رواية اسطورة الموت -17
فتح عيونه دفعه وحدة بوسط الظلام
لايكون مجرد كلام نسـوااان ؟
أو بالأصح هذا الكلام طلع من امي ؟
أنا كيف نسيت أنه أمي تكرها و ماتطيق تشوف وجها
و أكيد بأيام العـزا ماكانت تبكي
لإنها كانت مشغوله بليلى
كيف تتخلص منها و تتطردها
"دوااااكي قريب يا صالحــــــة "
% ~ $ (( deema ))$ ~ %
(($~ أسطــورة المــوت ~$))
% ~ $ (( deema ))$ ~ %
قفلت أزرار عبايتها وهي تفكر بداخلها
غريبة عمر ماكلمني ..بعد ماكلمته أم يوسف
و لا أرسل لي مسج ؟؟
أنا شاكة في عمر من الصباح..وهوا هادئ و مروق لأخر شئ
أنا شكيت و إلحين بصمت بالعشرة
أشتغل قلبها.. بغيرة الحريم
لايكون وحدة دخلت بيننا
لعبت براسه و ضحكت عليه
لايكون فوزية أو عمتي.. قررو أنهم يخطبو له وحدة؟؟
مستحييييل..عمر يهز راسه مثل الهنود و يوافق على كلامهم
ماهو عمر اللي مايمشي عن شور راسه
و ماهو عمر اللي متغير علي
أنا متأكدة أنه وحدة بحياته
شئ طبيعي أتغير علي و يعاملني ببرود و بهدوء
وإلحين ما أعترض على سفرتي
كأنه يقول جات منها ولا مني
نزلت راسها و لفت الطرحة على وجها و راحت على باب الشارع
كانت صالحة تحضن أم يوسف وهي تصيح و تودعها
خايفة إنه اللقاء مراح يجتمع مرة ثاني
بعد 25 سنه يجتمعو
وإلحين تروح عنها.. خلااااص..
أخذت رقم يوسف و ابو يوسف و تلفون البيت
ولو ودها كمان تاخذ رقم حرمت يوسف و رقم السواق و الشغاله
ماتبغى تفقدها ..
مثل مافقدت عمر و عبد الحكيم.. كلهم راحو.. ودعت لهم برحمة
و ماتبغى الزمن يبعد عن أختها القريبة من روحها
زينب واقفة معاهم و بحضنها وجدان وهي تصيح
صح حزنت أنه الحرمة الطيبة
اللي أتعودت عليها لكم يوم
راح تروح الشرقية خلاااص
كان لها تأثير قوي في البيت معاهم.. وإلحين تروح مثل النسمة
بس الحقيقة بالها مو معاهم.. ناويه تترك الدراسة
و تتفرغ لأمها
و اذا ربي سهل لهم.. و أستقدمو شغاله ..ترجع للمدرسة مرة ثاني
"أصحي زينب من أضغاث الأحلااام
مدي رجولك على قد لحافك
أي شغاله تدفعو لها راتب كل شهر 800 ريال
و انتو ظروفكم على قد حالكم "
فوزية كانت معاهم..تودع أم يوسف و تبوس راسها ببرود شديد
ماهي متلهفة عليها مثل زينب و أمها
أخر همها تفكر في الناس
ماهي أنانيه..لكنها بارده و تشوف الأمور ببساطة شديدة
جوالها رن بيدها.. غمضت عيونها و رجعت فتحتها
بعدت عنهم و راحت للحوش عند قفص الدجاج
عمر هااااااادئ ومو من عوايده
وان شاء الله دائما
أمكن ناوي يتغير بعد و فاه ابوه و خاله ؟؟؟؟؟؟
حطت الجوال بإذنها و ببرود:ألوووو
مساعد وهوا بأحدى الفنادق اللي عند المسجد النبوي :هلا فوزية أخيرا
حنيتي علي و كلمتيني بعد اربعه أيام
فوزية:كنت مشغوله ومو فاضية لك
و بعدين أنا عند أهلي و مااحب اكلم احد بالجوال كثيير
هز راسه مساعد وهوا متعود على كلامها "بالمعنى ماتحب تكلمك كثير
و هي عند أهلها..ليش على بالها إني بتغزل فيها و القي لها شعر
و قصايد ولا حاطة بدماغها اني خويها ..الله يصبرني على أم وهيب "
:طيب أم وهيب متى أن شاء الله نروح لحفر الباطن
عارفة عيالينا ماشاء الله عليهم حركيين و أخوي و مرته
مايستحملو جنان عيالنا
نزلت راسها فوزية و هي تفكر بكلامه
كلام مساعد صح.. انا لازم أرجع لعيالي أكيد سلفتي مو متحملتهم
ولا في أحد يتحمل عيالي..
طيب و امي كيف أتركها لحالها..ياليت لو تقتنع و تجي معاي
على حفر الباطن عشان احطها بعيوني و انتبه عليها
: إذا حاب تسافر الحين أعطيني خبر عشان أعبي شنطتي
و أغسل ملابس وجدان و أكويها
مساعد وهوا يقوم من السرير :أجل بعد العشاء أصلي العشاء
في المسجد النبوي و بعدها أخذك و نمسك خط السفر
فوزية وهي تدخل غرفه أمها و تشوف أمها ترتيب الغرفة
:طيب مع سلامه
قفلت الخط و شافت أمها بعد ماخلصت ترتيب تناظرها بعصبية
و تقول لها : واخيرا راحو
الضيوف عشان أفضالك يا ست فوزية
رفعت كتفها بلا مبالة :ليش ايش فيه انا سويت شئ غلط
صالحة وهي تجلس عالأرض عند سجادتها و تقول:إنتي كلك غلط على
غلط اصلا أنا الغلطانه يوم اني قلت لك تعالي بيتي
المفروض تقعدي عند زوجك و عيالك
دام ماتعرفي تتصرفي
وكلامك دبج و تفكيرك لسه جاهل
ببرود قالت فوزية.. و بداخلها محروقه
إلحين هي كلامها دبج يوم انها تدافع عن أبوها و تبرد اللي في قلبها
:طيب أنا ايش عملت علشان تهزئيني و انا واقفة
عصبت صالحة منها..هذي تبي تختبر صبري
بسبب برودها :أوووف فوزيه لا تخليني أنادي عمر و يكسر راسك
يوم اني ارسلك انتي و زينب لعند أخوانك الرجال
تقومي تفلشي حريمهم و تسويي مشااكل بين نبيل و أخوانه
أنا ربيتكم على الحقد و الكراهية
ولا ابوكي وصاكي و قلك روحي خذي حقي
لو ابوكي حي كان كسر ظهرك و اعطاكي حق الله
ليش تستقوي و تسوي انك شخصية و انتي من جنبها
اهنتي الحرمة وهي في بيتها لو أنا في مكانها كان طردتك و لادخلت
ناس قليلين ادب مايحترمو عزا ابوهم
كان الكـلام كثييير على فوزية.. وهي واقفه و تتحذف بالسبات و الصراااخ
كانت مصدومة ..و عيونها مفتوحة لأخر شئ
"إلحين أمها اللي كانت تعرف قصص سعيد و ماجد مع أبوهم
تصير بصفهم .. و تدافع عنهم ؟؟
هي ايش عملت..علشان تتهزء و تنهان
هما جرحو ابوها و أهملو في حياته
و إلحين يتبكبكو في وفـاااته
من يوم عرفت إنهم يبغو العزا عندهم
وهي تردد.." يقتل القتيل و يمشي في جنازته"
:أبوي كان في امس الحاجة لهم
يوم كان يبغاهم و يحتاجهم همـ......
صرخت صالحة و دمعتها على خدها...
محرووقه من عيالها ..هي و عبد الحكيم يربو و يربو
و بالاخيير هذي نتيجة التربيـة !! نتيجتهم ظهرت على عمر و فوزية
:هوا طلب منك تردي كرامته
هوا قالك دافعي عنه
من الأساس أنتي ايش حشرك في الموضوع بين ابوكي و اخوانك
حتى انا مرته ما أدخلت بينهم و لا حرشت ابوكي عليهم
تجي انتي اللي ماطلعتي من البيضه مسويه فيها تشفي غليل ابوكي
لو قلبك ملياااان منهم كان رحتي و كلمتيهم بأسلوب أعقل
و فهــ............
قاطعها دخول عمر وهوا يصرخ و يأشر بيده:خيير خيير ليش الصراخ
فقعتي طبله أذني و انا بحااول أنام
أشوف صوتك طلع بعد وفاه زوجك
صرخت صالحة بحده..وهي تنهي الكلام مع عمر
:عمــــــر أطلع برى وفكني من وجهك
انا عندي مكفيني مو ناقصتك بعد
عمر بحتقار :لا و الله مو أحسن تقومي و تضربيني
شوووفي هي انتي انا سكت لك و تركتك براحتك في يوم العزا
وقلت هذي مسكينة اللي عندها مكفيها
بس انتي الواحد مايقدرك و لا يحشمك
كان المفروض تحطي ليلى فوق راسك
بس لاحضتك حطيتها بجنب الطوفه و البنت سكتت ماتكلمت
أنصدمت صالحة ..هذي اللي فتحت لها بيتي
تتطلع عني كلام و بلاوي بعد
:ماشاء الله عليها قدرت تفتري علي بوفاه أبوها
عمر:هي ماااقالت.. بس لاحضت من سكوتها
وبعدين تعااالي انتي ليش ماتبيني اتزوج منها
ترى بأخذ بنت أخوكي مو من الشوارع
و هي تملى عيونك اللي مايملها إلا الترااب
و ليلى تسوى طواايفك كلهم
فوزية ببرود وهي عاكفه إيدنها
: حلو حلو عشان إذا الجماعه قالو مين البنت اللي أخترتوها لعمر
راح نقولهم أخترنا له طقاقـه
عصب عمر من استفزازها..هذي ضغطت على عرق قلبه
صفعها كـف قريب وهوا يصرخ كأنه ملدوغ
:أشووف الطقاقه مو عاجبتك ياللي معاكي شهادة المتوسطة
تخسي يا فوزية تتكلمي عنها
أنا اللي اربيكي من جديد عشان تتعلمي
كيف تقدري تاج راسك
ماحست فوزية بكلامة و صراخة.. لإنها حست انه خدها فجأة
أتورم و انتفخ لأخر شئ
مسكها من شعرها و اليد الثانيه طاح فيها ضرب عشـاوئي
هذا كله بس أتكلمت فيها.. أجل لو غلطت أو أحتقرتها ايش يصير فيها
صالحة بجزع و خوف..خايفة على بنتها تموت بيد أخوها
و يروح عمر في خبر كـان
مسكته بالقوة وهي تترجه:الله يخليك أتركها يا عمر
لا تقتل أختك هي ماكانت تقصد اللي تقوله
أنا أتفااهم معاها بس أنت لا تضربها بهذي الوحشية
بعييد عنهم.. كانت واقفه عند الحوش لمن شافت أمها تصرخ على فوزيه
سحبت وجدان اللي كانت على نسم واحد تبكي
عرفت سر بكاءها .. لمن غيرت لها الحفاظة
و شطفتها بالمويه الدافيه
لكن طلعت من الحمام بستعجال و قلبها على يدها
لمن سمعت صراخ عمر
"أكييييد الموضوع مايبشر
مايطمن على خيير "
جات وراها وجدان وهي تحك شعرها المبلبل بالمويه..
شالتها و دخلتها الغرفه
وهي تنشفها بالمنشفه و تلبسها ملابسها
لكن تركتها لثاني مره..وهي تفتح باب الشـااارع و دموعها مغطية وجها
و تصرخ على نبيل اللي كان واقف ينظف الونيت
:نبيـل الحق على عمر بيقتل فــــوزيه ؟؟
دخل نبيل البيت وهوا مو فاهم شئ.. سمع صرااخ و بكاااء و ضرب ؟؟!!
أكيد عمر السبب
بس ليش يضربها..الكل حزين و ماله خلق لأحد
رمى صالحة بقوه على الارض وطلع صوت اصتدام جسمها بالارض
وهوا يبعدها عن عدوته اللدوده " فوزية "
أكره أثنين بحياته لو بيده كان صوب البازوكا بدماغهم
فوزيه و صالحة
يتنرفز و يخرج من طورة إذا أستفزته فوزيه ببرودها
و بكلامها اللي ينحر الوريد
أما صالحة هي اللي توقف بسعادته..وتكون عائق له.. يبغى يتخلص منها
يحسها ممر مسدود بطريقه.. نكد و قلقل بحياته
هاجم على فوزيه وهوا يرفسها وهي ماحاااولت تدافع
عن نفسها باي حركه
لإنه كان ضربه سريع وهي ضعيفه نحيللله ماتقدر تدافع عن نفسها
غير ترفع يدها تحمي وجها
نبيل مسك يد عمر وهوا يبعده عن فوزيه و يحس
انه هو اللي ينضرب بدالها
: عمممر تعوذ من شيطان لا يكون بتقتل أختك و تيتم عيالها
انت ماااتخاف من ربك ماتحترم أمك
دفه لورى نبيل بالقوة وهوا يصرخ و يوقف قبال وجهة: أبعععد عنها
و لا تمد يدك عليها
فوزيه وهي خلف أخوها تحتمي نفسها من المتوحش
بصوتها المتقطع بوسط شهقاتها و بكاءها :لإنـ..ــه مريض قاعد يضـ..ــربني
عشان يثـ..ــبت رجـ..ــولته اللي نــ..ــاقصــ...ـــه عنــ...ــده
دف نبيل بعيد عنه..لكن نبيل مسكه بالقوة و لصقه بالجدار
وهوا يصرخ ويناظره بحده
:عمـر مالك دخل و لا تمد يدك على أخـواااتي
رنت الكلمة بإذن عمر..وهوا يناظر بنبيل اللي كـان شايل
بقلبه و محروق بداخله
نبيل من حقه يقول " لا تمد يدك على أخواتي "
لإن عمر اتبرى من المساعده و المسؤولية
و نبيل سكـت.. و مشى الموقف على خيير
و صار هوا يشيل المسؤوليه و المشاكل و هموم أخواته و امه على راسه
بس عمر يحترم أمــه و اخوته
لكن مايحترم امه و يضرب اخوته
و كمان يبغى يتـزوج بـ طقاقه
لهنـــا و جبروت و قوة و ظلم عمــر يوقف
دام إني حي و راسي يشم الهوااء
راح ألغي السلبية و الضعف من شخصيتي
عمر تماااادى كثييير .. و مامر على و فاه ابوي عدة ايام
وهوا رجع مثثثل قبل
بثقه قال.. لكن بداخله بداخل روحة غلطان
دام أنه بيحمي أخواته من بطش عمر : سمععععت هذولا اخواتي
و هما اقرب مني
لا تلمسهم و لا تناظر فيهم.. نصيحة مني أتبراهم
إذا فيييك خير و رجال قد كلمتك اتبرى اخواتك و لا تسأل عنهم ليوم الدين
صرخت صالحة و صوتها انبح.. عيالها كل واحد بيصير مجنون رسمي
هذا نبيل اللي ابوه و صاه على أخوانه
جاه يفرق بين أخوانه اللي مالهم أحد بالدنيا
:نبييييل انت مجنون و لا بعقلك
عمر أخوهم لا تقول كذا ا تفترقو على نهايه حياتي
أنتو حشاشه بطني لا تخلو الشيطان يفرق بينكم
عمر مصدوم بكلام نبيل الجديد ..ناظره بثواني و دفه بالقوة
بأقوى ماعنده.. وهوا يحط اللوم على صالحة و ياشر بأصباعه بحقد
:شففففتي عياالك الوسخين.. عياالك اللي يكرهوني و مايبوني
و انتي تدافعي عنهم و واقفه بصفهم
صوته اتحولت لبحه .. قريب من فحيح الأفعى : أما أنا مااالي أحد..
مااااالي احد حتى ليلى بتحرموني منها.. بس كله منك يا عجوووزة الناااار
ليلى بتزوجها غصب عن الكل و اللي مايعجبه يطلع برى
وقف فوزيه بتعب وهي تحمي نفسها بظهر نبيل و تصرخ بحقــد:أنت اللي
تتطلع برى هذا بيتنــا و بيت ابويه اللي أهنته و قتلته لأأخر حياته
أنت اللي تخرج برى مالك مكــان في بيت ابويه عبد الحكيم
ابويه فتح بيته و صار دار الأيتام عشان تتربى عدل
لكن اليتيم نكره و رد المعروف بخسمه كفــــوووف
أعطته نظره جامده و حارقه..أول مره تناظره بهذي النظرات
اشرت يدها للباب بهدوء :قفلـنا دار الرعـاية روح دور على ملجاء يلمك
كلمتها قويه.. ضربت في جميع أجزاء جسم عمر
وصلت للنخـــاع وهي تنخر عظـامه
أهانته.. و لمست كرامته و طحنت رجولته
أهانت أهانه قويه و طردته من بيت أبوها
كان رد عمر أنه اتحرك بمكانه.. بمنظره اللي مثل الجبل الساكن
مايهزه شئ
و طلع الشـــارع ..بدون عــــــودة !!!!
صرخت صالحة وهي تصيح.. تلاقيها من وين ولا من وين
عبد الحكــيم مات و ترك العيال يتقاتلو ببعض
كل واحد نسي أمه اللي كانت تصيح و هي تترجاهم انهم يسكتو و يهدوء
لكن الكل ملغــى أمه من الغرفة
راحت فوزيه لغرفتها وهي تصيح من كل قلبها
تعبت من عمر و من ضربه
أتصلت على مساعد و بين شهقــــاتها : مسساااااعد تعااال بسررررعه
تعااال خذني من عندهم
بدون رجعه..
% ~ $ (( deema ))$ ~ %
(($~ أسطــورة المــوت ~$))
% ~ $ (( deema ))$ ~ %
( الجزء التــــــــــاسع )
مازالت ثورة البركان عائمة
تقذف نيرانها على كل من يلقي حتفه
إذا كانت مستشفى المجانين اللي بطائف قريبه من عندهم
كانت صالحة مرميه في أحد الاسرة من زمان
وهي تلاقي حتفها من الجنون
بسبب عيالها ..اللي ضيعو عقلها .. و صارت مالها كلمة على احد
الساعه 5 صباح .. ..
أنصدمت صالحة من كلام أخر العنقود لها
كانت مثل البلسم على قلبها
و إلحين تشوفها تحط كتبها و شنطتها و دفاترها بكيس زباله
و بهدوء :مالي حاجة أكمل دراستي
إنتي أهم من مستقبلي يا يمة
أنخرست صالحة وهي تناظرها تحط أغراضها المدرسة في الكيس
بعد ماقررت من عندها و لا شاورت أحد
:كيف إني أهم من مستقبلك يا زينب
هذي دراستك كيف تتركيها و انتي ماخلصتي المتوسطة حتى
عارفة زينب أنه أمها ماتقدر تكسر كلمتها
لإن نفسيتها منكسره جدااا
مو مثل قبل لمن تقول كلمتها تمشي غصب عن الكل
:هذا كلامي و قلته و بعدين أنا تعبت من الخط الطويل
إنتي ماتخافي أنه جمل يعترض طريقنا و يصير فينا حادث
و خصوصا أنه الطريق كله أحجار و مطبات
و بعدين المدرسه طلباتها كثثيره
خصوصا التربية الفنيه و الخياطة كل شوي يبغو حاجات كثيره
و نحنا ظروفنا الله يعلم فيها
و انا ماودي بالدراسه
بتعب نزلت راسها صالحة .. كلامها صح في صح
بس مو عذر تترك دراستها وهي بصف أول متوسط
بقي لها 6 سنوات لقدام
بحده قالت وهي تفتح علبه الخياطة عشان تبدء تخيط
قمصان و جلبيات بسيطة
:زيييينب حطي عقلللك براسك قبل لا يجي نبيل و يرجع عقلك
ماااعندي بنااات يتركو دراستهم علشاان النوم و السهر
أتربعت زينب في الأرض وحطت المنديل قبالها وهي تقص أظافيرها الطويله
:يمه أنا فضلت أترك الدراسه علشان أهتم فيكي
إنتي تحتاجي أحد يهتم فيكي و يرعاكي
و يهتم بشؤون البيت كله..وانا فيني صحة و نشاط
أقدر اشيل قصر لحاله مو بس بيت شعبي
صالحة :دراستك و ترجعي لها.. كلمة و قلتها ماعندي بنات يتركو دراستهم
وبعدين قالولك عجوزة و لا مقعده حتى أحتاج مساعدة منكم
أعطتها الأبرة و الخيط الأسود :ألظمي الخيط بسرعه
حتى عيوني تعبت بسببكم
زينب تترك اللي بيدها و تلضم الأبره و تقول بضجر شديد : و ايش معنى
فوزيه لمن خليتيها تترك دراستـ......
صالحة وهي تنهي كلامها لإن ماعندها شده تشد في الكلام مع زينب
:عشان جاها نصيبها .. ولو جاه نصيبك ترى بزوجك و تروحي بيت
زوجك ماعندي بنات يجلسو عندي و الخطااب يدقو الباب
دخل نبيل البيت و بيده المقاضي و بصوت جمهوري :السـلااام عليكم
يا أهل البيــت
صالحـة وهي تأشر لها عشان تتحرك من مكانها :قومي خذي الأغراض
من عند أخوكي و اتركي عنكي الهبال و الجنان
برطمت زينب وهي تعطي لأمها الأبره و طلعت من الغرفه وهي تاخذ
الأكياس من الأرض و تدخلها المطبخ
دخل نبيل الغرفة عند أمها و كانت تحااول تخيط في القماش
باس راسها و بحنان قال:يمه الله يهديكي ماتخافي على أصباعك
إنك تتعوري
رفعت صالحة وجها و قالت و عيونها مليانه دموع: طيب ايش أسوي
ثياب عمر مقطعه ولازم أخيطها من جديد
نبيل وهوا يشيل الأبره من يدها:مايخالف من بكره إذا ربي أعطانا عمر
راح نروح المدينة عشان نكشف عالعيونك و نطلعلك نظارات
أول مادخلت زينب الغرفه قال لها نبيل:حبيبتي ممكن تروحي برى
رفعت حاجب زينب و قالت:و ليش أن شاء الله أطلع
صالحة بصراخ :مو أحسن تحطي يدك بخصري و ترفعي صوتك على أخوكي
الكبير ..عيب عليكي الحركااات من متى تجادلي اللي أكبر منك
فتحت عيونها على أخر شئ
مصدومه من كلااام أمها
أجتمعت الدموع بعيونها و بضعف قالت
:و انا ايش قلت عشان تخاصميني
أنا بس سـألته و قلت لـ...
قاطعتها صالحة و قالت:و لا تسأليه إذا الكبير قال كلمه
تسمعيها بدون نقاااش
نحنا لمن كنا بعمركم لمن الكبار يتكلمو والله فمنا مايتحرك
و انتو يا عيال الجيل بس نقول كلمه
إلا تردو علينا بعشره كلماااات
نبيل بهدوء..مو شايف أنه زينب غلطانه ابدا
أمكن طريقه أسلوبها الغلط
:أتعوذي من شيطان..إنتي ليش معصبه من البنت
هي ماقالت شئ غلط ؟
صالحة وهي تصفق و بستهزاء تقول : ماشاء الله عليكم
كلكم الصح و أنا الغلط راكبني من راسي
لرجولي و أختك الغلط مايجي لطريقها و خصوصا إنها مقرره تترك مدرستها
بصدمـة قال نبيــل وهوا يلتفت لزينب :تترك الـــدراسه
ليش يازينب ليش ؟ و من متى هذا الكـلام ؟
أنهارت زينب في الأرض وهي تصيح
أستغرب نبيل وهوا يأشر لها و يقول:إيش فيها بنتك ؟
صالحة :قاعده تدلع على قلبك
منزلة دموع التماسيح عشان توافق على كلامها
المهم وين عمر لايكون مايبي يدخل البيت؟
نبيل بتنهيده وهوا يتجنب نظراتها
اليل كله يحـااول و يقنع فيه .. حتى باس راسه و هوا بعتذر عشان يرجع
لهم ..لاكن عمر كان مصر على كلامه لإن المسأله مسأله كرامـه
مستحييل يرجع عشان فوزيه تتشمت فيه :والله حاولت فيه بس هوا حالف
أنه مايحط رجوله على عتبه الباب
قامت صالحة من مكانها وهي تلبس عبايتها و بحزن تقول
:الله يهديها فوزيه راحت على بيتها بعد ماعملت فجـوة
بيـ.....
نبيل قاطعها و قلبه مليان شوي.. عتبان على امه
وده يسألها و يلاقي الأجابه.. ولا الشك يقطع قلبه
:امي بسألك انتي مع معانا و لا مع عمر
صالحة بعتاب تناظره.. حتى نبيل مخه أتلحس : ايش الكلام اللي تقوله
يا نبيل هذا وصية ابوك و انت ماحللتها
هذا أخوك الكبير و لا تفرقوه بينكم
تراكم كلكم عيالي اللي جبتكم من بطن وحده
و انا طواال حياتي مافضلت أحد على الثاني
تجو انتو و تعملـوه اللي ماعملـوه الكفار ببعضهم
نبيل وهوا يفتكر أحداث أمس
ماصدقو أنه ام يوسف و ليلى يرحو.. إلا يرجعو مثل قبل :
و الله كانت لحضه غضب
الواحد لمن يكون زعلان مو عارف ايش يتصرف
و الشيطان أعوذ بالله منه
كان موجود بيننا
و بعدين لا تشيلي هم نحنا أخوان و مردنا لبعض
صالحة وهي تمسح دموعها:بعد ايش تكونو أخوان
فوزيه ماقصرت في الكلاااام
سمعته كلاام يسم البدن.. الله يسامحها يارب
حتى قبل لا تسافر طاحت على رجولي تصيح تبغاني أسامحها
و انا والله قلبي ماطـاوعني عليها
أنا مسامحتها و مستحييل أزعل على بنتي
بس حبيت أقصرها شوي حتى تعرف غلطها
أفتكرت أمس.. لمن فوزيه كانت عندها بالغرفه
خلال دقـــــــائق من سفرهـا
فوزيه وهي تبوس راس أمها:يمـه الله يخليكي سامحيني
و الله ماكان قصدي أقول لعمر كذا
بس ايش اسوي هلكني ضرب و كسر عظامي
مسـاااعد اذا شاف شكلي و سألني مين اللي ضربك؟
أقوله أخويه عمر ماقصر طاح فيني ضرب
أخلي زوجي و جماعته يتكلمون عني و يقولو
شوفوه أخـوها يضربها
صالحــة وهي صاده عنها :حـتى ولو يافوزيه هذا الكـلااام ماتقوليه لأخوكي
في وحده عاقله و تخاف ربها تقول لأخوها اللي اتربت معاه
بيتنا ماهو ملجاء ايتــــــــام ؟
هوا أكل من فلوسك أو أخذ ريال من جيبك
حتى تعايريه و تتطرديه من بيت أبوكي
فوزيه وهي بنفس صياحها و تمسك يد أمها :طيب هوا ضربني و كسر
فيني.. انتي ليش تدافعي عنه
يعجبك يعني أنه يضربنا و يكسر فينا و ماتقولي شئ
و لمن جيت بتكلم تزعلي مني
أمي خليكي منصفه و أحكمي بالعــدل
نبيــل بتنهيده كبيره و بنبره حزن وهوا يشوف امه ماتتكلم و لا ترد
و دمعتها على خدها.. مسك كتف أخته و وقفها و قال:خلاااص يا فوزيه
مايصير إلحين تتكلمي و القلوب متخبطة ببعضها
روحي على بيتك و ان شاء الله كل شئ يصير خيير
فوزيه وهي توقف و تمسح دموعها
وتوجهه كلامها لنبيل بنبره عتاب شديد
لكن بداخلها حقـد كبييير : نحنا ليش نضحك على بعض يا نبيل
شوف أمي ماتكلمت و لا فتحت فمها يوم عمر يقوم عليها
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك