رواية خلنا نرد روح وجسد طول العمر احباب -3
بعد جم يوم راحت المدرسه جيكت عالنتايج ابتسمت واهي تشوف نسبتها وطلعت من المدرسه راحت البيت على طول دقت على حسين
حسين : الو
ساره : بااااركلي
حسين : مبروووك بس جم ؟
ساره : جم تتوقع
حسين : شي و 70
ساره : هـ هـ هـ ما تضحك
حسين : هههههههه لا اكيد فوق الـ 92 مصريه انتي
ساره : احم احم 94.4 :$
حسين يصرخ : عدل عدل مبرووك
ساره : يبارك فيك
حسين : لج مني احلى هديه
ساره : مابي هدايا بس ابيك يمي !
حسين : انا يمج ما راح اروح و بييبلج هديه
ساره : ههههههههههه
حسين : ربي ورطني بوحده نتفه
ساره : اول شي انا مو نتفه ثاني شي انا احلى ورطه :$
حسين :فدييــــتها
ساره : هههه تفداك :$
حسين : الله يخليها لي
ساره : ولا يحرمني منك
البـــــارت الــثـــــامــــــــن
ســاره : حسين
حسين : هلا
ساره : امممم متضايق ؟
حسين : ليش تسالين ؟
ساره : صوتك متغير .. متضايق مو ؟
حسين : مو !
ساره : شفيك ؟
حسين : مابي اضايقج معاي
ساره : حسين قول ها !!
حسين : ساره انا احب وحده !
ساره ابتسمت " معقوله انا ؟ : وو ؟
حسين : اممم انا احبها واهي تدري بهالشي بس تكابر او مادري شقولج المهم انها ماتبيني يعني ما تحبني والحب من طرف واحد يتعب !
ساره خذت نفس ونزلت دمعتها وتكملت بكل ثقه : حسين اسألها وكلمها يمكن اهي بعد تحبك يمكن في اشياء تغيرت حاول مره ومرتين
حسين : انا كلمتها 3 مرات ويمكن اكثر بس اهي صدتني وانا ما اقط نفسي اكثر !
ساره : من عايلتكم ؟
حسين : لا معاي بالكليه !
ساره ابتسمت ودموعها تنزل ورا بعض : انا ما اقدر اتكلم اكثر دام انت مكلمها اكثر من 3 مرات واهي رادتك ما تقدر تسوي شي وبعدين انت ريال وموحلوه بحقك تنذل يعني كافي كلمتها .. الله كريم هذا اللي اقدر اقولك ياه وانشالله اذا كانت من نصيبك بتكون لك لا تحاتي ..
حسين خذا نفس : كلماتج بسيطه بس تريح الواحد
ساره : حسين الناس انخلقو نوعين! ناس انخلقو عشان يستانسون وناس عشان يرسمون الابتسامه على ويوه الناس ! انا ما قدرت اكون النوع الاول والحمدلله صرت من النوع الثاني ..
حسين : آآخ لو اقدر اطلعج من حزنج هذا
ساره : انا مو حزينه .. ليش اتضايق حسين انا ماكو وحده مرتاحه كثر راحتي ! خايفه ربي والحمدلله و امي وابوي راضين علي ! مافي شخص يالي بيشكيلي و رديته ! مافي انسان شفته بدموعه وما مسحتهم و رديت الابتسامه بويهه ! انا اعترف اني مرات اكون انسانه حقيره بس صدقني مع هذا انا مثل ما انا قاعده اقولك الحين .. حسين انا شخصيه متنااقضه !!
حسين : وليش تكونين حقيره ؟؟ انا من عرفتج وما شفتج جذي ليش هالحجي
ساره : انا معاك اكون على طبيعتي مو بشخصيتي الغامضه ...
حسين : اممم !
ساره : ساره الـ ... خريجات سنه 2007 / 2008 وناااسه
حسين : ههههههه خبله وين بتدخلين ؟
ساره : مادري
حسين : ليش مومقرره
ساره :انا دخلت علمي وشاده حيلي عشان تكون وايد خيارات جدامي انا مادري شنو ابي حسين
حسين : علم نفس ! انتي تحبين تسمعين الناس وتحلين مشاكلهم تحبين تحللين شخصيات ماكو الا علم نفس
ساره ابتسمت : ودي بس ما اقدر !
حسين: ليش ؟ هذا مستقبلج وانتي علمي ومشالله عليج شاطره و علم نفس يقبلون علمي واهم مغمضين بعد
ساره : انا مابي مو عشان شي ! يعني انا كافيني اني اسوي هالشي بحياتي العاديه بالشغل ابي شي غير ! ابي شي حلو استمتع فيه مو اروح واجابل النكد ! صح انا استانس لما اسمع الناس بس مو معناته تكون شغلتي جذي ..
حسين : عيل ؟ انتي اكيد حاطه ابالج خيارات
ساره : هندسه معمار ! او طب
حسين : اثنينهم حلوين بس بتتحملين طب ؟ جثث وجذي ؟
ساره : مادري حسين والله مادري !! انا من اول كنت ابي اكون مهندسه بس ابوي يقولي دام مو مقرره ليلحين فكري بطب ! وانا متردده بين الاثنين خالي يقولي اذا بتكملين جذي على هالنسبه يقبلونج وايد اماكن فلا تحاتين بس هم انا لازم من الحين احط ابالي
حسين :استخيري واللي ترتاحيله من هالاثنين دخليه
ساره : انشالله ..انا بسده تامرني على شي ؟
حسين : سلامتج بس وين بتروحين ؟
ساره : بروح ابشر امي وابوي وبعدها بدق على البنات اشوف وين الطلعه اليوم
حسين : اممم اوكي وكلميني اذا فضيتي
ساره : انشالله .. ديربالك
حسين : وانتي بعد
ساره : انشالله مع السلامه
حسين :مع السلامه
ساره سدته ودفنت راسها بمخدتها وبجي !!!!!!!!!!!!!!!!!!!
ساره : يحــــــــــــــــــــــــب غيـــــــــــــــــــــــــــــــــــــــــــري وانا امــــوت فيـــــــــــــــــــــــه !!ساره مسحت دموعها ودقت على فجر
فجر : هلا والله
ساره ابتسمت : هلاا فيج حياتي هاا شلونج
فجر :تمام وانتي
ساره : الحمدلله على كل حال
فجر : فيج شي ؟
ساره ماعطتها مجال تحقق : لاا وين القزاليوم ؟
فجر : مادري سألي فطوم لازم تسأل احمد اول ..
ساره: خلاص اوكي دقي عليها وشوفيها
فجر : اوكي تعالي شلون النسبه ؟
ساره : اتينن
فجر : جم؟
ساره : 94
فجر : مبروووك
ساره : يبارك فيج يلا قلب روحي كلميها وانا بنزل عند امي وابوي
فجر : اوكي باي
ساره : باي
سدته وراحت غسلت ويها عدلت شعرها ونزلت ركض
بوساره بالصاله : شوي شوي لا تطيحين
ساره ابتسمت وباست راسه وحطت ايد ورا ظهرها وصبعها بحلجها مثل اليهال : باباتي وين هديتي؟؟
بوساره ضحك : ليلحيينج ياهل ما كبرتي
ساره : تؤتؤتؤ اكبر بعيون الكل الا بعيونك ابقى دلوعتك
بوساره :تعالي يمي
ساره قعدت يمه
بوساره : على هالـ 94 تستاهلين هديه غييرر عن العاده
ساره : شدراااك
بوساره :تتوقعين بنطرج لين تحنين علي وتنزلين ! من الصبح رايح شايف
ساره : ههههههههه
بوساره بجديه : ما قررتي وين بتدخلين ؟؟ انتي السنه اليايه مثل هالوقت تكونين متخرجه
ساره تخيلت الوضع واستانست
بوساره : لازم تفكرين بالموضوع وتعطينه حقه ! هذا مستقبلج
ساره : انشالله بفكر
بوساره :و وين مادخلتي انا راضي لا تضغطين على عمرج وتدخلين طب عشاني ! انتي وين ترتاحين دخلي هذا مستقبلج وراحتج اهم من كل شي ..
ساره ابتسمت : انشالله
بوساره :و هديتج واصله لا تحاتين
ساره ضحكت : هيااا :$
بوساره : روحيي فوق عند امج بتباركلج ..
ساره : انشالله
صعدت باركت لها امها وعطتها هديتها كانت شاريتلها لاب يديد استانست وشكرتها ودخلت غرفتها شافت مسج من فجر
" bdlay e7na shwy o nmrch bnro7 3al ba7r
ساره دزت لها اوكي وراحت بدلت عالسريع
ساره اول ما خلصت دزت مسج حق حسين " ana 6al3a ..
ساره : يمه يمه
ام ساره : هلاا
ساره : انا طالعه تبين شي ؟
ام ساره : متى راح تتعلمين تستأذنين اول ؟
ساره ابتسمت : يمه يعني انا طالعه مع البنات وانتي ما راح ترديني فعادي اقولج قبل لا اطلع
ام ساره : روحي بس روحي الله يهديج
ساره : ويهدي الجميع مع السلامه
ام ساره : مع السلامه
فجر دقت على ساره : وينج
ساره : كاني نازله
فجر : اوكي باي
ساره : باي !
ساره : قووه شبااب
البنات : يقويج
ساره : بنمر فطوم ولا اهي بتلحقنا بسيارتها ؟
فجر : لا بنمرها بيت خالتي
ساره : اوووكي
اماني :هاا شلون حسون
ساره : هههه تمام .. وفجأه صرخت امبيييييه
فجر بريك على طول !!
كلهم : شفيج !!
ساره لفت على زينه : جم نسبتج ؟ انتي خريييجه !! يقبلونج هندسه ؟؟
فجر : ياحماره خرعتيني لا تعيدينها
ساره ضحكت
فجر كملت طريجها
زينه : احم احم 92 بس انشالله يقبلوني
ساره : انشالله
ساره رن فونها
ساره : الو
فجر قصرت عالاغاني
حسين : وين رايحه !
ساره رفعت حواجبها : عالبحر
حسين : مع ؟
ساره : البنات كالعاده ..
حسين : زينه شلون نسبتها ؟
ساره ابتسمت : تمام
حسين :وين بتدخل ؟
ساره : هندسه معمار
حسين : اممم جم نسبتها ؟
ساره : 92
حسين : بيييييه تدخل واهي مغمضه
ساره : صج ؟
حسين : ايي شفيج القبول الفوري 90 هذا على ايامنا
ساره : على ايامك قبل مليون سنه ..
حسين : اوريج نتفه وتتحرش
ساره :محد نتفه
حسين : ايي خير
ساره : هاهاها ..
حسين : بتنطقين ترا
ساره : ما عاش من يطقني
حسين : الا انا
ساره : لا ماكو فرق
حسين قلب و تكلم بصوته الحنون : يعني انا والناس واحد؟
ساره عضت شفايفها :لا
حسين: خلاص عيل
ساره : امممم اوكي انا بسده ارد واكلمك اوكي ؟
حسين: اوكي
ساره :ديربالك على روحك .. باي
حسين: باي
ساره سدته وشافت البنات وابتسمت
فجر : الله يوفقكم
ساره : شكو مابينا شي
فجر استغربت !
اماني : ما اعترفلج بحبه ؟
ساره : اعترف لي
اماني صرخت : واخييييرا مبروك صج صج الله يوفقكم
ساره ابتسمت : اعترف لي بحبه لغيري
اماني انصدمت!
فجر صفطت ودقت على فطوم : طلعي برا وسدته
فجر : شلون يعني ؟
ساره : ماكو شلون ! اهو يحب وحده من طرف واحد معاه بالكليه .. صكرو الموضوع
فطوم : قوه .. شافت ويوهم واخترعت صاير شي؟
ساره ابتسمت : ماكو شي اهم كبرو السالفه!
فطوم : شالسالفه بالضبط ؟
الــــــبـــــــارت التــــاســــع ..
فطوم : قوه .. شافت ويوهم واخترعت صاير شي؟
ساره ابتسمت : ماكو شي اهم كبرو السالفه!
فطوم : شالسالفه بالضبط ؟
ساره سوت روحها مو مهتمه : حسين يحب وحده معاه بالكليه
فطوم شهقت : شنو شنو !! هذا شنو متبلد ؟؟ يه وقالج اشكرا ؟
ساره :وليش مايقولي ! شنو اللي بينا
فطوم :يمكن ما قطها بويهج بس مادري اذا ما يحبج ليش من اول كان يدلعج ويقولج انج له وبس وانج غاليه ومايقدر يعيش بدونج ! والحين يحب وحده مجهوله ؟؟
ساره عدلت شعرها :مادري فطوم ماقام يهمني مو اول ولا اخر واحد انجرح منه عادي طاف خلونا نستانس
اماني تغير الموضوع : ساارون سمعي امي اليوم مسويتها سالفه على زيون تتوقعين ليش
ساره : ليش ؟
اماني : امبيه قعدتني من النوم وصراخ من الظهر اخر شي ليش مايابت القهوه
زينه : عصبت عليها قلتلها كاهي وراج وحقرتها ومشيت
ساره : وطبعا فصلت عليج
زينه :ايي من صجج ! سوتها لي سالفه
اماني : انا غبيه اروح اقولها بنتج خريجه واليوم المفروض تونسينها موتزفينها
ساره :ههههههههههههههه حلمي على قدج خالتي ولا امي يدلعون !
اماني :هههههههههههههه ايي حده بس والله سارون لوتشوفين شكلها تفصلين من الضحك معصبه وبعدها تشوفني وتضحك وترد تمثل العصبيه على زيون
زينه : نرفزتني وربي
ساره : عادي طاف
فجر : امممم بنات عندي لكم كلمه مهمه
ساره :شنو اهيا ؟
فجر : سمعو
اماني :شكلها مهمه قوليها واحنا عالبحر
فجر :لا لازم تعرفون وتعطوني رايكم الحين قبل لا نوصل البحر !
كلهم استغربو
فجر :سارون تذكرين فيصل ! اخو حسين ؟؟
ساره صرخت :دكتور فصوووول شخبااااري
فجر : جب هههههههههههه سمعي المهم اهو معاي بنفس المستشفى !
ساره بغباء : انتي دكتوره ؟
فجر : تستعبطين على افاي ؟؟ مو وقتج ماما !! انا اخصائيه تغذيه ياغبيه سمعي المهم انه معاي بالمستشفى وو اهو صارله فتره يكلمني يبي رقم امي وانا قلتله اني ما افكر ارتبط ودرى اني كنت احب واحد واهو راضي فيني وقالي افكر وانا مادري
ساره تصرخ بهبال : وناااااااااااااسه بتصيرين مرت الدكتور فيصل اخو حسين
فجر : وانتي كل شي مدخله حسين فيه ؟؟
ساره : شسوي اذا انا احبه !!
فجر : الله كريمــ ..!
ساره :ايي والله المهم وانتي شنو ردج ؟
اماني :اكيد موافقه ! انتي كله تسولفين عنه شكله فصله !
فطوم : مممم وانا بعد احسه خوش واحد بس جان استخرتي ؟
زينه : مزيون ؟
فجر :جب شكو بشكله
زينه:ههههههههه خلاص اول امتحان تم! تغار عليه فمعناته بدايه حب واافقي
فجرضحكت : اووش هاا
ساره :لا صج جان استخرتي ؟
فجر : اممم انا استخرت وارتحت بس قلت اسألكم يمكن انتو شايفين شي عليه ! اهو اكيد ابوي بيسأل عنه بعد بس مادري
زينه :وافقي
اماني : لا تضيعين هالفرصه !
فطوم : فيصل مو كل يوم تلقين واحد بشهامته و رجولته !
ساره : وافقي ولا تترددين .. انا ابصملج بالـعشر انه خوش واحد
فجر هزت راسها :خلاص بقوله
ساره : عااااشو
فجر :الحين اهوا عالبحر ناطرنا
البنات : اهم شييييييييييي !!
فجر : اااوه سكتو خلاص قلتله وما اقدر ارد بكلمتي
البنات غيرو الموضوع وقعدو يسولفون بوايد اشياء ماكو شي معين ..
فجر : يلا نزلو
البنات نزلو وكل وحده تعدل شكلها قعدو يتمشون واهم مكملين سوالف وضحك
ساره لفت ويها وتنحت والدمعه بعيونها : حسين ؟
ساره ردت لفت ويها وكملت مع البنات : صرت اتخيله !
فجر طالعتها وابتسمت : وينها القويه ؟؟وينها اللي تتحمل وما تنكسر ؟
ساره : موجوده وما راح تختفي ..
فطوم : فجور وين بتشوفينه ؟
فجر :مادري اهو قال انا اشوفكم واييلكم
ساره :زين انا بروح امشي هناك وراحت بسرعه
ساره كانت لابسه شورت فصخت فلاتها ومسكته ودخلت ريولها بالماي وقامت تمشي واهي تفكر بحـــســــــيـــــــــــــن ..!
ساره " ليش الدنيا وصخه ؟؟ ليش انا ما اقدر استانس بيوم؟ مالي حق حتى افكر بهالشي !!! كل شي ضدي حتى الانسان اللي حبيته من قلبي مو لي؟ شقام يصير بالدنيا كل الناس تغيرو الا اللي كنت معاهم من شوي لأنهم قطعه من روحي ولا جان تغيرو علي !!
قعدت على صخره وكملت سرحان
قعد يمها :وتقولين مافيج شي
ساره لفت عليه وردت شافت البحر
حسين :سارون شفيج
ساره : مافيني شي بس تدري اني احب البحر ..
حسين : قصي على غيري ..
ساره : لا اقص عليك ولا على غيرك انا مافيني شي !
حسين لف ويها عليه :عيني بعينج
ساره حطت عينها بعينه
ساره " عذاااااابي انت !!! آآخ لو كنت حبيبي جان الحين لميتك وقلتلك احبك جان انا الحين بخير !!!!!!!!!!!!!!!!!!!!!!!!
حسين : قولي شفيج سارون ما يهون عليي اشوفج متضايقه وانتي تدرين بهالشي ..!
ساره قامت : مافيني شي حسين وضحكت عشان لا تبجي ..تيي نمشي عالبحر ؟
حسين : اوكي بس ما نطول لأني برد البيت مواعد امي اروح معاها
ساره : ليش ييت عيل ؟ جان قعدت ولا انك تتاخر على خالتي الحين تلقاها تعصب وتحاتي ليش طول ومن هالسوالف ...
حسين : فصول قال بشوف فجر ودريت انج معاها تبيني اقعد بالبيت والفرصه يايه لي عندي ؟
ساره طارت من الوناسه ما بينت : هههه
حسين: فديت ضحكتها ياناس
ساره بقهر مو واضح : هالحجي وفره حق حبيبه قلبك
حسين :هههههههههههههههههههههههههههههههههههههههه
ساره : ماكو شي يضحك
حسين : اممممم
ساره " لازم يقولها ويذوبني
حسين شاف ساعته : يلا انا ماشي ديربالج على روحج واذا رديتي البيت قوليلي ابيج بسالفه مهمه..
ساره :شنو السالفه
حسين : لا تحاتين بس بناقشج بموضوع عادي بس بالنسبه لي مهم
ساره : اممم عنها ؟
حسين ابتسم : تقريبا
ساره ابتسمت: اوكي
حسين : يلا باي
ساره : باي
حسين خلاها وراح واهي ردت قعدت على الصخره ونزلت دمعتها ومسحتها على طول
ساره " حبيبي يشكيلي عن عذابه مع حبيبته!!! انا انصح حبيبي عشان يكلم حبيبته !!!!!!!!
* تعـــبـــــت انـــــا وتــعــــب هــالقــــلـــــب ..
الــــبــــارت الـــعــــاشـــر
فيصل : مساء الخير
البنات : مساء النور
فيصل : وييينها بنتي ؟
فجر : هههههه هذي بنتكم كلكم !
فيصل : ايي بنتي انا وحسون
حسين : فصيل انا رايح
فيصل : وين ؟
حسين: امي ناطرتني
فيصل: بنتي وينها ؟
حسين رفع حواجبه وعصب شوي : طير زين هذي بنتي انا بس ! يلا باي
فيصل : كلب .. فجر ؟
فجر : هلا
فيصل : اممم ممكن شوي ؟
فطوم : احنا ماشين خذت زينه واماني وراحو يتمشون
فيصل : اممم اقدر اسمع ردج الحين ؟
فجر : انشالله بطرشلك رقم امي مسج
فيصل ابتسم : ومتى ؟
فجر : لي رديت البيت
فيصل : ممكن الحين عشان امي تدق الحين ؟ الوقت مو متأخر وانا قايلها من زمان بس قايلها نطري علي
فجر :انشالله ودزته له
فيصل : عن اذنج شوي
ودق على امه وراح بعيد عنها شوي
-------------------------------------------
حسين : الو
ساره :هلا
حسين : مو مطاوعني قلبي اروح واخليج بروحج قلت اكلمج لين تصيرين اوكي
ساره : مافيني شي حسين
حسين : امممم اوكي ساره براحتج بس صدقيني سكوتج هذا ما راح يفيدج!
ساره : اوكي ..
حسين : باي
ساره معصبه : باي وسدته على طول
فطوم : ساارون شلون الحين ؟ريلج كلها تراب شلون نكمل القز ؟؟
ساره ابتسمت : انا برد البيت
فطوم : ليش ؟؟
ساره : ماكو عادي الحين بدق على امي اقولها تطرشلي السايق
فطوم : وشكوو شكو ! روحي زين بنطلع نستانس وانتي بتردين البيت
اماني:الوعد بالبيت مع حسين وغمزتلها
ساره: مالت عليج وعلى الحزه اللي عرفت فيها حسين ! ومالت على اليوم اللي حبيته فيه !!
قامت وراحت غسلت ريلها ببطل الماي اللي بجنطتها لبست فلاتها و قعدت تطقطق بفونها
اماني : شفييج سارون ؟؟
ساره طالعتها : مافيني شي شفيني يعني ؟وحده بترد البيت مرتكبه جريمه ؟فصيل وينه؟
اماني : هناك مع فجر
ساره : اوكي باي وراحتله
فيصل : بنتي حبيبتي!
ساره : هههههههه حبيبتك خلها حق ناس وغمزتله
فيصل : ههههههههههههههههههههههه ولا يهمج .. شلونج ؟
ساره : الحمدلله عايشين وانت شخبارك ؟
فيصل : بخير الله يسلمج بس شصاير ويهج مو عاجبني ؟ حسين مزعلج !
ساره : لا شكو فديته اينن
فيصل : اممممم عقبال ما اسمع هالحجي من ناس
فجر ويها بدا يقلب وتسوي روحها ما تسمع
ساره : هههههههه هذا وانت دكتور! المفروض تعقل شوي ..
فيصل : واهي خلت فيني عقل ؟
ساره :هههههههههههههههههههههههههههههه يمه بطني لا مو صج !! توني ادري انك عيااااااااااااااااار بس عاادي على حسين
فيصل : كل شي فيه حسين ؟
ساره : ايي طبعا !
فيصل ساسرها: للأسف مو لبعض
ساره حطت عينها بعينه
فيصل : اهو يحبها وانتي ؟ تحبينه ؟
ساره شافته وبثقتها : انا ما احب يافيصل انا الناس تحبني بس احب ؟ نو!
فيصل : متأكده انج ما حبيتيه وانكسرتي ؟
ساره: هذي الحقيقه مو غرور ! بس انا ما انكسر بسهوله وصعبه اني احب ..!
فيصل : اممممم
ساره : فجور متى بنرد ؟
فجر : كيفكم وين بتروحون ؟
ساره : انا برد البيت
فجر : ليش ؟ انا يوعانه خل نروح ناكل شي عالاقل ونرد اوكي ؟
ساره : اوكي بروح اناديهم
فيصل :يلا فجر ديربالج مع السلامه
فجر واهي منزله راسها مستحيه تشوفه : انشالله ..مع السلامه
فيصل ابتسم ومشى ..
ساره : بنات يلا بنروح
البنات : اوكي وراحو
بالسياره
فجر :وين تبون ترووحون؟؟
فطوم : خل ندخل سينما !
فجر : اممم تبون ؟
البنات :ايي
فجر : اوكي مرينا عيل
البنات : اوكي
بمرينا
ساره : خل نحجز اول
فجر : اوكي وراحو شافو الافلام وحجزو ..
الـــبـــــــارت الحـــــادي عـــــشـــــر ...
فجر : اممم وين بتاكلون ؟
فطوم : الحين لا حزه غدا ولا عشى خل ننزل ستاربكس واكلي كرواسون ولا كيك
ساره : ايي احسنلج
فجر :اوكي ونزلو ستاربكس ..
بعدها راحو الفيلم ولما طلعو كملو الطلعه بفره عالخليج وبعدها فجر قطت كل وحده بيتها
فجر واماني وزينه اول ما دخلو البيت
: السلام عليكم
امهم : وعليكم السلام
عايشه "امهم" : فجر تعالي حبيبتي بكلمج شوي
فجر قلبها طق طبول : انشالله
زينه واماني راحو غرفهم
فجر قاعده وحدها خايفه ماتدري شلون بترد على امها
عايشه : ام فيصل مرت عم فطوم اكيد تعرفينها
فجر ابتسمت :ايي ام نورو عدل ؟
عايشه : ايي
فجر : شفيها ؟
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك