رواية ما قسيت بس قسى قلبك علي -17
بــيـت طــلال
كانت قاعده دارين تقرأ قصه لساره : وبعدين طاحت البنت وطاحت الحلويات الي بيداينها
ونزلت تجمعهم وجى عمها الشرير و ...........
دخل طلال وقال بحده : دارين روحي لغرفتك بسرعه
استغربت ساره وجت بتقوم : اجلسي ابيك بموضوع مهم
جلست وعلامات الإستغراب ع وجهها جلس ع الكنبه وقال بعصبيه : المربيه التبن كانت تملي
راس دارين بكلام مو كويس انه انا الي رميت امها وانها حيه وان انا مو ابوها وان انك بتيجبين ولد
ونرميها بشارع بس انا نزلت من الدرج وسمعتها تكلم دارين
ساره باستغراب : دارين قبل شوي كانت معي
طلال لف لها : مو الحين قبل ساعتين بس جى واحد من موظفين الشركه وطريت اطلع عشان اعطيه اوراق
ساره : المربيه وش هدفها من كذا وانت وش بتسوي فيهاا
طلال بعصبيه : برميها في بلدها و الرواتب بقطعها منها وماببقي لها إلا مبلغ بسيط
ساره بحده : طلال بلا جناان سفرها وخلاص وش تقطع راتبها بعد
طلال ضرب بايده الطاوله وطاحت التحفه وانكسرت ع سيراميك : تستاهل عشان تلعب مع طلال
سكتت ساره بذعر منه ومن حالته الي تدهور من فتره لفتره وجناان تصرفاته
...
بــيــت ابــو الــجازي
رمـى نفسـه ع كنبه وهو يمسك راسه بعد ماقفل جواله دخلت ام الجازي وهي تطق بالعلك ولابسه عباتها
المطرزه بالذهبي ورفعت حاجب : وراك يابو الجازي انقلب مزاجك فجأه
صرخ ابو الجازي : بنتك !!
جلست ام الجازي وطلعت من شنطتها الذهبيه الكبيره من dior طلعت جوالها
قام وقف ابو الجازي واخذ جوالها ورماه بالأرض بقوه وقال : بنتك مخطوفه ياهانم وانتي ولا همك
اصلن شلون يهمك وانتي موب داريه عنها تطلع وتدخل متى ماتبي صحيح انا كمان كنت مهملها بس
ع اقل انا بشركه اشتغل موب زيك بالبيت ولا اعرف وين بنتي
ام الجازي ببكى : شتقول بنتي مخطوفه انت تمزح صح
ابو الجازي : توه الي خاطفها مكلمني ومهددني اني لو اكلم الشرطه بيقتلها
ام الجازي بشهاق : كذاب هو كذاب شلون تصدقه
ابو الجازي رمى لها الجوال بحضنها : ادخلي الاستديو الصور بسرعه
رفعت الجوال برجفه وهي تبكي دخلت للاستديو الصور شافت صورة بنتها مربوطه بكرسي
رمت الجوال تبكي بقوه منهاره من الوضع : لاااا بنتي لااا خلني اكلمها تكفى
ابو الجازي بصوت عالي : انا ماسمعت صوتها عشان تسمعين صوتها انتي ويلا ذلفي
ام الجازي ببكي : لااا يابو الجازي تكفى لااا
ابو الجازي فك ازارير ثوبه : ولا كلمه مابي اسمع صوتك ذلفي لللغرفه ان طلعتي منها لا والله لاطلقك
طلعت بآلم بحسره بندم فتحت الباب ورمت نفسها ع الأرض بانهيار تبكي استمترت ساعات وهي تبكي
لين هدت شوي وهي تسمع صوت الآذان الي كانت تصلي بس ماتخشع بصلاتها ماخذ الصلاه عاده
موب عباده توجهت للحمام توضي وتصلي ولأول مره تخشع بصلاته جلست تبكي تعلن توبتها
جلست تدعي لبنتها بالحفظ
...
بــالــمــول
كـانت نور هي وريم يتمشون ويشترون لهم ملابس التفت نور بفرحه وهي تشوف المحل
: ريم حبيبتي تعالي ندخل محل الجوالات ابي اشوف جوال تكفين
ريم : لالا وربي تعبانه مشيت كثير اليوم بسببك
نور تسبل بعيونها : عشان خاطري
ريم برفعة حاجب : اوف يلا قبل ماغير رايي
مشت نور بفرحه للمحل ودخلت هي وريم وقالت نور : لو سمحت ابي اشوف آخر جوال بنوكيا نزل
لف يتأكد من الصوت وقال : عندك مواصفات محدده ولا تبين اخر شيء نزل
رفعت راسها نور وشهقت " يما نفس صوت الحقير ليكون الحرامي ونفس عيونه "
قربت لها ريم : نور علامك الرجال يكلمك
ناظر البايع بعيون نور وعرفها كيف مايعرف العيون الي آسرته
لمت الأكياس نور وسحبت ريم من يدها وريم مذهوله من تصرفات صديقتها ولما طلعوا وقفت ريم
: عيب عليك الرجال يكلمك وطنشينه
نور شوي وتصيح : تكفين خلنا نمشي بسرعه
ريم : ماني ماشيه و تقولين وش فيك
التفت نور لخروجه من المحل وهو يتأملها بنظرات غريبه مافهمتها
نور : تكفين بليز نمشي بسرعه الله يخليك
ريم : اوكي ثواني بصرف بطاقة امي وارجع
نور : لا لا بعدين
ريم : لا الحين يلا انا بروح خلك مع الأغراض و مشت ريم وتركت نور مع الأكياس الكثيره
ونور كان ودها تقتل ريم ع حركتها قرب منها وهمس لها : عيب نطنش الي اكبر منا
لفت نور وقالت بصوت شبه عالي : وعيب نسرق من بيوت خلق الله
التفوا الناس بسبب جملة نور قام هو يرقعها مسك يدها وقال : وش رايك نجيب اللعبه هذيك لولدنا
نور خافت من نظرات الناس والهيئه : ايه حلوه منها يلعب ويتعلم
لفوا الناس والهيئه كملت مشيها وهي مرتعبه كانت بتروح وطي فكت يدها منه وهي تقول
: بلا حراكات حقيره
واستغربت انه ضحك بصوت عالي عشان يقهرها وراح وجت ريم
وهي مبتسمه : سوري تأخرت بس الصرافه علقت
نور وهي مفوره : يلا لمي اغراضك اوف ما بغيتي تجي
...
بـيـت ابـو مـحمـد
قـاعده ع نت تقرأ موضوع والتفت لدخول ماجد : هلا وش فيك مبوز ؟
ماجد : ابوي كارفني صب قهوه صب شاهي له ولمديره
شهقت منال وتركت لاب توب : مديره هينا
ماجد : ايه تخيلي قال له مديره ابي القرب منكم بس ابوي طردني من المجلس
منال بخوف بدت تعرق : اها تيب ماجد اطلع
ماجد برفعة حاجب : ليه ؟؟ وش عندك ماتبيني اشوفه
منال بصوت عالي : قلت لك اطلع بسرعه بناام يلاا اوف منك وخذ الاب توب معك اعطه محمد
وسحبته من يده وطلعته بره وقفلت الباب وهي تفكر وش قصد سعود من القرب وليه جاي ؟!
...
عـند الــجـازي
دخل يشوفها وقدرت تنطق بعد فتره : ليه جبتني هنا وليه مااقدر اتكلم ولا احرك يديني الا الحين
ناظرها وضحك بقوه : لاني معطيك ابره شلل مؤقت وجبتك هنا حتى اعلمك اشياء اهلك ماعلموك اياه
وفك يدينها وقال : والحين ذلفي سوي لي أكل
الجازي بعصبيه : مابسوي لك شيء اصلن انت مجنون
اخذ السكينه وحطها ع رقبته وجرحه جرح بسيط بس صب منه دم : شوفي صور ريما مابوصلها لناصر
واصلن ماركبتها واحرقتها ع طول وانتي هنا خدامه عندي فاهمه ويلا سوي لي اكل ولا والله لأذبحك
بعدت منه برعب ومسحت دموعها : بس انا ماعرف اسوي شيء
منصور : اعلمك !!
الجازي بعد خصل طاحت ع وجهها : منصور انا مابضر احد بس اتركني والله مااضر احد
منصور ضحك : لا ياحبيبي بتجلسين عندي اقصد عند رجولي
الجازي : منصور انا احبك
منصور رفع حاجب : لاتحاولي عارفه خباثتك
الجازي : بس انت تحبني
لف منصور : ان غمضت عيوني وفتحتها وانتي هينا مو بالمطبخ ياويلك
الجازي : وين المبطخ ؟؟
وقف منصور : تعالي وراي واني لعبتي بذيلك والله لأذبحك فاهمه
مشت الجازي وهي تتحلط وتكش عليه لف منصور ونزلت يدها تلعب بشعرها وقال بحده
: ع المطبخ يلا
توجهت للمطبخ وهي موصله حدها دخل وراها وقال : شوفي ابيك تسوي لي بيض مبدئين
تاخذين الزيت وتحطينه بـ ................. وكمل شرحه
وجلست تسوي مثل مايقول وجلست تحرك البيض وهو ع نار ولفت بتسأله و كان قريب منها
وكانت انفاسهم الحاره تحكي لهم الواقع اشاحت براسها وهو ابتعد واخذ سكين وجلس ع كرسي
وهي جلست تسرق نظراته لشباك تبي تشوف هي وين بس جى سكر الشباك وهي فورت منه
جلست تخلط البيض بسرعه من القهر و طار البيض وصار بكل مكان وقفت وهي مذعوره
قرب منها منصور وشدها من شعرها وطاحت عند رجوله وبصوت عالي : احنا ندفع فلوس للبيض
ياماما والمبطخ يتنظف الحين فاهمه
وطلع وهي وقفت تبكي جلست تفتح الدروج بس مالقيت ولا سكين رمت نفسها ع الأرض تنظف
وهب تفكر شلون تطلع من عنده
...
ـالتـكمـله عن مـآ قريب
...
حـنـيـن آشـتـيـاق
تـكملة البآرت الـثـآمن عـشر
بـيـت ابـو تـركي
دخلت ريم ونور الغرفه وقفلت نور الباب ورمت عباتها بالأرض وريم صارخت عليها بقوه
: لمي عباتك من الأرض يادوبه يالخايسه
نور بوزت : تيب اوف منك
ريم باستغراب وبنفس الوقت ابتسامة مكر : اعترفي تعرفين البايع حق محل الجوالات
ارتبكت نور : لا ماعرفه اصلن من وين اعرفه
ريم : نور انتي صديقتي من ايام الطفوله والمراهقه والآن خخ بس قولي لي انا عارفتك زين
نور : اوعديني مهما صار ماتقولي لأي أحد حتى لو اهلي
ريم : اوكي اوعدك بس قولي اخلصي ابي اشوف الزبده ؟؟
نور : قبل يومين كنت لوحدي بالبيت العب بلايستيشن وسمعت صوت رحت للمطبخ وشفت باب الخارجي مفتوح
قفلته وبعدين رحت لم الدرج ولفيت وإلا اشوف ذالك الحرامي عاد هو شافني لما طيحت الفازه بالغلط وركضت
لغرفتي وركض وراي ومامداني اقفل الباب واخذ سلسالي الي فيه حرفي وحرفك واخذ اسوار وسلاسل قديمه من
وانا صغيره وطلع بس هددني مافتح فمي لأحد والحرامي هو البايع بحذافيره والدليل الصوت يوم طلعتي كلمني
ريم : واو قصه دراميه ولا مسلسل تركي يالمجنونه خبري اهلك والله ليرجع مره وثانيه وثالثه قسم انك خبله
...
شــقـة ولـيـد
كانت جالسه بصاله تتفرج ع مسلسل خفضت الصوت ع صوت باب الشقه نزلت الريموت ع طاوله وتوجهت
للباب رفعت نفسه بخفه وناظرت بالعين السحريه شافت عمر رتبت ملابسها بيدها بسرعه وشعرها وفتحت الباب
دخل عمر بطوله ورزته بالشماغ والعقال والثوب قفلت الباب بخفه ولفت لعمر ومدت يدها وسلم عليها وقبل راسها
وابتسم بهدوء وقال : الحين لا عد توصفين لاأحد مكان ماغير الف لف بذا الشوارع حتى اني دخت
ابتمست له بحب و مدت يدها لتلامس يده : لا تستهزئ فيني سامع ههه يلا خلنا ندخل جواى بلا هالوقفه
رد لها الإبتسامه وقال بكل تردد كان فيه : مهاوي وليد هينا صح .؟؟
هزت راسها بنفي وبابتسامه حلوه : لا موب هينا طلع قبل شوي يقول عند شغله
دخلت لصاله ودخل معها عمر وقالت له : تفضل عمر بروح اجيب لك شيء تشربه
دخلت المطبخ وتوجهت لثلاجه طلعت عصير برتقال مسويته من الصبح صبته بكوبين وحطتهم بصحن تقديم
وطلعت لصاله قدمت لعمر بعدها نزلته والتفت لعمر الي كان يقرأ جريدة : عمر ابي اعرف سبب السفره ؟
التفت لها ونزل راسه : ابي اهرب من هينا ابي ابتعد عنكم احس بشفقه عليك احس بالآلم ع اهلي احس بسبب
لكم مشاكل وراى مشاكل هذا انا كل ما قلت بعقل طشت مره ثانيه انا مابي وليد يقسى عليك بسببي فاهمه علي
جلست ع نفس الكنبه الي جالس فيها رفعت راسه بأنامله : انت اخطيت بس مو طول عمرك بتضل تهرب انت
مصيرك تزوج تنجب عيال مصيرك تتوظف بشركه زينه مصيرك يصير لك بيت خاص الهروب ماعمره صار حل
عمر : بس انا اذنبت ذنب مايغتفر
مها : استغفر ربك ربي رحمن رحيم بعباده وش هالكلام الي تقوله هذا قنوط من رحمة الله
عمر : بس قلوب البشر تغفر زلات كذا
مها : اذا رب العباد غفر ليه مانغفر احنا بس قلوب البشر لازم تصبر عليها شوي انت آلمت بعض القلوب
عمر نزل راسه ومسك بيدينه : عارف وربي عارف بس احس الذنب ماسكني من راسي لساسي
مها : عمر لا تجلس تأنب نفسك كثير لانك بتتعب نفسك وبتدهور حالتك ولا أحد داري عنك خل املك بالله كبير
عمر : ونعم بالله وسفرتي منها تغير جواى واخذ دورات واكمل الماجستير خلني اشغل نفسي بشيء
مها : حلو حبيبي تفكيرك صح بس انتبه لحالك وانتبه مين ترافق هيناك و تذكر ربي معك وبالحفظ والصون
...
بــيـت ابـو الجـازي
تنهد و قفل جواله وذبه ع كنبه وطلع لغرفته دخل وقفل الباب وراه بقوه التفت ام الجازي الي كانت تقرأ القرآن
ابو الجازي : الي خطفها مايبي لا فلوس ولاهم يحزنون
ام الجازي : الشرطه لازم تدخل بالموضوع يمكن يقدرون يطلعون البنت من عنده مادري عندهم
ابو الجازي : هو مهددني اني ما أتصل ع الشرطه أبداً وان اتصلت رآح يقتلها
ام الجازي : موب داري إن كنت بلغت عليه أو لا صدقني
ابو الجازي : يام الجازي مابي اخاطر ببنتي ع اساس ان الشرطه يمكن تطلعها سليمه من السالفه
ام الجازي : انت لك علاقات سيئه لأحد ؟؟
ابو الجازي : وش دخل موضوع خطف الجازي بذا الموضوع تستهبلي انتي ولا ؟؟
ام الجازي : يمكن الي خاطفها حاقد عليك ومايبي يسوي فيها شيء بس يبي يخوفك ؟؟
هز راسه برفض : والله ما أدري الناس صارت هالأيام تحقد ع بعض
...
بــيــت ام ســعـود
ركب خيله المفضله وجلس يركض بالخيل ولمح الخدامه معها كيس كانت تمده لأحد العاملين بالقصر توجه لهم
وقال بصوت جمهوري : جيبي الكيس بسرعه ؟؟
الخدامه بارتباك : بابا هادا كيس حق ملابس اطفال مال انا هو في روح ودي اندنوسيا
سعود بصراخ عم الحديقه وجوا الحرس بسرعه : قلت جيبي الكيس ماتفهمين انتي هاا تبين افهمك
اعطته بكل تردد وخوف من الحرس والكلاب الي مجتمعين فتحه بسرعه و رفع راسه الي الإحمرار كان يكسوه
سعود بغضب : هذا بلوزتي وهذه ساعتي وهذا جوال من جوالاتي وش جابها لأطفالك تحسبيني غبي
العامل بذعر : انا مالي دخل والله انا مافي اعرف ايش هي يبغى
سعود : خذوه واحبسوه بأحد الغرف الي بره وان اكتشفت انه هرب والله لأذبحك فاهم
لف للخدامه الي طاحت عند رجوله : بابا انا في هوب اينتا هادا هو يعرف ساحر يسوي سحر عشان مال انت
هوب أنا والله اني هوب انتا انا مابي ارجع اندونسيا زوج انا مافي كويس
سعود : مين قال انك بترجعين اصلن لي شغل معك بعدين خذوها واحبسوها بغرفه ثانيه واتصلوا ع الشرطه
...
شــقـه نـوآف
دخل وقفل باب الشقه بقوه وهو يغني قابل بندر بطريق ابتسم له بحلاوه وقال : اخبارك ياعم ؟؟
بندر اشاح بوجه واخذ مخدته وتوجه للغرفه : عال العال
مشى لصاله ورمى نفسه ع كنبه التفت له عادل : وين يابو الشباب سلم
التفت له نواف : واصل حدي بلا من حل جوال طفشت بصراحه مواعيد الشغل اكثر من جلوسي بالبيت
ضحك عادل وقام : بروح اكلم حبي سوسو
ضربه نواف بالمخده : رح اردح وتعال !! ابيك بموضوع ؟؟
دخل سالم : مرحبا شباب
التفت نواف له : اهلين تو مانورت الشقه واسفرت
وطلع تركهم بالصاله وتوجه للغرفه وقال بصوت عالي يقهر عادل الي يكلم : يلا بره ابي انوم
عصب عادل وطلع وهو يتوعد نواف انه ينتقم منه ضحك بصوت عالي و فسخ تي شرت حقه
وبنطلونه ولبس سروال بيجاما ازرق ودخل جواى سرير وتغطى وغمض عيونه وصارخ بصوت عالي
: خفضوا صوت التليفزون يامال الوجع ابي انووم
( شقه نواف ::
بندر : عمره 27 سنه ابيض سمين شوي عيونه بني شعره اسود وناعم
عادل : عمره 25 سنه حنطي البشره نحيف شعره اشقر عيونه ناعسه لونها عسلي فاتح
سالم : عمره 26 سنه قمحي البشره عيونه حاده لونها بني مايل للون الأسود شعره اسود لتحت اذونه
نوآف : عمره 27 سنه برونزي البشره عيونه رمادي غامق شعره اسود ناعم كثيف لحد اكتافه شفايفه حاده
( .. هما اصدقاء نواف طبعا صاحب الشقه عادل وسالم عيال عم وسالم هو يصير صديق نواف
اما بندر فهو صديق نواف بالدراسه .. )
...
عـنـد الــجـازي
توجهت لصاله وماشافت منصور بس شافت التليفزون مفتوح ع فلم رعب قربت تشوفه وحست بايد
تلامس ظهرها صارخت ولفت و شافت منصور ضمته تبكي وانصطدم منها جلست تشاهق وتقول : انا سويت لك
بيض ورتبت المطبخ اهئ كل شيء خلصته اهئ ابي اروح لأهلي والله اسمع كلامك
ضحك بصوت عالي بعدما بعد عنها ومسح دموعها : مافي بتقعدين هينا لين احسك تعلمتي
صارخت بصوت عالي : اصلن انت حقير وواطي
قاطعها بكف وشدها من شعرها له مسك ذقنها وصارخ بوجهها : حدك يابنت ابوك لأعلمك منهو منصور
طاحت ع أرض تبكي انحنى ومسكها من يدها بقوه وقامت من الآلم ومشى فيها لوحده من الغرف و رماها فيها
وقفل الباب بقوه وتوجه لصاله وهي جالسه تون من الآلم
...
شــقــة سـلـطـآن
كانت جالسه بصاله التتف لدخول سلطان وكان معه كيس استغربت منه اقترب منها وجلس جنبها وناظرها
بكل حب قال : جبت شوية اغراض لأبننا
رفعت راسها وبابتسامه عذبه قالت : يي باقي مشوار لين يجي
ابتسم و طلع من الكيس بدله صفراء وبعدها طلع بدله خضراء وفتح الكيس وطلع العاب ورفع راسه وقال
: السرير بيركبونه بكره اخترت نفس لون الغرفه
ضمته ريناده بقوه : احبك سلطان وربي احبك انا حياتي بدونك مابيها ابي اظل بحضنك طول
ضمها اكثر سلطان وقال : حبيبتي ان شاء الله ماحد يفرقنا انا وانتي والكتكوت الي ببطنك
...
بــيـت ابـو نــاصر
جلست تصب الشاهي لام ناصر وجلست جنبها وام ناصر مبتسمه ابتسامه تقدير واحترام ردت لها نفس الإبتسامه
وقالت : خالتي اليوم اخوي بيجي ياخذني اروح لعندهم وامي ملزمه علي انك تروحين انتي وعمي معي وماحد
عند اهلي ماغير احنا بس ومنها تغيرين جواى وانا مكلمه ناصر وناصر وافق
ام ناصر : لا يابنتي خلك تاخذين راحتك مع اهلك وتسولفين معهم وتسانسي معهم
ريما : خالتي شهالكلام انتي بعد امي وابي تكونين معي
ام ناصر : تسلمين مره ثانيه يابعد قلبي
ريما : اجل بقعد هنا اذا مابتروحين معي
ام ناصر : لا خلاص بروح معك انتي لك مده مارحتي عندهم اكيد شتاقوا لك
...
بــيـت ابـو مــحمـد
كانت جالسه تسوي ماسك ترطيب ع وجهها بالخيار طلعت بعدما حطته وشافت ماجد الي نقز اول ماشافه
ماجد : يماااه وش ذاا امسحيه ويع بسرعه
شوق كشت عليه : وربي قايله انك خكري بس ماحد صدقني مانيب ماسحته عناد و يالثور هذا ماسك
ماجد رز صدره : انا مانيب خكري انا رجال
شوق تجاريه زي الأطفال : اوه رجال بعد كبير واو ماشاء الله
نزلت من الدرج وماجد مفور منها قابلت محمد الي اشاح بوجه وحط طرف الشماغ غ خشمه : اف وش ذا الريحه
شوق بدلع حطت يدها ع خصرها : ياربي وش دراكم يارجاجيل بذا الأشياء
كملت مشيها للمطبخ الي الشغاله لصقت باخر المطبخ من ريحة الماسك باست يدها شوق : الحمدلله والشكر وش
فيكم انهبلتوا كله ماسك مابوه شيء غريب
دخلت ام محمد ورجعت طلعت : اف يابنت روحي غرفتك او غسليه
شوق فورت منهم طلعت لغرفة منال الي اول مادخلت جلست تكح بقوه قفلت الباب وتوحهت لغرفتها
وهي ماده بوزها قفلت الباب بقوه ووقفت عند المرايه تتأمل نفسها بالماسك
...
بـيـت طــلال
تسحبت من حضن طلال بخفه وجت بتقوم بس سحبها لفت و بحياء كانت رافعه اللحاف مغطي نص وجهها
: طلال ابي اروح الحماام
ناظرها طلال بعدما بعد اللحاف عن وجهها : ضروري حبيبي
ساره : ايه حبيبي بسرعه وارجع
طلال : اوكي روحي حياتي
قامت ساره ترتب قميصها إلي لفوق الركبه وتوجهت للحمام بسرعه ضحك طلال طلعت بعد فتره
وتوجهت للسرير و مسك يدها طلال وشدها لحضنه وغمض عيونه وهي جلست تفكر لين ماغلبها النوم
...
نــهـــآيــة الـــبــآرت
...
حـنـيـن اشـتـيــآآق
الــبــآرت الــتــآسـع عــشر
بــآلمـستـشفـى
طلعت الدكتوره وشافت ناصر الي فز يوم شافها وقال لها : ها بشري وش فيها زوجتي ؟
ناظرته بتفحص وقالت : هي بخير هي و الجنين بخير بس وعكه صحيه بسيطه
تجاهل نظراتها المتفحصه وقال : وينها هي واقدر اشوفها ؟!
رفعت راسها وهي تناظر ساعتها : لااا تعال بكره لانها تعبانه وما بتستحمل اذا طبعاً خايف عليها وع صحتهاا
ناصر بمحاوله اخيره : شوي من بعيد اشوفها
الدكتوره : لا يعني لا اوكي بكره تعال عشان الجنين تحت مراقبه لا صار فيه توعك مثل امس وكذا
ناصر بآسى : مشكوره دكتوره تسلمين تعبتك معي
ومشى وهي تبتسم بخبث وطلع من الطوارئ وركب سيارته ومشى لبيتهم وهو مايبي يبي يرجع يقعد عندهآآ
نادت الدكتوره منهال احد الممرضات وقالت لها : ............................................... !!
الممرضه صرخت بفزعه : بس لازم موافقة الاب هذه مسؤليه
صرخت الدكتوره مناهل : والله لاأخلي ابوي يفصلك وعاد اصرفي ع نفسك انتي واهلك ياحقيره ابيها تجهز الحين
وتوجهت الدكتوره لغرفة ريما و فتحت الباب وهي ترسم الملامح البريئه ع وجهها قالت : شلونك الحين ؟!
ريما بتعب غمضت عيونها : بخير وين زوجي ؟!
الدكتوره مناهل : اهو قالي عنده شغل بكره ويمكن يجي بكره ماعرف زي كذا
ريما : مستحيل هو يسويها وينه فيه ؟!
الدكتوره مناهل : عادي حبيبتي انا اعالج مريضه زوجها رماها مثل حالتك وماجاها الا بعد فتره اووه اقصد تركها
ريما بحده : اوكي ياليت ماشوف احد
الدكتوره منهال : اوعدك ماتشوفين احد اوعدك ، واطلقت ضحكه رنت بالغرفه وطلعت وريما شاكه بالدكتوره
...
فــي بـيت ابـو مـحـمـد
نزلت الدرج بسرعه وهي رافعه عباتها بيد واليد الثاني رافعه شنطتها وصلت تحت وهي تاخذ نفس وبعدين
فتحت الباب ومشت لسيارة محمد فتحت الباب وقبل ماتركب صرخ عليه محمد : اوف تأخرتي تراى وراي
موعد لا عد تطلعين معي
جلست وقفلت الباب وتنهدت : محمد لا تطلع عصبيتك فيني اوف خلاص اسفه ما بعودها وتدري
ابوي مستحيل يوصلني
ضرب الدركسون بإيده : اسكتي ولا لا أخليك تروحين مشي للمدرسه فهمتي كلامي زين ولا أعيده يا حبيبتي
سكتت شوق مالها خلق تسوي هواش معه وبعد صمت قالت وهي تناظره بطرف عين : فهمت حبيبي
لف لها وناظرها بهدوء بعدين قال : الحين وش تسمين ذا ؟ تتمسخرين ع كلامي هاا ؟ قولي تراني سمعت الي قلتيه
شوق بملل : اسفه وربي اسفه ما بتأخر ولا بتمسخر ع كلامك بس تكفى ارحمني
لف لها محمد وضحك بسخريه : ايه كذا تصيرين مؤدبه واوصلك
شوق لفت له بتردد قالت : ابوي ياامحمد ابوي
لف لها محمد ورفع حاجب : وش فيه ابوي ؟ مافيه شيء !!
شوق : مافيه شيء وهو كل ماله تسوء حالته لازم يتعالج مايصير كذا
محمد تنهد بضيق وحب يطمنها : الحين انتي بس عشانك متوهمه انه كذا وبعدين لاتضيعين السالفه
وحرك حواجبه : شفت امتحان الفيزياء حقك خخ جبتي العيد
شهقت شوق : يما منك تكفى لاتعلم احد اخاف لا درى ابوي تسوء حالته
ضحك محمد : مابعلم بس رتبي لي غرفتي المتواضعه بيديك الناعمتين
شوق حطت يدها ع صدرها وشهقت : آالله ارتب غرفتك المتواضعه إلا قل المحيوسه والله بس برتبها وامري لله
وقف محمد وقالها بصوت مرح : يلا ع مدرستك ياطالبه وترجعين تربينها يأختي
طعلت وهي تتحلطم وقفلت الباب بقوه من القهر
...
عـنـد الـجـآزي
كانت جالسه ع سرير و ضامه رجولها لها دخل منصور وشافها قرب منها وهي رفعت راسها واستغرب انها
مابعدت
لمت شعرها ع الجهه الثاني وقالت : انتي تبي تنتقم مو مني انا ومن ابوي عشان كذا ماتبي فلوس هذاني عندك
اقتلني
جلس ع كرسي المقابل لسرير وهو يلعب بسكين الي بيده : اشوفك تعلمتي الأدب و الذوق شاطره
وقفت الجازي واقتربت من الشباك وفتحته وتطايرت خصل شعرها و طلع شكلها ملاك نفض الفكره من راسه وقال
بحده
: الحين لا فتحتي الشباك بتعرفين وين احنا فيه ارتاحي احنا بعيدين مره
لفت الجازي و ابتسمت بملل : عارفه ، وكملت بسخريه : يمكن حد يشوفني و يجي يطلعني من عندك
ابتسم لها : هذا الشباك عندك لا مر واحد خلال ستة شهور علميني
تملكها الخوف لفت له : يعني بقعد معك فتره طويله
منصور تكتف وقال : لا صرتي شاطره وتسمعين كل كلمه اقولها ذاك الوقت بطلعك
جلست الجازي ع طرف السرير ومعطيته ظهرها : وش اسوي تبيني خدامه عندك والله حرام عليك
منصور بسخريه : حرام انا انفصل وانا ماسويت شيء حرام امي تموت بسبب ماعندي فلوس اعالجها حرام
تروحين
تخربين اعراض الناس وتدمرين بيوتهم حرام تتبرجين وكل يوم مع واحد انا هينا بربيك فاهمه وبعدها برجعك
لأهلك
لفت له منصور : والله مالي ذنب بانفصالك من الشركه ولا بعالج امك ، كملت بعدما نزلت راسها وامتلت الدموع
بعيونها
: انا غلطت كثير والسبب دلع اهلي الزايد انا كنت احب ناصر من الطفوله ومتأمله انه بيتزوجني فكنت ابيه لي انا و بس
رفع راسها بيدها وقال : لو حبيتي واحد و تزوجتيه وصرتي حامل منه تجي وحده تخرب بيتكم حطي نفسك مكانها
اشاحت بوجهها عنه وابتسمت بين دموعها : انا وربي تبت بس الظاهر بطول عندك
طلع بعدما ضحك بسخريه وهي ماتت قهر طيحت الفازه الي ع الطاوله بقهر وانكسرت وجرحت يدها دخل منصور
وشافها تتألم والدموع تسيل ع خدودها كانت طفله رغم انايتها حقارتها اخذ الاسعافات الاوليه ومسك يدها الي
بسرعه
حطت يدها الناعمه ع صدره : تكفى لا تسوي له شيء يعورني مره الله يخليك بعد
رفع منصور راسه ومسح دموعها وقال : لازم اشوفه ولا بيتلوث ويمكن تموتين
بعدت يدها من ع صدره : خله يتلوث ابي اموت اصلاً كرهت حياتي كلها
مسك معصمها بتملك وهي تتألم وبعدها ارخت يدها بيده وبدى يحط المعقم ويمسح الجرح بعدما وقف الدم ولفها
لها
ورفع راسه شاف بلوزها كلها دم وقف وفتح دولابه واعطاها قميص لونه بحري : تفضلي البسي ذا وانا بلم
الفازه
اخذته منه وتوجهت للحمام فسخت بلوزتها لبست القميص الواسع بنسبه لجسمه وعضلات صدره
...
بـ طــيـآره الإخـلاء الـطـبي
آقترب من سريرها وشافها قايمه بكل تعب قالت : تبعت و انا منسدحه بسرير قلت لك مالي علاج
حط اصبعه ع فمها : حبيبتي إلا لك علاج مين قالك هذا الكلام بس انتي لا تيأسين لا يأس مع الحياه ياقلبي
رفع يده وجلس بالكرسي الي بجنبها : الحين ساعه ونوصل اصبري حياتي عارف انه تعبتي بس وربي كله
عشانك
كحت بألم و اخذت منديل و حطت ع فمها وتغرف بالدم وهو خاف نادى الدكتور وجى فحصها وقال
: لا دا طبيعي مع العالج ، ورفع راسه واشر لفيصل يبعد من عندها بعدين قرب له وهو يرتب اغراضه وقال بهمس
: بتحتئاج العلاج بسرعه ولا حالتها بتسوء آوي
فيصل تنهد بضيقه : اوكي انا بروح اجلس جنبها عشان ماتشك بالوضع وتسوء حالتها
اقترب منها وهو مبتسم : لا الوجه منور اليوم ، وطبع قبله ع جبينها وقال : فديتك حبيتي نامي لك ساعه
ابتسمت وهي تعرف انه يجاملها ايه يجاملها عشان ماتسوء حالتها وهي سيئه غمضت عيونها
وهي ترسم أحلام و أماني تبي تحققها لو عاشت بعد العمليه تبي تجيب طفل وتبي تحسن علاقتها بأبوها الي
ماهتم بأمرها
وتبي وتبي ولكن سرعان ماداعب النوم عيونها المرسوم بدقه شافها نايمه وابتسم واخذ بطانيه وغطاها وجلس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك