رواية اخوه يعيشون في صراع مع الزمن -18
جلـــس ع السرير اللي من خشب : وليه استغرب من نفسي وانا ولد حرام ..نــزلت دمــوعه بحراره على هالكلـــمه ..
رن جــواله وشاف المتصل ســامي ..
ابتسم ورد : هلا سامي
سامي : وينك ياخي خرعتني عليك
بدر : انا بخير
سامي : طيب وينك بجي لك
بدر : في بيت المرحومه نوره
سامي : الله وش وداك هناك ؟
بدر : بتجي ولا ؟
سامي : بجــي يلا مسافة الطريق وانا عندك
بعد نــص سـاعه وصــل سامي ..
: والله مدري كيف تتحمل تجلس في هالمكـان موحش
بدر : تعودت علـــيه
سامي : الحين بسألك مو نوره توفت ليه لما الحين موجود
بدر : مدري والله انا بدخل شفته مقفول ودخلت من الشباك
سامي : اممم وطيب وليه رجعت ؟
بدر : سامي انا تعبت تدري اني ولد حرام
سامي نزل راسه : ادري
بدر : ومن قالك ؟
سامي : عمتي هند علمتني القصــــه كلها بالتفصــيل
بدر : وش قالت لك ؟
سامي : لا هي حلفتني اني ماقولك واذا تبي تعرف تروح لها انت
بدر بستحقار : انا اروح لها ...!!!!! والله تحلم
سامي : ليــه تحلم مو هي امـ ..
قاطعه بدر : لا مو أمـــــي ولا اتشرف إنها تكون أمــي أنـا ماعندي الا ام وحده واهي اللي ربتني ورضعتني
// // //
فــي غـرفة اليـاس ..
: أنت ماتفهم اقولك ابوي توفى وانت تقولي تعال عندي
طلال : اليـــاس بعطيك نص ساعه اذا مـاتجي راح يـوصل كل شيء حق أهلك
الياس بخوف : وش اللي بـ يوصل له ؟
طلال : اشــرطة الفيديو
الياس : أي فـيديو ؟
طلال : أنــا مصور كل شيء صار بينا بـ فيديو
ســكت الياس يحـاول يستوعب ...!!! ..* طـلال مصـورني *
طلال : وش ققلت
الياس من بين اسنــانه : حقــير نـــذل
طلال : هههههههههه توك تعرف ..!؟ ههههههه ع العموم من حضك انا اليوم مشغول مع واحد غيرك فـ بكره ضروري تجي
رفـــع راسه للسقف ومسك شعره بقـــوه وهو عاض على شفتـه
// // //
فــي غرفـــة ساره ..
: مو على كيفك تفسخــــين الخطبــــه بعد ماطلعت أخـــوك من السجـــن
ساره : طــيب أنـا مابيك مابيك وانت استغلــيت ضعفــي وحبي حق اخوي وخليتني اوافق
فهد بخبث : طيب عندي شرط
ساره : شنــو
فهد : أبـــوك مـات يعني اكيد الورث راح يتوزع بينكم
ساره : يعني ؟
فهد : يعنــي ابي نـــص الورث اللي بـ تاخذينه
ساره : مو انت تقول انك غنــي وعندك واسطات ...؟ وش تبي بالورث ؟
فهد : مو شغلك بتعطيني نص الورث ولا ادخل بدر اخوك بالسجن مثل ماطلعته
ساره بضعف : راح اعطيك كل اللي تبيه بس توعدني تفك عني
فهد ببتسامه جانبيه : اوعدك
// // //
بعد ثــلاث أيــام من العـــزاء ..
فــي بيت بو عبد الله ..
بو عبد الله : اسيل انا قررت اطلقك
لفت اسيل عليه بـفرحه : جــــد ...؟
بو عبد الله : بس بشرط
اسيل : أمـــر كل شــروطك أنفذها
بو عبد الله : شركـــــة ابوك ابي اشتريها
اسيل : بـس حنا ماتفقنا نبـــيع شيء
بو عبد الله : روحي الحين بيتكم واتفقــــي معاهم على كل شيء
.
.
في القصــــر ..
ام فراس : بس انا قررت ارجع الكـــويت واخذ عيالي معاي
لفو كلهم على ام فـــراس
ام مساعد : وانا نفس الشيء برجع الأمارات وباخذ عيالي معاي
مساعد : يمــــه من جدك تتكلمين ؟؟؟
فراس : عشتو حياتكم في السعوديه وكملوها هنا
ام بـدر : يعني تبغون تقاسمون الورث ...!!!!
ام مساعد : إيوا في كل شيء البيت والشركه
مساعد : البـــيت مستحيل ينبــاع
ام مساعد : والله عاد مو على كيفك
مساعد : يمــه انتي من جدك ..!!؟
ام مساعد : إييي من جدي انا خلاص تعبت غــربه وابي ارجع الأمارات واعيش عند اهلي هناك مو كفايه اللي عشته هنا علشانكم
تركي : طيب يمــه انتي روحي بس احنا مستحيل نروح معاك
ام مساعد : لا بتجووون وغصب عنكم
ام بدر : ذكــرو الله ياجماعه
ام مساعد : لا اله الا الله
ام فراس : اللي مايبي البيت ينباع اهو يشتريه
ساره : يعني شنـــو بـتفرقـونا ...؟
الريم : بــدر تكلم ليه ساكت
بدر : مـدري عنكم أنـا بقوم غرفتي
اسيل بهدوء: أحم الشـركه بو عبد الله قال يبي يشتريها مقــابل ان يطلقني
ام فراس : خـلاص يابنتي قولي له ان احنا موافقين
مساعد : وهو على كيفك تقولين موافقين واحنا مابعد نتفق
ام فراس : خلاص بعد شنو تبـون هذا الرجال جاء لعندنا وقال يبي يشتـــري قولو حق بــدر يتفق معاه اهو الوحيد اللي يعرف
ام بدر : لا حول ولا قــوته إلا بالله
.
.
.
أويلي فقدتك يابوي وينك اليوم وينك
فقـدتك وحياتي بعدك صارت مظلمه و مليله
تركتني يابوي بين صرخاتٍ تشتكي لك
و تكاثرت بعد فرقاك بلاوي و همومٍ حصيله
.
.
طقــت الباب على غــرفة اخوها ويوم سمعت صـوته يأذن لها بالدخول دخلت
بدر : تعالي ساره وش فيك ..؟
ساره : فهد هددني
بدر عدل جلسته : هددك في ايش ؟
ساره : انا كلمته وقلت له اني ابي افسخ الخطبه قالي مثل ماطلعت بدر اقدر ادخله السجن
بدر : يعني بدخلني السجن اذا انتي فسختي الخطبه
ساره واهي منزله راسها : إيـوا بس قالي اذا ماتبين اخوك يدخل السجن تعطيني نص الورث اللي بتاخذينه
بدر بعصبيـــه : حقـــير أنـــا اوريه
ساره : بدر انا مابيك تدخل السجن علشاني
بدر : ماعليك منه والله مايقدر يدخلني السجن فـــوضى هي الدنيا
ساره : انا خلاص بعطيه نص الورث بس خايفه من امي
بـدر : ساره انا مابي اغصبك على شيء هذا ورثك وانتي حره فيه بتعطينه نص ولا ماراح تعطينه هذا براحتك بس خلي هالكلام بذهنك فهد مستحيل يدخلني السجن ..!
// // //
رحيل : وكيف راح تلقى اهلي ؟
تركي : انا عرفت الحين اهم وين ساكنين وبخطبك منهم علشان تجين معاي الامارات
رحيل : الأمارات ...!!!؟ ليش ؟
تركي : بعدين افهمك السالفه بس بسرعه روحي البسي ونروح لهم
ثـــواني والبست رحيـــل وطلعت له ..
وبعد مســافة طريق وصلو قــدام عمـــاره طويله
تركي : يلا انزلي
رحيل : تركي انا خايفه
تركي : حبيبتي لا تخافين انا معاك
رحيل : طيب واذا رفضو
تركي : ماراح يرفضـــون انا اللي فهمته ان زوج امك يحب الفلــوس وانا راح اعطيه كل شيء مقابل نــتزوج
نـزل من السياره وراح جهتها وفتح لها الباب ونزلت ..
مســـك يدها ورعــص عليها يطمنها وصعــدو الدرج
فكت إيدها من إيده وهو ضرب الجرس
وفتح رجال الباب .. من شافته تمســــكت في تركي بقــــوه
تركي بهمس : هذا زوج امك
رحيل بخوف : ايوا
بو جاسم : خير اخوي ؟؟
تركي : تبغيني اتكلم هنا ؟؟
بو جاسم وهو يناظر رحيل بشك : من هذي
تركي : راح تعرف اذا دخلت
بو جاسم : هذي رحيل صح ؟
تركي : ممكن ادخــل
بو جاسم من غير نفس : طيب أدخـــــل
// // //
يمــشي يمين يســار وهو يضرب اخماس في اسداس ..
يارب رحمـــــــــــــــتك ... نــزلت دمــعه وراء دمـــعه من عيــونه ..
لمـا غرق وجهه بالدموووع ..
أنـا وش سويت وين كـان عقلــي كيف وثــقت فيه بـ سهوله ..
شاف اتصال من طــلال عــدل صـوته ورد بهـدوء : الو
طلال : هلا يــوسي وينك ماجيت
الياس : وين اجــي ..؟
طلال : وين يعني بـ شقتي
الياس : طيب
طلال : ولا تحــاول تروح يمين ويســار تراك لما الحين ماعرفتني
نــزلت دمـــوعه اكثر وسكـــت وطلعت شهقاته
طلال : هههههههه بـــزر انت تصيح ..!!؟ ههههههه يلا دقايق وابغى اشووفك يلا فمان الله
// // //
جـالس بغرفته و معقد حواجبه .. ويـــحرك رجــوله بجنون
رن جـــواله ولف علـيه شاف رقـــم غــريب عقد حواجبه أكثثر
ماهتم كثــير بالرقـــم ... ودخــل دورة الميــاه " وانتو بكرآمه "
شغــل المــاي الدافئ وجلـــس تحته من غير مايفسخ مـــلابســـــه
هذا ثــاني مــره يفقد احد عزيز علـيـه * ريــان * ... و ...* ابوه *
بس مــانزلت ولا دمـــعه منـــه ..
ســمع صــوت جواله يـــرن تأفف وطلـــع من الحمآ’م ومــلابسه مبلله نشــف يده ويــرد ع السبيكر ..
: الو
: الو بندر
عض على شفايفه بقـــوه يوم سمع صوتها وتظاهر بالقووه قدامها : نعم ؟
وتين : بـندر والله اســفه ماكنت اعرف غــلاتك بـ قلبي
تأفف بصــوت كبير يبــيها تسـمع ..
وتين : بــندر انت ماكنت كذا من قبـــل وش اللي غيّرك علي ..؟
بندر : انتي وش تبين الحين ؟؟
وتين : أبـيك
بندر : وأنا ماعدت ابيك ماتفهمين
وتين : بس انت تحبنـــي والله تحبــني
بندر : كنــت أحبــك و للأســف خسرتيــني .... بلع ريقــه وقال : انا الحين مشغول و رجاء لا تتصلين علي أو بكيفك بتتصلين اتصلي
بس بغير رقم جــوالي ولا تحاولين تدورين عليه فاهمه
ســمع صــوت بكيـها بصــوت عالي ... خاف يحــن عليهااا وســكر على طــول ..
فتح الجوال وطلع الشــريحه وكسرها نصفين ورجع الجوال بالكبت مستحيل يكســر الجوال لانه مــن ريــان
بس مستحيل يعتـــرف بـ هذا الشـيء ..
تســدح ع السرير والمكيف يضــرب في راسه ..
سمع طقات الباب وقال بهدوء : تفضل
دخلت أمـــه وشهقت بقــوه من منظــره راحت عند المكيف وطفتـــه
: أنت مجــــنون وش اللي تســويه بـ نفسك نـاوي تمــوت وتخليني
بندر مستغرب : وش ســويت
ام بدر : ليـــه مـــلابسك مبلله وجالس تحت المكيـــف مجــنون أنت
بندر بـ ملل : مدري نسيت
ام بدر : الحيــن تقول تغير مــلابسك ومايصير تتروش وتجلس ع السرير من غير ماتنشف نفسك
قام من على السرير وأخــذ الفوطه اللي معلقـــه ودخل دورة الميــاه ..
ام بدر : يـارب احفــظ اولادي من كل شـــر
// // //
تركي : وهذا كل الســالفه
ام جاسم : يعني انت تبغى تـتزوج بنتي ...!!!
تركي : ايوا ورحيل موافقه
ام جاسم وقفت : بس انا مو موافقه
لف تركي على رحيل بصدمه ورجع لف عليها : الحين تاركتها اربع شهـــور وبالاخير تقولين مو موافقه ...!! ومن قال اصلا اني جاي اخذ رايك
ام جاسم : اجل وش له جاي ..؟
تركي : جاي اعطيك خبر وامشي الشيخ في اي وقتت يجي ولازم زوجك يوقع
بو جاسم : انا مالي شغل في شيء
تأفف تركي بـ قوه " شكلنا مو مخلصــين منهم "
لفت ام جاسم على رحيل بنتها وتمسكت رحيل اكثــر في تركي بخوف
تركي : كم تبغــون ادفع المهر ..؟
اتسعت ابتسامتهم وقال بو جاسم : مئـتين الف
تركي : طــيب
ام جاسم : لا شنو مئتين الف اربعة مئـــة الف
تركي : طيب موافق
اتسعت ابتسامتهم أكثـــر وكمل تركي : بس ماراح تاخذون ولا فلس الا بعد الملكه
بو جاسم : وش اللي يضمن لنا انك راح تعطينا
تركي : قدام الملاك بعطيك اياه واذا ماعطيتك لا توافق
// // //
ام بدر : بــدر مايصير اللي تسويــــه انت مســؤول عن كل شيء
بدر : يعني وش تبيني اسوي ..؟
ام بدر : نسوان ابوك يبــغون يوزعون الورث
بدر : هذا حقهم وانا مالي شغل
ام بدر : بس انت الوحيد اللي تعرف حسابات ابوك
بدر : لاحووول طيب خلاص بكره اروح الشركه واتفاهم مع بو عبد الله ونوزع الورث
ام بدر : والبيت بعد راح يبعـــونه
بدر : خلاص نبيـــعه
ام بدر : واحنا وين راح نسكن
بدر : شدعوه يمه فلــوس الورث يكفي نشتري بيت
ام بدر : ونخلي فلــوس الورث كله حق البيت ومن وين ناكل ونشرب
بدر : يمه ابوي ترى عنده ملايـــــــــــن غير فلوس الشركه والبيت وكم عماره عنـــــده
ام بدر : بس اذا الفلوس توزعو عليكم راح يختفي كل شيء
بدر : لا تخافين يمه خلي الموضوع كله علي
ام بدر : طيب بـدر لا تنسى إن مـالك حق بالورث
نـزل بـدر راسه وبصوت مخنوق : مافي داعي يمه تذكريني إني ولـد حـــرام
// // //
/ لا مسستحيل مستحيل أنزل اللي بـ بطني
/ قلت لك راح يـــنزل غصب عنك
/ الله يخليييك والله اني اخاف
/ ياهند أفهمـــي هذا ولد حرام كيف راح تخلينه في بطنك
/ اقتله ايي اذا ولدته اقتــله بس مستحيل اخليك تقتله وهو في بطنــي سلطان انت سمعت كلام الدكتور اني ماقدر انـزله وان هذا خطر علي ماتخاف على اختك ؟؟
/بس مايصير نحتفــظ فيه ياهند مايصير
/ وبتغيني اموووت ...!!؟
مسسك راسه بقووه وبعصبيه / كــله منـــك كلــه منك لو إنك مانعتني من قبل لا ألمسسسك
/ كيف امنــعك وانت كل يوم جاي لي سكران
قطعت حبــل افكارها اختها ام سامي ..
:خلاص ياهند قطعتي قلبي بكــي سلطان مات والله يرحمــه
هند : كيف يخليني كــذا كيييف لييه يخليني احمــل ذنــبه الحالي
ام سامي : والله مدري ياهند وش تتكلمين عنــه بس اهو راح الحين عند ربــه وفي القبر راح يتحاسب
هند : تكفيين ام سامي لا تنسينه من دعــــاك ولا تنسيني انا ابعد
ام سامي : راح نسوي له وقـــف
هند : وانا اذا مت ســوو لي وقــف لا تنسووني
ام سامي : لا تقولين كــذا بسسم الله عليك
// // //
في بيت بـــو بدر الكـــل متجمــــع حق توزِيع الورث ..
بلع بدر ريقه : أنــا راح اتنازل عن الورث
اتسعت ابتسامة ام مساعد وام فراس اما الباقي لف عليه بـ ستغراب ..!!
بدر : وش فيكم تناظروني كذا ...!!
فراس : بـدر انت من جدك ..؟!! الورث كله راح يتوزع حتى البيت راح ينباع ؟
ام فراس : ايي عادي يسكن مع امه ورث امه واخواته يكفون
ابتسم بـ ستهــزاء ووقفت ام بدر ..
: لحظه يابدر قبل لا تبدا في شيء في غرفتي صــندوق اوراق كان يشتغل عليهم ابوك
بدر : طيب قولي لـ لخدامه تجيبه علشان الكل يــاخذ حقــــه ..
ثواني ونــزلت الخدامه واهي حامله الصندوق .. سم بالله وفتــح الصندوق وطاحت اوراق كثــيره ومنها ظروف ..
رفــع اول ظرف وشاف مكتوب اسم أمـــه ... وجه نظراته حق امه
ام بدر : وش فيك ؟
بدر : يمه هذا ظرف مكتوب فيه اسمك
ام بدر وهي تمد يدها : هات اشوف ؟
ام فراس : لا لازم كلنا نقراه
ام بدر : اعتقد هو مكتوب اسمي انا مو اسمائنا كلنا بقـر..
قاطعها بدر : لحظه ظروف كثــيره هنا وكل واحد مكتوب باسم
ام مساعد : يمكن وصية ؟
بدر : يعني وش رايك اكيد وصيــه المهم راح اعطي كل واحد وظــرفه وهو حــر يقولها او لا ..
أخــذ الكل ظـــرفه وبــدا يقــره
رفع الظرف اللي مكتوب باسمه وحس إن اشوي ثقــيل
فتحه وشـــاف " فلوس " كــاش "
نــزل الفلوس في رجله وفتح الدفترأول ورقــه
" بـداية ولآدتك .. أكتب لك هذي الوصايا
بدر أعلم إنك يومــا سـ تعلم الحقيقه يــوما ما ..! سواء بعد موتي او في محياي ..
وٍ أعلم انني ظلمتك في الدنيــا و لكن لا تظلم نفســك في الأخــره.. فـ نفس اماره بالسوء
إبنــي بدر .. لا تــكن كمـا انت { إبن حرام} ..! وكن عكــس ذلك ..
فإنك تسطيـع تغيير ذآ’لك بـ نفسك ..! أثـبت للـ جميع إنك عكــس ذآ’لك الأسم التي سميتك الدنيا بـ ها
وثــق إن الله لا يحـاسب على شـيء أنت لم تفعـــله ..! وأنت لم تسمـيْ نفسك بـ ذلك
فـ شهــواتي سمــتك بـ ذلك وأنت ضحــيتها ..
لــن أعتــذر لك ..! فـ الأعتذار لن يغــير ذآ’لك
فإني أعتــذرت للـ رب قبــلك "
طــآحت دمــعه حاره على خــده وهو يردد بـ داخله " عسى ربي يغفر لك ويرحمك "
سكر الدفتر وبـ كمله في الليل وطـل على ظرف شــاف اوراق كثيــره بس ابد مو رايق الحين يقــره شيء
سكــره .. وأخذ الفلوس يعدهم وطاحت من بينهم ورقه قــراها " بـدر هذي كفــارة ذنبي "
اخذ الورقه الصغيره وحطها بين الفلوس ودخلها في جيبه ..
ولف على أخــوانه .. : بتقولون وش كاتب لكم ابوي ..؟
اسيل واهي تمسح دموعها : أحــب ابووي الله يرحمـــه وربي إني مسامحتــه على كل شيء
بسيل :وش كاتب لك ..؟
اسيل : سمعــو وش كاتب فتحت الدفتر على أول ورقه
" أبنتي اسيل سمــيتك بـ هذا الأسم على اسم أمي الله يرحمها وسميت اخوك بسيل بـ هذا الاسم علشانه نفـس الوزن
فــرحت عنــد ولآدتك كثيــرا’ "
بسيل : بس هذا اللي خــلاك تصيحين ؟؟
اسيل : لا اصبـر بـ قره لكم أخـر صفــحه عيــوني ابوي ..
" بنتي أسيـل أعتــذر لك على زواجك من بو عبد الله بس هذا الشيء غصب عني
بو عبد الله يطالبني مبالغ كثيره وأنــا زوجتك اياه علشان يتنــازل عنها
أرجـــو منك المعــذره "
: والله مســامحتــه
الكل : الله يرحمـــه
ام فـراس : طيب ممكن كل واحد يخلي دفتــره على جنب ونبدا بالورث ..
الكـل سكر الدفتر والظرف .. وبــدا بــدر في حسـابــاته ..
فتح ظــرف كبــير ومن ضخامته بـاين إنه فيه اوراق كثيـره
أخـذ اول ورقـــه وقــراها .. مــدها حق فــداء ..
فداء : هذي شنــــو ..؟!
بـدر : عمــاره ابوي كاتبها باسمك
فداء : أنـــا ..؟!!!
لفت ام مساعد : طيب وش معنى هي
ام فراس : روحي القبــر وسأليه
بدر : فـداء شوفي يمكن ابوي كاتب لك السبب بالدفتــــر
حــاست في الظــرف اللي مخــزنه اوراق وشافت ورقه ورديــه قرتها "العماره هـذي هـدية ولادتك بـ سلامه وبالظرف راح تشوفين شيكات
أصرفيها وهذا نصيبك من العماره "
طـاحت دمعتها بـ حراره : الله يرحمـــك يابوي
وفي الظـرف شــاف ورقــتين مدبــسه قــراها ومـدها حق تركي ..
تركي : شنو هذا ..؟
بدر : الورقــه ورقــة عماره والثانيه بيت؟
تـركي : بييت ..!!
بدر : ايوا شوف ظرفك يمكن تعرف ليه ؟
حاس في الظرف وشاف ورقه باللون الازرق زي ورقـــة فـداء " العماره هذي هدية ولادتك بـ سلامه وبالظرف راح تشوف شيكات اصرفها وهذا نصيبك من العماره "
وشاف ورقـــه ثــانيــه " تـركي إنت طلبت لي اخطب لك وفجأه سافرت وانا شريت لك هذا البيت حق زوجتــك في المستقبل وصيتي لك أول ولد تسميه " سلطان "
: الله يرحمـــك يابوي
لف فيصل عليه : انت مره قلت لـ بوي يخطب لك ؟؟
تركي بـ توتر : ايي قلت له بعدين صارت ظروف وسافرت
فيصل بهمس : رحيل ؟
تركي ببتسامه : إيوا
فيصل بنظره غريبه : متى بـ تخطبها ؟
تركي : بعدين اقولك السالفه بس خلنا نـخلص هالورث
بعد ربــع ساعه أخذ الكل هــدية ولادته من أبــوه
بااقي اربع اوراق ..
فتحهم بدر وحده وكل بين وحده يبلع ريقــه ...
ام فراس : هذولا الاوراق حق مين ؟؟؟
لف عنهم: حقـيني
ام فراس وام مساعد بـ شهقه : اربع عمــاير ..؟
رفع راسه ورفع كتفه " مالي شغل "
ام فراس : وبس خلصو الاوراق واحنا مالنا نصيب ..!!!
بـدر : هذا اللي مكتوب وش دخلني انا
فراس : يمه وش فيك بدر وش دخله ابوي اهو اللي كاتب كل شيء .. كمل بدر
ابتسمت ام بـدر بـ راحه .. " الله يرحمك ياسلطان ويغفر لك طول عمرك رجال طيب بس ماتبين هالشيء لهم "
حط الاوراق على جنب
وكمــــل توزِيع الورث ..
نص ســاعه والكل استلم حـــقه ..
ام فراس : والبيت ؟
بدر : انا اقترح ماينباع بس انتو أحرار
مساعد : وانا نفس الشيء
وفراس : وانا بعد
بدر يلف ع الباقي : وأنتو ؟؟
ام فراس : لا البيت راح ينبـــاع انا بروح بــلدي وبسافر
فراس : لاحووول الله
ام فراس : شنو لا حول الله انا كنت جالسه هنا علشانكم الحين اجلس علشان منو ؟؟
فيصل : اجلسي علشانا احنا مابعد متنا
ام فراس : بس انتو بتروحون معاااي تفهموون ..!!؟
بسيل : يمــه الله يهداك من جدك تبيغنا نعيش في الكويت
ام فراس : انا قلت كلمتي وخلاص ..!! مابي أي اعتراض والبيت اذا ماتبغونا ينباع عطونا حقنا انا واولادي
ام مساعد : وانا بعد بروح الأمارات مالي جلســـه هنا وابي حقي أنــا وأولادي من البيت
تركي : طيب يمــه قبل لآ نروح الامارات بتزوج
لف مساعد عليه : أحنـــا وين وانتو ويــــن
تركي وهو يحك راسه : يعني كل واحد قال اللي عنده بقول اللي عندي
ساره : ترووك يعني من جدك بتعيش في الامارات ؟
تركي : عادي اي مكان اعيش فيه اهم شيء تكون جنبي زوجتــي
فيصل : وزوجتك بتوافق تعيش معاك هناك
تركي : وليش ماتوافق ؟
فيصل بهمس : يعني ليش ماعندها اهل ولا احد تعيشها في المكان اللي انت تبيه ؟
تركي : انا قلت لها واهي وافقت وانت شدخلك فينــا نعيش وين مانبغي
فيصل : يعني انت خــذت رايها ولا قلت لها بنتزوج وبنروح الامارات
تركي بصوت عالي : يااخي وانت شكووو ..!! خذت رايها ولا ماخذته
بـدر : بسسس انت ويااااه ماعندكم سالفه الا بـ الزواج
ناظر فيصل اخوه تركي بحتقار أمـا تركي رافع حواجبه مستغرب منه ..!!
بدر : الريم الياس تبغون البيت ينباع
الياس بصوت مخنوق : هو عادي بس مافكرتو انا والريم وين بنعيش .!!
ام فراس : ابوك عطاك عماره انت واختك اخــذو شقــه وعيشوو فيها ماراح تضيعون
بدر : يعيشون الحالهم في شقـــه ..؟
ام فراس : ويه الحين بـ ينقلب ابوه
ام بدر : خلاص الريم والياس راح يعيشون عندي ماتوقع عندكم اي اعتراض
الياس : ريم وش رايك
الريم : رايي من رايك
بدر : خلاص اجل راح تعيشون عندنا ... لف على ليان : وانتِ ليان وش رايك البيت ينباع ولا ..؟
ليان : مدري براحتكم
بدر : افهم انكم كلكم موافقين ؟
ام فراس : خلاص يابدر لا تطولها واهي قصيره بيع البيت وأرتـــاح
ليان : بـدر
بدر وهو يلف عليها : سمي ..؟
ليان : انا بتنازل عن حقي في البيت العماره اللي اخذتها والورث يكفيني
ام بدر : لا ياليان لا تتنازلين انا اللي عرفته من بو بدر رحمة الله عليه ان اخوك طماع واكيد ماراح يشبعه هذا كله
بدر : وانا مع امي وياليت اذا رجعتي ماتبلغينه عن العماره اللي اخذتيها يمكن يصير شيء لا سمح الله
ليان واهي منزله راسها : ان شاء الله
// // //
بعــد أيــام تـــَم بيع البــيت على بـو عبد الله
طلع الكــل من غرفــته وعلامة الحــزن مرسومه على وجههم
نــزل بدر في الدور الثالث وشاف كــل شيء فــاضي .. دخل غـرفة فراس على طـول
بدر : فراس
لف فراس عليه وهو يمسح دمـوعه : سم ؟
راح بـدر له وضمــه : كيف بتروح من غير ماتودعنا
فراس : انت عارف اني ماحب الوداع ولا الفــراق
بدر : قدر الله وماشاء فعــل الله يوفقك ياخوي انتبه عليهم راح تتحمل مســؤليه كبيره
فراس : اتمنى اكون مثلك واكون قد مسؤليـــه
حط صبعه السبابه على شفايف فراس : لا تصير مثـلي يافراس من قال اني طلعت قد المســؤليه نسيت نســيت اني خنت ثقـة ابوي وشتغلت بالمخدرات
اخذ إيدين اخوه وباسها : أولاد الحرام أكيد هم السبب وخلوك تشتغل هــذي الشغله
سحب يده ولم شفايفه يحبـــس دموعه
فراس : بدر ماوصيك لا تعــيد هالشيء مره ثانيه ولا تقــاطعنا ترى مهما يكون بـ نكون أخوان وان شاء الله راح نتجمـــع مره ثانيه
ابتسم بدر : إن شاء الله يـلا بروح اسلم ع الباقي
راح الغــرفه اللي جنب غــرفة فـراس " فيصل"
فيصل شاف بدر وعلى طول ضمــه : بـدر
ضــم بدر فيصل اكثر
فيصل : بدر بوصيك على الياس تـــرى عنده صديق صــايع وضايع وانا كم مره انصحه ماسمع مني اهتم فيه لا تتركه
بدر : كيف يعني مافهمتك ؟
فيصل : الياس تغير كثير من صادق طلال وانا ادري ان بينهم شيء بس لما الحين مافهمته الله يخليك لا تتركه
بدر : إن شـــاء لله وانت انتبه على نفسك وعلى بسيل واسيل تراهم صغار
فيصل : هههههههه اي صغار عمرهم عشرين
بدر : اللي اهو بس انا اشوفهم صغار
فيصل : طيب راح انتبه عليهم لا تقاطعونا
// // //
ساره : الريــــم بـ توحشيني
الريم : وانتي اكثر والله تكفييين من اول مااتوصلين تتصلين علي
ساره واهي تضم الريم : مـــابي اروح لامارات خلووني عندكم انا ماعرف احــد هناك
وسن : راح اللي كان يجمعنا على إنه كان يفرقنا
وجن تمسح دموعها : الله يرحمـــه صحيح كان مايبي يجمعنا مع بعض بس مافرقنا مثل الحين
راحت ساره تضم وجن و سن ونــزلت تحت تسلم ع الباقي
أنتهـــى ..
بعد اشوي بروح الامارت وإن شــاء الله اذا في نت راح أنـــزل لكم بارت ثاني _^
الجزء السادس ... الفصل الثاني
ماتقبلت الفراق ما ليدي فيه حيله
آه لو الظروف المقبلة تكشف قدرها
لو يعرف الشخص منا وش مع الغيب ابيجينا
كان جنبنا المشاكل من قبل يوقع ضررها
ما هقيت الليلة اللي جابت الفرقا طويله
لين صارت ليلة أمس بعيني أطول من شهرها
دخلت اسيل غرفتها وبـ يدها ورقـــة الطـلاق حطت الورقه بجيبها
واستغربت يوم شافت الأثاث لما الحين موجود ..
وشافت بسيل جـالس يدخل اغراضها بـ شنطه : ليش ماخذو الاثاث
بسيل : انا قلت لهم يخلونـــه علشان نشتري اثاث جديد
اسيل واهي تجلس ع السرير : أهـا طيب والباقي يعني برجعون ع الاثاث القديم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك