رواية اختلفنا من يحب الثاني أكثر-11
ركبت جواهر السياره ومشو والهدؤء كان هو الجو السائد في السياره لحد ماكسرته جواهر بصوتها الناعم اللي اخترق السكون..
جواهر: اقول عماد
عماد (خطيبها): قولي يابعد كل عماد
جواهر: شصار على موضوعنا
عماد باستنكار: أي موضوع؟؟
جواهر: أي موضوع من ستنين الى اليوم شنو الموضوع الوحيد اللي ينعاد بكل لحظه زواجنااا..
عماد بلا مبالاه: ولا شي شنو بيصير يعني..
جواهر : شلون يعني بس الوضع الحين يختلف
عماد: وشنو يختلف فيه؟؟
جواهر: انت عارف من اسبوع اني حامل يعني لازم تقدم الزواج
عماد : يصير خير ان شاء الله
جواهر بنرفزه : شلون يعني يصير خير لين متى
عماد: وانااا شدخلني
جواهر بعصبيه: واللي في بطني مو ولدك
عماد: الى ولدي بس رجاء سكري على الموضوع الحين
جواهر ماصدقت السياره وقفت نزلت وسكرت الباب بأقوى ماعندها
عماد واهو يصارخ: الباب وعمى صاير انتي اللي بتصلحينه
جواهر بعناد رجعت وفتحت الباب وسكرته بأقوى من قبل ومشت ودخلت البيت...
امااا اريج بعد ماتركت راكان وراحت غرفتها اول مادخلت شافت جوالها يرن راحت له ولقت ساره تتصل استغربت وتوقعت انها من الفرح مو قادره تنام عشان كذا اتصلت ردة عليها..
أريج: خلصتو سهره ياجوليت..
ساره بصوت باين فيه القهر والحزن: هلا اريج صاحيه؟؟
أريج : شفيك صوتك متغير؟؟
ساره ماصدقت ان اريج سألتها انفجرت دموعها اللي حاولت تحبسهم بدون فايده وحكت لأريج كل القصه..
أريج بقهر على صديقتها: الواطي الحقير ابد ماكان مبين عليه من جد ياما تحت السواهي دواهي ولا يهمك حبيبتي لاتبكين مايستاهل ولا دمعه من دموعك قومي صلي الفجر وتعوذي من ابليس ونامي واياني واياك تفكرين بالموضوع واحد مثل كذا مايستاهل ظفرك
ساره : اوكي حبيبتي باي
أريج: مع السلامه
ساره بعد ماسكرت قامت توضت وصلت ودعت ربها يكتب لها اللي فيه الخير وان كان في قرب خالد عذابها ان شاء الله يبعده عنها.. طوت سجادتها وراحت لسريرها ونامت بسرعه من التعب..
أمااا اريج بعد ماصلت ماجاها النوم حطت حجابها على راسها و خذت جوالها و نزلت تحت...
استغربت وجود راكان بالصاله ولاحظت انه نايم جلست على الطاوله اللي جنبه واهي تتأمل ملامحه..
(وش هالاحاسيس اللي بديت احسها لما اشوفك ليه احس قلبي بيطلع من مكانه والكون يضيق فيني رغم وسعه ليه صرت انسى نفسي معاك واخلق الاعذار عشان اسولف معك اشتاق لك بعد دقيقه من فراقك ياترى حبيتك؟؟؟
لالالالالا ياأريج تتوهمين بس ليه مشاعري تثور لمااا اشوفه؟؟))
راكان ماكان نايم بس لما حس بخطواتها على الدرج فكر يشوف ردة فعلها بس استغرب سكونها وهدؤها بعد فتره من الوقت اريج كان سرحانها فيها بملامحها اللي كانت تبي تحفظها عن ظهر قلب فتح راكان عيونه ببطئ..
أريج اول ماحست فيه حاولت تصرف الموضوع
أريج بارتبااك: ليه للحين مانمت؟؟ وليه مانمت داخل؟؟ انت مو من شوي كنت داخل تنام؟؟
راكان لمح الاهتمام بعيونها بس كذب نفسه وقال بداخله (لاتحلم لبعيد ياراكان خلك كذا احسن)
راكان واهو يقوم: الحين بقوم يلا تصبحين على خير
أريج بحزن مخفي: تلاقي الخير
لما راح راكان بدت تضرب راسها وتقول بصوت خفيف بس مسموع: غبيه غبيه كذا هذا هو راح
راكان سمعها واستغرب وبدت الافكار تاخذه يمين وشمال لحد ماتعب ونام..
وأريج راحت غرفتها ونامت...
بعيد عن هالمكان وبرى السعوديه هناااك بالأمارات نرجع لورى كم ساعه للساعه 11 عند وسام بطلنا المختفي..
كان جالس بالغرفه اللي بالفندق ويكلم نسيم (رسايل طبعا)...
وسام( والله اني قرفان حالي احس بيجن جنوني))
نسيم (هدي بالك حبيبي ازمه وتعدي روق لي نفسك))
وسام (آآآه يانسيم محد مصبرني على هالهم غيرك انااا بدونك مادري وش اسوي))
نسيم ( انت حبيبي والانسان اللي اخترته من بين كل شباب الكون لازم اوقف جنبك... طيب حياتي انااا لازم اقوم الحين لاني بطلع اليوم خطوبة وحده من البنات.. باي قلبي))
وسام ( عقبالنااا يااارب.. باي وانتبهي على نفسك))
وسام سمع طق على الباب وتوقع انها الروم سيرفز قام وفتح الباب وانصدم بالشخص اللي واقف قباله بس تدارك نفسه ودخل وترك الباب مفتوح والشخص دخل وسكر الباب..
وسام بسخريه واضحه : هلا والله هلا بأبوي الغالي
أبو وسام تجاهل نبرةالسخريه وقال : ممكن اعرف ليمن متى بتظل بهالفندق صار لك اكثر من شهرين يلااا اجمع اغراضك وعلى البيت اناا تركتك براحتك كثير
وسام: انااا ماني ماشي من هنا ليمن توافقون على خطبتي من نسيم
ابو وسام يحاول يتمالك اعصابه: وانااا موافق بس امش يلااا امك بتموت على ماتشوفك
وسام بفرح مو مصدق راح يجمع اغراضه
ابو وسام واهو يشوف فرحت ولده قال: خلص وانزل على ماأدفع الحساب.. وطلع
وسام خلص ونزل على طول..
لمى وصلو البيت كان فاضي مافي غير امه جالسه بالصاله..
وسام: السلام عليكم
ام وسام قامت بلهفه وركضت على ولدها وحضنته : يمه ولدي اخيرا شفتك حرام عليك وقفت قلبي باللي سويته كذا كذا شهرين ماأشوفك
وسام واهو حاضن امه بس فجاءه بعدها عنه والتفت لابوه: يبا متى راح تدقون عليهم
ابو وسام واهو يتأفف : لسى بدري توك راجع نكلمهم بعدين
وسام بأصرار : لا اليوم والحين
ابو وسام : قلت لك بعدين ماتفهم
وسام : خلاص انااا راجع للفندق ويوم اللي تقررون تخطبونها لي كلموني وارجع
ام وسام بخوف: لالالالا خلاص الحين اتصل على ام نسيم بس لاتزعل نفسك ولاتضايق خلك
ابو وسام كان ساكت ويحاول قد مايقدر يمسك اعصابه بس ولده طالع عليه ومستحيل ينقص عليه او يقدر احد يسكته عن شي يبيه..
راحت ام وسام للتلفون واتصلت على ام نسيم..
ام وسام: الو هلا ام نسيم
ام نسيم باستغراب : هلا والله هلا فيك بس عذريني اختي ماعرفتك مين انتي؟؟
ام وسام: لا شدعوه معذوره انااا ام وسام مرت حماك
ام نسيم بفرحه: هلا والله ياهلا بأهل الامارات
ام وسام : هلا فيك شخبارك وشخبار نسيم وابو نسيم عساكم بخير
ام نسيم: الحمد لله كلنا بخير انتي طمنوني عنكم
ام وسام : والله مانسأل الى عنكم
(وسام كان جالس جنب امه ويقولها تستعجل وتدخل في الموضوع على طول)
ام وسام: والله يام نسيم انااا داقه طالبتك طلبه وياليت ماترديني فيها
ام نسيم : امري لك عيوني
ام وسام : احنااا نبي بنتك نسيم لولدي وسام
ام نسيم: هذي الساعه المباركه ومارح نلقى احسن من وسام لبنتي
ام وسام: اجل ياليت تشاورين ابو نسيم ونسيم واذا وافقو ردي لي خبر عشان نجي نطلبها رسمي..
ام نسيم : ان شاء الله مايصير الى اللي ربك كاتبه
ام وسام : بس ياليت ياوخيتي ما تطاولون لان وسام طالعت له بعثه لنيوزيلاندا وبيسافر بعد شهر ويبي يملك عليها قبل..
ام نسيم : مايصير خاطرك الى طيب عطيني بس يومين
ام وسام : خلاص اجل اتصل عليك بعد يومين..فمان الله
ام نسيم: في حفظه يارب
(وسام كان طاير من الفرح اخيرا تحقق حلمه بس قرر انه مارح يقول لنسيم يبيها تتفاجئ لمى تدري)
بعد يومين
أهل البحرين مشو..
ونسيم درت طبعا تفاجئت لما قالت لها أمها بس طبعا ردها كان معروف ومستحيل تخلي وسام ياخذ غيرها ..
راكان قرر انه يتقدم خطوه في حبه لأريج..
فاطمه وفيصل مشاكل مستمره بس لمتى بتستمر وشنو
نهايتها؟؟
طالب الاغلب يوافقني في انه يخدع نفسه بانه يحب أريج والارجح انه اعجاب لاأكثر...
ندى تكلم عبد الله بين فتره وفتره على المسن بس علاقتهم خفت وندى صارت تتجنبه ماتدري ليه يمكن لانه عرف عن ماضيها وكشف لها خوفها من الحب والزواج..
الجوري ندمانه وبتظل تعض اصابعها ندم لانها قدمت على خطوه اكتشفت انها مو قدها بس بعد شنو بعد ماطاح الفاس بالراس..
ساره وميساء جرح الخيانه اللي ينزف داخل قلب كل وحده فيهم والفرق بين الثنتين ان ميساء تبكي قهر وحسره وساره كتمت كل شي وصارت اقوى وماخلت واحد مثل خالد اللي في نظرهاا خاين ومايسوى يأثر فيها..
نواف اللي لسى يدور على حب حياته اللي راحت بدون سابق انذار بس بدون فايده..
هيفا قرارها ف انها تبعد نواف عن حياتها في نظرها كان صح وماندمت عليه بس حبها له لسى موجود وكل يوم يكبر..
ياسمين ومشاكلها مع خواتها لسى في ازدياد..
عبد الاله حب من طرف واحد بس حاس ان بنان بدت تميل له او على الاقل تتقبله..
بنان كبرياء ماله آخر تكابر حتى لو على حساب نفسها كرامتها فوق كل شي واللي يدوس عليها تمحيه..
فرح أنثى هادئه صامته قلب خالي من الاحاسيس بالنسبه للبعض ووللبعض الاخر أحاسيس مكبوته تنتظر الشخص اللذي سيفجرها..
سامي يحاول يتناسى ساره لان مستحيل ينساااهاا وقال لأمه تدور له على وحده تخطبها له..
أريج اروع بطلات روايتنا عشاقها كثير ومحد يقدر يلوم أي احد فيهم بس اهي منو اللي بيسرق قلبها منو اللي بيستولي على كيانها..
أمل شاعره حالمه ومن الممكن ان تكون عاشقه انثى ذات احاسيس متفجره لم تلقى من يستحقها او ينال شرف ان يكون شريك حياتها..
حنان رمز للألم والحرمان والعذاب والذل والانكسار ولكن هذه ثمار ماصنعته...
محمد و محسن احلى معاني الصداقه رمز الوفاء والاخلاص رمز المحبه والاخوه اخوان من اب وام مختلفين ...
علي ولمى الحب الصادق البريئ هذا ماأستطيع قوله..
خالد العاشق الهائم اللذي تحول الى خائن وكاذب في نظر محبوبته ساره .. ولكننا نعلم انه مظلوم..؟؟؟
نوره شخصيه ابتعدت عنااا ومن الواضح انها ستعود هي رمز الدناءه والحقاره اسواء صور وأشكال النساء..
جواهر شخصيه جديده مراهقه مندفعه حامل في فترة الخطوبه ومن شخص لايتحمل أي جزء من المسؤوليه..
.................................................
عند سلطان في القهوه كان جالس مع اثنين من أخوياه..
ماجد واهو يقول لسلطان: شدعوه ياخوي بيعنا بالسوق
سلطان: لاشدعوه نشتريك بالغالي
رامز: ترى من جد انت متغير من رجعت من السفر لايكون في وحده تاركها هناك وفكرك معها
سلطان: ههههه لا بس في موضوع شاغل بالي
ماجد: قول يمكن نقدر نساعدك
سلطان بعد تفكير: احد منكم بعرف واحد اسمه عبد الرحمن ال........
رامز باستنكار: انااا ماأعرف احد من هالعيله
ماجد بعد دقايق صمت: الى الى يارامز نعرفه
رامز : منو ماعرفته
ماجد : تذكر من يومين اللي صارله الحادث اللي عرفنا عليه واحد من الشباب في الاستراحه
رامز واهو يحاول يتذكر: الى قالو كم واحد انه راعي بنات وسمعته مش لهناك
ماجد: أي أي بس ثبت
رامز : أي أي عرفته
سلطان : ووش تعرفون عنه ابي اعرف كل شي
ماجد: ليه وش فيه متعرض لك قول
سلطان يصرف السالفه : لا بس متقدم من اسبوع لبنت عمي
ماجد : نصيحتي لك ارفضوه
سلطان : طيب ليه قول لي كل شي عنه
ماجد: اسمع هذا واحد فاتح له كذا شقه وراعي بنات وناس يقولون انه راعي مشروب بعد(خمر) ومن يومين الظاهر انه بعد ماخطب قريبتك لانه صار له حادث وانشل
سلطان بصدمه: شنو؟؟ مشلول؟؟
رامز: أي الله يحفظنا يقولون انه كان يحادد سياره بنات وانقلبت السيارتين سيارة البنات ماصار فيهم الى رضوض بس سواقهم مات واهو هذا عبد الرحمن اصابته كانت خطره وزين قدرو ينقذونه بس للأسف انه انشل..
سلطان اخذ اسم المستشفى اللي عبد الرحمن فيها وطلع مسرع وتحجج انه بيقول لعمه عشان يرفض وركب سيارته ومشى..
في البحرين ....
راكان وطالب وطاهر وامهم جالسين بالصاله..
طالب: يلا اناا بقوم تامرين على شي يمه..
أم طالب: سلامتك ياولدي بس قولي بتجي على العشا ولا لا
طالب: أي بجي.. يلا باي وطلع
راكان: اقول يمه ابي افاتحك بموضوع دام طالب طلع
ام طالب: خير ياولدي وش الموضوع اللي ماتبي اخوك يعرفه
راكان : بصراحه يايمه انااا ابي اخطب..
ام طالب بفرحه كبيره: هذي الساعه المباركه اللي ازوجكم فيها
طاهر اللي كان سرحان بس لما سمع طااري الزواج قال: واناا بعد
أم طالب بستغراب : وش جاكم قبل اترجاكم واللحين ثنينكم مره وحده بعدين راكان ممكن بس انت ياطاهر مو كانه بدري عليك
طاهر: يمه اناا ماأبي اخطب بس حجزيها لي لانه بصراحه خايف تطير مني
أم طالب: والله وكبرت وصرت تحب
طاهر لاتعليق
راكان: اقول انت خلني اخلص اول موضوعي بعدين تكلم
طاهر: يلا قول ياأبو موضوع
ام طالب لفت على راكان: ماقلت لي اكيد تبي أريج
راكان: أي يمه
ام طالب بتردد: بس يايمه انت تدري وش مشاعرها تجاهك اخاف نروح وبعدين ترفضك
راكان بضيقه حاول يخفيها: اذا رفضتني دوري لي غيرها وقولي لهم ان ردها اذا كان لا هالشي مارح يغير من علاقة العيلتين ببعض شي واذا وافقت مارح يزيدها الى قوه..
ام طالب: الله يكملك بعقلك ياولدي ... لفت على طاهر : وانت في احد في بالك اكيد اللي خايف تطير منك
طاهر: أي يمه
أم طالب: اسحب الكلام منك بالقطاره قول منهي ان شاء الله بس نعرفهم
طاهر: أي تعرفينهم وسكت
ام طالب: قول طيب حرقت اعصابي منهي
طاهر: بنت خالي عبد الكريم نور..
أم طالب: يازين ماأخترت بس البنت صغيره توها بمتوسط
طاهر: يمه انااا ماقلت بعرس عليها بحجزها بس
ام طالب : على خير انااا بكره اكلم اخوي عبد الكريم واقوله واحجزها لك
وفي بيت ثاني من بيوت البحرين..
فاطمه بعصبيه خفيفه: يافيصل شلون كذا لمتى انت تدري اني الحين بالجامعه وعارف ان البحرين من توصل البنت ثانوي زوجوها واناا كل ماأحد جاني رفضت
فيصل بنرفزه: اذا عاجبينك اللي يجونك اخذيهم أنتي عارفه ان هذي اخر سنه لي بالتقنيه وكلها شهرين واخلص وبعدها بشتغل بالخبر مع راشد
فاطمه واهي تحاول تهدي اعصابها: اناا ماقلت شي ياعمري بس على الاقل خطوبه مو زواج طيب مو خطوبه حجز على الاقل اقلها اذا جاني احد اهلي بيرفضون لاني اوردي محجوزه لك..
فيصل : خلاص لاتحنين بشوف وارد لك خبر
فاطمه : وليمتى كل مره تقول نفس الكلمه اذا ماتبيني قولها اذا يعني ندمان على انك اعترفت لي بحبك
فيصل: وش ذا الكلام انتي الثانيه
فاطمه : اجل وش تفسير تصرفاتك
فيصل : اوووهوووو يلا يلا باي
وسكر الخط بوجهها
نرجع لسلطان...
سلطان راح على طول للمستشفى واول مادخل راح للأستقبال
سلطان : لو سمحتي ابي اعرف غرفة عبد الرحمن ال......
الموظفه: انتظر ثواني ..... وبعد كم طقه على الكمبيوتر
الموظفه: غرفه 712 الدور الثاني..
سلطان: مشكوره اختي .... وراح الدور الثاني لغرفه الموجود فيها عبد الرحمن ...
لما وصل للغرفه وقف شوي يفكر (الحين انااا ليه جيت وش بسوي وش بقوله ) وقطع افكاره وطق الباب ودخل
شاف واحد وجهه نصفه جروح واغلبها عميقه ويده ملفوفه والكرسي المتحرك جنبه ودموعه ماليه وجهه ولما شاف سلطان داخل على طول مسح دموعه ولف على سلطان..
عبد الرحمن بنبره كسير: نعم اخوي شكلك غلطان بالغرفه..
سلطان : لا مو غلطان مو انت عبد الرحمن ال........
عبد الرحمن باستغراب : أي نعم آمرني
سلطان باأبتسامه ساخره : مايامر عليك عدو بس تصدق ماكذب اللي قال ( الله مايطق بعصى) وان الدنيا دواره
عبد الرحمن فوقه علامة استفهام كبيره: .............
سلطان : تعرف وحده اسمها حنان ال.........
عبد الرحمن انصدم وظل يفكر (حنان وشلون انساها اغرب انسانه قابلتها ماهمها شرفها ولا عذريتها اللي سلبتها منها الى بالعكس قابلتني بقوه عمري ماتخيلتها موجوده فيها)
سلطان لما شاف سكوته طول قال: اكيد مارح تذكرها من كثر البنات اللي لاعب بشرفهم يمكن الف حنان ماره عليك الى مو يمكن الى اكيد
عبد الرحمن بجرأه: لا عرفتها
سلطان بعصبيه : ولك عين بعد تتكلم والله واللي رفع السما ونزل الارض لو ماكنت مشلول ولو ايدي طايلتك قبل ماتصير بهالحال كان خليتك تلعن ابو الساعه اللي انولدت فيها والساعه اللي فكرت تلعب فيها بشرف بنات خلق الله
عبد الرحمن : لاتخاف انت قلتها الله مايطق بعصى واللي وصل لك الخبر شكله ماقالك اني مو بس انشليت انااا صار لي نفس اللي صار لاي واحد لعب بشرف اكثر من بنت جاني الايدز اناا في البدايه فكرت اني ذكي وكنت استخدم واقي بس ربك مايضيع حق مظلوم وهذا جزاي واقل من جزاي مرض ماله علاج وشلل واهل تبرو مني..
سلطان تركه وطلع ونزل بسرعه وركب سيارته لكنه ماقدر يمشي سند راسه على الدركسون وظل يفكر ويحمد ربه مليون مره ان اهله مربينه احسن تربيه وانه مستحيل يفكر يلعب بشرف أي بنت...
عند وحده الدنيا ظلمتها وخذت منها ابوها بدري وعطتها خوات يتمنون يشوفون العمى ولا يشوفونها هل العيب منها واهي اللي جنت على نفسها؟؟؟ وهل تستحق ان الدنيا تسوي فيها كذا؟؟ (ياسمين)
كانت جالسه بعد ماجاتها هيفا وساره معهم بالصاله..
هيفا: ياااربي مادري شبسوي على بكره
ساره: الله يعنيك ياأختي
ياسمين: ليه شنو فيه؟؟
هيفا : سامي جعل مافي سامي بهالكون عازم صديقه على العشى ويبيني انااا اللي اسويه له
ياسمين: ليه وين امك؟؟
هيفا: امي معزومه على زواج بنت جارتنا وبتروح..
ياسمين بشماااته: هههههههههههه مسكينه ياعمري عليك
هيفا: بس اشتغلت الشماته..
دخلت عليهم شوق
شوق: انااا ابي اعرف شلون تجلسون مع وحده بهلشكل وحده نقالة حكي وماينتأمن عندها شي ...ولفت على ياسمين : انتي المفروض تفتحين لك محل وتكتبين عليه لنشر الاخبار والله انك بتربحين ذهب .. ورجعت تكلم ساره وهيفا : شلون تأمنون عندها اسراركم.. وتركتهم وطلعت
ساره نزلت راسها وهيفا نفس الشي
ياسمين لفت عليهم: ماتردون ؟؟؟ عشان هالسبب انااا كنت اخر وحده اعرف عن نواف عشان كذا كل شي يصير كنت ماأعرفه الى اخر وحده يعني كنتو مصدقين كلامهم اني نقالة حكي
ساره بوقاحه محد توقع ان تكون فيها : أي عشان كذا ارتحتي الحين بصراحه انااا وحده مليت وانااا امثل جى الوقت اللي تعرفين فيه الحقيقه
ياسمين عقدة حواجبها وقالت باستغراب: أي حقيقه
ساره: حقيقة خواتك خواتك ياياسمين عند الناس يقولون انك انتي اللي قتلتي عمي (ابوياسمين) ويقولون انك مايتأمن عندك شي ومطلعين سوالف عن هالشي مره قالو ان خبر خطوبة شذى اختك انتشر قبل مايصير شي والسبب انتي ومره قالو ان في ناس متقدمين لشوق وهونو يوم درو ان عندها اخت اهي السبب في موت ابوهم وآخرها قالو ..
هيفا قامت وسكرت فم ساره : بس ياساره بس
ساره بعدت يد هيفا عن فمها وقالت بعصبيه: لا مو بس خليها تعرف حقيقة اللي حولها ليه تظل مخدوعه فيهم يتظحكون ويتبسمون في وجهها وياكلون فيها من وراها ..ولفت على ياسمين: سمعي يابنت عمي يقولك صديقي من بكاني ولا ضحك الناس علي انااا في البدايه كنت مثلهم اضحك واسولف معك بس من داخلي كنت مقهوره على عمي اللي مات بسببك كنت مصدقه كلامهم وكنت ماأقولك شي بسبب كلامهم عنك ياياسمين الناس مالهم الى الظاهر واكيد راح يصدقون أي شي بينقال لهم ... وراحت عند ياسمين اللي ذبحت عمرها صياح: بس ياياسمين الناس مايملي عينهم الى التراب انااا قلت هالكلام عشانك عشان تتعاملين مع الناس بحذر مو كل من يضحك في وجهك يحبك
ياسمين رمت نفسها بحضن بنت عمها وجلست تصيح وتقول : والله مو انااا السبب والله مو انااا
ساره: عارفه ياحبيبتي بس وانااا آسفه على كل شي بس من قهري عليك قلت هالكلام
ياسمين قامت لدروة المياه تغسل وجهها وبعد ماغسلت جلست تطالع نفسها في المرايه وتتذكر اليوم المشئوم اللي صار من سنه تقريبا (كان عندها موعد في المستشفى وابوها جى ياخذها من المدرسه اول ماركبت السياره..
ياسمين بفرحه: هااااي بابا
ابو ياسمين : الناس يقولون السلام عليكم مو هاي
ياسمين نطت على ابوها وحبته على راسه : ولا تزعل السلام عليكم
ابو ياسمين ببتسامه تدخل القلب : وعليكم السلام حبيبتي
ابو ياسمين: اقول يابنتي شخبار ساره من زمان عنها
ياسمين بغيره: اوووف كلا ساره كلا ساره وبعدين وين من زمان توك البارح شايفها
ابو ياسمين : والله عاد بتغارين غاري كيفك هذي بنتي مثل ماأنتي بنتي ... الى كم باقي على ماتخلصون اختبارات
ياسمين : اليوم ثالث يوم اختبارات يعني باقي اسبوع ويومين ليه؟؟
ابو ياسمين : أبد اسأل عشان اخذ ساره تجي عندنا تدرين ماأقدر على فراقها
ياسمين بغيره : أي أي ادري
وصلو للمستشفى وبعد ماخلصو راحو السوبر ماركت ياسمين طبعا ماخلت شي ماخذته وحاسبو وطلعو ووصلها ابوها البيت ومشى..
اول ماوصل المكتب حقه نزل من السياره ودخل وشاف واحد ماكان يطيقه بس بينهم شغل فا لازم يتحمله دخل سلم عليه وتوه بيجلس على الكرسي حس بالدنيا تضيق بوجهه حط يده على قلبه ونادى على الرجال يساعده بس الرجال كان مستانس على اللي يشوفه بعد عشر دقايق ابو ياسمين كان مدد على الارض والرجال راح عنده حط يده على رقبته وشاف انه مافي نبض خاف انه احد يجي ويشوفه فا طلع على طول وبعد ساعه ونص جى ابو ساره وشاف اخوه على الارض على طول نادى على احد من الشارع يجي يساعده يركبونه السياره لان أبو ياسمين كان طويل وعريض امااا ابو ساره كان طويل وضعيف ركبو السياره وعلى طول طار فيه ابو ساره على أقرب مستشفى بس كان ابو ياسمين ترك هالدنيا الفانيه وراح لرب العالمين راح للي مايخيب دعوة احد اكثر من تأثر بوفاة ابو ياسمين اهي ساره اول ماسمعت الخبر اغمى عليها وضلت خمس شهور حالتها في تدهور ماكانت قادره تستوعب ان عمها اللي كانت تحبه اكثر من ابوها راح عمها اللي كان الصدر الحنون لها وكان الاب والام والاخ والصديق كان كل دنيتها ))
رجعت ياسمين لأرض الواقع على صوت ساره تقول لها انها بتمشي اهي وهيفا طلعت توصلهم للباب
ياسمين وعينها على ساره: انتي اخر وحده ابوي ذكرها
ساره ابتسمت ونزلت راسها ونزت معها دمعه حاره خذت طريقها على خدها دمعه تحمل كل معنى للالم والفراق والحرمان مسحتها وحضنت ياسمين وطلعت ..
عند ميساء..
كانت جالسه في غرفتها كالعاده ماتطلع منها الى نادر وللضروره كانت فاتحه جوالها اللي كان هدية من حسين وتقرأ رسايله ودموعه على خدها حسين ماوقف اتصالات على ميساء بس ماكانت ترد عليه وفي الوقت اللي كانت جالسه تقرأ الرسايل اتصل مره مرتين وثلاث وعشر كان يتصل بدون ملل او توقف وميساء معطته اكبر طاف بس من داخلها كانت مقهووورره ولما شافت انه مستحيل يوقف اتصالاته قامت بتسوي مثل كل مره تقفل جوالها بس ماتدري ليه ضغطت على الزر الاخضر وردت حطت الجوال على اذنها بس مانطقت بولا كلمه ...
حسين بلهفه: الووو ميوس قلبي
ميساء:.................
حسين: ميساء تكفين تكفين ردي علي
ميساء: ........................
حسين : طيب براحتك لاتتكلمين يكفي انك تسمعيني ميساء انااا مارح اقول اني مو غلطان انااا غلطان واستاهل كل شي تسوينه فيني بس تكفين تكفين ياميساء لاتتركيني انااا ماأقدر اعيش بدونك ...... وانقطع كلامه واهو يسمع صوت ضحكتها الساااخره والعااااليه
ميساء بضحكه : ههههههههه وليه انت تعرف تثبت على وحده اوه صح عرفت ليه ماتبيني اتركك عشان اكون انااا الواجهه اللي تخبي وراها سواد وجهك بس لا لا ياحسين مو انااا اللي اكون بهالوضع انساني ودور لك على واجهه غيري وماأتوقع انك راح تلقى صعوبه في هالشي مو البنات اكثر من الهم على القلب
حسين : لا ياميساء انتي مو واجهه انتي حبيبتي انتي حياتي انتي روحي اللي لو راحت عني امووت
ميساء باستهزاء: ماشاء الله طلعت شاعر وانااا ماأعرف دامك شاعر اسمع هالشعر هذا مخصوص لك وتأكد مليون في الميه اني مارح اهديه لغيرك لانه مستحيل بيكون في احد غيرك يستاهله...
وشغلت شعر التمثال للمبدع حامد زيد وحسين كان ساكت بس يسمعها كان يبيها تقول كل اللي في داخله...
عفا الله عن خطا غدر الخناجر والضلوع iiابطال بسامح واتركك تحت الظلام الحالك iiلحالك
دخيلك وفر دموعك ترى هدر الدموع اذلال وترى ما فيه احد يصبر مثل صبري iiبغربالك
انا عيب علي أنقض كلامي والرجال iiافعال واذا قلت اقطع احبالك تراني بقطع iiحبالك
عشان اكسب هدب عينك تجرعت العذاب iiاشكال وليتك ترأف بحالي علشان ارأف iiبحالك
مسوي في حياتي شي ما يذكر ولا iiينقال حشا حتى العدو وهو العدو ما يعمل اعمالك
تمسيني على الهم وتصبحني على iiالغربال تقلطني فناجيلك وتقصر عني iiدلالك
تحملت التعب لجلك وانا حملي يهد iiجبال رحلت من العذاب وما وقفت الا على iiجالك
علامك كل ما جيك متواضع جيتني تختال؟ معاك اليا متي بصبر وصبري معك iiيحلالك؟
مثل ما اقبلت لعيونك لزوم تلد لي باقبال ومثل ما قد حشمتك حس واحشم قلبي اشوى iiلك
أنا محدن بجابرني أساير معك iiهالمنوال ترى لاني تبيع لك ولا ني باصغر iiعيالك
أنا جيت اعشقك نبض ومشاعر ما اعشقك (تمثال) أنا جيت اسكنك واحياك وابقى فيك وابقى iiلك
أنا جيت بظما عاشق تعب يطرد سراب iiاللال أنا جيت استفز رضاك من فرقاك والجا iiلك
أنا ما همت بك عاقل أنا كنت اعشقك iiبخبال أنا ما كنت احبك حي أنا كنت اعشقك iiهالك
تخيل من كثر ما اخاف تلقى للزعل iiمدخال أخاف اخطي على طيفك وادوس برجلي iiظلالك
تبعتك والعرب تتبع رعود البارق iiالهمال وانا شفت المطر يتبعك في حلك iiوترحالك
كأن اللي خلق حسنك خلقني مع جسدك ظلال وصرت اقرب جسد يمشي معك باقفاك iiواقبالك
أبي قلبك يحس انه فقد بمحبته iiرجال ملكته من هدب عين وخسرت رضاه iiباهمالك
صحيح ان الفراق اقسى ولكن الوصال iiمحال أنا صعبن علي أرضي غرورك واضعف iiقبالك
بعد ما حققت عيني فبعدك للرقاد iiامال أعود للسهر؟ -- يا خوي فال الله ولا iiفالك!
ببدل نظرتك فيني واجي لك كل يوم iiبحال بكون اقرب من ثيابك عليك ولا تهيا iiلك
بالمك وانثرك واجمعك وارجع وانثرك iiباهمال بخونك وازعلك وارضيك وازعل منك وارضى iiلك
أبرسم بالثرى وجهك وابدفن صورتك برمال أبشكي للعرب فرقاك واضحك عند iiعذالك
أبهديك الوصال فراق واهديك الفراق وصال بسوي مثل ما شوفك تسوي وافعل iiافعالك
عشان تعرف من فينا الزعول ومن وسيع iiالبال أبيك تذوق فنجالي وانا بذوق iiفنجالك
نصيحة واحتفظ فيها قصر معك الزمن أو iiطال أبي تسمع كلامي زين وتحطه على بالك
اذا حبك هبال اطفال لك عندي هبال iiاطفال ولا --- وابشر بعد بهبال حب ما هو iiبهبالك
واذا قصدك تهين اسمي عشان تشمت iiالعذال ترى لا انته ولا غيرك --- ولا عشرة من اشكالك
بعد ماخلص الشعر قالت له : ياليت تطلقني وتنسى انك في يوم خطبت لانك واحد ماستاهلني ... وسكرت قبل ماتسمع رده...
في اليوم الثاني....
عند هيفااا كانت في المطبخ من العصر تجهز للعشى اللي لسامي وصديقه وعلى الساعه 8 كان كل شي جاهز..
وبعد نص ساعه دخل سامي..
سامي : ها كل شي جاهز ؟؟
هيفا : أي جاهز تبيه الحين؟؟
سامي : انااا بروح المجلس جيبي لعصير وبعدين جيبي العشا..
هيفا : طيب.. قامت وطبعا العصير كان جاهز في الثلاجه حطته بالصينيه وودته ..
وقفت عند الباب وطقته بس اللي فتح ماكان سامي كان آخر شخص توقعت تشوفه طاحت الصينيه من يدهاا وحطت يدها على فمها واهي تشهق : نواااف
نواف اطرافه تجمدت (هذا صوتها ماشفتها صح بس صوتها مستحيل انساه ( قال باستنكار : هيفا ؟؟
هيفااا راحت تركض للمطبخ ..
وعند نواف .. جى سامي بعد ماطلع من الحمام واسستغرب من اللي شافه وعرف ان اكيد هيفا جات ونواف اللي فتح لانه شاف نواف واقف عند الباب...
نواف بعصبيه : ليه ماقلت لي ان في احد بالبيت انااا فتحت الباب فكرت قاسم عمك وزين اني كنت العب بالجوال وماشفت شي وماسمعت الى صوت الصينيه ورفعت راسي ماشفت احد اكيد وحده من اهلك
سامي : هدي اعصابك ماصار شي هالمواقف تصير باأكبر العوائل وبعدين قاسم اتصل وقال مارح يجي ونسيت اقولك... دخلو المجلس ونواف عرف وتأكد ان اللي شافها اخت سامي لان البيت مافي غيرها وانهااا نفسها حبيبته اللي كان يدورها ( هيفا ) ( اخيرا وصلت لك ياهيفاا)
هيفاا كانت ماسكه دموعها لاتصيح ( اكيد عرفني واكيد بيقول لسامي وبنفضح ) فزت على صوت سامي المعصب : هيفااا وعمى
هيفا خااافت (أكيد عرف ) : نعم
سامي : بسرعه جهزي العشى للحين ماجهزتيه..
هيفا: جاهز هذا الصينيه اخذها ..
ندى جلست العصر وشافت الجوري جالسه تحط لهاكحل...
ندى: اقول ليه مخليتني نايمه لهالوقت
جوري : ابد قلت انتي ماعنك لاصلاه ولا شي فا ليه اجلسك
ندى : وماتجلسيني الى اذا صار عندي صلاه
جوري: لان مافي شي يسوى اجلسك عشانه غير الصلاه
ندى قامت وراحت دورة المياه ولما طلعت شافت جوري تلبس عباتها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك