رواية لين متى والحال ماتغير -12
خالد و هو يضحك : ههههه قصدج هاذاك اليوم خوفتيني والله ... حتى يوم كنتي تتابعين فلم الرعب انا كنت خايف و انتي تضحكين
حمده لفت صوبه : تصدق انا ما اخاف من افلام الرعب
خالد : ههههه لنج انتي بكبرج فلم رعب
حمده دخلت ايدها في جيبها و طلعت حبت دومينو منحوت عليها من اليمين قلب و من اليسار جمجمه
دومينو =
و مدتها لخالد
خالد باستغراب : شو هاذا ؟
حمده ابتسمت و هي تميل راسها : هديه
خالد خاق عالابتسامه : ....
حمده عقدت حواجبها : مو حلوه
خالد : ها
حمده : ...
خالد : ها .. هي اممم مشكوره حـــــ حبي
حمده : العفو حبيبي
خالد : ........... شو رايج نرجع البيت انا حدي يوعان
حمده : و انا بعد
وقف خالد بس انصدم بشخص يطلق عليه بالمسدس
طاح عالارض من قوت الضربه و الدم حوله
قامت حمده بسرعه و هي خايف على خالد بس الشخص اطلق عليها ما قدرت تلاحض الشخص لنه كان لابس لبس اسود طالعت شريط حياتها قدامها و طاحت عالارض و الدم حولينها
هل فقدت الحياه ؟ الكل يسأل هاذا السؤال
................
ليان قامت و هي خايف : عبدالله .... حلمت حلم يخوف
عبدالله قال بعصبيه : كم مره قلتلج لا تحلمين حلو يخوف
ليان : عبدالله انا خايفه
قرب عبدالله منها و حضنها : لا تخافين دام انا معاج
ليان : ..... عبووود خنقتني
بعد عبدالله و هو يضحك : تبين اقولج قصه
ليان هزة راسها : كمل القصه الي خبرتني اياها قبل
عبدالله : لين وين سمعتي
الي نسو القصه
(كان في طفل عايش بروحه , محد يهتم فيه الكل يعده مجرد انسان و كان يحاول يثبت نفسه بأي طريقه , جرب هالانسان كل الطرق عشان أي حد يلتفت صوبه , درس و اجتهد بس ما فيه فايده , ترك الدراسه و ما فيه فايده , حاول بكل الطرق الي ممكن يحتويها عقله الصغير , بس بعد ما فيه فايده , و في يوم من الايام ....)
ليان : اممم يوم قلت ان عقله صغيره
عبدالله : ههه انزين حاول بكل الطرق الي يحتويها عقله الصغير بس ما فيه فايده و في يوم من الايام قرر ان ينتضر و يوم يكبر يدور فكره يقدر فيها يحل هاذي المشكله , عاش حياته الباقيه معذب , عاشها وحيد يحس بالوحده القاتله , ما عنده احد يشاركه فرحه و حزنه او يشكيله همومه , كله بسبب اعاقته , ما كان يقدر يمشي , مع انه كان يقدر يسوي العمليه الي فرصت نجاحها صغيره بس هو كان رافض , و يوم كبر و في يوم من الايام جاف وحده حلوه تشتهج ( ابتسم ) و حبها و قرر يتزوجها , بس لا مستحيل تقبل بواحد ما يمشي , و قرر يسوي عمليته و سافر لأكثر من دوله سنتين تم كل شهر عمليه و علاج طبيعي لين قدر يمشي , و يوم خطب البنت الي كانت السبب في انه يمشي ( قال بغصه ) رفضته هاذي البنت و.....
سكت يو مطالعها رقدت غطاها باللحاف و انسدح عدالها و هو يفكر
رنيم انسدحت و هي تفكر في جاسم
رنيم : اشتقتلك جاسم
حطت ايدها على بطنها الي واايد كبر و حست بحركه
رنيم : جاسم حتى ولدك اشتاقلك ارجع ارجوك
تحركت بس حست بألم في بطنها
رنيم : اااه , لازم اتصل على جاسم اتطمن عليه
نزلت رنيم بتعب للمجلس و اتصلت عليه بس موبايله كان مغلق
اتصلت اكثر من مره و في النهايه رد
جاسم : الو
رنيم بتعب : الو جاسم
جاسم : رنيم ؟ كيف حالج
رنيم : مب مهم , انت شخبارك مرتاح ؟
جاسم : الحمدلله بخير و انتي
رنيم : تمام
جاسم : انزين رنيم انا مشغول لازم اسكر الحين
رنيم : مع السلامه انتبه على نفسك
جاسم : باي
سكرت رنيم و رجعت الغرفه بتعب
رنيم : وايد صرت اهمل نفسي بشرتي تغيرت و عيوني تحتها سواد لازم اهتم في نفسي اكثر
________________
اليارت الجاي يعد اسبوع لنه الاسبوع القادم بكون وايد مشغوله
اعذروني , و اذا لقيت وقت اكتبلكم فيه بكتبلكم
اسفه عالتأخير بس بعوضكم ببارت طويييل و بكتب الجزئين مع بعض
البارت 26 الجزء 1 و 2
في المستشفى
الدكتور : الحمدلله انت بخير
خالد : ااه شو صار
الدكتور : اصابتك كانت مره خفيفه الرصاصه ما دخلت فيك لنها اصابت قطعه من لعبه اعتقد دومينو و الدم الي نزل منك كان من جرح خفيف في ذراعك للفيناه لك
خالد : اهاا , الحمدلله بس اممم وين حمـ حمده
الدكتور نزل راسه بحزن و قال : البنت الي كانت معك دخلت بغيبوبه
خالد بعصبيه : ليش , شو صار فيها
الدكتور : اصابتها رصاصه في منطقه قريبه من القلب , فرصت نجاتها كانت قليله جدا لكن الحمدلله ان قدرنا نطلع الرصاصه و ننقذها بس دخلت فغيبوبه ما نقدر نحدد متا نهايتها
خالد بعصبيه اكبر : ليش , ليش ما انقذتوها , انا ابا انقلها احسن مستشفى , خبرني أي طريقه عشان تقوم من الغيبوبه بعطيك الي تباه فلوس او اي شي المهم انها تقوم
الدكتور : الفلوس مب كل شي فالدنيا و البنت ما تحتاج منك غير الدعوه و انا بسوي الي علي و بحاول بأي طريقه اني اساعدك لنه هاذي شغلتي بس انت لازم تدعيلها , و بعد وصل الخبر لأهلها عشان ما يقلقون عليها
خالد قعد و دموعه تنزل بدون توقف مسك الدومينو الي عطته اياها حمده
كانت مكسوره من الجهه الي مرسوم عليها الجمجمه
ابتسم بامتنان و هو يقول : مستحيل اتخلى عنج يا حمده مهما صار
.....
حست رنيم بألم قوي و نزلت عند امها بتعب
حنين : حبيبتي شو فيج
رنيم : ااه يمه بطـ ـني يألمني
حنين بخوف : حبيبتي شو فيج
رنيم : يمـ ـه شكـ شكلي بولد
حنين اتصلت بعصام الي كان فالدوام
حنين : عصام تعال بسرعه رنيم بتولد
عصام بخوف : خلاص دقايق و بوصل انتو تجهز و يوم بتصل اطلعو اوك
حنين : ان شاء الله
سكرت حنين بسرعه و قالت : قعدي هني انا بروح اييب عباتج اوك
لبست حنين العباه و تغطت و ساعدت رنيم و طلعو بسرعه للمستشفى
بعد ما وصلو دخلو رنيم علا طول اما حنين و عصان ( الام , و الاب ) قعدو ينتضرون
عصام اتصل على جاسم
مره و مرتين بس محد يرد
عصام : ما يرد
حنين : اتصل مره ثانيه يمكن يرد
اتصل عصام مره ثانيه على جاسم و رد
عصام : الو , جاسم ؟
جاسم : هلا عمي , كيف حالك
عصام بتوتر : الحمدلله بخير , اقول جاسم ترا رنيم بتولد انت الحين وين
جاسم بخوف : انا توني نازل من الطياره الحين بيي لكم انتو اي مستشفى
عصام : احن في مستشفى ..... ننتضرك
جاسم : اوك دقايق و اوصل
حنين : انا بتصل على ساره و ليان و حمده عشان ابشرهم
جاسم : خلاص انتي اتصلي على ساره و ليان و انا اتصل على حمده و فاطمه
حنين : اوك
,.........
ساره : الو
حنين : ساره اختج رنيم اممم فالمستشفى بتولد
ساره بفرح : صدق , الحين انا بيي
حنين : اوك اذا تقدين تعالي و اذا ما تقدرين عادي تعالي باجر اوك
ساره : اوك اوك
سكرت ساره و اتصلت على فهد
فهد : هلا حبيبتي
ساره : فهد ابا اروح المستشفى
فهد بخوف : حبيبتي شو فيج
ساره : ابا اروح المستشفى عشان رنيم بتولد لازم اكون هناك عشان اجوف البيبي
فهد ضحك و اتنهد براحه : اوك انتي اتجهزي و انا بمرج
ساره : اوك
سكرت ساره الروايه بفرح و راحت تتجهز
...........
ليان قاعده بملل و عبدالله فالمطبخ قاعد يطبخ
ليان : عبدالله الله يخليك ابا العب لابتوب
ملل
عبدالله : لا الاشعاعات مضره للطفل
ليان و هي شوي و بتصيح : يعني كل شي ممنوع ما يصير انا تعبت عبدالله
عبدالله و هو يدوس على قلبه : لازم تتحملين عشان البيبي ما يصير , اوك باقي 5 شهور و خلاص اتحمليهم
ليان باستسلام : اوك
انسدحت عالكرسي بس قعدت بسرعه يوم سمعت الموبايل يرن
ليان : الو
حنين : ليان , اممم اختج رنيم الحين فالمستشفى بتولد
ليان : صدق مامي , واااو انا الحين بيي عندكم
عبدالله : ليااان كم مره قلتلج لا تتحمسين
ليان بهمس : اوك مامي الحين انا بسكر بس قوليلي اي مستشفى
حنين : مستشفى ..
ليان : اوك
سكرت ليان
عبدالله : منو الي اتصل
ليان : هاذي امي , حبيبي ارجووووووك خلني اروح لهم اختي رنيم الحين بتولد و لاااازم اكون هناك انا وعدتها
عبدالله : اوك
لبس عبدالله ليان العباه فوق بجامتها و حملها و ركب السياره
...............
حنين : الحين انا اتصلت لازم انت تتصل لحمده و فاطمه
عصام : انا اتصل في موبايل حمده بس محد يرد , خليهم الحين هم في شهر العسل مب لازم ايون باجر بقولهم , الحين بتصل بفاطمه
...........
فاطمه كانت تتمشى فالمول مع بنتها سمعت صوت موبايلها يرن
فاطمه : الو
عصام : الو فاطمه
فاطمه : هلا ابوي , كيف حالك
عصام: كلنا بخير, فاطمه انتي الحين فالشارجه
فاطمه : لا انا في دبي
عصام : اختج رنيم تولد فالمستشفى بتيين ؟
فاطمه بفرح : اوك الحين بيي
عصام : اوك مع السلامه
سكر عصام و هو يقول : كلهم بيوون كلهم الا حمده
حنين : اوك
...........
يتبع
((((((((الباااااااااارت الاخير و الـ 26))))))))))
بعد دقايق وصل الكل للمستشفى الا حمده و كانو ينتضرون برا
بعد نص ساعه
فاطمه و هي تكلم ميره بنتها : لا حبيبتي خالتج رنيم الحين بتولد
ميره : بيصير عندها بيبي
فاطمه : هي بيصير عندها بيبي حلو انزين
ميره : بس انا يوعانه
ليان و هي تطلع شوكلت : خذي هاذا ميره
عبد الله : صح اتأخرو
ميره مسكته و هي مبتسمه : تسلمين خالتي ليان
ابتسمت ليان
ساره : احس تأخرو
ليان : صح ....خايفه يكون صار شي لرنيم
جاسم يوم سمع هالكلمه حس بندم على كل الي سواه لها من قبل
تمنى انها تطلع بالسلامه عشان يعتذرلها ... ضغوط الشغل كانت وايد تغير مزاجه في الايام الاخيره و ما يقدر يضبط اعصابه
جاف واحد جاي من بعيد مع وحده
يوم عرفاه ابتسم و قام يسلم عليه
جاسم : اهلين حسام كيف حالك و كيف حال روعه
حسام و هو يطالع الي عداله ابتسم : كلنا بخير
جاسم : اهااا ... و ليش انتو في هاذا القسم
حسام : عشان اختي روعه حامل و جايين نتطمن عالبيبي
روعه نزلت راسها بخجل
ابتسم جاسم : متا اتزوجت
حسام : من 4 شهور و الحين هي فالشهر الثالث
جاسم : اهااا مبروك
حسام : و انتو ليش هنا
جاسم : رنيم الحين بتولد
روعه رفعت راسها بصدمه و دموعها بدت تتجمع فعينها : رنيم !!!
جاسم ابتسم : هي رنيم ما تذكرين انها كانت حامل
روعه : هي صح كانت حامل ههه يعني الحين هي تولد
جاسم : هي
روعه : بليييز ابا انتضرها
حسام : خلاص تعالي نتطمن عالبيبي و نرجع ... عاد زوجج حسن مسافر و مخلنج هنا من يومين
روعه : هههه عادي تعال بسرعه عشان نرجع
راحو روعه و حسام يتطمنون عالبيبي عقب يرجعون اما جاسم رجع يقعد
ساره : شو هاذا اتأخرو
فهد و هو يحط ايده على كتفها : لا تخافين
ساره : اوك
فاطمه : واااو بيصير عندنا بيبي صغيرون ... بس ما اتوقع انه واحد لنه بصراحه بطن رنيم كان واايد كبير
بعد ربع ساعه رجعو روعه و حسام و قعدو ينتضرون
ساعه الا ربع وهم ينتضرون
فجأه طلع الدكتور
جاسم قام بارتباك : ها كيف حالها ديكور
فهد : مب ديكور دكتور انت شكلك متوتر
الدكتور و هو يضحك : الحمدلله هي بخير و مبروك عليك ما جاك
جاسم : انزين بنت ولا ولد
الدكتور : لا اكثر
جاسم : وش اكثر
الدكتور : تصدق انها اول حاله تولد 4 تؤام
فاطمه و هي توقف : 4 !!
الدكتور : هي بنتين و ولدين ... مبروك
حنين وقفت بفرح و عصام
حنين : ممكن اجوفها
الدكتور : تقدرين تجوفينها بس الحين هي تعبانه و العيال حطيناهم فالحضانه لنهم شوي صغار يمكن اسبوع و يطلعون
دخلت حنين و الابتسامه شاقه ويهها
و الكل قام يبارك لرنيم الي كانت تحس بتعب
حنين : مبروك يا بنتي
رنيم : الله يبارك فيج ماما
عصام : مبروك
رنيم : الله يبارك فيك
ليان و ساره و فاطمه بصوت واحد : مبروووك
رنيم : الله يبارك فيكم كلكم
جاسم : مبروك حياتي و الحمدلله علسلامه
ابتسمت رنيم بتعب : الله يبارك فيك و يسلمك
فجأه دخل حسام
رنيم كانت منصدمه : اهلين حسام
حسام : الحمدلله عالسلامه
رنيم : الله يسلمك
و الي شكل اكبر صدمه على رنيم هو دخول روعه ( اضن اتذكرتوها الي كانت فبداية الروايه
رنيم بصدمه : روعه !!!!
روعه تقدمت لها ببطء و حضنتها
رنيم و دموعها تنزل بشوق : روعه ... اشتقتلج
روعه : و انا بعد اهئ اهئ انا اسفه ماما
رنيم : ليش سويتي نفسج ما تعرفيني فالطياره
روعه : انتي طلبتي مني هاذا الشي ... انتي قلتيلي انسيني و انا حاولت بس ... بس ما قدرت اهئ اهئ
ساره كانت تمسح دموعها عالموقف المؤثر يوم قالها فهد بهمس : خلاص لا تصيحين البيبي
سكتت ساره و الكل كان متأثر مع انهم ما يعرفون وش السالفه
عقب قعدت روعه تتكلم مع رنيم و تسولف و تخبرها عن الايام الي فاتت و كيف اشتاقتلها
ليان : رنيم و جاسم ما قلتولي شو بتسمون الاطفال
رنيم ابتسمت و كذلك جاسم
رنيم : انا بسمي بنت و ولد و جاسم بنت و ولد
جاسم : سميه و سامي
رنيم : و فداء و فادي
ليان و ساره : و انا؟
رنيم : انتو شو
ليان : يعني ما بتسمونها ليان اصلا اسم فادي مب اماراتي ولا سامي
ساره : سمو ساره احسن
رنيم : لالالا ما فيه
ساره : خلاص انا ما احبج
رنيم : الا وين حمده
الاب : اتصلت فيها ما ترد
..................
بعد اسبوع
كان خالد قاعد على حاله من اسبوع ينتضر حمده وهو يطالع الدومينو
قال بهمس : انا استسلم
فجأه طلع الطبيب و على وجهه علامات الفرح
خالد : شو صار
الدكتور : حالتها مستقره و تقدر تدخل تجوفها
خالد بفرح دخل و جاف حمده تحيطها الاجهزه و الاسلاك و جهاز القلب مب منتضم و النبض خفيف و يبين عليها التعب و الارهاق و بشرتها صفره و المغذي بايدها
حس بسكين تنغرس فقلبه و قعد جدامها و هو يترجاها تقوم بس بدون فايده
خالد : حمده دخيلج قومي الله يخليج خلاص يعني عاجبتج الغيبوبه قومي انا انتضرك قومي ... انا احبج
حمده :......
خالد و هو يعط حبت الدومينو على ايدها : انتي الي انقذتيني و انا محتفض بحبج يا حبي
حس بحركه فايدها
فجأه حركت ايدها و سكرتها و هي ماسكه الدومينو
خالد : حمده !!! انتي قمتي
حمده و هي تبعد جهاز التنفس قالت بتعب : انا بعد احبك
و رجعت جهاز التنفس مره ثانيه
خالد طلع و هو يناقز نفس اليهال و يصرخ : قااامت والله قامت و قالتلي احبك يا ناااس انا بعد احبها والله احبها
الدكتور بفرح : قامت؟!
خالد و هو يسحبه من ايده : تعال طالع
دخل الدكور و جاف النبض رجع طبيعي و قال انها تقدر تطلع بعد اسبوع
...............
بعد 4 سنوات
فالمزرعه
ليان : شقرا صار عندها 3 اولاد و عبدالله و خالد و جاسم اشتركو مع بعض و اشترو احصنه للكل
عبدالله : اعتقد الكل دخل نادي تدريب الفروسيه مثل ما قلتلكم , انا بركب مع ليان على شقرا و خالد و حمده على الحصان الابيض..
قاطعه خالد : لا حمده حامل و الحصان الابيض مادري شو سالفته يركض بسرعه انا و حمده بنركب عالاسود
عبدالله : اوك انت و حمده على الحصان الاسود و رنيم و جاسم عالابيض و فاطمه و ميره عالبني
ليان : و مريم انا اتصلت فيها و الحين بتوصل بتركب عالاصفر مع مروى
حمده : و صديقاتي بعد بيركبون عالاحمر و البيج روضه و خوله و كوثر و احلام
روضه : تتذكرين يوم سويتي عمرج ولد ههههه
خوله : لا ولا سالفت البوديقارد
خالد : هههههه انا اذكرها مالت البوديقارد هع هع اونج عاد حمدووه عندج بوديقارد
عبدالله : تتذكرين ليان الغرفه الي كانت فالجبل ؟
عصام : انا خليتهم يبنون هناك غرف للكل عشان نقضي الاجازه فيهم
ليان : صدق !! وااااو
رنيم : و روعه و حسام يركبون عالحصان الرمادي
ليان : انا بخلي اولادي حسن و حسين عند الخدامه
عبدالله : اانا كم مره اقول لا تخلينهم عند الخدامه
ليان : بليييز عبود
رنيم : و انا بعد بخلي عيالي فداء و فادي و سامي و سميه و كريم عند الخدامه
حمده : و انا بخلي بنتي لولوه عند الخدامه هههه
خالد : حمده اسمها مربيه مب خدامه ترا ففيه فرق
فاطمه : و انا بخلي ميره و محمد بعد عند الخدامه بعد
ساره : و انا بخلي عبيد و سعود عند الخدامه ... يعني الكل بيخلي عياله عند الخدامه .. ههه ما توقعت في يوم بيكون فيه 11 طفل في عائلتنا حسن و حسين و فداء و فادي و سامي و سميه و كريم و لولوه و ميره و محمد و عبيد و سعيد .. وايد ههههه
حنين و عصام : قولي ما شاء الله لا تضربين احفادنا بعين
الكل : ههههههههههههه
كل واحد ودا عياله عند الخدم
بعدين ركبو على احصنتهم
شقرا و الابيض و الاسود و البني و الرمادي و الاصفر و الاحمر و البيج
حمده و هي تصرخ : بعد لين ثلاث و الي يوصل اول بيفوز
الكل : مستعدين
حمده : وااااااحد ثنيييييييين ثلااااااااااااااث
...........
و انتهت الروايه اهئ اهئ بشتاق لها كثير بصراحه هاذي اول روايه اكتبها و اعرف انها مب وايد حلوه لنه الردود فيها نااادره بس انا واثقه من نفسي حتا لو ما كانت حلوه و انتضروني مع روايتي الجديده ان شاء الله
( الشبح الاسود و دراكولا )
او
( القانون الاخير الحب ممنوع )
انتضروني ^__^
و شكرا للمتابعين خلف الكواليس اتمنى لهم الصحه و العافيه
تجميع
شموووخهــ
اللهم لك الحمد حتى ترضى وإذا رضيت وبعد الرضى ,,, اضف تعليقك