رواية وقت حاجتي ناديتك وما رديت على صوتي -20
ريماس :امي من تطلقت وطلعت من العده تقدم لها واحد وتزوجت ...وجابت ولد ههه غير بناته اللي هم حنى اسمه سمير
مهند سكت وفجئه :خواتك يدرون
ريماس :لا ماقلت لهم قمر اخاف تنهار اللي فيها كافيها ...وسحر بعد
مهند :وش فيهم
ريماس :قمر تأسفت لسحر على السنوات اللي اذتها فيها بس سحر رفضت تسامحها ياالله الله يساعدهم ويرجعون لبعض
مهند ابتسم :ان شاء الله
ريماس :تدري انك تغيرت
مهند :من أي ناحيه
ريماس :مثلا ماتأذي احد وما اشوف في يدك الا القرآن مو مثل اول مانشوف في يدك الا الاغاني
مهند :ربي هداني
ريماس :الحمد لله
مهند نطق باالكلمه بدون مايحس :تدرين وش سبب طلاق امك من ابوك وسبب طلاق امي من ابوي
ريماس :ايش ....وش لون
مهند :هـ ـ ـ ـ ـاه ...لا ابد ولا شي
ريماس :تكفى ياخوي قولي
مهند بحزن :مقدر اقولك
ريماس مسكت ايده :اذا كنت تغلين وتحبني ياخوي قولي
مهند :آسف
ريماس ومازالت ماسكه يده :الله العالم يامهند اني ما اعتبرك الا واحد من خواتي ...الله العالم غلاتك من غلاتهم انت اخوي الوحيد اللي امي ماجابته تكفى ياخوي ...تكفى قول
مهند تنهد :سبب طلاق امك نفس السبب اللي ابوي طلق فيه امي
ريماس :اللي هو
مهند :بس اوعديني محد يدري
ريماس :اوعدك
مهند :انتي تدرين ان امك تصير اخت ابوي
ريماس :معلومه
مهند :جدك اللي هو جدي قال لأمك اذا ما تطلقتي بتبرى منك ولاعاد انتي بنتي ونفس الشي قاله لأبوي لأن عايلت ابوي اللي يصير خالك تجار اما ابوك كان على قد حاله مثل ماتقولين حافي منتف مدري
وشلون تفكيرهم
ريماس :ايش
مهند :ايه وقبل سنه جدي مات...من اللي قالك ان امك تزوجت
ريماس :يجيني رقم غريب ويقولي كذا
مهند :اللي يكلمك كذاب ...قبل سنتين تقريبا توفت بسرطان في الدم
.....(دخلو ثنتينهم وخدودهم تبللت باالدموع من اللي سمعوه ): من متى تدري ليش ماقلت لنا مو انت اخونا ....مو انت اخونا باالرضاع
مهند ماقدر يتكلم من الصدمه شل لسانه عن الكلام:........لارد
ريماس :سحـــر .....قمـــر
سحر :ايه سحر سمعت كل شي ....كل شي
قمر :ليش تخبي عنا مو خواتك ليش ماقلت لنا وخليتنا نظلم امنا انها ماتحبنا ولاتحب ابونا
سحر زادت بكي :حتـ ـ ـ ـ ـ ى ابـ ـ ـ ـ ـ ـووـ ـ ـ ـ ـ نـ ـ ـ ـ ـ ـا يقولنا ماكان اختيارها تختفي عن حياتنا ماكنا ندري وش قصده بس الحين عرفت السبب
مهند :من متى كنتو تسمعون
سحر :من كنت تقول عن امنا وخالنا
ريماس :تعالو اجلسو تعرفون السبب
قمر :حنى عرفنا السبب ...يعني في اسباب اقوى من كذا
ريماس :انتو مافهمتو شي ...الله يخليكم خواتي تعالوا اجلسواعشان تعرفون السبب
قمر وسحر راحو يجلسون جنب ريماس
...
وشلون .....كيف ....لماذا ؟
اسأله سألتك اياها ايها الحب
لماذا لانعود الى الخلف ونرجع الى ايام الحب الطاهر
الحب التي لاتتواجد بها المشاكل
هل من الممكن ان نترك من نحب
هل من الممكن ان نتركه يعاني بعد غربه حب مره
عليها مده من الزمن
ام ستحاول ان ترجع من ضاع ...من اخبرني ايها الحبيب \
اخبرني ايها الحب الذي طال زمانه هل ستحاول
ان ترجع المحبوب والحبيب معا
لأنك تعبت من الأنتظار من ان يعودا......
الوليد حط يده تحت راسه انسدح بسريره يبي ينام يتلفف طول الليل مو قادر ينام من كثر مايفكر في شجون
"لو كنت قربك ياشجون ماتعذبت لو كنت زوجك ما احد قال عيب تكلمها عيب ...وعيب صح هو عيب بس انا احبك ياشجون وابيك قربي
ابيك جنبي تسانديني
قام من سريره وخذ له شور بعد مانزل حوال الساعه 5 العصر يبي ينوم بعد مارجع من الشغل نفس الحاله ماقدر راح يشوف رشا
رشا :نايف
نايف :نعم قلبي
رشا :بتوديني
نايف :حبيبتي وراي شغل
رشا :حبيبي الله يخليك ودني مسويه حفله العزوبيه
نايف :اوووووه.... خلاص.... طيب متى ؟
رشا :الحين
نايف يفكر :....لارد
الوليد :انا بوديك رجلك عنده شغل
رشا :هاه
الوليد :انا بوديك
رشا تورطت :لا ياخوي ماتقصر الله لايقصر بعمرك وانت بعد اكيد مشغول .... نايف بيوديني ....صح نايف (نغزته )
نايف :ايه ....ايه
الوليد :لا عادي بعدين انا فاضي
رشا( تورطت) ""الله يعني منك ياشجون اذا شفتي وليد :طيب ياالله
نايف :وليد
الوليد :امر يابو صقر
نايف ابتسم :بادلني بسيارتك
الوليد :ليش
نايف :بس عطني اياها
الوليد :ليه
نايف :بشخص فيها قدام الربع (وش اشخص فيه بس عشان ماتعرفك شجون والا والله ماتركب معك )
الوليد طلع المفاتيح من جيبه ومدها له:خذ
نايف خذ مفاتيح وليد وعطاه مفاتيح سيارته :ارفق عليها
الوليد :من زينها
نايف :احسن من سيارتك
الوليد :هههههههههههاي ماتجي تحلم ....ياالله باي
نايف :باي
مشى باالسياره وعلامه السكوت بينهم
رشا :روح بيت فيصل
وليد ببرود غيييير طبيعي :ليه منتي رايحه لشهد
رشا بلعت ريقها ماتبي يتذكر شجون طول الأيام تحاول تتجنب يسمع عنها شي :الا بس ...بس ...حنـ ـ ـ ـ ى بناخذ شجون
الوليد من سمع اسمها بدت نبضات قلبه تتسارع
حس الأنفاس عنده توقفت
رشا :وليد
وليد :هاه
رشا ابتسمت :البس الكاب
وليد يتغيبى يفهم اخته من قبل ماتقول :ليه
رشا :البسه بعدين اقولك
الوليد :اول قولي بعدين البسه
رشا :عشان ماتعرفك ...واذا عرفتك مارح تجي للحفله ...وهي بزور وافقت تجي
الوليد خذ الكاب ولبس النظاره :هاه زين
رشا ابتسمت :ايه زين
دقت رشا على شجون عشان تطلع وبعد دقايق ركبت
شجون :السلام عليكم
رشا :وعليكم السلام
الوليد كان ساكت مايقدر يتكلم والا عرفته لا يكفي باالنسبه له انها قريبه منه في مكان واحد
رشا :اقول وراى ماعد نشوفك ياحلوه
شجون :مشغوله
رشا :ياحضي وش مشغوله فيه ...في التحضير ...والا بزوجك وعيالك
شجون ابتسمت من خلف النقاب :لا ...يختي وش زوجه تبيني طول الوقت وش تبي امروتدلل ...وآخر شي يتزوج عليك
رشا :لا انتي حاله مستعصيه
شجون :ولو ....(تلف لوليد) وش اخبارك نايف
وليد وقف عند الأشاره مانطق بولا كلمه
شجون :وش فيه
رشا :هاه ...ايه حلقه يوجعه
الوليد بعد ماتحرك شغل المسجل على اغنيه راشد الماجد
هلي لاتحرموني منه
هلي لاتبعدوني عنه
مثل ماهو قطعه مني
مثل ماهو قطعه مني
انا تراني قطعه منه
احبه انا اموت انا اذوب انا ادوخ وميت فيه
احبه وعقلي وقلبي وروحي يعلني مبكيه .....الخ
شجون عصبت حدها :نايف لوسمحت سكر المسجل
الوليد ابتسم :....لارد
رشا :خلاص طفه
الوليد يناضر رشا ويأشر لها بمعنى اسكتي
شجون طنقرت معها :نايف بلا سماجه يعني ماتدري اني ما احب الأغاني
الوليد يلف راسه عندها وينزل النظاره عند انفه :ادري
شجون بصدمه :انت
الوليد ابتسم :ايه انا
شجون :طفه
الوليد ؟:امممم افكر
شجون عصبت :اذا ما طفيته ترى والله لا انزل
الوليد ابتسم :حاولي (ويسرع باالسواقه)
شجون :رشا قولي لأخوك يوقف احس له
رشا :الوليد الله يخليك وقف
الوليد :نو ...مافيه
رشا :وليد
الوليد :ماني موقف
شجون :اذا ما وقفت انا بنزل (فتحت الباب )
الوليد :ماتقدرين
شجون جت تحط رجلها وسرعه السياره طاقه
الوليد وقف السياره بعصبيه :انزلي مدام مزيل
شجون ولازالت معصبه :غصب عنك
نزلت تمشي وقطعت الطريق ووليد وراها على طول
شجون :لاتلحقني
الوليد :ما الحقك
شجون وقفت باالطريق والوليد يوقف قدامها ومابقى بينهم الا خطوتين حست برجفه
الوليد بهدوء غير طبيعي :شجون أنتي ليش رفضتي تتزوجين
شجون : قصدك رفضتك
الوليد :رفضتيني ورفضتي غير
شجون :فيه اسباب تمنعني اتزوج
الوليد :وشي هي
شجون :اسباب
الوليد :وشي هي ؟ انا
شجون : انت وغيرك
الوليد :اعتبريني اخوك واشكيلي وقولي لي (وهو ينطق الكلمه حس بصعوبه وهو يقولها كأنه اول مره يتكلم )
شجون :صعبه
الوليد :قولي لي ياشجون اعتبريني اخوك فيصل او حمد
شجون :ما اقدر لكن تقدر اقول احلم فيهم كل ليله ...وهذا اشين شي صار لي بحياتي
الوليد :قصدك العصابه
شجون :ايه
ماحست شجون الا بيد تسحبها على قدام وتصدمه ....حست برجفه مو طبيعيه لما انتبهت ان الوليد حاضنها
ليش الوليد حضنها بهالطريقه ...؟
شجون من صقعتها في الوليد حست برجفه غير طبيعيه بعدت عنه بقوه
الوليد سحبها مره ثانيه بس هاالمره جت سليمه :انتبهي السياره
(لفت على ورى الا السيارات كانت تمر وبغت تدعسها السيارة)
شجون :انت ...انت كيف تتجرى وتمسك يدي و...و...(ضاعت الكلامات من فمها )
الوليد فهم وش كانت تبي تقول :شجون
شجون :ولا كلمه انا ما ابي كلمه منك ....تعتقد نفسك بأمريكا والا من هاالدول الأوربيه تمسك يدي و......و....وتسحبني
الوليد عصب من اتهاماتها :شجون وش هاالكلام انا ماكان قصدي اسحبك من يدك ...لكن لسياره بغت ترطمك
شجون :.........لارد
الوليد :تعالي اركبي اوصلكم
شجون :ماني راكبه معكم
الوليد :من تركبين معه
شجون :باخذ تكسي
الوليد يعرف شجون خوافه وماتركب وحدها :خلاص اركبي وحنى بنمشي
شجون عصبت :هيـــه انت وين تروح
الوليد وهومعطيها ظهره طلعت ابتسامه من شفايفه :مو تقولين منتي راكبه معي بتركبين مع تكسي اركبي
شجون :ايه بركب بس وقف لين يجي التكسي
الوليد يناظرها بعين :اسف مقدر اوقف بوصل رشا عشان عندي شغل
شجون :وليد عن الأستهبال الماصخ حقك تروحون تتركوني لوحدي
الوليد :مو ماتبين تركبين معنى انا بعد ما ابي انتظرك يا انسه
شجون :.......لارد
الوليد(حس الكلام اللي بيقوله يطلع بصعوبه من فمه ) :شجون ....امشي... اركبي بعدين انا ما ارضى وحده من خواتي تركب مع غريب
شجون حست قلبه تقطع لخناجرمن كلمه خواتي :..............لارد
الوليد :لاتزعلين ياشجون انا ماكان قـــ
شجون :خلاص ياوليد انسى ادري ان ماكان قصدك
الوليد :طيب راضيه علينا
شجون هزت راسها بمعنى الأيجاب
الوليد :طيب ياالله امشي نوصلكم
شجون مشت وتفكر باالكلام اللي قاله وليد يتردد في راسها كلاماته
(امشي.... اركبي بعدين انا ما ارضى وحده من خواتي تركب مع غريب)
ــــــــــــــ ــــــــــــــ ـــــــــــ
بكت ...بكت الين هداها من البكي ..حست انها مو مصدقه الكلام اللي سمعته
....:اهئ ...اهئ ...اهئ
...:خلاص ياحبيبتي ادري انك متضايقه انهم خبو عليك ان امك توفت هذ ا مكتوب وما نقدر نغير المكتوب صح
....:ايه ...فيصل بس هذا فيه ظلم جدي ظلمنا كلنا فرقنا عن امنا والسبب لأن ابوي كان مو غني ...والحين هو تاجر وماهي نافعتنا الفلوس ...ولاراح تعوضنا عن حنانها
فيصل :ادري ياقلبي ...والله ادري ....بس الميت مايجوز له الا الرحمه
....:الله يرحمهم ...الله يرحمهم
فيصل :هاه سحوره وين عمي ابي اسلم عليه
سحر :طلع بعد ماقمر انفجرت على ابوي من الصياح وقالت له ليش خبيت عنى
فيصل :وش رد علها
سحر :قال انه مايبي تكرهون جدكم
فيصل :ياالله ابوك مافيه مثله ومثل طيب اصله
سحر :ادري
فيصل :قلبي ياالله نمشي للبيت
سحر :طيب بروح اجيب عباتي
فيصل ابتسم :ياالله روحي
سحر راحت تاخذعبايتها وعيونها متفخه من كثر البكي
جت ترررررركض وضمت سحر وتبكي ...تبكي ...تبكي هاذا هو الحنان اللي تركته بسبب صديقاتها لأنهم كانو يقولون اخت المجنونه حتى وهي تحبها وتموت فيها كانت
تخفي هذا الحب وتقسي عليها
سحر :قمر وشفيك
قمر تبكي :سامحيني ياسحر.... سامحيني ...ادري اني ضايقتك كثير ...بس والله العظيم اني احبك ...وانتي اختي الغالي حتى لو بينت عكس كل هذا .....سامحيني
ياسحر..... سامحيني
سحر ابتسمت ودموعها نزلت ومسحت على شعرها :مسامحتك ياقمرمن قبل ماتقولين
قمر نزلت دموع الفرح وضمت سحر اكثر
فيصل من تحت :سحر ياالله
سحر :قمر حبيبتي بكره بجي ...(باستها مع خدها ومشت )
ــــــــــــــ ــــــــــــــ ـــــــــــ
....:شجون
شجون :نعم شهوده
شهد :تركي يبيك عند الباب
شجون كشرت :وش يبي
شهد تهز كتوفها بمعنى مدري
شجون قامت خذت عبايتها وطلعت
شجون :نعم تركي
تركي منزل راسه :السلام عليكم
شجون :وعليكم السلام
تركي :شجون انا ابي اكلمك في موضوع
شجون :تركي ...انا من متى انا اتكلم معك
تركي :ادري ياشجون بس الموضع يخصك وانا لازم اكلمك
شجون بضجر :قول
تركي"" ياويلك مني ياوليد لو انها عصبت ....اوففف وش اللي خلاني اوافق :شجون انا ...انا اعتبرك وحده من خواتي ما اعتبرك اخت صديقي (ياويلي عز الله مقتلي على يدها )وانـــ
شجون بضجر :المهم
تركي :انا ودي اعرف انتي ليه ما ...ماتـــزو
شجون بعصبيه :تركي وانت وش عليك ان شاء الله امي ابوي اخواني ...ولا واحد فيهم ...انت صح بحسبه واحد من اخواني بس ما اسمح لك تدخل فيني هذي امور خاصه ماتدخل فيها
تركي حس باالفشيله : .........لارد
شجون :انا ما اسمح لأين كان يدخل في خصوصياتي
(وتمشي وتتركه )
تركي :ياالله كله منك يا وليدوه هين اوريك
الوليد من وراه :هاه وش صار
تركي فز مرتاع :يمه
الوليد :لايبه ...اقولك وش صار
تركي بعصبيه :يعني وش صار هزئتني ودخلت وبسبتك انت
الوليد :الا منهي اللي خطبتاها
تركي ابتسم :قمر
الوليد :من جدك
تركي :لا من كذبي
الوليد :تركي عن الهبال قول من خطبت
تركي :جنى بنت ابو فهد
الوليد :احلف
تركي :والله العظيم
الوليد :ااااه وانا وش حظي كل اخويياي تزوجو واللي بيتزوج
تركي ببتسامه شريره :عندي لك خطه بس انت اللي بتسويها مو انا
الوليد :وش موافق
تركي :ترى في مخاطرات
الوليد :عادي اهم شي انها توافق علي
تركي :خلاص في زواج زياد
الوليد :لاااا عاد
تركي :وجع ولود بكره الزواج وش هاالخبصه كلها عليه
الوليد :ياخي احبها ....احبهــــــــا ...(يعلي صوته لدرجه ان البنات سمعوه) ياناس انا احبــــــــهـــــــــــا احـــــــبــــــــهــــــــا
تركي :قول من هي
الوليد :اذا تزوجتها بقول من هي
تركي يبتسم :والله انك خواف ....وبعد واثق انك بتتزوجها
الوليد :بأذن الله الواحد الأحد اني بتزوجها
تركي: الله يوفقك ياخوي
الوليد :الله يسمع منك يـــــارب
ــــــــــــــ ــــــــــــــ ـــــــ
ادخل من غرفه لغرفه اتفحص كان شي ناقص
...:زيود خلاص اذبحت مو ناقص شي ان شاء الله كل شي كامل
زياد :اكدتي على الكوافير مالي خلق امرمر واخر شئ مـــ
...:لاتخاف بكره الظهر عندي بتجي كم وحده البنات بيجتمعون هنا بعد والفستان طلع والقاعه حجزتاها والصبابات بيجون
زياد :رهف متأكده مافي شي ناقص
رهف تبتسم :تطمن ياخوي كل شي كامل بإذن الله ....حجزت للفندق
زياد يجلس بتعب :ايه
رهف لا:زين
زياد :طلع فستانك
رهف تقوم بروعه :الا هذا نسيت امره
زياد عصب :وش نسيتي امره متى ياحظي يطلع وبكره الزواج
رهف :امس طلع بس نسيت اروح اجيبه
زياد :ياالله الله يعين ريان عليك .
رهف توردت خدوده من الخجل :ياالله بس قوم روح جب فستاني
زياد قام وهو هلكان يمشي بتعب
رهف :زياد
زياد :نعم
رهف :الله يعين شهد عليك
زياد ابتسم ناظر ساعته كانت تشير 1 الليل :مو كأن الوقت متأخر يصكون
رهف :لا اشوى ما تصك لا ما اتوقع بس عجل
زياد: طيب
طلع من البيت وركب سيارته بتعب ....اجهد نفسه كثير باالأسابيع اللي راحت
ــــــــــــــ ــــــــــــــ ــــــــــ
ركضت ...ركضت ....الحقه ...واناديه ...عجزت اركض واناديه يبتسم لي ويكمل مشيه
ناديتها ...ناديته بس مايرد علي
.....: وليــــــــــد ....وليـــــــــــد ....وليـــــــــــد
وليد التفت :انا رايح مدامك ماتبين قربي
بدى يختفي بسرعه وانا اركض بسرعه تعثرت باالأرض
وماحسيت الا اني بمكان عالي واهبط وبديت اصرخ ابي احد يساعدني
آآآآآآآآآآآآآآآآآه آآآآآآآآآآآآآآه وليــــــــد .......فيـــــــصل
قمت من النوم مرتاعه وبصوت عالي :يمــــــه
..:بسم الله عليك شجون وش فيك
شجون بكت
...:خلاص ياشجون قولي لي وش فيك
شجون :مو اول مره احلم فيه ...مو اول مره يافيصل
فيصل بهدوء:العصابه ياشجون
شجون لا يافيصل في الوليد اللي اخاف اخسره :ايه فيهم
فيصل :الله يهديك ياشجون ....قريت قرآن
شجون :ايه
فيصل :تعوذي من الشيطان ونامي
شجون : طيب
باس خدها وطلع
شجون "ياالله ياوليد متى ترحل عن احلامي وتتركني انام وتتركني انساك .....ما اقدرانساك وانا احبك و الله العظيم اني احبك بس ما اقدرت اوافق عليك من بعد ماعرفت انك تحب قمر ...
آآآآآه وقت حاجتي لك ياوليد ناديتك ومارديت على صوتي
ناديتك ماكنت جنبي ...من سافرت وانا ابيك تساعدني بس ما القاك جنبي...
وقت حاجتي ناديتك ومارديت على صوتي حتى في منامي اناديك مارديت باالعكس ابتعدت عني
ــــــــــــــ ــــــــــــــ ــــــــ
...:وشلون انتي متأكده ياشموخ
شموخ :ايه وش فيك هذا اللي قالته لي بعظمه السانها ...انتي تدرين ما اخبي عنها شي وهي بعد ماتخبي عني شي
....:لا بس شي لايصدق ...وبعدين هي وشلون عرفت ان الوليد كان يحب مادرى عنها الا انا ورهف
شموخ :لا تنسين الشباب بعضهم يدرون عنها
...:ايه انتي صادقه
شموخ :رشا موتقولين لأخوك
رشا :لا لاتخافين ماني قايله له
شموخ :رشا
رشا : بحاول مع اني ما اخبي عنه شي ...الا صح هي وش دراها
شموخ :كلمتها وحده وقالت لها ان الوليد يحب وحده ومن هاالكلام
رشا :الله يصبرك ياولود
شموخ :ويصبر اللي بتتزوجه عليه
رشا :حرام عليك ولود مافيه مثله
..:اشوه وش فيه وليد
شموخ :واااي رهيف تهبلين بينجن ريان اذا شافك
رهف حمرت خدودها :ما راح يشوفني الا باالزواج مره وحده
رشا تغمز لشموخ :عشان ينجن ويتخبل
شموخ :ويصير موقف عند الباب عشان يشوفك
رهف :ليه تحسبينه زوجك الخبل
شموخ :حررررررام عيك يوسف مو خبل
رهف :خلاص مو خبل نويف الخبل
شموخ: رحتي بملح
رشا :رهيف وجع وش شايفه زوجي تعالي (رهف تركض ورشا وراها ) تعالي
رهف :ههههههههه ما ابي
رشا :اقولك تعالي
رهف :نويييييي
ــــــــــــــ ــــــــــــــ ــــــــــ
...:الله ...الله ...ايده الحلاوه شهيد والله تهبلين بتجنني في بعض الناس
شهد :والله حلوه
...: اقولك بتجننينه بتسدحينه
شهد بخوف :شجين وجع بسم الله عليه جعل في اللي يكرهونه
شجون :ههههههه ياحبليلك ...تحبينه
شهد هزت راسه باالأيجاب
شجون :مافهمت
شهد بخجل :ايه احبه ...في وحده ماتحب زوجها
....(بصوت عالي ):احــــلـــــــــــى
شجون :فجير وجع ...استحي
فجر( تضحك بصوت عالي ):ههههههههههههاي نياله زيود
شهد احمرت خجل :كلي تبن
شجون :ماعليك منها صدق انها خبله
فجر :توك تدرين
شجون :لا وانا اختك من زمان وانا اعرفك واعرف طبعك ياالخبله
فجر :هه هه هاي ماتضحك
شجون :وانا قلت تضحك اقول بس نادي رهف خلي تشوف عروستهم
...:لاتناديني ولاانادي رهيف جت
شجون :رهف بسألك سؤال يعني معليش بجرحك ...بس اشك انك صاحيح
رهف (وجهها كان متفخه من الصياح ):ليه
شجون سكتت تذكرت شكلها في زواج فيصل (تغير الموضوع لأن رهف مو بوقته ):ابد في احد ينادي نفسه رهيف والا يقول (تناضر فجر )فجير
فجر :هه هه هاي ماتضحكين
رهف :شفتي عاد انهبلت من جلست مع فجوره ....ياالله شهوده الحين وقت الزفه
شهد :لااا خايفه
فجر :لاتخافين مو ماكلينك
شهد وعيونها ملايانه دموع
شجون :لاتخافين حنى جنبك
شهد تشجعت من كلام شجون و
نزلت تتبختر بفستانها الزاهي الملفت للأنظار على موسيقه هاديه
ومن يشوفها يصلي على النبي
ــــــــــــــ ــــــــــــــ ـــــــــــ
..:بنات شجون وين هي
....:راحت للبيت
...(جلست جنبهم ):بنات
...:وش فيك قمر
قمر: شموخ ...شجون مدري وش فيها متغيره كثير
شموخ :متغيره ...مدري ...ملاحظه شوي عليها بس من أي ناحيه
قمر: ما ادري بس اذا جيت اكلمه او تشوفني ...نضرتها ؟؟؟نضرات احتقار
شموخ :احتقار
قمر :ايه تناضرني من فوق لتحت
شموخ :يمكن من قهره من ذيك السالفه
قمر :أي سالفه
شموخ :تدرين ان وليد خطب شجون وهي رفضته
قمر :ايه ادري
شموخ :هي رفضته لأنها قالت لها وحده ان بينك وبين وليد شي
قمر :أيـــــش ؟ بيني وبينه شي
شموخ :ايه
قمر :انتي تدريني ما احب الوليد ولا اطيقه يعني ما يحتاج اقولك
شموخ : ما ادري بس هذا اللي قالته البنت لها
ــــــــــــــ ــــــــــــــ ــــــــــ
...:شجون ...شجون
شجون (لفت بطفش حفظت هاالصوت مثل اسمها وزهقت من ملاحقته خلاص تبي تنساه لكن ما اعطاها فرصه عشان تنساه وينساها )
شجون :......لارد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك