رواية اخوه يعيشون في صراع مع الزمن -15
صعــد ضـاري فــوق و تـوجهه اياد للـ مطبخ ..مــن الظهــر وهو مـا أكل شــيء معـدته فـاضيه حتى مــاي مافيها
فــتح الثــلاجه وشاف ورق عنــب ... وعلى طـول حــس بغصــه
زم شفايفه ورفع راسه فـــوق يحــاول مايطلع غصــته ..
بس انفجـر وانفجــرت دموعه بالبكــاء جـلس ع الكرســي وهو خـلاص ماعاد يقدر يمسك دمــوعه أكثـر من كذا ..!
مســح دمــوعه واخذ صحـن ورق عنــب ..
وحــس أحد دخل المطبخ ..
ندى واهي تسحب الصحن من اياد : أنت من أي حق تمد يدك على الورق عنب
اياد : نــدى ..
ندى وهي تصيح : انت تدري ريـان يموت على شيء اسمه ورق عنــب وهذا امي مســويه له لا تـاكله لا تــاكله
اياد : ندى وش فيــك
ندى : اياد تكفى لا تاكل الورق عنب والله ريــان بـ يزعــل وبسـوي فوضه في البيت مثــل كل مــره
اياد وهو ياخذ الورق عنب : طيب خلاص ماراح أكله بس لا تصيحين والله تعبـــت
ندى وهي تمسح دموعها : طيب ماراح اصيح بس تبي اسوي لك شيء تاكله
اياد : لا خلاص مابي بروح غرفتي انام
ندى : ايــاد زعلت مني ؟
اياد : لا ليش أزعل
ندى واهي تشيل حبـه من الورق عنب : طيب خـذ وحــده وخـل الباقي حق ريــان
ابتسم اياد وخذهــا حــس إن طعمهــا غير عن الورق عنب اللي يـاكله من قبــل من يد أمــه
اياد : روحــي نامي نــدو
نـدى : بجلس اشوي بنتظر ابوي وبنام
اياد : ابوي ماراح يجي الحين عارفته انتي
ندى : أدري بس امي دايم تنتظره وانا بنتظره الحين
اياد : طيب بــراحتــك
صـعد فــوق غـرفته وشاف غــرفة ريــان قبــاله ..
فتح الباب وحس إن أحد نــايم فـيه
خــاف ودخــل الغرفه رفع البطانيه وشاف ضاري أرتـــاح وغطــى أخــوه وطلع من الغــرفه
// // //
يــوم السبـــت الســاعه 4 فجـرا فـي أمريكــا ..
خـالد ومســاعد نـايميـــن وفــي سـابع نــومه ...
رن المنبـــه وصحى خــالد وبقــى مساعد نــايم ..
صــلى الفجــر .. وراح المطبخ يـسوي فـطور له وحق مساعد
وعلى مـايخلص الفطـور قـرر يفتـــح أميلـــه
شاف ثــلاث رســايل في البريد وحــده من أختــه والثانيه من أختــه بعد والثــالثه من أميـل غريب ..
فتح رســالة أختــه ميساء وكـانت الرساله بالأنجليزيه ضـحك على أختــه
تمــوت في شيء انجليزي وكــلامه كله دلـع x دلــع ... عكس أختــه سحــر عربجــيه بدرجه أولى وماتفهم شيء بالأنجليزي ..
فتح رســالة سحــر وهــم ضحك أختــه .. وبعدها فتح الرســاله الثــالثه ..
" اكيد استغربت من الأميل هذا اميلي الجديد ماراح اضيفك لاني ادري إنك بتحذفنــي
بـس حبـيت اقولك أني جـاده بكــلامي وأني أحبـك ومايهمني إنك تحبنــي أو لا
ألمهم إني انا احبــك وابي اتواصل معــاك ..
وهذا رقمــي ****************
أنتظر اتصالك .. وسلم على اخوي مساعد
آموآآآآآآآآآآآآآآآح "
فتح عيـــونه بصـدمه أول شيء ع الرقم وثاني شيء ع البــوسه : مستحيل بنت تكـــون بـ هذي الجراءه والغريب إنها اخت مساعد ..!
لا أكيد انا فاهم الموضوع غلــط بـ غلط ..
حــاول يبعدهــا عن تفكيـــره سكر لاب توب على طول من غير مايقفل شــيء وراح المطبخ يشــوف الفطــور اســتوى أو لا ..
حـط الفطــور بـصينيه وراح عــند مساعد يصيحه .. : مساعد ..... مساعد .... مساعد يادووب قوم ماخبري نــومك ثقيل كذا ..
مساعد فتح عيـونه بصـعوبه : الساعه كم الحين ؟؟
خالد : الفجر قــوم صـل علشان نفطر مع بعــض
قـام مساعد بصعوبه وتنهد ودخــل دورة الميــاه ..
// // //
فــي القصــر .. الساعه بتوقيت السعوديــه 12
وبالتحديد في الدور الرابع فــي غرفة وسن + وجن ..
وجن لابســه نظارات وتقــره كتــاب ..
أمـا وسن تلعب بـلاي ستيشــن ..
دخــلت عليهم الريـــم : السـلام عليكم
وجن واهي تشيل النظاره : وعليكم السـلام
أمـا وسن مندمجــه مع اللعب ولا ردت ..
الريم حق وسن : حمد الله والشكر ولد عمها وزوجــة عمها متوفيين واهي تلعب بـلاي ستيشن
وسن : الريم تعالي نتحدى مع بعض
الريم : مو فاضيه أنـا بطلع الحين ..
وسن واهي تلعب بدون ماتلف على الريم : ويــن بتروحين
الريم برتباك : آآ لا أقصـ اقصد يعني بطلع من الغرفه بروح عند اسيل
وجن واهي ترجع نظارتها : أجـل وش عندك جايه هنا ؟
الريم : قلت بشوفكم ولا ممنوع
وجن : هههههه حياك بأي وقت
الريم : أوكــي يلا باي ..
طلعت الريم وبعد خمــس دقايق وهم على الوضــع وجن تقره كتاب و وسن تلعب ..
خســرت وسن وعصبــت : اووففف دايم كذا العب و العب واخر شيء اخسسر
وجن : اللعب ماراح ينفعك قومي اقري لك كتاب احسن
وسن واهي تقرب منها : والكتاب بالله عليك وش راح ينفعني فيه ؟؟
وجن : تتعلمين
وسن : عاد انا اعرف اقره واكتب
وجن : وهو العلم بس في القراءه والكتابه ..؟ طيب اذا ماتبين تقرين كتاب ع الأقل ادخلي الجامعه
وسن : ماراح ادخــل زهق كل يوم محاظرات
وجن : كيفك
وسن : طيب وجن وش رايك اتصل على مساعد أخوي
وجن وعيونها ع الكتاب : ليش تتصلين عليه ؟؟
وسن : امم بسووولف معااه وكذا وبقوله عن وفاة ريــان
وجن : وسنــوه انتبهي تسوينها يالهبله
وسن : ليش ؟
وجن : ابوي امس قال تركي ومساعد لا تخبرونهم في شيء علشـان مايرجعون من سفرهم
وسن : ايي طيب ماراح اقول بس بتصل عليه
وجن : انا اقترح عليك تتصلين على تركي احسن اهو راح يعطيك وجه اما مساعد اتوقع مشغول
وسن : لا مابي ابي مساعد
وجن : اوكي كيفك اتصلي على مساعد
وسن : عااد وجن
وجن : وش تبين ؟
وسن : ابي اتصل على مساعد
وجن : طيب اتصلي عليه احد ماسكك
وسن : انتي تقولين اتصلي على تركي ؟
وجن : يعني اذا قلت لك اتصلي على تركي بتسمعين كلامي الحين ؟
وسن : لا
وجن : أجــل انقلعي وخليني اقره الكتاب
مــدت بوزها وأخذت جوال وجن واتصلت على مساعد
// // //
رن جــوال مساعد واهم يفطرون ..
مساعد : أكيد لمـــى
خالد وهو يرفع الجوال : لا مو لمى
مساعد : منوو ؟
خالد : مدري رقم بس دولي اكيد احد من أهلك
مساعد : احد من اهلي لا لا ماتوقع هم عارفين اني مارد ليش يتصلون
خالد : هههههه وليش ماترد
مساعد : انا قلت لهم اتصل عليكم بس هم مايتصلـون
خالد : اها خلاص خلصت الرنـــه
مساعد : أحســـن ..
كملــــو الفطــور ورن الجوال مره ثانيه رفعه خالد : نفس الرقم
مساعد : رد
خالد : لا وش ارد بعد انت اخاف احد من اهلك
مساعد : اهلي مايتصلـــون رد بس رد
خالد وهو يحط الجوال في الأرض : مانيب راد
مساعد وهو يقوم بغسل يده : اقولك رد لا بالنعله
خالد : هههه والله تسويها طيب بس اذا طلعو من اهلك مالي شغل وبقط معاهم السوالف
مساعد بصوت عالي علشان خالد يسمع : إييي جـــرب وسوها
ضحك خالد ورد : الوو ..
وسن : هـلا وغــــــلا سعوووووووووووووووووتي وحشتني مرررررره مرره
خالد : آحم أنـا مو مساعد " ومن داخله يسب مساعد اللي حطه بذه الموقف "
وسن : أجـل مين ؟؟
خالد : انا خالد صاحبه اذا رجع مساعد خليته يتصل عليك
وسن : طيب لا يتصل على هذا الرقم يتصل على رقمي
خالد : أحم بس انتي منو علشان اقوله يتصل على رقمك ..
وسن حست إنها مسختها واهي تسولف معاه فـ قالت : انا وسن خله يتصل علي باي وسكرت على طول
أمــا خـالد بعد ماسكرت قال : وســــن ..!
والجــوال لمــأ الحين بأذنـــه
دخل مساعد وأخذ منديل ينشف يده وجلس قبال خالد اللي ماحس فيه ..
يــوم شاف خالد طــول والجوال لما الحين بأذنه ولا راضي يتكلم حرك يده وهو يقول : خالد
خالد اخترع : مساعد من متى انت هنا ؟
مساعد : توني جاي وشفتك سرحان وش فيك ؟
خالد : أنـا لا مافيني شـيء
مساعد : طيب منو طلع ؟
خالد : أختــك
مساعد : آآهآآ كذا السالفه شكلك خقيت مع صوتها
خالد يضحك مجامله : هههه لا وش اخق بس باين على اختك رجـه صح ؟
مساعد : اكيد سوير ولا وسن
خالد : لا مو ساره
مساعد : كيف عرفت إنها مو ساره ؟
خالد : هي قالت انا وسن وخله يتصل علي من جوالي
مساعد : اها يلا قوم الجامعه
خالد : واختــك ؟
مساعد : ماراح اتصل عليها الحين بعدين لا نتأخر على الجــامعه
خالد : اوكي دقايق بس البــس ..
دخــل غرفته وقفل على نفسه الباب وتسند ع الجدار ..
أقـول حق مساعد ولا ماقوله ..! ؟ اخاف اقوله و اطلع انا فاهم الموضوع غلط .. صج اني غبي شلون يعني بفهم الموضوع غلط هي قالت انا وسن اخت مساعد ورسلت
صورتها ... بس مستحيل تكـون اخت مساعد ... بس لحظه الحين هي تبي تكلمني ويوم انا قلت لها خالد ماحسيت يعني ارتبكت أو شيء شكلي من جد فـ ..
قطع عليه مســاعد اللي جالس يصارخ : خــالد يــلآ لا نتأخر ع الجامعه
// // //
بـعـد ثــلاث أيــام
فــي غرفة بــدر .. لبس بدله رسميــه امس قدم على وظيفه في شـركه وقبــلوه واليوم اول يوم يداوم ..
مشط شعــره وطلع شــاف الريم مع وجن يناظرون تلفزيون : صباح الخير ..
: صباح النور
بدر : اذا امي سألت عني قولو لها إني في الشــركه وماراح اجي الا الساعه اربع يعني تغــدو عني ..
وجن : طيب ..
بـدر : وين وسن عنكم ؟
وجن : نايمه ماتعرفها ..
بـدر : أهــا ..
نزل تحت في الدور الثالث علشان بسلم على خــواته طبعا هذا عادة بــدر لازم ينزل دور دور علشان يسلم على خواته وابوه معطيه الصـلاحيه ..
شاف ام فراس : السلام عليكم
ام فراس بدون نفس : وعليكم السلام
بدر : وينهم ؟
ام فراس وهي تمشي المطبخ : كل واحد بدوره ..
رفع حاجبه بحتقار لها وراح عند فــراس شافه نايم ماحب يــزعجه وطلع وراح عند فيصــل ماشافه في غرفته وطلع
بعدين راح غــرفة بسيل أخــوه وهم ماشافه وراح غرفــة اسيل ..
شاف اسيل نايمه وبسيل جالس على كرسي ويناظرها .ومبتسم
بدر : صباح الخير
اسيل التفت عليه وهي بالسرير : هلا بدر صباح النور
بسيل : صباح النور
بدر : والله فكرتك نايمه
اسيل واهي تتنهد : ههههه كنت نايمه بس بسيل صحاني بـ هذرته
بدر : طيب وش سويتي مع زوجك
اسيل : مابي ارجع بدر حس فيني
بدر : انتي تدرين ابوي مستحيل يتنازل عن كملته
اسيل : بس ابوي مايرفض لك طلب
بدر نزل راسه : كان مايرفض لي طلب
بسيل : بس كيف ابوي يقولها رجعي وهو ضاربها
بدر ببتسامه : بس اسيل ماقصرت وضربته ترى قال ههههه
اسيل : احسسن يستاهل بعد يضربني واسكت
بدر : ايي بس المفروض ماتمدين يدك عليه
اسيل : خلنا من هالسالفه بو عبد الله وش يبي فيني واهو متزوج وحده
بدر : انتي حاولي تتفاهمين معاه بطريقتك
اسيل : اووفف ابد مابي ارجع له
بدر : قلت لك تفاهمي مع بو عبد الله بطريقتك وان شاء الله خير
بسيل : اليوم ترى بجي سيف يبي يشوفك
اسيل : ياحبني لهم وعبد الله ؟
بسيل : مدري عنه
بدر : الا تعالو فيصل وينه ؟
اسيل : بغرفته يعني وين ؟
بدر : رحت وماشفته
بسيل : اهو يطلع هالحزه بس مدري وين يروح
بدر : اها طيب يلا مع السلامه
: ربـي يسلمك ..
// // //
فــي شقة رحيــل ..
نفس كل مرره جالسه رحيل بحجابها وعباه ع الكتف وقدامها طاوله وقدام الطاوله فيصل جالس ويفطرون مع بعض ..
رحيل : ايوا كلمني تركي قال بـ يرجع
فيصل : بـ يرجع ؟
رحيل : ايوا ’
فيصل : هو عرف عن ريان وأمه
رحيل : ايي قلت له
فيصل : وقال بيرجع علشان كذا
رحيل : ايوا مرره وحشني
فيصل وهو رفع حاجبه : وحشك ؟
رحيل : ايي ليش ؟
فيصل : لا ولا شيء انا بقوم تامريني على شيء ؟
رحيل ببتسامه : ســلامتك
طلع فيصل وهو متضــايق وركـب سيــارته وعلى طول ع القصــر ..
اما رحيل فسخت حجابها وفتحت لاب توب وشافت تركي داخل وكالعاده فتحو الكــام ويســالفون
// // //
بـو بدر ببتسامه : ليــان لا تمزحين معاي
ليان واهي تصيح : بس انا مابي ولد مابي
بو بدر : وتظنين يعني اذا ماجبتي ولد بطلقك طــلاق ياليان انسيه ماراح اطلقك تفهمين ولا ابوك
ليـان : بس ابوي مو راضي على هذا الزواج ولا انا راضيه وانت وعدتني انك بطلقني
بو بدر : قلت كذا اسكت ابوووك والحين ابوك مات وخاوك مستحيل يقبل فيك
ليـان : يعني ماراح تطلقني ؟
بو بدر : لا
راحت ليان غرفتها واهي تصيح مــو متحمله حياتها
كـانت عايشه مع ابوها احلى عيــشه صحيح فقــيره ويالله يلقون الأكل
بس عيشتها أحســن بـ مليون مره من عيشتها مع بو بدر ..
أبــوها مات وهو مو راضي ع الزواج بس كله من أخــوها اللي أغاراه بـو بدر بالفلوس وخله اخته
تتزوج غصب عنها وغصب عن ابوها
// // //
فــي العصر وع الغداء ..
الكـل موجود ماعدا ليــان بس ماحد سأل ليش مو موجوده ..
انتهو من الغداء وكالعاده مايقومون الا اذا ابوهم قام ..
بو بدر تكلم بصـوته الرجولي : اسيل اليوم راح ترجعين حق زوجك ومابي اي اعتراض وحقه راح ياخذه منك بالغصب ولا بالطيب راح ياخذه فاهمه
قالت بضيقه واحراج : فاهمه ... وقالت بهمس حق الريم اللي كانت يمها : ياربي فشلني قدام اخواني يقولي حقه راح ياخذه ياربي
الريم : هههه عاد ابوي يعطيها كاش ولا يهمه والله غريب هالأنسان
اسيل وهي تلتفت على بسيل اللي بعيد عنها : من جد
شافت بسيل كـاتم ضحكتـــه ومنزل راسه : يؤؤ عسى ماينفجر بسيل ويضحك
الريم : ههههه عاد شوفي ابوي وش راح يســوي فيه اذا انفجر
وفعــلا ماقدر بسيل يمسك ضحكـــته وانفجر ضحــك : هههههههههههههههههههههههههههههههههههههههههههههههههه هه
التفت الكل عليه وهم مستغربين منه يضحك على شنو ..؟!
بسيل : آحم
بو بدر ماهتم له وقال : وعندي لكم خبر
سكتو كلهم ينتظرون ابوهم وش راح يقول ..
واخيرا بو بدر تكلم وهو فرحان : ليــان حــامل
الكل مع بعض : حــامل .......!
بو بدر : ايي مبروك عليكم كلكم .... اخذ المنديل ونشف يده وقام : يلا كل واحد على جنــاحه
// // //
الريم : مو قلت لكم ان اكيد راح تحمــل
وسن : واااااااي وناسه بصير عندنا بيبي
وجن : هههههه وحده منقهره لانها حامل والثانيه فرحانه بصير عندنا جاهل
الريم : انا مو منقهره
وسن : ههههههه ابد ماشوف الدمعه انا في عيونك
الريم تصارخ : مو منقهره مو منقهره ماتفهموون ... وراحت غرفتها ..
وجن وسن مسغربين : وش فيها ..!
ام بدر جات من غرفتها : وش فيها الريم تصارخ ..؟
وسن : مدري والله فجأه كذا صارخت
ام بدر : وش قلتو لها انتو ترى البنت يتيمه ولا تقهرونها مايجوز
وجن : يمه وش فيك والله ماقلنا لها شيء هي فجأه كذا انفجرت قلنا لها انتي منقهره لان ليان حامل وعصبت بس
ام بدر : وليش تقولون انها منقهره انتو ماتدرون ان اذا حطيتو هالشيء في راسها بنتقهر جد مو كذب يلا بسرعه روحو تأسفو منها
وسن : شدعووه عاداهي مو منهقره جد
ام بدر : بس يلا سكتي وروحي لها الغرفه راضيها
وسن : ههههه طيب
ام بدر : وليش تضحكين
وسن : اضحك عليك مدرري على وش اتأسف بس يلا ولا يهمك يالغاليه نتأسف لها ..
ام بدر : واتصلو على بدر اخوكم يجيب بندر من المستشفى انا برتب غرفته الحين و قولو حق احد من اخوانكم يشتري حلويات
وسن : الحين الزبده وش نسوي نراضي الريم ولا نتصل على بدر ..
وجن واهي تسحب وسن : قومي عند الريم وانتي ساكته
دخلو الغرفه ولقوها لابسه عبايتها بتطلع ..
: وين رايحه ؟
الريم : بروح عند شهد
وسن : الحين ؟؟
الريم : هي اتصلت علي لا تنسين الأختبارات قربت وتبيني اجي من الحين
وجن : طيب منو راح يوديك
الريم : السايق يعني منوو
وسن : انتي تدرين ابوي مايرضى نروح الحالنا مع السايق لازم واحد من اخواني يكون معانا
الريم : ابوي مو هنا واكيد انتو ماراح تقولون له صح ؟
وجن : ههههههه طيب روحي وانتبهي على نفسك
الريم : فديتكم يـا أحلى خوات
// // //
فــي كندا ..
ملاك : والله بترجع
تركي : ايوا اشتقت حق اهلي
ملاك : الحين توك ثلاث شهور واشتقت لهم
تركي : والله من اول ماحطيت رجلي على ارض كنده وانا مشتاق لهم
ملاك : ههههه
تركي : الحين انتي وش مجلسك هنا قدامي ماوراك محاظره
ملاك : والله اترك المحاظره وابو المحاظره لعيوونك
تركي : هههههههه يلا انا برجع السعوديه تركي كنده لعيوني
ملاك : ههههه عاد هذي ما قدر
تركي : ههههههههه
ملاك : اقول تروك ولا مره حاولت تتعرف على احد من كندا يعني صار لك سنه من قبل هنا وماعرفت احد مايصير
تركي : والله انا مو اي احد اتعرف عليه وماشفت احد ارتحت له
ملاك : طيب بس بنات تتعرف عليهم
تركي : بــسس
ملاك : وجــع قدام عيني يقولها
تركي بجديه اشوي : ترى انا قلت لك غير رحيل ماحب
ملاك كشرت : طيب طيب
تركي وهو يمرر صبعه السبابه على خدها : طيب ياحلوه باي
مـلاك خقــت في مكانها نست إنها سحبت على محاظرتها علشان تركي أمـا تركي سحب عليها من غير مبرر
: وهـ فديت صبــعه
// // //
سامي : فداء انا بدخل اتروش اذا امي اتصلت ردي عليها ..
فداء : ان شاء الله
دخل سامي يتــروش ورن جواله من اول مادخل ..
وراحت فداء تــرد وقبل لا تتكلم .. سمعت وحده تقول ..
: سامو بيبي انا رايحه بيت اهلي مرره مستعجله اخوي ينتظرني باي
ســكرت حــور و وقفت فداء بـ صدمه : معقــوله يكلم بنات ...!
انتظرت سامي خمس دقايق يطلع واهي متوتره وماسكه جواله بـأيدها
طلع سامي وهو لاف الفوطه على جسمه ويغني .. شافها تحرك رجولها وماسكه الجوال بـ يدها : وش فيك ؟
فداء قامت وقفت قباله : ممكن تقولي منو رقمه
سامي بـبرود : رقم حور
فداء منصدمه : منو هذي حــور
سامي وهو يراقب صدمتها: زوجتي
فداء بـ صدمه اكثــر : زوجتـــــــــك ..! ؟
توقعت إن بقولها هذي وحده مأذيته توقعت اشياء كثيره بس ماتوقعت ابد ان زوجتــه
سامي وهو يبدل ملابسه ببرود : بس لاتخافين تزوجت حور بعدها انتي يعني انتي الثانيه
فداء : ومن قال ان راح يهمني زوجتك الاولى ولا الثانيه بس اللي ابي اعرفه ليش تزوجتني
سامي : امي غصبتني عليك وماقدر ارد لها طلب
وقف قبالها وهو ماسك البدله في يده : لا تظنين تزوجتك اني احبك
ولبس البدله بعدها الثــوب وقف قبال المرايا وهو يشــوف كيف فداء مصدومــه كسرت خاطره بس ماحب يبين لها ولبس شماغه وعقاله
: ماتبين تطلعين ؟
فداء : الا بروح بيت اهلي
سامي : اوكي واتصلي علي علشان اخذك
فداء اسكتت فداء مو عارفه وش تقول ودها ماترجع له ابد بس اكيد ابوها ماراح يسمح لها تكون مطلقه
التفت وعطتــه ظهرها ومسحت دموعها ماتبيه يحس فيها : طيب ممكن تطلع بره علششان بلبس
سامي : انا زوجك وهذاني لبست قدامك وماقلت لك طلعي
تأففت فداء واخذت ملابسها وطلعت من الغرفه واهي تسمع صوت سامي يقول : ترى هذي اخر مرره تطرديني من غرفتي او تروحين تبدلين بمكان ثاني فاهمه
قفلت على نفسها في الغرفه الثانيه واهي تصيح " انا كنت متوقعه ان مغصوب علي بس ماتوقعت يكون متزوج بس انا ليش احر نفسي كذا الحمد الله اني ماحبيته"
غسلت وجهها ومسحت دموعها وطلعت ..
// // //
فـي المستشفى ,,
راح بــدر وأخذ اخوه : حمد الله ع سلامتك
بندر وهو يمشي جنب اخوه ويده مجبســه " جبس " وراسه لافينه في شاشه بيضه وفي على جنب دم : الله يسلمك
بدر : ماراح تقولي حمد الله ع السلامه اني طلعت من السجن ؟
بندر : حمد الله ع السلامه
بدر : ربي يسلمك ..
ركبو السياره مع بعض والتفت بدر على اخوه : الحين الشاشه اللي لافينها على راسك ماراح يغيرونها ؟
بندر : مدري
بدر : كيف ماتدري
بندر : ماسألتهم
بدر : هم خيطووه لك ؟
بندر : ايي
بدر وهو يسوق : اممم تدري زوجة ابوي حامل
بندر : ادري
بدر : والله كيف عرفت ؟
بندر : من امي
بدر : اها
كــان يحاول يسولف مع بندر اشتاق له بس بندر ماكان معطيه المجال ابد ..
// // // ..
رجعت الريم وشافت فداء تنزل من سياارة سامي وقفت واهي مبتسمه اشتاقت حق اختها سلمت عليها وقبل لا يدخلون شافو بندر وبدر ..
ودخلو كلهم بعض الدور الرابع على طول .. ..
ام بدر وهي تمسك يد بندر : الف الحمد الله ع السلامه ياوليدي
بندر : الله يسلمك
ام بدر : تعال ارتاح في غرفتك ..
دخــلته غـرفته ورجعت لهم
سلمت على فداء اللي باست راسها : يلا خالتي انا بنزل عند امي بس قلت بسلم عليك
ام بدر : الله يسلمك
فداء : اسيل راحت عند زوجها ولا
وسن : لا بتروح له المغرب
فداء : مسكينه الله يكون في عونها اوكي اخليكم مع السلامه
نزلت تحت عند أمها بس ماشافت احد في الصاله .. على طول دخلت غرفة بسيل وشافت اسيل وبسيل يسالفون : السلام
: وعليكم السلام
اسيل : تعالي فــدو حياك ..
دخلت فداء : وين امي ؟
بسيل : بيت أختها
فداء : استح على وجهك عاد قول خاله
اسيل : لا والله مو خاله
فداء : يعني الحين انتو متفقين عليها
بسيل : ايي تخيلي تقول حق امي ان شاء الله بسيل حق بنتي تروح امي تقولها ايي اكيد ووع ووووع تخيلي عاد اتزوج منى
فداء : ههههههههههه منى عااد مره وحده لو بثون
اسيل : لا والله شنو بثينه ياخذ منى ولا بثينه
بسيل : لا منى ولا بثون انا ماراح اتزوج اصلا الحين توني عن هالسوالف روحو فكرو في فيصل وفراس
فداء : ايي صح ليش ماحطت عينها على فراس وفيصل ليش انت
اسيل : تدري ان فراس مايبي يتزوج نهائي وفيصل راسه عنيد
فداء : ههههههههههه الله يرجكم
بسيل : بس والله حامض على بوزها اخذ احد من بناتها اول شيء بثينه اكبر مني ومنى انا كبرها انا لو بتزوج ابي وحده صغيييره
فداء : خلاص اذا قررت تتزوج قولي واجيب لك بنت صغيره
اسيل : لا تعبين نفسك عيوني روحي دوري حق فراس وفيصل انا خلي علي بسيل
بسيل : هههههه اصلا انا ماخذ الا ذوقك
فداء : ماعليك منها ترى تبي تنتقم منك وتجيب لك وحده متينه
بسيل : ايي تجرب وتسويها
اسيل : هههههههه هذا توأمي حبــيبي واللي يضره يضرني صح
بسيل : صح
فداء : طيب متى بتروحين عند زوجك
اسيل : ابوي قالي المغرب يعني بعد ساعه بصلي وبمشي اوف
فداء : بجي لك هو ولا انتي بتروحين
اسيل : لا سيف بمر علي
فداء : أهــا
// // //
بعد مانزل أخــوه بندر دخل غــرفته ولبس له ثــوب وشماغ أحمر ولبس له سـاعه فخمه تبرز شخصيـته وهيبته
بــدر تقريبــا مثل أبــوه في هيبته وشخصيــته بس مــرات يضعف غير ابوه اللي عمره ماضعف .. الا في حمــل أخته هنـــد ..
طلع الشــارع على طول وركب سيارته ..
طلع جواله من جيبه وتأمل الرقم ثواني واتصــل عليه ..
ظل في السجن عشر شهور وما سأل عنه وطلع من السجن صار له اسبوع وهم ماسأل عنه وبس يسمع من اخوانه ان سامي راح يجي
وبالأخير مايشـــوفه قــرر هو يتصل بـ نفسه ويشوووف شنو سالفته ..
.
.
عند سامي واقف قبال شقته ويرن الجــرس على حــور ..
وقبل لا تفتح حور الباب رفع جـواله وشاف المتصل رقـــم
تحمحم ورد : الو
بـدر بشتياق : سامي ..!
سامي مرت على جسمه قشعريره من سمع صـوت بدر وبعد عن الشقه وطلع من العماره كلها : بدر ..؟
بدر : سامي ماتوقعتك والله كذا مـ
قاطعه سامي : بدر انت وينك بجي لك الحين
بدر : تعال المكــان نفسه اللي كنا نجلس فيه من قبــل ولا نسيته مثل مانسيتني
سامي : افا والله يابدر انا انسى شيء قضيته معاك دقــايق وبتشوفني عندك وبنفس المكــان اللي كنا نجلس فيه
بدر : انتظرك ..
ســكر منه وقف ندم ان لبس ثــوب وهو قبال البحر .. جلــس مره ثانيه وهو يناظر البحر والشمس بدت تغرب
دقايق وجــاله سامي بس بدر كان سرحان غمض سامي عيون بدر والتفت بدر عليه وعلى طول وقف ..
سامي : شفت اني مانسيت شـيء
بدر : بس نسيتني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك