رواية حبيبي علمت قلبي ع حبك علمه ع النسيان -5
وسام"حبيتا غير الموضوع": تغديت
راكان"احس كل العباطه بالبنت هذي حنا وين وهي وين": يهمك
وسام"وانا اتدلع عليه وخايفه من النتيجه": اكيد يهمني مو زوجي
راكان"عجبتني نبرة صوتها حسيتها بدت تاخذ على وتنسيت الموضوع
الي كنا نتاقش فيه": وبس
وسام:كيف وبس
راكان: يعني زوجك هذا وش يعني لك
وسام"انا وش حطيت نفسي فيه... ماراح اخسرك وراح اخليك تحبني":كل شئ
راكان"برومنسيه": يعني تحبيني
وسام"خجلت": اها
راكان:وش اها قوليها
وسام:وش اقول
راكان" بشويه خبث": قولي تحبيني
وسام"انحرجت":قلتها
راكان:لا ابي اسمعك تقولينهاا احبك
وسام"حبيت اعرف شعوره ":طيب انت تحبني
راكان: لا تقلبين الموضوع على انا الي اسال الحين
وسام"ليه ماتبرد قلبي ": ايه
راكان: ايه وش
وسام: ايه احبك
راكان"ياويل حالي": عيديها
وسام" خجلت ونطقتها بدلع": اااحبك
راكان: يالبى قلبك
وسام: وانت
راكان: وانا وش
وسام"بتردد وخوف من الجواب": تحبني؟
راكان: وش رايك يعني زوجتي وبنت خالتي لازم بحبك
وسام"ماعجبني جوابه": اها
راكان: استعديتي للعزومه
وسام: أي عزومه
راكان: عزومه خالي عشان عادل يوم توظف
وسام: اها .. مااتوقع اروح
راكان: ليه ماتروحين
وسام: بس مااحب جمعة الحريم
راكان: بس لازم تعودين نفسك عليها انتي الحين ع وجه زوج ويا
مالك من جلستهم
وسام" ماحبيت اناقشه": طيب
راكان: واسمعي ابيك تكشخين ابي الكل يقول ماشاءالله ع حرمة راكان
وسام" وانت الصادق وش ماخذ راكان انهبل شكله": ان شاءالله
راكان: وانا الي بمرك واوديك
وسام" طيرت عيوني":هاهـ
راكان "مسكت نفسي لا اضحك ع ردة فعلها ": من قال هاهـ سمع
وسام" وبخوف وبدون تفكير": بس ابوي ماراح يرضى
راكان: لا انا كلمته ومن بكرا انا الي بوديك واجيبك من الجامعه
وسام"بلعت ريقي ": لا مو لازم تعب نفسك وبعدين عندك دوام
راكان: لاتعب ولا شئ وبعدين اعود نفسي ع غثاك
وسام" اخيرا اعترفت اني غثا":.....
راكان" من دون مايحس انه جرحني": متى محاضرتك بكرا
وسام: 8 ونص
راكان: اوك بمرك 7 وبعدها نروح نفطر بكوفي شوب وبعدها اوديك
وسام" لا ماابي ": طيب
راكان:يلا روحي نامي الحين وريحي
وسام: اوك
راكان: يلا تامرين ع شئ
وسام: سلامتك
راكان: يالله فمان الله
وسام: فمان الكريم
ام فيصل: وصمه وجع اقصري حسك ابوك نايم
وسام"وانا معصبه": يمه ليه ابوي يخلي راكان يوديني ويجيبني
ام فيصل:الحمدالله والشكر زوجك طبيعي بيتكفل فيك
وسام:لحووول وش فيكم انتم للحين ماصار زوجي خطيبي
ام فيصل: زوجك دام كاتبين كتابكم زوجك
وسام: يمه ماابي يوديني
ام فيصل : كان قلتي له
نواف: وش فيك كانك عنز مسرحه وش فيك هايجه
وسام" لفيت عليه وخبطته ع كتفه": عنز بعينك ومو شغلك
نواف: هذي الي تبيني اكسر يدها وجع انا اخوك الكبير لاتمدين يدك
وسام"حركت له يدي": رح بس
نواف: مااقول الا الله يعين راكان عليك
وسام"قهرني ورفعت حاجبي وسفهته":............
نواف : يمه وين قمير مابينت
ام فيصل : الحين تجيك
قمر"تسكر باب غرفتهم بقوة":جديد هانا جيت
ام فيصل" تفتح يديها لها وقمر تطب عندها" هلا هلا والله شلونك يمه
قمر: طيبه
ام فيصل : وينك مانمتي عندي اليوم
قمر"تلعب بيدينها": لااا انام عند امي واذا قعدت اجي عندكم
نواف: ها نمتي بسريرك اليوم ولا
قمر" تهز راسها": الا نمت
نواف: اسال بابا
قمر" ببرائه الاطفال" اهو ماشافني
نواف "ياخذها ويبوسها": نصابه ع عمتك يعني يمه الصراحه افكر
وش سويت بدنيتي يوم يرسل علينا غضبه البلوى الكبرى بنفتك منها
يوم تعرس " وياشر ع قمر" بس هذي متى نفتك منها
ام فيصل:ههههههههههههههه الله يقطع بليسك
قمر "ماعجبها الكلام": شتبي انت
نواف"يكفخها ع راسها ع خفيف": جب انتي
قمر: انت جب
نواف: قومي عني مافيه حلاوة ياطويله اللسان
وسام"قمت لغرفتي لاني ماراح اقدر اناقش امي ونواف فيه لانه بيكون مع
راكان وبيقول زوجك اففففف
صحيت من النوم وارسلت لراكان اني مو رايحه الجامعه اليوم
ودقايق بس اتصل وعطاني تهزيئه وقال نص ساعه واكون جاهزة قمت
وانا مبرطمه وماودي اروح واركب معه السيارة ماني متعودة .....
وسام: هلا
راكان: يلا اطلعي انا عند الباي
وسام: اوك يلا
طلعت من بعد ماشلت شنطتي وظبطت برقعي وصلت للسيارة وسميت
بالله وركبيت": السلام عليكم
راكان: وعليكم السلام .. تو مانورت السيارة
وسام"خجلت": منورة بصاحبها
راكان" ناظرتها وشفت برقعها الوسيع يالي مخلي عيونها ملفته
وعبايتها الي ع الكتف ... تخيلت غيري وهم يناظرونها ..حسيت الدم
يفور..وتو بهاوشها بس مسكت نفسي بما انه اول مره تركب معي":وسام
وسام "بتوتر"هلا
راكان: ماعندك عبايه غير هذي
وسام" استغربت من سؤاله":لا ليه
راكان: شوفي هالعبايه لا اشوفها عليك ثاني
وسام" استنكرت امره هذا": ليه
راكان: بس مااحب حرمتي تطلع بعبايه الكتف
وسام: طيب ليه
راكان: اول شئ ملفته للنظر وتخلين الي يسوى والي مايسوى يناظر بمفاتنك
وسام"رفعت حاجبي": ياسلاام بالعكس عبايه الكتف استتر بكثيير من ع الراس
راكان" باسلوب مسخرة": باللهي
وسام" ماعجبني اسلوبه": أي والله انت فكر فيها عبايه الراس والبنت تمشي
والهواء يبان كل شئ وش لابسه ووش مو لابسه واي حركه تلفت النظر
اما الكتف اذا كانت واسعه ومو ملفته للنظر وساترة بالعكس تستر وتعطينا
بالحركه
راكان: خير ان شاءالله انا قلت كلمتي ماتلبسينها ثاني
وسام:بس
راكان"قاطعني":لاتبسبسين قلت لا يعني لا... وبعدين برقعك مو وسيع
حيل
وسام"لحوول": وش فيه بعد برقع عادي
راكان: لا مو عادي وسيع حييل وملفت للنظر
وسام"عصبت": والمطلوب
راكان: ماتلبسينه
وسام" اتمسخر":اجل وش رايك ادقها لثمه
راكان"بنفس الاسلوب":وش رايك الطمك كف ع وجهك
وسام"خفت ":..............
راكان"ماعجبني اسلوب كلامها ":والحين نزلي الغطا ع عيونك
وسام"نزلته...افف متى اوصل الجامعه بس... انتبهت انه مو طريق الجامعه
":وين رايح هذا مو طريق الجامعه
راكان: عارف
وسام:بس
راكان: مو قلت لكب نروح نفطر امس
وسام"سكت وحسيت اني متضايقه من الي صار قبل شوي طيب من قبل
ليه ماكان يقول شئ يوم نلبس كذا واخته تلبس كذا طيب ليه مامنعها
ولا يتشطر على بس.... وبعدين متغيير حيل مايستحمل مني كلمه
يوم اطول بلساني وكانه ماكنا نتهاوش واتلاسن معه....
وصلنا الكوفي شوب ودخلنا قسم العوايل وطلبنا او بالاصح راكان طلب
ماكنت ابي اكل وكان يجبرني اكل المشكله يوم اكل بيجلس يتمسخر ع وزني
ويقول اني سمينه اذكر مره....
وسام: ليه يكفي اثنين يركبونه
راكان"بمزح": شوفي انا وجمانه كفى بس انتي يبي لك سيارة سباق لحالك
ويالله نلحق ههههههههههههههههههههههه
وسام" دايم يجرحني ويذكرني بنقصي.... بعد مااجبرني اني اخلص صحن
الفطور كله ..قلت له بروح دورة المياه اكرمكم الله... توجهت لدورة المياه
ومن حظي مافيها احد .. قفلت الباب الرئيسي للحمام ورحت عند المغسله
وبديت احط اصبعي بفمي عشان افرغ معدتي من الي كلته حسيت ان
روحي بتطلع بس تعودت ع الطريقه هذي من يوم كنت بمتوسط وهذي
طريقتي مع اني مااكل كثير واسمن بسررعه ....بعد ماتطمنت اني
طلعت كل الي بمعدتي ... غسلت وجهي كان احمر ومعرق ..طلعت شنطة
الميك اب .. وبديت ارتب وجهي اظطريت احط بودرة عشان اخفى
احمرار وجهي وحطيت كحل وغلوس وتعطرت وبعد ماتاكدت انه كل شئ
تمام طلعت ورحت لعند راكان
راكان"مستغرب": وش فيك طولتي
وسام"بتوتر":هاهـ لا عادي ماتاخرت
راكان: طيب يلا مشينا
وسام:شمينا
راكان "يضحك": وشو
وسام"خلاص خقيت ع ضحكته يااااناس": وش وشو
راكان: ههههههههه وشو شمينا
وسام: هذي كلمتي انا ووسن ههههههههههههههههه
راكان:اها هههههههههه اخيرا حصلنا نقطة تشابه بينكم
وسام: ليه
راكان: تصدقين ماني مصدق انكم تؤام يعني لو ماشفتكم وانتم مولودين
كان ماصدقت ههههههههههههههه
وحنا نمشي للسيارة: كيف يعني
راكان:هههههههههههههه يعني شوفي انتي وين وهي وين
وسام"وجعني قلبي يعني لازم لازم يذكرني انا ايش وغيري ايش سكت
مارديت":...........................
ركبنا السيارة وكنت ساكته وراكان منطرب مع محمد عبدو ...كنت كل
شوي اناظره بنظاراته الشمسيه ورزته "احبك احبك وربي"...
راكان: يلا انزلي
وسام" شفت انا وين وانصدمت": هذي مو الجامعه
راكان: ادري مو الجامعه انزلي
وسام"للحين مو مستوعبه":بس بتاخر ع الجامعه
راكان" يغمز": مو راسله لي انك مو مداومه
وسام: ........
راكان: يلا انزلي نتمشى
وسام: بس ابوي يمكن مايرضى
راكان"يجي لعندي ويسحبني من يدي": وليه مايرضى انتي زوجتي
يعني لو اوديك بيتنا الحين ماراح يقول شئ
وسام: لا والله
راكان: ايه والله ... يلا اخلصي
دخلنا المجمع وكنت منحرجه لانه طول الوقت راكان ماسك يدي ومو
راضي يتركها ... كنت مبسوطه بالشئ هذا كثيررررر .. صرنا نتمشى
ودخلنا ع محل وصار يدور ... كنت مستغربه منه
راكان"يجي لعندي وماسك تنورة بيضاء وفيها ورود حمراء كبيرة
توصل لنص الساق": تجي ماقاسك هذي
وسام"انحرجت ماابيه يعرف مقاسي وبعدها يجلس يتمسخر على وع
سمنتي":مدري
راكان"يحطها ع خصري":وش تسوي
راكان"عاقد حواجبه": باكل وش اسوي اشوف اذا تجي عليك
وسام: مااظن وبعدين مو عاجبتني"اصرف"
راكان" مو مهتم وراح يدور لها بلوزة": مو لازم اهم شئ عجبتني انا
وكل شوي يجي ببلوزة شكل وانا اقول لا ماابيها وهو مو مهتم لحد ماختار
بلوزة حمراء جيبها ع شكل حرف الفي بالانقلش وجبنيز وكانت فيها
كتابات بالانجلش باللون الابيض راح وحاسب عليهم وعطاني الكيس":
هذا تلبسينه بالعزومه
وسام"وش شايفني ماعندي ملابس": بس انا عندي
راكان"ماحبيت اضايقها بشئ": ادري بس ابيك تلبسين ع ذوقي بالعزومه
وسام" يعني تبي تبين انه ماعندي ذوق باللبس خايف تتفشل اكثر يوم
يعرفون اني زوجتك":......
راكان: يلا نكمل فرفرة
دخلنا ع محل جزم واخذ لي جزمه بيضاء كعبها عالي شوي وطقم
لي اكسسوارت كان ذوقه رهيب حيل بالاختيار بس كنت مقهورة
من حركته ..... انقهرت اكثر يوم وقفنا ع محل عبايات
وسام: ليه ندخل هنا
راكان: عشان تختارين لك عبايه غير هذي
وسام" تخصرت": بس انا عجبتني عبايتي وماابي اغيرها
راكان" رافع حاجبه": نزلي يدينك منتي ببيتكم يوم تسوين حركات الهبل
هذي
وسام" بلعت ريقي نبرته تخوف":.....
راكان: يلا قدامي ادخلي
دخلنا وانا احس الدنيا كلها ضايقه فيني كل شئ بيتحكم فيه اجل يوم اروح
عنده وش بيسوي ..... طلعنا من المحل وهو مشتري لي عبايه ع الراس
ونقاب وطبعا قال ياويلي لو البس غير هالعبايه وصلني البيت من بعد
ماحنيت عليه اني تعبانه وابي اروح انام وهو كان مصر الا نتغدا
نزلت ومعي الاكياس الاغراض الي شراها لي .............
اليوم يوم العزومه ..."تنهدت بحراره" انا صدق احبه ومااقدر اتخيل
حياتي من دونه بس احسه يكبتني ويكبت تصرفاتي احس اني قبل لا
اتكلم او اضحك ولا امشي افكر قبل لااسويها ...ماتعودت ع كذا ..
اخذت ملابسي ومنشفتي ودخلت اتروش عشان اتجهز.....
جيهان: اكيد افا عليك لازم بجي
وسن :ايه طمنتيني ياشيخه مالي مزاج اروح لحالي
جيهان: تستهبلين انتي وجهك وبنات خالاتك وخوالك واختك
وسن: ايه بيروحون بس كل وحده مع الي ترتاح لها اكثر
جيهان: طيب واختك
وسن"بتنهيده": اختي ....
جيهان: اووف وش هالتنهيده وش صاير يادبه
وسن: اختي صارت انسانه غيرررر
جيهان: طيب انتي عارفه انها متغيرة مو اول مره تعرفين
وسن: لا ياجي جي صارت انسانه مختلفه عن قبل وقبل
جيهان"بحيرة": كيف يعني
وسن" بضيقه": تذكرين لما قلت من زمان انها تغيرت
جيهان: ايه قبل لاتنخطب تقريبا من قبلخمس سنين صح
وسن: ايه قلت لك انها صارت وحده غير الي اعرفها صارت انطوائيه
حيل
جيهان: ايهبس ماقلت لي كيف وماحبيت اضغط عليك او اتدخل
بخصوصياتك
وسن: بقول لك"جيهان صديقه وسن من ايام الثانوي بس مانقبلت بالجامعه
وجلست بالبيت " اذكر يوم حسيت انها متغيرة او بدت تتغير لما كانت
بثالث متوسط كنا ببيت جدتي وكنا بذاك الوقت نلبس مثل بعض ونسرح
شعرنا مثل بعض وننام بنفس الغرفه يعني ماتقدرين تفرقين بينا حتى امي
الا هي امنا احيانا ماتفرق بينا لانه حتى حركاتنا مثل بعض
جيهان "وهي تستمع": طيب
وسن: مدري وش صار بس الي اعرفه بهذا اليوم وسام انفصلت عني و
بعدت عني وبعدت الكل عنها يعني مافي حد يعرف من وسام صدق نعرف
انها المرجوجه الي ماتهتم من راي أي حد ولا تسمع لحد والي تتميز
بعربجيتها
جيهان: ولو تعلمينا بسوس
وسن:وتحاول قد ماتقدر انه تشبهني باي شئ وهذا مستحيل لانه تؤام ولنا
نفس الوجه والشكل اقصد بنيه الجسم والطول
جيهان: صدق كلامك بس اختك انحف بكثيير منك وصايرة حنطيه وانتي
بيضاء
وسن: وسام كانت بيضاء حالها حالي بس قل الاكل وماتهتم بصحتها
وجلستها بالشمس دووم
جيهان: ع طاري النحف اختك احسها ماتاكل ابدا يتهئ لي انها تعيش
ع المويه بس من نحفها هههههههههههههه
وسن: وهذا الي مستغربه منه انها تاكل مثلنا واكثر منا احيانا بس مدري
وين يروح هالاكل ليه مايبان عليها ابدا
جيهان"مستغربه": غريبه من جد
وسن" بضيقه": محيرتني والله ياجيجي محيرتنييي
جيهان: استهدي بالله ولا تتضايقين واذا كان الكلام عنها مضايقك خلاص
نغيير الموضوع
وسن"تتنهد": لا ابي اتكل ماذا مايزعجك ولا مشغوله
جيهان: بعطيك كف وش انزعج انتي اختي يادبه ان ماسمعت لك وش
فايدتي كاصديقه
وسن: الله لايحرمني منك
جيهان: امييين يارب
وسن: والي استغرب منها طريقه لبسها تحاول تخفي جسمها وكل ببالها
انها سمينه ومن نمدحها تظن انه نجاملها والمشكله حاطه ببالها انها شينه
واني انا احلا منها
جيهان: من ناحيه الصدق ايه انتي احلا منها
وسن: لا بالعكس وسام ادق خطوط مني واحلا بس ضعفها واهمالها
لنفسها مخفي هالشئ
جيهان:اها مدري والله
وسن:وحتى تشبهها بالاولاد بتصرفاتهم ولبسها كل هذا تحاول تخفي
شئ عنا وش هالشئ مدري وليه تتصرف كذا مدري
جيهان: طيب الحين تقولين انها تغيرت لما انخطبت للاحسن ولا
وسن: لا للاسوء وانتي الصادقه
جيهان: افاااا ليه
وسن"بنبرة حزن": مااقول لك راكان والنعم منه وباين انه يحبها بس
مو عارف كيف يعاملها مايدري بشئ عنها كل الي يعرفه هواشاتهم
الي تصير بينهم وخبالهم بس وش كانت وسام ووش صارت وليه
مايعرف
جيهان: مافهمت
وسن: يعني وسام باين عليها انها حساسه واقل شئ تتحسس منه ومستحيل
تبين انها انجرحت او تنجرح ..وراكان ع باله انها وسام المصرقعه
المرجوجه مو عارف انه لازم يجيها بالسياسه والمحايله مو بفرض الراي
والاوامر وهذا شئ طبيعي بس مو بحالتها
جيهان: اها فهمت عليك
وسن: المهم بطريقته الغلط معها سلب شخصيتها صارت منصاعه له
وماتناقشه خايفه انها تنجر حاو تخسره .. الي ماقلت لك عنه والي وسام
تظن انه مافي حد يعرف انها تحب راكان من كانت صغيره وتظن
اني مااعرف
جيهان: حب منذو الطفوله ياعيني
وسن: ايوا تحبه وبتسوي المستحييل عشان ماتخسره حتى لو خسرت
نفسها
جيهان: لاحول ولا قوة الا بالله ... طيب انتي كلميها
وسن: حاولت كثير وماالاقي منها الا الصد والهروب
جيهان: طيب كلمي راكان
وسن: مهبوله انا صارت تتحس وتغار من أي وحده فينا تكلمه
او تمزح معه
جيهان: وشلوون
وسن: ايوا تغااار بشكل جنوني وحتى مني انا بالذات احس بنظراتها
لي بكره
جيهان: ماتوصل للدرجه هذي
وسن"بصوت بكي": وصلت وخلصت
جيهان" سكتت وعطت وسن فرصه تطلع الي بقلبها":.........
وبعد فترة مسحت وسن دموعها
جيهان: قلبي قومي اغسلي وجهك وسمي بالله واشربي مويه
وسن: طيب دقايق بس
جيهان: خذي وقتك
وسن: لاتقفلين
جيهان: انتظرك
وسن"راحت وغسلت وجهها وشربت شويه مويه وحست بالراحه من
بعد ماطلعت المكتوم بقلبها من سنين":هلا
جيهان: احسن الحين
وسن: الحمدالله
جيهان: حبيبتي ودك تكملين ولا نغير الموضوع
وسن: ودي اكمله بس لازم اقوم واتجهز الحين تجيني تهزيئه ع
التاخير ههههههههههه
جيهان: وهذا شئ جديد عليكم ولو للتاخير عنوان وانتم عنوانه
وسن: مالت عليك ههههههههههههههههههه
جيهان: وعليك ههههههههههههههههه
وسن: يلا نشوفك بالمزرعه وياويلك لو تتاخرين او ماتجين
جيهان: ان شاءالله اوامر ثانيه
وسن: ممممم... جيبي معك الحلاوة الحمرا الحامضه
جيهان:: ياقدمك للحين تذكرينها
وسن: افا عليك تذكرين يوم ناكلها بحصة الفيزياء وتطردنا هههههه
جيهان: ايه ونااسه والله هذيك الايام ههههههههههههههههه
وسن: خلينا نرجعها وجيبيها معك
جيهان: من حظك تو شريتها الاسبوع
وسن: اوك يلا بروح اتروش واتجهز
جيهان: يلا فمان الله
وسن: فمان الكريم
الجزء السادس................
فيصل "بتعب": يلايا بابا بنروح عنك اذا مالبستي
قمر " بزعل": ماااابي ماابي هدا
فيصل" ماسك فستان ازرق وفيه صورة براتز غيرلز": اجل وش تبين
دوختيني يابنت دولابك كله طلعته ولا شئ عاجبك
قمر"تصيح": ااااااااااااااااااااااااا
فيصل"بتضجر": وش يصيحك الحين
قمر" تروح عند الباب": ابي ارووح
فيصل: بوديك بس البسي
قمر: ابي اررررروح لجديده
فيصل" يقوم ويشيلها ويوديها لامي": يمممممممممممه
ام فيصل" تاخذ قمر منه": وش فيها
فيصل" بطفشش": يمه مابقى شئ بدولابها ماطلعته لها وحضرتها مو
راضيه تلبس
ام فيصل" ياعيني عليك ياولدي وع حظك ": طيب ليه ماسالتها
فيصل يروح لقمر": خلاص يبه اسكتي
قمر" مستمره":اااااااااااااااااااااااااااااااااااااااااا اا
فيصل: يمه سالتها مو راضيه
وسام " جيت وانا منزعجه من صوت صفارة الانذار هذ": وش فيها
شاقه حلقها ازعجتنا سدو فمها بشئ
ام فيصل: وسيم الله وكبر عليك اسكتي عن البنت
قمر" وهي تصيح وبصوت عالي": وسيم اااااااااااااااااا
وسام" شكلها كان يضحك":هاهـ وش تبين ولا رافعه التكلفه بعد وسيم
قمر" تحاول تمد يدها عشان اشيلها": برررروح لها
ام فيصل: خذيها شوفي وش تبي تاخرنا
وسام" اخذتها وصرت امسح دموعها": ها حبيبي وش فيك وش تبين
قمر" هدت شوي": ابي سنج بب
فيصل" عاقد حاجبه": وش ذا سنج بب الي رجيتني من الصبح عليه
وسام" ياحياتي هالبنت تحب تعاصر الموضه":هههههههههه هذا ياطويل
العمر كرتون تتابعه بنتك وهي من اشد معجبينه
فيصل: طيب وش دخل
وسام" وانا رايحه لغرفه فيصل": الحقني وتعرف
وصلنا لغرفه فيصل وقمر وشفتها وشلون مقلوبه فوق تحت من تحت راس
الشيخه قمر... نزلتها ع الارض وهي جالسه تلعب بكشتها ... وصلت
لدولابها واخوي يتابع بصمت ... اخذت فستان سبونج بوب .. وقمر صارت
تنط من الفرح: سبنج بب هي هي سبنج بب
فيصل " يضحك ع بنته ونسى كل ازعاجها": هذا الي ازعجتينا عليه
وخليتيني اقلب الغرفه تحتاني فوقاني عليه
وسام" ياحبي لكي اخوي وع حنيتك عوضت بنت عن الام الواطيه الي
تركتها وراحت وصرت لها الاب والام الله لايحرمكم من بعض": يلا تعالي
ياسحيله البسك
قمر" تركض لعندي": انتي تحيله
وسام" كفختها ع راسها بشويش": وجع ببغاء يالملسونه
قمر"عافسه وجهها": اااي وجع عورتيني ياتحيله
فيصل:ههههههههههههههههههههههههههههههههه
وسام" انقهرت منه بدل مايقول لها عيب يضحك لها يشجعها":وانت
بدال ماتقول لها عيب
فيصل: تحملي ذوقي الي ذوقتينا اياه هذي نسخه مصغره عنك شكلا وغالبا
وسام" ضحكتني ممكن بالخبال والرج هام الحلا مستحييل": مالت بس
.. يلا تعالي وجلست البسها وبعدها صلحت شعرها ".. يلا طسي لابوك
قمر" بشطانه": طسي انتي برا عن غرفتنا
وسام" طيرت عيوني": شوف الملسونه
قمر" تركض لابوها": ايه براااا روووحي ولي
فيصل: هههههههههههههههههههههههههههههههههههههههه
وسام" قمت وانا معصبه من عقله الاصبع": طيب اوريك ياسحيله الوعد
بالمزرعه اتوحد فيك عدل
قمر" ماتدري وش قلت": وللللللللللللللللللللللللي
نزلامي وهي تجهز القهوة وتحطها بشنطه وتطلع الكيك والحلا من الثلاجه
ام فيصل: ها خلصتو منها
وسام" وانا اجلس ع الكرسي": ايه وجع يوجعها الملسونه
ام فيصل: بنت
وسام: والله يمه تقهر وابوها ساكت لها
ام فيصل" بحزن ": لاتلومينه يمه مايبي يكسر بخاطرها مو كفايه عايشه
كانها يتيم هوامها عايشه ترا حنان الام غير الابو واذا سوت كذا مو منها
وسام" وانا منقهره ومعصبه ع امها ": الله ياخذها الوسخه
ام فيصل:..................
قبل ثلاث سنين...............
زينه" بضجر وضيقه": خلاااص وش تبين بعد رضعه وعطيتك وغيار
غيرت لك نامي
قمر"وهي بحضن امها ومستعسرة":
زينه" رايحه جايه بالغرفه تحاول تسكت قمر او ع الاقل تنام وماهي قادرة
قمر داخله بنوبه بكي مو طبيعيه ..وهذي مو اول مره قمر من جات وهذي
شغلتها كل يوم....
فيصل" انتبه ع صيحها اليومي ": بدت فصلتها
زينه" بعصبيه": تنكت ياشيخ هذا وقتك
فيصل" مقدر وضعها": ياحبيبتي المفروض تعودت ع الوضع خلاص
زينه" بعصبيه ومنهارة": وش اتعود يديني تقطعت من كثر ماني شايلتها
وهي مو راضيه تنام او تسكت سويت لها كل شئ ومو راضيه... "وبصرخه"
ووش تبين ها فهميني" وهي تهز قمر .. وهذا خلاها تزيد بالبكي والصراخ
فيصل" قام من السرير وحاول ياخذها":هاتي
زينه" تبعد عنه": لا بتسكت عندك كثر منها
فيصل: طيب هاتي ع الاقل ترتاحين شوي
زينه: يعني هالنص ساعه يالي بتتكرم على فيها بتخليني ارتاح
فيصل: لاحول ولا قوة الا بالله طيب هاتي وش خسرانه
زينه"تعطيه قمر وترميها عليه":خذ فكني منها انا تعبت تعبت منها
ليتني ماحملت وجبتها
فيصل: استغفري ربك ولا تجحدين بالنعمه
زينه"وهي تبكي منهارة": أي نعمه هذي طول ليلي ونهاري وانا شغاله
هز بحظرتها ع امل تنام وتخليني ارتاح لو نص ساعه بس اكل واكلها
غيار واغير لها وموعاجب" وبصوت عالي": وتقوووولي نعمه
فيصل"مقدر حالتها وصار يهز بقمر ويقرا عليها وينفخ":..........
زينه" بعد ماشافت قمر هدت بس ماوقفت بكي راحت انسدحت ع السرير":
فيصل"يكلم قمر وهو يهزها": خلاااص يابابا خلاس بسم الله عليك
وبعد ربع ساعه نامت اخيرا ... فيصل سدحها بسريرها بشويش وراح
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك