رواية ضمني لك حبيبي خلني احس بحنانك -2
نروح عند محمد وسعود
سعود :: محمد قوم نطلع ..
محمد :: طيب وين نروح ..
سعود :: امممممممم أي مكان نغير جو شوي ..
محمد :: طيب امش نطلع لكافية وبعدين نشوف وين نروح ..
طلعو محمد وسعود من الجناح وقابلو ريم
سعود :: ريم وين رايحة
ريم :: طفشت وقلت اتمشى شوي
محمد :: طيب امشي روحي معنا ..
ريم :: طيب ..
راحو لكافية قريب من الفندق
....:: سعود ريم
سعود :: اهلين راما والله زمان ماشفتك
راما :: اهلين فيك .. متى جيت من السعودية
سعود :: امس وصلنا ..
راما :: كيفك ريم ..؟؟
ريم :: تمام .. اخبارك من زمان ماشفناك ..
راما :: تمام ..اللى كيف وسام قالت انها راح تجي بس ما اشوفها معاكم ..
ريم باستغراب :: ليش انتي ماشفتيها اليوم جات عندكم ..
راما :: متى اليوم صحيت ومالقيت غير جدي في الصالة معصب
ريم :: اجل راحت قبل ماتقومين .. ايوا ماعرفتك على محمد اخو وسام ..
راما :: هلا والله ..
محمد :: هلا فيك
ريم :: محمد هذي راما بنت خالك محمد ..
محمد :: بنت خالي ..
ريم :: ايوا
راما :: وش اخبارك محمد ..
محمد :: بخير الحمدالله .. اخبارك انتي
راما :: تمام .. يالله ما ابي اثقل عليكم انا ماشية
ريم :: وين خلك معانا ..
راما :: ودي بس عزوز اخوي جالس بروحه وما ابي اطول عليه ..
سعود :: لا عزوز وينه فيه من زمان ماشفته ..
راما :: غريبة ماشفته مع انه كان معك في نفس الرحلة ..
سعود :: ليش هو كان في السعودية ...
راما :: ايوا ورجع امس ...
سعود :: غريبة امس ماشفته ..
ريم ليكون اللى في الطيارهـ هو ...!!!
عند عزوز
خلني ادق على راما .. عزوز :: راما وينك ..
طلعت من وراهـ راما :: هذاني جييت ..
عزوز :: وينك تأخرتي ..
راما وهي تجلس :: قابلت سعود وريم سلمت عليهم ويجيتك على طول ..
عزوز :: شفتي سعود وريم بس ..
راما :: ومحمد ولد عمتي بس وسام ماشفتها ..
عزوز :: وينهم فية .. راما :: هناك جالسين وهي تأشر عليهم
عزوز :: امشى معاي بروح اسلم عليهم
راما :: طيب ... قاموا وراحو عندهم ..
عزوز :: سلااام .. سعود اول ماشافة قام من مكانه واخذهـ في احضانه
سعود :: ياهلا والله هلا بعزوز ..
عزوز :: هلافيك .. اخبارك وينك معد نشوفك ..
سعود :: تمام .. انت كيفك
عزوز :: تمام .. اخبارك ريم وإخبار أحمد
ريم والله هو (( ريم تعرف عزوز بس في حياتها ماشافت شكلهـ)):: تمام الحمدالله .. وأحمد بخير وان شاء الله قريب بيجي ...
عزوز :: يصل بسلامة .. اخبارك محمد ..
محمد قام وسلم على عزوز :: الحمدالله بخير .. اخبارك ياولد الخال ..
عزوز :: بخير الحمدالله ..
سعود :: اجلس معنا
عزوز :: لاما ابغى اثقل عليكم ..
سعود :: وش تثقل اجلس والله لك وحشى ياولد من زمان عنك..
راما :: ريم دق على وسام خليها تجي ..
ريم :: طيب ..دقت على وسام بس ماردت دقت مرهـ ثانية وثالث ورابعة بس ماردت ..
ريم :: غريبة دقت أربع مرات وماردت ..
محمد :: دقي مرا ثانية ..
ريم :: طيب .. دقت وردت بس
ريم :: وسام وينك ..
وسام ::...........
ريم :: الو وسااام ردي علي وش فييك ..؟؟
وسام بصعوبة :: ريـــ.....ــم لحــــ....قـ....ي علي آآآآآآهـ
ريم بصراخ :: وسام وش فيك وينك فية انتي ..
وسام :: انا قــ...دام كح كح بيت خـــ...ــالـ...ي مــحمد تعالي بسرعة ريم ماني قادرهـ اتنفس بسرعة .. اغمى عليها
ريم تبكي :: وسام ردي وسام ... جلست تبكي
محمد :: ريم وسام وش فيها ردي ..ريم تبكي ومي قادرهـ تتكلم
سعود :: ريم تكلمي وسام وش صار فيها
راما :: ريم ردي وش صار
ريم بصوت باكي :: وسام راح تموت لازم نلحقها ..
محمد :: وش صار فيها تكلمي وش قالت
ريم :: قالت انها قدام بيت خالك محمد وانها راح تموت وبعدين ماردت علي وجلست تبكي ..
عزوز اول ماسمع كلام ريم راح على طول لبيتهم ولحقوهـ محمد وسعود ..
اما راما جلست مع ريم تهدي فيهاا ..
اما عند وسام ..
كانت تتألم كثير ومي قادرهـ تتنفس من الضرب اللي اخذته من رجال خالها
وصل عزوز قبل سعود ومحمد .. وقف السيارة وشاف وسام طايحة ف الارض والدم في كل مكان
راح لها يركض ..عزوز :: وسام ردي علي وسام ..
وسام فتحت عيونها بصعوبة :: عبدالعزيز واغمى عليها على طول ..
شالها ركبها في السيارة واتصل على سعود وقله انه اخذ وسام للمستشفى ويلحقهم ..
في المستشفى
الكل جاء و شاف عزوز واقف قدام غرفة الطواري ..
ابو محمد :: عبدالعزيز وين بنتي وش صار فيها ..
عزوز :: لسا الدكتور ماطلعو من جواء ..
طلع الدكتور ..
الدكتور :: هي الآن بخير ولكن يجب ان ترتاح الضرب كان قوي على جسمها الضعيف ولم تستطيع تحمله وسبب لها الاغماء ..
ابو محمد :: هل نستطيع ان نراها الآن ..
الدكتور :: نعم .. تستطيعون رئيتها وتستطيع الخروج من المستشفى بعد يومين >> يناس على اللغة خخخخ
ابو محمد :: شكرا
الدكتور اكتفى بأبتسامه وتركهم
الكل دخل عند وسام يتطمنى عليها
عزوز كان مقهور من تصرف ابوهـ ..
عند وسام ..
ابومحمد :: الحمدالله على سلامتك يابنيتي
وسام بصعوبة :: الله يسلمك يبة
ابوسعود :: وش صارلك يابنيتي ..؟؟
وسام :: وانا طالعة من المعرض نزلت اتمشى شوي وبعدين اتصل علي خالي محمد وقالي تعالي للبيت ابيك في موضوع رحت عندهـ اشوف وش يبي ... اول مادخلت مسكوني اثنين وجلسو يضربون فيني .. وبعدين جلس يهدد ..
ابومحمد :: آخ طول عمرهـ محمد كذا ماراح يتغير ابد .. طيب هو وش هددك فية ..
وسام :: بعدين اقولك يبة الحين مو وقته ..
ابومحمد :: وليش مو وقتهـ
ابوسعود فهم قصد وسام :: صادقة وسام الحين مو وقتهـ
عزوز :: امسحها في وجهي ياعمي .. والله مدري وين اودي وجهي من اللى سواهـ الوالد ..
ابو محمد بود :: محشوم ياوليدي .. وابوك هذا هو من يومهـ كذا مستحيل يتغير
راما كانت تسمعهم بس مي عارفة وش قصدهم كل اللى تعرفهـ ان ابوها هو اللى سواء كذا في وسام بس ماتدري ليش وريم ومحمد وسعود نفس الشئ ...
الكل طلع من المستشفى بعد ماتطمن على وسام اللى عزوز وريم وابومحمد ظلو عند وسام ..
ابومحمد :: قوم ياوليدي روح لبيتكم تعبناك معنا اليوم
عزوز :: لا تعب ولا شئ وبعدين انت روح ارتاح علشان السكر عندك لايرتفع وانا بجلس هنا ومعي ريم ..
ابومحمد ::بس ياوليدي ما ابي اتعبك معنا
عزوز :: ياعمي لا تعب ولا شئ وبعدين حنا أهل مابيننا شئ .. انت ارتاح وبعدين تعال ..
ابومحمد :: مشكور ياوليدي ..
ريم :: عمي خذني معك بأخذ كم غرض لوسام وبعدين ارجع
ابومحمد :: طيب امشي .. يالله تأمر بشئ عبدالعزيز
عزوز :: لا عمي بس انت روح ارتاح ..
طلع ابومحمد وريم من الغرفة .. وظل عزوز مع وسام ..
عزوز بينه وبين نفسة :: ليش يبة تسوي كذا ليش
ناظر في وسام ... وسرح شوي
وسام فاقت ولقت عزوز يناظرهـ وي اشبة هذا طالعن كذا :: احم عبدالعزيز
عزوز حس على نفسة استحى على نفسة لانه كان يناظرها وهو سرحان :: الحمدالله على السلامة
وسام بهدوء:: الله يسمك .. وين ابوي
عزوز :: خليته يروح يرتاح وريم بعد شوي راح تجي ..
وسام :: اها ...
عزوز بتردد :: وسام .. ابوي وش كان يبي منك ..
وسام تنهدت وسرحت وهي تفتكر وش صار ..
دخلت وسام بيت خالها ولقت خالها ومرت خالها قدامهاا
وسام :: خير ليش طلبتني .. ماكملت كلمتها اللى اثنين ماسكينها من وراء وبداء يضرب فيها ..
محمد قرب من وسام ومسك شعرها وشدهـ :: سمعي يابنت خالد ابوي وخري عنه ولا تحاولين ابدا انك تعلمينه لانك لو علمتيه ساعتها راح تخسرين ابوك وكل عائلتك وانتي عارفتني زين وتركها ..
محمد :: ارموها برا البيت ..
عزوز :: وسام وين وصلتي
وسام :: ها ولا مكان .. وغمضت عيونها وتنهدت
عزوز :: اذا ماودك تقولين براحتك ماراح اجبرك
ظلت وسام ساكته وعزوز احترم سكوتها
دخلت عليهم ريم
ريم :: سلااام
وسام وعزوز :: وعليكم السلام
ريم :: كيفك الحين ..
وسام :: تمام .. وين كنتي ..
ريم :: رحت اجيبلك ملابس بدل ملابسك المشققة ..
دق جوال وسام :: ريم جيبي جوالي
ريم جابت الجوال واعطته وسام .. ناظرت وسام الجوال لقته رقم غريب
ريم :: مين
وسام :: رقم ما اعرفه
ريم :: طيب ردي وشوفي مين ..
وسام ردت :: الو ..
....:: اهلين ..
وسام :: اهلين فيك .. مين معي ..
... :: افا ياوسام ماعرفتيني
وسام :: لاماعرفتك مين ..
....:: يلعن ابليسك لندن نستك نواف ..
وسام :: نوااااف كيفك يادب وحشتني ..
نواف :: تمام ماعلي كيفك انتي
وسام :: ماشي حالي ... اللى متى راح تصل لندن ..
نواف :: انا في لندن انتي وينك الحين ..
وسام :: كذاب في لندن طيب تعال بسرعة لاني من جد مشتاقة لك حيل ..
نواف :: افا عليك الحين اجى بس انتي وين الحين ..
وسام :: انا في المستشفى ..
نواف :: وليش وش فيك ...
وسام :: لاجيت قلتلك بس تعال للمستشفى ..........
نواف :: الحين جاي باي ... قفلت وسام الجوال وناظرت ريم
وسام :: ريم نواف جاي الحين
ريم :: يؤؤؤ الحين وش بنقلهـ ..
وسام :: ماعليك تدبر بس اهم شئ لاتقوليلهـ
عزوز :: مين نواف ..
ريم :: هذا يكون خال وسام ..
عزوز بستغراب :: خالك .. وسام :: ايوا ويكون عمك بعد انت ماتعرفه
عزوز :: انا اللى اعرف عندي عم بس متوفي على حد علمي ..
وسام :: نواف عايش بس جدي طردهـ لانه وقف مع ابوي وتبرى منه ...
وصل نواف المستشفى وسأل عن غرفة وسام وطلع لهم دخل عليهم
وسام :: هلا وغلا
نواف :: هلا فيك .. سلامات ماتشوفين شر وش صار لك ...
وسام بارتباك :: حادث بسيط ..
نواف بشك :: حادث .. ماخبري الحادث يسوي كذا وهو يناظر وجه وسام المضروب ..
ريم :: وش اخبارك نواف ..
نواف :: هلا والله هلاا بالريم بخير .. انت اخبارك واخبار احمد ..
ريم :: بخير الحمدالله ماعلينا ..
نواف طالع في عزوز :: مين انت ..
وسام :: هذا عبدالعزيز ولد تنهدت ولد خالي محمد
نواف :: ولد محمد .. هلاوالله وسلم علية
عزوز :: هلافيك ..
فااااااااااااااااااااااااااااااااااااااااصل ونواصل >> خخ قلبت برنامج خخخ
نواف :: عمرهـ 28سنة طيوب يحب وسام كثير عاش في السعودية .. بعيد عن ابوهـ لان ابوهـ طردهـ وتبراى منه لانه وقف مع الحق .. قلبة طيب ويحب الخير للناس .. يشتغل دكتور علاقته مع راما قوية دايم توصلهـ الاخبار وش يصير عندهم ..
رجعنااا خخ
وبدو يسولفون شوي وبعدين كل واحد طلع من عند وسام اللى ريم جلست عندها ..
مر اسبوع على ابطالنا
وسام .. طلعت من المستشفى وصارت علاقتها مع عزوز قوية ..
عزوز .. كل يوم يكلم وسام وصار هو نواف قراب من بعض
محمد وسعود.. لاجديد على حياتهم ..
ريم .. كل يوم تكلم أحمد وهو جاء للندن بعد يومين ..
ابوعزوز .. الحقد مازال في قلبة ويحاول بأي طريقة يبعد وسام عن ابوهـ وعزوز ..
الجد ناصر .. عرف بوجود ولدهـ نواف .. وطلب يقابلهـ ..
نهــاااااااية البــــــــــــــ(3)ــــــــــارت الثالث ..
انتظر ردودكم ..
البــــــــ(4)ــــارت الرابع ::
كانت وسام طالعة مع راما وريم يتمشون الساعة 2 الظهر ..
وسام :: اممم راما
راما :: هلاا ..
وسام :: وش مقررهـ تسوين بعد الثنوي ..
راما :: راح ادخل الجامعة ادارة اعمال .. اممممم وانتي ..؟؟
وسام :: انا ماراح اكمل الجامعة .. بكون مع عمي وابوي في المعرض ..
راما :: وليش ماراح تكملين ..؟
وسام :: مالي مزاج اكمل دراستي الحين .. المهم بنات انا عازمتكم على الغداء ..
ريم :: اجل يالله قبل ماتغيري رايك ..
وسام :: انا اغير رايي لاتخافين ماراح اغيرهـ في نفسهاا .. هين ياريم ان ماخليتك تدفعين ما اكون بنت ابوي خخخ
راحو المطعم وطلبو الاكل واكلو بالعافية ..
وسام :: انا بروح اغسل يدي وارجع ..شالت وسام كل اغراضها وطلعت برا المطعم وارسلت رسالة لراما .. راما اطلعي انا برا وخلي ريم تجلس وتدفع الحساب ..
راما :: يلعن النذالة .. ناظرت في ريم .. انا بروح اغسل يديني وارجع
تسحبت لين طلعت من المطعم :: يلعن ام النذالة ياوسام ..
وسام وهي تضحك :: هههههههههه خليها مثل ماسويتها معي قبل انا ببعد بسوي فيها ... مسكت جوالها وسام وارسلت رسالة لريم :: ريوم حبيبتي لاتنسين تدفعين الفاتورهـ باي ..
ريم طلعت الجوال من شنطتها وشافت الرسالة وقرتها .. طيب ياوسام انا تسوين فيني كذا طيب مردودهـ
طلعت من المطعم معصبة :: انا تسوين فيني كذا طيب ان مارديتها لك يااوسام ...
وسام ميتة ضحك من شكل ريم المعصبة .. وراما كاتمه ضحكتها بالقوهـ ..
صادفهم عزوز وراح لهم :: سلااام
وسام وراما :: وعليـــــــــــكم ...
عزوز :: رد السلام واجب ياريم ..
ريم اعطته نظرهـ يعني اسكت ..
عزوز :: بسم الله ..وبهمس لراما :: وش فيها معصبة
راما والضحكة فيها :: هذا ياسيدي وقالتلة السالفة كلها ..
عزوز ميت ضحك :: ههههههههه
ريم :: اضحك وش عليك انت ..
طبعا وسام على حالها ميتة ضحك ومي قادرهـ تمسك نفسها ..
عند محمد ..
محمد :: سعود قووم بسك نووم ..
سعود :: همم
محمد :: سعود ياكيس النوم قوم .. وتقول انا اللى كيس نوم قوم بسك نوم
سعود والنوم فيه :: هممممممم حمود خلني انام تكفى ابي انااااااااااااااااااام
محمد :: شف سعود اذا ماقمت بيجيك كاس ماء يحبة قلبك ..
سعود :: طيب طيب قمت ياقلق ااف منك
قام من نومه وهو يسب ويلعن في محمد
محمد دق على وسام يشوف هي
وسام :: هلا حمود
حمود :: هلا وسام وينك فية ..
وسام :: اتمشى انا و ريم وراما وعزوز على الجسر تعال انت وسعود ..
حمود :: طيب بنجى انا وسعود الحين لكم ..
وسام :: طيب يالله تعالوا باي
حمود :: باي
طلع سعود ومحمد من الفندق وراحو عند وسام
في السعودية عند أحمد ..
ام أحمد :: ياوليدي متى راح تروح لندن
أحمد :: والله يا امي ان شاء الله راح امشي بكرهـ ..
ام أحمد :: والله راح توحشني ياوليدي .. ودمعه عنها
أحمد وهو يمسح دمعة امه بيده :: لا يالغالية لاتبكين وبعدين ماراح اطول كلها اسبوعين واجي ان شاء الله ..
أم أحمد :: تروح وتجي بالسلامة ..
أحمد سلم على راس امه وطلع يشوف اشغالة ..
نرجع للندن ::
حمود وسعود شافو البنات وراحو عندهم ..
محمدو سعود :: سلاااااااااام
عزوز والبنات :: اهلين ..
محمد :: كيفك عزوز ..
عزوز :: تمام كيفك انت كيفك سعود ..
محمد :: نحمدو .. سعود :: تمام الحمدالله راما اخبارك ..
راما :: تمام الحمدالله ...
ريم : : شباب وش رايك نروح نركب خيل
وسام :: من زمااان ماركبت خيل .. خلونا نروح
قامو وراحو للاصطبلات
وسام :: ريم وش رايك نتسابق ...
ريم :: لالا لا مجنونه انا اسابقك
وسام :: لايكون بس خايفة امشي بس بلا خوف ..
ريم :: ماني خايفة بس اعرف اني راح اخسر ليش اتعب نفسي
وسام :: اف منك وناظرت سعود ومحمد :: وانتو ماتبون تسابقوني
محمد :: انا لا انسي .. سعود :: حتى انا ماراح اسابقك ..
وسام :: لحوول .. ناظرت عزوز :: ليكون انت بس بعد ماتبي تسابقني
عزوز :: للااسف ايوا ..
...جاها صوت من وراها :: انا ابسابقك يابنت خالد..
وسام التفتت لوراها وشافت اللى ماتوقعت تشوفه :: زياد ..
زياد :: زين مانسيتيني ...
وسام :: كيف تبيني انساك .. وراحت عندهـ وسلمت علية ..
فاااااااااصل ونواصل >> خخ
زياد :: يكون ولد عم وسام .. ابوهـ و امه متوفين وهو دايم مسافر ..
عمرهـ 24 سنة يدرس في لندن ادارهـ اعمال .. زياد يشبة وسام كثير ..واللي يشوفهم يقول اخوان .. بس الفرق ان عيون زياد رمادية
له غمازات طويل جسمة معضل كتوفه شوي عراض ...
رجعناااااا
وسام :: اخبارك ..
زياد :: تمام .. انت كيفك وكيف عمي خالد وعمي سالم ..
وسام :: كلهم طيبين .. وينك معد تسأل وقلت راح تنزل السعودية ...
زياد تنهد :: تعرفين الجامعة و سكت ..
وسام :: زياد وش صار صار شئ
زياد :: لاماصار شئ .. وناظر في محمد وسعود وعزوز
وسام :: تعال اعرفك على اخوي وولد عمي .. هذا اخوي محمد وهذا سعود ولد عمي سالم طبعا ريم تعرفها .. وهذا عزوز وراما عيال خالي محمد ..
زياد :: هلا والله فيكم
ريم :: ياهلا والله بالقاطع زيود وينك معد نشوفك ولا تسأل مثل اول ..
زياد :: تعرفين الجامعة ومشاغلها ..
وسام :: هذا زياد ولد عمي عبدالله ..
محمد وسعود رحبو فية وجلسو شوي ..
زياد :: هاوسام تسابقين ولا لا
وسام بحماس :: اكيييييييييييييييييييييييييد امش
راح ركبو الخيول وكل العادة وسام تفوز ..
زياد :: نفسي يوم بس افوز عليك اخ بس
وسام بغرور :: تحلم تفوز على وانا بنت خالد ..
زياد :: اموت على الغرور ..
جلسو يسوالفون شوي وبعد ين راحو الفندق
ابو محمد :: هلاوالله بوليدي زياد وشخبارك وانا ابوك عساك بخير ..
زياد :: هلابك زود والله الحمدالله بخير انت وش اخبارك ياعمي عساك بخير ..
ابومحمد :: بخير ياوليدي ..
ابو سعود :: كيف الجامعة معاك ..
زياد :: الحمدالله ماعليها ..
وسام :: اسمحولي اباخذ زيود شوي ..
ابو محمد :: الله يعينك يازياد على اسألتها
ابوسعود :: اوهـ عاد بتطلع عيونك بالاسئلة الله يعينك ويقدرك على اجابتها ..
وسام :: لهدرجة انا كذا .. ناظرت زياد ومسكت يدة :: امش قدامي
زياد :: الله يعيني عليك امشي بس ..
طلعو برا الفندق وصار يتمشون ..
وسام :: زياد في شئ صار لك ..
زياد برتباك :: انا لا ماصار شئ
وسام :: زياد في شئ صار قوله ..
زياد :: لاتشيلين هم انا راح اتصرف
وسام :: حلو ذي ما اشيل همك زياد انت تعرف انت وش بنسبة لي قول وش صار جاك رجع يهددك مثل اول ..
زياد تنهد وهز راسة :: ايوا ..
وسام :: طيب وش ناوي تسوي معاهـ ..
زياد :: ماني عارف بس تعرفين مين يتعامل مع جاك كمان ..
وسام :: مين
زياد :: خالك محمد .. طلع شريك جاك في كل شئ ..
وسام بعصبية :: اف هذا ماراح نخلص منه .. بس دواهـ عندي ..
نروح عند محمد وراما وعزوز وسعود ..
عزوز :: انا رايح مشوار وارجع اخذك راما ..
سعود :: وين رايح ..
عزوز :: بروح عند واحد من الربع ايام الجامعة بروح اسلم عليه قبل ماينزل الكويت وارجع ..
سعود :: مين ليكون بس جاسم ..
عزوز :: ايوا تروح معي ..
سعود :: ايوا من زمان عنه جاسم خلني اسلم عليه ..
استأذنو من راما ومحمد وراحو ..
محمد :: راما
راما بأرتباك :: هلا
محمد :: وش رايك نروح نتمشى ..
راما :: طيب ..
عند أحمد
كان يجهز ملابسة للسفر وخطر في باله ريم ..
أحمد ابتسم ودق عليها .. ريم :: الو ..
أحمد :: هلاوالله بالريم هلا بحياتي
ريم :: اهلين أحمد كيفك ..
أحمد :: احد يسمع الصوت هذا ومايكون بخير .. كيفك وحشتيني ..
ريم :: تمام وانت كمان .. حمودي متى راح تجي والله وحشتني كثير ...
أحمد :: وانتي بعد يالله كلها بكرهـ واكون عند ان شاء الله ..
ريم :: متى بس يجي بكرهـ
أحمد :: يالله هانت كلها كم ساعه واكون عند ك... يالله حبيبتي ما اقدر اطول عليك بجهز اغراضي علشان ما اتأخر على الطيارة ..
ريم :: طيب سلملي على خالتي وانتبة على نفسك حبيبي ..
أحمد :: تكفين عيديها ..
ريم بخجل :: حمودي خلاص يالله روح جهز اغراضك ..
أحمد بيأس :: طيب يالله اشوفك على خير ..
ريم قبل مايسكر :: أحمد ..
أحمد :: عيونه ..
ريم بخجل :: أحبــــــك ..
أحمد أبتسم بتنهيدهـ :: اخير قلتيها وانا اموت فيك .. يالله حبيبتي لازم اسكر الحين ..
سكر من ريم وهو مرا مبسوط ::"" اخير قليتيها ياريم ""
نروح عند زياد و وسام
زياد :: وش ناوية تسوين في موضوع خالك ..
وسام :: كل شئ بوقتة حلو بس الحين ماعلينا .. انت متى راح تخلص الجامعة ..؟؟
زياد :: خلاص كلها كم شهر واخلص ..
وسام :: اجل ماراح ارجع اللى وانت معي دام كذا ..
زياد :: اجل الله يعيني علييييييك ....
وسام :: افا هذا اللى طلع معك ...
فجأة جاهم واحد وجلس يكلم وسام
....:: انتي وسام خالد ..
وسام بستغراب :: ايوا مين انت .. ناظرت زياد ..
.....:: لاجيتي معي راح تعرفين ..
زياد :: وين تجي معك ومين انت اصلن ..
وسام كانها عرفت :: طيب راح اجي معك ..
زياد :: وسام من جدك بتروحين معه وانتي ماتعرفين وين رايحة
وسام :: زياد ارجع للفندق واطلب منهم انهم مايطلعون اللى اذا جيت واذا ماوصل خبر مني احجزو على السعودية بس انت خلك
زياد :: وسام بلا جنان
وسام :: زياد انا اعرف وش اسوي وبعدين ماهي غيريبه علية انه طالبني ..
وراحت وسابت زياد بذهوله من فكر بنت عمه المجنونه ..
زياد طلع على الفندق وقابل عمانه
زياد :: عمي الحق وحكاله كل شئ صار ..
ابومحمد :: مجنونه هذي البنت ..
ابو سعود عرف وسام وش تقصد .:: لاياخوي وسام مي مجنونه هي عارفة وش تسوي ..
ام سعود جاتهم :: وشبكم كذا اشكالكم صاير شئ ..
حكالها ابو سعود كل شئ ..
ام سعود :: يويلي على بنتي عسى بس مايصير لها شئ ..
دق ابومحمد على محمد و سعود وقالهم انهم يجون الفندق
وصلو محمد وراما وعزوز وسعود
عزوز :: خير عمي صاير شئ ....
ابو محمد :: وين الخير وابوك مو راضي يحل عنا ..
عزوز :: ليش وش صار .. وش سواء ابوي بعد ..
ابوسعود :: اخذ وسام والله يستر من اللى بيسير ..
عزوز اول ماسمع انو أخذ وسام جاء بيطلع بس وقفة ابومحمد ..
ابو محمد :: خلك ياعبدالعزيز وسام ماتبى احد يروح لها ..
عزوز :: بس ياعمي اخاف يسوي لها مثل اول مرا ..
زياد :: ليش وش صار قبل ..
محمد حكى كل شئ لزياد
زياد :: انا عرفت من اول انه بيسوي كذا بس ماتوقعت ينفذ ..
ابوسعود :: ليش انت وش دراك يازياد عن اللى بيسوية محمد ..
زياد حكى لعمانة عن جاك وتهديداته هو ومحمد ..
عند نواف
نواف دق على وسام بس ماردت دق على محمد رد علية وقالة كل اللى صار
نواف :: الله يهديك يامحمد .. طلع من الشقة وراح لعند ابو محمد وابوسعود ...
وصل نواف وجلس ينتظر مثلهم ..
زياد :: ماصارت جالسين وماندري وش اللى صار ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك