رواية كينونية إمرأة -2
قال لها:خلاص خليه على السايلنت وكلمي فيه جليل وهو راح يكلمك عليه.وانا حفظت لك رقم جليل ورقم البيت علشان لو احتجتي اي شي تتصلين علينا
قالت له رونق:شكرا لك كثير كثير والله يجعله في ميزان اعمالك
وقالت لها ام صالح:خلك موجوده تغدي معنا وبعدين يصير خير
وفعلا قعدت معاهم وتغدت وكانت مره مبسوطه وكانت ام حسين مبسوطه اكثر
وقالت ام حسين لولدها :بصراحه ياحسين رونق بنت والنعم فيها الله يسامح امها على اللي تسويه فيها
مرت الايام وجاء بوجليل دخل عليها الغرفه وهي نايمه طالع فيها وجاها وباسها على شفايفها قامت وهي مفزوعه
وقالت :عمي ليه كذا
قال لها:انتي حارقتني من داخل انا احبك.
قالت له رونق :بس انت مثل ابوي
وصار بينهم جدال وراحت وطلعت هي من الغرفه ولمن طلع من غرفتها قال لها:شفايفك شي خطير واوعدك انه في بوسه ثانيه .وطلع من غرفتها
راحت رونق وكلمت بيت ام حسين وللقدر رد عليها حسين وقال :نعم
قالت له رونق:السلام عليكم وهي تبكي
قال لها :انتي رونق .شنو صاير
انتهى البارت وانشاء الله ينال اعجابكم
ياترى كيف بيصرف حسين بالموضوع
وبوجليل هل راح يوقف لهنا
انتظر ارائكم
ولعيونكم اليوم بارت طويل
ومبارك عليكم شهر رمضان وجعله شهر خير عليكم وعلينا
البارت الخامس
قالت له:موجوده خالتي ام حسين
قال لها :نايمه .قولي شنو اللي صاير ليكون بو جليل دخل عليك الغرفه
صارت تبكي اكثر من الاول قال لها حسين :لا تبكين يارونق ادخلي غرفتك وسكري عليك الباب
قالت له:هو ماخذ المفتاح وهذا اللي خلاه دخل
قال لها:روحي نامي في غرفه جليل والله يكتب اللي فيه الصالح انشاء الله
قالت له:انا اسفه في مثل هالوقت داقه عليكم واستر على ماواجهت
قال لها:البيت بيتك يالله رونق روحي نامي
قالت له:مع السلامه
قال لها :الله يسلمك.وصار حسين ينتظر الصباح على احر من الجمر
ولما صحت امه من النوم قال لها حسين :يمه انا ابي اتزوج
قالت له امه:هاذي الساعه المباركه وعلى منو حاط عينك
قال لها :رونق
قالت له:رونق عاد
قال لها:وليه شنو فيها
قالت له:مشاكلها كثيره
قال لها:علشان كذا انا ابيها .وابيك تكلمين ابوي عنها
قالت له امه:خلاص انا اكلمه ويصير خير
وفعلاكلمت امه ابوهوابوه رفض وصار يصارخ وقال:لاامه:هاذي ماتشرفنا ابوها سمعته سيئه
قالت ام حسين :ابوها الله يرحمه كانت سمعته ممتازه ومن التجار المعروفين اللي عايشه معه الحين عمها زوج امها وهو اللي سمعته تعبانه
والبنت مايخصهافي زوج امها
قال ابوه لها:عنده بنات عمته وبنات عمه
قالت امه:هو مايبي الا رونق .البنت مستوره بس ظروفها صعبه
قال ابوه لها:قولي لولدك اني مو راضي
وقالت امه لحسين وزعل وقال لاامه:على فكره ترى انا رونق عاجبتني بغض النظر عن مشاكلها
قالت له امه:خلاص ياوليدي كلم ابوك
وفعلا راح حسين كلم ابوه وقال له :يبه انا ابي اتزوج رونق
قال له ابوه:وش معنى ذي
قال له حسين:بصراحه البنت خلوقه وخدومه وقلبها طيب وانا حاس انها رايح تسعدني
قال له ابوه :بس هاذي مشاكلها كثيره
قال حسين :انا بتزوجها بس هي مو مشاكلها .الله يخليك انا عمري مارديت لك طلب وماامشي الا بشورك لاتحرمني.من فرحتي
طالع فيه ابوه وقال له:مااقدر ياولدي اقولك لاعلشان لااظلمك ولا اعيشك حياه تعبانه واكون انا السبب انا مو افق
قال له حسين :والله
قال له ابوه وهو يضحك مو عيب عليك انا ابوك
قال له حسين:الله يخليك لي .وقام وباس راسه
وقال له ابوه :الله يرضالي عليك بس كسف امها وعمها راح يعطونك اياها
قال له حسين :الخطه عندي بس خليني انفذها
وطلع حسين لاامه وهو مبسوط وبشرها انه ابوه رضى عليه وراح يخطبها له.وباركت له امه وهي مبسوطه
وراح حسين لاابوجليل وقال له:انا ابغاك ياعم في مو ضوع مهم
قال له بوجليل :وشهو
قال له حسين :وش رايك بخمسين الف
قال له بوجليل :وينهم
قال له حسين :لازم تلبي لي الطلب اعتبرها عندك
قال له بوجليل:وشهو الطلب
قال له حسين:رونق
قال له بوجليل:الليله عندك
قال له حسين:لاابغاها على طول
قال له بوجليل :على طول
قال له حسين :اي على طول
قال له بوجليل:وكيف .صعبه اخليها عندك .والبنت تراها راح تقاوم
قال له حسين :ابقاها زوجه
قال له بوجليل :زوجه .لك.كيف
قال له حسين :راح اعطيك خمسه وعشرين الف بعد الملكه وبعد الزواج خمسه وعشرين الف فكر وعطني الرد
.ورقمي انت تعرفه ياعمي
ومشى عنه وظل بوجليل يفكر وقال في نفسه:اشلون اعطيها وياه وانا احبها وبموت فيها .لكن خمسين الف مبلغ حلو وهي اساسا للحين
ماسلمتني نفسها .خل ابيعها احسن
ولماراح البيت قال لاامها :انا بزوج رونق
قالت له :شنو
قال لها:مثل ماسمعتي انا رايح ازوجها
وسمعت رونق وطلعت من المطبخ وقالت لهم:انا ماابي اتزوج
انتهى البارت انشاء الله ينال اعجابكم
ايش راح تكون توقعاتكم للبارت الجاي
ياترى هل بيتوفق بوجليل وبصير اللي يباه ولالا
وامها شنو بيصير موقفها
وكيف بيصير رده فعل رونق لماتعرف عن زواجها
وحسين بيقدر يوصل لرونق
واعذروني اذا البارت قصير ياحبايبي
البارت السادس
قال لها:مو على كيفك راح تتزوجين
راحت وهي تبكي الى غرفتها وخذت جوالها ومن حوستها دقت على حسين ورد حسين وقال :الو
قالت رونق:موجوده خالتي
قال لها:انا بره الحين
قالت له:بس انا داقه على البيت
قال لها:انتي داقه على جوالي.بس هذا مو مهم انتي شنو صاير معك .
قالت له:يبون يزوجوني غصب
قال لها:احسن
قالت له :انا اسفه ..راح ادق على جليل
قال لها :لاتدقين ...انا اللي خاطبك
قالت له:نعم
قال لها :انا اللي خاطبك
قالت له :انا اسفه على ازعاجك
قال لها :ازعاجك لي راحه يارونق
سكرت الجوال حتى من غير ماتقول مع السلامه
صارت تفكر بينها وبين نفسها وقالت :ليه يخطبني وهو عارف اني مليانه مشاكل
وفعلا حددويوم الملكه وبمجرد ماطلعوا من المحكمه حسين عطا بوجليل خمسه وعشرين الف
وقال له بوجليل:والباقي
قال له حسين :بعد لزواج مو الحين
وطبعا بوجليل استحوذعلى مهر رونق وكان حسين حاسب احساب لهاذي الحركه
وفي يوم من الايام قال لبو جليل :انا باخذ رونق ونطلع
قال له بوجليل :مايصير البنت ولما شاف حسين مطلع خمس مئه من جيبه قال بوجليل :البنت صارت زوجتك وحلالك روح خذها من البيت
وفعلا دق على رونق وطلعت له وركبت معاه بالسياره
وهم ماشين قال لها حسين :رونق كيف حالك
قالت له :بخير
قال لها :استريحي بالجلسه ليه صايره قريبه من عند الباب
قالت له:انا مرتاحه كذا
قال لها:انا زوجك لاتخافين مني
سكتت رونق وماتكلمت ولا قالت اي كلمه
قال لها حسين:انا الحين بوديك سوق الذهب انا عارف انه عمك اخذ مهرك كله
قالت له:بس انت مو مضطر انك تشتري لي ذهب
قال لها :انتي زوجتي اشلون مااشتري لك ذهب
قالت له:والله ماله داعي
قال لها :انا احب الذهب واحب ان زوجتي تلبس لي ذهب .وعلى فكره انا ماشفت وجهك بعد مانخلص راح نروح المطعم
قالت له:انا ماابغى اروح
قال لها :ليه
قالت له:اه....لاني تعبانه
قال لها:مو مشكله
وفعلا راحو السوق الذهب واشترت كل ماحلا في عينها وبعد ماخلصو وداها حسين للمطعم
كانت رافضه انها تنزل ومسك ايدها وراحت فلتت يدها من ايده
وقالت له :خلاص انا راح انزل
ونزلت ادخلو الغرفه حسين اشوي صار متضايق من حركتها معاه
طالعت رونق فيه وكان حسين جاط ايديه على الطاوله ويطالع فيهم ..مدت يدها وهي متردده وحطتها على يديه طالع فيها حسين
وقالت له:انا اسفه يا حسين ماكنت اقصد والله انك ماتستاهلمني هالمعامله بس غصبن عني
رفع حسين يده وحطها على يدها وقال لها:انتي غاليه عندي وانا مقدر ظروفك
وبعد فتره قال لها حسين :ماراح ترفعين غطاك ولا انا ارفعه لك
قالت له:ضروري
قال لها:بصراحه اي..ابي اشوف الجمال اللي امي وخالتي ام صالح تكلمو اعنه
ورفعت غطاها وصار يطالع فيها وبعد فتره قال:ماشاء الله سبحان اللي صورك يارونق اسم على مسمى
احمرت رونق من الخجل وصارت تطالع تحت طالع فيها حسين وقال :ارفعي راسك خليني امتع عيوني
واشوي وجاء العامل وعطاهم القائمه
طالع حسين في رونق وقال لها :شنو تختارين
قالت له :اي شي على ذوقك
قال لها حسين :انا فيك ذوقي حلوبس في الاكل انا ابغى اكل من ذوقك
وفعلا طلبو الاكل على ذوق رونق وكان حسين مو مصدق حاله وفي الطريق قال لرونق:بعد كم يوم اوديك تحجزين الصالون والثوب الابيض
وباقي الملابس راح اشتريها على ذوقي لك اذا ماعندك مانع
قالت له:شكرا ياحسين
قال لها:لا شكر على واجب يارونق
واشوي الاووصلو لبيتها نزلها
وقال لها:مع السلامه بينا تلفون
قالت له:الله وياك
وفعلا مرت الايام وتزوجت رونق وكان حسين كلف واحد اسمه مشرف وقاله:الظرف هذا تعطيه عم بوجليل بعد ماادق عليك
وفعلا بو جليل في ليله العرس جاء لحسين وقال:لاتنسى الاتفاق ياالنسيب
قال له حسين:اتفاقنا محفوظ والليله فلوسك عندك
وبعد مااخذ حسين رونق وراحو لشقتهم دق حسين على مشرف وقال له:الظرف عطه بو جليل
قال له مشرف :مبروك العرس
قال له حسين :الله يبارك فيك عقبالك
وراح مشرف لبو جليل وقاله بو جليل :نعم يالمؤذي
قال له مشرف:ليه الغلط تراك عزيز وغالي
قال له بو جليل:انا مااحبك ولا اواطنك بعيشه الله
قال له مشرف:بس الظرف اللي عندي راح يخليك تموت فيني
قال له بو جليل:اي ظرف
قال له مشرف:الظرف من حسين
قال له بو جليل وهو ملهوف:ووينه
طلعه مشرف من جيبه ورماه عليه وتلقاه بو جليل بيديه وقال:بصراحه نعم النسيب
رونق اللي راحت معها بس امه وابوه وصلوهم الين الباب وسلمت عليها وعلى وولدها وقالت لولدها :لاوصيك على رونق تراها بحسبه بنتي
وراحواامه وابوه ولما دخلوالشقه استغربت رونق من فخامه الشقه وترتيبها واختيار الاثاث
قال لها حسين:نورتي البيت وصاحب البيت
رونق ماتكلمت وقال لها حسين :الباب اللي مقابلك هو باب غرفتنا تفضلي الغرفه
وتوجهو الاثنين قال حسين:هذاالدولاب فيه ملا بس لك من اختاري اللي يريحك والبسيه
ولما فتحت الدولاب مالقت فيه شي طويل تلبسه كل اللي شاريهم لها حسين ملابس قصيره .طبعا مثل مانتو عارفين انه امها وعمها تقاسمو مهرها ماشرولها اي شي .يعني رونق الحين مضطره تلبس من اللي قدامها في الدولاب.وخذت قميص نوم لونه ابيض وطالعت في حسين
قال لها حسين :اوه...اسف انا راح اطلع الحين عن اذنك
وفعلا طلع حسين وبدلت لكن لما تأخرت مانا دته هو اللي دخل .وصار يطالع فيها وهي منحرجه منه
وقال لها :مدام انك خلصتي ليه مانا داتيني
ماردت عليه ولا قالت اي شي
قرب منها ومسك يدها وقال لها:يالله خلينا نروح نتعشى
قالت له:انا مالي نفس
قال لها :ويهون عليك انام بدون عشاء
راحو المطبخ والعشاء كان جاهز جلسها وجلس هو مقابلها
قال لها:حياتي تفضلي
قالت له:شكرا
وصارت تاكل بس خبز طالع فيها حسين وقال :ليه ماتاكلين
قالت له رونق:انا اكل
قال لها :من قعدنا وانتي ماتا كلين غير هالخبز الاكل مو عاجبك
قالت له :بالعكس
قال لها :خلاص انتي ماراح تاكلين قومي نروح الغرفه
قالت له :طيب....على الاقل خليني اشيل العشاء واحطه بالثلاجه
قال لها:انا راح اساعدك
رونق حست ان الدنيا ضاقت فيها لانه راح يساعدها علشان يروحون الغرفه .وفعلا خلصوا وراحوللغرفه
وبمجرد مادخلو الغرفه حسين شلح فانيله البجاما وخلى عليه السروال
وقال لرونق:انا هذا مكاني يناسبك مكانك ولا نغير
قالت له رونق:لا يناسبني
وقال لها حسين :تصبحين على خير
قالت له:وانت من اهل الخير
راح مكانه وانسدح وهي راحت لمكانها وعطت حسين ظهرها ولا تغطت معه.طالع فيها حسين ولقاها ماهي متغطيه جاء وغطاها معاه
واحمرت رونق وصارت دقات قلبها متلخبطه وعرقت وحست انها ماهي قادره تاخذ نفس
اشوي والتصق فيها حسين من وراء وقال لها:احبك يارونق
ماردت عليه و لابكلمه قال لها:ادري انك صاحيه وحط يده على يدها
وقال لها:انا مشتاق لك كثير .وباس ظهرها
قامت رونق وهي
انتهى البارت
ياترى شنو توقعاتكم للبارت الجاي
مقتطفات من البارت الجاي
اتركني ماعدت اتحمل
انا زوجك انا بنام في الصاله
الو من معي ..اطلعي بره بيتي
انتظر ارائكم
نورتي يااااا swethard
وظل الورد منوره ياورده
البارت السابع
قامت رونق وهي مفزوعه وقالت :الله يخليك اتركني في حالي ترى انا تعبانه والله ماعدت اتحمل اكثر
طالع فيها حسين وقال لها:حبيبتي ...انا زوجك
خذت نفس عميق وقالت :واذا كان يعني
قال لها حسين :انا اسف وحقك علي
بس تعالي نامي .قالت له:انا راح انام في الصاله
وفعلا راحت للصاله ونامت هناك ومن الصباح رن الجرس للباب وقامت رونق على صوته ودخلت على حسين في الغرفه وصحته
وقالت له:حسين قوم صوت الجرس
قال لها :روحي فتحي الباب انتي
قالت له:اطلع لهم كذا
طالع فيها وقام وهو مفزوع وقال :لا..لابدلي
وراح فتح الباب الا امه وابوه جاين رحب فيهم ودخلهم
وقال له ابوه:شكلك نايم
قال له حسين :ماوراء السهر صحوه بدري
عن اذنكم دخل الا رونق توهاكانت بس لابسه بنطلون مابعد تلبس بلوزتها طاحت عينه عليها على طول واتمعن فيها
بعد فتره قال :رونق
شهقت شهقه قويه وقال لها:بسم الله عليك عجلي حبيبتي لان اهلي هم اللي جاين
ولبست رونق وطلعت لهم وسلمت عليهم وانبسطو فيها وقبل مايطلع حسين قالت لها امه:هذاالفطور جاهز واحنا الحين رايح نمشي
لاتنسين جيه العصر
وقامواقالت لهم رونق:وين افطروا ويانا
قالت لها امه:سبقناكم يالله يابنيتي مع السلامه
وراحو راحت رونق وطقت باب غرفتهم قال لها حسين:تفضلي
قالت له رونق:مايحتاج تتعب نفسك تراهم مشو
قال لها :كيف
قالت له:جايبين لنا الفطور قلت لهم خليكم افطروا معنا استئذنوا وقالواحنا سبقناكم
قال لها حسين:مو مشكله خلينا نروح نفطر
قالت له رونق:لا حسين انا مالي نفس روح انت
قال لها :انا ماراح اكل اذا ماتكونين انتي موجوده
وراحت معاه وعطاها اول لقمه وقال لها:رديها عاد
وراحت هي ولقمته وانبسط حسين كثير على اساس ان هذا الشي طيب كثير
مرت الايام ودقت اخت حسين تشتكي على زوجها انه مايحترمها وصاير يصارخ في ووجها كثير من دون اي سبب
قال لها حسين :خلاص انا راح اسكر منك واكلمه
وكان حسين مستند على الجدار ويكلم زوج اخته
رونق طلعت من غرفتها وطالعت في حسين وحسين كان يطالع فيها راحت رونق واحتضنته وحطت راسها على صدره قريب من رقبته
وباستها حسين طبعا راح واحتضنها بأيده اليسرى وانهى المكالمه مع زوج اخته واحتضنها مثل ماهو يحب وكان يمسح على ظهرها
علشان تحس بحنانه وعطفه وباسها حسين على رقبتها.وراحت من صدره وهي مفزوعه وطالعت فيه ومشت عنه
وطالعها وكله حسافه لانها ماعطته الفرصه علشان يثبت لها العكس
وفي يوم من الايام رن التلفون وردت عليه رونق الاوبئخوها انس قال لها:رونق
قالت له :نعم ..من معي
قال لها :انا اخوك انس
قالت له:هلا .كيف حالك
قال لها:بخير وانتي
قالت له:طيبه ولله الحمد
قال لها:انا رايح اجيك .اليوم اذا ماعندك مانع
قالت له:حياك البيت بيتك
وفعلا جاء على الغداء رحبت فيه وبعد الغداء وبكل جراءه يطلبها فلوس
قالت له رونق:اسفه يااخوي انا ماعندي فلوس اعطيك اياها انت وامي تقاسمتو حلالي وانت عاده لبقيت فلوس تروح لاامي شنو جابك عندي
قال لها:انا اول مره اطلبك وماتعطيني
قالت له:وانا عمري كله ماطلبتك وانت عارف بحالي ومامره في حياتك مديت يدك لي
طلع وهو زعلان منها وفي اليوم اللي وراه دقت امها عليها وصارت تصارخ عليها وقالت :انتي عندك فلوس ليه ماتعطين اخوك
قالت لهارونق:الله يخليك له عطيه
قالت لها امها:انا ماعندي من ووين
قالت لها رونق:من حلالي اللي اخذتيه وجات امها وسكرت التلفون في ووجها .صارت تبكي رونق
وفي نفس اليوم جاء حسين من الدوام وكانت تجهز الغداء جاها حسين وعطاها كيس
قالت له رونق:شنو هاذا
قال لها :هديه
قالت له:لمن
قال لها :لك
قالت له :لي انا
قال لها:ماعندي غيرك لك حياتي .وراح عنها
وفتحت الكيس الا وفيه ورده حمراء وهديه ورساله
الهديه كانت خاتم واسوار انبسطت عليهم كثير
وفتحت الرساله وقرتها وكان مكتوب فيها
الى الانسانه التي احب واحببتها .رونق انا احبك كثير ومشتاق لك اكثر
انتي تعنين لي الشي الكثير ..انتي حياتي وشوقي ..انتي حبي وذوقي
انتي كل شي ..اعذريني على هذاالكلام .
انا ماني ام انس ولا ني بو جليل .انا حسين زوجك وانشاء الله راح اكون ابو عيالك
ليه تحرميني منك ليه تخليني اعيش وحيد على الرغم من قربك مني .انا افتقدك
عطيني فرصه علشان اثبت لك العكس.خليني احسسك بحناني وعطفي .
خليني احسسك بأحساس الزوج المحب
احبك حسين
انبسطت رونق لما قرت الرساله وصارت في عالم ثاني ودخل عليها حسين وهي تقول:احبك ياحسين احبك
وتبوس الرساله وكانت معطيه باب المطبخ ظهرها تحنن حسين ولفت
قال لها :الغداء جاهز
قالت له :اي تفضل
وبعد ماجلسوا قالت رونق له:شكراعلى هاذي الهديه
قال لها حسين :لاشكر على واجب
وبعد الغداءجابت له كوب شاي وقالت له:تفضل
قال لها :شكرايا حياتي
ابتسمت رونق بهدوء وقالت له:حسين
قال لها :عيوني انتي
قالت له:شكرا .ابغى ازور امي
قال لها :انشاء الله حياتي العصر نروح لها
ولما جاء العصر راحت رونق لها وما يمديها فتحت امها الباب الا وطردتها وقالت لها:لك عين بعد تجين لي مابغاك تجين حتى في عزاي ماابيك
وصارت تبكي ركبها حسين السياره وصار يقول لها :حبيبتي رونق انتي عارفه انه ممكن تكون هاذي رده فعلها ليه تبكين
قالت له:ليه قلبها قاسي علي انا احيها بس هي ماتحبني .ماكأني بنتها
قال لهاحسين :هي تحبك لكن بطريقه تعاملها كذا لاتشيلين هم الايام الجايه كفيله انها تغيرللافضل
وصار يطيب خاطرها بالكلام لين ماوصلو البيت راح حسين وبدل وقعدبس بالبجامه وطالع فيها
جلس جنبها وهي بعدها تبكي احتضنها حسين ومارفضت وصار يمسح على ظهرها ويقول لها:خلاص ياحياتي
الموضوع مايسوى ترى دموعك عندي غاليه كثير وماارضى اشوفها على مثل هذاالموضوع
قالت له:لكني مجروحه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك