رواية لطفاً ورفقاً بي يازماني -6
قالت وهي تناظر لتلفزيون : تركنا كتب الأحياء لك .. انا بنت ما يهمها غير الجاحظ , وكتب البلاغه وعلم النفس ولا بعد تخب علي ..
ضحكت وقلت : صدق بنت ادبي ..
قالت بستهزى : صدق ولد علمي ..
قلت : هيييه عاد عطيتك وجه انتي وخشتك ..
طنشتني .. كنت بمشي بس تذكرت كلام ابوي امس .. وسحر اليوم ..
وقفت وقلت بسؤال : الا تعالي انتي وش قايله لأبوي أمس ..؟؟
بس رمشت شوي .. ماشفتها قدامي .. بس اشوف المكسرات تطاير .. لفيت لما لمحت شي يمشي .. شفتها تركض بالدرج .. جلست ثواني استوعب السالفه .. بعدها فقعت ضحك .. وربي هي ومطلق مهوين .. مشيت لبرا الحوش ماكان فيه أحد .. اكيد طلع وجلس بسيارته .. طلعت شفته جالس يناظر لشارع ..
ناديته : ياسر ..
مارد شكله ساهي ..
التفت شفتها ماسكه شنطتها الصغيرة .. ومشيتها مشيت بنت مرتبكه .. ضحكت بداخلي [الزواج وما يفعل] ..
قربت لي وقالت بتلعثم : لا تقاطع .. وتعال لي .. بعد مدة .. وو ترا بيتي قريب خلاص ..؟؟
ضحكت وقلت : خلاص ..
انتبهت لياسر اللي ابتسم وقال : يالله .. سلام ..
قلت : سلام .. وهاه ماوصيك برغد الله الله فيها ..
ناظر لرغد وقال بهدوء : لاتخاف رغد بعيوني
شفت رغد تنسحب بصمت من عندي ركبت ووادعتهم ..
تذكرت بندر وكيف كانت حالته .. هزيت راسي بأسف والله لو داري عنه كان مازوجت رغد .. استغفر الله .. انتبه ياعزوز لو تفتح عمل الشيطان ..
ناظرت لسيارة ياسر .. وأنا أتمنى لهم السعاده ..
رحت لداخل .. وسكرت الباب دخلت الصالة مظلمة مافيها أحد .. غير الاثاث .. أخذت كتبي من ع الطاوله .. و ضحكت لما شفت المكسرات ماليه الصاله ..
رحت للمطبخ .. وقلت لزهراء تشيل المكسرات ..
طلعت ماسكه المكنسه .. وهي تقرق بالسرلانكي .. بعدها هزت راسها .. وقالت : يارب اتني السبر
(يارب عطني الصبر)
ضحكت وبعدها تنهدت .. وصعدت الدرج بسرعة .. دخلت غرفتي زهقان .. نزلت كتبي ع المكتب .. ورحت باتجاه السرير .... انسدحت عليه .. ناظرت للاب توب .. اغراني شكله .. فتحته وشبكت النت .. وبسرعه اتجهت لمنتدى مشعل ودخلته بدون تسجيل .. ضغطت ع سهم الموجه لاسفل الصفحه .. وفز قلبي لما شفت بقائمه الموجودين
~ وهم ~ .. ضغطت ع السهم اصعد لاعلى الصفحة بقوة جنونية .. ومسكت الفارة وحطيتها ع تسجيل الدخول .. كنت بكتب لقبي .. بس شي وقفني .. بداخلي .. ينادي ::: ماتعبت البنت مو لك تمنى لها السعاده واتركها بحال سبيلها:::
.. تنهدت بضيق وقلت : الله يسعدك وين ما رحتي ومع مين اخترتي ..
سكرت الاب .. ورحت لسريري رميت نفسي عليه .. وماسمحت لأفكاري تتوهني معاها .. غمضت عيوني لثواني وما حسيت بروحي الا نايم ... وامشي الخطوة الاول لبداية الحلم ..
هنــاكـ بزمان مختلف .. ومكــان بعيد ..
قمت من نومي .. ع ضحك متواصل .. فتحت عيوني بخمول .. وشفت طيف قدامي .. ماعرفت من يكون ..!!
تثاوبت .. ومسحت اللي طاح من عيني .. ناظرت له شفته جالس ع الاب .. يالله صباحك خير
شلت الغطا عن جسمي .. وقمت .. قلت : صباح الخير
قال : اي صباح حنا الحين بالظهر ..!!
استغربت وقلت : الظهر ..!! ليه كم الساعة ..؟؟
ماتكلم .. اووف بس من هالولد
قلت : هيييية انت أكلمك ..!!
قال بغيض : هاه وش تبين ..؟؟
رفعت حاجب وقلت : لا تعال اضربني بعد ..!!
قال ببرود : اضربك واقطعك بعد ..
قلت : لا ياشيخ ..!!
ابعدت عنه .. ورحت للحمام أكرمكم الله .. وغسلت ,, وتوضيت .. وطلعت والمنشفة ع وجهي .. للحين حاسة بخدر .. قربت لسريري .. ورفعت المخدة .. وشلت جوالي .. وانقهرت .. مسكت المخده ورميتها عليه ..
ناظرلي ببرود وقال : خير ..!!
قلت بغيض : وشو ظهروه .. انت وخشتك .. الساعة 6 الفجر .. منت بصاحي ..
حقرني .. وصراحه زاد غيضي .. فقلت : من متى وأنت ع الاب توب ..؟
قال ببرود : من مدة ..
قلت : حوالي ..!!
سكت ..
قلت : من بعد مارجعت من المسجد صح ..؟؟
قال : ايه ..
قلت : وجعـايه ان شاء الله .. قوم يالله .. وارجع نام .. قووووووووووم ..
قال بطفش : ماجاني النوم ..
أخذت الاب من يده .. وقلت : قوم ..
رفع عيونه .. وانصدمت .. فقلت : ليش عيونك حمراء ..؟؟؟
قال .. وحسيت انه مرتبك : امم .. انتي توهمين ..
نزلت الاب ع السرير .. وجلست بجمبه .. وقلت بتوتر : علي تشكي من شي .. يوجعك شي ..؟؟؟؟؟
قال : لا ..
شفت عيونه بدت تدمع .. قربت له زياده .. وضميته .. قلبي كان يدق من الخوف .. شصاير فيه ..!!
رفع راسه بعد مدة عني وقال : أمي اللحين توقعين تشوفنا..
انطعن قلبي من هالكلمة .. فاقد امي طيب ليش ما قال لي ..!!!!
هزيت راسي وقلت بهدوء : اكيد بتشوفنا , وبتزعل اذا بكينا , او كتمنا كلام بصدرنا .. هي تبينا نصير أقوياء .. ونرفع روسنا ونقول ..
قاطعني وقال : حنا تربية وضحى ..
ابتسمت بألم وقلت : أيووه كذا ..
سكت دقايق وقال : وش تفرق تربية امي لنا عن الغير ..؟؟
ناظرت لبعيد وقلت بعد صمت : تفرق كثير أمي علمتنا نضحك مع الكل نحب الكل مانبدي اي شخص علينا ونعامل الناس معامله طيبه علمتنا نضحك وحنا ودنا نبكي وعمرها ماقالت لنا ابكي عشان ترتاح هي كانت تشوف راحتنا بحضنها بدعاويها بسوالفها بتصبيرها ياما تضايقت وحزنت وجيت لأمي وانجلى حزني علمتني أكون قوية وما أرد ع من كان يبي مشكله أيآ كان هذا الشخص علمتني عزة النفس والصبر وو
قاطعني وقال : وحب ابوي حتى وهو الغلطان
هزيت راسي مأيده كلامه آه يا كثر افضالك علينا يايمه كثيره حيل
ناظرت له وقلت : ارجع نام
قال : بتمشى شوي عند الحمام
قلت : خلاص لا تطول
هز راسه ووقف وطلع من غرفتي كله
مسكت السجاده .. وحطيت الجلال ع راسي ,, وبديت ادعي لامي : يارب ارحمها واسعدها واغفر لها اصغر ذنوبها واحلها يارب احسن نزلها يارب وسع مدخلها اللهم ارحمها اللهم ارحمها واجمعني بها يوم القيامه خلف رسولك الكريم
تنهدت وقمت .. بس شي جواتي للحين يصرخ .. فقدتك يمه فقدتك ..
سكرت السجاده .. وجلست بجمبها .. حسيت بألم راسي يشتد .. غمضت عيوني بقوة .. وينك يايمه
قمت ورفعت راسي وقلت بهمس : لاتخافين يايمه بنتك قوية
قمت ورحت لسرير .. وجلست عليه .. ناظرت بجمبي .. شفت الاب مفتوح ع النكت .. سكرت الشاشه بدون لا أفصل النت .. ولا حتى أتحرك من المنتدى .. ثواني وبدا النوم يتسلسل .. لجفوني .. حتى شفت طيفه اللي دايم .. يرافقني بأحلامـي .. بثوبه الازرق .. بوجهه الابيض .. ولحيته ألأشد بياض .. وبشماغه المخطط بالاحمر .. شفته نازل من السماء .. وجاني وقـال وهو كالعاده يصرخ ويعاتب : ترااااااااااه مو من نصيبك مو من نصيبكـ ..
رديت بلهفه : من يكون ..؟؟
بس تركني وراح لسماء .. وكلمته تتردد بأذني ..
حسيت بشي دافي ع جسمي .. قمت مسرعه .. لقيت وجدان بوجهي .. أخذت نفس .. قالت : أووووه سوري .. شفتج
نايمه بدون شي .. خفت تأخذين برد .. عشان جي .. جيت وغطيتج ..
أبتسمت وقلت : مشكورة .. الا كم الساعه ..
دق جوالها .. فقالت : ثمان .. نامــي .. عاد أنا الحينه بروح لليامعه .. هااااااااه حايه أمارة ..!!
قلت : مو محتاجه الا سلامتك ..
أبتسمت وأبعدت عني .. شلت الغطأ عن جسمي وسمعت صوت تسكيرت الباب .. حسيت بشيء وراي يتحركـ .. لفيت لقيت علي نايم وشكله متضايق من النومة .. هع .. الحبيب نايم مثلي بطول .. قمت .. ورفعت يديي لقدام .. وطلعت آآآه من جواتي .. وشلت الاب وحطيته ع التسريحة .. وعدلت نومة علي .. ونمت بجمبه .. وبديت بحلم ثاني ..
يوم الجمعه ..
بتاريخ 30|12
الزمن 6:44 المغرب ..
مر يوم ..
يومين ..
ثلاث ..
حتى صار أسبوووووع ..
بعدها أسبوعين
وكأن الايام ملت مننا ..
لين صارت شهر وهذا عدد الايام اللي قضيتها عند خالي مشاري ..
وصارت هالعالـم ما تفكر الا بزواجي .. وأنا حاسه بغل منهم ... كيــــــــــــــــف أتزوج .. وأمي توها مالها غير شهر ع وفاتها .. كيــف وأنا كل يوم أقنع نفسي قبل لا أصحى .. أن كــل هذا كابوس وبيعدي .. كيــف ببدأ أعيش حياة ثانيه ما فيها أمــي .. أيه صحيح بكرى بدايت عام جديد بنودع فيه 1429 وبنحيي 1430 .. بس برضووو مو قادرة أستوعب .. أنــا فقدت أمــي قبل شهر .. فقدتها طووووووووووووووووووول العمر .. حسوا فيني .. أبـي أعيــش حياتي .. بدون لأفـقـد شخص ثاني .. قولوا لي بالله .. كيــف ببدأ حياة ثالثه وأنا للحين أحس بغربه وسط لحمي ودمــي .. كيـــــــــــــــــــــــــــــــــــف .. ماراح أفقد علي مثل ما فقدت أمي .. ما أقدر ..
جالسه عند التلفزيون .. اللي يتكلم .. وأنا مو عارفة .. وش يقول .. جالسه أفكــر كيف أقنع رايد يأجــل الزواج ..
بداخلي ضيقــه مو طبيعيه .. أحس البيت يكتم أنفاسي .. طلعت للحوش وسمعت دقااات جوالي تتعالى بنغمة نوكيا ..
رفعته وشفت الرقم اللي مزعجني .. واللي سميته بجهازي ( لا تردين ) وفيه رقم ثاني سميته ( احقرية ) .. أنقهرت ناس فاضيه بس للعب .. حطيته صامت .. وكملت تمشي بالحوش .. دقايق وجت رساله .. فتحتها بملل .. أما دعايات أو من عمتي رسايل فاضية ..
فتحتها .. وأتسعت عيوني من الصدمه .. معقـــوله ..!! لالالالالالا أكــــــيد ناس حاقدة .. سكرت الرساله .. وأفكاري بدت تحول مسارها من سالفة تأجيل الزواج .. لرسايل .. يكون خالتـ ..
قاطع أفكاري دقات الجوال .. شفت الاسم ( لا تردين ) .. وطنشت اللي كتبته ورديت : نعـــم .. خير ..
جاني صوت يحمل كل معاني البروووده : وشرايكـ بالرساله ..
قلت : كذب بكذب ولا حرف صحيح .. وماراح أصدق ناس أمثالك .. لاني عارفه أن كــل هالمقصد .. هو القهر .. مو ..؟؟ وبعدين وين الدليل اللي يثبت هالشيء ..؟؟
دق قلبي لما قالت : بيجيكِ الدليل بدقــايق معدوده ..
وسكرت .. ناظرت للجوال بصدمه .. يعنــي معقول تكون .. تكون .. لالالا.. لالالالا .. وشفيك دلع .. أستجنيتي ..؟؟
ثواني .. الا جتني رساله .. بس هالمرة وسائط .. فتحتها بسرعه .. بس من حظي أن جوالي .. علق .. مسكت نفسي .. لا أكسره .. فتحته .. وبسرعه ع الرسايل .. فتحتها .. و صدمه .. قهر .. ظلم .. ليــــــــــــــــــش ..؟؟ ليش ..!!
جلست ع الارض وأنا للحين منصدمه .. كيف .. وشلون .. يعني هو اللحين خـا ..
وقفت الحروف كلها بجوفي .. تاهت .. ضاعت بداخلي .. كنت اللتفت يمين شمال .. أكذب حالي .. بس لا هذا الواقع .. حسيت بحرارة ع خدودي مع أن الجو بارد .. حاولت أتماسكـ .. بس خارت قواي .. وأستسلمت لدموع مثل ما أستلمت لدمعه الاولــى ..
جانــي صوت صرخات .. وبعدها أسمي : دلـــــــــــع ..!!
مسحت دموعي .. وسكتت ..
قالت بصوت خايف : فيج شي ....؟؟
هزيت راسي أنفي كلامها بعد صمت طويل ..
قالت بخوف وحيرة : جيف ما فيج شي وجذا تبجين .. قولي علامج ....؟؟!!!؟
قلت بصوت مبحوح : مافيني شي
قمت وناظرتها .. وحاولت انحت ع شفاهي .. طيف ابتسامه ..
ناظرت لي بحيره .. وقالت : دلع وشفيج .. ترا مافيني شي ما تمشي علي ...؟؟
ابتسمت وقلت بداخلي .. مكشوفه يادلع مكشوفه .. صرتي شفافه عند الكل ..
اخذت نفس طويل .. وقلت وانا اسكر بيدي ع الجوال : لاتخافين ياوجدان .. السالفه ومافيها ان يدي شوي تعورني ..
قالت : متى أخر مرة عقمتيها ..؟؟
قلت بهدوء : امس المغرب
قالت : تبين نروح للمشفى ..!!
قلت : مالها داعي ..
قالت بشك : دلع طلبتج .. عيونج تقول ان هذا بس عذر .. امانتج انج تقولين لي شنو فيج ترا انا شرات اختج ..!!
أبتسمت بأمتنان وقلت : لابعد واكثر
قالت بحيرة : عيل علامج ..؟؟
قلت : لاتخافين مافيني شي ..
ودفنت حزني .. وصدمتي .. وقهري .. داخل صدري .. وحطيت محلهم استهبال .. وقلت : يالله عاد فديت خشمج وراسج .. خلينا ندخل من داخل .. لان خدودي ثلجووا
نظراتها ماتغيرت .. كلها خوف و حيرة .. ابتسمت وقلت بجدية : وجدان لاتخافين علي ..
همست وقلت : أنا قوية ..
ناظرت لي وقالت : أتمنى أكون شراتج يادلع لو بشيء واحد ..!!!!
سكتت ماعندي جواب .. مشت وتركتني .. بقيت لوحدي بالحوش .. مع اشباح الماضي والحاضر والمستقبل .. بعد مده رفعت راسي وأنا اسمع صوت الرياح تشتد وتلعب بشعري ..
وصل مسمعي صوت اذان العشاء ..
الله أكبر .. الله أكبر
ابتسم قلبي .. وفرحت جوارحي بهالصوت .. وصارت تهلي فيه وتقول ياهلا بذكر الله .. رددت مع المؤذن .. ودخلت لصاله .. ومن الصاله لغرفتي .. رميت جوالي ع السرير .. و توضيت .. وبعد ثواني صليت .. لفيت ع اليمين وسلمت وع اليسار وسلمت .. دقايق وهاجمتني أفكار كثيرة .. تعوذت من الشيطان .. وقريت اية الكرسي والمعوذات .. زينت السجاده .. وشلت الجلال عن راسي ..حسيت بملل .. مسكت القران وبديت اقراه ..
بعد مدة مو قصيرة .. سكرت القران .. وفكرة وحده غالبه الافكار اللي تجيني .. مسكت جلال الصلاة .. ولبسته وفتحت السجاده .. كبرت وصرت اصلي صلاة استخاره .. بعد ماقلت الدعاء .. سلمت وانا لحد اللحين
ع السجاده .. سمعت دقات جوالي .. زينت السجاده .. وقمت متجهه له .. وجلست اناظر الرقم ( لا تردين )حولت جوالي صامت .. وجلست اناظر لشاشه لين سكرت ... جلست مدة انتظرها تدق .. بس مادقت .. اخذت جوالي وغيرت اسمها لـ( انا حيوانة ).. وعلى ما كتبت حفظ دقت .. لدقايق كنت مترددة .. ارد ما ارد .. اخر شي فكرت اقفله .. بس بعدين قلت لا بتفهم السالفه ... وبتعرف اني ما أبي اواجهها ..
رديت قبل لاتسكر وقلت : الو ..
جاني صوتها تطنز : هاه وشرايك بالصورة حلوة صح ..!!
قلت ببرود : ايه حلوة .. بالله كم رقم المصورة ..؟؟ ابغاها تصورني بزواجي .. ايه ماقلت لك زواجي بعد شهر ..!!
ماسمعت صوت لها .. شكلها منصدمه من ردي .. وحتى انا منصدمه .. ومستغربة من نفسي كيف جتني هالقوة ع التمسك .. وماسويت شيء جنوني ..
قالت بعد مدة : افهم من كلامك انك ..
قاطعتها ببرود : اختي ما أقدر اكلمك الحين .. لان زوجي معي انتظار .. سلام
سكرت السماعه .. وجلست ع السرير .. رفعت راسي لسقف .. وانا افكر وش هالصدمات الجديدة اللي كل مالها تتمادى وتقلب حياتي فوق تحت .. حطيت يدي ع راسي أمنع الصداع اللي بدا يشتد من كثر التفكير ..
فكرت انزل من غرفتي .. وأغير جو .. وحقرت الجوال اللي يدق .. وأصلآ ماكلفت بخاطري التفت .. وأشوف من ..
مسكت جلالي وتذكرت سعود موفيه .. أصلآ .. ولا حتى خالي .. وعلي كلهم طالعين .. اخذت الجلال .. ونزلت سمعت صوت التلفزيون .. قربت شفت وجدان تكلم .. طنشتها وتوي بدخل جتني كلمتها : احسها مو مرتاحه عندنا .. حتى بعض الاحيان تبتعد .. وما تطلع لنا .. وصراحه انا قلت حق ابويه لاتقدم بالعرس .. لان نفسيتها للحين تعبانة بس ابويه .. قال ان رايد هو اللي طلب هالوقت ..
طلعت .. حددوا العرس ..!! متى ..؟؟ كيف ..!! كلها من هاللي مزعجتني باتصالااتها كذبت عليها وقلت بعد شهر.. وشكله بيتحقق ..
تنهدت بضيق .. شسوي ..؟؟ لي اللحين تقريبآ ساعه ونص من استخرت ولاني حاسه بشي ..!!
أكلم ..؟؟ لا .. طيب .. كيف ..!! أمم ارسل ..؟؟ طيب .. وش أكتب ..!!
ابعدت بهدوء ورحت لغرفتي .. شفت ضوء الجوال للحين يشع .. شفت الرقم وسكتت .. وربي مو وقتك ياماجده .. سكت الجوال .. وبسرعه اخذته .. شفت ثلاث مكالمات من أنا حيوانة ثنتين .. والثالثه ماجده ..
ابعدت عن السجل .. ودخلت الاسماء .. توي برابع اسم .. الا دق جوالي نغمة رسالة .. طنشت ودورت اسم رايد .. ولما لقيته .. وقفت شوي ارتب افكاري .. بقوله ماعلي .. بس ., يعني امم لا .. الا بقوله واللي فيها فيها .. انا صراحه موقادرة اتحمل ..
فقدت كل تركيزي لما انرسمت قدام عيني رسالة أنا حيوانة .. صدقها حيوانه .. كان ودي امحيهم كلهم من الوجود .. تذكرت الشايب اللي كان بكل حلم يدخل ويصرخ ويقول : مو من نصيبك ..
ارسله ربي لي .. كيف ماقد فكرت ,, ولو لمرة انه يمكن يسويها ..؟؟ نزلت راسي .. موقادرة ع التفكير .. شسوي ارسل ما ارسل ارسل ما ارسل .. اخر شي سكت اذا ارسلت بـ ..
بلاتفكير .. دلع روحي انسدحي وعيني من الله خير ..
&
دمعتي بالصدر مح ـبوسه ح ـسيرة ..
آآه أخ ـاف الدمع يوشي بعبــرات ..
&
أنتهــــــــــــــــــــــــــى ..
أستودعكــم الله
أحداث قادمـه ...
... ( همست لحالي : مو انا اللي تبكي عشان ناس ماتسوى .. )
... ( كتبت قول طــ ..... وخلها تنفعك )
... ( : يابنتي قولي علامك ..؟؟ .. )
... ( أنا لازم أكلــم ابوي .. )
.... ( صرخت بهستيريه : زووووووووووووواج ماراح أتزووووج )
.... ( تنهد وقال بطريقه مسرحية : ما قدر يستغني عن لينا )
صباح الخيرات ع الجميع ..
أعـــذرآ ع التاخير ..
انا هالاسبوووووووووووووووووووووووووع مشغووووله .. يالله قراه ممتعه ..
الحلـــــ ق ـــة الرابـــ ع ــه ..,,..
وقفت شوي ارتب افكاري .. بقوله ماعلي .. بس يعني .. امم .. لا .. الا بقوله واللي فيها فيها .. انا صراحه موقادرة اتحمل ..
فقدت كل تركيزي لما انرسمت قدام عيني رسالة انا حيوانة صدقها حيوانه .. كان ودي امحيهم كلهم من الوجود .. تذكرت الشايب اللي كان بكل حلم يدخل ويصرخ ويقول : مو من نصيبك
ارسله ربي لي .. كيف ماقد فكرت ولو لمرة انه يمكن يسويها ..؟؟
نزلت راسي موقادرة ع التفكير .. شسوي ..!!! ارسل , ما ارسل , ارسل , ما ارسل ..
اخر شي سكت اذا ارسلت بـ.. بلاتفكير دلع روحي انسدحي وعيني من الله خير ..
نزلت الجوال ع الطاوله .. وحاولت قد ما أقدر اهدي الصداع .. كنت بتحرك لتسريحه اخذ لي حبة اسبرين .. بس ما قدرت .. انسدحت ثواني معدوده .. الا وجدان فاتحه الباب وقالت : دلع ..؟؟
تظاهرت اني نايمه .. ما أقدر اواجههم اللحين .. سمعت تسكيرت الباب .. بعدها صوت وجدان : ابوية دلع نايمه اللحين .. تباها ضروري ..؟؟
خالي : لاخليها بعدين اكلمها ..
تباعد صوتهم .. وصوت عكاز خالي .. تنهدت ولفيت الجهة الثانية .. اطلقت آآه مكبوته بوسط قلبي .. تتحسر وتبكي ع حالي ..
نزلت بعد وقت طويل .. وبالدرج تقابلت انا وعلي .. قلت : السلام ..
مارد .. ماهتميت فيه .. لان همي الأكبر متى زواجي ..!!
سمعت صوت كحات خالي تتعالى .. التفت صوب المكتب ., وتوي بطق .. نادتني وجدان : دلع تعالي ..
رحت لها .. وجلست بوسط الصاله .. قلت : هلا .. بغيتي شي ..؟؟
قالت مبتسمه : زواجج تحدد .. دريتي ..؟؟
هزيت راسي بأيه .. وقلت : متى ..!!
قالت : بعد شهرين ..
سكتت ما نطقت بحرف .. و بالي عزمت ع ارسال رساله لرايد ..
قمت من مكاني .. واستأذنت منها بحجة ابغى علي بكلمة ..
قالت : جوفيه بيناح سعود ..
قلت متسأله : سعود فيه ..!!
قالت : لا ..
قلت : خلاص ..
ابعدت عنها والضيقه اللي بصدري تكتم انفاسي .. وتزيد من صداع راسي .. همست : مو دلع اللي تبكي عشان ناس ماتسوى ..
اسرعت بالدرج .. ورحت بغرفتي .. فتحت الباب , والايتات .. ومشيت صوب الجوال .. فتحته .. ورحت لرسايل .. وأنشأت رساله قصيرة وكتبت ( قول طالق بالثلاث ومصابيك خلها تنفعك ) ... وبعدها مسحت هالكلام .. ورحت لرسالة انا حيوانة .. وحفظت الصوره .. وانشأت رساله وسائط .. واضفت الصوره وكتبت ( حلوة الصورة اعجبتني .. ألا تصدق توي ..
قطع علي التكملة .. دق رقم غريب .. طنشت .. وحطيته صامت .. وجلست أفكر وش أكتب ..؟؟
ولما سكت الجوال مسكته بسرعه .. وجلست أكمل .. وبعد مسح و تعديل .. كتبت (حلوة الصورة اعجبتني .. حبيت ارسلها لك .. و أشوف رايك .. يالله عقبال زواجنا .. نصور عند هالمصوره أوكي .. الا ماتعرف كم رقمها ..؟؟؟)
وبدون اي تردد أرسلتها .. كنت اتنفس بقوة وكأني خايفه ان النفس يروح عني .. دقايق وهو يجيني تقرير التسليم .. مامرت عشر ثواني الا دق .. واختلطت دقات قلبي مع دقات الجوال ..
كنت ماسكه نفسي .. لأرد عليه واصرخ بوجهه .. ولما حسيت ان اعصابي تفلتت ,, ويدي صارت بترد .. نزلته ع السرير .. وجلست ع كرسي التسريحه .. آه وينك يايمه .. تشوفين ولد أختك .. اللي ياما حلفت خالتي .. انه مايبي غيري .. ماضيه وحاضره مصايب كبيرة .. آآه يايمه .. تصدقين لي شهر وأنا أشوفها تدق , وترسل , وتكتب ( هو يحبن وأنا أحبه وانتي صفر ع الهامش ) .. حقرتها , طنشتها .. وأخر شي يصير أكبر من الكلام .. يايمه .. رايد كلا وشرب مع البنت ... وأكبر مثال صورته وصورتها ..
فتحت الباب ع طق .. شفت علي قدامي قال معصب : صحيح عرسك بعد شهرين ..؟؟
هزيت راسي انفي هالكلام .. ضميته بقووة وابعدت لما شفت ان دموعي بدت تخونني مثل ما خانني رايد ..
سالت علي : بتنام عندي ..!!
هز راسه وقال : بنام عند سعود .. بس قبل لأروح كيف مو زواجك بعد شهـ
قاطعته وقلت : بتطلق منه ..
ناظرلي منصدم ..
قلت بسرعه : لاتتكلم ولاتعلم أحد .. مفهووم ..!!
هز راسه .. نزلت راسي منحرجه منه .. وش بقوله ..؟؟ وش بيظنون الناس ..!! تنهدت .. كرامتي نجرحت .. وانا لازم اتطلق منه ..
سمعت خالي ينادي بأسمي ..
ناظرت لعلي وقلت : ادعي تخلص السالفه بسهوله ..
سكت .. وكأن نظراته الغاضبه .. تحولت لنظرات صدمه ,, وبسمه ع الشفاه ..
ابتسمت بألم .. واخذت الجلال من ع التسريحه .. وطلعت من غرفتي .. وسكرت الباب .. ومشيت الخطوة الأولى لحياة غريبه علي .. الخطوة الأولى من الألم .. الخطوة الأولى لبداية المشاكل .. آه بس آآآه
نزلت الدرجات الثلاث .. وغطيت وجهي .. اخذت نفس .. وكملت الدرج .. كان بصاله لوحده .. شلت جلالي عن وجهي .. ومشيت له بوثوق .. كرامتي انجرحت .. بس وثوقي بيضل .. وبيرد يجبر كرامتي ..
قربت له ,, ووقفت فوق راسه .. وقلت بهدوء : سم
ناظرلي وقال : ريلج تو كلم ..
قاطعته وقلت بهدوء : ابي الطلاق ..
ناظرلي منصدم وقال : شوو ..؟؟؟
قلت بهدوء : أنا ما أبي أتزوجه ..
قال : ليه توج تحجين ..!!
قلت : أول ماقدرت .. بس اللحين بقدر ..
قال : أول لان أمج فيه .. واللحينه ماعندج احد .. ها قصدج ..؟؟
نزلت ع راسه وحبيته وقلت : لا والله .. انت بمثابة ابوي وأكثر .. وأنت عارف هالشي .. بس أنا بقصدي ماقدرت أول .. لان خالتي هي اللي جبرتني أملك عليه .. و قصدي باللحين انك انت ماراح ترضى تجبرني ع شي .. صح ..؟
قال : بس انتي للحينه ماقلتي لي شوسبب طلاقج ..؟؟؟
تغطيت .. لما سمعت صوت فتح الباب .. وقلت لما شفت سعود يدخل : خلنا نكمل كلامنا بعدين ..
ناظر لسعود وقال : ع أمرج بس بكرى ترا ..
قاطعته وقلت : خلاص بعدين قولي ..
هز راسه وسكت .. مشيت بهدوء وصعدت الدرج .. لما وصلت أخر درجه .. وقفت أخذ نفس .. ماقدرت .. لحظات وطحت بألارض .. صرخت بقوتي .. لما حسيت راسي بينفجر .. وكان فيه أحد يطق مسامير براسي .. حسيت بشي يمشي ع رقبتي .. كنت بحاول امسحه بس يديي موراضية تتحرك ..
سمعت أصوات تنادي بأسمي .. بس انعدمت الرؤيا قدامي .. وضعت بعالم السواد ..
فتحت عيوني .. و لقيتني بغرفة تخلو من الحياة .. كلها أبيض بأبيض .. ماكان حولي أحد .. ماغير أنا بسرير .. وبجمبي طاولة بنية الشكل .. جلست وانا حاسه بنشاط .. التفت لما انفتح باب الغرفه .. ولما ماعرفت من يكون الشخص .. شهقت وحطيت الغطا ع وجهي ..
سمعته يقول : السموحه مغلط بالغرفه ..
وسكر الباب .. قلبي صار يرجف رجف مو طبيعي .. ابعدت الغطا عن وجهي .. وأنا حاسه براسي بينفجر .. ناظرت ليدي مستغربه .. وشفيها ترجف كذا ..؟؟
انفتح الباب ناظرت الممرضه .. قلت بسرعه : ووشفيني ..؟؟
جت لي مسرعه وقالت : سمر سمر ..
وطلعت تركض .. وجهت عيوني لرجليي اللي صارن بعد يرجفن .. دق قلبي بخوف ..
دخل خالي وقال : السلا
وجاني خايف : علامج يابنتي وشفيج .. ؟؟
كنت بتكلم .. بس .. بس .. ماقدرت .. ثواني وراسي اشتد المه .. صرخت من الوجع .. آآه .. آه آه ..
وما حسيت بنفسي الأ ابكي بقوة ..
صدمه بداخلي .. وش فيني ..؟ وش فيني ياناس ..؟؟ حسيت براحه لما ضربوني أبره .. ورحت بعالم الأحلام .. بدون الم أو هم ..
جاني صوت حرمة .. ما أدري من تكون .. : دلع ماودك تقومين ..؟؟
لفيت وجهي عنها .. مورايقه لها .. أنا بنام ببعد عن هالدنيا وهمها .. فزيت لما قالت : طيب ماتبين تشوفين علي ..!!
ابعدت عيوني عنها .. وحطيتها ع اللي وراها .. أبتسمت لما شفت ملامح وجهه اللي كلها خوف ,, واثار دموع ..
قلت له ببحه : تعال ..
جاني مسرع وضمني .. وهو يبكي .. تركته لين هدا .. بعدها جلست اللعب بشعره .. قالي : ابوي جاي هنا
طاح قلبي .. وش يبي هذا ..؟؟ يمكن .. هزيت راسي أمنع نفسي عن التفكير الي زرع بداخلي خوووف .. وناظرت له وقلت : سلمت عليه ..؟؟
قال : ماشفته .. هو عند خالي ..
قلت : من متى ..؟؟
قال : من أمس ..
قلت : بس أمس أنا ماشفته ..!!
قال : لانك كنتي بالمستشفى ..
قلت : طيب .. طحت بالمغرب .. هو متى جاء ..؟؟
رفع راسه .. وناظرلي بنظرات مستغرب .. بعدت نظري عنه .. وناظرت لدكتوره .. انتظرها تتكلم .. كيف فات هالسوال عن بالي ..؟؟ أنا من متى بالمستشفى ..!!
بعد مدة .. قالت الدكتورة بهدوء : لك أسبوع ..
صدمه قوية .. لي أسبوع بالمستشفى ..!!!!!!! كيف ..؟؟ ماصليت ولا فرض ..!!
فزيت بسرعه وقلت بتوتر : اسبوع ماصليت ولاصلاة ياربي رحمتك ..!!!!!!!
ابعدت الغطا عن ارجولي .. ونزلتهم من الطرف الثاني .. شفت صندل مستشفى لبسته .. وقدرت أقوم .. مشيت بصعوبه مع أن علاوي حاول يساعدني ..
وصلت للحمام أكرمكم الله .. وسكرت الباب .. التفت ع المراية .. وصدمه ثانية ..!!! راسي ملفوف بشاش .. كيف ما أنتبهت ..؟؟ كنت بالمسه .. بس مدري .. حسيت بوجع وانا توني مالمسته .. توضيت وجلست ساعه افكر كيف امسح راسي ..؟؟وهل بيضر ..؟؟ بس مسحته بسرعه وطلعت .. ماكان فيه أحد غير علي .. شافني وجا مسرع مسك يدي وأبتسم ..
قلت : من متى وأنت جالس عندي ..؟
قال : من طحتي علينا ..
قلت : مارجعت لبيت خالي من ذاك اليوم ..؟!
هز راسه وقال : ليش ارجع و انتي مو فيه ..!!! أذا قمتي بالسلامة رجعت معاك ..
نزلت راسي .. علي مافارقني خايف انه يفقدني .. قلت بهمس : لاتخاف ماراح اتركك ..
جلسني ع السرير وسكت ..
تردد داخل الغرفه صوت اذان المغرب .. جلست أردد معاه .. التفت شفت علي للحين يناظر لي .. مسكت يده وقربته لي وقلت : لاتخاف .. انا معاك طوول العمر ..
قال : متأكده ..؟؟
هزيت راسي ..
قال : ماراح تتزوجين را ..
قلت بسرعه : رايد صفحه وانطوت .. وأنا ماراح اتزوج ..
قال : وعد ..!!
قلت : ان شاء رب السموات .. بس بزوجك البنت اللي تستاهلك ..
ناظرلي وقال : طيب ما أقدر أنا اختارها ..؟
ضحكت لما عرفت انه يقصد بنت جارتنا ( ريم ) .. شفت خدوده حمروا .. تنهدت وقلت : يصير خير ان شاء الله
قمت عنه وأخذت السجاده المفروشه ع الأرض .. شكله فارشها .. وكبرت وصليت ..
بمكــــــــــــان بعيد عن دلــــــــــــــــع ..
ناظرت لسحر بنظرات .. كلها منك يابقره ..
ابوي : طيب بالله .. وشفيهن بنات عمامك ..؟؟ ماتبي تتزوجهن ..!!
هزيت راسي بأسى .. ليش ما يفهمون اني ما أبي طاري الزواج بكبره ..!! قلت بهدوء : يايبه .. بنات عمامي ع العين والراس .. وأنا ما أقول فيهن شي .. بس أنا ماأبي أتزوج اللحين .. أنا اللحين ما أبي غير اني ادير شركتك .. وأذا جاء الوقت .. بجيكم وأقول أخطبوا لي ..
قمت منهي هالنقاش .. اللي من تركت الجامعه وبديت ادير شركه ابوي وهم بس هذا كلامهم .. تزوج منال , شادن , رهف , وفاء , وكل دقيقه اسم بنت .. اما من عايلتي , خوالي , عمامي , او صديقة لأحد خواتي , او وحده شافوها بعرس فلان وعلان .,,,,,, ووالخ
قال أبوي : طيب خلاص ..
قالت امي معترضه : اخاف يخطبها احد .. وشرايك احجزها ..؟؟
قلت : يمه قلتلك ما أبي اللحين ..
قالت : ادري .. بس خلني احجزها لين يلين راسك ..
قلت وأنا تعبان من هالسالفه : يا يمه ..
قاطعتني وقالت : والله يا عبدالعزيز انها ماتتفوت ..
سكتها أبوي بقولة : بس ياحصه
سكتت .. تنهدت وابعدت عنهم ..
نادتني رغيفوة : عزوزي ..
كشرت بوجهي ولفيت لها : عيدي وش قلتي ..؟؟
قالت وهي تمخطر بالدرج : عزوزي ..
قلت : توي ادري ان اسمي شين .. وخاصه لاطلع من فمك ..
ضحك كل من في الصالة .. ما غير أمي اللي أكتفت ببتسامة ..
الله يهديك ياسحر .. ليش فتحتي سيرة هالزواج .. اللي لازم بالنهاية تزعلني أو تزعل أحد غالي علي ..
سمعت رغيف تقول : حب يدينك واحمد ربك اني دلعتك ..
ابتسمت .. وقلت : حمدت ربي ع نعمة العقل يوم جابتك أمي .. ماتكفي هذي ..؟؟
قالت : اووه منك حتى وأنت بتسافر لازم لازم طفشني ..!!
هزيت راسي مأيد كلامها .. ورحت لأمي ونزلت ع راسها وحبيته .. وأبوي بعد .. وسلمت ع سحر ورغد اللي جايات عشان يودعني .. وكلهم يبكون .. أما عاد رفيف شفتها داري دمعتها ...
ابتسمت ورحت لها وقلت : هاه عاد ما وصيك بأمي وأبوي ..؟؟
هزت راسها .. سلمت عليها و رفعت يدي وقلت : يالله مع السلامة ..
أبوي : انتبه ع نفسك .. وأذا وصلت دق ..
قلت : ان شاء الله ..
رحت بأتجاه شنطتي وشلتها .. ناظرت للكل .. وأبتسمت وأنا قلبي متقطع من بكاهم .. مسكت مفتاح الباب .. سمعت امي تناديني : عزوز ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك