رواية واخيرا حسيت يا مغرور -9
طالعتها نورة واشرت على لجين اللي مو معهم .. طالعت فطوم لجين لقتها تطالع بالدبلة لسة للحين لابستها وفوق دبلتها دبلة مصعب
فطوم : خلاص صدق الموضوع بااايخ
علا تذكرت السالفة طالعت بلجين : معليش لجين حبيبتي .. نسينا .. الله يرحم مصعب وجميع موتى المسلمين
دمعت عينها من جوتها تقول لا تقولون ميت حرااام عليكم ...
لجين بغصة : لا عادي .. عن اذنكم شوي قامت تستعجل خطواتها الثقيلة بألم ..
نورة لعلا : الله يخسك قووولي آمين
بشرى : ما لقيتي الا الحين تترحمين عليه وجع منتي شايفة البنت حالتها حااالة
علا : وانا ايش سويت؟؟
فطوم : لا ياااا زفت ما سويتي شي كملوا طقاقهم ولجين راحت للصالة الصغيرة اللي بين باب المجلس وباب الصالة اللي يدخل للبيت
في هناك شباك يطل عالحوش وقفت عنده مسحت دموعها وهي تغني : ( شلونك حبيبي مشتاق لك .. مر عمري كله حبيبي وانا اتخيلك
بعدك ملاني جروح وذكرى تجي وتروووح ما تقوووولي وين ارووووح لو احتاج لك؟؟ )
من باب المجلس للصالة الصغير عند الباب سمعت ( يااااا حبيبي يا محلاه مو بس حلو يا ناس الله عليه الله )
التفتت لجين شاااااااااااااااااافته مصعب .... مصعب قدااااااااااامها تشوفه ما مات صرخت بقووووة
فطوم كانت قريبة ركضت لها وشافت لجين ومصعب عند الباب ضحكت من قلب واخيرا ريّحت بالها يا مصعب وطلعت عذّبتها كثير
قرب لها مصعب ووقف قدامها
مصعب : وحشتيني ... جعل يومي قبل يومك والله لو الف هالدنيا ما القى مثلك
طارت لحضنه وضمها بقوة له ....... لحظات قوية تبكي >>> عساكم روقتوا ؟؟؟ الحين بتعرفون القصة وش هي
البنات عند باب الصالة يتفرجوا بدون مايشوفهم مصعب ... دخل ماجد
ماجد : خلاص ماااا صاااااااارت ..... هاه ايش رايك مصعب؟
شالها مصعب عن حضنه وماسكها من اكتافها
مصعب : اشوف ..... لالا نحفااانة بس هي قمر .. وجهها اصفر صح؟
ماجد : ما تنلام فارقت حبيب القلب
لجين : يعني انت ما مت؟؟
مصعب : ليش تبغيني امووت؟؟
طقته لجين على صدره : لا تقول كذا حرااااام عليك ,, يعني كانت كذبة؟
ماجد : لا عاد ... يوم اخذوك للبيت دخل الدكتور وبدى يفحصه اكثر لقى باقي عرق ينبض
دخلوه العناية بس ماقلنا لك عشان لا تتعلقين لان الامل كان ضعيف توه طالع قبل امس
لجين بدموع : وليه ما خبرتوني؟
ماجد : مصعب قال لا
انقهرت لجين من الحركة وسطرت مصعب كف قوي : تدري انت وش سويت فيني ياااااااااا ظاااالم .. طالعت بفطوم اللي واقفة عند
الباب .. وانتي تدرين وسااااكتة؟؟
فطوم : هم حلفوووني مالي دخل والله
لجين : انقلعوا كلكم ...... ولا عاد تكلموني سااااامعين
مصعب : بس لولو انا
لجين بقهر وصياح : ولا كلمة
دخلت جوة البيت وهي معصبة .. بعد المغرب
فطوم ونورة ولجين مع بعض
فطوم : والله انا شايفة لي شوفة >> لعيووووونك اخت نورا
نورة :وايش هي ؟
فطوم : وااااحد مخقق ... والله انه يهبل .. تدرون شلون ... قالت بصوت واااطي : حبيته
لجين : ايش اسمه؟
نورة : واخيرا ما بغى صوتك يطلع
فطوم : يللا عااااد كل شي ولا مرة اخوووي .. اسمه سعيد
نورة : مين هذا بعد؟
فطوم : الظاهر انه اخو هيا بنت عم زوجك
نورة : اييييه عرفته صادقة هو مملوح بس تراه عصبي
فطوم : فدييييت العصبيين كلهم
نورة : البنت ما عاد استحت
فطوم : هههااي شكلي بروح لأمه واخطبه
ضحكوا البنات على خبالها ......ماجد ناداها من عند باب الصالة
لجين : نعم ؟؟؟
ماجد : تعالي زوجك يبغاك مو انا
جات لجين وتطالع بمصعب منقهرة .....
مصعب تخصر : ابي دبلتي
شالت لجين دبلته من ايدها وحطتها بايده مسك ايدها ما خلاّها تروح
لجين : اترك ايدي
مصعب : لما ترضين
لجين : مافي امل ... انت ذبحتني بحركتك البايخة
باسها مصعب في خدها البنات ماااااتوا ضحك على شكلها المنحرج المنصدم وماجد يصفّر : ياحركااااات ما امداكم مصعب استحي
مهند : هييييه بلا قلة ادب تراها اختي
مصعب : ما ينلام يغار عليك
استحت لجين بعد اللي صار ما تقدر تزعل مشتااااقة له ولضحكته ابتسامته المايلة وعيوووووونه
عسى ارتحتوووووووا انا حسيت براحة قبل شوي حسستوني بالذنب كنت بخليكم تنتظروووون كم يوم بس بما اني فاضية
الحين وانتوا قطعتوا قلبي قلت حرااااام خلينا ننزل لهم هالبارت الحلوووووو ...
طيب الحين انا نزلت لكم 3 بارتات في يوم ونص انا صرت كريمة وان قدرت اكمل بهالطريقة لا تاخذون علي اذا تأخرت
لأنو بيكون غصب عني ان شااااء الله انبسطتوا
<< البـــــــــارت الـــ 18 >>
سكتت لجين ما عرفت ترد عليه بعد هالكلمة مشتااااقة له موووت ....
مصعب بخبث : هاه ؟؟ لسة زعلانة
فطوم عارفة اخوها ان قالت لا بيسوي شي بيتهور ....
فطوم : قولي لا يا مخفة ترى اخوي بايعها ... مهند الورع هنا انتبهي
مصعب ناظرها بطرف عينه وهو بينفجر من الضحك على شكل لجين اللي ارتبكت
لجين بتردد : ل... ل ...لا مو زعلانة بس لا تعيدها
مصعب : ههههههههههههاي خفتي؟؟
لجين تكتفت : وشو؟؟؟ انا ما خفت بس لا تعيدها يعني غصب ازعل؟
مصعب : خلاص خلاص .... سحبها من ايدها قريب منه همس باذنها قدام الكل ماجد خلاص ميت من الضحك
فطوم تكركر ومهند معصب ويصارخ : ياااا قليل الادب والله اعلم ابوووووي عليك والله
وركض مهند ومصعب : مهند الكلب تعااااااااااال وراح وراه وهو يقول : اخوووك مو بصاحي بيفضحنا
ماجد : هههههههههههه والله شوي عليه بيفضحكم
ولجين خدودها حمرررر .... جات لها فطوم : وش قالك الخايس؟؟
لجين : مو شغلك عيييب انتي واخووك هذا المهستر
فطوم : لااااااه؟؟؟ اخوي الحين صار مهستر... توك بتموتين بس جبنا طاريه
لجين : على تبن ....
رجع مصعب وايده على وجهه كلهم طالعوه ......
ماجد : بشّر ؟؟ انفضحت؟
مصعب : هههاي ... انفضحت وبس .... الله يفشله لا وجالس جنب ابوي عشان لا اصفقه
ما بقى شي ما قاله الكلب ... تبلى علي وربي تبلى
ماجد : تبلى ؟؟؟ انت ما يبغالك الا كذا مسوي زاحف على امنا هنا
مصعب : ضف وجهك بس وانتي ... يكلم فطوم .... وخري عن زوجتي لا تخربينها علي وخري
وسحب لجين له ... مصعب : لجووني ... تحبيني ؟؟؟
ضحكوا عليه الا لجين المولعة من الحياء والقهررر ما تطيق هالحركات على بالها انه عاقل طلع ملحووووس
مصعب : اوووص انت وياها ... هاه لولو؟؟
لجين : بس عااااد لا تزودها
ماجد : وانا؟؟
طالعته لجين بحقد : مالي كلام مع امثالك اللي ما يحسون
مصعب اللي درى بالسالفة : خلاص حبي .. سامحيه عشاني
لجين : لا ما راح اسامحه ... هو غلط بحقي و .... مافي داعي اكمل هو عااارف صح؟
ماجد بنرفزة : مو لازم تسامحيني اصلا .... تكفييين عاد انا اللي ميت على سماحك طيييري بس
لجين : بنشوووف مين يجي للثاني اول
ماجد : يعني قلبتيها تحدي؟؟
لجين : ايوة
ماجد : وانا راضي وبوريك
مصعب : بس ماجد استحي على وجهك ... لجوني حبيبي لا تعطيه وجه هذا سفيه
ماجد : سفيه بعيييينك يا كلب ... تعال اوريك
وراح يلحق وراه ومصعب عطى لجين بوووسة وراح للمجلس طيراااان
فطوم : اوووخص يا حركات ماااااااااا يمديني
جات نورة : اكيد ما يمديك ...
فطوم : يلعن شكله مصعب خرّبها
لجين : بس يللا .... خلينا نروح المطبخ نسوي قهوة
فطوم : مالي في الطبخ
لجين : هذا مو طبخ
نورة : ما قلنا لك سوّي مندي
فطوم : المهم مااالي دخل
لجين : روحي روحي العبي بلاي ستيشن احسن لك
نورة : صااااادقة
فطوم : وانتوا الصادقين اصرف لي
دخلت لجين المطبخ لحالها تسوي قهوة والبنات بالصالة
دخل عليها ماجد : السلام عليكم
لجين بدون نفس : وعليك السلام
ماجد : خلصتي القهوة؟
لجين : ايوة .. اصبر شوية احط الفناجين بالصينية
ماجد : اوكي .. اممم لجووون؟؟
لجين : نعم ؟؟
ماجد : ما ودك تسامحيني يللا عااااد
لجين : مستحيل
ماجد : طيب ليه؟... شوفي انا كنت متنرفز ذاك اليوم وانتي طلعتي بوجهي والله غصب عني انتي زودتيها شوي
تعاندين وبس ...
لجين : طيب خذ القهوة واذلف
ماجد : لولو والله ما عرفتك كذا ... عشان خاااطري او عشان خاطر مصعب اذا مالي خاطر عندك
لجين : ماجد روح من قدامي
ماجد : والله ما اتحرك لما تسامحيني
سكتت لجين شوية : يعني بذمتك مو حرام اللي سويته فيني؟
ماجد : لولو ... خلاص عاااد
لجين : اول جاوبني على سؤالي
ماجد : الا .. وانا اعتذر .. يااا ربي يللا عاد ما راح اترجاك طول عمري
لجين : اصلا ما اقدر ازعل منك مهما سويت اني زعلانة
ماجد : يااا لبى حنيتك .. يا بختك يا مصعب والله لو مانتي بنت اخوي ماخليتك له
ضحكت لجين بخجل ..... ماجد : حياااااتي والله عاللي استحوا
يزيد برة ينتظره بملل : عمي ماااااجد يللا عاد بلا حياتك بلا هم عمي عبدالله بيهزأني تأخرت
ماجد : يؤ نسيناااه ... طيب جاااي ... يللا قلبي تشااااو قالها بمزح
لجين : اوخص يا تشاااااو ... يللا روح بس
عند الرجال ,,,,,,,,,,,,,, عبدالله : اقول صعووب سمعت ماجد يقول انك خقيت عندها
مصعب : على تبن ... ما لقيت تصدق الا ماجد >> ياويلي يا بكااااش
عبدالله : وماجد يا حظي وش فيه؟؟ اخلص وجاااااااوب
مصعب : ايه .. احم .. احم .. هي الحين زوجتي صح؟ وبعدين ما سويت شي
عبدالله : هههه بالمختصر وش سويييت؟؟
مصعب : ايه وش عليه .. كلها كم كلمة حلوة عشان لا تزعل وبستها بس
عبدالله : لا يااا شيخ ؟؟؟ ماسويت شي يلعن ابليييسك
مصعب : وجع وش فيك ؟
عبدالله : ههه ولا شي بس آآآخ يا مصعب ضيعتك بنت
مصعب : وشو ؟؟؟ اهجد بس وش قاعد تقول انت ما ضيعتني ولا شي
عبدالله : واااضح .. مصعب اول ما يهتز فيه شي الحين صار ينهبل على دموع بنوتة
مصعب : هييييييه ... اهجد .. بنشوف فعايل حبيبتك اصبر بس ان ما طيرت مخك
عبدالله : لالالا واللي يرحم والديك .. ادري فيك ما بتفكني
مصعب : ههههه اخليك تتعلم
عبدالله : انقلع بس
جاء فهد يركض ... فهد : هيه شباااب ..
مصعب : يا هلا بالحلووو
فهد : ما ورى روقانك خير
عبدالله : هههههه توك تدري
مصعب : وش عندك؟
فهد : تجون معنا؟
مصعب : وين ؟
فهد : بندز الحديقة وبناخذ الحريم معانا اللي بيجي حيّاه الله واللي ما وده ينطق لا يغثنا
مصعب : قدام ............ عبدالله : وانا بعد نغير جو
بالحديقة ................................
لجين : بنات اسمعوني ... بشرى وفطوم
فطوم : نعم؟
لجين : روحوا جيبوا لنا آيسكريم وانا ونورة بنجيب الحَب والمكسرات
راحوا فطوم وبشرى ...
نورة : ما لقيتي الا فطوم وبشرى تحطيهم سوا؟
لجين : خليهم يتعلموا ينسجموا مع بعض
نوره : هههه ما في امل
فطوم واقفة عند محل الايسكريم تكلم الرجال وبشرى بالزاوية تنتظرها عبدالله مراقبها من زمان
جاها يركض من وراها ...
عبدالله : من زمان ودي اشوفك لحالك عشان اكلمك شوي
انفجعت بشرى وبدون ما تلتفت : مين انت ؟
عبدالله : هههه تحبيني وما تعرفي صوتي؟
التفتت عليه وشافته عبدالله حبيب القلب...
بشرى : روح من هنا قبل لا يشوفك احد
عبدالله : خليهم يشوفوني انا احبك تدرين ايش معنى احبك ؟؟ يعني منهبل يعني مخقق يعني ميت
جات فطوم من وراه : بس بس
التفت عبدالله بخوووووف
فطوم : يلعن ابليسك ما تستحي ؟؟ لا وعادي يشوفونك بعد ما شاء الله ياخي مدامك مخقق ومنتهي على قولتك
تقدم لها وفكنا بلا قلة حياء ورفعة ضغط
بشرى : فطوم عيب
فطوم : لا والله ؟؟ الحين صار عيب علي ؟؟؟ مو عيب عليه هو ابو وجه
عبدالله : والله آسف بس غصب عني جيتك وش اسوي؟؟
استحت بشرى منه وفطوم مرتفع ضغطها : وش تسوي ؟؟ اخطبها يللا انقلع بس .. اوووف
الايسكريم بيذووووب من حرارة الجو
مشت فاطمة ومعها بشرى وكل شوي تلتفت له كل شوي تلتفت
فطوم : اخلصي رقبتك بتنكسر ولا تحاولين ما راح يجي اقين بعد ما زبدت له
بشرى : حرااام عليك فجعتيه
فطوم : لا والله ؟؟؟ من شفتك اخر توقعاتي تصيرين كذا ياما تحت السواهي دواااهي
بشرى : لا تفهمي غلط بس انا والله
فطوم : تحبينه ادري وربي ادري
لجين ونورة عند محل المكسرات والحَب لجين تبي الاغراض وراعي المحل شاب ومشغول مع حبيبته مش حولها ابدا
انقهرت منه مطنشها ورفست الجدار بقووووة وبان بنطلونها صديق راعي المحل شافها وجاها يضحك
التفتت عليه لجين وطالعته عادي
الشاب : اسمي فارس
طالعته لجين >> وش يبغى هذا ؟؟؟ خخخخ
لجين : عفوا تكلمني؟
فارس : ايوة
لجين : وايش دخلني باسمك
فارس : حسبتك تبغين تتعرفين علي ومستحية
لجين وهي واااااصلة معاها : لا والله ؟؟ احلف ,,, ومين قال ابغى اتعرف عليك من زيين وجهك
فارس : هههه الحين ليش معصبة ؟؟ تيك ات ايزي .. هدّي شوية وبعدين مو لايق على حلوة مثلك تشوت الجدار كذا
توها لجين بترد جاء الصوت من وراها : انت الظاهر اهلك ما عرفوا يربونك
التفتت شافته كالعادة يعتمد عليه بمثل هالمواقف ( مصعب ) ومعاه عبدالله وفهد وتركي وخالد
فارس : وانت مين عشان تتلقف؟
لجين : لا مصعب .. لا ترفع ضغطك على واحد مثله
مصعب : انتي مالك دخل بشي روحي من هنا عشان لا تتعوري
جات نورة وسحبت لجين وراحوا والشباب طبيعي ما راح يعدوها له مو هذي طبيعتهم لازم مشكلة
لجين : الحين هذولي ما يملون ؟
نورة : والله حالة حتى يوم العيد؟
فطوم : هو ذاك الزفت وش قالك ؟
لجين : يعاكس يعني وشو .................
طيب هذي نهاية هالبارت اللي راح يكون لكم راحة بعد الصدمة والمفاجأة اللي راحوا والصدمة الجاية
مجرد فاصل ..... انتوا استعدوا للبارت الجاااااااااااااااااي والله الله بالردود الحلوة لا تزعلوني اكتب عالفاضي؟؟؟
<< البــــــــــــــــارت الـــ 19 >>
سكتوا البنات شوية ...
لجين : بشرى .. الووووو
بشرى : هاه ؟؟ وش كنتي تقولين ما سمعتك
فطوم : وانتي شلون بتسمعينا وانتي جالسة تراقبي حبيب قلبك؟؟
نورة : ايش الحركاااات هذي يا بنت ؟؟ ايش الروماااانسية لالا انتي كذا غطيتي على لجوون وصعوبها
لجين وبشرى : على تبن
عند الشباب ...
مصعب : يلعن ابووووه
عبدالله : هدّي اعصابك يا شيخ خلاص ما صاار شي
مصعب : وشوووو؟؟ وش ما صااار شي تستهبل انت ووجهك؟
فهد : مصعب خلاص صفقنااه
عبدالله : وهو صادق نتفنا ريشه .. اهدى
مصعب : طيب طيب .. لحظة شوي
راح مصعب قريب من البنات ...
مصعب : ياااا بنت ( ينادي )
التفتت له فاطمة : انا ؟
مصعب : لا اللي بجنبك ( يقصد لجين )
جات له لجين : انا كذا تناديني ؟؟ ياا بنت وبنفاخ بعد؟
مصعب : ليه انتي ولد ؟
لجين : لا مو القصد .. بس برضو كذا تناديني ؟؟
مصعب : أجل تبغيني اصارخ باسمك عشاااان كوووول العالم تعرف ان انتي لجين ؟
لجين : مصعب وش فيييك ما قلنا شي , وبعدين ما قلتلك صرّخ بس ناديني زين
مصعب : طيب .. حاااضر شي ثاني؟
لجين : لا يكون ازعجناك سيد مصعب؟
مصعب : وبعدييييين يعني ما راح نخلص؟
لجين : الا ولا يهمك بنخلص يا صاحب السمو مصعب
تركته وراحت للبنات ومصعب اخلاقه بخشمه مو طاايق هالحركات ما فيه يراضي
عبدالله : وربي مو كذا تعامل البنات
مصعب : فيه احد طلب رايك؟
عبدالله : مصعب وش فيك .. خذ الموضوع ببساطة
مصعب : طيب طيب >> يسلّك
جاء ماجد من ورى مصعب : ياااا لولو .. لجووون تعالي شوي
التفت مصعب لعبدالله بقهر ...راحت لجين تركض لماجد
لجين : هلا عموو .. آمر ليش مناديني؟
ماجد : خخ ولا شي بس.. عندك فكة؟ ابغى عشرات
لجين : والله خبل ما معك فكة؟؟
ماجد : معاي مية وخمس مية كاملة ومشوااار اروح اصرف
لجين : طيب اصبر شوية ادوّر لك
لمح ماجد مصعب جايّهم وواضح من مشيته انو معصب
ماجد : وش فيه زوجك معصب؟
لجين بضيق : مدري عنه .. معصب مدري وش فيه متنرفز ويزاعق
ماجد : هههه
مصعب : مااااجد
ماجد : خير ياطير .. نعم؟
مصعب : انت ما تستحي على دمك؟
ماجد : وليه ؟؟ انا ايش سويت ؟
مصعب :المفروض يا ذكي لا جيت تنادي بنت توطي صوتك وتناديها من قريب
ماجد : حاااضر استاذ.. شي ثاني ؟
مصعب : مسوي تنكت ؟
ماجد : لا والله استخف دمي ...ايش قصتك من اول ما طلعنا وانت معصب
مصعب : موووو شغلك ..
ماجد : متى ما حبيت تتكلم تعال .. شكرا لجوونتي
لجين : العفو قلبي ...
بعد ما رجعوا من الحديقة .......................
في بيت ابو مهند الكل راح بيته ما عدا بيت ابو مصعب وابو فيصل
سهرانين مع الاهل
ماجد وفيصل وفهد وخالد ويزيد جالسين سوا يسولفون ....
ومصعب لحاله واقف بآخر الحوش
فهد : خويلد .. صعوب وش فيه ؟
خالد : مدري عنه .. هالولد متقلب بشكل عجيب فجأة يضحك فجأة زعلان
ماجد : اخوك هذا وراه مصيبة
فيصل : اليوم عيد المفروض ينبسط وش فيه قالبها نكد ولا كأنه قبل امس طالع من المستشفى
ماجد : الله يستر بس
يزيد : مصعب واحنا نعدّل شماغاتنا قدام المراية كان مبسوط بعدين جاه اتصال قلب حاله
ماجد : وش كان يقول بالاتصال؟
يزيد : مدري هو وقف بعيد عني يكلم .. بس اذكر اني سمعته يقول اعطيني وقت
فيصل : يمكن عليه دين او شي
خالد : لالا ما طنيت مصعب ما يتدين الا من اعز الناس اللي ما يسوون له مشاكل مثلي وابوي ويزيد واصحابه مررة مثلك فهد وعبدالله
ماجد : يعني ايش القصة ؟؟ حتى لجين صرخ عليها
يزيد : مسكينة
فهد : هو كذا مصعب ... لا صار عليه شي يسكت وما يعلم احد وتلاقيه معصب وكاره اللي حوله
فيصل : لا حول ولا قوة الا بالله
جاهم مصعب : مين اللي مات ؟؟
طالعوه كلهم مستغربين >> وش فيه خاش عرض؟؟
يزيد : كيف؟
مصعب : ليش تقولون لا حول ولا قوة الا بالله ؟؟ مين مات؟
ماجد : ولازم احد يموت عشان نذكر الله؟
مصعب : لا موكذا .. خلاص خلاص اكلتوني بقشوري
فهد : انت اللي ماكلنا بقشورنا اليوم .. وش فيك متنرفز ؟
بان على مصعب تضايق من السؤال..
مصعب : صايرة سالفة بايخة لا تهتمون .. لا عاد تسألوا اكثر
ماجد : ايوة مدامك هديت .. روح لزوجتك اعتذر زاعقت عليها بدون سبب تراها تزعل
الولد اول ما جابوا طاريها تنرفز بقووووة
مصعب بصراخ : مالكم دخل فيني ومو لازم اعتذر لها تنقلع بس نااااااااااااقص انا دلع بنات اوووووووووف
وقام من عندهم وراح لحاله بعيد وشغّل سيجارته
فهد : يؤ يؤ كل هذا بس جبنا طاريها
استغرب ماجد منه وقام له
ماجد : طفّي السيجارة
مصعب : مالك دخل ما تبغى السرطان روح من هنا
ماجد : وانت تبغاه يعني يا قوي >> قالها باستهبال
مصعب : والله لو يجي الحين ويفكني ارحم لي
ماجد : يللا بس عن حركات الوراعين .. وش عندك؟
مصعب : لا تتدخل
ماجد : ايش سالفة الاتصال ؟
مصعب انفجع وطالعه باستغراب : ايش دراك ؟
ماجد : وليش تبغاه يعطيك وقت ومين هو؟
مصعب : انت مو طبيعي وشلووون عرفت ؟
ماجد : جاوبني اجاوبك
مصعب : آآآه يا ماجد .. امري لله بقول لك بس لا تعلم احد
ماجد : قوول
مصعب : قبل الحادث بيوم كنت بالسيارة مع واحد اعرفه وعندي بدرج السيارة صورة للجين ...
ماجد : ايوة ؟؟
مصعب : طلعت انا البقالة اجيب لنا كم شغلة وبكت سجاير وهو فتح الدرج واخذها وانا مدري ... بعد الحادث السيارة ما بقى منها شي وانا على بالي ان الصورة احترقت مع اللي بالسيارة
ماجد : ايوة ؟
مصعب : بس للأسف .. لا .. قبل لا نروح الحديقة اتصل علي وهددني
بالصورة
ماجد : وش يبغى ؟
مصعب : يبغاني ... تنهد بألم .. أطلق لجين وياخذها هو ولاّ....
ماجد : ولاّ ايييش ؟
مصعب : ولاّ بيغير بالصورة وبينشرها بالنت وبتنفضح لجين
ماجد : اشتكي عليه
مصعب : وتنفضح بنت عمي؟؟
ماجد : لا حول ولا قوة الا بالله ..
مصعب : الحين دريت وش فيني معصب؟
ماجد : بس لجين مالها دخل تعصب عليها
مصعب : يللا طيب .. بروح لها اعتذر منها ياليت ما تزودها وترضى بسرعة
ماجد : تسوي خير والله
اتصل مصعب على فطوم ............
عند البنات ...
فطوم : هذا مصعب .. الظاهر انه مضيع بدال ما يدق على لجين دق علي خخخخ
نورة : ههههههه
فطوم : يللا اوووص برد .. الوووو
مصعب : الوو .. اسمعي قولي للجين تجي للصالة الصغير اللي عند باب المجلس
فطوم : طيب .. لجون الله يسلمك روحي للصالة الصغيرة
لجين : ليه ؟
فطوم : مدري
راحت لجين وشافت مصعب : نعم ؟
مصعب : يللا عاااد .. عن الدلع تراني ما احبه .. غلطت واعترف بهالشي
خلاص لا تفلينها .. تعالي والله اني غلطان ارتحتي؟
لجين : لا ياشيخ .. وكل مررة لا غلطت بتقول غلطت واعترف ارتحتي؟
مصعب : لولو .. ترى الدنيا معي واصلة حدها لا تتدلعين تدرين فيني احبك خلاص وبعدين مافي انسان منزه عن الخطأ
المهم راضاها وبالقوة وطلع للرجال وهي دخلت للبنات وهي مسامحته
عدّت الليلة على خير بانتظار بكرة .............
يا ترى عجبكم ولاّ لا ؟؟؟؟
شلون بيتصرف مصعب مع المشكلة اللي واجهته مع هالحقير؟
ومين هالشخصية الجديدة اللي راح تطل عليكم بالبارت الجاي وايش راح يحصل مع ماجد ..........
مفاجآآآآآآآآآآت بانتظاركم بالبارت الجاااااااااااااااااااااي
تقبلوا تحياتي .... love you all
<< البــــــــارت الــــــــ 20 >>
اليوم الثاني الساعة 8 الصبح ... مصعب نايم بغرفته...............سمع رنة جواله اللي له ساعة يرن فتح عيونه بالقوة ليشوف مين ؟؟طالع جواله لقى رقم الزفت عبدالعزيز ...مصعب والاخلاق بالخشم : الو نعم ؟؟ عبدالعزيز : يا هلا ياهلا .. مابغيت ترد شخبارك شعلومك؟ مصعب : عبدالعزيز الزفت من الآخر وش تبغى ؟؟ عبدالعزيز : هااااه عن الغلط .. المهم يا حلوو , ودعت حبيبتي وطلقتها ولا لسة مصعب: هاه ... ايه .. احم , اليوم باذن الله توصلها ورقتها عبدالعزيز : تماااااام عليك يا بطل شاااااااااااااطر مصعب بصراخ : شووووف عاد استهبالك هذا ما يمشي معاي وانت عارفني زييين بايعها وما علي من احد تجلس تسوي فيها قوي ويا شاطر وبطل اجيك واقتلك خليك محترم اصرف لك عبدالعزيز : يوووه شكلك توك قايم واخلاقك مزفته ,, طيب اهدى ولا تنسى اني ماسك صورة الحلوة يعني خلي عنك الهياااط مصعب : هه سوي اللي بتسويه ما علي منك ولا تنسى انت بعد انك تبغاها وانا راح اطلقها لك واذا سويت شي كذا ولا كذا تعرف ايش بيصير عبدالعزيز : اما انت .... طيب طيب لا تنسى زي ما قلت تودي لها ورقتها اليوم تعرف يعني ما اقدر اشوف هالزين لواحد ثاني مصعب بقرف : اسمع ... متى بتعطيني صورتها؟؟ عبدالعزيز : هههههاااي مصعب وش فيك مضيع ؟؟ انت ناسي اني بتزوجها يعني مافي داعي اعطيك الصورة ,,, قفل مصعب الجوال بوجهه ... قام ولبس وراح دوامه في الدوام قابل واحد اسمه سعود صاحبهم ................ سعود : هلا والله صباح الورد مصعب مصعب : هههه ( من دون نفس ) ايه هلا فيك يالرايق سعود : الا وين عبدالعزيز ما شفته على طريقك وانت جاي هنا ؟؟ >> اللي بيروح لمكتب مصعب يمر على مكتب عبدالعزيز مصعب : لا والله ما شفته سعود : والله انت عارف توني جاي من الدمام ومن جيت ما شفته وما كلمته شكله مغير خطه ورحت لشقتنا ومالقيته بعد مصعب : لحظة لحظة .. انت تقول انك وعبدالعزيز عايشين سوا؟؟ سعود : ايه انا وياه بنفس الشقة تعرف صاحبي واهلنا بالدمام مو هنا مصعب : ايه ايه صح نسييت سعود: ياخي من زمان عنك ودي لو نطلع سوا , وش رايك غداك اليوم عندي مصعب : واللهِ انا عازم عمي عالغداء ومواعده اليوم سعود : خلاص غداك انت وعمك عندي هاااااه مالك عذر مصعب : حصل خير .. نشوف بعد الدوام يللا انا في مكتبي
سعود : اوكي ......... جلس مصعب في مكتبه واتصل على ماجد ..... مصعب: الوو ماجد تعال المكتب لي بعد الدوام ولا تتأخر ماجد : ليه وش صاير علييك ؟ مصعب : انا مافيني شي بس اكتشفت شي ممكن يساعدنا ماجد: في ؟ مصعب : في سالفة الزفت اللي سرق صورة لجين ماجد: اييييه ... وايش معلوماتك يا محقق كونان مصعب : هههه بس مو وقت استهبالك .. شوف في واحد اسمه سعود
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك