رواية جرح المدينة وجرح القلوب الحزينة -15
فـــي الــــمـــولهديل وندى كانن طالعات مع سواق فيصل وزوجة السواق والشغال الحبشيه
ندى:اوووف ماحس طلعتي لها داعي ابدا
هديل: ليه انتي معصبه فيه عروس تجهز وهي معصبه ههههههههه
ندى: لاني موحاسه نفسي عروس كل شي غصب بغصب هديل انا احس ان كل يوم يقرب لاعدامي مولزواجي
هديل: ندى لاتقولي كذا احمد ربك سعود الف بنت تتمناه
ندى: هذاك قلتيها الف بنت بس انا مو من ضمن الالف
هديل بلاهذره زايده وخلينا نخلص اغراضنا
ندى:اشوفك مبسوطه حيل وين الي ماتبغى تتزوج ومسويه علينا فيلم هههههههههه لاتكوني تحبي فصولي من زمان واحنا ماندري
هديل: يالدوبا أي حب واي خرابيط بس شروطي وموافق عليها وهو ياخذ راحته ببيت عمتي وانا اخذ راحتي بعد
فـــي بــيــت ابـ‘و نــايـــف
سامي: يعني خلاص ندى راحت مني خلاص وامتلت عيونه دموع
شوق: جلست جنبه وحطت يدها على كتفه سامي
سامي: ناظرها وعيونه كلها دموع
شوق: ممكن اطلب منك طلب
سامي: امريني
شوق: انسى ندى وطلعها من عقلك وقلبك
سامي: قام بعصبيه مستتتتتتتحيل
شوق: وقفت جنبه ليه مستحيل
سامي: لانها قلبي اذا طلعتها راح اموت عمرك شفتي واحد عايش بدون قلبه
شوق: ياخوي خلاص ندى الحين متزوجه
سامي: وانا ابنتظرها العمر كله يمكن يموت الحقير او يتركها لانه حقود عمره ماحبها زي ماحبيتها
شوق: لاتتفاول على بنت عمتك
سامي: قلت لك ابنتظرها يعني ابنتظرها لو اجلس عمري كله انتظرها مايهمني وطلع من البيت وهو مره حزين
شوق: الله يهديك ياخوي ويعوضك خير منها وينسيك حبها يارب ويوفق ندى مع زوجها
فـــي الــســـوق
ندى: كانت تشوف بنطلون جنز برمودا معجبها مره
شاب: اتوقع راح يكون حلو عليك
ندى: طنشته ولاكانها تسمعه ودمها فاير
الشاب: قرب مو حلو بس راح يكون يجنن عليك لانك انتي تجننين
ندى: رمت البنطلون والتفت عليه معصبه ورفعت يدها تبي تعطيه كف بوجهه بس تفاجات بالي مسك يدها
الشاب:فرح لام التفت له وناظر عيونها وانهبل من جمال عيونها مع انها ماحطت كحل ولاشي بس عيونها حلوه بدون شي بس استغرب لانه انتظر الكف الي كان يبي يتلذذ وهي تعطيه اياه بس استغرب ان يدها تعلقت بالهواء والبنت طايره عيونها برجال وراه التفت يبي يشوف منو الي تناظره البنت الا بكف قوي يطيره
سعود: ياحقيررررر علشان تعرف تغازل مره ثانيه
الشاب: عصب وجاء يقوم يضرب سعود
سعود: بقوة جسمه لف يدالشاب ورا ظهره
الشاب: صرخ من الالم
ندىوهديل : خافو من عصبية سعود خافو يسوي بالشاب شي
الشاب: خلني ياحقييييــ بس صرخ لان سعود زاد من لف يده
اجتمعو الناس وفرقو بينهم
ندى: خلاص رجولها مو شاليتها من الخوف من سعود ومسكت يد هديل بسرعه مشينامره خااايفه
هديل: انجنيتي تبغينه يعصب اكثر
سعود: اخذ شماغه ولبسه واتجه لهم وعيونه ووجهه معصب مره
هديل: ابتعدت قالت على اذنكم
ندى: حاولت تتمساك ولاتبن خوفها
سعود: امشي وكان يمشي جنبها وهومعصب حيل بس كان ساكت
ندى: كانت خايفه بقوه بس قالت لازم مابين له خوفي انا مسويت غلط الشاب جاني موانا شوي الا تشوف بنتين جايات لهم وحده متلثمه والثانيه كانت متحجبه ومتمكيجه ولابسه نظاره شمسيه من ديور وعليها عبايه مزخرفه ومطرزه بس كانت حلوه وجذابه استغربت ان البنت الجذابه تناظر سعود بقوه وجايه تجاههم
البنت: هااااااي سعود وفسخت نظارتها
ندى: استغربت بقوه ورفعت عيونها بسعود تفاجات ان سعود تفاجا بس على طول قلب نظراته الي جمود وبرود
سعود: هلا شهد
شهد: هلافيك عاش من شافك وينك وين الناس تقولها بدلع
سعود: مشاغل الدنيا
شهد: بدلع عرفنا على الي معاك اختك
سعود: لاهذي زوجتي ندى
شهد: تسوي نفسها متفاحاه لانها عرفت انه تملك قالت يووووووه وماعلمتنا تهون عليك العشره وغمزت له
ندى: انقهرت من حركتهاوعصبت وتمنت تذبحها هي وسعود
سعود: انقهر من حركتها البايخه قال على اذنك شهد مشينا ندى
شهد:لاتنسانا اعزمنا على حفل زفافك اوكي قلبوووو
سعود: طنشها ولا التفت وزادت عصبيته اكثر موقف شهد وعرف انها نذله تتعمد تبين ان بينهم علاقه وندى ركب السياره وهومعصب حييييل وكان يدوس بدون شعوروطول الطريق ساكتين
ندى: ماسكه قلبها من تهوره بالسياقه قالت جد شين وقوي عين بعد
سعود: دخل السياره بمكانها وفتح ونزل بسرعه وراح لجهة ندى وفتحه وهو بقمة عصبيته
ندى: كانت تحاول تتمساك ماحست الا بسعود يجرها مع يدها ويطلعها من السياره
سعود: جر ندى ودفها على السياره ومسك ذراعينها
ندى: تناظر يدينها قالت هيه انت صاحي ايش سويت انا تعاملني كذا تراه هو لي جاني مو انا
سعود: يرص على اسنانه ويشد على يدينها اكثر اول يامدام لاتقولي لزوجك هيه عيب ياماما
ندى: بلعت ريقها لانها تشوفه مره معصب وسكتت تنظره ينتهي
سعود: ثانيا ليه تطلعين من غير اذني وثالثا بعذره لو جاك وانت فاتحه عيونك كم مره احذرك تفتحين نقابك ليه تعصييييييني لييييييييييييه
ندى: فكت يدينهافكيت نقابي لاني كنت ابشوف البضاعه وطلعت باذن عمي وبعدين مسوي نفسك غيور غار على بنات الناس زي ماتغار على محارمك مو تغازل برا وتلعب على كيفك وتجينا هنا ماتبغى احد يغازل محارمك وتسوي قدامنا محترم
سعود: مسكها ثانيه بقوه وقال موانا الي اغازل برا السعوديه ا و داخله انا اعرف بي كل مكان وموانا الي اسوي نفسي محترم واغش الي حولي ومو انا الي تربيني بزر زيك
ندى: جت تبي ترد
ناديه: اووووف اووووف لاتستعجلون كذا خلاص مابقى شي على زواجكم هههههههه
سعود: ترك ندى وابعد عنها
ندى: لام ابعد سعود كانه كاتم على الهواء وتوها تتنفس تنهدت بقوووه
ناديه: يالله ياعروسه ورينا ايش اشتريتي
ندى: راحت ومرت من عندها قالت مابغاها خوذيهاااا لك ومابغى اتزوج اصلاودخلت داخل
سعود: عصب من ردها بس ماحب يوضح لاخته قالها ناديه انا ابروح للشباب تامريني بشي
ناديه: لا ياقلبي مانبغى غير سلامتك
سعود: لاتنظروني عل العشاء وركب سيارته وراح
ناديه: الله يهديك ياسعودسويت نفسي مادري كاني اظنكم تتغزلون بس علشان افك هالمسكينه من عصبيتك الله يعين بس متى يحنون على بعض
فـــي غـــرفـــة نــــدى
ندى: دخلت غرفتها وتسندت على الباب بخوف وضيقه وحزن وكل شي فيها دخلت تاخذ شاورو جلست على سريرها تفكر بحالها وحياتها وكانت بقمة حزنها شوي الا تجيها نغمة رساله اخذت جوالها بملل وفتحته كانت من سعود[[ياويلك ان بينت أي شي بيني وبينك عند اهلي حركات الدلع بطليها]] اوووووووف ورمت جوالها شوي الا يدق جوالها بنغمة فديت الي تذكرتي النغمه الخاصه لهديل فرحت باتصال هديل تبغى احد تتكلم معاه لانها ماتقدر تقول شي ولا ياسمين لاسعود اخوها وماراح ترضى عليه واخذت درس ماتسب سعود قدام ياسمين بعد زعلهم الره الاولى
هديل:كانت توها اخذه شاور ولابسه قميص سماوي قطني قصير تحت الركبه وطالعه فيه كيوت جلست على سريرها اهلين حبي
ندى: بضيقه وكتمه اهلين هدوله
هديل: طمنيني عنك وربي قلقانه عليك بقوه لان سعود كان مره معصب
ندى: ااااااااااه ياهديل الله يعني عليه ماتخيل ابكون انا وياه بيوم تحت سقف واحد هذا مجنون وصعب التفاهم معاه
هديل: اعذريه من غيرته عليك الي شافه صعب أي رجال يتحمله
ندى: أي غيره الله يرحم والديك الواحد مايغار الا اذا حب وهذا قلبه قاسي مايعرف الحب بعدين ماكنت اتغزل فيه انا هو الي جاني ايش فيكم علي انتم
هديل: كم مره اقولك احس سعود مو بس يحبك الا يمووووووت فيك
ندى: انا ماطيييييييييييقه وهو بعد اتمنى ان زواجي منه يتفركش باي طريقه تناظر بالفراغ ماتبغى دمعتها تنزل ياناس مابغاه وماتخيل اكون زوجته لاهو يحبني ولا انا زواج كره وحقد كيف راح يدوم
هديل: حبت تلطف الجو مابعد الكره الا الحب
ندى: الله لايجيب اليوم الي احبه فيه
سعود: رجع للبيت متاخر وناظر بشباك ندى وشاف نور خافت مولع عرف انها لسه مانامت تنهد بضيق لانه تذكر احداث اليوم كله طلع لغرفته واخذ له شاور يهدي من توتره ووانسدح على سريره وهو يتذكر نظرات ندى له اخذ جواله حب يكلمها يشوفها لسه متضايقه اولانه رحمها مره بس لام اخذ جواله قبل مايضغط على زر المكالمه رمى جواله على سريره قال خلها تستاهل علشان تتادب ولاتكسر كلمتي سكر النور بعصبيه وحاول ينام
فـــي قــــصـــر ام فـــيــــصـــل
هديل:لا لاياعمه ارجوكي ابغاها مقتصره
العمه/ وليه يابنتي ابغى افرح فيك انتي وياه
هديل: عمتي لاتنسين انا وياه سبق لنا الزواج
العمه: موحرام انكم تنزفون مره ثانيه
هديل: لاياعمه ارجوكي زفه ماراح انزف اسمحي لي
العمه: خلاص براحتك بس لازم تسمحي لي اعزم عماته وجيرننا الي جنبنا
هديل:براحتك بس ارجوكي ابغاها مقصوره مره
فــــي بــــيـــت ابو ســلـــيـــمــان
ابو سليمان: خير ان شاءالله ايش عندها ام فيصل مكلمتك
ام سليمان: ارتبكت شوي وماتبغى توضح علشان سليمان قالت تسلم عليكم وووو بس سكتت
لمياء: كانت ساكته وشاكه بس ماحبت تستعجل
ابو سليمان:بس سمعتك تباركين لها وتدعين لهم منو الي يبي يتزوج ماعندها احد تزوجه
ام سليمان: ناظرت سليمان وسكتت
سليمان: دق قلبه وقال ياربي شكي مو في محله وسكت ينتظر امه تجاوبه
ابو سليمان:ايش فيك يامره تكلمي
ام سليمان:تعزمنا على زواج ولدها فيصل
شوق: فيصل يبي يتزوج على زوجته!!!!
ام سليمان: فيصل انفصل عن زوجته
شوق:ايش فيهم الرجال انهبلو وصارو يطلقون ويتزوجون وتناظر باخوها
سليمان: ماله خلق يرد عليها وماله خلق شي ابد اصلا وطنشها وسكت بس قلبه يطق طبول مرتبك مايدري ليه خايف من شي ويقول يارب ظني في محله
ابو سليمان:لاياشوق فيصل طول عمره حكيم وعاقل ومو هو الي يستعجل ويطلق
سليمان: انقهر من قط الكلام عليه وتنهد بضيق وسكت
ام سليمان: واذكر زوجته الله يهديهاماكانت تعبر احدموزي طيبة فيصل وامه والبييوت اسرار يابنتي ومو كل من طلق صار ظالم ماشرع ربي الطلاق الالحل مشاكل الناس بس الواحد مايتسرع فيه
شوق: طيب يمه ماقلتي لنا منو راح يتزوج فيصل
ام سليمان: هذا الي ماحبت تقوله وحبت تطول بالكلام علشان ماتجاوب قدام ولدها ويتضايق
شووق:يمه بسرعه قولي لنا منو راح يتزوج
ام سليمان: سكتت شوي ونزلت عيونها على الارض قالت راح يتزوج هديل
سليمان: قام بسررررعه قال مستحيل
ابو سليمان: ايش المستحيل
سليمان: وهو يتنفس بسرعه مستحيل هديل تتزوج غيري انا زوجهاوماراح احد ياخذها مني
شوق: قصدك كنت زوجها وفرطت فيها لغيرك
سليمان: مسكها مع كتوفها وهو معصب ووقفها جنبه قال انتي انطمي ولاكلمه
ابو سليمان: سليمااااااااااااان خل اختك
سليمان: رمى يد شوق وقال بحزن انتم مبسوطين وماتحسون بالنار الي تتحترق داخلي تتوقعون فراقي لهديل بالامر الهين علي تراني عايش بجحيم وربي احس اني كل يوم اموت حاولت انساها موقادر ماحد فيكم حاس فيني الدنيا اظلمت بعيوني السعاده فارقتني
ابوه وامه واخته رحموه خصوصا بعد ماشافوه حط راسه بين ايديه وواضح انه يبكي
امه: جلست جنبه وضمته ياروح امك انت كلنا حاسين فيك احنا اهلك ياوليدي ولاتظني هينه علي اشوف نظرات الحزن بعيونك وربي قلبي يتقطع عليك الف مره بس ياوليدي مقدر ومكتوب عشت حياتك ياوليدي وهي الله يسعدها بحياتها
سليمان: قام قال حياتي مع غيرها عذااااااااب وطلع
ابوه: الله يهديه بس فرط فيها ياما نصحناه بس ماسمع نصايحنا
امه: خلاص يابو سليمان وقت العتاب انتهى لازم نواسيه ونكون جنبه مهما كان هذا ولدنا
ابوه: قطعه مني هو والي يعذبه يعذبني
شوق: قامت بسرعه وركضت للحوش وشافت اخوها وهو يفتح باب الشارع يبي يطلع نادته سليمان
سليمان: التفت ببطء وناظرها بعيون كلها حزن ايش بعد جايه تكملين علي شماته ارتاحي زوجتي خسرتها وراح تتزوج غيري عساك بردتي قلبك علي
شوق: ركضت له وضمته مستحيل اتشمت من اخوي بس كنت اظنك ماتحب هديل بس كنت تحب سعادتك لام شفت حالتك اليوم عرفت قد ايش تحبها سامحني ياخوي
سليمان: موبس احبها ياشوق احب التراب الي تمشي عليه بس انا استاهل فرطت فيها وماعرفت قدرها حتى فقدتهااااااا
انتهى هالــــــ ج ــــــــــزء
في الجزء السابع والعشرون يبي يكون زواج حبيبتكم هدوله وفيصل
تمنياتي لكم بقراءه ممتعهانتظركم ردوكم دمتم لي
محبتكم هموسه[[[امي روحي]]]
الــــ ج ـــــزء الــــســـــــــابع والـــ ع ـــشــرون
في بيت فيصل
فيصل:منسدح على سريره وحاط يده تحت راسه ويفكربهديل يقول سبحان الله من يصدق هديل راح تكون بيوم زوجتي هديل الصغيره الهاديه راح فكره بعيييييد
[[دخل لبيتهم توه طالع من مدرسته شاف نادين وهديل يلعبون بالحديقه قرب منهم ايش تسووووون
نادين: نجمع الورد ونبي نسويهم تاج فوق راس الاميره
فيصل: جلس معاهم ومين الاميره ايكم
نادين: هديل الاميره وانا الملكه
فيصل: ناظر بهديل بس حمرت خدودها وسكتت وكانت دبدوبه وشعرها متطاير مع الهواء وعيونها لانها شقراء مابان عليها رموشها ماكانت عيونها قد كذاولام كانت صغيره ماكنت حلوه مره بس يبضاء
نادين: خلاص خلصنا قامت وحطته على راس هديل
فيصل: اوووف يجنن عليها
هديل: نزلت راسها وحمرت خدودها
فيصل: انتي اميرة الورد وقرب منها وباسها مع راسها
هديل: استحت بقوه ورمت تاج الورد وهربت داخل
فيصل ونادين ههههههههههههههههه]]
فيصل: ابتسم قال سبحان الله يالدنيا هديل الصغيره الخجوله زوجتي
في غـــرفــة هـــديــــل
هديل :تحممت وجلست تدهن بلوشن معطر على جسمها ومشطت شعرها تنتظره يجف لان شعرها من طبيعته ناعم اووووف الى متى ابظل متورته كذا كاني اول مره اتزوج ليتني ماقبلت ليتني عايشه كذا طول عمري احس النوم جافاني بكره زواجي ياربيه موقارده اصدق لازم ادق على ندووش مالي غيرها
ندى: هلااااا بالعرووووووسه
هديل: ندى انا خايفه مرتبكه حيل
ندى: من جدك هدوله
هديل: لا من عمي احس اني ميته خوف
ندى: شوفي الكلام بالجوال ماينفع بكره ان شاءالله راح اجيك بدري ونتفاهم اوك
هديل: اوك انتظرك لاتتاخرين علي
ندى: لازم اخذ موفقة صاحب السمو تعرفيني الحين لازم استاذن منه موزي اول من عمي فديت قلبه كان اضمن انام عندك الليله موبس بكره اجيك
هديل: ليتك جيتي الليله قسم محتاجه لك موووووووت
ندى: ياحليلك مافاتتني الفكره بس رفض الغثيث وهزاني بعد
هديل: هههههههههههه هزاك ليه
ندى: يقول انتي ماتستحين على وجهك قري في بيتك بس مابقى على زواك شي وتفرفرين بيوت خلق الله قسم غثني بكلامه وجع عليه
هديل: اجل الله يستر بكره يرفض تجيني بدري
ندى: ياحليلك مخططه خطه براسي ان شاءالله غصب على خشمه يرضى هههههههههههه
هديل: خطيره ههههههههههه بس ارجوك لاتتمشكلين وياه علشاني
ندى: لا ماعليك يالله ياعروسه تصبحين على خيررررر
هديل/ تنهدت وانتي من اهل الخيررر
راحت بفكرها قبل خمس سنين
ام مشعل: يالله للزفه مع اني متاكده ماراح تعجبين اخوي
هديل: نزلت راسها بحزن وزاد توترهاومشت للزفه جلست بالكوشه وخبروها تطلع للسياره لان سليمان رفض يدخل عليها لبسوها عباتها ومسكها مشعل بيده الحنونه وكل شوي يضغط على يدها علشان يحسسها بالامان معاه شافت سياره واقفه بس ماجنبها احد تفاجات للمره الثانيه ا زوجها مانزل يستقبلها بس سكتت مشعل ضمها وباسها على رساها وفتح لها الباب سمت بسم الله وركبت ومشعل ساعدها على فستانها
مشعل: سكر الباب من اخته وطل مع الشباك قال ماوصيك على اختي ياخال تراها عيوني الي اشوف فيها
هديل: تحاول تلفت تشوفه بس استحت ونزلت راسها تنتظر رده بس ماسمعت شي عرفت انه رد على اخوها ببتسامه بس طول الطرق وهو ساكتين وصلو للييت نزل هو وسكر بابه وراح يفتح باب البيت هي جلست ماتحركت ذبحها الحر علشان فستناها وعباتها وهو سكر السياره كلها محتاره تنزل بدون مايقولها عيب اخاف يبغى يسوي مفاجاه او يقول ايش هالمخفه الي نزلت بسرعه طول عليها شوي الا احد يفتح الباب
سليمان: مطوله هنا عجبك الوضع والا تبين تنامين هنا اريح لي ولك
هديل: صدمتها كلماته ورفعت عيونها له وسكتت ونزلت تمشي وراه طبعا ماطلب منها تفسخ عباتها بس هي بعد ما طلعو جناحهم فسختها
سليمان: ناظر فيها ببرود وجمود قال اسمعي يابنت الناس تراك لو تكوني ملكة جمال العالم ماراح تهزين فيني شعره لاني مجبووووووور عليك وفرقوني عن حبيتي بسببك
هديل: انصدمت من كلماته وتطالع فيه بحزن
سليمان: حب يزيد عليها قال بعدين ادوخني جميله جميله ماشوف الجمال الي يتحدثون عنه بالعكس انصدمت كنت متوقعك اجمل من كذاساره اجمل منك بكثيررررر
هديل: انتبهت من سرحانهاوحطت يدها على راسها قالت ياربي متى اتخلص من كابوس زواجي الاول الله ليتني ماوافقت عليك يافصيل ليتني جلست بدون زوااااااج
فـــي بـــيـــت ابـــو ســـ ع ــــود
كلهم مجتمعين على الفطور لانهم باجازه نصفيه طبعا سعود وابوه يبون يفطرون ويرحون لدوامهم وماجد نايم موداري بالي حوله لانه مارجع للبيت الا الصبح والبنات نايمات بعد
ندى: تناظر بسعود قالت الحين فرصتي اتكلم
سعود: ماكان معطيها بال لانه يفطر ويقرا ملف بيده
ندى: لو سمحت سعود
سعود: رفع عيونه لها قال خير
ندى:مسويه خلوقه) ممكن اروح بعد الفطور لهديل
سعود: عقد حواجبه الحين تدرين كم الساعه الحين ترانا سبع يامدام
ندى: تتكلم ببراءه وهدوء ايوه بس لاتنسى ا ناام فيصل قايمه الحين وهي كلمتني تطلبني اجي اجلس مع هدوله وهديل من البارح تترجاني اجي عندها واواسيها تعرف مسكينه موسهل عليها تعيد تجربتها
ام سعود: مسكينه هالبنت الله يوفقها
ندى: امين ياخالتي ماتتخيلين ياخالتي كيف من امس تترجاني اروح لها
ام سعود: وليه مارحتي لها هذي صديقتك ولازم توقفين معاها
ندى: بنظرات برائه تناظر خالتها وبعدها حولت نظراتها لسعود سعود مارضي يقول عيب
سعود: يانظرها ووده يكفخها بس ماسك نفسه قدام ابوه وامه
ابو سعود: يالله ياوليدي تاخرنا على الشركه وود ندى على دربك لهديل لازم توقف جنبها مسكينه هديل مالها غير الله ثم زوجتك
ام سعود: ايه والله الله يسعدها وانتي ندى لاتخلينها يابنتي
ندى: ان شاءالله خالتي
سعود: يناظرها بقهر مشيناااا
ندى: باست عمها وخالتها مع روسهم وودعتهم وراحت تركب مع سعود بالسياره ركبت الكيس الي فيه فستان زواج هديل ورا وركبت قدام
سعود: التفت ورا وناظرها بعد ماركبت جنبه ايش فيه هالكيس
ندى: تعدل نقابها الفستان الي راح احضر فيه الليله
سعود: ماشاءالله متى جهزتيه وانتي بسرعه لحقتيني
ندى: ضحكت ياحليلك مجهزته من زمااااااااان
سعود: يعني كنتي متاكده اني راح اوديكي
ندى: تهز راسها وتناظر الطرق اكيد (تحجر ضحكتها لانها عرفت انه انقهر منها)
سعود: وليه اكيييييييييد
ندى: احساسي يقولي كذا
سعود: وقف السايره على جنب ومسك ذراعها قال ندى ان سويتي حركتك هذي مره ثانيه قسم لارفض ومايهمني احد
ندى: مازالت تتصنع البرود والبرائه وانا ايش سويت
سعود: تطلبيني عند امي وابوي علشان تضغطين علي واودك لاتظنيني غبي مافهم
ندى: حاشاك مو غبي انت
سعود:ترك يدها مسويه ماشاءالله وين لسانك اليوم لايكون بلعتيه بس
ندى: مازالت هاديه مادري ايش يرضيك ارادك موعاجبك اسكت معاك واحترمك برضو موعاجبك
سعود: اووووووووف
ندى: بقلبها اوف منك بس ابنحملك اليوم لاني عارفتك مجنون تحرمني من زواج هدوله
فـــي غـــرفـــة هـــد يــــــــــل
ندى: كلوووووووووووووووش ياحلى عروووس
هديل: قامت وعلى طول ضمتها تاخرتي علي يالدوبا
ندى: حطت اغراضها احمدي ربك يالله جيت بعد
هديل: تمسكها وتجلسها على الكنبه كيف فهميني
ندى: علمتها كل الي صار
هديل: حلوووو غريبه ماعاندتيه زي عادتك
ندى: اعرفه مجنون عادي يتحداني ويرجعني ويحرمني من زواجك كله
هديل: ليتك تظلين تهادنينه
ندى: ماقدر اكرهه ماطيقه ولازم اجننه علشان يطلقني ويخليني بحالي
هديل: غريبه احسك ماتكرهينه
ندى: بارتبك الا اكرهه
هديل: لاتحلمين يطلقك مابقى شي على زواجكم
ندى: الى اخر ساعه ماراح افقد الامل
هديل: تصدقين انا ندمت اني وافقت على فيصل
ندى: افااااا هدوله غلطانه
هديل:ليه غلطانه شوفي انتي كيف ماتبغين تتزوجين
ندى: انا غير وانتي غير
هديل: ليه
ندى: انتي راح تتزوجين ارق واطيب رجال وانا راح اتزوج اقسى واحقد رجال
هديل: لاتظلمين سعود بس انتي ياندى ماعرفتي تكسبينه بعدين ترانا مانعرف فيصل زين كيف حكمتي عليه اطيب وارق رجال
ندى: تتتكلم بحزن شفتي لام ترفضي يتزوجك كيف اقنعك بهدوء ولبى لك كل طلباتك لو على حساب نفسه بس علشان يريحك وانا الفرق كبير كيف اجبرني سعود وخلا مالي راي وبعد كل هذا يقولي تزوجتك علشان اكسر خشمك موهذا اقسى واحقد رجال
هديل: حبيبتي يمكنه يحبك ويحس انك ماتحبينه تحبين سامي ومن زود غيرته عليك سوا كذا
ندى: مابغى حبه وفكينا من سالفته وخلينا فيك هدوله
هديل: انا خايفه مررررررره
ندى: تخافي وانتي مو اول مره تتزوجي
هديل: هذي المشكله عقدت زواجي الاولى مركبتني ومشوشه علي
ندى: هدوله خابرتك عاقله وحكيمه
هديل: تراه حتى ماشافني يعني لو ماعجبته وكانت ريم اجمل مني
ندى: تعرفين هو تزوجك علشان امه وبناته وعلشان يخدمك لانك وصيت مشعل بعدين يالدوبا انت قمررررررر ومستحيل ريموه تكون اجمل منك
هديل: لو اني قمر كان عجبت سليــ
ندى: اذا كان سليمانوه اعمى موكل الرجال عميان بعدين شفتي كيف ندم لام تركتيه وتحسر
هديل: ماعلينا منه الله يسعده
ندى: اقوووول هدوله بلاكلام فاضي وقومي بسرعه قدامي
هديل:وين؟؟؟
ندى: قالت وين المزينه تنظرك بسرعه لازم من الحين تعدل فيك وتلمعك بعدين بعد صلاة العشاء تبدا فيك رسمي تزينك مع انك ملاك ماتحتجين تزيين
هديل: مشكوره ياقلبي
فــي الـــشــــركه
سعود: يكلم فيصل ايش رايك اليوم نتغداء سوا
فيصل: لا مشغول نست اني العريس اليوم
سعود: اقول الي يسمعك يقول هو العروسه مو العريس
فيصل: اقول لاتزعجني بس ابنام شوي وبعد صلاة العصر ابروح اضبط نفسي عند الحلاق
سعود: طيب تبغى فزعه شي
فيصل: الحمد لله قمت اليوم الصبح وكل شي جهزته والولده ماقصرت جهزت كل شي يخص الحريم وانت ماقصرت ياخوي
سعود: عساك للقوه انت وياها ويالله ماعطلك
فيصل: اشوفك الليله لاتتاخر ولاتنسى اهلك اول المدعوين
سعود: اكيد يالله مع السلامه
فـــي لــــــيـــلـــة زواج هــد يــــل وفـــيـــصل
في قصر ام فيصل كانت مجهزه كل شي تحت وطالبه كراسي وصار قصرها احلى قاعة افراح والحديقه حطت فيها طاولات العشاء عند النوافير الي برا
ندى: يووووووووه رووووووعه رووووعه ياهديل
هديل: توها منتهيه منها المزينه ولفت تشوف ندى كانت لابسه فستان سكري ورافعه شعرها بتسريحه ناعمه وثبتت فيه تاجها الالماس الناعم الي اهداه لها فيصل وطلعة ملكة جمال
عمتها: دخلت وناظرت الله يحرسك من عيون خلقه وباستها وباركت لها ابوك يبي يجيب لك الدفتر
ندى: دخلت للغرفه الداخليه
ابوها: خنقته العبره لام شافها وباسها مع راسها وقال الله يحفظك ويسعدك يابنتي وقعي هنا
هديل: اخذت القلم ويدها تهتز ووقعت
العمه بعد نص ساعه تنزلين للزفه
هديل: عمتي مابغى انزف ارجوكي
العمه: طلبتك لاترديني ومافيه ناس واجد ترا
هديل: ابجلس لحالي مابغى انزف وياه
العمه: ولايهمك بس استعدي بعد نص ساعه
هديل: ان شاءالله
فيصل: فرح بعد ماشاف هديل وقغت وصارت له على سنة الله ورسوله قال يارب اسعدها واكون قدر امانة مشعل الله يرحمه
على زفة المنشد مصعب المقرن كانت باسم هديل وفيصل نزلت هديل
هديل: كان قلبها يدق طبول وهي تمشي على كلمات الزفه وتناظر بالمدعوين وتقول بقلبها الله يهديك ياعمه هذا وانتي ماكثرتي كيف اجل لو كثرتي المدعوين
عمات فيصل وبنت عمه انبهرو من جمالها
حنان: عمة فيصل الصغيره ماشاءالله ملكة جمال الله يحفظها
رنا: بنت عمه يستاهل فيصل الله عوضه بعد ريم سبحان الله من زمان مابلعتها
حنان: سمعت عن هديل انها طيبه ومره قاست بزواجها الاول
رشا: اخت رنا الصغيره بثالث ثانوي قسم مجنون زوجها الي طلق الجمال هذا
حنان: لايقولون زوجته موحلوه ولاتجي نصف جمال هديل
منال: بنت عمة فيصل شوفو يابنات مين البنت القمر الي واقفه جنب العروس
حنان: هذي صديقتها الروح بالروح
منال: حلو اجل راح نخطبها لاخوي خالد مننا يبغى ملكة جمال وهذا ماشاءالله عليه تهبل وطالعه بالورانجي خيال [[لان ندى لابسه فستان ارونجي فرنسي]]
حنان: لاتعبين نفسك متملكه وزواجها قريب
منال: خساره
حنان : ضربتها مع كتفها قولي الله يوفقها
يالله بنات مشينا نبارك لها
هديل:جلسة على الكوشه الي مسويتها لها عمتها وكانت فخمه مره بس كانت مرتبكه تبغى تهدي من نفسها بس ماقدرت سلمو عليها المدعوين وباركو لها شوي وهي جالسه وكانت ندى واقفه جنبها وكل شوي تمزح عليها علشان تبعد عنها التوترهديل رفعت عيونها للناس الي جايين يسلمو عليها بس بعد ماقربو ركزت فيهم وتغيرت نظراتها وامتلت عيونها دعوع
ام سليمان: مدت يدها بحزن الف مبروك يابنتي
هديل: ناظرتها شوي بس مامدت يدها لانها ارتمت بحضنها وبكت
ندى: قربت منها هدوله لايخرب مكياجك
ام سليمان: سامحينا يابنتي وسامحي سليمان على الي سواها فيك
هديل: وهي مازلت ضامتها انا ماشفت منك ياخالتي الا كل خير عاملتيني زي بنتك بس وربي فقدتكم
لمياء: بعدت بينهم وانا مالي نصيب
هديل: تركت خالتها وضمت لمياء انت لك اكبر نصيب انتي اختي ماجابتها امي
لمياء: تنزل دموعها واشتقت لك يالدوبا قووووووه
هديل: وانا اكثر
العمه: كانت واقفه جنبهم وتمسح دموعها
رنا: غريبه منهم الي تسلم عليهم كذا
حنان: الظاهر اهل زوجها الاول
رشاء: ماشاءالله شكلهم يحبونها وتحبهم مره
حنان: قلت لكم هي طيبه واهل زوجها كانو يموتون فيها
العمه: يالله تفضلو على العشاء وانتي ياهديل تبغين فيصل يدخل الحين
هديل: لا ارجوك انا ابرقى فوق
العمه: براحتك يابنتي
ندى: مسكت العمه وقالت ماعليك ابحاول انها ماتفسخ فستانها واذا راحو المعازيم اضغطي عليها علشان يشوفها بمكياجها وابعلمك خطه واذا طلعت انتي سويها
العمه: ابتسمت لها الله يبارك فيك يابنتي حاولي تقنعينها
ندى: طقت صدرها ولايهمك قدها وقدود
العمه:ههههههههه الله يحفظك ويسعدك مع سعود
ندى/ ابتسمت مجامله وصدت علشان تطلع فوق عند هديل قالت كل مابغى انساه هالغثيث يذكروني فيه
عند الرجال
فيصل: استغرب ن الرجال الي يشوفوه واقف قدامه ويبارك له بس حاول يتدارك نفسه ويخلي نفسه طبيعي
سليمان: بغصه وبقهر وحزن العالم كله مبروك
فيصل: بغيره بس مازل يتمسك بحكمته الله يبارك فيك
سعود: يناظر سليمان ووده يذبحه بس سكت احترام لفيصل
سليمان: لاوصيك عليها تراها جوهره حافظ عليها وتراها غـــ
فيصل: عصب شوي بس مسك نفسه قال لو ماعرف انها جوهره كان ماتزوجتها
سليمان: الله يبارك فيك على اذنك
فيصل: من زود الغيره مالزم عليه يتغشى معهم قاله اذنك معاك
سليمان: طلع وركب بالسياره وناظر بقصر ام فيصل ويسمع صوت الطق دمعت عينه قال الحين احس اني رديت شوي من حقك علي ياهديل ماقصرتي معاي لام اتزوج وتضغطين على اهلي يحضرون زواجك وانا ضغطت على نفسي علشان يعرف فيصل انك ثمنيه عندي ويتمسك فيك اكثر واتصل على اهله وراح وهو شايل همومه كل شوي يتخيل هديل كاشفه لفصل تبتسم له يشم عطرها المميز يذوق حنانها خلاص حس مو مركز مع الطريق حمد ربه انه وصل للفندق واهله محترمين سكوته وكانو ساكتين
سعود: ايش جابوه شين وقوة عين
فيصل: الله يستر عليه
سعود: ابي افهم برودك هذا من وين تجيبه
فيصل: من فريزرنا تبي اجيب لك على دربي هههههههههه
سعود: وتضحك وانت خشتك
فصيل: لازم تعرف ان كل الامور تنحل بحكمه ورويه
سعود: تعال بس نتعشى ياحكيم زمانك
في جـــنـــــاح هـــد يـــــــل
هديل: دخلت لغرفتها وجلست تنتظر ندى
ندى: تعالي اعيد الي خربتيه من بكاك يعني لازم تسوين فيلم هندي مع اهل سليمان
هديل:ههههههههههه قسم انك مجنونه ماتعرفين كيف احبهم
ندى: تحبينهم ماقلنا شي بس تخربين مكياجك كذامايصلح
هديل: ابعدي لاتعدلينه ولاشي انا اصلا ابدخل اغير واخذ شاوروايح من هالفستان
ندى: تخربطت قالت لا لحظه ابعدل مكياجك واباخذ لك صور
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك