رواية خلني داخل حدودك واجبر بخاطر زماني -17
الســــــــــــــلام على من اتبع الهدى ودين الحق ليظهره على الدين كله ...
(( صلــــــــــو على محمــــــــــــــــــــــــــــــد ))
اللهم صلي وسلم وبارك على محمد وعلى آله وصحبه أجمعيــــــــــن
الجزء الحادي عشر
{.. و انهياااار ..}
..................
عمــــــــــــــر
ماني مصدق عيوني ... سكرت الباب .. استنشقت ريحة البخوور المختلط بريحة الصبغه .......كل شي مختلف ... كنب بيجي غامق مورد ... متغير بكنب عنابي عليه مكعبات بيج .. وخشب اطرافه .. فخم فخم ...الجدار البيج .. صار عليه رسمات بيج ....وهو لونه بني فااااااااااتح ........دخلت الغرفه ... خيااااااااال ... سرير باعمده طويله نازل منها ستاير ...شميت عطر ساره نينا ريتشي .. لفيت ... لابسه فستان تايجر ماسك على جسمها وواصل لفوق ركبها..واقفه بعيد وماسكه خنصرها اليسار بيدها اليمين ...
همست باسمها : ساره ..
كنت باقولها .. تعالي .. ضميني بوسيني سوي اي شي يثبت انو مو بحلم ..بس ما طلع معاي الا اسمها ....ما شاء الله لا قوة الا بالله....شعرها مسترسل على اكتافها ...عيونها الناعسه ..زايده جاذبيتها بالكحل ..شفايفها ... اه شفايفها تلمع بشكل مغري ... ارتسمت عليهم اعذب ابتسامه ...رميت شنطتي ..
قالت لي : عمر حمدالله ع السلامه .........
: من بعيد .......
قربنا من بعض وطوقت رقبتي وانا حضنتها بكللللل قوتي :اه اشتقت لك.....
نزلت ايديها وحطتهم على اكتافي ... تنقلت عيوني بملامحها البريئه الفاتنه... وهي تقول : حتى انا اشتقت لك ....
: احبك..
ردت : حتى انا احبك ...
ابعدت عني .. وهمست وهي تلعب بازرار ثوبي : لا تقول لي تعشيت سويت لك عشاا ...
: يا بعد عمري .. يا روحي انتي ... حطيه باخذ دش سريع ولاحقك..
مشت خطوه بس رجعت شديتها وضميتها ......
: شـ مسويه بالشقه ...
ساره مبوزه ....قلت وانا العب بخصلاتها المتناثره على وجهها : حلو يجنن ذوقك كلفتي على عمرك يا روحي....
ابتسمت بفرحه : صدق عجبك ...
: يسلمو ايديك يا روحي ....
قالت وهي تتحرك وتحاول تفك عمرها : طيب باحط العشا قبل يبرد...
طبعت قبله على جبينها وراحت...اخذت دش سريع وطلعت لبست بيجاما حرير لقيتها ع السرير... تعطرت وطلعت ... لقيتها جالسه ع الطاوله وترتب الملاعق والصحون ..جلست جنبها وحطت لي ...
: عمري .. مكلفه على حالك منين جبتي هالفلوس ...
ساره باستهبال : من البنك ...
: يا شيخه... لازم اعوضك .. معك الفواتير ..
بوزت : لا والله ..
: ليه يا قلبي كل هذاا كثييييييييييير...
قالت وهي ترفع الملعقه ليا : ولو .. بعدين ان شاااء الله تعوضني ...
اكلت اللحمه وقلت : حلوو ذاا .. لا تقولين طباخك اعرفه طباخك..
ردت بابتسامه : تميز نفسي بالاكل ..
غمزت لها : مو مدمن عليه ...
لفت عني وقالت : اممممممم لا تزعل انا سويت لك الفتوش والاشياء الخفيفه .. وووو الشوربه من اهلي .. عملتها لمار وعجبتني ... وبما اني اتوحم سوت لي ...
قرصت خدها : يا قلبي ع اللي يتوحمون يا نااااااااس ...
مــــــــــالك
قلبت الاوراق ستين مره .. والله في خطااا ... اففففف ... شوي ودخل حمودي ...
حمودي : بابا ..
: هلا بابا ...تعى ..
قرب مني وشلته حطيته بحضني ....
: ليه بابا ما نمت ..
حمودي زعلان : ماما احاا ..
: ماما احاا !!!!!! وشو ماما احاا ...
شوي وسمعت صوتها تناديه ..
: ام احمد هنااااا ..
دخلت وقوست شفايفها وقالت بحزم : حمود وبعدين معاك ...
: شفيه معيي ينام ...
تقدمت وهي تتكلم : جنني.. تعى ماما ...
وقفت قدامي وانا حاولت افك ايديه عجزت له : حمود بابا حبيبي روح ناام .....
حمودي متنح ... مسكته لمار وفكت ايديه بقوة وحطته ع الارض ..
صرخت عليه : حموووووود وبعدين معاك اشششش ولا كلمه ..
حمودي تعلق برجلي ولاني لابس بيجاما .. بسهوله قدر يتمسك فيني ... مسكت ايديه بحزم و ناظرته بحده
: بس حموووود يللا ...
حمودي بدى يبكي صدق مو دلع ... بس هي ولا همها شالته وطلعت ...غرست اصابعي بشعري ... يا همي ...فتحت المنتدى .. كنوع من الترويح ..سجلت دخول ...فتحت المتواجدون الآن .. اممم احسن شوي ...رحت لمنتداي الخاص .. اللي عززته بصوره لي وانا متلثم مو مبين مني الا عيوني .. رديت على الناس .. وشفت الرسايل الخاصه .. يبون معلومات عني بمقابله بالمنتدى ما دام مو راضي اطلع بالتلفزيون ..رديت على المشرف بالموافقه ... طلبته يثبت الموضوع ...رحت المنتدى العام .. بعد جوله على كل الاقسام .. على طول حط الموضوع وثبته ....... فتحته ...
- اسمك الحقيقي ؟
{ مالك }
- لماذا ترفض الخروج بشكل علني على الشاشه ؟او حتى الافصاح عن هويتك ؟
{ وفيمَ يفيد خروجي بشكل علني اذا كان شعري هو شعري وانا لا ارفض الافصاح عن هويتي انا مالك سعودي الجنسيه}
- ماذا يعمل مالك الاحساس ؟ وما هو اتجاهك تجاه مهنتك ؟
{ انا مدرس .. اعشق التدريس و احب الاطفال لذلك اخترت ان ادرسهم واقضي ربع يومي معهم }
بدت اسئلة البنات ...
- انت متزوج ؟ عندك عيال ؟ احمد اللي بتوقعيك ولدك والاااااا؟ اممم منو lبلييييييز قول ؟
{انا متزوج وما عندي عيال واحمد ولد اخوي والحرف لزوجتي}
- مالك الاحساس هل احببت قبل زواجك ؟ كم مره تزوجت ؟ هل ندمت على زواجك ؟ كم عمرك ؟
{لم اجرب الحب قبل الزواج لانه لا وجود له وسؤال غريب كم مره تزوجت لكن الاجابه مرتين ، ندمت على زواجي الاول والحمدلله انه انتهى بدون خسائر..عمري اسألي امي << ههههههه..والله مادري يمكن بحدود 28 او 29}
- مالك الاحساس اخيرا بترد على تساؤلاتنا .. امووت بشعرك ..عندي سؤال لو انو غبي بس بليز رد .. الصوره الرمزيه لك انت انت شخصياً ؟
{لا بالعكس سؤال لطيف .. ايوه لي شخصياً}
{اعتذر عن الاجابه للبقيه لهذا اليوم .. انتظروني قريباً ..}
سكرت اللاب توب ... الكل يبي مني .. الكل يطلبني .. بس من يهتم فيني ويقول شتبي وش ناقصك ...لفيت بالكرسي .. وتذكرت بدر لما جاني تعذر مني عشان خبى عننا موضوع يوسف قلت له اننا ندري لانه علمنا و حنا قرايب وجيران وما راح نتخاصم على ماضي بعييييييد.. رفعت جوالي ودقيت على لمار ...اول ما بدى يرن قفلته الحين تقول داق بنص الليل اكيد يبي بلاوي... افففففف ابتكلم ابي احد يشاركني ...دق جوالي وشفت المتصل " احمد يتصل " رديت وانا خجلان من نفسي
" هلا لمار..
لمار : تبي شي ..
: جايك النوم ...
لمار : وش عندك ..
: اممممممم جيعان ...
لمار : اوكي الحين اسوي لك سندويش ..
: مشكوره ..باي
لمار : باي "
طلعت من الغرفه .. شفت غرفة ساره مفتوحه للاخير وغرفة حمودي اكيد .. نزلت تحت بشويش.. شفتها واقفه ماسكه اذنها ..
: بْسسسسس
التفت علي وقالت : اشوى جيت .. تبي شاي والا عصير .. يعني حار والا بارد...
جلست ع الطاوله .. وقلت : لا عصير بااارد ....
حطت السندويش بصحن صغير وحطته قدامي وصبت كوب عصير ..
: تبين تروحين ...
رفعت حاجبها وقالت :تبي شي بعد ..
: لا والله ابي اسولف ..طقت كبدي...
تنهدت وقلت : خسرنا الصفقه ...
قالت باندفاع : لاااااااا لييه والله كانت مضمونه ..
: ما في شي مضمون الا الموت...
تكتفت : معك حق ...
: اقولك شي مو تزعلين ..
لمـــــــــــــــــار
طرى على بالي مليون سالفه ...
قال بلهجه حسيته طفل : انا مو جوعان ... بس كنت باسولف معك..
ابتسمت وقلت له : معليه بس انا اليوم صاحيه بدري وبروح انام ..
التفت علي .. نظرته ذي لا صار متضايق.. والاااامحتاج ... لالا مابي افهمها ..تكذبين على حالك يا لمار هالنظره مالها الا هالمعنيين محتاج او متضايق.. تعلقت عيني بعينه ... انتبهت على حالي وكسرت عيني..مريت من عنده عشان اطلع والا يمسك معصمي ويجرني .. عدلني وجلسني بحضنه وانا خايفه مووت .. حبست انفاسي وانا احس بنفسه يحرق خدي ورقبتي صرت ارتجف بشكل واااضح ..
مالك : بالله مو ماكلك ليه تتنافضين ..
: مالك بروح انام اتركني ..
همس لي بطريقته المعتاده .. قرب شفايفه من خدي : اللي يشوفكـ يقول بنت بنوت ..
ابعدت وجهه وانا خجلانه ومتوتره : اتركني ..
وقفني ووقف معي ...
مالك : يا الله منك خليني ارتاح..
: وش اللي مزعجك ..
اشر بسبابته على راسي : ذااا...
: خلاص دور واحد غيره ...
قال بنبره دوختني : انا مكتفي فيه ..
تعديته وانا اقول : عن اذنك ..
تنهد : الله معاك ....
طلعت فوق وانا احس رجولي مو شايلتني .. جلست وشفته من الصاله الزجاجيه .. فتحت عيوني للاخير ... مجنون ذاا ... دخلت غرفة ساره واخذت منشفه استخدمها قليل .. طليت على حمودي نايم ...نزلت له وناديته لانه غاطس بالمويا ... طلع راسه ..
قال : وشو ..
: الدنياا داخله على الشتااا كذاا تبرد...
غطس راسه .. حطيت المنشفه ع الكرسي والتفت على صوت المويااا ... اول مره انتبه لجسمه .. عضلاته بارزه بشكل كبير .. على الرغم من انه نحيف .. جلس على طرف المسبح وهو يمسح راسه ووجهه ...توترت ... نزلت راسي ..
قال لي : برررررررد بالله ناوليني هالمنشفه ...
اخذتها وقربت وانا عيني للارض ... ناولته اياها .. جرها بقوة طحت على ركبي قباله ... ناظرته بخوف ووجع ..
همس لي : خايفه مني ..
ارتبكت : انا انا ....
قال لي باهتمام لاني عاقده حواجبي : عورتك ...
قلت بنبرة طفوليه : إييييييييي..
قرص خدي : اسف ياقلبي ...
كنت بـ اوقف .. بس مسك يدي وقال :
إلى متـــــــــى ؟؟ بـ ابقى كذا و انته بتبقى هـ كذاك = وإلى متـــــى ؟؟ وانا اتعثر فـ الوصل وأحـــــاوله
وإلى متـــــى ؟؟ وأنا أمدحك بـ حروف شعري وآهجاك = إلى متــــــى ؟؟ وأنا ارسمك على محيط الطاوله
وإلى متـــــى ؟؟ و انا اتضموا من خطاك إليا خطــــاك = وإلى متـــــى ؟؟ و أقرب نهر تبخل علي جداوله
وإلى متــــى ؟؟ وإلى متـــى ؟؟ وإلى متـى ؟؟ والى متاك = بـ اتقهوي اللي خـــــــــــــاويٍ لمواصلك وتفاوله
أمــــــــــــــــــوت فيك و ما يكثرمن غلاك إلا حلاك = يا تحفـــــــــــةٍ ما هيب في يدين البشر متداوله
سلهامة عيونك متاهـــــــــــــة وادي وعضــــــة شفاك = صفة قطـــع سكـــــــــر تعض بها على فراوله
الله يجيـــــرك من صدوف الوقت و عيــــــــون الهلاك = والله يحفظك من سخــــــــافة الألسن المتطاوله
و الله يخليك لخفــــــوقٍ عــــــاش يتنفس هــــــــواك = يمرر اسمــــك في عــــروقه و الضــــلوع تناوله
عيد بـ عيني جعل من ذمك من العالم فـــــــــــــــداك = و اعطف على من صكته بقعـــــا فراقك و آوله
اللي ليا منه تذكر حـــــــــلو وصلك عن جفــــــــــــاك = بكى بـ دمعة من يكـــــــابر و الحزن متحاوله << سعد علوش
نزلت دمعتي .. دمعه خوف وفقد .. فاقدته فاقده حضنه بس ... ليش تمردتي علي ليش ... مسحها بطرف اصبعه وباسه ... حركاته هبلت فيني .. قمت بسرعه ورحت داخل ...
صحيت على اذان الفجر .. صليت واستنيته كالعاده .. طلع ورحت رتبت الجناح .. ما يدخل مكان الا يلخبطه ....رجعت نمت بالغرفه .. وانا افكر واحط بهالاسماء واشيل الين انام ..
صحيت على اذان الظهر .. صليت ونزلت .. دورت حمود .. طلعته غيرت بيجامته .. ونزلنا ...كنت اسوي الغداا .. وامي معاي بالمطبخ من وقفت وهي تقول ما اخليك لحالك ..سمعنا صوت الباب وبعدين صوت خطوات سريعه وعاليه.. فتوقعنا ان اللي جاي يركض... طلعنا له .. والا مالك نازل من الدرج ..
قال بصوت عالي شوي : لماااااااار تعالي المكتب بسرعه .......
عطيت امي الملعقه .. ورحت وراه ركض ...
: شفيك خرعتنا ...
كان يفتش بالاوراق ..مستعجل ..
قال بعجله : الورقه اللي طبعتيها وين حطيناها ...
: مادري والله من زمان السالفه ...
صار يتأفف ..بعثر الاوراق كلهم وخلطهم على بعض ... ما قدرت استحمل .. قربت منه ومسكت ايديه وقفت حركته ..
صرخ علي : ابعدي خليني ادور ...
: اصبر ..حتى لو الورقه موجوده يمديها انقطعت .. وقف شوي انا اعرفها ..
وقف معصب تكتف وقال : اخلصي اشوف وريني شطارتك ...
: لحظه ..
رتبت الاوراق وصرت اشوف وحده وحده..وانا اصفهم كل شوي على المكتب يعني اجمعهم واضرب طرفهم على الطاوله..مره..مرتين..بالثالثه انسحبت ورقه وطاحت عند رجولي .. نزلت عليها بنفس الوقت هو نزل .. صقع راسي براسه ... عض على شفته بفرحه ... وطلع .........مسحت على راسي ..يووجع ..نزلت من الدرج .. وشفت امي ..
قالت لي : شـ عنده على المراكض ..
: مادري يبي ورقه للشغل ..
امي وهي تدخل المطبخ : الله يستر عليه من الدرب ..
وقت الغداا .. طولو ما جوو .. وامي قاعده على اعصابها ... بعد ساعه رجعو وسمعنا اصواتهم مع بعض ... قامت امي بسرعه ..لحقتها وظليت واقفه عند باب المجلس ..
امي : وينكم تأخرتو ولا تردون على جوالاتكم ...
ماالك مسك ايدين امي : يمااا يماا كسبنا الصفقه كسبناها ...
امي باستغراب : الحمدلله مو اول مره ...
ابوي تكلم بابتسامه: الصفقه اللي زعلت عليه منها ..
ابتسمت بفرحه .. تلفت مالك وقال لامي : وين ام احمد ..
امي ناظرتني وهو التفت علي واتجه لي ..مسك يدي وجرني وهو يتأبطها : يباا ام احمد هي اللي اقترحت ...
ابوي تقدم لي ومسك كتفي : عفيه على بنت رامي ...
: مااالك انا بس نقلت اللي تبيه حرام عليك ..
مالك رص على يدي بحماس: شفتي الرقم اللي اضفتيه هو اللي غير كل شي .. امووووووت فيك ...
فتحت عيوني للاخير وناظرت امي وابوي اللي ابتسمو .. سحبت يدي وطيرااااان على فوووق وانا اسمع ضحكهم وتعليقهم على مالك ....
قفلت الباب بالمفتاح .. جلست على الكنبه .. هواا ابي هواا ليه مافي اوكسجين .... تتعبني بتصرفاتك يا مالك .. نزلو دموعي بقهر ... سمعت طق ع الباب .. تكيت ظهري عليه وانا اسمع صوته ...
: مالك رح عني ..
مالك : الله يخليك .. اسف والله طلعت عفويه ...
: عفويه والاااا مقصوده رح تغدى انا مابي ...
مالك : عشان خاطر امي .. تراي بالغصب مقعدها عشان ما تشوف مكانك ...
غمضت عيوني وانا احس بحرارة الدموع على خدي ..
قلت له بصوت عالي : قولهم راحت لحقت يوسف ... قولهم اي شي خلني بروحي ...
مالك : على راحتك .. بس لا تبكين يالغاليه ..
صرخت وانا اضرب الباب : خلاااااااص يكفي .. اطلع من راسي يا ابن الحلال ..
غرست اصابعي بشعري وجلست ع الارض .. شلون بازوجه وافتك منه شلووووووون ...
ســــــــــــــــــــاره
راسي افتر واخيراً خلصت المواعين .. اخذت الشاي وطلعت ..قعدت جنب عمر وصبيت له شااي .. انحنى واخذه .. رشف منه وهو يرجع يتعدل ..حسيت الدنيا تلف فيني ... رصيت على مسكت الابريق ادور شي يسندني..كان مندمج مع برنامج على العلميه .. من كثر ماني راصه على الابريق .. انضغط معي وانغمست يدي فيه ورش على رجل عمر ..
: آآآآآآه
عمر بنرفزه : بسم الله الرحمن الرحيم ...
غطيت راسي بيدي فحجبت عني ملامحه ...
عمر : ساره شفيك ..ساره ردي علي ...
فتحت عيوني بثقل .. رفعت راسي ..
سمعت صوت عمر : ارتاحي قلبي ارتاحي ...
: عمر ..
عمر وهو يمسك يدي : يا عيون عمر ...
: يدي ..
عمر: تعورك ...
: اممممممم ...
عمر : قلبي تسمعيني ...
: بـ انام..
عمر : نامي ياروحي .. يوجعك شي ..
: يدي ..
غاب عن عيني وانا غبت عن الدنيا ...
فتحت عيوني .. وانا احس بيد حانيه تعودتها تمسح على شعري ...
همست : مالك ..
رد علي بلهفه : يا روووح مالك يا قلب مالك ...دلوعتي شـ فيك ...
: وين عمر ..
قال لي : عمر هنا بالديوانيه ..
سمعت صوت غالي عليا : سارونه ..
: امممم
جلست قبالي ع الارض بنفس جلسة عمر وقالت لي : سلامات يالدلوعه ..
: امممم
قالت لي : من متى معك دوخه ...
: من يومين تقريباً ...
قالت لي بعتب : تاكلين حبوبك والا لأ ...
: يع..
قال لي مالك : وشو يع يا عمري لازم تاكلينهم ...
: وين امي..
لمار تخصرت : يا سلام لا تصرفين ..يالله وين علاجك .. جلسها مالك خلها تشرب عصير .. ممنوع الشاي والنسكافيه والبيبسي مفهووووووووم ..
بوزت وانا استند على جسم مالك واقعد ..قلت باعتراض
: لااااااااا ...
مالك رص عليا : وبعدين معاك سارونه شلون بتجيبن لنا ولد من المجاعات ...
: ما احبه ...
مالك باستهبال : ولدك ..
: لاااااا العلاج ما احبه ..
لمار : اذا تحبين ولدك كولي ادويتك .. تراها له موب لك ...
: رميتهم ...
لمار حطت يدها على صدرها : انا بنتك يا ابوي ...
مالك : ههههههههههههههههههههه
لمار : مالك بدل ما تضحك روح جيب لها .. حبوب حديد وحمض الفوليك ...
مالك : منين اجيب ..
لمار بتهديد : وين الوصفات لا تقولين كبيتيهم ..
: لأ ما كبيتهم تلقينهم بدرج المطبخ الاخير ..
راحت لمار بسرعه ...وانا استندت لصدر مالك .. الله يعوضك يا اخوي ....مسح على راسي بحنيه ... قلت له
: ملوووووك احبك يا اخوي ..
مالك : هههههههههه يا بعد روح اخوك وانا بعد احبك ...
دخلت لمار وهي تناظر الاوراق وتتخصر : فقر دم بعد ... انتي وبعدين معك ...
حسيت اللفه رجعت بمخي : بسم الله شلون عرفتي..
لمار : لا والله ترى عندي ولد ..
الرؤيه ضبابيه : يوووه لمووو ...ااااااه ...
جلست قبالي وقالت : مددها خلها ترتاح ...
حطيت يدها على جبيني ...وانا غيبت ...فتحت بسرعه من المويا البارده على يدي ... ورجعت غمضت ....
رجعت فتحت وانا اسمع صوت عمر ومالك ..
مالك : بالله عليك شلون ما تدري عنها تراها زوجتك ..
عمر: اقول على شحم اقسم بالله لوعت كبدي ..
مالك : عموووووووووور...
عمر : مليييييك رح رح زوجتك المطبخ مافيه مكيف ...
مالك قرب مني : قعدتي ...
عمر وهو يقرب مني : كذاا تخوفينا عليك شلون يدك تعورك..
كنت باتكلم بس راسي احسه جبل : امممم
عمر: ساره تسمعيني..
: امممممم
عمر : في شي يعورك ...
:اممممم
طلع مالك لان عمر باسني على راسي ...وهمس لي بوجوده : قلبي ردي عليا ...
: عمر..
عمر وهو يبوسني على راسي وخدي : يا قلبه يا عيونه ...
: راسي آآآآآآآه.. ابي لمار ...
عمر: من عيوووووني يا روحي ...
التفت وقام وقف عند الباب ونادى : مااااااااااالك ...
مالك من بعيييد : نععععععم ...
عمر : نعااااامه تعال ...
جاا مالك وضرب عمر على كتفه : وجيع شتبي ما عندك احترام لاحد ...
عمر يأشر على راسه بولدنه : كيفي زوجتي وحبيبتي..
مالك وهو يناظرني حسيتهم يستهبلون عشان يضحكوني : هذا اللي يبي يجنني..
عمر يدقه بكوعه ويناظرني : بالله عليك سوسو مو هو يحب لماااار ...
مالك عصب وضرب عمر على كتفه : عمووووووووور ووجع ...
عمر :هههههههههه يالله يالله ناااد المدام تبعك مدامتي تبيها ..
تخصر مالك : نشتغل عندك انت ووجهك ...
صدعو بي قلت وانا ارفع يدي بوهن : راااااسي...
عمر : عجبك يا الله اخلص..
مالك مسك كتف عمر : اطلع يالله للديوانيه لا تشوفك عيني ...
اختفو عن وجهي وشوي ودخل مالك ووراه لمار وهي تكلم
" يماا ما في شي مالك قالي امررك عليها ورحت معه ......هههههه اي رضاوه .... ابشري ... يماا حمودي...ههههههه مع السلامه"
لمار وهي تجلس ع الطاوله قدامي : شلون دلوعتنا ارتحتي ...
: راسي ..يدي ...
جلست لمار عندي ومسكت يدي ..ناظرتها بتمعن ..
: راسي بينفجر من الصداع ...
لمار اسندتني ومالك ساكت بس يساعدها.. جلسوني .. عطتني العصير .. شربته بشويش .. حطت لي من شوربة الشوفان .. وكلتني غصب ...
لمار: قومي غسلي وجهك..
مالك : جيبي لها هنا موياا ..
هزت راسها بلأ وقالت له : وقفها وخلها ...
مالك : تطيح مو شايفه مابها حيل ...
لمار : مالك وقفها ...
ساعدني مالك ووقفنا مع بعض .. اسندتني لنفسها وقالت : ألحقنا من بعيد .... وانتي شدي حيلك امشي زين ....
مشينا شوي .. روحه جيه بالصاله وبالمجلس .. حسيت اني صحصحت .... تركتني ووقفت جنب مالك .. مشيت لحالي تأرجحت بس قدرت اتماسك ومشيت بالمجلس لفتين ...رحت الحمام عزكم الله وغسلت وجهي ... طلعت لهم بالمجلس ... كانت لمار متكتفه ومسنده ظهرها للباب ... ومالك متكي على الكنبه القريبه من الباب وسرحان ..
: ما شاااء الله تنفعون غلاف مجله رومانصيه ...
ابتسمت لمار ومالك ما تحرك ..تقدمت لي : شلونك ...
: اهبل ..
خليتها تناظر مالك .. تنهدنا وقربت منه ..ومسكت يده ورصيت عليها ..انتبه لي ..
مالك : شلون شايفه نفسك ....
: اجنن ..
مالك وهو يوقف ..هش على خشمي : من زمااااااان وانا اخوك ........
حضنت ذراعه : دير بالك على هالقمر ...
فترت ابتسامته .... كانت لعيونه هالنظره لما يكون محتاج ... محتاااج يا مالك .. اكيد محتاجها ....
انتبهت على صوت لمار حسيته مبطن بغيره : مالك خلص بروح لولدي ....
مالك : يا الله ..ديري بالك على حالك ولاتنسين ادويتك يالغاليه عشان خاطري ..عفيه بنتي الغاليه ...
: من عيوني تووووووبه ....
لبست لمار عبايتها ومالك طلع ... مسكت غطاها وسلمت علي ...
قالت لي : انتبهي على عمرك .. لا تهملين علاجاتك ... وو لا تنسين الاذكار ..
: من عيوني .. لمار .....
ضميتها بسرعه .. وانا أأشر لعمر يروح ...
لمار : ساره شفيك ...
ابتسمت بدلاخه : هاا لا ولاشي ....روحي انتي اكيد مالك طلع ...
كملت لبس وطلعت ...رحت الديوانيه .. شفت عمر حاط ايديه بجيويه وواقف عند الباب ..
: عموووووري..
عمر : هلا قلبي شلونك ..
: حمدلله احسن ...
عمر لمني من كتوفي : شفيك تو خرعتيني ..
: يعني ما تشوف المره مو لابسه .. وانت متنح ....
ضرب على راسي بخفه باصابعه : تسنعي ...بعدين انا شفتها لابسه ...
: هاا .. اي لابسه خلص ..
عمر : وش عندك ..
: بصراحه بصراحه ... هذاا شعرهاااا ......
عمر : ما شاااء الله والله حسبتها لابسه عباتها ....
: لا تروح بعيد خلك ع الشوكلاته ...
عمر : اموووت ع الشوكلاته ...
مـــــــــــالك
رفعت ضغطي يا عالم .. تحسب حالها كاسره راسي بس هين اوريها من انااا .. ضغطت بريك بقوة .. ومسكت ذراعها بقوة ... صرخت بوجهها ..
: انتي ما تفهمين .. السالفه بح طارت ...
مسكت يدي الماسكه ذراعها وقالت وصوت بكاها يعلى : لو ما شفته والله اسامحك مو قادره انسى ... كان بين ايدي .. مستحيل تفهمني ..قبل لا تجرب احساسي ...
قلت بعصبيه : وربي واللي خلقني والله والله والله يا بنت الناس انو مو قصددددددي... قفلي على هالموضوع احسن لك .....
رصت يدها الناعمه على يدي وهمست وهي تشاهق : اتركني عورتني ....
تركت يدها وهي صارت تفرك ايديها محل مسكتي ... سحبت منديل وناولتها اياه .. ما اخذته ..
: خذي مسحي دموعك ..
لمار بصوت واطي : مابي منك شي..مو محتاجه حنانك ..
ميلت عليها وسحبت يدها وحطيت المنديل بيدها وقلت بين اسناني
: لسانك عدليه معاي ما دام النفس عليك طيبه فاهمه ..
رمت المنديل وقالت بنرفزه : اطلع من حياتي عفستني ..
قلت وانا اشغل السياره : انا كذاا عااد كل شي امسكه اقلبه فووووق تحت .. بمزاجي ... وبمزاجي اقدر اسحبك واخليك تسوين كل اللي ابيه ...
حركت السياره .. وانا اسمع شهقاتها اللي تحاول تكتمهم بيدها من تحت الغطاااا...وقفت عند البيت .. نزلت قبلها وسمعتها تقفل الباب بقوة ...وقفتها بالحديقه وسحبت غطاها ..يا ويل قلبي وجهها احمر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك