رواية لطفاً ورفقاً بي يازماني -11
قالت سحر : عزوز من صدقك ..!
التفت لها وقلت بقهر : ايه يعني أمزح ..! بعدين ليش تسألين ..؟
قالت وهي تتنهد : طيب قول ملامحها يمكن أعرفها ..!!
قلت بضيق : ماتعرفينها لأنها مو من قرايبنا ..
قالت بسرعه : فيه عندنا الـ .. والـ .. من أيهم هي ..؟
عصبت : سحر اقولك ما تعرفينها ..
كشرت بوجهها وقالت : خلاص طيب ع بالي انها جت للملكة قلت بجس النبض ..
تنهدت وقلت بهدوء : ماجت .. تبين شي ..!!؟
قالت وهي للحين مكشرة : سلامتك ..
ابعدت عن الباب وأنا متضايق زياده .. وضايقت سحر بس وربي ماني فاضي لأحد .. التفت للباب الخارجي كان ودي اطلع اهرب اموت بس ما أجلس هنا .. بس ما أقدر ..
رجعت للمجلس وحاولت اشغل نفسي لذا مسكت الدله وقعدت املي الفناجيل .. كان المجلس كله ضحك وسوالف بس أنا ماقدرت اضحك .. نايف ما اشوفه ولا فواز ..
عند دلووعتي ..
حطيت الجلال ع راسي وكبرت : الله أكبر ..
حسيت بالخشوع بين يدين ربي وبعد ماسلمت .. رفعت يدي لفوق وأنا منزله راسي خجل , خوف من ربي .. أنا مدري اللي سويته برايد صح أو خطا بس حاسه بقلق .. كم مره عقلي يأنبني ع هالفعل ويقول ربك يسامح وانتي ماتسامحين ..!!
قمت وحبيت راس علي وقلبي يردد ( ربي يعافيك ويخليك لي ياسندي ) .. شلت الجلال من راسي ورتبت شعري .. ومسكت جهازي وفتحته ع المنتدى .. كتبت النك نيم وطيران ع اخر صفحه عهود ماكانت موجوده بس فيه رماح الصمت وساندري ورمش العين و اتحداهم وو بص
رحت لقسم الخواطر والشعر .. ادمنت عليه ادمان غير طبيعي
فتحته وحطيت السهم ع موضوع جديد ..
بديت أكتب وأمسح وأنا عقلي وقلبي اللي يكتبون ويعبرون وش داخلي .. بعد ماحطيت اخر نقطه .. نسقت الخط واللون ..
كتبت موضوع لهالخاطره اللي كلها خربشات حروف ليست الأ
.. واخيرآ رسى اختياري على
[ هكذا أضحى]
كتبت معاينه .. وقريت الكلمات ..
(( قلب بارد
مشاعر بارده
كيف تحولت حياتي ...!
عندما تطفو المشاعر ويسكن القلب دفا غريب ..
تحب هذا الشعور ولكن تكرهه
تحس بطعم الذه مدموج بالألم
كان هذا احساسي عندما قلت نعم ..!!
دقات القلب ترتفع
وصوت السعاده يرتفع
والغريب يخالطه الدمـــع ..!!
دمع الفرح ..!!
دمع الحزن ..!!
زقزقات طيور الصباح تسعدني
وصوت سكون اليل يدفأنـــــــي ..
حتى ..
صرخت جوارحي بألم لتقطع سكون الليل ..
نطقت بآاآاآاآاآاآاآاآاآاه
ونطقت عيناي بنزف قلبي ..
أهذا معقول ..؟!
من سلمته قلبي هو ..!!
من ربطت روحي بروحه لم يهتم .. !!!!
من قلت للعالم { نعم انا اريده } هو .. !!!!!!
أهذا الارتجاف والدمع والالم الذي أحس به هو بسبب لفظي للحبيبي { بالخائن } ..!؟!
وبعد ان اصبح صباحي يبكي لبكائي صرخ : أبتسمي ..
قهقهت بقهر : لما أبتسم ..!! فأنا أقبل على الموت ..!
همس ليلي بعد ما سمع قولي : بنيتي ربك معك ..
سكتت ولكن قلبي لم يسكت
وعندما وقف أمامي بأنكسار وقال : كذب
رد قلبي : لا تشرح .. أنا اريد فقط ان اشكرك
أشكره !؟!؟ .. نعم ..!!!!!!!
وهكذا { اضحى قلبي بارد } ))
(*&*)
كبرت الخط شوي وارسلت الموضوع .. وجلست ادور مواضيع جديده وارد عليها بعد ما مليت من المواضيع رحت اشوف صندوق المحادثه .. اخر مكتوب هو من فراشه الشوق : لا كتبت البحث وخلصت
تنهدت ودي أرجع للجامعه .. التفت لعلي لازم ادخله ع مدرسه مايصير كذا هذي أول سنة له بأول متوسط .. المفروض ما نأجل دراسته .. بوزت وأنا أتذكر انه حلف ما يدرس هالسنه .. اصلآ بقى كم شهر وتخلص المدرسه وتبدا العطله .. انتبهت لجوالي اللي يدق زفرت بضيق .. رايد وخالتي مو تاركيني وهذا الشي مسبب لي تأنيب ضمير .. لي اسبوعين ما أرد ع مكالمات خالتي ورايد .. بس اللي اتقبل مكالماتها هي ماجده هذا بعد ماحلفتها انها ماتجيب سالفه الزواج ورايد ع لسانها .. بس من بعد ما حلفتها صارت تدق وتتكلم ببرود وبعض الأحيان تسكت وما اسمع غير شهقاتها .. سكت الجوال .. وانا ما تحركت رفعت يدي للكيبورد لما شفت ان فراشه فيه وهي توها تكتب وتشرح بصندوق المحادثات عن الجامعه مع رمش العين >> ما أدري من تكون او يكون هع ..
كتبت بسرعه : كيفك فراشه ..!؟
ردت : تمام العذر ما عرفتك ..
ابتسمت وكتبت : افا نسيتيني !! ايا الخايـــ ..
كنت بكتب الخاينه بس يدي وقفت .. ما أبي انطق هالكلمه مرة ثانيه ابد ..
كملت بدون اي وجود للخيانه بكتابتي : افا نسيتيني !! يادوووووبا .. طيب أنا امم يارب تعرفيني من هالكلمه ياملا الهندري؟؟
جلست انتظرها اخر شي شفتها ترسل : دووووودي لا ما أصدق
ضحكت وكنت برد بس جاء اتحداهم وكتبت : ياااااا مشعل
انقهرت ليش يكتب..؟؟ بس طنشته وكتبت : صدقي ياعمري هاه بشري اخبارك وعلومك ..!؟
ردت : بخير انتي قولي لي أخبارك من زمااااان عنك ..!!!
رديت : بخير قلبوو اشتقت لأيامك ؟؟
رد اتحداهم : ياهوووه استحوا ع وجيهكم عمري وقلبو عيب يا ماما ..
حقرته مثل ماكنت اسوي أول مع اني انقهرت ..
شفت فراشه وهي تقول : كرهي لناس يدخلون انفسهم بشي مايخصهم ..
رديت : حلوة فراشه ياعمري ياروحي ياقلبي ..
حسيت بفرحه وأنا اشوف ان اتحداهم مارد .. احسن هذا الولد مع انه طيب وحبوب و رزين الا انه معي دايم غير احسه يكرهني دايم يحاول يتهاوش معي ..
فراشه : ههاي أقول دوودي وينك فيه الحين ..؟؟
كتبت : عند خالوو ..
فراشه : كيف النفسيه ..!!
ابتسمت وكتبت : ودي أقول عال العال بس ما أقدر ..
فراشه : يا قلبي انتي ..
كتبت : ماعليك مني هاه بشريني اخبار الجامعه والصبايا ..؟؟
فراشه : وع ووع لاتذكرين اسمها ..
ابتسمت وتوي بكتب سبقني أميرهم >> راعي الرسايل
اميرهم : السلام عليكم
ردت فراشه : وعليكم السلام
وانا كتبت : وعليكم .. أقول فراشه خوذي أميلي من حياتي لاتنسين .. !!
فراشه : اوك قلبي ..
كتبت : اشوفك بخير ..
رد أميرهم : لا وهومه بدري ..!؟
حقرته وسجلت خروجي .. بعد ماقريت رد فراشه .. ابتسمت بسخرية قال وهومه قال .. صدق مايستحي ..
رفعت جوالي اللي ماسكت وقلت بهدوء : الو
: ....
تنهدت بضيق .. ماجده لحد اللحين زعلانة مني بعد سالفة امس .. لاني صرخت فيها لما كانت بتعطيني رايد يكلمني ..
قلت بهمس : ماااجده
: ....
غمضت عيوني أمنع دموعي تطيح .. قهر .. ظلم .. خيانة .. رايد الغلطان ويزعلون علي ..! حاولت اراضيهم بس ماقدرت .. فتحت عيوني وانا أشوف علي فاتح عيونه قلت ببرود : ماجده انا مشغوله باي ..
سكرت وناظرت لعلي .. وحاولت انحت ع فمي ابتسامه .. بعدت الاب عن فخوذي وحطيته ع الطاوله وقمت متجهه له .. ابتسم لي بالم وكأنه يحاول يقول "" ما عليك منهم "" .. قلت بهدوء : صباح الخيرات .. كيفك ..؟
رد بصوته المبحوح : تمام ..
قلت وأنا اللعب بشعره : أرتحت بالنومه ...!
قال : أيوه .. أنتي نمتي ..؟
قلت : يب تبغى فطور ..!
هز راسه ينفي وقال : بس أبي ماي..
أبتسمت وقلت : من عيوني ..
أخذت مويه من الدرج اللي بجمب السرير وشربته بشويش .. لان الدكتور منبه علي انه ماياكل او يشرب بسرعه حتى الكلام والضحك لازم بشويش ..
سدحته ع السرير لانه يقول تعبان ..
بعد دقايق
طق الباب .. أخذت جلال الصلاة ورحت للباب شفت ممرضه فلبينة تدخل وهي مكشرة .. نزلت الأكل وطلعت ..
ابتسمت ذكرتني بواتي هههههاي يا أني أشتقت لها واشتقت لكشرتها ..
تنهدت بضيق وناظرت لعلي اللي مغمض جفونه بس شكله مو نايم .. آه بس شتفكر فيه !
بأمي ؟ بالرجل المسمى (أبو) ! ولا بهالعيشه ؟ بأيش ياترا !
حسيت بضيقه تكتم أنفاسي رحت بأتجاه علي وقلت بهدوء : علاوي بروح شوي تبي شي؟
هز راسه بلا ..
لبست عباتي واخذت جوالي .. وقبل لأطلع سمعت صوته القريب للهمس : لاتبعدين وانتبهي ع نفسك ..
ابتسمت وقلت : أوك .. انت ريح شوي ..
سكرت الباب ومشيت وأنا أتمنى اليوم شوية راحه بس شوي .. لفيت بالممرات بلا هدف .. وبالنهاية نزلت للقسم الأول وطلعت من المستشفى .. ناظرت السيارات والناس والشوارع .. أخذت جوالي وجلست أصور .. حتى القطوة صورتها من الطفش .. ناظرت لجوالي متنرفزه لما لقيت شي يبعد عني الطفش .. يخلص شحنه ..!!!!! ذا الجوال نذل وشكل اللي مخترعه نذل .. وقفت ومشيت بقطع الشارع .. بسوي مغامره .. مشيت خطوة ألا .....
عبدالعزيز ...
طفشت من التفكير لي يومين وأنا أفكر ..
كيف كلمها ..! كان ودي أمسك نايف وأقطعه تقطيع بس آخ ..
قمت من السرير وأنا أجر رجولي جر بأتجاه الحمام الله يكرمكم .. حاس بقهر بحقد ودي أفجر بالدنيا كلهــــــــــــــــــا ..
ضحكت بسخرية على نفسي .. منت بصاحي ياعبدالعزيز تكلم نفسك وتهوجس وهي مادرت عن هواك .. صدق مسخرة .. سكرت المويه وطلعت للمسجـــــــد ...
بعد مدة
قلت : يمه لأزم أروح .. انتي عارفه أن الوالد تعبان ومحد يمسك الشركه غيري ..
قالت أمي : طيب أجلس بس يوم ..
تنهدت بضيق .. يمه أفهميني ما أبي أجلس هنا .. أبغى أروح بعيد بعيييد بعييييييييد .. عساي أموت وارتاح ..
دخلت يدي بشعري بقهر .. وكلام مطلق وفواز بأذني
/
/
بنت راشد ال...
/
حبيبة القلب ..
/
عاشق وحده يكلمها ..
/
/
معقوله هي أعطته وجه ..! أيه أكيد السالفه كذا .. بس كيف ! كيف ؟ كيف ولد يدق عليها .. ابتسمت بسخرية .. قصدي تدق عليه ..
قالت أمي : وشفيك تبتسم أنا من جد اتكلم انا أقول لأ ...!!!!!
ناظرت أمي وقاطعتها بقهر : يمه دوري لي وحده اتزوجها يمكن ارتاح واريحكم ..
سكتت شوي بعدها قالت بعد ماميلت فمها : ايه قط كلام وبكرى بتكذبه وتقول متى قلته ..
قلت بتفكير وأنا أصلآ مومنتبه لكلام أمي : اي وحده بس مو من عايلتنا يعني من بعييييييد ..
أمي واثار الصدمه بوجهها قالت : انت تتكلم جد ..؟
تمنيت ارح ـل لع ـآلم ع ـليه الفآتح ـه تقرأ
ورفض موتي يوآجهني بوج ـه القآدم المخ ـفي
فهل شفتوا ج ـسد ميت رفض يستقبله قبرهـ
انآ هذي مع ـآنآتي واظن اللي مضى يكفي
طلعت من البيت متضايق .. كيف تسرعت كذا ؟ اووه بس ضايقت أمي .. تنهدت وركبت السيارة ودقيت ع رغد .. دقايق وجاني الرد : الوو
قلت : هلا .. كيفك؟ وكيف زوجك! هو عندك؟
قالت رغد : عزوز فيك شي قول لاتروعني ..!!!!!
تنهدت وقلت : مافيني شي بس أبغاك هاه مشغوله ..؟
قالت : لا لا ماني مشغوله .. قول .. أمر ..؟
رديت بضيق : دلع
رغد : وشفيها ..؟
قلت بضيق : تزوجت
شهقت وقالت : كيف ..؟ من قالك ..!
قلت بضيق : ولا بعد شفتها
قالت بحيرة : شفتها ..! عزوز كيف شفتـــ ..
قاطعتها : وبعد مدة تطلقت
قالت بصدمه : كيييييف ..؟ تطلقت بس هي ..
سكتت شوي بعدها قالت وكانها للحين مو فاهمه شي : وقف وقف أنت قلت لي انها .. يعني .. يووووووووه عبدالعزيز فهمني ماني فاهمه ولاحرف .. هي متى تزوجت ..؟ وشفتها ! وتطلقت ..!! طيب كيف ..؟ ماني بفاهمه ..؟؟
توي بنطق الا سمعت صوت أحد عندها .. ناظرت لساعه كانت 1 الظهر أكيد رجع ياسر من الشغل .. تنهدت وأنا أسمعها ترد ع سلامه
قالت : عزوز أكلمك بعدين ..
سكرت بدون لا أرد حاس بضيقه .. أوووووووووووووف ..
دلـ ـ ـ ـ ـ ـ ـ ـ ـع
فيك " قلب " مايعرف [ أسم الأبـوه ]
وفيني ( قلب )
لاحكوا فيك ؟
أنكسر !
قلبي رجف بقوة .. لايارب لا .. قمت بسرعه ودخلت المستشفى حسيت بخوف , بألم , بأسى .. يارب رحمتك .. مواقف أفكار كثيرة مرت ببالي ..
/
/
: يايمه أبوك خاتم المصرية لو تقوله اسجد سجد
انا : كيف يعني؟
امي : ماعليك أنتي بس انتبهي منه وأمسكي لسانك عنه
/
/
أهرب! لالا ماينفع كيف أهرب ..!! طيب أقول علي مات؟ فال الله ولافالك .. دلع وش هالتفكير! وقفت عند الاصانصير وضغطت الزر مليون مره بثانية بس .. ماقدرت أصبر أكثر .. فتحت باب الدرج وصعدت منه
/
/
: أنا ما أتشرف بوحده مثلك
/
ولا أنا يا مسمى الأبوة .. وصلت باب غرفه علي .. وأنا أحاول القط انفاسي
/
/
: باخذ علي منك
/
تنفست بقوة وأنا أقول : بأحلامك
فتحت الباب .. ووقف الزمــــــــــــــــــــــــــــن مـ ـ ـ ـ ـن حولي ..
نهايــــــــــــــــــــــــــــة الحـــلقه .. أستودعكم الله :)
دلـ ـ ـ ـ ـ ـ ـ ـ ـع
فيك " قلب " مايعرف [ أسم الأبـوه ]
وفيني ( قلب )
لاحكوا فيك ؟
أنكسر !
قلبي رجف بقوة .. لايارب لا .. قمت بسرعه ودخلت المستشفى حسيت بخوف , بألم , بأسى .. يارب رحمتك .. مواقف أفكار كثيرة مرت ببالي ..
/
/
: يايمه أبوك خاتم المصرية لو تقوله اسجد سجد
انا : كيف يعني؟
امي : ماعليك أنتي بس انتبهي منه وأمسكي لسانك عنه
/
/
أهرب! لالا ماينفع كيف أهرب ..!! طيب أقول علي مات؟ فال الله ولافالك .. دلع وش هالتفكير! وقفت عند الاصانصير وضغطت الزر مليون مره بثانية بس .. ماقدرت أصبر أكثر .. فتحت باب الدرج وصعدت منه
/
/
: أنا ما أتشرف بوحده مثلك
/
ولا أنا يا مسمى الأبوة .. وصلت باب غرفه علي .. وأنا أحاول القط انفاسي
/
/
: باخذ علي منك
/
تنفست بقوة وأنا أقول : بأحلامك
فتحت الباب .. ووقف الزمــــــــــــــــــــــــــــن مـ ـ ـ ـ ـن حولي ..
الحــــــــلــــــــــقه الـــ ع ـــاشرة
تعذبنـا
ــــــــــــــ وضاعت اعمارنا بالهجـر والحرمـان
ياكـم وياكـم تمنيـنـا حبايبـنـا
ــــــــــــــ وكم تمنوا لقانـا الأهـل والخـلاّن
الصبر طوّل وطـول الصبـر يتعبنـا
ــــــــــــــ وحقنا ضاع وأصبحنا بـلا عنـوان
((شهر موجع ممزوج بالحزن ..
شهر موجع فقدت فيه طعم الحنان ..
شهر موجع بعت فيه بالريال ..
شهر موجع من سكوت ذبح ما بداخلي من صراع ..
شهر ابكاني .. وبالأحساس بالقهر ألمني .. وبالظلم جرحني .. وعند الفرح أبعدني .. كما من الحزن قربني ..
شهر كان شقائي .. عندما أحببت شقيت .. وعندما خنت شقيت .. و عندما فكرت شقيت .. وعندما أبتسمت شقيت ..
شهر مر أردت ان ينهي معاناتي ..
ولكنه زاد من الأم معاناتي .. ))
حطيت القلم وأنا أسمعها تناديني .. الله يأخذك يابنت الــ**** .. استغفر الله يارب .. سكرت دفتري وعدلت بجامتي ونزلت من الدرج .. شفتها واقفه بأول الدرج وهي تقول بلغتها المتكسره وبصوت مليان عصبية : فين كنتي؟
رفعت حاجب وقلت ببرود : بمصر ..
قالت بقهر : أولتي أيه ..!
قلت ياملا الـهندري يالـ **** .. تثاوبت بتصنع وقلت ببرود : أخلصي علينا وش تبين ..!
قالت : اومي أغسلي الأواعي هو أنا بس اللي بشتغل ..!؟
قلت وأنا أعيد كلمتها اللي قالتها لي أول يوم بهالبيت المعفن : ده بيتي مش بيتك .. أنا اميرته وانتي بس وحده عايشه فيه لمده أوصيره(قصيرة) .. حتى ربي يفكني منك ويجي اللي يبعدك عنا ..
كملت بأستهزاء : شكلك من بياعين الكلام ولا ..؟
حمر وجهها من الغيظ .. بس طنشتها ورجعت لغرفتي وأنا اقول : أنا ماني خدامه عندك .. أنا حي الله وحده بتجلس فترة ع قلبك وتروح ..
ودخلت غرفتي وأنا أسمع جوالي يدق .. رديت بسرعه : الوو ..؟؟
: هلا والله وشحالج ؟ أخبارج يابنتي واخبار أخوج علي !
أبتسمت بفرحه وقلت بلهفه : بخييير بس مشتاقين .. وينك يا خالي ؟ أشوفك نسيتنا بسرعه ..!
رد بأستنكار : أنا !؟! لا والله بس قلت ابعد عنكم شويه حتى أجوف أذا مرتاحين ويا أبوكم ولا أيي أخذكم ..!
كان ودي أقوله تعااااال وخذنا .. أبي أنام مرتاحه وأقوم مرتاحه .. ابي أنام وأنا حاسه بأمان مو خوف لايدخل أحد من أخوان ذيك النسرة .. ابي أنام وانا أحلم وأبتسم .. مو أنام وتمر الكوابيس بأشكال والألوان .. ابي أقوم وأقول صبح الله هالوجوه الطيبه مو أقول افف يالنكد .. آه بس ..
أبتسمت وقلت : اخبار وجدوا ..؟ وسعود ..؟
رد علي بأستعجال : بخير بخير ..
وكمل بلهفه : انتي شحالج ..؟ بالله يادلع تشكين شي ..؟ محتاجه شي ..! طلبتج قولي تراني بحسبه أبوج ..
جرحتني ياخالي جرح .. جرح كبير كببببببببببير .. تكفى لاتقول بحسبه ابوك .. لاتقول انت بس قول أنا حضن الأمان اذا تبيني تعالي لي ..
جاني صوته الخايف : دلع وشفيج ..! ابوج قايل لج شي!
رديت بهدوء : لا الحمدلله مافيني الا العافية ..
غيرت السالفه وقلت : الا خالي ماودك تجي لنا ..؟
قال : مدري بجوف .. ان قدرت بيي عندج ويا العيال ونيلس حوالي يوم او جي ..
قلت بقهر : ليش يوم ! لا مايصير ..
رد : بجوف بس انتي ماعليج .. المهم اخبار حرمة أبوج وياج ويا علي ..؟
قلت وأنا أنسدح ع السرير : والله عادي ماتقرب لنا أبد ..
كملت بكذب : تسولف معي بعض الأحيان ..
تنهد وقال : ريحتيني
ابتسمت ادري ياخالي انك شايل همنا .. آه حتى وحنا ابعاد نهم ..! وكملت سوالف معاه ..
نزلت أتغدا بعد ماجتني سمر << اختي من أبوي .. نزلت وأنا أضحك ع سوالفها .. شيطونة هالبنت .. حاسه بهالأسابيع براااحه حلووة .. قولوا يارب تستمر .. أنا مابقول مابحس بضيقه الا أحس فيها من وقت لوقت .. ايه تدرون اني اللحين استفدت كثير .. تصدقون صرت أشوف ابوي!! حتى اني عرفت من طبعه الكثير .. صرت أسمع سواليفه حتى اني مرة شفته يضحك وأنصدمت انه يعرف يضحك .. بس اللي صدمني اني فيني شبه منه كثير .. وساع العيون مثله .. طول الأنف مثله .. حتى شفايفي المليانات مثله تمامآ .. طبق الأصل بس الفرق انه رجل وأنا بنت ولون البشرة طبعآ أنا أفتح هع .. أحس نفسي رجعت عشر سنوات لوراء .. وربي راااحه حلوة .. اللي منكد علي مرة أبوي شكلها طيبه وع نيتها بس أمها العجوز الشمطاء تمشيها ع كيف كيفها ..
مرات أشوف صبا << مرة أبوي .. تحاول تمسح البسمه لما تشوفني العب مع أخواني .. يالله الله يرقق قلبها علي .. اوه نسيت لأقولكم اسماء أخواني .. عندي أخوين وأخت .. " عامر عمره ١٠.. ورامي ٦ .. وسمر ٤" خخخ أكيد مستغربين كيف عامر عمره ١٠ورامي ٦ مادام أبوي متزوج من خمس سنين بس .. هههههاي لا غلط حسابي أبوي متزوجها له ١٣سنه .. شفتوا كيف !؟ .. المهم كنت دايم أقول اني مرجوجه .. وعلاوي صايع .. بس اللحين تغيرنا شويات .. صحيح الرجه زالت من عندي والابتسامه بعد .. بس العناد وطوالة اللسان زادت عندي .. أما علي مارجع زي أول .. صاير رجال جاد .. تحسونه شايل مسؤلية .. سوالفه فيها شوية مزح بس خلاص تعود ع الجد .. حتى اني بعض الأحيان أشك انه أكبر مني .. الأه والحزن والكأبه اللي دخلتها بكيفي طلعت منها بكيفي .. أحس بالراحه لأني رجعت دلع اللي اذا أحد طعنها أبتسمت بوجهه وقالت بردها لك .. ثقتي بنفسي زادت .. اووه صح نسيت لأقولكم .. مهاوي ياقلبي حامل مو مصدقه بعد هالسنين بيتحقق حلمها .. يالبيه بس .. خالتي ، ماجده ، رايد .. انقطعت اخبارهم بعد ماسكنت عند أبوي .. ايييه وجدانووه الدبات حددوا عرسها .. بتتزوج بعد ٣شهور .. بعد شوي بروح انا وياها للمجمعات عشان جهازها .. عنبوا حيها مشفوحه زواج .. لاحيا ولامستحا .. استغفر الله يارب .. اوه دريتوا عهود استقرت بالشرقية عند أبوها .. وأنا موقعي بالبحرين :)
.. بعض الأحيان افحط مع وجدان بالمجمعات .. اووه صح نسيت لأقولكم وجدان قبلوها بالشركه اللي تبيها .. وأنا دخلت دورات قص الشعر والله حلوة ..
لي فيها اسبوع .. أروح ثلاث أيام اللي هي السبت والاثنين والأربعاء ..
التفت لعامر وقلت : هاه ..؟
بعد يده عن كتفي وقال : وين رحتي !
أبتسمت وقلت : لرياض بس ماعليش نسيت لأخذك معي خخ ..
قال وهو يضحك : ههههاي المره الجاية قشيني معاكي ..
ابتسمت وسكتت .. لاتستغربون كلماته لأنه أصلآ جامع كلام .. بحريني مع مصري ، ويمكن أخذ شوي من الكلام الرياضي .. يوه يازينك يالرياض ويازين ارضك وناسك ..
التفت ع صوت فتح باب الصاله ..
شفته داخل بطوله وجلست اتأمل ملامحه .. غريب انت يا ابوي كل شي يدل ع قساوتك طولك .. حجمك .. عيونك .. انفك .. فمك الظالم .. كلك تبين القساوة .. طيب كيف تمثل الحنان مع عيالك ..؟! التفت لعلي وأنا أشوف نظراته الغامضه بأتجاه أبوي .. هل ياترى نظرتك كره ..؟ حقد ..! عتب ..؟ انكسار ..! ألم ..؟ أو أيش ..؟!
تنهدت وقمت عن السفرة ..
تمتمت : الحمد لله ..
وقلت بهدوء : دام هالسفره عليكم ربي وزاد من خيركم ..
شفت علي يقوم معاي ويقول : الحمد لله ..
أبتسمت .. وه تصدقون أحس نفسي أم لهالولد .. احسه لازعل انا السبب .. لاسكت انا السبب .. لاضحك اتمنى أكون انا السبب ..
رد لي الأبتسامه .. ومشى بأتجاهي .. وبعد ماغسلت وخلصت قلت : علاوي برتاح شوي .. بدك شي ماشي ..!
ابتسم وقال : لا أنا بطلع لهزاع << ولد الجيران ..
هزيت راسي وقلت : بس لاتتأخر ..
طلع من البيت بعد ماحرك يده
يودعني ..
دخلت وبثواني غفت عيني ..
: عبدالعزيز .. عبدالعزيز
وقفت مشي ولفيت ع وراء اشوف من ينادي .. رميت النظارات وابتسمت .. قربت له وقلت له بعد ماسلمت عليه : أخبارك خالي بو منصور ..؟
رد : بخير بشرنا عنك ..!
سولفت معاه شوي .. وحلفني اروح اتغدا معاه .. رحت معاه للبيت بعد " خذ وحط " .. وتغديت وطلعت ..
ابتسمت وقلت : لا المرة الثانية علي ..
رد : يصير خير ..
ركبت السيارة بعد ماوداعته ومشيت ..
فتحت المسجل وكانت اخر شي هي أغنية لراشد هلي لا تحرموني منه ..
دندنت معاها شوي .. وسكرتها ورديت ع جوالي : هلا ..!
: اخبارك يارجال ..؟
ابتسمت وقلت : تمام .. بشرنا عنك ؟
رد : بخير ولله الحمد .. ياخي وينك ..! شهر كامل يالظالم لا حس ولا خبر ..؟
رديت ابرر : والله الشغل لفوق راسي .. هه هذاني جاي من المطار .. كنت رايح لشرقية والله أعلم متى السفره الجايـ ..
ماكملت الأ معي خط انتظار من رياض ..
قلت : أقول فواز معاي خط مهم من الشركه سلم ع العيال ..
رد : الله يسهل .. طيب في أمان الله ..
سكرت منه ورديت ع رياض وانا اناظر ساعة السيارة : الو؟
رياض : السلام عليكم طال عمرك ..
رديت : وعليكم السلام .. هاه فيه شي جديد صاير ..؟
رد : أيه ..
غيرت طريقي ورحت بأتجاه الشركه .. بعد ماسمعت المشكله اللي صايرة .. سكرت منه وأنا متضايق .. ربي يعين ويسهل .. نزلت من السيارة ودخلت مسرع لشركه .. شفت فايز مع كم موظف قدامي .. خلاص هذا نهاية دوامهم وبيرجعون يداومون ع السبع المغرب ..
قلت : السلام عليكم ..
ردوا بكلمات مفرقه : وعليكم السلام والرحمه ..
: وعليكم .. الحمد لله ع السلامه ..
رديت بسرعه : الله يسلمكم .. وناظرت لفايز وقلت : عندك شغله ضارورية ..؟
رد بسرعه : لا طال عمرك تبغى شي ..؟
مشيت عنه وانا أقول : الحقني ع المكتب .. وقول لعدي بطريقك يكنسل كل أجتماع بهذا الأسبوع ..
والتفت عليه وقلت : وايه ابغاك تحجز لي بسرعه لجده ولو تكون الليله يكون احسن ..
وقفت عند مكتب سلطان << السكرتير الثاني .. وقلت : سلطان ابغاك تروح معاي لجده .. أذا ماتقدر .. ناد لي عدي او خليل .. فاهم ..؟
التفت لفايز اللي بدا بأتصالاته وقلت : جيب ملف فرع الشرقية وابغى جميع المشرفين ع الأقسام .. سوا اللي بالاجازه او اللي انطرد او استقال بهذي السنة .. فاهم ..
دخلت مكتبي .. وأنا أسمع صوت فايز اللي يلقي الأوامر ع الموظفين .. فتحت جهازي المكتبي .. وبحركه سريعه ابعدت الأوراق والملفات اللي تتوسط مكتبي .. و حطيت الاب مكانهم ..
سحبت سحاب الاب بسرعه وفتحته .. شفت فايز داخل ومعاه الملفات .. دخل من بعده عدي .. أعطاني فايز الملفات .. أتصلت ع فرعنا اللي بشرقية ..
السكرتير : الو ..
قلت بسرعه : حولني لرياض ..
ثواني وجاني صوت رياض : هلا طال عمرك ..؟
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك