
في العصر ..
في احد المولات خلصت تمشيه واخترات احد الكفيات وجلست بعد مااطلوبوا شي يشربونه
دلال تجلس: شكرا حبيبي سعود على المشيه الحلوه
سعود: صرت حبيبك وزوجك شنو
دلال: آآآآه حماره الي تاخذ واحد طيار
سعود: هههههههههههههه ليه
دلال: كله سفريات ماشوفه زي الناس
سعود: يروقون شوي الحلوين يروقون
دلال: سعود ماودك يعني ماودك
سعود: ايش ؟؟؟
دلال: ترقم هالبنت المسكينه صار لها ساعه وهي تناظر فيك وانت تناظر فيها
سعود ببتسامه: عيب مااكلم بنات انا بس اناظر عادي هي يمكن مشهبهه عليّ فاكيد تناظر
دلال: يا الله ياسعود نص بنات السعوديه مشبهين عليك ويكلمونك
سعود يشرب عصير: جمالي يذبح ياعمه وش اسوي
دلال: مقدر على توم كروز
سعود مكشر: هذا توم شيب وقزم وعيونه صغار ولا هو بسعودي زيي
دلال تناظر فيه: لحظت في شي ماتغير
سعود: وش
دلال: ثقتك بجمالك ..
سعود: دام في ناس تناظر واعرفي انك حلوه شوفي البنت الي وراك شوي وتجي عندي
دلال تلف وتشهق: صج ناس ماتستحي وهذا انا جنبك بعد
سعود :قومي نقهرهم
دلال: كيف ؟؟
سعود: امسكي يدي وانا بتغزل فيك وانتي ردي وهي تولع
دلال: وشدراك
سعود: اممممم استنتاج من مخي يلا
دلال:والله من الخبره ههههههههه
تقوم هي وسعود ويمرون قدام الطاوله ..
سعود: بس ارجع البيت باكلك وحشتيني
دلال تظرب يده: هيه عيب حنا في مجمع
سعود بعد مابعدوا عن الطاولات: ههههههههههههههههههههههههههههه
دلال: ولعنه شفت كيف يناظرون
سعود: موقلت لك ينقهرون على ايش مدري
دلال: يلا بس نطلع انا لاعت كبدي
سعود: يلا
$$$$$$$$$$$$$$$$&& $$$$&&&
4 العصر وصلت هيفاء لعند رهف ..
رهف تسكر باب غرفتها وهي مبسوطه : وجات امه خواته كلهم واخيرا حلمي بيتحقق.. بتزوج من واحد
غني .. وبكون قريبه منك بس لازم نزوج شهد واحد قريب عشان نكون مع بعض
هيفاء: خلصتي
رهف عقدت حواجبه:ايه
هيفاء: وسعود رهف وش راح تسوين فيه
رهف: ماراح يسوي شي .. والدليل انتي ماقال لماجد
هيفاء: انا مااهمه انتي تهمينه
رهف: طيب يمكن مايقرب لــ اياد
هيفاء: تستهبلين ماجد ولد عم اياد وسعود
رهف: سعود اخو اياد؟؟
هيفاء: بلا عبط عيال عم بعد هم
رهف: وشدراه سعود اني تزوجت
هيفاء: كرت الزواج افراح ال.......... وال..........
رهف: في مليون بنت في عايلتنا اسمها رهف
هيفاء: وفي مليون رجال غير اياد
رهف: شنو ارفض
هيفاء: ايه لان لووافقتي مااظن سعود بيسكت
رهف: وهو وشدخله وشدراه اني انا انا
هيفاء: من غباك عارف عايلتك واسمك وشكلك وصوتك هبله انتي
رهف: وانا وين بشوفه؟؟
هيفاء: زي ماشافني مرده بيشوفك ارفضي واحس هالزواج بيجي وراى مشاكل
رهف: مابي ابي تزوج طفشت من الدجه
هيفاء: براحتك انا جيت ونصحتك لاتجين بعدين وتقولين هيفاء الحقيني
رهف: انتي خايفه تخترب علاقتك مع ماجد
هيفاء تشهق: يامجنونه من متى قدمت نفسي عليك ..
رهف: مدري عنك شوفي كلامك
هيفاء: لاتفسرين كلامي غلط .. وبعدين ماجد وشدخله في هالسالفه.. رهف انا قلت هالكلام من خوفي عليك
بس ..اذا كلامي ضايقك فـانا اسفه والف مبروك والله يوفقك
رهف: لاتزعلين بس جد سعود ماراح يسوي شي وانتي قلتي له انها اخطبت ..يعني بيفكر وحده ثانيه
انا ..
هيفاء: ان شاء الله يصير الي تقولين عنه كذا
$$$$$$$$$$$$$$$$&& $$$$&&
بعد يومين ..
في قصر .. اياد ..
يرن تلفون في الظهر ..
ام نايف ترد: هلا
: هلابك ام نايف
ام نايف: اي وصلتي اختي من انتي
:انا ام احمد
ام نايف: هلا ام احمد كيفك؟؟
ام احمد: بخير الله يسلمك اخبارك ؟؟
ام نايف: ابخير هاه يا ام احمد بشري
ام احمد: والله سألنا عنكم وقالوا انكم ناس تشرف ..وسالت بنت موافقه.. وانا كلمت ابوها عن النظره
الشرعيه قال بعد التحاليل يشوفها
ام نايف: على خير .. والله يوفقهم وان شاء الله هالتحاليل تتطابق ونصير نسايب
ام احمد: امين ..يلا عن اذنك بشرف الغدا
ام نايف: يلا اجل مع السلامه ..
وسكرت السماعه .. واخذت جوالها ودقت على ولدها ..
اياد: هلا يالغاليه
ام نايف: البشاره
اياد ببتسامه: وافقوا
ام نايف: ايه
اياد: ادري قالي علي
ام نايف: شنو مالي بشاره
اياد: اذا طلعت حلوه لك بشاره ماطلعت حلوه مافيه بشاره
ام نايف: الحين تقول حنطاويه شلون موحلوه
اياد: ههههههههههههههههههه والله والله ماعرفها
ام نايف: قالوا للحرامي احلف قال جاك الفرج ..ماعلينا متى ناوي تروح تشوف البنت
اياد: بكره
ام نايف: جنازتك بكره قل امين وش بكره مفجوع على البنت انت
اياد :يمه وشفيك
ام نايف: الثقل ياولد .. قل يومين ثلاث ايام مو بكره
اياد: الي تشوفينه يايمه خلاص انا مقدر اطول عندي مرضى
ام نايف: طيب مع السلامه
اياد سكر من السماعه " وربي يا رهف ان نهايتك قربت اصبري "
$$$$$$$$$$$$$$$$&& $$$$$$
في الليل .. دخل بيت ابوه ..
بونايف يكلم الشغاله: بابا الفيصل موجود
الشغاله: يس في مكتب هوه
بونايف:طيب روحي نادي ماما كبير عشان تجي المكتب
وراح الى ابوه الي جالس في مكتبه .. طق الباب ودخل ..
الفيصل: تفضل ..
بونايف: السلام عليكم يايبه
الفيصل:وعليكم السلام سلطان فيك شي
بونايف:لا مافي الا الخير بس انا جاي وابيك في موضوع انت وامي
الفيصل: لحظه انا بكلمهم عشان يعجلونهم
بونايف: انا قلت لشغاله
وثواني وجات زوجة الفيصل .. وجلست ..
الفيصل: وهذا امك جات امر سلطان
مزنه: وش سلطانه الرجال كبر وعنده عيال تقول سلطان سمه بونايف
بونايف: عادي ابوي ويبغى يصغرني
مزنه: وهومن كبرك عشان يكبرك الله يهداك بس
الفيصل: امر ياولدي
بونايف: ولدي اياد ناوي يتزوج ومايبغى عبير واختار وحده من عايله اقل من مستوانا بس الشهاده لله
انهم ناس طيبه ..
الفيصل: وعبير
بونايف: موراضي مايبها
مزنه: معه حق بنت بنتي فاصخه الحيا لاغطا ولا حيا وتحط هالحمر وهالخضر وصايره مهرج قاعد
بونايف: اختي بتزعل
مزنه: مالها حق الزواج قسمه ونصيب.. الله موكاتم ان يتزوجها شنو نغصب الولد
الفيصل: كلام امك عدل وانا معها ..واذا خايف اختك تسوي سالفه انا بكلمها بنفسي
بونايف: انتم موافقين على البنت
الفيصل: انا مايهمني غير سعادتكم تاخذون من الي تبون ان شاء الله بنت السواق
المهم تكونون فرحانين .. وهواكيد بيرتاح معها
بونايف: الله يقدم الي فيه الخير
الفيصل: قلت لخوانك
بونايف :لا
الفيصل: اجل دق عليهم وخلهم يجون بس هم لحالهم
مزنه: ناد البنات
الفيصل: مابي غير عيالي الاولاد بناتك بعدين
مزنه: براحتك بقول لهم يجهزون العشاء
$$$$$$$$$$$$$$$$&& $$$$&&
دخلت غرفتها وهي تحس بضيقه ..
شهد تجلس على السرير وهي تكلم تلفون : خلاص وافقت
هيفاء: ايه ياشهد وافقت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك