رواية اصبعي وهو اصبعي ان غدرني اقطعه -12
مشعل وهو يقترب منها ويمسك عضدها ويشدها لين وصل باب الغرفه ودزها وهو يوقف على الباب – شكل صاير في عقلك شي انا كم مره اقول لك عقب سنه اخليك تنقلعين بطلق وسوي اللي تبين 00 وكم مره فهمت عقلك التعبان تراني عايف عايف تعرفين شامعنى عايف
هي بإنكسار وتلم روحها بيدينها وتنزل راسها في حضنها – ايه
هو كل اللي سواه قرع الباب بااقوى ماعنده 00 عشان ترفع راسها من صوت الهزه اللي استوت وفي عقلها ( انا مااقدر عليه مااقدر 00 كيف اتظاهر بالقوه قدام هالانسان اللي يخوفني 00 صعب صعب والله صعب )
منسدح فوق سيارته ومسند راسه على يده 00 ويناظر في السماء والنجوم والقمر
وهو يبتسم وحاله صعب 00 معقوله يكون حب 00 معقوله الحب عذاب 00 معقوله فيه حوريه في الارض 00 سرح فيها 00 وتخيلها قدامه 00 كل اللي سواه غمض عيونه وفتحهم 00وشافها قدامه تناظر فيه وتبتسم 00 غمض عيونه مره ثانيه 00يشوف هو حلم ولاعلم 00شافها وهي لسه ماتحركت من مكانها 00 وكأن اللي ازاحها الاتصال اللي جاه اللي خلاه يسب ويلعن 00 ضيع اجمل صوره رأها
طلع جواله من مخبأه وهو يشوف المتصل – هلا عبدالعزيز
عبدالعزيز – انت وينك
خالد – في الرياض
عبدالعزيز بصدمه – كيف في الرياض متى رديت
خالد – قبل شوي طفشت من جلسة امك واختك
عبدالعزيز – ليه ماخبرتني طيب
خالد – دقيت عليك لقيت جوالك مع واحد من حراسك وقلت له يبلغك ليه مابلغك
عبدالعزيز – لاماحد خبرني زين اسمع اختك خلها ترد للبيت تراها في بيت خالي كفايه هاليومين اللي خذتها عندهم ترى حتى اختك موعندهم وعيب تطول اكثر من كذا
( عبدالعزيز مهما كان ضغط وحجم شغله بس عمره ماهمل أي شي يخص اخوانه ومن نظرة وجهته انه عيب جلوسها عندهم كل هالفتره 00 وهو مقهور منها00 تاركه امها وخواتها 00 وجالسه هناك )
خالد – إن شاءالله تأمرني شي بعد
عبدالعزيز – سلامتك يارب
خالد – الله يسلمك
منال اللي طلعت مع حمود السوق 00 تتشرى ملابس للجامعه المبسوطه كثير انها دخلتها 00 هذا حلم عمرها انها تدخل الجامعه
حمود – اسمعي انا بجلس في الكوفي خلصي اغراضك وتعالي لي بس خليك قريب من المحلات هاذي عشان اشوفك
منال – من عيوني يااغلى اخو في العآلم
حمود وهو يبتسم – الله الله منالوه تتنازل وتمدحني ,, لا صار شي في الدنيا
منال – ايه عاد حمودوه تراك مليغ تصدق
حمود وهو يضحك – ايه هاذي منالوه يالله ضفي وجهك قبل أهون واردك لصباح تكرفين
منال وبتمثيل وهي تعطيه ظهرها وتروح بسرعه – لادخيلك
هز رأسه وهو يبتسم مهما كبرت اخته تظل في عينه طفله 00 لحد الان يذكر يوم دخلت عليه امه الله يرحمها وهي راده من المستشفى وشايله في حضنها
منال 00 وتقول ناظر ياحمود هاذي اختك منال 00 ابيك تحبها وتكون عون وسند إلها 00 ومن ذاك اليوم هو يحاول يعمل بوصية المرحومه امه 00 اللي كانت عارفه انها بتودع الدنيا
قطعه من عالمه جلوس خالد ومشعل عنده – هييييييييه
هو رفع راسه وابتسم – متى جيتوا
مشعل – شفناك في احلامك اللي مدري وين وصلت فيها وقلنا خليه يكمل
خالد – ابي اعرف جوالك وينه
حمود يدور على جواله في مخابي ثوبه مال لجوآله أي اثر – تصدقون مدري
مشعل – تدري خلّود هالانسان اللي قدامنا حرام يحمله جوال
حمود – ياشينك لاطنزت علي اكيد ناسي جوالي في السياره
خالد وهو يناظر البلازا اللي هم فيه – ابي اعرف ليش مواعدنا في هالبلازا التعبان
حمود – وش اسوي اختي هنا تتسوق
خالد اللي سرح في اللي تتسوق 00 ومشعل ابتسم – ياحليلك انت واختك
خالد اللي ناظر مشعل بسرعه وهو مقهور من كلمته الاخيره
حمود يضحك – شكل السوق موعاجبكم معاليه هذا على قدنا
مشعل وخالد تفشلوا من كلمتهم
مشعل – هيه ( وهو يضرب راس حمود ) ترى ابوي معطاك راتب مدبل عشان تجيب اختك المسكينه هنا ابي اعرف وين يروح راتبك
حمود – ادفع فيه اقساط البنك حق البيت والسياره
خالد – الله يعين يارب
حمود يغير السالفه – ايه اش اخبار عمتي بدريه
(بعد فتره )
خلصت كل اغراضها شرتلها اللي على قد حاجتها من الفلوس 00 اهم شي ربي يباركلها باللي خذته من هالملابس 00 توجههت للمكان اللي خلت اخوها فيه 00 عشان تتفاجأ في اكثر اثنين مؤثرين في حياتها 00 استحت منهم 00 بس خالد لمح زولها 00 وكيف مايميزها بين ملايين من البشر وهاذي سالبة افكاره وعقله وكل تفكيره 00 أشر لحمود اللي وقف بسرعه وهو يتوجه لها
حمود – هاه خلصتي
منال بحياء – ايه الحمدالله
حمود – كفاك المبلغ اللي عطيتك إياه
منال – الحمدالله وزاد بعد ( وهي بتطلع له المتبقي ) ومسك يدها
حمود – خليه معك بتحتاجينه ,, يالله نمشي
منال – ايه
حمود أشر لهم بمعنى اني رايح ,, وبدورهم اشروله بمعنى مع السلامه
الساعه تشير إلى الثامنه صباحا 00 وهي تنتظر سواق البعثه المرسوله لها 00 وآخيرا وصلت 00 وهي تركب 00 تشوف عبدالعزيز مع الحرس وهم داخلين بوابة البيت معناته اكيد بيطول الاجتماع على ماهو يحضر 00
وهي في نفسها ( كيد بينطرنا ساعات 00 موهو ولد وزير 00 وهي تسب وتهاوش
فيه 00 وتتوجه للقاعه المذكوره للاجتماع 00 وهي ميته قهر )
ميته قهر 00 بدريه رفضت تعطيها امس المفتاح وتتذكر كلماتها
بدريه – اسمعيني يانوف إذا بهالوقت بالذات ماحليتي مشاكلك مع مشعل متى بتحلينها ,, بنتظرين لين ولدي يمل ويشوفله شوفه ثانيه ,, يانوف انا ابيك المرأه الوحيده في حياته ,, واعذريني ذيك الغرفه ماراح ترجعيلها ردي وشخصيتك قويه ووقفي بوجهه
تتذكر انها عادت خايبة الرجا من عند بدريه اللي رفضت رفض قاطع انها تعطيه مفتاح الغرفه ,, وعقب مارجعت كل اللي سوته انها نامت على كنبة الصاله ,, ولاتعرف هو وصل ولالا لحد الان
وقفت وهي تتسلل للغرفه 00 شافته نايم ومعطي ظهره للباب 00 يعني ماتعرف هو صاحي ولانايم 00 والحمام في الجهه الثانيه من الجناح 00 يعني غصب عنها لازم تمر على الغرفه 00 عشان تقدر تروح له
وفعلا مشت وهي تسمي بس اللي ارعبها وقوفه المفاجئ 00لما سمع صوت تسللها وهو يناظرها ووقفت تناظره
هو – خير
نوف تناظره – ابي الحمام ( وهي تكمل طريقها ولامعبرته وكل اللي سوته قرعت بالباب بقوه عشان يقمز ويتحلف فيها )
وآخيرا وصل الاجتماع 00 والحراس من حوله 00 وهي ميته قهر من هيبته اللي تفرض عليهم كلهم ابتداء من مدير الشركه حقتها انتهاء فيها انهم لازم يحترمونه
عبدالعزيز – اسف على التأخير
مدير شركتها – لاعادي مايهم
وهي بتفرقع من كلمته
عبدالعزيز وهو يناظر فيها – يالله نبدأ الاجتماع
المدير – تفضل طال عمرك
طلعت من الحمام وهي تمسح وجهها 00عشان يمسك يدها بشرر وهو يوجه سيل عباراته لها بعصبيه – ليه قارعه بالباب كذا
نوف وهي تفك يدها منه – شكلك تدور لك مشكله على هالصبح
عشان تزيد النار حطب 00 ويقوم يضرب فيها ضرب يوم بسنين وهو يحس بقهر يشتعل في صدره من وجودها بهالصوره في حياته
خلصوا الاجتماع وهو عينه فيها وياخذ مديرها على جنب ويكلمه ,, وهي ميته وتعرف ش يقول له
عشان يفأجاها مديرها بعد ذلك بعد خروجهم وهو يبلغها الخبر اللي صعقها وموتها قهر منه ومن عبدالعزيز
اعترضت طريقه 00 ووقفت في وجهه عند مواقف السيارات
عبير بقهر – انت شاتبي فيني
هو ويوقف الحرس بيده – هالحين عشان بغيتلك الراحه تقولين كذا
عبير بعصبيه – شكرن ماابي منك شي ولاتتدخل في شغلي
عبدالعزيز – تراني حجزت لك رحله وبلغت محمد اخوك يستقبلك في المطار الساعه ست المغرب
هي وتضرب الارض برجلها وترفع اصبعها في وجهه 00 عشان يتحركون الحرس
ووقفهم بحركة يده
عشان تكمل وعينها في عينه – احسن لك ابعد عن حياتي وشغلي ولااقسم بالله مايحصلك طيب
هو بإبتسامه – تدرين انتي تمثلين وتتدعين القوه وانتي موقدها ,, احسن لك لاتهددين لانه مابيحصلك طيب
عشان عبير تحاول ترفع يدها في وجهه ,, وبسرعه يمسك يدها – بتعرفين متى بدفعك ثمن اللي بتسوينه
عبير وهي تشد على شفايفها بقهر منه وهو يعطيها ظهره متوجهه لباب السياره حقته
بعد مرور شهر كامل بالضبط ومافيه اختلاف في الاحداث
إلى ان نوف لحد الان تنام في الصاله ,, وعبير استقالت من شغلها عقب اللي سواه فيها مديرها وعبدالعزيز ,, ودلال ونوره ردوا للرياض بعد ماعجزوا ان خلود رفضت تترك بيتها وتبي تنهي العده في البيت اللي ضمها هي وتركي ,, وام تركي اللي كسرها وهدها موت تركي وسمر اللي اتفقوا يكون زواجها بعد خمس شهور على الاقل
والان في الجامعه 00 نوف تعرفت على إنسانه طيبه وقلبها كبير 00 اللي هي مي
وهم تعرفت على منال اللي كلهم يتواجدون في قسم واحد
وهم يجلسون على الطاوله
منال وهي تزفر – افففففففف تعبتنا هالدكتوره حسبي الله على إبليسها
نوف – حرام عليك لاتدعين
مي تبتسم – تراه بس دعت على إبليسها يانوف شافيك
نوف – مدري بس مااحب حد يدعي قدامي
منال – ايه نوف بسألك هالحين انتي قلتي لنا انك متزوجه
نوف – ايه
منال – من متى
نوف – لي شهرين وشوي هالحين
منال – الله يعين
مي – امس اخوي محمد لما جاء ياخذني شاف سواقكم وعرف سيارتكم وقالي
هذي سيارة آل سالم
نوف بإبتسامه – ايه انا زوجة مشعل ولدهم
عشان تنصقع منال – انتي زوجة مشعل
نوف بنظرات استغراب – انتي تعرفينه
منال- ايه صديق حمود اخوي
مي بضحك – والله وطلعنا معرفه
نوف بإبتسامه – صحيح ( صدفه افضل من ألف ميعاد )
منال – والله ماتوقعت الدنيا صغيره واشوفك لا وندرس في قسم واحد انتي ماتدرين مشعل وش بالنسبه لنا
نوف – ليه شاسوى لكم
منال – وظف اخوي وخالد ولد عمتك عالج ابوي من الخمر على حسابه انتم شي كبير بالنسبه لنا ( وهي تخفي حبها السابق لمشعل )
في الجهه الثآنيه في الجامعه وتناظرها وهي ميته قهر وغبن وحسد ياكل في قلبها
اميره – وين راحت عيونك
ساره – اصكتي يااميره وحده قرويه تاخذ مني شي ابيه واحلم فيه من وعت عيوني على هالدنيا مشعل موبس لي حلم لامشعل لي حقيقه في كل آحلامي هو زوجي اللي ارسمه فيها ,, اميره انتي ماتعرفين مشعل وش بالنسبه لي
اميره – والله حبك له موطبيعي
ساره وهي تسرح في خيالها – لاتخافين هالحب بيتوج بزواج مااني بنت الوزير محمد ان خليته يطير من يدي
اميره وفي داخلها ( اكيد ,, والخوف كله منك لاحقدتي ياساره يويله من عداكي )
تجيهم دنيا عشان يغيرون السآلفه
ردت البيت وهي اليوم بالذات خاطرها سيئ اتوجهت سيده لجناح امها اللي لقت حولها 00 الفلبينيات يسوون لها تدليك في جسمها
ساره بطفش – مساء الخير ماما
دلال وتصرف المدلكات عنها وتأشرلهم يطلعون – مساء الورد ياعيون ماما
ساره – يمه متى بتشوفين لي صرفه في العله اللي ملزقينها لمشعل
دلال – ياحبيبة ماما انا بتصرف
ساره بقهر – ومتى بتتصرفين لين اموت بحسرتي ومشعل حبها
دلال – ياعيون امك
ساره وتقاطعها – يمه مايصير تعشميني فيه من صغري بعدين فجأه اتركه يمه انا لفيت الدنيا كلها مافيه غير مشعل من ملئ عيني افهميني
دلال – يايمه
ساره بعصبيه وتقاطعها وهي تبكي – لاتقولين شي والله مااكون ساره ان ماخليته هالاسبوع يطلقها ,, وانتي مشكوره يمه خليك في طلعاتك وروحاتك
طلعت مثل الاعصار ودموعها ماليه خدودها ,, ودلال اللي تتحسر على حظ بنتها
رجعت للبيت وهي ميته تعب 00 اليوم شافت ساره ودنيا من بدت الدراسه ماشفاتهم
ريم – زين جيتي
نوف تبسم لها – شوفة عينك
ريم – زين روحي بدلي بسرعه ونادي على دنيا معاك قوليلها الغداء عمي وراشد ومشعل على وصول
نوف – إن شاءالله ( وهي تصعد الدرج )
منال وهي تتغداء مع ابوها وحمود وصباح
منال – تخيل حمود من طلعت صديقتي
حمود وهو يبلع اللقمه – من طلعت
منال – نوف زوجة مشعل تخيل
مشعل – بذمتك
منال – والله
غازي – مشعل ماغيره ولد سالم
منال – ايه يبه
حمود – ياحليلها والله
منال – ياربي تهببببببببببببببل واخلاقها روعه تصدق انها جاذبتني ومارتحت غير لين تعرفت عليها وصادقتها
حمود – تستاهل هي طيبه
تمسح يدينها 00 وهي متوجهه على جناح دنيا 00 عشان تسمع صوت اغاني يصدح في الجناح 00 طقت لما قالت التوبه 00 والباب محد يفتحه
فتحت الباب ومشت لين الصاله 00 عشان تسمع صوت ضحك وتسمع دنيا
وهي تقول – حمودي حيبي حرام عليك
محمد - ........................
دنيا- هههههههههههههههههههه هههههههههههه يقطع إبليسك
محمد - ........................
دنيا – خلاص بس
عشان بدورها ماتستحمل ان بنت عمها توصل هالمواصيل وتسكت عنها وهي تقتحم المكان 00 عشان دنيا ترتجف بدورها وتصك الجوال في وجه محمد
دنيا بعصبيه وهي ترجف – خيررررررررر انتي شجايبك في جناحي يالله برى
نوف بقهر – انتي ماتستحين على وجهك
دنيا بعصبيه وهي تنزل من السرير وتقترب منها – وليش استحي (وهي خايفه انها سمعت )
نوف بقهر – تكلمين ولد لودرى عنك مشعل ولاعمي ولاحتى اخوانك كيف بتكون وجيهم تبين تطرحين سمعتنا في القآع
دنيا وهي تصفقها كف – مابقى غيرك يعلمني العيب هيييييييييييه فوقي ياحيوانه على نفسك واعرفي من تكلمين
نوف وهي تمسك خدها وترد الصفعه لدنيا عشان دنيا بدورها تمسك خدها
نوف بقهر – اللي اعرفه ان اسم جدي وجدك واحد واللي يربطنا دم وعرق واحد وموانتي ياحيوانه تعايريني وعلم يوصلك ويتعداك لودريت بس دريت انك تكلمين شاب مايحصلك طيب
كل اللي سوته دنيا انها مطت عيونها وهي تشوف نوف تعطيها ظهرها
نوف وقفت ولفت وجهها لها – امشي الغداء
وردت وعطتها ظهرها
( الجزء الثاني عشر )
مع نزولها من الدرج ,, صادفته في وجهها 00 ناظر فيها 00 ثم ناظر في لابسها
وهو ميت قهر من جلابياتها اللي فقعت مرارته
عرفت تفكيره لوين راح 00 وحست فيه 00 اصلا هي تبيه يكرهها ولايشوفها حلوه
تدرون اني اتعمد البسله كذا ماابيه يشوفني حلوه 00 بتقولون خبله 00 بقول عن نفسي ايه 00 كيف بااتكشخ عند انسان من اول ليله ضربني 00وطردني من غرفته 00واهاني 00انتم ماشفتوا الوجع اللي حسيت فيه 00 واني تعذبت كثير وانذليت اكثر 00 ومن بعد ماسمعت كلام عمي يوم يتكلم هو وياه 00 خلاص حلفت في داخلي مااخليه يشوف حلاي ابد 00 ابيه يكرهني ويطلق خلاص كرهته واكيد بل اكيدات انه كارهني وماانزله في زور ابد 00 وش فايدة زواج مصلحه وبعد سنه ماادري وين مصيري 00
شافت وجه عمها الكريه وهي تدخل اللي صد بنظره عنها
وأول مااستوت على الكرسي 00 فجأهم دخول دنيا السريع وهي تلهث
دنيا بإرتباك – نوف قومي ابيك
بدريه – هالحين تغدوا وبعدين لاحقه تكلمينها
دنيا – لا هالحين وضروري
نوف توقف 00 وهي عارفه وش تبي فيها 00 ولما طلعوا مسكتها دنيا مع يدها
ودخلتها مجلس الحريم
دنيا بمسايسه – نوف الله يخليك لاتقولين لحد تعرفين مافيه بنت ماتغلط
نوف وهي تنشرح اساريرها – لايادنيا موكل بنت بس انتي الله يهديك بس إن شاءالله
تعرفين غلطك 00 وماترجعيله وبعدين معقوله بااخبرعليك وانتي بنت عمي
دنيا بقهر من ذلها بهالصوره – مشكوره نوف ماقصرتي ومعك حق في كل اللي قلتيه
نوف – وهالحين امشي خلينا نتغداء
دنيا بقهر – يالله امشي
دلال بعصبيه – ماعلي منك يالشيبه تدري كم عمرك
عبدالعزيز بعصبيه – يمه الله يخليك افهميني شنهو شيبه وشنهو هالكلام
دلال بإستعطاف – يايمه ياعبدالعزيز ابوك يجلس كل ليله وهو يتلهف لشوفة ضناك يايمه ليه بتحرمنا
عبدالعزيز بهدؤ – يايمه افهميني انا ماابي الزواج ماابيه
دلال وهي ثايره – اسمعني ياعبدالعزيز انت فيك عله وش مخبي انت يإما مورجال ابد ,, ولا شايفلك شوفه
عبدالعزيز اللي عصب من كلام امه – وش هالكلام يايمه إلى متى وانا اشوف وعارف هاذي نظراتكم علي حاطين في رؤوسكم هالشي انا تعبت منكم تعبت
( وهو يعطيها ظهره طالع من البيت )
دلال بعصبيه – والله ماتطلع ياولد بطني قبل ماتعطيني كلمه انا خطبت لك بنت انت فيك بلا فيك عله قول تكلم بصرف هل البنت
عبدالعزيز بقهر الدنيا فيه وبعصبيه وبتهور وبدون حتى لايعرف
منهي البنت – مافيني لابلا ولاعله واكبر دليل اقول اللي قلتيه يمشي انبسطتي يايمه
دلال واستبشرت وانبسطت – ايوالله يانظر عيني انبسطت
في الجناح وتذاكر 00 عليها اختبار صعب شوي
دخل عليها وهو طفشان ومقهور من روتين حياته مع هالانسانه اللي ملابسهاوشكلها وكل شي يدل على تخلفها
جلس على الكنب وجلس يطالعها
نوف تناظر فيه – تبي شي اسويلك شي
مشعل بعصبيه – لا ماابي شي ( وعينه عليها وسارح في خياله )
نوف تناظره بخوف 00 وهي خايفه من جلوسه بهالصوره معها 00 ونظراته فيها
في الصاله
بدريه ودلال وساره ودنيا ونوره
دلال – وانتم شااخباركم
بدريه – الحمدالله بخير
دلال وهي تتلفت – الا وينه مشعل مااشوفه وقرويته وينهي
بدريه وهي تناظره بنص عين – مووزين اللي تقولينه يادلال عيب
دلال – الله يصلحك يابدريه هالبنت مايعرفها غيري قبل عند امي وهي متعبتها لا ومتمرده وشايفه نفسها ودائم تنطنط عند الباب تموت ويشوفها شباب الحاره الا عساها ماتنطنط عند البيبان عندكم
بدريه بإستغراب وشك من كلامها – لا اعوذ بالله نوف عاقل ورزين وحاشمه عمرها
ساره – لاتغرك المظاهر ياعمه
ريم اللي اقتحمت جلستهم وهي تقطع السالفه – السلام عليكم
ساره قهر وغيظ لانهم بدوأ يدخلون الشك في عقل بدريه – وعليكم السلام
الكل – وعليكم السلام
سلموا عليها وكملوا جلسه وسوالف
الخدامه تطق الباب
نوف تقوم تفتح الجناح – مين
الخدامه – انا مدام هذا مدام بدريه تقول انزلوا تحت مدام دلال ومزمزيل ساره تحت
نوف – وععع خلاص بينزلهم مشعل
راحت تطق عليه الباب 00 وهي تشوف الباب مسكر
سمعت صوته – خير
نوف – عمتك دلال موجوده تحت
مشعل يفتح الباب – متى جت
نوف – مدري عنهم
مشعل بخوف – وليكون نزلتي لهم
نوف – لا
مشعل اللي مستحي حد يشوفها ويشوف لبسها وشكلها – احسن ولاعيني تشوفك نازله فاهمه
نوف بإستفهام – ليه
مشعل بعصبيه وهو يأشر على مزاجه – كذا
نوف بإستسلام – إن شاءالله
نزل تحت وعيون دلال وساره بتاكله 00 وهو لابس وكاشخ وريحة عطره وراه
وقفت دلال تسلم عليه وتهلي وترحب
دلال – وشلونك يمه
مشعل – تمآم والله وشلنك انتي ياعمه
دلال – بخير اعذرني ياعميمتك ماقدرت اجيكم كنت في جده
مشعل وهو يجلس معهم – ابد بس شاخبارها خلود عساها بخير
دلال – بخير جلست في جده تقضي عدتها
مشعل – الله يسهل الايام عليها خلود ونعم الاخت عزالله والله من دريت ماشلت الاهمها طايره بتركي وتموت عليه
دلال – ايوالله وانا امك ماشفت مثلهم الله يرحمه يارب
مشعل – ذكرياتي انا وخالد معها ماتنسي حتى لما نسافر جده هناك تحلف علينا هي وإياه الا لازم نتعشى عندهم
دلال – عزالله انه فقيده الله يرحمه ( وهي تتلفت ) وينهي زوجتك هه لايكون ماتبي تشوفني
بدريه – ايه وينهي نوف
مشعل بكذب – نايمه
دلال – وقطيعه ماتقولين عمتي جايه تشوفني صدق مالت والله اني ماارتحت لهالبنت ابد الله يعينك عليها يايمه
مشعل سكت وهو يحس بالذنب انه منعها تنزل ويسمع هالهجوم كله عليها
بدريه – دلال ترى نوف راعية واجب ولو تعرف بجيتكم نزلت بس هي ماردت الا متأخر من الجامعه وتعبانه
دلال – ولو مايمنع بس هذا عذر تحطونه لها وهه وش تدرس ياحظي
مشعل وهو يوقف – اتوقع ادارة اعمال
دلال – ايه موهي زارطه امي ومأثرة عليها عشان تكتب البيت بإسمهاوهالحين دارسه هالاداره علشان بكره تستثمر هالفلوس
مشعل بتفكير في كلام عمته وهو طالع من الباب ويستاذنهم وكله استغراب من اختيارها لهالقسم بالذات
هي ومنال يسولفون
مي – تصدقين ارتحت لنوف كثير مومصدقه مر على معرفتي فيها شهر
منال – والله اني حبيتها كثير واعزها ماتدرين عن قصة حياتها الماسأويه اللي عايشتها
مي بإستغراب – ليه كيف
منال – مشعل متزوجها مصلحه عشان ياخذون البيت اللي بإسمها
مي باستغراب – أي بيت
منال – بيت جدتها اللي كتبته بإسمها
مي بحزن – يالله
منال – ايوالله يامي اخوي مشعل مخبرني 00 والله انها مسكينه بس انتبهي تبينين لها شي
يقطع عليهم صوت صباح اللي تهاوش وتصارخ – مشاءالله هنا مقضيه الوقت في السوالف وانا اللي اكرف في هالبيت قومي فزي وريني طولك بسرعه
منال اللي تسد السماعه بيدها – عمه تكفين لاتفضحيني
عشان صباح تعصب وتفصل الفيش – يالله قومي
منال بقهر وهي توقف – حسبي الله ونعم الوكيل
صباح – هين يابنت الكلبه تحسبين علي ان معلمت غازي يمرمطك بعقاله تعودتي على الدلع حسبي الله على اخوك اللي خربك علينا
عند شنطتها اللي رافض مشعل تدخل مع ملابسه 00 وهي ترتب فيها بعد ماتروشت وذاكرت وخلصت 00 سمعت صوته داخل الغرفه 00 خافت يلعن خيرها لويشوفها في غرفته ماتدري شاتسوي كل اللي سوته تخبت في دالوب ملابسه 0 0 ومافكرت انه ممكن يتسبح ويجي ياخذ ملابسه 00 المهم انها تتخبى وبس
وهو يغني ويدندن فتح الدالوب عشان ينصدم بمنظرها وهو ماط عيونه 00 وهي منكسه راسها
مشعل بقهر – وش تسوين هنا
نوف بخوف وارتجاف – كنت هنا ارتب ملابسي سمعت صوتك وتخبيت انت ماتبي تشوفني في الغرفه
مشعل بقهر – طيب اذلفي ولااشوفك هنا
نوف – ان شاءالله
مشعل – ولاوقفي مدامك دخلتي هنا برجلك 00 تعالي نظفي ملابسي ورتبي الغرفه خلنا ننتفع من جودك في شي نافع موجلسه عطالي بطالي
نوف – طيب
وقف شوي وناظر فيها00 ويناظرها وهي منزله رأسها
اخذ روبه ودخل الحمام وهو يصفق بالباب
دنيا تبكي – آآآآه ياساره قاهرتني
ساره اللي جاها الحل اللي بيطير نوف على طبق من ذهب وتخوف دنيا – اكيد بتعلم عليك مشعل
دنيا برجفه – لا كل شي ولامشعل طلال ولاراشد يتفاهمون موذاك
ساره بقهر – وانتي بتنتظرين لين تخبر عليك تغدي فيها قبل تتعشى فيك
دنيا بإستفهام وهي تمسح دموعها – كيف
ساره – انا اقولك كيف
سمعت الصراخ وبسرعه طلعت تركض لمصدر الصوت اللي جاي من الصاله
عبير بصراخ – ماباخذه يعني ماباخذه
محمد بصراخ – موعلى كيفك انا بعرف إلى متى وانتي معتكفه عن الزواج اصحي ترى اللي جايك ولد وزير وزير
عبير – والتبن
ام محمد بصرخه – عبيـــــــــــــــــــــــر
محمد – هذا اخر الدلع شوفي ياعبير انتي اخذته اخذته
ام محمد – تراني دلعتك فوق الازم ابعرف شاسبب رفضك ترى موكل مره بتلقين حد مثل عبدالعزيز سمعه وجآه ومآل
عبير تبكي وهي اول مره تذرف دموع قدام حد – يايمه ارحميني
ام محمد بعصبيه – إذا تبين رضاي يابنت سعيد خذي محمد غير هذا لايطب لسان لساني
عبير ودموعها تجري على خدودها – الله يخليك يمه
ام محمد عطتها ظهرها وهي تطلع الدرج 00 ومحمد صفق الباب باأقوى ماعنده
مي اللي واقفه عند الباب قربت من عبير وضمتها وبكت معها
عبير بقهر – يامي ماابيه ماابيه اكره ذيك العائله اكرهها
مي – الظاهر وانا اختك مالك مفر عنه وامي بتقاطعك عشانه
عبير وهي تشهق وتضم مي بااقوى ماعندها
ساره بحرص زائد – اهم شي الجوال لتجيبينه فاهمه
دنيا – طيب بس
ساره – ولابس ولاشي والباقي خليه علي
دنيا – ومين الولد
ساره وتضحك ضحكه شريره – من غيره زياد صايع ضايع اعطيه كم قرش يبيع الدنيا ومافيها
دنيا برحمه – موكانه حرام اللي بنسويه
ساره – ياربي عليك اقول خلاص معاد لي دخل وخليها تخبر عليك مشعل وإذا ذبحك لتقولين ياساره افزعيلي
دنيا بخوف – خلاص خلاص صح صادقه
ساره بوناسه – ايه خلك كذا احسن
واخيرا خلصت ترتيب وتنظيف وبخرت بعد الغرفه بالعود 00 طلع من الحمام وهي استحت ولفت وجهها عنه
مشعل يناظرها وابتسم من حياها قرب منها 00 وهو مخدر ومو في شعوره ابد 00 كفايه طول موهو في الحمام وهو يفكر فيها وفي عيونها اللي تذبحه من الصميم إلى الصميم 00 مهما بالغ ومهما لقى عذر يبعده عنها كل هذا يكون شي مترسخ في عقله بس قلبه ورجلينه وجميع حوآسه تقوده لها 00 مهما شاف حلوه ومهما تزوج حلوات ومهما ومهما مايبلغون ذره في بس حدة ورسم عيونها اللي ابدع الخالق فيها وكأنه يوريهم حوريه تمشي على ظهر الارض ومو بس حلم في الجنه ولا رسم وابداع وتفصيل جسمها
حست في حراره تلفح ظهرها وحراره قويه بعد 00 اتخدرت هي من بس الحراره اللي تلفحها 00 مرر يده على عنقها وهو يمسح بيده على نعومة جسدها الحرير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك