رواية غلطه وبندفع ثمنها السنين -34
الدكتور: تخيل طفل بهذا العمر يمر بحالة نفسيه ...المشاكل اللي بين الزوجين تتأثر على العيالهم....حلو مشاكلكم بعيد عن اعيالكم ...صار يتناقش معهم وبعد جذا طلع الدكتور من الغرفه
موزه نزلت شيلتها
حميد جلس جنبها على الكنب قال: الوضع اذا زاد عن حده انقلب ضده
موزه شو يقصد قالت منفعله وهي تقوم من مكانها:اصلا انت سبب اللي انا فيه زعلت ابوي مني وعمر تعبان ..شنو اللي ماانقلب ضدي ..كل شي ضدي .وراحت الحمام وهي تمسح دموعها ماتبي حميد يشوفها
حميد تفاجئ من الهجومها عليه ..شنو سالفة ابوها زعلان
حمد اتريا موزه تطلع من الحمام ...عرف انها ماتبي تشوفه ...قام من مكانه وبوس عمر وطلع
....................
في بيت ام ناصــــــــر
ام سعود اوصلت الكويت مشان تحضرالعرس
دارين الصقه في امها مشتاقه لها حيل
ام سعود:ناديه وينها مااشوفها
راشد: من ناديه؟؟؟
ام سعود تطالعه بشك: بنت اخوك
راشد: مااذكر اخوي عنده بنت اسمها ناديه
دارين: هههههههههههههههههه
راشد: اعرف وحده اسمها خذت عقل فهد
ام ناصر تطقه بالعصا: قول ماشاء لله ...لا تنظلهم
راشد: ههههههه ماشاء الله موب صايبهم العين
ام سعود: ناديه مسافره؟؟
دارين: لا..في اشاليه
راشد: هذا رال تارك شغله ومقابل امرته
ام سعود: عليهم بالعافيه
راشد يساسر دارين : اشوف العجايز راضيات على فهد بصفه قال بصوت عالي: عيل باخذ دارين وبروح اشاليه ..موب احسن مني فهد
ام سعود بمزح: لاماتاخذ بنتي ..خلها عندي مابعد شبعت منها ..روح ابروحك
راشد: شنو اسوي ابروحي اقابل الطوفه
ام ناصر: بنروح معك كلنا مشان ماتقابل الطوفه
راشد:احترامي الكن يالعجايز ..خوتكن ماتنعاف ..بس مالي حاجه فيكن
ام ناصر تطقه بالعصا
ام سعود تعدل شيلتها وبرقعها: ماحنا بعجايز عجز الركبك
راشد:شفتي امج تدعي علي
دارين وهي تمسح على ظهر راشد: يمه لا تدعين على رجالي ...استغفري ...كلش ولا راشد
ام ناصر:عيل يقولنا عجايز
راشد:تبن تعرسن وتجددا شبابكم
ام سعود: عندك معرس جيبه؟؟
دارين تبتسم: يمه والله ماتعرسين
ام سعود: وش تبين مني انتي عند رجالك....وانا بالبيت ابروحي محد يونسني ...خليني اعرس واتونس احصل احد يرد على الصوت
راشد: وانتي يايمه ماتبين تعرسين؟؟؟
ام ناصر: مو احسن مني ام سعود
راشد بخبث: المعاريس موجوين ومستعدين ...شبيب ومشبب
دارين عرفتهم ..ماتت من الضحك
راشد: ههههههه
ام ناصر تذكر وين اسمعت اساميهم ...تذكرتهم قالت: شبيب ومشبب اللي يشتغلون بالشركه مقهوين
ام سعود:افااااااا تزوج عمتك مقهوي
دارين :مشان تعرفين مافي احد يسوى ابوي
ام سعود قالتها من قلب:ايه والله محد يسواه ..
راشد: انتم جربوا شبيب ومشبب يمكن ينسونكم المرحووووووووومين
ام ناصر: مالت عليك جيب لنا ناس فيهم خير
راشد يضحك:محد فيه خير غيري انااااا..وانا والدج ومحرم عليج اتزوجج
دارين : ههههههه اصلا مابخليك تاخذها ..انت اللي وبسسسسس
راشد يمسك قلبه: يالبى والله قلبج....
هاااااااااااااااااااااع
هذا صوت حمدان
التفتوا على الصوت
الكل تفاجئ بجيت شيخه
شيخه: مو فاجئه صح
الكل رحب فيها
راشد بعد ماسلم عليها : زين اللي جيتي عشان تحضرين عرس امج وعمتج
شيخه: ههههههههه افا كنتم ناوين تعرسون من غير ماتخبروني
راشد: شنو نسوي العجايز مستعجلات
الكل: هههههههههههههه
........................
في اشاليـــــــه
الساعه 10 مساء
ناديه تجهز شنطتها باجر الصبح بترد بيت ام ناصر
فهد في المكتب ينهي بعض الاتصالات بعد جذي فتح الدرج وطلع علبه بيضه وعليها شريطه حمراء ابتسم وطلع من المكتب متوجهه حق ناديه
ناديه خلصت من ترتيب الشنط والطلعت من الغرفه النوم وهي طالعه قابلها فهد يبتسم
ناديه: عسى دوم الابتسامه
فهد: يدوم عزج ونبض قلبج....ماتبين الصباحتج؟؟؟
ناديه تبتسم: ذلحين بعد ماطاف شهر تعطيني اياها ...حلاتها بوقتها..
فهد مد يده حق ناديه: تعرفين ماكان الوضع بينا يسمح اعطيج اياه
ناديه عرفت شنو يقصد بكلامه .. اخذت الهديه صارت تتامل فيها
فهد يبتسم: افتحيها
ناديه افتحت الهديه ..انصدمت معقول نفس الساعه..ارفعت عيونها تطالع فهد
فهد مازال يبتسم: مو عاجبتج
ناديه تمد له الهديه: هذي مو لي
فهد عقد حواجب
ناديه :امممممم موهذي الساعه اللي اشتريتها من مكه؟؟
فهد: ايه
ناديه:وقتها انت شاريها حق شوق مولي ...موب انا لي اخذ فضلتها
فهد: انتي على كيفج تالفين سالفه وتصدقينها ...هذي الساعه انا شاريها لج مخصوص .... مسك الذراعها شفتها عليج بالمحل قلت ماتصلح الا على الذراعج
ناديه اسحبت الذراعها: انا اتذكر كل كلمة قلتها....هذي حق حبيبتي ...وحبيبتي تغار
فهد يبتسم: هب يالذاكره تذكرين كلامي....ايه قلتها حق حبيبتي وقلبي وروحي...وماكذبت يوم قلت حبيبتي تغار ...وزادت غيرتها بعد مااعرست
ناديه مافيها تكب فهد هي تغار عليه: وانت متوقع اني راح اخذها منك الهديه؟؟
فهد: انا اصلا مابعطيج اياها لابعد ماتكونين حليله لي وبحضني
ناديه تبتسم: اشوفك واثق انك راح تتزوجني...افرض اني رفضتك شنو راح تسوي بالساعه؟؟
فهد:اعتقد انج شفتي شنو سويت حق فارس.....مسك الذراعها ونزل الساعتها واخذ هديته والبسها الساعه وطبع قلبه على الذراعها قال: ذلحين فيني اتأمل الذراعج من غير مااسرق النظر
ناديه اضحكت بخجل
فهد : احبــــــج
ناديه: وانا بعد
فهد ميت يبي يسمعها منها : انتي شنو؟؟
اشوي دق جوال فهد كان شوكت المتصل عليه يخبره العشاء وصل
ناديه حطت العلبه على الطاوله وهي تسمع فهد يقول لها العشاء وصل
ناديه: جوعاااانه مره وخصوصا اليوم الغداء مغبر ومحترق
فهد:ههههههههه بعد تسبين غداي مافيه عشاء
ناديه : لالالا غداك شي يخبل لذيذ مافي احلى منه
فهد يشبك يده بيدها وهم نازلين من الدرج
فهد بصوت يغني : والله وتحقق منايا شوفوا حبيبي معايااا
ناديه تبتسم
.....................
الاماراااااااات دار الزيــــــــن
في المستشفـــــــــــى
موزه: اخبار ابوي
ام سعيد: عفس الدنيا علي وحشرني ..زعلان مني ومنج حيل
موزه: امممممممممم
ام سعيد: بيزعل يوم ويومين وبيرضى....هو مو متوقع انج تخبين عليه
موزه: مااريده يتضايق بمشاكلي
ام سعيد كسرت خاطرها بنتها تعبانه وفوق هذا كله متواجعه مع ابوها وزوجها:انا اليوم بجلس عند عمر ..انتي روحي ارتاحي بالبيت
موزه:هانت بعد باجر بيطلع
ام سعيد مصره: انا اليوم بنام عنده
موزه صج تعبانه من نومت الكنب كسر ظهرها محتاجه ترتاح ...وهي عارف امها كلمتها ماتثنيها
اشوي دش حميد وسعيد
ام سعيد: اوصلوا اهلك بسلامه
سعيد: هيه اوصلوا كلمتها قدهم في البيت
ام سعيد: الحمد الله على سلامتهم
سعيد: الله يسلمج....مابتسرين البيت؟؟
ام سعيد: لا بنام اليوم اهني..موزه بتروح معك البيت ترتاح
حميد غمز حق سعيد: انا بوديها
سعيد فهم عليه: يزاك الله خير..انا وراء شغله ضروريه ..اذا وصلت موزه راح اتاخر على الموعد
حميد ابتسم ان سعيد فهم عليه: يالله موزه
موزه ماتبي تروح مع حميد مالها خلق تناقشه باي شي نفسها خايسه اليوم
...................
في السيــــــــــارة حميد
حميد : ماتبين نمر المطعم نتعشاء
موزه: لا مالي خلق حق الويه..وصلني البيت ابي اطيحه
حميد يبتسم بخبث
وصل حميد البيته
موزه فاجه عيونها: ليه جايبني اهني
حميد: مو انتي تقولين وصلني البيت..هذا بيتج
موزه: مابنزل اهني؟؟
حميد يالله بصبر: موزه بابعيد وازيد برمسه ..انتي مالج عيشه من غير ...ولا انا اروم اعيش من غيرج..نزلي البيت..تحصلين اعيالج مشتاقين لج
موزه هو صاج مالي عيشه من غيره :امممم اول ازكر الي سلطان؟؟
حميد عقد حواجبه: نزلي وشوفيه ليه يجيج اهني
موزه: انت ماتبيني ارد لك...
حميد: هيه اباج تنورين حياتي وبيتج
موزه استحت من رمسته: ازكر سلطان
حميد اتصل في سلطان يطلع له برا
اشوي وصل سلطان و تفاجئ بامها ...سلم عليها بوله وشوق لها ..
سلطان : حياج نزلي
موزه: تذكر شرطي اللي شرطت عليك .
سلطان تذكر : هيه
موزه: مابنزل لين توعدني انك تلبي شرطي
سلطان ابتسم: انزلي ..وشرطج من زمان منفذه...بس كله مشانج يالغاليه
حميد مو فاهم اسالفه: شنو مستوي
سلطان خبر ابوه بسالفه
حميد: وانا اللي الف وادور وراك مو معبرني ..وامك تلبى لها طلبها
موزه ماحبت حميد يزعل من سلطان قالت بعفويه : حبيبي اهم شي انه ودره ..لا زعل من سلطان
حميد استانس قالت حبيبي وااااي مشتاق حق سوالفها وغزلها
..............................
الجـــــــــــــزء66
في بيت حميــــــــــد
شهد وسلطان هم اللي حضروا اللعشاء بمناسبة رجعت امهم وطبعا مايتخلون من خدمات الخدامه
موزه دشت غرفتهاواخذت لها شور
في اصـــــــاله
حميد يكلم امه بتلفون يقولها مالها داعي تجي تنام عندهم
(ام حميد بعد ماتنوم عمر بالمستشقى صارت هي تنام عندهم تداريهم وتشوف طالباتهم ...ماتدري الفتره اللي طافت جالسين ابروحهم
.
.
.
موزه بعدما اخذت دش غيرت ملابسهااا ونزلت تحت
شافت حميد يكلم امه.... رحت المطبخ
موزه تبتسم : أي مساعده
شهد: شكرآ ياحلاا ام في دنيا
سلطااان :ارتحي عند شيبتج
موزه : هههههههههه شيبتي
حميد بعد ماسكر التلفون من امه راح المطبخ وسمع رمستهم قال:منو شيبه؟؟؟
سلطان يبتسم: منو قال شيبه؟؟محد قال شيبه
شهد تبوس ابوها : احلى شيبه شفته
موزه تبي تبين حق اعيالها انها راده البيت برضاها مو غصب عنها قالت وهي تلف يدها بذراع حميد وتبتسم: اشفيكم على ريلي ...انا راضيه فيه حتى لو كان شيبه ومخرف
حميد مشتقق من الوناسه قال: مدام معي القمر مالي ومال السبال ..ويأشر على اعياله
الكل: ههههههههههه
شهد تطلعهم من المطبخ : يالله عطلتوناعن شغلنا
حميد وهو يطلع من المطبخ مع موزه: هيه موزه خلينا نحجز سرير بالمستشفى
الكل:هههههههههههههههه
راح هو وموزه اصاله واجلسوا على الكنب
حميد وهو يحضن اكتوف موزه: انتي قايله حق الدكتور عن مشاكلنا
موزه: لا
حميد:عيل اشلون عرف نحن متمشكلين
موزه:انا سئلت عمر ..طلع هو اللي قايل حق الدكتور....شرات ماخبر ابويا
حميد:هيه صج شنو سالفت ابوج؟؟
موزه بنبرة حزينه:ابويا زعلان علي مشان ماخبرته بزعلنا..
حميد: ليه انتي جالسه عند اهلج على اساس شنو؟؟
موزه:قلت له اني تعبانه...واريد ارتاح جم يوم عندكم
حميد كبرت بعينه..مارضت احد يعرف عن مشاكلهم حتى اقرب الناس لها....دوم تستر على عيوبي وتظهر حسناتي
قال وهو يشد بحتضانها: امي دعت لي بليلة القدر...اشكر ربي الف مره اللي صرتي حليلتي ..قرب من وجها ومسك ذقنها وطبع قبله عميقه على خدها اشوف جميع اوجاعه
احم احم احم
هذا صوت شهد
موزه ابتعدت عن حميد ..استحت من بنتها تشوفها بهذا الوضع
شهد تبتسم: العشاء خلــــــــص...وراحت غرفة الطعام
موزه وحميد قاموا من مكانهم ومشوا خطوتين بعد جذي حميد وقف موزه
حميد وهو ماسك يد موزه قال لها بهمس وهو يتأمل بعيونها: السموحه منج على كل شي
موزه ترقص فرح ان حميد حاس بغلطته
حميد: هاه سامحتيني...اريد اسمعها منج
موزه القبله فجرت مابداخلها ...ماتحملت بنرة صوته وحنانه ..قربت منه والفت يدها حول عنقه واحضنته حيــــــل
حميد لف يده حول خسرها وشد بحتضانها حس بدقات قلبها قال بهمس :احبـــــج وبعد جذي دفن وجهه بعنقهاااااا
.
.
.
.في غرفة الطعـــــــام
شهد قامت من على الكرسي مسكها سلطان قال: وين بتسيرين؟؟
شهد : بشوفهم ليه ماجاوا؟؟
سلطان:خليهم على راحتهم لاتنقصين عليهم
شهد افهمت قصده: ياقليل الادب
سلطان يبتسم: حوووووو شهد وين سار تفكيرج
شهد تضحك على افكارها: هههههههههه
..........................
في الكويـــــت وقت الصباح
ناديه جالسه بسيارة تنطر فهد اللي مع الحارس الشاليه يحمل الشنط بسياره
بعد ماحمل الشنط الحارس فهد شكره وركب سيارة
السياره مغيمه وناديه كاشفه عن وجها وحاطه الشيله على راسها من غير ماتلفها
فهد وهو يسكر باب السيارة: مانسيتي شي؟؟
ناديه تفقد اغراضها: امممممممم لا
فهد: تذكري مني مناك
ناديه تبتسم: لا مانسيت شي
فهد قرب وجهه منها قال : قبلت الصباح
ناديه تبتسم بخجل
فهد شافها طولت ماعطته قبله قفل السياره : مو متحرك كن اهني لين ماتعطيني بوسه..احد قالج عوديني على قبلة الصباح
ناديه: ههههههههه اما عاد انا اللي عودتك ..منو اللي قبل مايتريق لازم يسرق قبله مني
فهد: اليوم ماتريقت ...مايصير اطوف الريوق والقبله في يوم واحد
ناديه:ههههههههه انت مارضيت اسوي لك ريوق مستعجل على الشركه.
فهد بخبث: ليه ماتبين تعطيني بوسه ..شكلي يلوع جب مع الصباح
ناديه: ههههههههه اول مره اشوف قمر مع الصبح وعطته قبله
فهد يبتسم ابتسامه عريضه: شن رايج نطوف العرس ونمدد جلستنا اهني بشاليه
ناديه: شنو تبي عمي راشد يداهمناااااااااااااا
فهد: هههههههههههههههههه
.
.
.
وقف فهد سيارته عند بيت ام ناصر
نزلت ناديه وهو طمل طريجه رايح الشركه
ناديه دشت البيت حصلت ام ناصر وام سعود و شيخه
ناديه نزلت الشيله من على وجها قالت وهي تبتسم : السلام عليكم
الكل: هلا ومرحبا وعليكم السلام
ام سعود وهي تسلم على ناديه: حي الله العروس
ناديه وهي تبوس راسها:ههههه الله يحيك ...بعد جذي سلمت على ام ناصر وشيخه
شيخه:ماشبعتوا شهر عسل باليابان جيتوا تكملونها اهني بشاليه
ناديه تبتسم:حنا ايامنا كلها شهر عسل على قولت فهد
شيخه: عطوني من شهر عسلكم؟؟
ناديه نطت واخذت الماء من على طاوله ورشته على شيخه: اذكري الله
ام سعود: قولي ماشاء الله ..عيونك حاره
ام ناصر قامت من مكانها: ذكري الله...انا ماصدقت ان فهد يعرس ويتهنى مع مرته...وناديه قابلته
شيخه وهي تتفل على ناديه: تفو ماشاء الله
ناديه وهي تمسح على وجها: يالوسخه
شيخه:خطيره ياناديه امي قامت تفزع لج والثانيه تقرا بسر وتمسح عليج..ههههههههه
ناديه : الله لا يحرمني منهم
شيخه: بعدين انتم ماخذين عني فكره غلط..عيوني مو حاره
ناديه : تبين ادق على شاهد عيان ..ايمان
شيخه: ههههههههههه
اشوي انزلت رهف بنت شيخه من فوق وهي كاشخه
شيخه شافتها: هذي بنتي..قمر يمشي على الارض
ثواني وصرخت رهف
(طاحت من على الدرج ..تعثرت)
ناديه ماتت من الضحك
شيخه وهي ترفع بنتها من على لارض قالت: سالمه سالمه
ام سعود: قولي بعد منتي بنظول
ناديه: هههههه نظول على الهواء مباشره في بيت ام ناصر حصريا
شيخه وهي تحضن بنتها قالت وهي تجلس على الكرسي: بتسكتين ولا اتجه عليج
ام ناصر:مقيوله مايحسد المال غير اصحابه
صاروا يذكرون مواقف شيخه جم وحده انظلتهاااا
بعد جذي راحت ناديه الغرفتها وهي تطلع الدور الثاني مرت على دارين بعد مااعرفت راشد بدوام
دشت الغرفة حصلتها نايمه
قربت منها وارفعت الحاف من عليها واخذت تبوس دارين من خدودها قالت: قومي اشتقت لك
دارين مو مستوعبه: توك طالع من الغرفه مسرع مااشتقت لي
ناديه عرفت انها تقصد راشد: ههههههههه قومي انا ندوي ..في وحده تقول حق رجلها توك طالع مسرع اشتقت لي
دارين فتحت عيونها قالت وهي تمقط: اجل اقوله متخلف
ناديه رمت عليها المخده: انشعمي
دارين: قولي لي من اول مادشيتي الشاليه لين ماطلعتي من الشاليه
ناديه وهي تنسدح جنبها : شنو اقولك ... حبه كل يوم يزيد
دارين انتبهت على ناديه منسدحه في مكان راشد قالت وهي تبتسم: عقب الهلال اخلال
ناديه افهمت قصدها قالت وهي تضحك: هههههه المشكله عمي مااقدر ارد عليك
............................
في الامارات
بيت حميــــــــــد
موزه بعد مااخذت لها شور وغيرت ملابسها ..قومت حميد من النوم بعد جذي راحت تقوم اعيالها
دشت على شهد حصلتها صحت من النوم ولابسه ملابسه المدرسه
موزه: صباح الخير
شهد وهي تحضن امها:صباح النور والفل والياسمين
موزه وهي تبادلها الاحضان: الله كل هاي لي
شهد وهي تبطع قبله على خد امها: تستاهلين اكثر من جذي فديتج
موزه وهي تطالع سرير عمر: عسى الله يرده سالم
شهد: اميـــــــــن
اطلعت من غرفة شهد وراحت غرفة سلطان
بعد جذي ردت الغرفتها
حصلت حميد مازال نايم
موزه قربت منه: مودي يالله قوم بتأخر على دوامك
حميد: خلي يولي الدوام...من زمان مانمت نومه حلوه شارت هاي النومه
موزه وهي تمسح على خده بنعومه: منو مجودنك لا تنام؟؟
حميد مسك يدها : مصيبه اذا ماعرفتي منو اللي احرمت عيوني من النوم..وكسرت ظهري من نومه على الكنب
موزه تبتسم بفرح وهي تشوف حميد يقبل يدهااا
.
.
.
.
.
في غرفــــــــة الطعــــــــام
اكل جالس حول الطاوله يتريقون
شهد يعطي امها بيض: اكلي اتغذي؟؟
موزه: مااروم اكل وايـــــــــــــد
سلطان: انتي شبعتي بس خلود ماشبع
شهد: شنو شنو خلود لا حبيبي ..رغد ان شاء الله
حميد يبتسم: خلود ورغد ههههههه على كيفكم تسمونهم
موزه :انت شنو تبي والد ولا بنت
سلطان: حووووووووو مذر على كيفج تخيرينه
حميديمسك يد موزه: بنت حلوه شراتج صبوره تحب من قلب وعمرها ماتكره اللي تحبهم ...حنونه ..عيونه .اااااااااااااه يعيونها حكايه ثانيه البروحها
شهد وسلطان يصفقون ويصرخون ويعلقون
حميد يضحك على اهبال اعيال
موزه انحرجت من اعيالها وزاد احراجها حميد حبها على راسها
موزه : تأخرتوا على مدارسكم
شهد: ههههههههههههه امي تصرفنا
الكل: هههههههههه
موزه: اخذي ابوج وياج
راح سلطان وشهد المدرسه
حميد وهو طالع من البيت وقفه صوت موزه التفت عليها
موزه: بروح عند عمر مع السايق؟؟
حميد يفتن: سايق بروحج مافيه
وزه وهي تقرب منه وتلعب بدندوشه مالة ثوبه قالت بهمس:اشغاله معاي
حميد قلبه يدق بسرعه من حركتها ومن همسها: اترياج بسياره
........................
في وقت الظهر
فهد مارد من الشركه
وناديه بغرفتها تقيس ثوب العرس هيونه وريم
وتشوف نفسها بالمرايا : واسع علي مو؟؟
شيخه:انتي ضاعفه حيل
ناديه:انا يوم شريته مقاسي ..ذلحين وسيع علي
دارين: ضوقي فيه
ناديه: بيخترب موديله
شيخه: لا تخربين فستانج دوري واحد غيره
ناديه: كل الفساتين اللي عندي نفس المقاس
ايمان ترضع والدها: انا العصر بروح السوق امشي معي..
ناديه: امممممم بشوف
دارين: وش تشوفين.. ماعندك وقت العرس باكر
ناديه وهي تاخذ تلفون البيت قالت وهي تبتسم: اول خطوه قبل لا اشتري الفستان...اخذ الاذن من فهد
الكل: ههههههههه
ايمان:ناديه تاخذ الأذن
ناديه: مايجوز اطلع من البيت من غير شور رجلي....ترضين ياعمتي الملائكه تلعني
ايمان: لا بالله ماارضى
دارين: تبين انقلك الرقم؟؟
ناديهخلاص حفظته..وطلعت وهي تسمع تعليقات البنات
...................
في الشركه
فهد:المشروع مضمون ارباحه وراح نكسب وااااااااااايد
بس نحتاج شركاء ..انا وانت ماينفع نبي شريك ثالث مشان يزبط المشروع
راشد:انت ليه تروح تدور البعيد..عندك ناديه خلها شريكه الثالثه هي النسب
فهد: على بالك ماجات على بالي..هي اول من طرا علي
راشد: ليه ماتبيها شريكه معنا؟؟
فهد: لا مو جذي المسئله.. مااريدها تفهمني غلط
راشد يبتسم: مثلا راح تقول انك طمعا بفلوسها
فهد يهز راسه( بعنب ايه)
راشد:لا ناديه اكبر من جذي ماتفكر بهاي السوالف
اشوي دق جوال فهد كان رقم حناحه عرف انها ناديه
قال وهو يبتسم:لو جايبين سيرتها من زمان
راشد وهو يقوم:ههههههه انا بطلع اخذ راحتك وبغمز له عين
فهد ضغط على الزر الاخضر وهو يشوف راشد يسكر الباب وهو طالع قال: هلا وغلا بروحي
ناديه بصوتها الناعم: هلابك زود
فهد: اشلون جيت على بالج؟؟
ناديه: انت دوم على بالي
فهد ذاب من صوتها: تعرفين صوتج بتلفون يخبل
ناديه مااعرفت شنو ترد عليه اكتفت بضحكه
فهد عل باله ناديه متصله تحاسبه ليه ماجاء يتغداء قال: سوري حبيبتي مااقدرت اجي على الغداء
ناديه:عذرك معك امممممممممممم ابيك ترخص لي اروح السوق مع عمتي ايمان
فهد: اهااااااااا اسالفه فيها سوق ..وانا الخبل على بالي مشتاقه لي ولا تعاتبيني مشان ماجيت الغداء
ناديه: محشوم ياعمري..بس انا اليوم سامحتك ماتحضر الغداء لنك غبت عن الشركه كم يوم قلت حرام خليه يقابل شغله
فهد: ههههه امممممم وين سالفة الغداء وعرفناها ..مااشتقتي لي
ناديه بهمس : اشلون مااشتاق لك اذا كل ثانيه تمر علي يزيد شوقي وحبي لك
فهد توسعت ابتسامته:انتي ناويه اهد الشركه واجيج
ناديه: لا تهد الشركه..ابيك ترخص للي اروح السوق ..لان باكر العرس وماعندي وقت
فهد: لا....روحه السوق مافيه
ناديه انصدمت رفض فهد ماتعودت احد يرد لها طلب
فهد حس فيها بس ماغير رايه
ناديه: اللي تشوفه ..مع السلامه
فهد زين حاولي فيني اقنعيني بس على طول مع السلامه .. ياحبي لج ههههه مصدومه مني ..يالله تتعود علي وعلى اطباعي قال: مع الف سلامه
........................
وقت العشاء في بيت ام ناصر
هيونه وريم ينطرون امهم تمرهم وتاخذهم عند خوالهم
لكل جالس بأصاله
اشوي دق تلفون البيت جات هيونه بترد عيت عليها شيخه قالت: عيب العروس ترد على تلفون
هيونه:ههههههه خليني ارد يمكن ابرهيم
ام ناصر: مافيك صبر لين باكر
هيونه كانت تتغشمر ..بس اكلام ام ناصر كان جدي قالت: امزح يمه
ايمان: ههههههه لقطي وجهج
ريم: استحي على اقل جدام امي نوره وامي نجلاء
هيونه: عادي اصلا امي نوره متعوده على سوالفي
ام ناصر: وش فيكم عليها خلوها تسوالف فديتها راح افقد سوالفك
ريم:وا نا ماراح تفقديني
ام ناصر بنبرة حزن: كلكم راح افقدكم ..الله يصبرني على فراقكم
هيونه وريم يحضنون ام ناصر
شيخه ارفت التلفون ترد: الووو
فهد: السلام عليكم
شيخه: هلااااااا وغلاااااااااا وعليكم السلام ..حي الله القاطع
فهد:ههههههه اشلونج الحمد الله على السلامه
شيخه:الله يسلمك بخير والحمد الله ... وينك من يوم العرست وانت مختفي عن العالم
فهد:لا تلوميني اللي يشوف ناديه ينسئ انه عايش بهذا العالم
شيخه وهي تطالع ناديه:ههههههههه اخص ياناديه
ناديه عرفت انها تكلم فهــــــد
فهد: ام ناصر عندج؟؟
شيخه : منو ام ناصر؟؟
فهد: اللي نستني العالم
شيخه بفرح: ليه ناصر بطريـــــــج
فهد تفاجئ بسؤالها : اممممممممممم الله كريم
شيخه حست انها احرجت فهد : الله يرزقكم بذريه الصالحه...وعطت ناديه التلفون
ناديه : مرحبا
فهد:مرحبابج ياقلبي ..اشلونج؟؟
ناديه:من سمعت صوتك وانا بخيـــــر
فهد يضحك على تعليقات البنات على ناديه: عسى دوم بخير...انا ذلحين بسيارة ورايح البيت ابيج تتجهزين على مااوصل
ناديه: على وين؟؟
فهد:ماتبين تروحين السوق
ناديه تبتسم: وش اللي غير رايك؟؟
فهد:انا مارفضت تروحين السوق..رفضي انج تروحين معي عمتي ..ابيج تروحين معي انا وبس
ناديه: اهااااااااا يعني اسميها تحكم فيني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك