رواية تدري بأني أموت فيك وبقربك أصبح شخص غير -5
نزلت الجازي وانتبهت للمكان وصرخت:حمود حمود
ابتسم احمد لها ولبس النضاره الشمسيه...:يالله حبيبتي نروح لهم
ركضت له ومسكت يده وبفرح ماله مثيل:شكرا ماتعرف اشكثر انا فرحانه
مسح ع شعرها بحنان:العفو...بس هذا اخر مشوار لك ...وبعدها ع المستشفى
الجازي تطالع المول:اوكي.
وقف احمد وقال:لحضه نسيت شي
ركض للسياره فتحها وحمل حاجه ورجع...
الجازي مستغربه:وش الي بيدك
احمد يفتح الكيس الصغير:كمامه
الجازي بصدمه:لاتقول
احمد يمسك نفسه من الضحك:البسيها يالله
الجازي:والله ماالبسها
احمد:الجازي ترى ارجعك
الجازي وشويه وتبكي:مابي مابي...كذا اخرب شكلي
احمد يطالعها وشويه ويذوب من دلعها:وانا ماهمني شكلك ...يهمني صحتك..اكيد راح نمر ع مقاهي وزجاير وهذا مو بزين لك
الجازي تطالعه بنضره رجاء:تكفى احمد راح اقابل اخوانك بالكمام ...علشان يتشمتوا فيني...ووعد مني اذا مرينا ع هل الماكن راح اغطي ع انفي وعد...بس لاتلبسني كمامه
احمد ينعل ف داخله هل روحه:والله ان تعبتي ...نادي لك ممرضه تسهر عليك
فرحت الجازي وباسته ع خده:شكرا حمودي
تيبس احمد ف مكانه ولاتحرك:...........
الجازي:حمود
احمد انتبه لها:انتي وش ناويه عليه تقتليني...ارحمني تكفين
خجلت الجازي وحاضنت يده ومشوا للداخل المول
الجازي تحاول تبعد احراجها:تعرف هذي المره راح تكون الاولى الي اقابل فيه اخوانك
احمد يخوفها:اسمعي من الحين انا اقولك...اخواني راح يجننوك
الجازي بخوف:ليه
احمد:راح تشوفي
الجازي وقفت عن المشي:قولي ليه
احمد يحاول لايبتسم ويسحبها لتكمل طريقها:قلت راح تشوفي
الجازي تناظره :انت قلت لي ان عندك اخوك براء وراشد ومهاب ووسام
احمد يبعد اعيونه عن اعيونها:هذول اخواني من الرضاعه..معدى براء اخوي الصغير من امي وابوي
الجازي تطالع الناس الي تطالعها:وش فيهم يطالعونا كذا
احمد بغرور:لانك مع الشيخ احمد ال
الجازي:امبه كل هذا ع شانك
احمد بغروه المعتاد لمن يدخل هل الاماكن:ولا علشان منو انتي ..هههههه
ضربته الجازي:خف شويه ياعمي ...راح تختفي
سمعت صوت وراها :الجازي
الجازي لفت :محمد
اقترب محمد منها:اخبارك جوجو
الجازي مشت له فرحانه:زينه وانت
محمد يبتسم:انا كمان زين
الجازي :حمودي وينكم ...ليه ولا احد فيكم زارني ف المستشفى
محمد يطالع احمد:اخبارك احمد
احمد يحاول يتذكره بس ماعرفه:تمام وانت
محمد :انا تمام..امكن ماعرفتني...
قاطعته الجازي:هذا محمد ولد خالي
احمد يبتسم له:ياهلا
محمد :هلا فيك
الجازي:محمد مارديت ليه للحين مازرتوني...نسيتوني
محمد:لا مانسيناك.....بس
الجازي:بس شنو
محمد بتوتر:الجازي ...الكل رجع لان ...لانه ....جدتي ماتت
وقفت الجازي من الصدمه وجسمها كله تصلب..وابتسامتها بدت تختفي شويه شويه:ماتت
محمد يطالع احمد المصدوم بعد:ايه ماتت من شهر تقريبا...وعمتي مره تعبانه ...ونفسيتها مره دمار
الجازي نزلت دمعه من عينها:وليه ماعلمتوني
محمد:مشعل قال انه لازم تكملي علاجك من غير أي تاثير
احمد يطالع الجازي:الله يرحمها ....الجازي يالله نروح...وانت محمد تعال معنا
محمد مبتسم له:لا شكرا ...انا جاي مع الشباب...كاهم ينتظروني...((لف لجازي))الجازي لاتزعلي حالك...كل انسان مصيره يروح من هل الدنيا....واما عن جدتي هذا يومها مانقدر نعترض
الجازي بعدها مصدومه:.................
محمد مد يده لاحمد:اهتم فيها ...اهي لمن تنصدم كذا تكون
احمد يصافحه:لاتخاف انا معها
مشى محمد لصحابه...ومسك احمد يد الجازي واجبرها تناظر اعيونه...
احمد يهمس ف اذنها:حبيبي لا تزعلي حالك
الجازي بصوت واطي:ليه ماعلموني
احمد:محمد قال لك...مايبون يقطعوا عليك علاجك
الجازي واعيونها ماليانه دموع:وانا اقول ليه مايتصلوا
احمد يحضن وجهها:حبيبي انتي لاتبكين...كل انسان له يومه...وهذا يومها
الجازي تمسح دموعه:الله يرحمها
باس احمد راسها بكل حب وحنان:الله يكمل لك بعقلك
كملوا طيرقهم للمطاعم
براء بصوت عالي من بعيد:احمد هنا
افتشل احمد:فشلني هل الولد
لمن اقترب:ماتعرف تسكت
براء يطالع الجازي:لا والله ماعرف....هلا بمره اخي...اشلونك اخبارك
الجازي تبتسم بحزن:زينه اشلونك انت
براء يبتسم:انا تمام الحمدلله
مهاب يضرب لميس ع يدها:قليله الحياه...انا مب قايل لك ماتكلي اكلي
لميس تمسك يدها:ااااي يالم
مهاب:دواك
ووسام معصب:مهاب اترك اختي
مهاب معصب اكثر منه:خلصوا الاكل ...شوف الطاوله وش كبرها ومليانه...ليه صحني تاخذ منه
احمد منحرج من تصرفاتهم:استحوا ع انفسكم العالم تطالع فيكم ...وانتووا ولا عليكم
اصيله من غير اهتمام:ونحن وش علينا من الناس
براء يغني : شويخ من ارض مكناس وسط الاسواق يغني ايش علي انا من الناس وايش على الناس مني... شويخ من ارض مكناس وسط الاسواق يغني ايش علي انا من الناس وايش على الناس مني
مهاب يكمل ويطالع احمد الي جلس وجلس الجازي بجانبه ويطق له الرقبه: ايش علي يا صاحب من جميع الخلايق افعل الخير تنجو واتبع اهل الحقايق... ايش علي يا صاحب من جميع الخلايق افعل الخير تنجو واتبع اهل الحقايق
براء يرد عليه: لا تقول يا ابني كلمة الا ان كنت صادق خذ كلامي في قرطاس واكتبه حرز عني ايش علي انا من الناس وايش على الناس مني
براء ومهاب:وايش علي من الناس ايش ع الناس مني
رغد واصيله يصفقون له:اووووووووووووووووووووووووووه
مهاب وقف وانحنى لهم:شكرا شكرا لا داعي
احمد يهمس ف اذن الجازي:الحين فهمتي لمن قلت انهم راح يجننوك
الجازي:ههههههههههههههههههههههههههه
براء بلقافه:ضحكونا
احمد:لو تبعد لقافتك عنا شوي
وقفت اصيله:بمى اني خلصت الامتحانات ....رايحه اعمل شوبنج
اصايل:انا معاكي
ورغد:وانا بعد
لميس:الجازي روحي معهم
الجازي تبتسم لها:لا حبيبتي مابي
لميس تحاول فيها:راح نعمل شوبنج انمى ايه صدقيني ماراح تندمي
الجازي:بعد ما اكل لاني جوعانه
لميس:اها اذا كذا ما اقدر اجبرك
وراحت
احمد:حياتي وش تبين تاكلي
الجازي ولعابه وشويه ويسيل :نفسي بشي حامض
احمد:لا ...مب زين لبطنك
الجازي:اممممممممم...اطلب لي ع ذوقك
احمد:اوكي
براء:مبروك مرت اخوي ..خلصتي اليوم
الجازي تبتسم للبراء:الله يبارك فيك....تعرف اخوك رافع لي ضغطي ذيك الايام...هلكني ف المذاكره
احمد يطالعها بنضره:اسكتي اسكتي...لولاي ماكنتي تقدري تذاكري
الجازي:تراك مره واثق من نفسك....اصلا انا اعرف..بس اسالك لاخذ معلومات اضافيه
احمد بستهزاء:اضافيه ها ضحكتيني
الجازي للبراء:ماعليك منه...انا مذاكره ...بس اهووا يحشر نفسه بكل شي
براء/تعلميني فيه....هذا انا عندك...دخلت الجامعه بمجموعي من غير أي تدخل من جدي....والفضل يرجع له
الجازي بفضول:ليه كم نسبتك؟؟؟
براء:57%
الجازي :ههههههههههههههههههههههههههههههههههههه....وهذا اهووا مساعدك
احمد يضحك:اسميه جنني ليحفظ
مهاب:وانا جايب 55% واحمد مذاكر لي بعد
احمد:ههههـــ....وسام علم الجازي كم جايب انت
وسام:ليه الفضايح يارجال خلني اسكت افضل لي
براء:تعرفي ووسام كم نسبته؟؟؟
الجازي:لا
مهاب:51%خخخخ...حطم الرقم القياسي
وسام:فرحانين بنسبكم يعني
براء ومهاب:ههههههههههههههههههههههه
احمد:اسكتوا فشلتونا
الجازي:ههههههههه
جلسوا يسولفوا ...وبعد دقايق...وصل الاكل
احمد :يالله سمي
الجازي تمسك المعلقه:بسم الله
(( 15))
احمد:يالله سمي
الجازي تمسك المعلقه:بسم الله
بدء احمد والجازي بالاكل واحمد كل شويه يزيد شي للجازي
الجازي:احمد خلاص والله كثير
احمد:ماعليه...اكلي
الجازي:خليني اكل واذا ابي شي انا راح ازيد لنفسي
احمد مد البوز:افا وهذا وانا ابيك تسمني
الجازي خقت ع حركته طالعت اعيونه حواجبه خشمه فمه واهووا ممدود:فديت روحك خلاص مابي والله اقوم
تكفون يا قرء الروايه دوري معي ع احمد...لاني مستحيل اكمل واحمد مو موجود
احمد طلع يحم حم:احمممم احممممم...لا كملي كملي...ويراتي تكثري من الكلام المعسول
امنيه حنينى:صج ماتعطي ويه
المهم لانطلع خارج الروايه
ذاب احمد من غزلها:والله انا فديت روحك وجسمك وخشم وعيونك وفمك وكل شي
الجازي خجلت ونزلت راسها وحاولت تكمل اكلها
احمد يهمس ف اذنها:انا لو ادري ان المول راح يخليك تفديني والله كان طلعتك من اول يوم زواجنا
الجازي خلاص وجهها حمر:احمد خلاص اخوانك يطالعونا
احمد ميت ع خجلها:وانا وش علي منهم
الجازي توقف
احمد مسك يدها:وين
الجازي تحاول تضبط اعصابها وتحطها ع ماي بارده:ابي الحمام
احمد وقف:اروح معك اوصلك
مهاب يلعب بالجوال:افهم البنت بتي الفكه منك وانت مب خليها ع راحتها
احمد :وش يعرفك
مهاب رفع نضره له:خبره ياخوك ف الحريم
احمد يطالعه باحتقار:وانا مابي خبرتك...انا رايح معها
مهاب:قسم بالله تشوه صورتك قدام حرمتك..وماعليه نمشيها لك هل النضرات...اتركها تبي تتنفس هواء 24 ساعه تطالعك طفشت
الجازي بصوت واطي مايسمعه الا احمد:اهووا الصادق
احمد بعدم اهتمام:مايهمني...رايح معك وجالس ع قلبك
الجازي:اووووووف
احمد:لباكر...امشي
الجازي:احمد متى اخرج من المشفى
احمد تعود ع هل السوال:مو كثير اسبوع وانتي طالعه
الجازي انصدمت:عن جد...احمد تكفى لاتكذب
احمد يطالعها:ايه اسبوع وتخرجي من المستشفى
الجازي:عيل ليش كل ما اسالك تجاوبني راح الكثير وبقى القليل
احمد يطالع فستان عاجبه:لاني اعرف ان ماعندك صبر وراح تجننيني..((يكلم نفسه)). هل الفستان راح يطلع يجنن ع جسمها...ولا اقول نرجع له بعد مانروح الحمام
الجازي مطنشه كلامه واهم شي عندها انها راح ترجع البيت:يااااااااااي راح ارجع لبيتي
احمد يطالعها بنظره:قصدك بيتي
الجازي قشعر جسمها:ارجوك لاتذكرني...ترى حدي خايفه...حمود خلينا ندخل هل المحل
احمد وقف وطالعها:والحمام
الجازي نزلت راسها خايفه من عيونه:كنت اريد اهرب منك ...بس انت مسكتني
ضربها ع راسها:حاولي تعمليها مره ثانيه...فكري وش اعمل فيك
الجازي تمسك ع راسها:اعرف اعرف ...توبه ماراح افكر فيها<<<فديتها
احمد :بمى انك ماراح تروحي الحمام...خلينا نرجع لمحل(,,) ف فستان عاجبني ابيه لك
الجازي تعترض:وانا مابي ع ذوقك
مسكها احمد من يدها ودخل من غير مايسمعها واهي تتحجج ...راح للفستان واخذه
وكان عباره عن
فستان بلون الحليبي لفوق الركبه من غير اكمام ....من عند الصدر كله كرستالات وضيق مره من فوق لين تحت الصدر .... وفيه شريطه اسود تحت الصدر بعدها واسع لين الفوق الركبه
انيق مره.
الجازي بانبهار :واو ذوقك حلو
طنشها احمد وراح يدفع ؟؟؟دخلوا محل الملابس ثاني...والجازي كل شوي تلبس لبس وتطلع احمد واحمد مايدخل شي براسه
احمد ماعجبه:مب حلو...غيره
الجازي ماده البوز:هذا اللبس الثامن
احمد:كيفي ماعجبني
الجازي تضرب رجلها بالارض:تعبت وانا ابدل وانت ماعجبك شي
احمد عصب :راح ترجعي ولا شلون
الجازي ترجع غرفه التبديل:اوووووووووووووووووف
وبعد دقائق خرجت:وهذا....لا تقول مب حلو ...لاني والله راح اشتريه
احمد:لا يجنن عليك
الجازي بغرور:ادري انه يجنن
احمد يدفها بهدوء:تعجبني ثقتك بنفسك...الي بعده
دخلت الجازي ورجعت تلبس لبسها المدرسي...طلعت له
الجازي:ندخل محل ثاني
حاسب احمد ع الملابس..ودخلوا محل ثاني..ونفس الشي احمد مايدخل أي شيي لمزاجه والجازي تعصب وتاخذه غصبا عنه
الجازي بتعب:خلاص ما اقدر تعبت
احمد يمسكها من خصرها:لانك عملتي مجهود كبير
الجازي بتعب:جلسني ع اول كرسي تكفى
احمد يساندها لين جلسها ع الكرسي للمدخنين:اووووووف مافي كراسي غير هذه المكان
الجازي تسكر اعيونها بقوه وترجع تفتحها:ماعليه لين اخذ نفس ...ونرجع لهم
خرج احمد الكمام بعد ماشاف رجال جلس يدخن:البسيه
طالعته الجازي واهي تحاول ماتلبس:احمد ارجوك
قاطعها نضره صارمه:مستحيل اخليك تجلسي بهل المكان من غير كمام البسيه يالله اشوف
مسكت الجازي الكمام:واذا البنات شافوني
احمد :وانا كم مره اقول وانا وش علي منهم...البسيه
لبسته الجازي وشوي وتبكي...نزلت راسها بحيث شعرها يغطي وجهها ...
بعد دقائق
احمد:نونو
الجازي:همممم
احمد:يالله نرجع للمستشفى حالك ماعجبني
الجازي تحاول تخفي تعبها:لا عادي ...خلينا نرجع للمطاعم عطشانه ابي ماي
وقف احمد ومسكها من يدها ليساعدها توقف:يالله نرجع
الجازي تمسك يده الي ع خصرها:لا مايحتاج تعب ويروح ...ابي اشوف البنات
ما اقتنع احمد بكلامها ...وراحوا للمطاعم
الجازي:احمد وين الاغراض
احمد يبتسم لها:اعطيتهم جابر يرجعهم للمستشفى
الجازي استغربت:مين جابر؟؟؟ وانا ماشفته ...ولا سمعتك تكلمه
احمد يهمس ف اذنها:هذا الله يسلمك الحارس الشخصي لي...ولكل واحد فينا حارس حتى البنات
الجازي:اول مره اشوفه واسمع عنه
احمد:لانه يكون بعيد بس اقدر اشوفه واذا احتجت شي اشر له ويجي
الجازي تضحك بتعب:ههههههه ...حركات تشار له
احمد :فديت الضحكه...ايه وشوفيه هناك
الجازي تدور:وين
احمد:لابس بنطلون جينس ازرق وبلوزه احمر
الجازي باعجاب:اوووف وسيم ...حركات حمود
غار احمد وضربها ع راسها:تتغزلين فيه يالي ماتستحي ع وجهك...اقول امشي امشي..انا الغلطان الي رويتك اياه
ماتت الجازي من الضحك ع احمد وغيرته ووصلوا لطاوله الشباب
رغد تكلم وسام:ارجوك وسام
وسام:انا قلت الي عندي تبين 500 اكلي الشطه الحاره
رغد مدت البوز:والله اتصل ف بابا
وسام يقلدها:اتصلي اشوف
احمد عصب ع وسام:وسام انا مو ناهيك ع هل الاسلوب مع رغد
رغد خلاص نزلوا دموعها:شفت احمد...كل مابي شي منه لازم يامر علي...والحين يبي مني اشرب الشطه
احمد بحنان:تعالي بابا
راحت رغد لعنده ومسكها من يدها وجلسها ع رجله <<حبيت اذكركم ان عمرها 15 سنه
احمد يمسح دموعها:وش تبين منه
رغد وراسها ع حضن احمد وبدلع:ابي 500
احمد:وين بطاقتك
رغد:نسيتها ف البيت
طلع احمد البوك واعطها 1000 :وهذا الدبل ...والحين روحي واشتري الي تبيه
باست رغد خده:الله لايحرمني منك يا احلا اخ
وسام يطالعها بضحكه:ماعليه يالخايسه صار احمدوه احلا مني
لميس :الحق يقال
نقز وسام بخوف:بسم الله من وين طلعتي
لميس مطنشه وسام:ها الجازي وش فيه وجهك مقلوب
وسام :ايه انا اكلمك
اصايل:ماعليك كملي
الجازي:ماشي تعبت شوي من المشي....وخاصتا اول مره امشي كذا من 5 اشهر
اصايل :الله يشفيك
حزت الكلمه يخاطر الجازي...هذه الي ماتبيه يعاملوها او يحسسوها انها مريضه
بعد نص ساعه من السوالف
احمد يكلم الجازي:نرجع
الجازي:ياريت...احس راسي يدور فيني
وقف احمد ومعاه الجازي:نحن راجعين
براء:ماشين بسرعه
احمد:تعرف لازم ارجع المشفى
براء:اوك...احمد لمن توصل اتصل فيني ابيك
احمد استغرب :اوكي
**وفي السياره**
الجازي تمسك ع راسها:....ابي انام
احمد يطالعها:والله اني حاس ان راح احصل الضرائب من هل الطلعه
الجازي تسكر اعيونها:ابي بندول
احمد بصوت واطي:الله يستر..انا قايل من البدايه بلها هل الروحه لانها راح تتعبك بس ماتسمع الله يهداك
الجازي تمسك راسها :احمد معك بندول
احمد يتنهد بضيق:لأ نامي الحين نوصل المستشفى
الجازي نائمه بتعب ...واحمد يسوق لين وصلوا
احمد:حياتي وصلنا
الجازي تفتح اعيونها:اوكي
نزلوا ....ودخلوا المستشفى....ونامت الجازي ع السرير ...وخرج احمد الشوز
الجازي لاحمد:ابي بندول راسي يعورني
احمد يمسح ع راسها:ياقلبي انتي اصبر شوي...لاني راح اعطيك دواك
الجازي تجلس وماسكه راسها:مابي الدواء ابي بندول
احمد زفر بضيق:انا رايح المكتب ادور لك
خرج احمد من الغرفه وراح للمكتب...لبس الجاكيت الابيض ورجع شعره لورى بضيق
احمد يكلم نفسه:يارب يارب...ادخل ع الجازي واشوفها نايمه
مشى للممرضات
احمد: جهزوا دواء المريضة الجازي
الممرضه:انشاء الله
دخل احمد الغرف بعد ماسمى بالرحمان...والمصيبه ان الجازي صاحيه وتنتظره قريب من الشباك
الجازي انتبهت له : جبت بندول
احمد مشى لها وحملها للسرير:لا حبيبتي...الحين دواك
الجازي تحاول تنزل عن السرير واحمد ماسكها:نونو ارجوك مو كل يوم ع هل الحال
الجازي:يالم الدواء
احمد يمسكها من خصرها ويحاول يرفعها:اكيد لانه يقتل البكتيريا
الجازي فكت احمد وهربت لخارج الغرفه بس انصدمت بالممرضه
مسكها احمد:الجازي الله يخليك خلينا نرتاح ولو ليوم واحد ونخلص من غير صراخ
الجازي تبكي وتنط تريد تهرب:لا يالم ويحرقني الدواء من الداخل...مابي مابي
احمد يتنهد :اااااااااااااااااااااااااااه يارب رحمتك ...نونو لا تخليني اتعامل معك بطريقه ماتحبيها
الجازي توقف تقول:احمد حس فيني حس
احمد:والله حاس وش تبي مني اعمل اكل عنك الدواء...لو كان يصير والله اكلته ...يالله حبيبتي تذكري كلها اسبوع وتخرجي من هنا....وماراح تشوفي هل المكان
اقتنعت الجازي بكلامه بس لازالت خايفه...راح احمد لها ومشى معها للسرير ..حملها وجلسها عليه
احمد للممرضه:تعالي
جت الممرضه ومعها عربانه فوقها ابر والادويه
احمد يكلم الجازي:انزلي الجاكيت
خلعت الجاكيت ...بس لازال كم البلوزة طويله وضيقه...فك احمد ازرار البلوزه
الجازي بعصبيه:وش تسوي
احمد:نزلي البلوزه ع شان اضرب الابره
الجازي مازالت معصبه:واجلس عريانه
خذ احمد نفس وراح لدولاب الجازي وخرج لها تيشرت:البسيه
الجازي:اطلعوا برى
خرج احمد والممرضه وبدلت ونادته
مسك احمد الابره :بسم الله
الجازي:احمد لحضه
احمد:الجازي تقولي لي خلي الممرضه تعطيني الابره وانت تعال جنبي ماراح اعملها وانا راح اعطيك
الجازي:.........................................
اعطها احمد 3 ابر <<<<اه والله يوجع
وسدحها ع السرير
الجازي بخوف:وش تسوي
احمد يدعي ربه يخفف عنه:باقى ابرتين
الجازي وشويه وتبكي:مو 3
احمد يطالع اعيونها الخايفه:لا اليوم ف جرعه جديده لازم اعطيك ايها واهي اخر شي...وماراح ازيد جرع
الجازي بخوف:وليه سدحتني
احمد غمض ع اعيونه مايريد يشوف صدمتها:لاني راح اضربك ف بطنك
جلست الجازي بخوف:لا لا مابي مابي
احمد يكلم الممرضه:روحي نادي لي ع ممرضتين كمان
الجازي تمسك يده:ارجوك الا بطني ...اضربها ف يدي
احمد يحضنها :ما قدر لازم ف بطنك
الجازي تحاول تفك احمد لتهرب:اكيد يالم اكيد يقتل
احمد يتمسكها بقوه وثبتها ع السرير...ينتظر الممرضات الي تاخروا
احمد بعصبيه:الله ينعلهن وينهن هذول
الجازي فقدت طاقتها واهي تحاول تفك ايد احمد مثبتتها...لين دخلن الممرضات
احمد بعصبيه:يالله حاولن تثبتينها ...مابيها تتحرك...
الممرضات 3 :انشاء الله
احمد يمسح ع شعر الجازي:الجازي لاتحركي نفسك ..كلها ابرتين مارح تحسي بشي
اكتفت الجازي بدموعها تنزل...رفع احمد التيشرت ع بطنها ومسك الابر
احمد ينبه الجازي الي بعدها تتحرك:شوفي أي غلطه تصير والله راح تجلسي سنه كامله مو اسبوع
لمن سمعت هل الكلمه هدت وضربها الابرتين والجازي تون من الالم
احمد بعد ما انتهى:اطلعوا
خذن الممرضات العربه وخرجوا....طالعها احمد وباس بطنها
احمد وشوي وتنزل ادموعه:انا اسف
الجازي تفتح اعيونها وتسكرها بتعب :تالم حيل
رجع يبوسها وراح يبوس راسها:انا اسف...والله اموت وانا اعطيك ادري انها تالم
حطت الجازي راسها ع صدره:متى ارتاح
حضنها احمد:ماعليه اصبري
الجازي تبكي:احمد اعطيني منوم...بطني تحرقني
نزلوا دموع احمد واهووا يشوفها ع هل الحال...اعطها المنوم.....وباس راسها وطلع...بعد مانامت
تتوقعون شنو راح يصير
1 ولمن تخرج الجازي من المستشفى وين راح تروح
2 وهل راح يكون زاجهم كذا ...ماراح يمر عليها مشاكل تنهيهم للابد
انتظروا البارت الجاي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك