رواية الا ياليت لي قلبين واحبه بكل قلبيني -8
جود تحط ايدها على راسها:الله انت كبيـــــــــــــــــــر
زياد:هههههههه ايه اكبر منك ب20سنــه
دق جوال ام رياد:حلومه منهي..؟!
الجوري تقمز:احلام هاتيها يمه
ام زياد:بس لاتطولين هدى تبي تدق الحين
هدى دخلت:هدى جت
قام زياد:هــــــــــــــــــــــلا والله بالغاااااليـــــــه
هدى تضحك:هلا فيك تو مانوووووووورت الرياااااض
زياد يسلم عليها:منوره بوجودك شخبارك واخبار زوجك..؟!
هدى شوي وتصيح:الحمد لله كلنا بخيــــر يسلم عليك هاا خلصت..؟!
زياد:ههههههههههههههه ايه الحمد لله خلصت دراسه كلش ابششرك
هدى:الحمد لله
زياد يقرب لها ويقول بصوت واطي:ماحملتي..؟!
هدى ابتسمت:لا ماكتب ربي بس في امل
زياد:اان شاء الله
هدى:يالله يمه نتأخر
الجوري تجي طايره:ديم ترا ابتسام مي جايه
ديم:قهــــــــر ليش.؟!
الجوري:تقول نايمه مخبطه نومها
هدى:هههههههههههههه ياحليلها هالابتسام هي أأدب وحده بالمدرسه
ديم:ياحياتي والله اشتقت لها شكلي برجع لكم
ابو زياد:ان شاء الله ماباقي الا ثالث بوديك لمدرسه الرواد
ديم:ايه انقل ابتسام معي
زياد:وش تبين تدخلين ان شاء الله
ديم:ابتسام الخبله تبي تدخل طب وانا مافي امل ادخله ابي ادخل هندسة برمجيات وبسحبها معي
زياد:ماشاءالله طموحها عالي طيب لاتخربين عليها
ديم:لا ان شاء الله بخرب عليها واقنعها
الجوري:هههههههههههههه يالله نرووووح احلام تقوول حنا رحنا
ام زياد تقوم:يالله
زياد:لا اله الا الله الله يخليكم لبعض وش شعوركم 4بنات مع بعض.؟!
الجوري:عادي احسن لك وحيد يدلعووونك ويحطوونك بعيووونهم اما حنا مااااااااالـــت
ام زياد عصبه:اقووول قدامي يالله
زياد:ههههههههههههه ياقرده
راحوا للاستراحه الا مافي الا عايلة العم وليد انبسطو سوا وبدوو يسولفون شوي وبدت الاستراحه شوي شوي تمتلي
عند الجوري واحلام
الجوري:وينه..؟!
احلام:راح يوم درا ان زياد جاء يسلم عليه
الجوري:ماشففتـــه قهر
احلام:ههههههههههههه شوفي صورته
الجوري تطالع الصوره:ووووه يجنن ماشاء الله يشبه ابتسام
احلام:كثيــــــــر تعالي امي تبي تسلم عليك
الجوري :مستحيه
احلام:عادي تعالــــــي
وصلوا عند الخاله ساره وسلمت عليها وبدت تمدح فيها
اما عند هاني فيمشي واهو ميت فيه نوم
طلع زياد وابوه ووقف قدامه هاني
:هــــــــــــلا والله وانا اقول ليش الرياااض منــــوره
زياد:هههههههههههه منوره بوجودك الغالي شلوننك شعلومك..؟
هاني بدى يسأل وش علوممه واخباره
زياد:شلون الدراسه..؟!
هاني:اابد والله سهله مره
زياد:انت باي صف
هاني ابتسم:باول متوسط رايح لثاني
زياد منصدم:اووول
هاني:ههههههههههههههه عارف انك مستغرب بس عادي
زياد:ماشاء الله تبارك الله توقعتك ثالث اول ثانوي ووووووووووووول
ابو زياد:لانه طويل يالله قرب اذان المغرب خلونا نروح للمسجد
راحوا الثلاثه للمسجد وبعد الصلاة
زياد:وين سامي..؟!
هاني:والله مادري عنه مانمنا امس وشكله نايم
زياد:حتى انت مانمت..؟!
هاني يضحك:ايه
زياد:باين فيك نوووم
هاني يقوم:ابي احتري صلاة العشاء وابي انـــــــــاام ان شاء الله
زياد:ان شاء الله
بعد 3ايام رنا ماقابلت ماجد بعد هذيك السالفه
رنا نزلت وبدت تجهز المكرونه اللي مسويتها وتحطها بالسفره وتجيب الكريمه وتحطها والباقي كله الطباخ
دخل ماجد وكان مطفــش توه جاي من الشغل وجلس بهؤ حتى ماسلم
لما انتبهت له قامت
ماجد:اجلسي
رنا واقفه ولا كلمه
ماجـ،ـد بحده:قلت لك اجلسي
جلست واهي خايفه منه وبعد فتره
رنا:قرب الغدا جاهز
ماجد:ماني جوعان
رنا:انا سويت المعكرونه والكريمه
ماجد ولا كأنها تكلمه:انتي باي سنه الحين
رنا:ماكملت الثانوي
ماجد انصدم:يعني كم عمرك..!!
رنا:17سنه ونص
ماجد:ببداية الدراسه بترجعين تداومين
رنا:لا مو راجعه
ماجد:ترا انا مو فاضي لك تعبان ومو ناقص
رنا:بس انا مابي اكمل
ماجد:ليش طيب
رنا:بس مابي اكمل
ماجد بحده:في سبب معيــــــــــن يعنـــــــــــــــي
رنا تصيح:لا واذا شافوني اهلــــــــــــي
ماجد باصرار:مو شايفينك انتي ماتبينهم..؟
رنا انتبهت للدفتر وحاولت ماتبين انه هنا:ناس مايبوني يعني وش ابي فيهم
ماجد يطق صدره:دامك عندي محد بيقدر يطلعك من هالبيت مهما كان يالله روحي وتعوذي من ابليس وهالدفتر مابي اشوفه معك سامعه
رنا تطالع دفترها:مااقدر
ماجد قام وسحبه منها بالغصب:خليه عنــدي
رنا تطالعه برجا:هذا روووحي
ماجد:اللي قلت لك عليه سوووويه ويالله اجهزي روحي للسوق اشتري شي يليق عليك مو هالملابس اوكي
رنا نزلت راسها وصاحت اكثر
ماجد بعد عنها:الدموع مابيهم
رنا:ماجـ،ـ ـد والله ماقصرت
ماجد يجلس على الكنب:من واجبي يالله اللي اقول لك
رقت رنا واهي منحرجه منه كيف شافني
ماجد:ماشاء الله تبارك الله وش هالشعر
طالع الدفتر
(قطفه من اسرار فتاه)
فتح الصفحه الاولى
رنا بنت محمد ال........
كنت من الفتاياة المدللات كانت تلبى كل حوائجي كنت بين احضان امي وابي وما اتممت السنتين الا وتوفيت والدتي تزوج ابي زوجته ومن هنا بدات المعاناه
كل يوم تدللني امام والدي وعندما يذهب تعذبني كم احرقتني بالكي وكم حلقت شعري وكم وكم وكم
احببها ابي من قلبه فكانت دوماً تمثل دور زوجتاً محترمه ذات شخصيةٍ عاليه وبعد ان بلغت السادسه من عمري لحق ابي بامي وتوفي واصبحت بين ايدي هذه الشرسه..}~
كانت كاتبه كل شي حصل لها وماجد كل صفحه يتقطع قلبه اكثر واكثر وبعد ماوصل لسالفة ناصر والبقاله وقف
:بنت الكلب كيف ماترحم هالمسكينه
سكر الدفتر وكان مره متأثر:هالقد عاشت معاناة انا لازم اعوضها يمكن ربي ارسسلني لها
دق عليها رنه وسكر
دقايق الا رنا عنده
ماجد:مو قلت بدلي
رنا سكتت:ممكن دفتري
ماجد مد لها الدفتر:اوعدك وانا عند وعدي
رنا:صعبه ماتقدر
ماجد:الا اقدر ومية اقدر ومن الحين قومي بدلي ملابسك اي شي البسي وتعالي نروح لرياض قلري اشتري اللي تبين
وسكت فجأه:رنا محمد ال...........
موانتي بمدرسة مها اختي..!
رنا نزلت راسها:الا
ماجد:مو انتي اللي اشتريت منك كل حلالك
رنا بحسره:الا انا
ماجد:والحين ماعندك ولا شي
رنا:الا عندي الفلوس بس مادري وينهم
ماجد:بالضرف اللي اعطيتيني صح
رنا:صح
ماجد:ومالك الا اللي يتصرف بحلالكـ كله
رنا:بس انا مابي حلالي
ماجد:بس انا ابيه لك
رنا:ماجد تكفى انا ماهمني الفلوووس ابي امان وبس
ماجد:هنا حسي بالامان يارنا وحلالك بيطلع على حسابي واللي تبينه عندي
رنا:حلالي حلال عليك
ماجد:انا ماناقصني شي
رنا:زيادة الخير خيرين اجلس عندك معززه مكرمه بس شرط تاخذ اجره
ماجد:انا مو من هذا النوع يارنا
رنا:اذا ماخذتهم ماراح اخذ راحتي مهما كان احس اني غريبه بس اذا اخذتهم عادي
ماجد سكت شوي وفكر فكره:طيب يالله البسي عبايتك ومن كل شي اشتري انا بالسياره استناك
رنا:ومحمد وينه..؟
ماجد:مو قلت انك اختي وانا مارضى اختي تركب مع سايق لحالها
رنا:وانا مارضى اركب معاك
ماجد يصرخ:رووحـــــــي يارنا
رنا:وانا ماني رايحه عاجبني وضعي كذا
ماجد هدا:ومتى تقتنعين انك ماناقصك شي
رنا:وللابد وانا كذا
ماجد وقف:انتي صعب التعامل معك
رنا:وانت صعب تفهمني
طلع ماجد ولا قال ولا كلمه وجلس بالحديقه:كيف تقتنع ماتفهم ماتبي تعيش سعيده
حط راسه على الكرسي:والله حياتها غريـــــبه هالانسانه واهي اغرب
دخل داخل الفله وطالع الاكل ماتحرك جلس يبي ياكل:مالي نفس اكل وينك يامها ضاقت فيني الدنيا والله لا ام ولا اب وينكم طاوعتكم قلوبكم تتركوني
رنا :قول اللهم اشرح لي صدري ويسر لي امري الواحد اذا شاف مصيبة غيره تهون مصيبته ووسع صدرك
ماجـ،ـد:روحي البسي عبايتك وتعالي
رنا:ماجد افهمني
ماجد :فاااهمك وربي فاهمك بس لازم نعيش حياتنا
رنا:انت خلك بس بحالك وانسى وغير روتينك شوي
ماجد:سعادتي بيدك
رنا:وانا وش دخلني..؟!
ماجد:انا ماضاق صدري الا لما شفتك كذا اذا انتي تطيعين كلامي كان انا انسى همومي
رنا:وانا اطيعك
ماجد:اذا طلبت منك طلب صعــــــــــــــــــب
رنا:اذا كان يسعدك احققه
ماجد:وعد
رنا بعد تردد:وعد
ماجد قام:روحي البسي عبايتك
بعد تفكيـــر
ابتسمت واخيرا:طيب شوي واجي
اول ماراحت ابتسم ماجد:والله صغيره حسبي الله على ابليس
لبست عبايتها ونزلت الا ماجد مو موجود طالعت الساعه 8 امممم يمدي ان شاء الله
طلعت برا الا ماجد بالسياره
فتحت الباب الخلفي وركبت طالع لها ماجد:شدعوه ماتبيننا لهالحد
رنا فهمت قصده بس تجيهلت:ليش
ماجد:تعالي هنا كأني سايق
رنا:بس انا مابي قدام شصفتي اركب قدام
ماجد:صفتك اختي
رنا سكتت وخافت نفس الوقت وقالت بصوت واطي:ووربي خايفه
ماجـ،ـد:رنا انا اخاف عليك اكثر من نفسي وربي اني اخاف الله وماراح اسوي فيك شي بس عشان تبعدين الشكوك تعالي هنا
نزلت رنا وركبت ولزقت للباب ابتسم ماجد:ماحنا ذيابه
رنا نزلت راسها وسكتت
ماجد:وين شنطتك..؟
رنا:ماعندي
ماجد طق البوري وانفتح الباب ومشى:بعوضك اوعدك ووعد الحر دين عليه
رنا ماعرفت كيف ترد عليه بس دنقت وسكتت
طوال الطريق هدؤ وكل واحد يفكر بايش يصير وقف ماجد:وصلنا
رنا طالعته ماتدري تنزل ولا بينزل اهو
ماجد:تخافين..؟
رنا سكتت وتطالع لرجال
ماجد:يابنت
رنا:ماجد هذا خالي
طالع له ماجد:حمــــــــــــــــــــــد خالك..!!
رنا تلف عليه:تعرفه
ماجد:هذا خالك
رنا:ايه
ماجد:طيب طار الوقت انزلي وخوذي هذي بطاقتي اللي تبين اسحبيه مو تستحيــن والرقم*************
رنا عرفت انه مو نازل اخذتها ونزلت:شكرا
اول مانزلت تحس انها خايفه ماجد طالع لها وقفت عند البوابه ولفت عليه ووقفت
ماجد:شكلها خايفه
وراحت
ماجد:لازم اروح معاها سكر سيارته وركض لعندها:ترا كذا ازعل
رنا تلف عليه:نزلت
ماجد:اذا نتي تخافين ليش ماقلتي لي
رنا سكتت
ماجد:يالله ادخلي هذا حلوو وانا بستناك هنا اوكي
رنا:اوكي
جلس اهو وجلس يطالع الرايح والجاي طالع لبسه :ههههههههههه ملابس الرياضه بعد ايه كيفها
طلع جواله ودخل انترنت وجلس يحوس وماحس الا رنا قدامه
ماجد:هاتي اكياسك
رنا:لالا
ماجد:اقول هاتي كثار وماتبي بعد
رنا اعطته البطاقه:ماحتجت لها
ماجد رفع حاجبه:ترا ازعل
رنا:ليش..!!
ماجد:مو قلت لك اسحبي منها
رنا:والله رواتبي كفتني
ماجد:رواتبك لا ماتكفي
رنا:خلاص اذا خلصو اقول لك
ماجـ،ـد:يالله اشتري عطورات بعد
رنا طالعت له بنص عين
ماجد:هههههههههههههههه شفيك..!
رنا:وليش اشتري عطورات
ماجد:البنات يحبوون العطورات هذي
رنا:بس انا مو من البنات
ماجد:افاا ليش
رنا:بس البنات عندهم اهل و
ماجد:رنا وربي لاصررررخ
رنا:خلاص خلاص
ماجـ،ـد:وعناد الا تدخلين لهالمحل
دخلت رنا ودخل معاها اتجه لعطورات الرجال واهي راحت للحريم وطالعت:ابغى النوع الجديد
بدت تدور واخذت لها تولتين
ماجد قرب لها وقال بصوت واطي:شوفي شرايك..؟
رنا حاولت تكون طبيعيه وتشمه:حلوو
ماجد:وهذا
رنا:لا هذا احلا
ماجد:ولا يهمك وانتي وش اخذتي
رنا تعطيها اياه:هذولي
ماجد:وخوذي مخلط
رنا:لا مابغى
ماجد:اقول خوذي وخوذي عطر جسم
رنا ابتسمت:طيب طيب
اخذت وراحت تحاسب
ماجد اعطاه بطاقته:حاسب
رنا:بس هذولي
ماجد:ماعليك منها كلهم
رنا طالعته:لا
ماجد:اشششش
ولما طلعو
رنا:ليش
ماجد:بكيفـــــي
رنا سكتت
وجلسو يدورون لين 12 واشترت كل شي الى درجه ان ماجد شايل عشر اكياس واهي 15كيس
ماجد:كذا تعجبيني وبكرا بعد نبي نروح
رنا:لا خلاص
ماجد:لا باقي فساتين
رنا:مصدق فساتين لايش..!
ماجد:اذا طلعتي
رنا:ووين ابي اطلع ان شاء الله
ماجد:اول شي بيوم من الايام ابي مها تشوفكـ وابي خلود زوجت صاحبي بعد وابي يصير عندك مية صديق
رنا:لا من خدامه الى
ماجد صرخ:لاتقوليـــن خداااااااااامه
رنا سكتت وخافت من جد
ماجد هدا:مابغى اسمع خدامه من بكرا ابي اقدم على خدامه لك سامعه
رنا:طيب
ماجد:ايوه كذا تعجبيني مابيك تحزنين ابد
رنا:طيب
ماجد:طيب شتبين تتعشين..؟
رنا:مابي شي
ماجد:وانا ابي
رنا:بس انا مابي
ماجد:وخري زين انتي مو راضيه تعيشين سعيده خلـكـ عادي لايهمك احد
رنا:ماقدر لاني مجرد ايام وبرجع مثل قبل واشد
ماجـ،ـد:وليش ترجعين مثل اول ومين بيرجعك..!
رنا:ماراح اتم كذا
ماجد:مادام راسي يشم الهوى انتي ضيفتي لين ربي يكتب لك الخير باذن الله انسي انك مالك اهل يارنا اعتبريني اهلك طيب
رنا:بس ليش نخفي الواقع ياماجد ليش مانقول اني بمجرد ايام وبرحل
ماجد يضرب الدركسون:مابي اسمع هالكلام خوذي هذا جوال توه نازل بدلي شريحتك فيه
رنا:مابغى
ماجد وقف على جنب فجأه:رنا لاترفعين ضغطـــــــــــــــــــــــــــي
رنا سكتت واخذته
ماجد:رنا انا الحمد لله ماناقصني شي ولا انتي اول و ولا اخر وحده اصرف عليها وعادي وبعدين انتي ماصرف عليك هذي فلوسك ولانسيت وعدنا طلبتك اوعديني ان اي شي تبينه تقولين لي رنا اوعديني
رنا:ماقدر اوعدك
ماجد:ليش انتي ميأسه من حياتك خلك واثقه وتأملي وبس فكري بفرحتكـ
رنا:لااني ماتعودت على كذا
ماجد:تعودي طيب غيري حياتك
رنا:طالع الساعه 1
ماجد:لاتغيرين الموضوع اوعديني
رنا صاحت:ماااجد انا مهما كان غريبه عندك اذا تميت اليوم يومين ثلاث سنه بالكثير وبتمل
ماجد:بس انا مأمل من احد
رنا:بس مني راح تمل
ماجد:اوعديني وانتي مقتنعه
رنا بعد صمت:اوعدك
ماجد:كذا ابغيك ودموع مابي طيـــــــــــــــــــب
رنا:طيب
ماجـ،ـد:ومدرسه بدخلك مدرسة الرواد انتي وخلود زوجة جلال قدك
رنا:ان شاء الله اوامر ثانيه
ماجد ابتسم:بس
رنا:طيب يالله توكلنا
مشى ماجد الطريق ورن تلفونه:هلا مها ايه ياحبي لها بكرا لا انتي تعالي عندي لك مفاجئه تجنن هههههههههههه طيب لا تعالي لازم اوكي باي
وصلوا البيت وطلعت رنا باغراضها اللي كثر البحر
ماجد:وقفي مو انتي تشيلينهم تغطي
طلع جواله ودق ودخل عامل
ماجد:طلع هذي الاغراض لغرفة مها
العامل:اوكي
لما راح رنا:ليش انا بشيلهم
ماجد:مالك حق تعترضين
سكتت رنا دقايق
ماجد:رنا مو بغرفتكـ نامي بغرفة مها
رنا:غرفة مها ليش..!!
ماجد:انتي مو خدامه تنامين هنا
رنا:بس غرفتي ماراح اغيرها
ماجد:مو بكيفك تغيرينها يعني تغيرينها يالله اغراضك كلها صارت هناك وعلى فكره ترا رتبوها لكـ بس باقي اغراضك الشخصيه ماودي يفتحونها
رنا:ليش تسوي كذا
ماجد:غرفة مها محد فيها وعلى ماعتقد ان لقوها نضيفه
رناايه امس نضفتها
ماجد ابتسم:ياسلام عليك حلوو واعجبتك..؟
رنا:تحفه وماستاهلها
ماجد:رفعة الاقلام انتي ماقدر اتناقش معكـ وريني عرض اكتافك الوقت متأخر ولا اشوفك قايمه الا العصر بدون قلق ولما ترقين تغطي في رجال
رقت رنا الا غرفتها كانت مجهزه واستغربت ان ستي ومعاها خدامه ينضفونها
ستي تقوم:راني
ماجد من ورى رنا:رنا مو راني
ستي تبقق عيونها:راني اجلس هنا..!!
ماجد:هذي رنــــــــــــــا اختي انا معلوم كلام انتا اي شي تبين رنا سوي اوكي
ستي بخوف وفجئه:اختي..!!
ماجد:ستي اوكي
ستي:اوكي بابا
ماجد:خلصتو
محمد طلع مادري من وين:خلاص خلص
ماجد:مشكووووووووور محمد يالله اطلعوا
الكل طلع ودخل ماجد:شوفي
فتح الا زي الصاله الصغيره وفي مكتب ومحطوط لاب توب:هذا لرنا
وبالجهه الثانيه في تلفزيون واستريو وجنبهم تلفون:وهذا بعد اغراض رنا
دخل غرفه صغيره فيها مكتب ودواليب:وهذي غرفة الملابس والمكتبه بنفس الوقت وهذا الحمام الله يكرمكـ
وفتح باب زي السحاب الا يطلع على الحديقه وفي زي الاريكه :وخلاص اي شي تبينه هذا الجرس حق الخدامات طيب
رنا دمعت عيونها:والله ماقصرت ابداً
ماجد:رجعنا لطيري ياللي
رنا سكتت:طيب اسفه
ماجد:يالله مع السلامه وطلع
رنا تطالع غرفتها ماني مصدقه كل شي متوفر هنا الله يكثر خيركـ ياماجد والله ماقصرت كفيت ووفيت
طلعت جوالها الجديد وحطته عند الاب توب ورتبت كتبها وبدت تشيل من غرفتها لغرفتها الثانيه الجديده
فتحت الدواليب الا مصففه حوستها
ــــــــــــــــــــــــــــــــــــــــــــــــــ ــــــــــــــــــــ
من بكرا صحت مها على صياح اريام
سامي يلف للجهه الثانيه:بدت حياة الشقى
مها:تعووود توك
سامي:ياربي بنتي ماترحم ابد
مها:حرام عليك دنيني هذي
سامي:ايه قولي حبيتيها اكثر من ابوها
مها تعاند:يمكن ليش لا هذي بنتي
سامي:وانا زوووجك
مها:زوجي بس بنتي غير
سامي عصب ورجع نام وحط الغطا على وجهه
مها تكتم ضحكتها:دنيني حبيبي
سامي معصب:خوذي دنينك وبرا مابي اسمع صوتها ابنام
مها:وين اروح
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك