رواية غرامك كل يوم يزود ولا يعرف مدى وحدود -19
نروح لشهد وفواز في بارس
شهد:فواز ابي اروح برج ايفل
فواز:من عيوني بس برج ايفل انتي لو تبين المريخ وديتك
شهد:تسلملي
فواز:ايه نسيت اقولك ترا الفت حقهم معطل يعني لازم نرق درج
شهد:ها كل هاذا
فواز:هههههههههههههههه استهبل معك بنركب الفت مو معطل ولا شي
شهد :ههههههههه اوكي يلا
وصلو لفوق وكان المنظر خيااال
شهد:وااااااااااو مره روعه
فواز:عجبك انتي شوفي البرج الليل مره يجنن
شهد:والله
فواز:بيجبك مره بالليل
شهد:اوكي
برب لحد يرد
الحين نرجع لشخصية من زمان عنها ما ودي اقوللها بس لازم اغثكم>> نذلة
في بيت مشاعل صديقة عنود طبعا للحين على صلة مع البنات بس من بعيد يعني عن طريق رزان هي تعرفت عليها بواحد من المنتديات تقابلو وصاروا يتواصون بالمسن و مع الايام عرفت انها تقرب رهف رزان عرفت ان مشاعل معهم بالمدرسه بس ماعرفت انها صاحبت عنود !!
مشاعل تكلم رزان بالجوال
مشاعل: يا حليلها اجل بتتزوج
رزان: ايه و اخيرا
مشاعل: و انتي متى نفرح فيك
رزان : قريب ان شالله
مشاعل: وماصارت رومنسية للحين اذكر على خبري كان وييين و الرومنسية وين هي ورهف بس رهف هــ كنها
رزان : خخخ لا لسا اما رهف رومنسية بس تجيها حالات ايه على فكره سارا قالت بتعطيني بطقات اعزم بنات برسلك بطقتين يعني اذا تبين تجيبين احد من اهلك
مشاعل : اوكي ثانكس قلبو
الا وعنود تدخل>>توقيت : هااااي مين بتتزوج لا يكون انا هه امزح >> خفة دم شعولة بتتزوجين و ما عزمتيني
مشاعل بارتباك واضح: يلا حبيبتي بعدين اكمك ولا استنت على طول سكرت
رزان : وش فيها ذي يلا منها اكلم فهودي
عند مشاعل.........
مشاعل: هلا عنود ما قلتي انك جاية فاجاتيني
عنود: مو هذا المقصود الا مين كنتي تكلمين و صكيتي بسرعة
مشاعل: هاااه لا ولا احد صديقتي
عنومد: افااا يالخاينة عندك صديقة غيري
مشاعل: ااا ااا ااا >> ما عرفت ترد
عنود: شفييييييييييك
مشاعل: هاااة ولا شي بس
قاطعتها عنود: ما علينا وش اكلتو غدا
مشاعل: انتي ما تغديتي
عنود : الا بس احس اني جوعانة
مشاعل: مرة ولا شوي
عنود باستغراب: للييييييش
مشاعل: يعني اذا مرررة اجيبلك اكل اكل و اذا لا اجيبلك سناكس
عنود : لالالالالالا جيبي كل شي >> لازم تختبر جودة الطعام هع
مشاعل : اوووكي ودقت على الشغالة
عنود :الا مين كنتي تكلمين
مشاعل:بقولك كنت اكلم رزان بنت تعرف رهف انا تعرفت عليها بالمنتدى مادريت انها نفسها
عنود:قلتيلي تعرف رهف ومين زواجه زواج رهف ولا مين
مشاعل:لا زواج سارا
عنود:سارا بتتزوج ميين
مشاعل:اتوقع قالت لي ولد خالتها مدري عمتها اسمه وليد
عنود:ولييييييد ..........وعزمتك ؟!
مشاعل:ايه تقول برسلك كرتين
عنود:كويس عطيني واحد بحضر
مشاعل:بس ,,,,,
عنود:بس ايش
مشاعل :ولا شي
بعد يومين في بيت ابو نواف
ابو نواف كان عندة صفقة بدبي وسافرت معاة ام نواف >> يا كشخة هع
اما نواف و ريم فراحو عند اهل ريم غدا و مدري وش طولها و صارت عشا المهم ما كان فيه بالبيت الا سارا و الشغالات
سارا بالصاللة : يعني ضاقت ما تمطر الا اليوم كان الحين انا عند أي وحدة من البنات اففف
فجاءة وتطفي الكهرب
سارا : يوووووه هذا اللي كان ناقص
طبعا الشغالة كانت برا تجيب اشياء و دخلت بسرعة و ما صكت الباب زين طبعا هذي الشي من قبل تسكر الكهرب
نرجع لسارا
سارا : خليني اروح اسوي لي اندومي مشتهيته
وراجت المطبخ
طبعا الباب كان مفتوح وكان فيه رجال مار من قدام البيت شاف باب دخل سيدة و اول ما دخل راح الصاله وكان يحاول يفكك البلازما بالصالة
و سارا في المطبخ ومو داريه عن هوا داره شوي الا وتسمع صوت اشياء طحت
سارا : بسم الله وش ذاا لايكون الكهربة رجعت طيب ليش ما ولعت الانوار
وراحت تشوف الصوت من وين جاي الا هو من الصالة
سارا بخوف :مين انت
الحرامي :اووص ولا والله يصيرلك شي مو من صالحك
سارا طبعا حطت رجلها وهو وراها و هي مفزووووووعة و ركض ركض الى ما انحشرت في زاويه و هو صار يقرب ويبتسم ابتسامة تخوف
سارا: تصارخ : انت وش تبي وخر عني
الحرامي:قلتلك لاتصارخين
سارا :اوكي اوكي خذ اي شي بس بعد عني
الحرامي :طلعي كل الفلوس الي معك
سارا:مامعي شي
مسكها من يدها بقوه:اقولك طلعي
سارا:ااه طيب طيب خلاص
طلعت كل الي كان معها تقريبا 5000
خذها وسمع اصوات هرب بسرعه
وليد كان عند الباب جايب لها كروت الدعوة يوريها اياها و هو طاير من الوناسة ودخل للبيت سارا اول ما سمعت احد جاي اخذت الاباجورة اللي على الطاولة ووقفت يم الباب و اول ما دخل الشخص طاحت فيه ضرب ورفس و بوكسات هي ما تدري من وين جاتها القوة يمكن من الخوف المهم طاح وليد على الارض واغمى عليه جات الشغالة على الصوت و معها شمعة
الشغالة : سارا ايس في هازا صوت
سارا و كلها ثقة : هاذا حرامي في البيت بس فقعت وجهه
قربت الشغالة الشمعة من وحهه: يووووه مدام هازا مستر وليد
سارا : وشووو
ويوم ناظرت الا وجهه كله دم وحالتة صعبة
وكان الوقت قريب الفجر عللى دخلة نواف و ريم
نواف وريم داخلين مبسوطسن نواف اول ما شاف واحد طايح خاف
نواف : سارا مين ذا
سارا لازالت متنحة
نواف: سارا وقرب حيييييييييي>>> شهق ذا وليد وش سوى فيه كذا وشاله وطيران على المستشفى
اما ريم اللي لازالت مصدومة كانها فاقت و اخذت ساارا عللى جنب و قالت للشغالة تجيب لها مويه
سارا بعد ما شربت : ريم وين وليد وينه
ريم: سارا اهدي شوي نواف خذه للمستشفى
سارا قامت : مستشفى وين وين أي واحد قومي وش فيك جالسة
ريم جلستها : سارا وين نروح اقعدي و اللحين ادق على نواف
سارا : لالا ريم بروح وقامت
ريم جلستها غصب: وين تروحين اجلسي هاذاني بادق ودقت علطول رد
وما امدى ريم تقول الو الا سارا ماخذة الجوال: هاه نواف وش صار فيه طيب يتلكم وش قال يبي اجيبلة شي
نواف : سارا اهدي يانك مسوية فيه عمايل
سارا: نواف احكي هو طيب
نواف: ايه شوفيه مثل القرد قدامي يلفون راسة فلقتية
سارا : ياربي طيب يتكلم
نواف: ايه شوفيه يتكلم سارا من متى الرومنسية اخبرك تفلقين خلق الله و لا همك
سارا: هااه لا رومنسية ولا هم يحزنون بس بس المهم جاييين انتم ولا بتقعدون
نواف : لا ابجي بعد شوي يلا باي
سارا : باي
ريم : هاه بشري
سارا: يقول زين مافيه شي الحين جايين
ريم : شفتي الموضوع ما يستاهل الحفلة الي سويتيها
سارا : انسي اللي سويته ويويللك تقولين لرهف
ريم : وليش لا
سارا : منجدك ما تعرفين رهف احين تمسكها علي الما اموت و تعلم الكرة الارضيه
ريم : هه يلا انا تعبانة تبين شي انا بروح ارتاح بطني يوجعني ماذيني ذا البزر
سارا: الحين ابزر تلاقينة من الاكل انتي ووجهك مسنترة عند الثلاجة
ريم: قولي مشا الله اصلا نواف يبيني اسمن
سارا : مو خايف تجيبي ظاطور مو ولد
ريم : على تبن وطللعت
شوي الا نواف ووليد داخلين نواف دخلل وليد و قعدو بالصالة
نواف : يلا وليد ارتاح هنا الى ما يجهزولك الغرفة لازم ترتاح ما تقدر تسوق انا بروح توصي شي
وليد:لا سلامتك
نواف:الا سارا ليش سويتي كذا
سارا:اييه دخل واحد البيت وكان الكهرب طافي ولما شفته قلي اسكت بس انا صارخت ومسكني وقالي اطلع كل الفلوس ولما سمع صوت احد يدخل هرب بسرعه
وليد بخوف:سوى لك شي
سارا:لا بس خذا كل الفلوس
نواف:اهم شي ماصار لك شي
سارا:لا
نواف:انا ببلغ الشرطه بس كم اخذ
سارا:5000
وطلع نواف ما بقى الا وليد وسارا
سارا : حبيبي اسفة تعورت
وليد: احلفي تعورت شوفي يوجهي و سكت لحظة وش قلتي
سارا : متى
وليد: تو
سارا: قلت تعورت
وليد: لا قبللها
سارا : اهااا اسفة
وليد: اللي بالنص
سارا : وليييييد
وليد: تكفين خاطري اسمعها
سارا: حبيبي
وليد: اه ياقلبي مرة ثانية
سارا: حبيبي
وليد سوا حالة مغمى عليه سارا نطت صدقت
سارا : وليد فيك شي
وليد يسوي حالة مو عارف يتكلم بالقوة يطلع الحرف: ت...تنفســ....... صنااا ا ا عي
سارا : اقوووول
وليد وهوعلى نفس الحالة : ماا...أ....ف....ي ...امل
سارا وهي فيها الضحكة : لاااااا
وليد رجع طبيعي : يالله على الاقل حاوت
سارا: ههههههههه
بآآآآآكوو
طبعا مرت 3 شهور هنوف و سعود ملكو و بعدهم بشهر سارا ووليد طبعا كانوا بسوونها مع بعض بس سعود ما عرف يصبر ريم دخلت الشهر التاسع و قربت ولادتها
.................................................. .................................................. ..
اليوم عرس سارا ووليد وهنوف وسعود
وصلو المعازيم والكل مابقى على الزفه الى نص ساعه
رهف:مبرووك ياحلويين
سارا:الله يبارك فييك
رهف:سارا انتبهي تطيحين وانتي تنزلين
سارا:لا لاتخافين مارح اطيح
شهد:مبررررررررررررروك
سارا:الله يبارك فيك
شهد:وين هنوف
سارا:تلبس الفستان
رزان:مبروك سويره
سارا:سويره بعينك الا تعالي وين ريم
رزان:تقول ماقدر اطلع كل ذا الدرج بتسلم عليك لين وصلتي
دخلت هنوف
هنوف:بنات حلو شكلي
رهف:طالعه تجننين
شهد:ملاك وربي
رزان:بيخق سعود علييك
سارا:تخققين بس انا احلى يلا تشاو رايحه البس
شوي الا يرن جوال رهف
رهف:هاذي ريم وش عندها ..الو
ريم:رهف الحقي
رهف:خير ريم وش فيه
ريم:عنود هنا
رهف:هنا وين
ريم:بالعرس
رهف:اوكي انا جايه الحين
شهد:رهف وش فيه
رهف:عنود هنا
شهد:عنووود
رزان:وش جابها هاذي
هنوف:لازم تطلع قبل ماتشوفها سارا
فجأه دخلت سارا
الكل خاف انها سمعت شي
سارا:وش فيكم متنحين خقيتو علي
رهف وهي مرتبكه :ايه مره يلا انا نازله
شهد:وانا معك بعد بنزل سارا شكلك يجنن
رزان:وانا بعد وش يجلسني
سارا:وش فيهم ذول
هنوف:هاا مدري عنهم
.................................................. ........................
نروح تحت عند البنات
رهف:انا اوريها وينها
شهد:هدي مانبي نخرب العرس
رهف:اوكي بس وينها
ريم:شوفيها جايه جهتنا
التفتو البنات
رزان طلعت عيونها :مشااااااااااااااعل
شهد:وش فيك
رزان:ها ولا شي
عنود:اهلين رهف
رهف:خير انتي وش جابك ومن وين جبتي الكرت
عنود:سمعت انك تزوجتي انتي وشهد ع البركه
شهد:لو سمحتي اطلعي برا
عنود:مارح اطلع وبجلس ولا بعد بسلم على سارا
شهد مامداها تتكلم لانهم اعلنو وقت دخول هنوف
عنود مشت من عندهم
وانزفت هنوف على احلى الانغام
سلمو عليها الناس وبعدها زفو سعود
وصل سعود للكوشه و سلم على هنوف وباسها
هنوف وجهها الوان
طبعا سارا الي ماتركت اللقافه كانت تراقب الوضع من فوق
طلعو الرجال ومابقى الا سعود
ام نواف :سارا
سارا:سمي
ام نواف :يلا اجهزي
سارا:انا جاهزه وصارت تدور على نفسها :كيف شكلي
ام نواف:تجننين بس لو انك لابسه فستان طويل زي حق العروس الصدقيه
سارا:بس انا ماحب الطوال بس شكلي حلو
ام نواف :ايه
سارا لفت تشوف هنوف وسعود:يووه يماما مالحقت اشوفهم وهم يطلعون
ام نواف:يلا يلا دورك
سارا:اوكي بس خلي شهد تطلع لي فوق
شهد:انا جيت
ام نواف:الطيب عند ذكره يلا انا نازله
نزلت ام نواف وبدت زفه سارا
شهد:يلا انزلي ياحلوه
سارا:شهد خلاص مابي اتزوج كنت امزح خلاص خلاص
شهد:سارا بلا استهبال يلا امشي
سارا:قلتلك مابي
سارا:الزفه بيروح نصها
سارا:مو قلتلك مابي انزف مابي مابي اتزوج حتى خلاص
شهد دفت سارا وانفتحت الستاره :يلا امشي
سارا مشت بكل وثوق عكس ماهي تحسه
نزلت من الدرج وهي بطريقها للكوشه شافت شخص اخر شخص توقعت تشوفه شافت العنود سارا وقفت بمكانها وعنود تناضرها وتبتسم ابتسامت انتصار سارا مشت ولا كان شي صاير وكملت طريقها
مشو البنات يسلمون على سارا ومشت العنود لها
كانت تمشي وهي واثقه من نفسها
فجأه طخخخخخخخخ العنود طاحت
الكل صار يضحك لان شكلها كان يفشل
العنود وهي حدها معصبه قامت ومشت لسارا
عنود:مارح اخليك وراح تندمين
سارا:ههههههههههههههههه يمه خفت اقول اوص اوص روحي لقطي وجهك بعد الفشله هههههههههههههههههه
عنود بحمق:اوريك
ومشت وهي تعرج لان كعبها انكسر
رقصو البنات وفلوها ودخل وليد وجا وقت يطلعون
ريم:اااه
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك