رواية بعد كذبك لا ترتجي مني نظره -2
في حي راقي وهادي جدا..
في القصر.. في احد اجنحته الراقيه.. مطلي لونه بالازرق الغامق.. اثاث سماوي فاتح..تلفزيون بلازمه بالجدار.. دفيدي واسيريو على الطاوله.. مكتب في ركن والركن الثني اريكه وفي وسط الغرفه
سرير لشخصين..بالعربي الجناح في قمة الفخامه..
بعد ماخلص شور دخل غرفة الملابس ولبس بجامته..وراح لغرفته وهوميت تعب
: والله ماهي حاله ابوي طفشني
ويقطع كلامه او تعليقاته على ابوه صوت الباب
سعود: مفتوح الباب
زينه تدخل الغرفه: خالاتي تحت ماتبغى تشوفهم
سعود ينبطح ويرجع شعره على ورى: لاتعبان ابي انام
(يدق جواله وياشر لاخته تتطلع)
زينه تسكر الباب وهي تناظر..( تعبان وتكلم خوياتك ياربي متى بتعقل..) وتركته
وقفت شوي تعدل شكلها وراحت تنزل من الدرج وقبل ماتوصل
درجه الاخير .. سمعت سعود يرحب بخالاته..
زينه بدهشه: سعـــود؟!
سعود ببتسامه :ياعيوونه بعدي بسلم على خالاتي..
زينه تناظر فيه وهويمر من قدامها بذهول ..(( الكشخه عند سعود ماتاخذ عنده ثواني حق البنات..
الله يهداك ياخوي))..
سعود يلف عليها: زوزي تعالي ليه واقفه وساكته
زينه تمشي معه وهي ساكته:................
ام سالم خالته: هلا بولد اختي الي ماينشاف
سعود يجلس وعيونه تقز كل بنات خالاته: انتم ماتجون يااكون مسافر او طالع او نايم
امه تخزه: سعود كانك بتطلع؟!
سعود ببتسامه: ايه
لينا بنت خالته تدلع تبغى سعود يحبها زي ماتحبه: انت كله طالع احس لويوم ماطتلع تحكك رجلك
سعود ((يالله بموت ضحك ع سخافه)) ابتسم بدون نفس: هذا انا موجود معك ومع خالاتي..
خالته ام عيسى: وين معنا الحين بتطلع..
سعود ببتسامه تسدح البنات:لازم ياخاله عشان خالاته ياخذون الراحه اذا انا جلست بظلون متغطيات..
ويناظر في البنات.. الي داقه لثمه والي قاطه على وجهها الغطه والغطه شفاف..وقف
وعيون الكل عليه..يلا سلام..
*×* سعود عمره22 سنه يدرس في الجامعه مثل ماعرفتوا مغازلجتي درجه اولى..
$$$$$$$$$$$$
: مااامي الله يخليك بس بشتري جكيت واحد
امها :مايصلح بنات يرحون لحالهم السوق
رهف بكذب: موالسوق ماما ..انتي تعرفين المحلات الي لحالها
هذا المحل لحاله بروح اشتري وارجع
امها: اف طفشتيني بس ماطولين
رهف : ياااروحي والله ماراح اطول(وتبووسه امها بقوه)
امها تبعدها: عندك فلوس
رهف وهي تاخذ عباتها من الشغاله : ايوااه يلا بااااااي مامي
وتدخل المجلس وهي مبسوطه..
هيفاء: هاا وافقت
رهف: ايه يلا
هيفاء تتلثم: يلا اخلصي
وطلعوا من البيت في السياره بعد مابعدوا من البيت رهف تفصخ النقاب وتتلمث..
وتعطي السواق: مية ريال..
هيفاء تشهق: على وين الدجه
رهف تناظر عيونها في المرايه: الراشد طبعا اليوم الخميس
هيفاء: وصلني البيت بعدين روحي مالي خلق هياط
رهف برجا: هيووف الله يخليك عن السخافه بس بشتري ونشفى شي عدل اخذنا (وتغمز لها)
هيفاء تاافف: اف تيب ربع ساعه اكثر من كذا برجع بيتنا بتاكسي
رهف: من عيوووني..(تكلم السواق) الراشد عبد القدوس
وكلها ثواني.. وتوقف السياره.. عند مجمع الراشد..
*
*
*
رافع جواله ويكلم: انا بدور الثاني انتي وينك.. خلاص لاجيتي دقي لاطولين
ويسكر ..يلف على صديقه.. ابراهيم خلينا نجلس على هالكراسي
ابراهيم: من جدك سعود ياكثر الكافي هنا نجلس ع الكراسي
سعود : ربع ساعه ماجات نروح الشقه
ابراهيم: ماتبي جديد
سعود: ودي بس تعبان
ابراهيم: الا الاخت حلوه
سعود: ماشفتها
ابراهيم: ياخوفي شينه
سعود: عاتي نوسع الصدر ههههههه
ابراهيم: هههههههههههه
*
*
*
في مكان ثاني بالراشد..
هيفاء: خلاص رهف خلينا نمشي وربي طفشت وامي الحين بتدق
رهف : تيب خلينا ندخل هذا المحل واشتري اي شي منه عشان اسكت امي..وجع محد حلو كلهم شيون
هيفاء تستهبل ع رهف: حرام شوفي هالرجال يهبل( تاشر على رجال شايب)
رهف تناظر فيه: ههههههههه ياحماره انا صدقت بعد اناظر فيه
ومروا قدام ثنين شبااب ولا حسوا فيهم..
سعود كان بيقوم بس يوم شافهم جلس وناظر ابراهيم: شفت الي انا شفته
ابراهيم: صوااريخ
سعود ياشر بيده يلا: قوم قوم وراهم..
ابراهيم : وخويتك
سعود : تنقلع اهم شي ذوول
ويدخلون المحل..
رهف تنزل الجكت: هذا حلو صح
هيفاء : هذا بعد
رهف : خلاص ناخذه لشهد وانا هذا يلا انتي اختاري
هيفاء : لا خلينا نسوي طقم ناخذ ثلاث نفس بعض
رهف: على قولتها تخم هههههههه
هيفاء: فديتها ههههههه
رهف تلف تدور على هندي عشان يطلع لهم مقاس.. وتناظر في شباب يناظرون ويبتسمون لها..
رهف تهمس لهيفاء: شكل ماراح نطلع فاضين
هيفاء تلف وتناظر فيهم وتهمي لرهف: قصدك ذول
رهف: اييه
هيفاء:هههههههه اصبري لا اخسرهم الحين لك
رهف: هههه كيف؟
هيفاء: الي اخترته انا بـ150 ريال وانتي اشوف كم 180 وحنا راح نشتري من كل واحد ثلاث يعني المجموع 990ريال..
هيفاء :جاريني بالكلام..(تعلي صوتها) يووه نسيت فلوسي ياربي وش هالورطه
رهف : خلاص خلاص الحين اكلم اخوي يجي
سعود يروح لهم: ولوو حنا نخدمكم
هيفاء ماسكه روحها لاتضحك: شنو يعني بتدفع لنا مثلا
ابراهيم: لوتبين المجل نشتريه
رهف: بليز لاتعطلونا
سعود :هذا مقاسكم
رهف: ياخي انا بشتري لي ولخوتي ولوحده ثانيه
سعود : ولوو لجل هالعيون اشتري الراشد
هيفاء (نشوف).. تاخذ الجكت من يد رهف : خذهم نبغى من كل واحد ثلاثه
واحد اكس سمول واحد سمول واحد ميديم
وثلاث سن توب هع >>>>>
سعود : طيب ..
ابراهيم: هالمره ع حساب سعود المره الجايه علي انا
هيفاء صوت بشبه مسوع: هذا اذا صار مره جايه
ابراهيم :هلا ماسمعتك
هيفاء: اقول ان شاء الله
راح ابراهيم جنب سعود..
رهف تهمس لهيفاء: اغبيه مرره
هيفاء: حييل ولا ويقول مره ثانيه انا زين ماجاني صرع من جبهته
رهف : ههههههههههههههههههه متحمسه اشوف الصدمه على وجيهم
هيفاء : اييه لو ماخذين اغلى مواحسن
رهف : سكتي الحين بيدفع..
سعود : كم الحساب
الكاشير: 990
سعود يطلع المبلغ من المحفظه: خذ
رهف وهيفاء انصموا..
جا لهم..سعود وعليه اجمل ابتسامه: خذوا الكيس وطلع لهم كرتين
اخذوا الكيس وطلعوا من المحل.. ومن الراشد بكبره..
بس اركبو السياره اشافوا الكروت..
رهف تشهق: هيــــــفاء.. اقري الاسم
هيفاء: اشوف(تاخذ الكرت) وجع طلعوا بطرا وانا اقول ليه ما تاثر بالمبلغ
رهف : وين بوجبهه..
هيفاء: رميته ياختي شين
رهف: الهم نضمن واحد لرصيد هههههههههههههههه
هيفاء: لاتنسين تراني صاحبة الفكره
رهف : فديتك
هيفاء بعد ماوقفت السياره قدام بيتهم:لاتنسي الرصيد ههههههه يلا بااااااي
رهف : تيب ههههههههه بااي
وتسكر هيفاء الباب.. ويحرك السواق ..
رهف بعصبيه: انت هييه وقف
السواق وقف السياره وهويتكلم بلغته
رهف لمى شافت هيفاء دخلت البيت : حرك وعن الهذره
$$$$$$$$&&&
وش موقف شهد من السالفه؟؟
رهف لوين طريقها بيوصلها؟؟
هيفاء ليه زعلانه ؟؟
واحداث كثيرر في الجزء الجااي..
تحياااتي..
*×* الـــبــارت الثــــالـــث *×*
ـــــــــــــــــــــــــــــــــــــــــــــــ
بعد يوم متعب جدا صحت على ساعه وحده الظهر..ومتعكر مزاجها..
من كثر دقات جوالها ..رفعت الجوال وعطت الي يدق مشغول ورجعته ع الطاوله..
(ياربي متى افتك وارتاح من هالحياه الي انا عايشتها)..لفت على الجهه الثانيه
وشافت اختها منيره.. عوجة فمها( ربي عافني من هالوجه)..
منيره وهي تمشط شعرها وتناظر شهد في المرايا: اول مره تشوفيني
شهد وهي منسدحه على سريرها وبنفسيه ترد: لا اتامل فيه جمال البعارين الي تملكينه
منيره تلف عليها وتناظرها بحتقار: خليت لك جمال الخرفان
شهد ترفع نفسها وتحط ورى ظهرها مخده وبدون ماتناظر اختها:اجل جمالي جمال خرفان
سبحان الله حتى الخرفان لهم جمال.. شكلك من نفس الفصيله
منيره من القهر اخذت المشط ورمته على شهد بس ماجاها..
شهد كاتمه الضحكه: موفوق شينك بعد حولا.. الله يعين الي بياخذك
في هالوقت رن جوال شهد.. وتعطيه رفض
منيره تقوم من مكانها وتروح لشهد..
شهد لمى شافتها جات لها عقدة حواجبها : خير نعم شتبين
منيره تتخصر( تحط يدها على خصرها وتهز): من الي عطيته مشغول هاا مين
شهد تلف يمن ويسار: للاسف مالقيت شي ارن راسك فيه مالت عليك..وش يخصك انتي هاا
منيره: بتقولين ولا اصارخ واخلي البيت يدري..
ضاحي يدخل بدون مايدق الباب: شهووده صديقتك دقت وامي قالت لها انك نايمه
ويرجع يدق جوال شهد وتعطيه مشغول..
منيره تخز فيها: بتقولين منو ولا اقول لضاحي..
ضاحي يناظر فيهم الثنتين :شسالفه
منيره تكتف يدها: يلا قولي..( ويرجع جوال شهد يدق).. هات الجوال اشوف من الي متصل
شهد تكش عليها وترد على الجوال وهي تصارخ: انتي شبلاك ها شبلاك اعطيك مشغول ترجعين تدقين
ازعجتيني
وتطلع من الغرفه..
شهد: الوووو وجعه رهيف وينك..
رهف :خلصت صراخ عشان اقرب السماعه..
شهد: شنو اضحك الحين؟..
رهف :لا ابتسمي ..(تصارخ عليها)ياالخايسه انا متحمسه وعندي لك موضوع ضروري
وانتي نايمه نومة اهل الكهف ان شاء الله..
شهد : وشو
رهف:طحنا على ناس ياشهييد راهيين
شهد بدهشه: بــالله
رهف: والله
شهد بحماس: وش اسمايهم
رهف :واحد اسمه سعود والثاني ابراهيم
بس ابراهيم رمته هيوف رقمه
شهد: لــيه ان شاء الله ماتبي انا ابي اهايط
رهف: عاتي لادقيت بقولها طاح رقم خويك ولا عطاني برسله لك
شهد: طيب شنو الاعوايل
رهف: سعود عايلته ال........
وبوجبه عايلته ال .........
شهد: ياويل حااالي حرااااااام
رهف : عصفور باليد ولا عشره على شجره ..ياشيخه اهم شي الرصيد
كلمنا واحد اثنين اهم شي الرصيد..
شهد: وين شفتهم..
رهف: على طاري الشوفه ادفعوا لنا قيمة الجكت
شهد: عسى شايفينكم في سنتر بوينت
رهف :سنتر بوينت تشوفين فيها صاحب الصيدليه والبقاله والمدرس الصومالي
مو ذول
شهد بهبال: وشفيه المدرس الصومالي والله يجنن يالبى جمال الصومال بس انتي شكلك تغارين
لان جمالك جمال بنغالي
رهف طنشت كلامها: ولاكاني سمعت شي بكره بجيب الجكيتات
لاتلبسي جكت تيب
شهد : هههه طيب كيف طيحيهم..
رهف بغرور: العيوون ..عيوني من حلاها تسدح
توم كروز نفسه..
شهد: قصدك محمد عبدو اقول بس انطمي لاتاخذي مقلب في نفسك
رهف بدلع :شهد ليه تغارين مني
شهد: لانك شينه فكذا اغار
رهف بهبال: اف طفشت من الي يغارون مني
شهد: اقول انقلعي بس ..تعالي متى بتكلمينه..
رهف : مدري لادقيت بقول لك ..
شهد: طيب انا الحين بسكر لان الحين بيحطون الغدا..
رهف: تيب
شهد: رهف لا اوصيك علقييه نبغى نغرق رصيد ههههههههههه
رهف : من عيووني هههههههههههههههههه
وتسكر شهد من رهف وتروح غرفتها.. لمى جات بتسكر باب غرفتها
شافت اختها سوسن جايه لها ..ابتسم لها ابتسامه عريضه ولمى قربة حيل سكرت
في وجهها الباب وقفلته وجلست تضحك على صراخ اختها..
*×* اليوم يارهف وياشهد..نضحك بكر نبكي..الى وين طرقيكم بيوصلكم الى وين؟؟!!*×*
$$$$$$$$$$$$$$
فـــي الحــي الراقــي..
في القصــــــــر الواسع..
علــــــى طاولة الاكـــــــل..
الخدم تحط الاكل وترتب عشان اصحاب العز ياكلون>>حسره علينا سفره على الارض ويخب
ام رياض: متى رجعت البيت ياسعود؟؟
سعود منشغل بصحنه: على الوحده..
ابو رياض يرمي الشوكه والسكين: من بكره او ليه بكره من اليوم ان شاء الله
باب القصر بعد 12 يتقفل وماينفتح ..والي يجي بعدها(يناظر سعود) يدور له مكان
ينام فيه..
(ويرجع يكمل اكله)
سعود يحط السكين وشوكه ويمسح فمه بمنديل ويقوم: الحمدلله
ابو رياض:اجلس انا ماخلصت اكلي
سعود يشدعلى سنونه: طيــب (ويجلس)
ام رياض تصرف السالفه عن دلوعها سعود:وش بتسوي في عزومة رياض مابقى عليها شي
سعود يهمس لزينه: متى راح يجي؟؟
زينه: بعد بكره
ابو رياض يناظر سعود: اسمع اخوك بيجي فض نفسك له..وجيبه من المطار
ياليتك طالع على اخوك الكبير..
سعود يمسك اعصابه: متى طيارته؟
ابورياض: الساعه 6المغرب طيارته توصل..خمس ونص انت بالمطار..
زينه بدلع : تيب باباتي حبي ممكن طلب
ابو رياض يبتسم لبنته ودلوعته : هلا ياعيون بابا امري..
سعود يناظر فيه وفيها..(جعل عيونك البط)
زينه ببتسامه: فديت عيونك ابغى فلوس ابي اشتري لي فستان لحفلة رياض
ابو رياض: ليه يا بابا من هنا ..هنا مو زين ليه ماتطلبي من برى
احسن..
زينه: ان شاء الله بزواجه ..الحين راح تعطيني ولا لا
ابو رياض: اكيد يا بابا بس اخلص غداي نطلع سوى للمكتب..
واعطيك عساك راضيه بس..
زينه تقوم وتبوس راس ابوها: دام راضي علي اكيد راضيه..
ابو رياض يناظر سعود الي وجهه صار احمر من العصبيه: ليتك كل الناس زيك..
رفع سعود عيونه وهو يناظر ابوه ولمى شاف ابوه يناظر فيه نزلها..(اكرهك يايبه اكرهك)
*×* سعود اخوانه: اخو واحد اكبر منه ..
واخت وحده زينه
وترتيبهم كذا..
رياض عمره 29سنه.. سعود..زينه 19 سنه..
$$$$$$$$$$$$$$
في شقــــه صغــيره في بيت عايله متواضع..
في العصر..
بدر بياس : مااظن توافق
منى تمشط شعر بنتها: طيب الى متى بظل كذا يابدر ارمله..
بدر بنفعال: ماهي بارمله..
منى تكلم بنتها: ماما روحي العبي ((توقف وتجلس جنب بدر على السرير)) بدر لاتستهبل
اختك ملكة وطلعت ودخلت معه ومدري ايش ابي اعرف انتم ليه مخلينها على راحتها كذا..
بدر:تبغين نزوجها وبكره تتطلق ..يامنى الزواج بالغصب موزين..
منى تتافف: بيعني وش اقول لاخوي.. وبعدين تعال اختك ليه ترفض كل من جاء لها
بدر: لاتها تحب وليد؟؟
منى بخبث: شدعوه لهدرجه تحبه ..ولا كل من جا لها خطيب سوت لها فلم وصياح ونياح
مومعقوله بدر كل هذا عشان تحبه..
بدر: وشقصدك
منى :مدري انت افهمها انت شفتها اول ماجا لها الخبر اغمى عليها
وجاها انهيار عصبي ..بالعين ماشفنا بس بالعقل عرفنا..
واخوي شاري يابدر..
بدر عقد حواجبه وبدا السواس يلعب فيه..وكلام منى يرن في راسه..وبدات الافكار توديه وتجيبه..
منى بشبه ابتسامه: بدر بدر
بدر:هلا
منى :وش تفكر فيه
بدر: ولا شي انا بروح اكلم امي تكلمها.. وان ارفضت لي كلام مع هيفاء ثاني..
منى ابتسمة بشماته: طيب وانا بقول لاخوي ينتظر لاسبوع الجاي..
بدر يهز راسه ويطلع من الغرفه.. الى برى الشقه..
$$$$$$$$$$$$
حل الظلام.. ونور الشمس ودع اراضي السعوديه .. وهل عليها نور القمر
ولمعان النجوم يسطع.. الساعه 9بالليل..
صعدت فوق غرفتها على اساس راح تنام وهي نشاطها زايد.. دخلت وسكرت الباب
عدل وشغلت التكيف ونبطحت على السرير وهي تتحسب على اختها الي اخذت مفتاح الغرفه..
(حسبي عليك من اخت طفشتني ماخذه مفتاح الغرفه)..انبطحت على السرير وغطت نفسها
عن تبرد.. دقت على الارقام الي في الكرت..رنه رنتين ثلاث
الـى لايوجد رد..سلامات الاخ مايرد دقت على شهد..
رهف : شهوده مايرد
شهد: الرصيد
رهف: ايه
شهد: عطيني رقمه
رهف: انا مارد انتي بيرد
شهد:حسبي عليها هيفوه التبن قطت الرقم
رهف: مالت والله شين
شهد: فلوسه تحليه
رهف: عاد هذا الي صار هيوف رمته
شهد:مالت ع الحظ تيب انتي دقي وازعجي دين ام الرصيد
الين مايرد
رهف: تيب يلا سلام..
سكرت من شهد ورجعت دقت على سعود ع قولتهم الرصيد الين ماجاها مقفل
رهف : مــــــالت عليك زين قفل الجوال..
رمت الجوال على الطاوله ونامت..
$$$$$$$$$$$$
سعود يناظر الساعه 12ونص:يلا جدتي مع السلامه ويلا عماتي العزيزات الى لقاء
جدته: الله يحفظك ويبعد عيونك عن الحريم..
الكل :هههههههههههههههههههههههه
سعود ببتسامه: مااغازل انا
جدته تناظر فيه: ايه عارفه انت ماتغازل حتى البنات هم الي يلزقون فيك..(تضربه بعصاته)
عنبو دارك من جلست جوالك موراضي يسكت..
سعود يصرف يوقف ويحب راسها: الله يخليك لي بس
يلا مع السلامه ..
ويطلع من القصر..
وصل الى قصرهم وناظر الباب الكبير مسكر..عوج فمه وراح الى الباب الخلفي..
دخل وشاف المسبح..(والله الجو يساعد بس انا حدي تعبان يازين المويه)ورسم على وجه ابتسامه
دخل البيت وعلى الاصنصير الى الغرفه وصل غرفته على ساعه وحده بالظبط.. فتح الجوال..
وشاف المس كول من رقم غريب فوق 13 مره داق ومن ارقام مسجله عنده كم رنه..
سعود يرمي شماغه ويجلس على سريره: اوف 13 مره من ذي
..وعلى طول دق على الرقم.. وشغل التكيف بجهاز التحكم من بعد..
رنه رنتين ثلاث الين لايوجد رد.. لكن سعود مومن الي يطفش بسرعه
جلس يدق ويدق الــين مارد صاحب الرقم..
*
*
*
كانت نايمه وجوالها يدق ويدق بشكل مزعج رفعت الجوال بدون ماتشوف المتصل منو
رفعت الجوال وهي شبه صاحيه : الووو
المتصل بصوت رومنس: مساء الليل
رهف تفتح عين وتسكر عين وتناظر الساعه وحده: قصدك صباح الخير وش تبي
المتصل: انا سعود
رهف ناسيه السالفه وردت بنفس خايسه: والله على بالي وائل كفوري ..تيب وسعود شسوي لك
سعود ياخذ نفس: انتي الي داقه موانا
رهف على نفس النفسيه: انت منسم شي اقول لك انا مادقيت وبعدين حاب تحقق لاتدق هذا الوقت دق بوقت ثاني وراي دوام انا
سعود عصب لان مومتعود على السب بالعاده كله مياعه ودلع ..يعرف يختار البنات..
بس شكل رهف حطمته رد عليها وهو معصب: انتي هييه عدلي اسلوبك موسعود ولد زايد ال...
يتعامل معه..
رهف من الاسم صحصحت رفعت الجوال شافت الرصيد..انصدمت ورجعت وهي ترقع السالفه
بدلعها:الله يهداك كان قلت انك صاحب الجكت..
سعود كان مضيع شي ولقاه على فرحته: هذا انتــــــــي ام شنطه فوشيه
رهف اسكتت شوي(توه معصب امداه رضى): واذا طلعت الرماديه بتتركني
سعود بكذب: لابس خويي يبغاك شسوي
رهف:هههههههه امزح معك انا ام شنطه الفوشيه
سعودبفرحه: ياااهلا فيك اخبارك
رهف: فيني النوم والله هذي اخباري..
وكملت بداخلها(ياليتك تسكر بنام)
سعود:شفت دقاتك كثيره قلت ادق عليك لو داري انك انتي كان رديت من زمان والله
رهف:داقه اشكرك على الجكت..
سعود: لااا شدعوه هذا قليل
رهف بهبال: اجل اشحن لي بـــ 100دامه قليل ههههههههههه
سعود : لجل هالضحكه اشحن بالف
رهف (يااحبيبي مطول شكله الاخ ابي انام انا):لاشكرا امزح معك
سعود يسوي روحه زعلان : قوليها مره ثالثه وربي بزعل
رهف (دخيلك ياشيخ) وقالت بعناد: شكرا ههههههههههه
سعود :زعلت
رهف تعدل المخده عشان تسند ظهرها عدل: انت في شقه ولا بيت ولا وين بالظبط
سعود بفخروغرور: انا في جناحي بالقصر
رهف: اجل الله يعينك ترقع راسك في كل جدار في القصر
سعود انصدم: نــعم
رهف ولاهمها احد: ياخي ابي انام انا
سعود عصب: في مليون طريقه تقولينها موكذا عاد
رهف كسر خاطرها من دق وهي تسفل فيه..قالت بصوت اقرب من الهمس: اسفه
سعود ياخذ له نفس ((يالبى هالبنت)): لاتتاسفين سؤال وبقفل
رهف تحسفت جد كسر خاطرها: سامحني سعود بس ارحم حالي بكره وراي دوام
والحين ساعه 2
سعود :لا عاتي انتي شنو جامعه ثنوي شنو؟؟
رهف: لاثنوي
سعود: ياصغنوونه
رهف : ههههههههه وانت
سعود: جامعي
رهف بصدمه: احلف
سعود: والله
رهف: موباين عليك
سعود :هههههههههه الكل يقول اني اكبر
رهف: الله يحفظك
سعود رحم حالها:خلاص روحي نامي
رهف ماصدقت خبر: يلا بااي ..وسكرت بدون ماتسمع رده وقفلت الجوال ونااااامت
*
*
اما من الطرف الثاني.. سعود نزل الجوال وهو متنرفز من حركتها: اشفيها ذي هالخبله وانا ليه ماسالتها عن اسمها عمرها يلا بكره ادق وادبها على هالحركه..
فصخ جزمته.. ورفع غطاه وغطه نفسه بدون ان يفصخ ثوبه..ودق على وحده من خوياته
$$$$$$$$$$$$
بعدظلام دامس جاء نور الشمس ليعلن عن يوم جديد ..على اهل السعوديه..
في احد مدارس المملكه..
شهد:ههههههههههههه الله يرجك
رهف ببتسامه: هو قال روحي وانا على طول قلت باي
شهد بحماس: ابي استهبل اعطيني رقمه..ابغى استهبل عليه
رهف: موحافظته اعطيك لا دقيت عليك
شهد:والثاني هيفوه رمته ودي اذبحها
رهف: تبين من الي عندي
شهد: هاتي ياختي زهقت وانا بس بقاله صيدليه ولا المدرس هالصومالي
رهف: اوكيك ..هاا حلو الجكت
شهد :كثير والله
رهف تلف وتصرخ: لاااااااااااااااا
شهد: يــــاساتر مابي رياضيااات من اول حصه
رهف : انا شكلي بخاوي زوج المديره عشان يقنع المديره
تفصلها
شهد: انا ايدك في هالراي
$$$$$$$$$$$$
في الجامعه..
بالكفتيريا..
ابراهيم ياشر: هنا يا الحلو
سعود يجلس: سلام
ابراهيم: كالعاده سهران مع البنات
سعوود:ايه على فكره دقت علي ذيك ام الجكت
ابراهيم :جد متى
سعود: على هالوحده
ابراهيم: انا مادقت علي الخايسه
سعود: هههههه مدري بس لاتخاف مردهم بيجون ويحبون اتراب ارجولنا
ابراهيم: ابعدي والله
سعود ببتسامه:افا عليك انا سعوود صديق برهوووم هههههه
$$$$$$$$$$$$
بعيد عن اجواء الدراسه .. نروح لحي متوسط بالتحديد
في شقة بدر..
منى تفتح الباب: هلا يمه حياك
امها: هلا بك
منى : اجلسي لحظه اجيب لك الفطور
وثواني جات منى بالفطور..
امها تساعدها وتفرش السفره:هاا شصار على خطبت اخوك
منى ببتسامه وتعطيها الشاهي:انا كلمت بدر وخليته يشك فيها
امها بضحكه: كيف؟؟
منى:يمه انتي متوقعتها بنت ست شهور تطلع وتدخل
ويجلوس لحالهم بساعات ولا اذا بيسافر ينام
معقوله بتظل بنت
امها: خس الله العدو ..جد لاجا يسافر يبنام
منى:ايييييييه
امها: ورى ماقلتي لي
منى: بدر محلفني بس يمه لاتعلمين لايطلقني
امها: لا ماوفقت وكسرت بخاطر ولدي اعذريني
منى بعصبيه: يمه شهالكلام قلت لاتقولين يعني لاتقولييين
امها بخوف: طيب طيب لاتعصبين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك