رواية خجول الورد ما ينلام -8
عبدالله طالع اخته مهرا واكنت نظرته كلها ثقهمهرا بلعت غصتها:بلاك طالعني جيه؟
عبدالله ابتسم:اطالع اختي فيها شيء
مهرا:ههه قلتها بروحك اختك هب مرتك
عبدالله اتكه ع القنفه وابتسم
مهرا:اعترف
عبدالله:اعترف ف شو؟
مها:منوو مرتك
عبدالله:ههههههههههههههههه بلاكن متخبلات
نزلت تحت لقت الكل متيمع ع الغداء قالت بهدوء:السلاام عليكم..
الكل:وعليكم السلام
باست راس امها وابوها ويلست
ابو خالد:ها يابنتي شخبار الجامعه ويااج
الجوري:زينه يبه
ابو خالد:الله يوفقج وانتي يانرجس؟؟
نرجس:هاي اخر فصل واخلص
ابو خالد:الله يوفقكن..وانت ياخالد كيف الشغل وياك؟
خالد:الحمدلله يبه مرتاح
ابو خالد:الله يوفقك هاه متى تتزوج؟
ام خالد نقزت:احين ادورلك ع عروس سنعه
الكل:ههههه
ام خالد:وانا شو قلت
خالد باس راسها:ماقلتي شيء فديتج خلني استقر اف شغلي
ام خالد:الله يوفقك
.
.
.
.
مرت الايام واليوم اخيس يوم بالنسبه لجنى
اليوم راح تيي مرت ابوها **الهنوف**نزلت جنى عسب تتفحصها هع هع
وكانت فجر موجودة..
.
.
.
توقعاتكم...
ضنكم شو ردة فعل جنى؟؟
ومن هي هنوف وشو ردة فعلها؟؟
كيف راح تكون حياة ريم وسليمان ويا ميروه؟؟
وهل ماجد راح يخطط لفكرة جهنميه؟؟
شو ردة فعل نرجس من بعدما جافها فيصل؟؟
انتضروووني ورا بااجر ولا تحرموني من ردودكم...
هذا البارت واسمحولي ع التأخير ..
قرأة ممتعه
.
.
.
.
.
.
.
تفاجأت من مكالمته وحست انه بيغمى عليها
ترددت ترد او
ف الاخير قررت انها ترد تبي تتخلص منه
ردت بخوف وقلق:....
:واخيرا رديتي
حست بقشعريرة في جسمها وقالت وهي تستجمع قواها:شو تبى مني؟
:انا بخطبج ولو ماوافقتي يااويلج
:مابيك عافك الخاطر شو تبى مني شوووووووو
:مهروووووووووو لا تصارخين ع ماجد ال.....
مهرا:ومن يكون ماجد يلعب بمشاعر بنات النااس
ماجد:حاسبي كلامج لأيج الحين اف بيتكم ومايهمني شيء
مهرا حست بخوف قالت وهي تقاوم:سوها جانك تخاف ع خواتك
ماجد:خوواتي لاتيبيهن ع لسانج الوسخ اشرف منج
مهرا:هههه دامهم خواتك ف الله يستر
ماجد:ججججججججججججب
مهرا:اقلب ويهك ان دقيت مرةة 2 بتشوف الويل
ماجد:5 دقاايق وبتجوفيني عند باب بيتكم واخوج لو هب مصدقني اليوم بيصدقني
مهرا حست بخووف
.
.
.
.
طالعتها بقهر حست ان ودها تذبحها ولو انها للحين مارمست بشيء
جنى بقهر وكره:السلام عليكم
الكل:وعليكم السلام
جنى قررت انها تماشيها ولو غلطت غلطة بتوريها الويل
مدت يدها بتصافحها:شحالج؟
الهنوف:بخير وانتي؟
جنى:بخير دامج بخير
ابو احمد:جنى خذيها لغرفتها
جنى وهي تفكر اي غرفة:اي غرفه
ابو احمد:وفي غيرها من الغرف
جنى انصدمت يعني بترقد ف غرفة امي لااااااا لكن قالت وهي تقاوم كرهها:تعالي وياي
وهي تمشي سمعت صوت فجر:انا استأذن
فراس ياا
خذتها فوق وفتحت لها غرفتها:حطي اغراضج هني
خذت جنى اغراضها ع السريع ونقلتها لغرفة امها
الهنوف وهي تفتح الكبت:ملابس منو هااه؟
جنى بقهر:ملابسي
الهنوف:وانا وين راح احط ملابسي؟؟؟
جنى:حطيهم ف جنطتج وباجر يستوي خير
الهنوف:اسمحيلي جنى انا مااحب احط اغراضي ف جنطه
جنى عصبت بس تمالكت سحبت ملابسها وقالت حج الخدامه تاخذ ملابسها
وسارت غرفة امها وفتحت الدولاب ويلست تشم ملابس امها وتبجي
سمعت دق ع الباب
فتحت الباب:هلا يبه
ابو احمد استغرب:وين هنووف
جنى:بترقد ف غرفتي وانا برقد هني
ابو احمد عصب:تعارضين كلامي
جنى:ماعاش من يعارض كلامك يبه بس مستحيل ترقد ف غرفة الغالية
ابو احمد:لييش انشاء الله
جنى:انا برقد هني وخلاص
ابو احمد عصب وقال:تنقلين اغراضج من وين مايبتيها وهالغرفة محد بيرقد فيها غير الهنوف
جنى:مادك ماتبي حد عيل محد بيرقد فيها خلها بغرفتي وانا برقد ف الصالة
وطلعت قبلا تسمع كلام ابوها
وسارت الصالة ورقدت فيها ودموعها ع خدها
.
.
.
ع الصبح نزل وهو كاشخ جاف بنية راقدة ومتلحفة استغرب
قرب منها لقاها جنى..
احمد:جنوو جنىى نشي
فتحت عينها بتعب واضح وقالت:بلاك؟
احمد:ليش راقدة هني؟
جنى ماحبت تقوله عن الي صار فقالت:كنت متابعه فيلم ومن التعبت رقد
احمد:اها اوكي عيل انا طالع
جنى:وين بتسير؟
احمد:الشغل
جنى ضربت راسها:اووه نسيت اوكي العصر بتظهر؟؟
احمد:امم يمكن
جنى:اوكي ابى اسير عن شجون
احمد:اممم اوكي ساعه 5 كوني ياهزة
جنى:اوكي
.........
طبعا ريم من ظهرت من المشفي سارت بيت امها عسب اول طفل لها
اما سليمان ايي كل يوم يشوف مرته وبنته
وجود فررررررررحااااانه
جود:ريمووووه بنتج كله تبجي تعبتني
ريم خذتها وهي تبوسها:كووني رقيقه
جود تطالعها بنص عين:ليش انا هب مالية عينج؟؟
ريم:نوو
جود:جبببببببببب
ريم:يالسباااالة بنتي رااقدة
جود:طالعه ع امها لو اتيبون طبول الدنيا مابتصحى
ريم:سباااله
جود:طالعه عليج
ام محمد:انتي ماتيوزين عن طبعج استويتي ام خلاص عااد
جود:ههههههه
ريم:جب انتي
.
.
.
.
:حااااااااااااامل؟؟؟
:اي؟؟؟
:يعني بستوي ابو
:بس عاااااااد
:خلني ابشر امي
.
.
انتشر الخبر بحملها والكل فرح لهم
.
.
.
فطوم:شوووو فجر حااااااامل؟؟؟
جنى:ايييييه تصدقين ياافرحتي
فطوم:ليييش ماتقولولي من قبل
جنى:ههه دايم ريوم تبشرج والاخت مشغوله وياابنتها فقلت ابشرج
فطوم:فديتج
.
.
.
....:جيفر انت من صجكككك؟؟؟
جيفر:اي الحين اتصلوا علي وقالوا لي انه ف العنااية الرمزة
مجد:شووو استوى له؟
جيفر:حادث
مجد:ابى اسيرر الدختر عنده
.
.
.
في المستشفى
الدكتور:ماجد ال... عطاكم عمره
مجد:ماااااجد لااااااااااااااااااااااااااااا
جيفر يهديها
.
.
بعد ثواني يت ام ماجد يلي دايم متأخرة هي وميس
ميس:وين مااااااجد؟
جيفر بحزن:عطاكم عمره
ام ماجد:شوووووو واغمى عليها
ميس انهارت وياوو الدكاترة وخذووو ام ماجد يلي الكل استغرب من حركتها بس ف النهاية تبقى امه
.
.
.
في بيت ابو عبدالله
مها بحزن:ف منتدى .... عضوو توفى
مهرا حزنت عليه:شو اسمه
مها:only memo
مهرا:شووووووووووو؟؟
مها:بلاج؟
مهرا:هذا الحقير ماجد
مها:اذكري الله ترحمي عليه الريال مات
مهرا نزلت دموعها:لا اله الا الله لا اله الا الله
.
.
.
مرت الايام واليوم ثالث ايام العزاء
ام ماجد من صحت يلست تبجي ومجد تبجي وميس مانزلت حتى تقابل الضيوف
اما اصدقاء السوء يلي كانو ويااه بخير ماستوى لهم شيء وندموا ع كل لحضة غلطوا فيها
..
طالعت تلفونها لقت((prince))يتصل بك
ردت عليه
مجد:هلا جيفر؟
جيفر:مجد اليوم بتردين البيت
مجد تهندت بتعب:اي
جيفر:في احد غريب
مجد:لا بس خاللاتي وعماتي وجدتي
جيفر:عيل انا ياي
..
جيفر:السلام عليكم
الكل:وعليكم السلام
سلم عليهم وقعد يم مجد
عم الصمت ثواني
جيفر:يالله مجد سرينا..احنا نستأذن
الكل:الله وياكم
ام ماجد وهي تمسح دموعها:مجد تعالي باجر؟
مجد وهي تبوس راسها:ان شاء الله
وسلمت ع خاللاتها وعماتها ويدتها وسارت
.
.
.
كان يالس ويفكر ف الي جافها
((ياربي هالبنت ملكت احاسيسي من اول نظرة جفتها اااخ بس لو اعرف اسمها فديتها))
.
.
.
انتهى البارت..
اتمنى ينال ع اعجباكم ..
توقعاتكم ..
ضنكم ام ماجد بيكون طبعها هادئ ام بترجع مثل قبل؟؟
هل فجر راح يتحثث حلمها ام يستوي مثل قبل؟؟
ومن هالشخص يلي حب ومن تكون حبيبته؟؟
هل راح جنى ترقد ف صالة كل يوم؟؟
شو تتوقون يستوي بين الهنوف وجنى؟؟
سؤال اخير .. شو رايكم ف البارت .. وشو تعليقكم لبارت اليوم؟؟
قرأة ممتعه للجميع ...
.
.
.
.
.
.
.
.
.
.
حطت راسها ع كتوف اختها
قالت بصوت اشبه للهمس:شرايج نسير العزا؟؟
مها:انتي مينوونه امي بتسألنا وين سايرين؟؟
مهرا:بقوللها ربيعتي اخوها مات
مها:مادري قوليلها وان وافقت بنسير
مهرا:تعالي ويااي
...
ام عبدالله:لو كنت اقدر كنت بيي وياكم
مهرا تلعثمت:هـا...
مها تحاول انها تغطي ع اختها:ارتاحي اماية بنرد بسرعه
ام عبدالله ابتسمت:الله يحفظكن ان شاء الله
.
.
.
.
حدرت المطبخ وحست انها كانت مرتاحه ف نومتها
شربت ماي عقب يلست ع الطاوله يلست تاكل مربى ويا خبز
شوي الا حادرة الهنوف ولابسة مخور ازرق:صباح النور
جنى وهي تنزل كوب الماي:صباح النور
قامت بتسير
الهنوف:ع وين ماكملتي اكلج
جنى:شبعت
الهنوف:دامج شبعتي ليش ماتاخذين صحونج؟؟
جنى:الخدم بياخذونه وهذا نظام البيت
الهنوف:الخدم اي خدم؟؟
جنى عصبت:خدمنا يعني اي خدم؟
الهنوف:كلهم ساروا بيت امي عسب امي مريضه وتبي احد يعتني بها
جنى عصبت اكثر:دامها محتااجه احد يعتني بها ليش تزوجتي ابوووي جان يلستي عند امج
الهنوف يلست بغرور:والله هذا الي استوى وتزوجت ابــــوج
جنى طلعت من المطبخ وسارت غرفتها الي هي غرفة امها
ويلست تبجي وتبجي
لين رقدت ع الفنفه
.
.
.
.
في عـــالم مليئ بالحب والسعـــادة
مكان يملئه حب شخصين ..
:بلاك اليوم تبيني اكشخ واتلبس وين بنسير
:مابنسير مكان بس ابيج تنزلين وياي ع الصاله
فتحت الباب وحطت ريلها ع اول خطوة من الدري
الا وتسمع اغنية **الله يباركلي فيك**مالت تامر حسني
وفراس يبتسم لها ..
((الله يباركلي فيك يااغلا من عينياا الله يخليكي ليه ..الخ))
ابتسمت له ونزلت برقة وكأنها الاميرة
كانت لابسة فستان زيتوني قصير عليه قصة من الصدر وفيها كرستالات ورافعه شعرها ونازلة خصلات منه بشكل عشوائي
وهي تمشي نزلت خصلات من شعرها ع ويهها
خقق عليها فراس وحضنها
مسكها من يدها وسحبها لمكان ظلام وفيه نور الشمعه
امرها تطفي الشمعه وعقب انفتحت الانوار وخقت ع المكان كان مزين بلون احمر وذهبي
والكيك مكتوب عليه
(i will be mom)
كان روعه... قصته عقب تصورو هي واحمد
احمد بصوت مليئ بالحب:فجورة
فجر خقت ع صوته:عيونها؟؟
احمد:تسلملي هالعيون..تعالي وياي
يلسها ع القنفه ومد لها علبة حمرة عليها شريطة بلون ذهبي
فتحتها انبهرت من شكل الخاتم كان عبارة عن خاتم المــالس ع شكل وردة
ابتسمت له وقالت:تسلم يا احلا ابو رهف
ابتسم لها:ليش رهف؟؟
قالت بدلع:احب هالاسم
ابتسم لها وباسها ع شفاتها
.
.
.
اليوم ريم بترد بيت ريلها
جود بحزن:بشتاق حج ميروووه
ريم:تعالي كل يوم عندها الي يبيها ايي بروحهه
جود:ههه باايخه
ريم:مب ابيخ عنج
وصل لريم مسج من سليمان انه برا
لبست عباتها ولفت شيلتها واشرت لميري تاخذ غراضها
.
.
.
:ع وين
:بسير عند مها ومهر يرانا
مشعل:شوو مهرا لا تسيرين بيتهم
سديم:لييش؟
مشعل:هااي مهرووو مابيج ترابعينها
سديم:لا حرام عليك هي طيبه تغيرت واييد احين
مشعل:قلتلج لا
سديم والدموع ف عيونها:مشعــل
مشعل رحمها:سيري بس لا تتأخرين
سديم باسته ع خده:مشكوور ياحلا اخو فديتك انا
مشعل ابتسم بس من تذكر مهرا حس بقهر
تذكر يوم كان بيطلع جاف بنيه يالسة ف بلكونه ووترمس ولد
((اكيد تذكرو هالموقف))
تذكر انه كان يطالعها بقرف ونفس النظرات كانت ف عيونه وهو يتذكرها
:حووووه انت تطالع منوو جيه ماجوف شيء ف التلفزيون مقرف
مشعل:بسم الله من وين طلعتي
سديم:كنت رادة اخذ تلفوني نسيته وجفتك ع هالحال
مشعل:وطالع يمه خذ التلفون ومد لها:ذلفي
سديم:مقبووله
.
.
.
:وين سايرااات؟؟
مها:بنسير العزا
سديم:عزة منوو؟؟
مهرا:اخو ربيعتي بتسيرين وياانا
سديم:اممم مادري
مها:بلا تفكير يالله بنسير...
الكل:يالله
.
.
.
في العزا
يلسن مها ومهرا وسديم
واليوم طبعا رابع يوم له متوفي وايون الناس شوي ويظهرون
يت مجد وسلمت عليهن ف البدايه استغربت منهن عقب سولفت وياهن وسالوفهم ماتعدت عن شحالج او احسن الله عزاكم
قامت مجد وسارت بتشوف اختها الي متقطعه من الصياح
.
.
.
مجد:ادعي له فديتج
ميس بصوت يتقطع:مــجــد جوفي هااه (مدت لها تلفون ماجد)
خذته مجد وطالعت صور بنات وارقام بنات والــخ...
دققت مجد ع صورة بنت لابسة عباية وطرحه وكاشخه وجمال ودلال
تذكرت انها البنت يلي موجود تحت
مجد:ميس الهالبنت موجود هني ف بيتنا
ميس:شو؟؟
مجد:اي تعالي ننزل تحت
ميس سارت الحمام(اكرمكم الله)وعقب لبست عباية وحطت الشيلة ع كتوفها ورفعت شعرها بطريقه عشوائية
بما انها صغيرة الا ان الي يجوفها يقول عنها ام 15 سنه ولا هي الا 12 سنه
سلمت ع اليالسين ودموعها مافارقتها
ام ماجد تبجي
اما مجد صابرة عسب امها واختها
مجد وتقول حج مهرا:ممكن ارمسج بأنفراد
مهرا بخوف:انا
مجد ابتسمت بحزن تريحهها:اي
خذتها ع الصالة الثانيه وكانت فاضيه
مجد:امم ادري انه سؤالي غريب بس اجابته تهمني
مهرا بتلع ريقها:تفضلي
مجد:انتي تعرفين اخوي ماجد
مهرا تلعثمت وحست انه احد صب عليها ماي بارد:شوو؟؟
مجد:لا تخافي محد بيدري
مهرا:منوو قالج؟
مجد ماكاننت تبي تقولها:ماجد كان يقولي عنج
مهرا ارتاحت بس نزلت راسها لانه الي سوته مب شووي
.
.
.
:ع وين؟؟
:اهم شيء ابوي وافق مايحتااي استأذن منج
:انا حسبة امج
:امي الله يرحمها هي امي وبس
هنوف:شووو انتي يبيلج تربيه من يديد
عصبت جنى:شوو تقولين الي افهمه انج تهينيني لا وبعد بأني هب متربيه
الهنوف:فهميمها بطريقتج اهم شيء ما بتطلعين من البيت
طلعت جنى وصفعت الباب وراها بقوووة انا الهنوف حست انها خدامه
فقررت انها تخرب العلاقه بين جنى وابوها..
.
.
.
:سحررررررررررررررررر
سحر:هلا يمه؟
ام فراس:اليوم بنسير عرس يارتنا ام علي
سحر:مادري بجووف البنات لو بيون ولا لا..
ام فراس:برايج
.
.
سارت سحر تتأكد من البنات لو بيسيرون لان ام علي تعرفهن فأكيد عازمتنهن
فتأكدت من البنات انهن بيسيرون
..
بليل وقت العرس..
اجتمعن البنات ف القاعه
سحر:لبست تنورة قصيرة بنيه ويا تيشرت بييج وعليه كتابة بلون بني بالانجلزي
جود لبست فستان قصير فوشي توب وميك اب نعومي طلعت جنااااان
شجون لبست فستان طويل احمر عليه حركااات بالاسود وحطت شعرها كيرلي وحطت ميك اب خفيف وحلووو
جنى لبست فستان قصير اسود ويا رصاصي يدل ع كأبتها وصندل اسود
رغد لبست تنورة نيليه ويا بلوووزة بيينكي فاتح وعليه جاكيت نيلي وحطت ميك اب نعوومي و شعرها نفخته من جدام ومن ورا تركته ستريج
...
جود:جنوو بلاج ماترمسين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك