رواية انتحرت فاحبني -10
حمد: جواهر ابيج شوي بره
جواهر: ان شاء الله
حمد: ما يصير جذي جواهر انتي بالبيت بروحج ولا جاء الحرامي شنو راح تسوين
جواهر: استهدي بالله مو صاير شي بس قلي قدرت تشري البيت من ابوك
حمد: لا ابوي اعطاني اياها هديه بعد تدرين صار فيه سرطان خايف يموت ولا يلقى احد يدعي له
جواهر: استغفر الله مهما سوى يبقى ابوك الله يشافيه ويعافيه
حمد: انزين ابيج تكونين بيتنا على الاقل ارتاح والله صرت مشقق عمري مابينج وبين اماني
جواهر: اشلونها اختي الحين عساها بخير ان شاء الله قامت تتجاوب مع العلاج
حمد : الحمد الله احسن من قبل نزورها ونتكلم معاها تقوم وترد تنام بس هذا شي طيب على قولت الدكتور هذا معناه ان العقل بدى يشتغل بس انتي لو تجيب يمكن تقوم
جواهر: انت ادرى بحال اخوي ما اقدر اخليه وعندي ممرضات يرعونه رايحات جايات
حمد الله يعين بس الله يقومهم بسلامه علشان احنا نتزوج ونرتاح
جواهر: ههههههههههه يلا راح ادخل اشوف فهد قام ولا لاء
حمد: يلا عجل انا راح اروح بيت تصبحين على خير
جواهر: وانت من اهله بس توا ناس
حمد: ابي اروح اشوف امي بعد تدرين اليوم الامير مشرف عندنا
جواهر: انت اشفيك على ولد اختك بدال تراعيه وداريه حاط دوبك من دوبه
حمد: انا ما اكره بس ياكل الجوا عني شوفي الوالده ما دقت علي اليوم كله تذكرين قبل امس وينك وازعجتني شوفي الحين ما دقت علي من الصبح
جواهر:هههههههههههه الله يخليها لها ويقوم اماني على خير
حمد : امين مع فهد بساعه وحده ولا اقول لاء بس عساهم يوقمون يلا في امان الله
جواهر : في امان الكريم
خلينا نسافر الى ارض العروبه ارض مجاوره الجاره الحبيبه لنا الى سعوديه
دك رائد: ياام سعد راكان اليوم العصر اهو واهله راح يجون يخطبون العنود عني والله انا لو كان لي اخت والله ازوجها وانا مرتاح والله انه ما يتفوت وانتي بنت بنت خاله امي وانا ابي خير لج لبناتج
ام سعد : خلني افكر واشاور البنت وان شاء الله خير, تغد معنا
دك رائد : على خيره الله يلا استأذن وكثر الله خيركم من جيت وانتوا مريقيني ومغديني ومعشيني ,والله اني متنت صرت سمين شكل بكره الباب ماراح ادخله هههههههههه
ام سعد: هههههه ما اسوينا الا واجب
د.ك رائد: فيج الخير والبركه يلا مع سلامه
ام سعد : مع سلامه لا تتاخر على الغدى
دك رائد : ههههههههه فيها غدى لا والله عزه الله اني غديت ضاقت علي ملابسي يا ام سعد كثر الله خيرج بس اليوم الاجراءات راح طول وشكلي راح ادفن ابو الاعيال اهني اليوم احتمال يطلعون جثته
ام سعد: وسعود ؟!!!
دك رائد سكت:لا ان شاء الله قريب الله يرحمهم يلا مع سلامه
ام سعد: مع سلامه الله يرحمك يا ولدي
خلال فتره العصر
ابوراكان: ها ياام سعد وش رايك تدرين ان قبل خطبنا وسعود الله يرحمه رفض
ام سعد: والله انتم نعم جيران ما شفنا منكم شر عني انا, انا موافقه بس البنت تبي تفكر بعد يومين او ثلاث نرد عليكم الخبر ان شاء الله
ابوراكان : على خيره الله نجي ان شاء الله بعد يومين يوم الخميس وانا جاي
ام سعد: ياهلا فيك راعي محل
ابوراكان: يلا في امان الله
ام سعد: في امان الكريم
نسيت اقولكم ان ابو راكان ولد خالت ام سعد والمراته ما صار لها كم سنه من توفت ولا جابت الا ولد واحد وثلاث بنات وكل البنات متزوجات ولا بقى الا اخر العنقود راكان من قبل كان يبي ابو راكان ام سعد بس ماصار نصيب وكل منهم راح طريقه
يتبع
(يوم الخميس ,يوم الموعود)
جاء راكان وابوه في مجلس ام سعد ودك رائد
ابوراكان : هاء نقول مبروك يا ام سعد
ام سعد طالعته وطالعت ولده ورائد الي معاه الدله دقيقه وابتسمت : البنت موافقه
ابوراكان: مبروك يا ولدي منها الاعيال منك المال هالله هالله بالبنت تراها بنتي من الحين انا اقول
ام سعد: يجزاك خير وانت بعد ابوها
رائد قام وسلم على راكان وبارك له التفت رائد لي ام سعد قال : يا ام سعد خير بر عاجله خلينا اليوم انمالك
ام سعد : كيفكم اليوم ولا بكره
رائد: راكان دق الحين على الملااك " الي يقوم بتوثيق العقد الزواج" يجي يملك لك
راكان : لا لازم انا اجيبه
رائد: اي زين
ام سعد : يوه نسيت للبنت شروط
قعد رائد وراكان وابوراكان : هاتي الي عندك
ام سعد: عطتني هذي الورقه اقراها انت يا رائد
رائد: بسم الله الرحمن الرحيم من شروط البنت تكمل وظيفتها, ولا يسألها وين راتبها راح ولا من وين جاء, لها الحق تزوراهلها كلما بغت ولا يحرمها , تبي العرس تكون حفله عائليه ولا تسمع صوت طقاقه ولا اي اغنيه , تبي مهر ما يتعدى 30الف ريال ولا تبي فيها زود وبسسسسس
ابوراكان : الي قالتها بنتي العنود عين العقل لها الي تبي
راكان : لاء من قال مهر 30 الف شنو راح تسوي لا يزود وانا قادر على المهر يا خاله قولي لها لج زود
ام سعد : البنت موظفه تقدر هي تدبر حالها
راكان: لاء يا خاله لاء ليه انا ماني رجال ماني قادر اصرف عليها ولاانا طايح من عينها
ام سعد: البنت اكيد تبي تساعدك
ابوراكان همس بأذنه : يا ولد لا طير البنت من ايديك الحين ملك وبعدين حلها
راكان : خلاص الي تبيه الحين اجيب الملاك نملك نص ساعه واجي انا وياه والشهود يلا استرخص
رائد ابوراكان ام سعد: اذنك معاك
تستئذن ام سعد وتدخل عند البنات (عنود 28 سنه لمار 25 سنه اشواق 23 سنه منال 20 )
لمار: ها يومه وافقوا على شروط
ام سعد تخز العنود: هذي شروط وانتي وجهج فشلتيني عجست ارد عليهم ولا اتكلم حرف الي قلتيه كل رجال عاقل يسويها وسالفه المهر هذي وليه حددتي انتي تعرفين كم معاشه فشلتي الرجال بغى يهون
العنود: احسن ياليته يهون وتتطلع من الغرفه
أشواق: يومه انتي اجبرتي عنود على انها توافقه على زواج
منال: انتي انجنيت امي مستحيل تسوي كذا صح يومه
ام سعد : انتي اسكتي انتي وياها اوجعتن راسي وفشلتني عند الرجال اسكتن اختكن انجنت هي وشروطها تحسب نفسها صغيره تحمد ربها ان لقت احد يطق بابها ولا نسيتن ,ان كنتن تنسن الناس ما تنسى ابدخل الحين يجي الملااك قولن لاختكن تستعد علشان اذا طلب يسمع موافقتهاو يشوفها راكان
تدخل ام سعد المجلس
ابو راكان: انا اعرفج يا بنت خالي اكيد انج هواشتيها على شروطها تراها من حقها
ام سعد : لا مو كذا يا ابو راكان لا تخاف على بنتك هههههههه
ابو راكان : اقص ايدي يا ام سعد اعرفج اكيد انج هواشتيها
رائد حب يلطف الجو : ياابو راكان متى تبي يكون العرس ان شاء الله
ابو راكان : على كيف المعاريس اهو اللي يحديدون العرس وانا علينا الباقي
ام سعد : والله فيك الخير وبركه بس الاعيال وش الي يعرفهم خلنا احنا نحدد
ابو راكان: لا ياام سعد خليهم على راحتهم الحين الجيل ما عاد هي الجيل الي تخبرينه اخاف لا انا حددت يقول يا يبى انت استعجلت خليهم هم على راحتهم
ام سعد: الي تشوفه يا ابو سعد انت خيط واحنا نلبس
ابو راكان : وانت يا رائد متى تخلينى نشوف عرسك ؟!
رائد يطالعه حس انه ورى سؤاله شي : ان شاء الله ان الله كتب بعد توه الناس
ام سعد : ترى يا ولدي العمر يعدي وانت ما تحس لازم تدور على بنت حلال
ابو راكان : اي والله ام سعد تقول الحق شف عمرك ترى بنات ام سعد ونعم فيهن وانا انصحك ان بغيت تاخذ بنات ام سعد ونعم فيهن
رائد:ونعم فيهن
ابو راكان : اذا تبي وحده منهن تراني انا بحسبه ابوك اذا بغيت اخطب لك ام سعد منو تلقى احسن منك
ام سعد: انا اشهد انه ونعم الرجال والله انه يوم السعد لو يجي ياخذ بناتي بس اشر
رائد: تسلمين يا ام سعد
ابو راكان : خل فرحه فرحتين انت وراكان
رائد : يا عمي توه الناس علي خلني الحين اخلص من قضيه سعود ورجال اختي الي حتى الحين معلق من ثلاث شهور وبنات او سعد ونعم فيهن
ابوراكان : لا تحط حواجز قل انك ما تبي البنات كن صريح
رائد : لا لا من قال والله ابي وحده من البنات ..... حس ان اهو تعمد علشان يتأكد من شكه واهو فضح عمره
ابوراكان: ههههههههههههههه اي اليوم فرحتنا فرحتين بـ راكان ودكتور رائد على بركه رائد ونعم ولد , ها اشرايج يا ام سعد
ام سعد : والله يا ابوسعد ونعم الولد بس البنت لازم ناخذ رايها بس عندي 3 بنات من الي يبيها
ابوراكان : الي اصغر من العنود
ام سعد : تقصد لمار والله يستاهلها اروح اشاورها
("في احد الغرف داخل البيت")
ام سعد : يا لمار تعالي ابي اكلمك تعالي بجنبي
لمار: سمي يا يمه
ام سعد : ابي افرح فيج انتي واختج عنود
تلتفت عنود واشواق ومنال لامهم
لمار قلبها بدى يضرب بسرعه وحست ان الدنيا تدور:..........
ام سعد: يا بنتي ابي ملكتك مع اختك اليوم دكور رائد ما يتفوت الحين ابيج تصلين وتستخرين مثل اختك عنود وعطيني جوابك وحطي في بالك ان الرجال ما يتفوت ونعم فيه انتي شفتيه يلا قومي
عنود: يومه ليش تزوجينها وكأنج تجبرينها على زواج بس بصوره ثانيه
ام سعد: لا تتكلمين لا تسمعج الرجال ما يتفوت ولازم ما يضيع من يدها
عنود: يومه ليش ما تكلم من قبل ليه الحين
ام سعد : ابو سعد فاتحه بالموضوع والرجال طلع حاط عينه على لمار انا كنت شاكه بس ابوراكان اكد لي واختج ما تبيه لا تظنين اني ما اعرف انك تبين راكان من زمان والحين لمار لا تظنين اني ما اعرف لا انا امك اسمع نبضكم واحس فيكم. , عنود ضمتها والبنات
("بعد عشر دقايق")
ادخلت لمار وبنات يسولفون
العنود: ها بشري شنو حسيتي
لمار: ما ادري ما حسيت بشي
("بعد وقت")
ام سعد تدخل معاها دفتر الزواج تعطي عنود علشان توقع وتسمع الشيخ انها موافقه بعد وقت
ام سعد : لمار ها موافقه
لمار:.........
ام سعد بصراخ : لمار مواافقه
لمار فزت من صوت : اي
ام سعد تبتسم مبروك يا بنتي اليوم يوم السعد لي بناتي الثنتين راح يتزوجن كلوووووووووش
تعطي الكتاب لي رائد
ام سعد : مبروك البنت موافقه على البركه
رائد حس ان الوقت مو مناسب بس اضطر انه يوافق: الله يبارك فيك يا ام سعد الحين اناديك يا خاله ههههههه
ام سعد: هههههههه
رائد : يلا راح ادخل
ام سعد : موفق كلووووووووش
ابو راكان قام من مجلس راح يم الصوت: يا ام سعد احول في رياجيل داخل
ام سعد : من الفرحه بناتي اثنتين تزوجن ما تبيني افرح
ابو راكان: اي مو كذا يلا ادخلي
ام سعد : ان شاء الله بس ملك اليوم بعد على لمار تدخل لما شافت البنات دمعت عيونها تشوف الي بقن اشواق ومنال اما عنود تلبس اهي ولمار تبتسم ما اقدرت تقول الا كلووووووووووووووووووووووووووووووووووش كلوووووووووووووووووووووش كلوووووووووووووووووووش
ننتقل الى الكويت
في مستشفى محمد بدى يتعلق قلبه مع امه ام حمد الي من سنين ما شافها وقام عاش معاها وحمد ولد اماني
ام حمد بالمستشفى: يايمه يا ولدي انت من صبح وانت تشتغل الحين صارت ساعه 12من الليل ياولدي
دك محمد: لا يايمه هذي شغلتي الحين انا ماسك زام ليل امس صبح انا مسوي نظام شفتات يعني اشتغل كل يوم 8 الى 9 ساعات ومامن تعب ما قمت الا ساعه 7 المغرب بس انتي تريحي من امس وانتي نايمه اهني امش اليوم نروح للبيت ادق على حمد
ام حمد : لا يا ولدي لا انا ما صدقت اشوف اماني من ثلاث ايام واهي الحين تقوم وتنام يمكن تقوم تبي شي ولا شي لا ابي اقعد
دك محمد : يا يمه ما ينفع اهي حتى الحين بمرحله العلاج ان شاء الله بعد اسبوع ولا اسبوعين راح تقوم بس هذا ما ينفعها
ام حمد: ما اقدر اتركها ابي اكون جنبها
دك محمد: افااا وانا انا حمد مما عندنا قميه عندك تاركتنا بالبيت بروحنا حتى عزوز فقدج يلا يا يما بعد اسبوع اهي راح تحتاج لج وانتي الحين تعبين عمرج تريحي وبعد اسبوع نبدى بعلاج ثاني
ام حمد : ليه بعد علاج مما صارت يا ولدي من 5 شهور وانتم على هذي الحال كل يوم كلكم علاج بس احس ان جسمها خلاص تعب من العلاجات الي انتم تعطونها
دك محمد: يا يُمه لولا الله ثم العلاج ما كانت الحين تتماثل الشفاء يلا يُمه انا ماراح اخليها روحي نامي بالبيت البيت مظلم من غيرج
ام حمد : بس اماني
دخل حمد : وانا يا يُمه وعزوز ومحمد منوعندنا ولا خلاص ما عاد تبينا صارت بس اماني بنتج
ام حمد : كلكم اعيالي بس اماني ........
دك محمد: لا بس ولا شي انتي قاعده تقصين علينا
حمد : اي والله ما عاد احنا بالقلب خلينا نروح ندور على ام جديده
دك محمد: اذا انتي تبي تدور رح انا ما ابي هذي امي وتكفيني
حمد: لا والله تبي تستفرد فيها بروحك هذي امي قبلك
دك محمد: لا يا حبيب امي قبلك
حمد: لا والله هذي امي ربتني من كنت صغير
دك محمد: وانا امي تعرفني من كنت كبير
دك محمد وحمد: ههههههههههههههه والله حلوه
ام حمد: هههههههههه والله انتم يا عيال ابد ما تكبرون
دك محمد: هههههههههه ما ابي انا ابي انام عندج
حمد: لااااااااا لا انا انام بغرفتها
دك محمد: هههههههههه انزين هو لك
حمد: هههههههههه ........ انت ليه تنزلت بسرعه
دك محمد : هههههههههههههههه لان اليوم عندي دوام ليل وامي ماراح ترجع البيت فهمت هههههههههههههههه
حمد: افااا يا ام حمد ما تبين ترجيعين للبيت مع ولدج المزيون ما دام الجيكر مو البيت
دك محمد: انا جيكر يا الميكر
حمد: يمه شوفيه
دك محمد: انت الي بديت مو انا
ام حمد : ياليل هذا وانتم اكبار جذي الله يصبر قلبي
دك محمد وحمد: ههههههههههههههه
حمد: قاعدين تنصرف لو كنا اصغار الحمد الله ما كان عندي كان الحين عصابه
دك محمد: بس عصابه الا منبتين الشيب براسها
ام حمد: الحمد الله رب ضاره نافعه
دك محمد دق بيجره خاص بشغل: انا استرخص ما اقدر عندي مرضى ابروح اشوفهم حمد خذ الوالده خلها ترتاح يلا يمه روحي ارتاحي يلا استرخص
حمد: ان شاء الله يلا يمه خليها تنام ترى والله مالج مكان عندها اهي ما تدري عنج
ام حمد: ماراح يجيني نوم واشلون انام
حمد: يمه لو في منفعه كان خليتج لك بس صدقيني مافي فايده ارتاحي ترى على نفسج حق واهي نايمه لو قايمه كانت مارضت بلي قاعده انتي تسوين بنفسج
ام حمد : والله قلبي ما يطاوعني يا ولدي ابقعد شوي بعدين نمشي
حمد : ان شاء الله تبين قهوه بروح كوفي شوب
ام حمد: لا ما ابي ما شفت عزوز وينه
حمد: بلى اليوم كلمته قال اليوم طالع البحر مع ابوه واخوانه كلمته كان مستانس ابوه حنون وطيب ما عليه خوف
ام حمد: انا ما اخاف من ابوه انا خوفي من امرته هذي ما ادانيها ولا ارتاح منها
حمد: لا تخافين ابوه ما يرضى عليه اشعرهيلا بروح اجيب قهوه
ام حمد: موفق يا ولدي
(" بيت جواهر ")
يوصل مسج لجواهر من حمد وهذا نصها
حبــيـبـتــــي
الهوى ينبت على قلبي حلـــم وآمــــال..
وشراييني تضخ الدم من أشواقي وترويها..
أنا أسمع دايم الأمثال تقول {{الحب يهد الحال}}
وأنا أقول الهوى¤جنه¤مادام الوصل يحييها..
دخيل أنفاسك وخدك ورمش عيونك القتال..
ودخيل شفاهك اللي بسمتك دايم تحليها..
أبيك بصدق توعدني قصر معك الزمن أو طال..
حيـــاتي يابعد عمري دخيلك ماتخليها..
وأبيك تكون لي¤جنه¤إذا طاح البخت أو مال..
وأبي عينك تراعيني من الدنيا وبلاويها..
وأبي حبــــك يغطيني من أسفل كاحلي للشال..
وأبي صوتك يذوبني مثل شمعه أنتهى ضيها..
وأنا بأعطيك عهد الله وأمان الواحد المتعال..
مادامني على الدنيا عيــــــونك ماأبكيها..
وعلي أفرش لك أهدابي وأحط رمشي<غطا وظلال>
وأضـــمك داخل ضلوعي وأذوب لك محانيها..
وعلي أرسم بك أحلامي وأخلي الروح بك تختال..
وأسميك بحشا روحي حبيبي وإنت[[غالــــــتيها]]
بعد عمري بعد روحي بعد (اعمامي والأخوال)
وبعد كل الشعوب اللي تبوت في أراضيـــها..
احبــــك أيه انا احبـــك وحبــك بالحشا لازال..
وأحــس إنه بعد يزداد بكل لحظه وثوانيها..
أحبــــك عد لمعات البروق وغيثها الهمال..
وأحبـــك عد مخلوق وطا الأرض ومشى فيها..
أحبـــك كثر مافي الكون من،،بحور وشجر وجبال،،
وأحـــــــــبك كثر ماترسي المراكب في موانيها..
أحبــــك كثر أنفاسك وعدد مافي الصحاري رمال..
أحبـــك كلمه بشفاهي ولاأدري كيف أحكيها..
وربي لامحبة قيس ولا حتى هوى الأمثال..
يجي ربع المحبه اللي بقلبي لك مخبيها..
تخيل من كثر ماأهواك وكثر ماأعشقك بخبال..
أحس إني ملكت الأرض من أقصــــــاها لدانيـــــــها
وتبتسم جواهر ويشوفها فهد ويتابعها وتدمع عينه
اي نسيت اقولكم اخر مره قل انه شالوا جبس عنه وبدى بالعلاج الفيزيائي وبدى يستعمل العكازات بس بدى دوم صامت قليل ما يتكلم جواهر ماقالت له ان اماني بالمستشفى علشان ما يأثر هذا شي على علاجه وطبعا فهد يظن ان اماني خلاص تزوجت ويمكن احملت وان سأل جواهر عنها قالت ما ادري عنها اهي السبب بالي فيك اهو حاليا بدى يتماثل بشفاء وصار عنده القدره الحركيه البسيطه
الا اهني راح اقرب للنهايه
اتمنى انه يحوز على رضاكم
زمنن ليس بزماني
بعد ايام وشهور تتماثل اماني بشفاء وحمد حدد العرس وحلف انه يكون بعد ما يقدر فهد على مشي ليكون له دافع وحافز لفهد طبعا فهد بدى بالعلاج الفيزيائي وبدى يتدرب اما حمد خطب جواهر وفهد وافق بس جواهر كان شرطها بعد ما يتشفى فهد شفاء الكامل وافق حمد على شرط حمد قال لفهد عن اماني وش صار فيها
حمد : فهد لازم تتشافى علشان اماني لو تشوف اماني والله يسخف قلبك عليها حيل ضعفت وعايشه على الادرب
فهد: ان شاء الله افرحها وخليها تشوفني اهي اخبارها
حمد : الحمد الله من اسبوعين بدأت تقوم مع العلاج الجديد وتتفاعل معاها بس ساعات تنسى حنا منو
فهد: ليه يعني افقدت ذاكره
حمد: دكتور يقول ما ادري بس يقول احتمال من كثر النوم" غيبوبه" لا تنسى انها نامت تقريبا 5 شهور يعني شي عادي ان شاء الله
فهد: ان شاء الله ابي منك طلب
حمد: امريني قل ما يردك الا لسانك
فهد: ابي ازورها اليوم عندي مراجعه لما ا خلص ابي ازورها بس اخايف
حمد: من منو خايف امي ولا ابوي اما عن ابوي مسافر لندن للعلاج اما امي ما اعتقد انها راح تردك
فهد: ان شاء الله
حمد: اشفيك ؟!! انت خايف انها تكون ناسيتك صح
فهد: هاء لا بس......... ما ادري
حمد: اشفيك فيك شي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك