رواية خلنا نرد روح وجسد طول العمر احباب -5
بيـــت يــد ســـاره
ساره دخلت والكل استغرب انها يايه بس اهي طوفت وسلمت عليهم كلهم واخر شي سلمت على عمها ولمته وقعدت يمه
عمها : زييين ييتي
ساره : ههههههههه لعيونك والله
عمها : انتي شطولج وتلبسين كعب ؟ لازم نوقف عالقنفه لا بغينا نسلم عليج المره اليايه
ساره طالعته وبعدها طالعت فلاتها : والله فلات هذا طولي مو ذنبي وغطت ويها بإيدها
عمها : هههههههههههههه خلاص عيل لاازم يسوون لنا كعب رجالي .. عيب بنت اخوي انا اطول منها بصبعين ؟
ساره : ههههههههههههه حلوه كعب رجالي بس شسوي هذي خلقتي
عمها طق راسها من فوق بطرف صبعه : كل يوم بطقج على راسج لين تقصرين
ساره تخصرت : حراام علييك
عمها : بلا مرادد
ساره : ههههههههههههههههه الله يخليك لنا
عمها : امين !
ساره قعدت ساعه ونص وبعدها دزت مسج حق زيون " ana al7en bslm o b6l3 jhzaay 3umrch
قعدت 5 دقايق وبعدها سلمت عليهم وطلعت بالحوش شافت عمها
عمها : وين ؟
ساره : بس بروح عند زيون مواعدتها عالعشا
عمها : اممم زين بس كل اسبوع اهني ماشي ؟
ساره : انشالله كل اسبوع بيي لعيونك بس اذا انت كنت مشغول وما ييت ما راح ايي
عمها : ماشي
ساره سلمت عليه ولمته حيل يمكن 10 دقايق بقت لامته وبعدها طلعت مع زينه ..
الـــبــــــارت الـــســـــادس عـــشـــــر ...
مر يوم الخميس واليمعه طبيعي مثله مثل باجي الايام
الـــســـــبـــــــت .............!
ساره قامت على صراخ صوت ريال ينادي حموود استغربت وقامت غسلت ويها وتوضت ولبست ثوبها وطلعت شافت محمد ولد عمتها الله يرحمها
ساره: قوه حمود شصاير شفيك تصرخ !! الله يهدييك بطيت راسي
محمد :هلا ساره
ساره :اووه منفس ليش شدعوه
محمد متوتر : امممم ساره بدلي و روحي بيت يدي
ساره : صاير شي ؟
محمد :ها لا بس روحي الكل هناك
ساره استغربت :بعدين مالي خلق البس
محمد: روحي بعبايه بدون مكياج المهم تروحين
ساره : اوكي بروح بعبايه
محمد ابتسم ونزل
ساره دخلت صلت ولبست عبايتها وشيلتها واهي مستغربه من الوضع ! دقت على حسين ما رد توقعت انه نايم دزت له مسج " ana bro7 bait ydii .. c u :*
نزلت شربت نسكافيه وبعدها طلعت راحت بيت يدها ..
اول ما وصلت استغربت من السيايير موجوده
ساره " اخااف مسوين عزيمه حتى حمود كان لابس دشداشه وييع فشله لابسه عبايه اووه يلا طاف نزلت و دخلت شافت بالصاله وايد حريم وكلهم عبي شافت مرت عمها وليد تبجي وتناديها
مرت عمها : ساره تعالي حبيبتي
ساره شافتها واهي مستغربه: خالتي صاير شي ؟؟ ترا مادري حمود قالي ايي شصاير ؟
مرت عمها : ساره الغالي راح عمج راااح وكملت بجي
ساره مو مستوعبه ليلحين طالعت عماتها وتذكرت يوم وفاه عمتها كانو بنفس هالوضع بس هالمره الناس زادو منو اللي توفى ؟؟ اللي راح شيصير لي ؟؟ قعدت تفكر بجمله مرت عمها منو اللي غالي بالنسبه لي انا وياها حاولت تركب الجمل على بعض لفت على امها
ساره : عمي وليد وينه ؟؟
امها نزلت راسها : لا حول ولا قوه الا بالله
ساره طالعت اللي بالصاله كلهم .. كلهم يبجون راحت ركض الدوانيه لقت عيال عمامها وعماتها وعمامها و رياييل عماتها .. لفت عليهم كلهم ما لقته طاحت عند ريل ابوها ومسكت ايده
ساره : يبه لا تقول انه احنا بعزا لا تقول قول انه عزيمه او اي شي لا تقول انه عزا
بوساره : ادعيله يابنيتي
ساره غمضت عيونها : انزين اللي مات مو عمي وليد صح؟؟
بوساره نزل راسه ومسح دمعته صعبه عليه !! فقد اخوه واخته بنفس الشهر !!
ساره راحت صوب حمود اخوها وحطت عينها بعينه : مو عمي وليد صح ؟؟
هم حمود سكت ما قدر يرد عليها
صرخت عليهم : احد يجاوبني هذاا عزااا منووو ؟؟؟ لا تخلوني بعماااي هذاا عزاا منو جاوبوني ؟؟
عمها الثاني : ساره استهدي بالله وكلنا بنموت هذا عزا عمج وليد الله يرحمه ويلا ياشباب خلونا نروح المقبره
الشباب قامو كلهم راحو وساره واقفه بنص الدوانيه بروحها طاحت من طولها وقعدت على ركبها .. التفتت تدور احد يقولها انها بحلم !!
ساره : لا لاا انا نايمه انا متأكده اني ناايمه قعدت مكانها فوق النص ساعه موقادره تستوعب بعدها قامت وراحت الصاله لمت نور بنت عمها وليد اختها !! ايي هذي اختها !!! لمتها حيل وبجو !!!
الكل انصدم !! اول مره يشوفون ساره تبجي !! ساره بيينهم القويه اللي تكتم عشانهم !! الحين انفجرت ؟ منواللي بيهديهم اذا اهي تحتاج من يهديها ؟؟ القويه انكسرت بوفاته ...
قعدت يم نور واثنينهم يبجون اي احد يدخل بيعزي يطالعهم وقلبه يعوره شكلهم يكسر الخاطر
ساره ماهمها منو يشوفها واهي تبجي ماهمها اذا كانت الحين ضعيفه ولا لأ !! المهم تطلع حرتها
اول يوم مر على ساره بجي x بجي ما كلت ولا شربت شي غير النسكافيه اللي شربته الصبح بليل ماقدرت تسوق فردت مع ابوها وامها ردت بسيارتها
اول ما دخلت غرفتها تسبحت وصلت ودقت على حسين واهي تبجي
حسين : ساره وينج اليوم ! سمعها واهي تبجي .. شفيييج !!
ساره تشهق وبالغصب تتكلم : حسين عمي وليد توفى ادفنوه وما خلوني اشوفه حسين ابيه لا يروح ما اقدر اكمل حياتي من غيره هذا الغالي هذا ابوي
حسين مصدوم مو قادر يقول شي : ساروه لا تبجين هذا يومه انتي خايفه ربج والبجي ما راح يفيدج وينها القويه ؟؟ مو عمج الله يرحمه كان دايما يوصيج انج تكونين قويه ؟؟ وانج ماتبجين عالميت بس تدعين له ؟ قومي غسلي ويهج وتعوذي من الشيطان وصلي ودقي علي اوكي ؟
ساره خذت نفس : اوكي باي
ساره سدته وسوت اللي حسين قالها عليه وبعدها هدت ودقت عليه نومها ومن الفير قامت وصلت وكلت لها توست وجبن مع نسكافيه وراحت بيت يدها من الـ 7 !! شافت نور ومرت عمها بس هالمره شافت عيال عمها حمنو وعزوز توهم صغار !! 11 و 13 سنه!! لمتهم وبجت معاهم وقعدت تلعب بشعرهم
حمني 13 سنه : ساروه ابوي راح اهو كان قايل لي انه اليوم بعد ما ارد من المدرسه راح يوديني اشتري كره يديده !!
عزيز: حتى انا قالي امس قبل لا يطلع انه اذا رد بيلعب معاي كره بس ما رد انزين اهو شحقه مات؟؟ شلون مايرد كا انا وانتي موجودين ليش اهو مو موجود !!
ساره قلبها تقطع عليهم:حمني انا اوديك تشتري كره وعزيز انا بلعب معاك زين ؟
عزيز :انا بلعب مع ابوي انتي لعبج خايس
ساره بجت ولمتهم حمني كان فاهم ما بجى وصدم ساره بجملته
حمني :ابوي كان كله يقولي انت الريال ومسؤول عن خواتك وانا بسوي اللي اهو يبيه وبعدين الريال مايبجي هذا اللي علمني عليه وراح مع ابو ساره حق العزا!! وكان حاب يروح العزا وراح!!
ساره مصدومه وقعدت تطالع نور اللي قاعده تبجي ولمتها وقعدت تهديها
وردت ساره نفس ما اهي !! طول النهار تهدي فيهم وترد بليل تبجي عند حسين ..!
الـــــبـــــــــارت الــــســــــابـــــــع عــــــشـــــــــر ...
خلصت اجواء العزا !! مرت 3 ايام من اظلم الايام على ســــاره
ساره بغرفتها حاطه قرآن وقاعده على فراشها وتبجي وتدعيله
ساره " رحت يالغالي !! لو كنت انك بتفارقني جان ماطلعت الخميس !! جان لمييتك لاخر نفس جان ماوخرت من حظنك حزتها !! ليش انا يارب!! تعبت والله ومو قادره اتحمل اكثر مو قادره اضحك من قلب حتى ؟؟ مو قادره اعيش حياتي وانا مبتسمه من اعماقي ؟ ليش انا صرت من النوع الثاني من البشر ! ليش انا اضحي وسعاده الناس على حسابي انا ؟ لي متى ؟؟ متى اروح وافتك من هالدنيا الوصخه !! استغفر الله استغفر الله وراحت الحمام غسلت ويها ونامت ..
مرت الايام وساره على حالها .. وضعها مع حسين ما تغير ..! يحاجيها عن حبيبته واهي تواسيه وتدوس على قلبها ! تتذكر عمها وعمتها وتبجي على فراقهم !! وكل مالها وتتعب اكثر والضغط يزيد!!
بعــــــــــــــــد فتره .. شهر 10 -2009
ساره ضايفه حسين BBM
حسين : wain ray7a !
ساره : 6al3a m3a el bnat ray7een 3al ba7r ..
حسين : k bshofch
ساره تنحت شوي : lesh !
حسين : wait
ساره : ok
حسين دق عليها
ساره راحت على جنب بعيد عن البنات وردت : الو
حسين : شلونها ؟
ساره : تمام وانت ؟
حسين : بخير الحمدلله
ساره : دوم .. وسكتت
حسين : ساره شوفي انا ابي اشوفج بصراحه وايد حجي بقولج ياه
ساره : حسين ما احب ! يعني لو صدفه يمكن عادي بس انه انا اييلك لي عندك مستحيل
حسين : ساره ما يحقلي اشوفج ؟ اسولف معاج ؟
ساره: مادري حسين
حسين : سارون بس شوي قعدي معاي لو 10 دقايق بس
ساره خذت نفس : اوكي وين ؟
حسين: انتي بأي بحر وانا اييلج
ساره : انجفا
حسين : اوكي عطيني 10 دقايق واكون هناك
ساره : اوكي
حسين : باي
ساره : باي ..
اماني : سارون فيج شي ؟
ساره طالعتها : بواعد !
اماني : واعدي
ساره : انا ما اسألج انا اقولج !
اماني : ههههههههههه حسين؟
ساره : ايي بيي بعد شوي
اماني : اوكي بتمشون على البحر ؟
ساره : مادري ما اتفقنا على هالشي
اماني ابتسمت : اوكي
ساره : شكلي زين ؟
اماني:حدج زوغه !
ساره : اعجبه ؟
اماني : وليش هامج ؟
ساره :امون سكتي انتي تدرين اني اموت فيه بس اهو مايبادلني هالشعور
اماني : امممم اوكي انشالله بيعترف لج ..
ساره : انشالله
بعد 10 دقايق حسين رد دق على ساره
ساره : الو
حسين : وينج بالضبط؟
ساره: اممم قاعدين بس انت وينك و وين بتيي بالضبط ؟
حسين : تعالي سيارتي
ساره : لا والله !
حسين : ايي والله مابي احد يشوفج !
ساره طالعت بنات خالتها اللي كانو قاعدين يسمعون معاها
البنات اشرو لها روحي
ساره : المكان فاضي نمشي عالبحر ؟
حسين : كل هالناس وفاضي ؟
ساره خذت نفس : اي صوب سيارتك ؟
حسين ابتسم : اخر شي سوده
ساره : يمين ولا يسار ؟
حسين : يسار
ساره : اوكي يايه
حسين : اوكي
ساره : باي
حسين : باي
ساره : ادعولي هاا !!
فجر : شبسوي فيج يعني ؟ تراا هذا حماي وانا واثقه فيه
ساره : لا اصلا انا واثقه فيه يلا باي
البنات : باي
ساره خذت جنطتها وراحت الصوب اللي قال عنه حسين ..
الـــبــــــارت الــــثــــامـــــن عــــشـــــر ...
ساره خذت جنطتها وراحت الصوب اللي قال عنه حسين ...
حسين " بنتين مارين من هذاك الصوب اي وحده اهي ؟ اثنينهم غير عن اللي اذكرها !!ملامحها تغيرت !! دق عليها
ساره ردت : الو
حسين ابتسم : فديت ام احمر
ساره : هههههههههه
حسين : رفعي راسي بشوفج ..
ساره : اذا ييت شوفني !
حسين : اممم اوكي دليتي السياره؟
ساره : بصراحه لأ !
حسين بطل ليتات السياره
ساره : ايي اوكي يايه
حسين صكرهم : يلا ناطرج
ساره : اوكي باي
حسين : باي ..
ساره سدته وخذت نفس وبطلت باب السياره وركبت بدون ولا كلمه
حسين: سلمي ولا داشه على كفار ؟
ساره : هلا هلا.. السلام عليكم
حسين : ههههههه لا باباتي نفسيتج !
ساره ليلحين تطالع جدام ابتسمت ..
حسين قفل بيبان السياره وساره ما اهتمت ..
حسين استغرب انها مو مهتمه : ما راح تخافين ؟ قفلت السياره
ساره بثقتها المعتاده : لو بتسوي شي جان دست من اول ما ركبت ورحت بعيد وسويت اللي تبيه ! و انا اعرف اطباع البشر عدل لأني تعلمت من وايد دروس !! وانت مو من الطبع هذا وانا واثقه فيك ..
حسين ابتسم حب ردها ! : ترا ليلحين ما شفت ويهج لفي بنصدم بجكرج
ساره لفت عليه وابتسمت حسين تنح بويها
حسين: سارو
ساره استانست و ارضى غروورها نظره الاعجاب اللي بعينه : همممم
حسين عض شفايفه : سارو يووزي هاا ! جباليي وبهالظلمه وبروحنا وتدلعين تصير اشياء مو من صالحج
ساره:هههههههههه جرب بس وشوف شيصير
حسين : ساره ومسك ايدها
ساره وخرتها على طول : اسمح لي
حسين : شوي بس !
ساره لفت ويها واهو رد مسك ايدها
حسين : سارون انا كنت ناطر هاللحظه من زمان وكنت خايف من ردج بس هالمره مو قادر اسكت اكثر ! سارون انا احبج وابيج وصج مكلم امي عنج بس ناطر موافقتج ..! سارون انتي موافقه تتزوجيني ؟
ساره خذت نفس وغمضت عيونها : يوم مناي انه يزفوني لك ..
حسين بصوت دافي تعودت عليه ساره : احبج يا اغلى ما خلق ربي
ساره : احبك
حسين :again !
ساره : احبك
حسين : بعد
ساره : بس
حسين : عشاني ؟
ساره ابتسمت وحطت عينها بعينه وبكل جراه : ايي احبك !
حسين تشقق
ساره مستحيه !! اهو يحبها وبيتزوجها !! الحمدلله الحمدلله كل شي بيتعدل اكيد !
حسين : ابي رقم امج ؟
ساره رفعت حواجبها : ليش ؟
حسين ابتسم : بتكملين 20 شننطر بعد ؟
ساره ابتسمت : يعني ؟
حسين : بخطبج
ساره استحت ويها قلب الوان !
حسين : يلا..
ساره عطته ياه ويت بتنزل مسكها
حسين :نطري سمعيني اكلم امي اول
ساره قعدت
حسين دق على امه : الو
امه : هلا حبيبي حسين
حسين : شلونج يمه ؟
امه :بخير حبيبي انت شلونك
حسين: امممم يمه تذكرين اللي قلتلج احبها وبتزوجها ؟
امه : ساره ؟
حسين شاف ساره وابتسم : ايي ! ابيج تخطبينها والحين
امه :ههههه مو لازم اييب رقم امها ؟
حسين نقلها ياه
امه :زين انطر ادق عليها الحين وارد عليك
حسين : اوكي طمنيني ها
امه : استح على ويهك شنو ها ! انا امك
حسين : يمه انتي مو بس امي ! انتي امي ورفيجتي و ما استحي اقولج هالسوالف so لا تدققين ..
امه : اييي زين يلا مع السلامه
حسين : مع السلامه
ساره : انا بروح تبي شي
حسين مسكها :وين
ساره : بروح طولت انا
حسين عض شفايفه : الحلوه بعد فتره بتكون بحظني وحلالي
ساره استحت !! : تفكيرك مو زين
حسين : قصدي شريف بس انتي فهمتي على حسب تفكيرج وضحك عليها
ساره : باي
حسين : تو الناس
ساره : ها لا ماعليه لازم اروح باي
حسين : باي حبيبتي !
ساره " اخيييييييه حبيبتي !! ياحلاتها منه بس .. ونزلت
الـــبــــــارت التـــــاسع عــــشـــــر ...
عند البنات
ساره : بنااات انا اسعد انسانه بهالارض اليوم بالذات احلى يوم بحياتي
البنات مستغربين يطالعونها واهم موفاهمين شي
حسين دق عليها : سارون حبيبتي نسيت شغله تعالي مره ثانيه بس بعطيج هديتج وبمشي
ساره :هديه شنو ؟
حسين : تعالي وبتعرفين
ساره:اوكي ثواني باي وسدته .. بنات شوي ويايه
البنات : اوكي
اماني : بسرعه بعرف شصار
ساره ضحكت ومشت عنهم اول ما وصلت لقت حسين متسند على باب السياره ومبتسم
ساره ردت له الابتسامه وقربت منه : شنو خرعتني
حسين طالع ساعته وسكت
ساره: شنوو؟؟
حسين مايرد عليها
ساره بدت تتنرفز
حسين شاف تلفونه و وراها ياه شافت الساعه 12 ضبط طالعته واهي مو فاهمه شي
حسين لمها حييـــــــــــــــــــــــــــــــــل : كل عام وانتي بخير يا اغلى ماخلق ربي
ساره لمته اكثر : حياااتي !! انا كنت نااااسيه
حسين: ههههههههه اووووش خليني اعيش هاللحظه
سكتو وحسين كل ماله ويلمها له اكثر
ساره : الله لا يحرمني منك
حسين : امين ولا منج !
ساره : آميــــن !
حسين وصل له مسج باس يبهتها : احبج وربي وهديتج الحين بغرفتج
ساره : ها ؟
حسين : تردين البيت الحين وتلقين هديتج هناك
ساره : ههههههه بس شلون ؟
حسين : ردي وبتعرفين كل شي
ساره : اوكي الحين برد
حسين : يلا روحي
ساره : ديربالك على روحك
حسين : انتي روحي وانا داير بالي عليج
ساره : فديته
حسين : يلا روحي
ساره : باي ولفت
حسين مسكها : نطري نسيت اقولج
ساره :شنو
حسين همس بإذنها : لا تروحين عني بعد ماصرتي روحي !
ساره : ما راح اروح
حسين باس يبهتها مره ثانيه وهدها واهي راحت
عند البنات ..
ساره : يلا بنات انا برد البيت صارت 12
البنات طالعو بعض وابتسمو لها: اوكي روحي احنا الحين بنرد بعد
ساره : يلا زيون ولا بتردين مع منو ؟
زينه : برد مع اماني وفجور اليوم بينامون بالبيت مو عند رياييلهم
ساره : هههههههه ليش ؟
زينه : بس مشتاقتلهم
ساره : اها وفطوم ؟ امشي اوصلج
فطوم : لا روحي اهم يوصلوني
ساره : اوكي باي وراحت سيارتها
اول ما مشت نزلت دمعتها :نسوووووووووووووني مثل ما انا نسيت نفسي !ومحد ذكرني غيره !
اول ما ردت البيت دخلت غرفتها وتنحت ..!!
ساره : من منو كل هذيل ؟
كان في واايد هدايا عالارض وكلهم مغلفين بالاحمر او فضي !
ساره ضحكت واهي مو مستوعبه شلون وصلو كل هذيل دارها ؟؟
خلت جنطتها وتلفونها ونزلت تدور امها مالقت احد طلعت الحديقه لأنها سمعت حس! شافت خالاتها وبنات خالاتها واخوانها وامها وابوها و رياييل خالاتها يغنون لها !
ساره تنحت مره ثانيه ! شلون وصلو قبلها ؟ ابتسمت من قلب وراحت سلمت على واحد واحد وباركولها وبعدها قصت الكيكه اللي كانو يايبينها لها وزعت عليهم وقعد وعالساعه 2 كلهم راحو واهي مستانسه حدها صعدت فوق لقت مسج من حسين
" im so glad you were born , because you brighten my life and fill it with joy <3
it's just another day, but this one is the BEST of the year
HaPpY BiRTHDaY :*
ردت عليه واهي حدها مستحيه قعدت عالارض وتبطل هداياها مثل اليهال
هدايا من بنات خالاتها من اخوانها من خالاتها !امها وابوها !! والاهم هديه حســــــــــــيـــن !!
كانت محطوطه بالنص علبتين ! علبه كبيره كان فيها دب مكتوب عليه i love u شكله كان يشوق! ويمه عطرين و نظاره وتيشيرته اللي كان واعدها انه اييبه لها عشان فيه ريحته ! شمته من قلب وضحكت على خبالها وبعدها بطلت العلبه الثانيه صغيره وكان فيها اوراق مكتوب عليه اشعار لها اهو كاتبها وصوره من واهو صغير لي صوره كان مصورها بنفس اليوم وبنفس البدله اللي شافته فيها ! واخر شي CD كان مسجل لها شعر بصوته ..
ساره بس سمعت صوته حطت ايدها على خدها وذابت على صوته !!
دقت عليه
حسين : الو
ساره : فديتك والله عسى الله لا يحرمني منك
حسين :ولا منج !
ساره : امين
حسين : خالتي ماكلمتج عني ؟
ساره : هههه لا
انطق باب ساره بهاللحظه
ساره : يمكن هذي اهي باي
حسين باي وسده
ساره : منو
ام ساره دخلت وقعدت يمها
ساره لاتعليق عارفه امها شبتقول وحدها خايفه
ام ساره كلمتها عن موضوع اللي ياي يخطبها ( حسين ) وطلعت وساره ويها الوان وقلبها طبول وانسدحت واهي تفكر وتحلم شلون بتكون ايامهم ؟؟
حسين دق عليها واهو يضحك : هاا حااجووووهااا
ساره : ههههه
حسين : قوليلها موافقه وباجر انيي :@
ساره : ليش خفيفه ؟وبعدين انا بفكر
حسين : بتفكرين @@
ساره : ايي
حسين : في امل تقولين لا ؟
ساره : يمكن ليش لأ
حسين : سارون جب وباجر بتردين على خالتي وعقب باجر احنا عندكم
ساره :ههههه تبي اقول حق امي جذي عشان تذبحني
حسين : لا بس باجر قوليلها انا موافقه وخلاص ماله داعي تطولين !
ساره : انشالله :$
حسين : فديت مرتي انا
ساره : تفداك والله
حسين : حلاااااااااااااااااتها
ساره : هههه حلت دنياك
حسين : احلوت بوجودج
ساره ابتسمت ..
من باجر ساره بلغت امها انها موافقه وانها استخارت وماله داعي يطولون واهم يعرفون حسين واهله عدل ..!
بــــــــارت عـــشـــــــريــــــــــن ..
ليله راس السنه ..
بندخل سنه 2010 ..!
ساره وحسين ملجو بس ليلحين ما خذاها ! كانو كلهم بالمزرعه
حسين ماسك ايد ساره : تذكرين اول مره شفتج فيها ؟
ساره : ههههه ايي
حسين: كنتي خبله بس هاليوم ما اقدر انساه ! شلون نقزتي وشلون امي حاجتني عنج يوم مريتي يمي كل شي ما قدرت انساه ما استوعبت اني حبيتج الا بعد مارحتي عني ! ولما ردينا ما اعترفتلج نطرت عيدميلادج
ساره : حياااتي والله :$ بهذاك اليوم انا اعترفت حق نفسي اني احبك ! بهذاك اليوم استوعبت كل شي
حسين : الله يخليج ليي يلاا امشي خل نحتفل وياهم
ساره : ههههههههه يلاا وراحو يم الباجي وقعدو يعدون وبعدهااا صفقو وصارخو كان الوضع حده عجيب ! والاهم انه حسين وساره مع بعض !!
بعد الاحتفال قعدو كلهم مع بعض .. رياييل حريم بنات وشباب يهال الكل !
حسين : يااجمااااعه انا ومرتي عرسنا بعد اسبوع بااركولي
الكل : تستاااهلون
ساره مستحيه : تحب تحرجني
حسين : احسن
عمر : والله دنيا ! سارووه تستحيي
ساره تخصرت : لاا والله ! لا يكون حسبالك انا ماسحه الحيا من حياتي !
عمر :انتي قلتيها
ساره راحت بتطقه واهو انحاش واهو يضحك عليها
منى ( ام عمر ) : بس ثقلو يهال ؟؟ كل واحد شكبره ومتزوج وليلحين عقولكم عقول يهال
تفشلو وقعدو وساره تتوعد فيه
----------------------------------------------------------
قبل العرس بيوم!
ساره دقت على حسين
حسين بصوت مخنوق : هلا والله
ساره : حسين فيك شي ؟
حسين : لا حبيبتي مافيني شي حدي متشوق متى يصير باجر
ساره : انا خايفه ومو قادره انام وباجر من الصبح بالصالون
حسين : انا انومج تعالي حبيبتي
ساره : كاني
حسين قالها قصه واهي نامت واهو سده ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك