رواية غلطه وبندفع ثمنها السنين -11
ام مشعل.الله لا يهينج تعبتي عمرج في تنظيف البيت.ايمان . تعبكم راحه ..انا جبت شركه تنظف البيت.
مشعل يطالع ايمان بشوق .
مشعل. يعطيج العافيه.
ايمان. الله يعافيك.
ام مشعل.يزاج الله خير يابنتي..غيرج حتى مافكر يستقبلنا في المطار.
مشعل عرف امه تقصد اخوانه.
مشعل. يايمه اعذريهم الساعه قربت ثلاث الفجر وهم وراهم دوامات.
ام مشعل.اللي ساكن معنا في البيت يوم رد من السفر ليه مانظف البيت .. ولا خايف على مرته لا تتعور .
وراحت فوق للغرفتها وهي طالعه شافت جناح وليد مفتوح من شوقها له وحبها له دشت من غير ماتطق الباب شافت الجناح مافي اثاث.
انزلت تسئل ايمان. اسمعت ايمان تقول.
ايمان جالسه جنب مشعل مايفصلهم شي.
ايمان.ليه امك ماتدري ان وليد طلع من البيت.
مشعل. لا ماقلت لها
ايمان. ليه.
مشعل .كل ماجيت ابي اقولها اشوف ابتسامتها واهون...امي مرت عليها ايام اكرهت الحياء بسبب اعيالها لما شفت ابتسامتها اقول حرام اعكر مزاجه على واحد مقدر امه واحترم وجودها في حياته طلع من غير مايخبر احد حتى انا دريت بصدفه وتاثر بطلعته اشلون امي.
ايمان.الله يصبرها عل قسوة اعياله ويعوضها خير.
مشعل.تلوميني يوم قلتي خلينا نطلع من اليت وقلت لج لا
ايمان .تبي اصدق انا ماكنت ابي اطلع كنت زعلانه من امك وقلتها بلحظة ضيق...يشهد على الله اني اعز امك من معزت امي.
مشعل يبتسم يمسك يد ايمان علشان يروحون للدارهم.
مشعل. اصيله ياايمان
وهم يمشون بيرقون الدرج مشعل رفع ايمان من على الارض
ايمان. وااي نزلني مشعل بطيح.
مشعل يبتسم ابتسم شيطانيه. لا ماني منزلج لين نوصل الغرفه.
ايمان .مستحيه.
مشعل يفتح باب الغرف ويسدح ايمان على السرير وهو قريب منها حيل وجهه في وجها
مشعل. انا الي اعرف الوحده لاغاب عنها زوجها تنحف انت ماشاء الله زايده عشره كيلو.
ايمان. ههههههههه هذا اللي زوجه مايكلمها بس انا زوجي كل يوم يكلمني وكل مكالمه احب الحياء اكثر علشان جذي اشتهي اكل.
مشعل يلمها ويدفن وجهه في عنق ايمان ويهمس في اذنها اشتقت لج موووووووووووووووووت.
ايمان ذابت من لمته وهمسه وتخدرت من لمست شفايفه على شفايفها
دعوالانفاس تعبر عن الشوق .
....................
في غرفة ام مشعل
انا ليه ابكي واتحسر على ناس باعوني بكيفهم محد جبرهم ليه اكره الحياء بسببهم انا لازم ادوس على قلبي وابين لهم اني مو متاثر من بعدهم عني .
وجدك وعدك واحد ياوليد..............بس شوفتك ترد الروح.
وسهرت ام مشعل في البكاء وشوق لعيالها.
....................
في يوم جديد في بيت ام ناصرالساعه العاشره صباحا
ريم راح الجامعه وهيونه بالمدرسه وام ناصر عند الجيران ام سعيد
ناديه امس نامت بدري بعد ماراحت ايمان اللي كانت تسهر معاها والبنات عندهم دوامات محد يسهر معاها وفضلت النوم بدري ...وهي تفكر في طلب ابو عماد اللي يقول لها توظف فيصل معه في الشركه مو عارف كيف تقول حق فهد ..
ناديه جالسه بصاله وتشوف من عند الدريش ه فهد نازل من السياره وكاشخ ثوب ابيض واشماغ ابيض ونظاره سوده ورزته وهيبته تذبح .
ناديه شافت فهد دش البيت راحت وتغطت فهد يسئل الشغال وين ماما كبير قالت عند الجيران وناديه بصاله دش فهد الصاله وحصل ناديه جالسه
فهد. السلام عليكم
ناديه. وعليكم السلاااام
فهد رمى الملف على الطاوله وقال
فهد.هذي حسابات شركه من يوم مااستلمت الشركه؟؟ فيج تطلعين على الصادر والوارد. وانا بين كل فتره اجيب لج الحسبات شركه
ناديه ما حبت تكون ضعيفه قدام فهد
ناديه. منو مدير الحسبات.
فهد استغرب سؤالها. مشاري ال......
ناديه . انت تعرف انا مالي بشغلات هذي علشان كذا انا ابي احط فيصل ولد ابو عماد.
فهد من سمع ابو عماد واعياله عصب عليها : انت تثقين في فيصل ولد ابو عماد ولا تثقين فيني ... انا لغلطان اضيع وقتي في مراجعة حسباتج ...انتي حرام الواحد يفكر فيج .
طلع وهو معصب عليها.
( ناديه استغربت عصبيته ..
يالله ابي اكحلها اعميتها . ابيه يسامحني على الكلام الى قلت له يوم حنا في مكه ..... انتي حرام الواحد يفكر فيج ؟؟؟ يعني هو يفكر فيني مثل مااناافكر فيه ...لالالا ابعدي عنك الافكار هذي. فهد يحب شوق .. )
ناديه قطع تفكيرها صوت سيارة فهد مسرعه...
ناديه. الله يستر عليه ويحفظه
.................................
في شركة
راشد.انت مو معصب علشان تحط فيصل ولد ابو عماد... انت معصب على سالفة المكالمه لالي في مكه؟؟؟
فهد. الثنين علشان سالفة مكه و علشان تحط فيصل......صعبه ياراشد اجتهد واتعب واكرس وقتي كله في الشركه وفي انهايه ماتثق فيني ؟؟
راشد:اشلون ماتثق فيك وهي معطيتك الوكاله على الشركه؟
فهد:اولا هي حصلت احد يستلم عنها الشركه وقالت لا ماحصلت غيري انا علشان جذي هي مضطره تعطيني الوكاله
. لي ماتعرفه ناديه قالت لي خل ابو عماد يستلم الشركه انا قلت لها لا ..لاتدخلين ابو عماد واعياله بينا..
راشد:زين سويت ..هي شنو قالت.
فهد:ماعارضت..قالت ان شاء الله.
راشد: شفت انك ظالم البنيه لو انها ماتبيك لا تثق فيك كان حطت ابو عماد غصب عنك؟
فهدسكت لحظات وبعدين تكلم
فهد: انت تعرف فيصل يستاهل احطه مدير حسبات؟
راشد:فيصل معرفتي فيه سطحيه...مااقدر اقولك يستاهل ولا لاء..
فهد:ابوعماد له مواقف رجوليه مع عمي خالد ...علشان جذي بحط فيصل مدير الحسبات ....رد جميل ابو عماد
راشد. انا من رايك. توكل على الله.
...........................
في بيت ام مشعل
نزل مشعل مع ايمان تحت واسمعوا صوت في غرفة الضيوف.
سئلو ا الشغاله قالت عندها جيرانهم ام نواف.
تريق مشعل مع ايمان وبعد جذي استئذن وطلع وايمان دشت عن ام مشعل وجارتهم..
ايمان دشت وسلمت على عمتها وصبحتها بالخير وسلمت على ام نواف وجلست
ام نواف: قرت عينج برجعت مشعل.
ايمان:
ام نواف: وينها مرت ولدج وليد..عمري ماجيتج وحصلتها جالسه معج كله جالسه في دارها؟
(ايمان شافت ام مشعل مدنقه راسها وماردت)
ايمان: براحتها ان جات حياها الله وان ماجات ماتشوف شر....هي الخسرانه جلسه مع ام مشعل ماتفوت!!
ام مشعل : انا ماعندي الاولد واحد؟
ام نواف: اه ه ه ه ه راح تذوقين مثل ماذقت.......ربيناهم ودرسناهم وعزيناهم ورزيناهم وزوجناهم..... واخرتها مايسئل عني؟؟
ام مشعل: حنا مانبي منهم شي..بس يطلون علينا يسئلون عنا لو بيجون في الشهر مره انا راضيه؟؟
ام نواف:حتى لو جاوا يا ام مشعل..تحصلينه ماسك تلفونه ويطقطق فيه.. يابيجيك خمس دقايق مستعجل وراه شغل .....يابيجي ويجلس بدوانيه واذا شبع سوالف وسهر دش عليج وسلم وهو واقف وطلع....
ام نواف بصوت مخنوق
انا ابيه يجي يجلس معي يسئل عن احوالي عن صحتي ..عن أي شي .. بس لا يجيني ويتحجج بشغله....يحز بخاطري وااااااااااايد ...مستخسر يجلس معي خايف اضيع وقته.
ام مشعل:الرجال من مرته هي اللى تمشيه
ام نواف: المره من يوم ربي خلقها من ضلع اعوج ....الا الرياجيل هم اللى تغيروا شوف رياجيل اول شنو ولا ماتطلع المره من غير اذن زوجها ولا ترفع صوتها على ام زوجها وتشيل البيت كله على راسها تكنس وتنظف وتطبخ وتغسل وهي راضيه ؟
ليه.. وراها رجال؟
يا ام مشعل العله مو في نسوان اعيالنا ..لا... العله من اعيالنا
هم اللي اسمحو ا زوجاتهم يتسلطون عليهم هم اللى شيخوا زوجاتهم بزياده وهم اللي عطوهم الخيط والمخيط ....
ام نواف تذكر يوم طلع ولدها وماعارضت وبينت لهم ان الوضع عندها عادي... بس كانت تشرب المر والقهر واضيم من ولدها يوم طلع ومابقى على العيد الا اسبوع مانطر يعيد مع اهله..
اعيالنا هم اللى مايبونا ..عاجبهم الوضع الي هوم فيه...ولا شنو يجبره يترك بيت امه ؟؟
يقلون الولد اذا عاق في والديه يقولن اكيدا امه مسويه جذي بحياتها
لا الله انا كنت احب خالتي ام زوجي حاطتها على العين وراس .. ماتت ولا عمري مسيتها يكلمه تضايقها ؟؟
ام مشعل. انشهد انج شايله خالتج فوق راسج... مافي شي يطلعهم من بيتهم بدون سبب.....اناابي اعرف شنو سبب اللى اطلع وليد من البيت .. وانا اللي كنت اداريه واراعي مرته ؟؟
ام نواف : وليد طلع..متى
ام مشعل:اه ه ه ه ه ه ه..مدري عنه انا مثلج تفاجئة من طلعته
ام نواف. صفيه مع اخوانه يعني بيصر احسن منهم.. .
ايمان: هم عندهم اعيال راح يحسون بقيمة الظنا ؟؟
ام نواف: يمكن خير يوم ماحملت علشان ماتذوقين اللي ذقناه؟؟
ام مشعل: لا.. ان شاء الله ربي يرزقها الذريه الصالحه ويطلعون واصلين مثل ابوهم؟
.....................
في بيت ام ناصر
الساعه 1 باليل
هيونه وريم وناديه سهرانين في جناحهم
هيونه جالسه عى النت وريم تكلم تلفون وناديه تتفرج على تلفزيون..
هيونه: واااااااااي وناسه اليوم الخميس بسهر على النت ...مشتاقه حق المنتدى واشوف مواضيعي شنو صار فيها..
ناديه: وش مواضيعك اسلاميه؟
هيونه: اخر موضوع نزلته عن الا ثاث المنزل؟؟
ناديه: انا احب انزل مواضيع اسلاميه احس اني اسوي عمل ينفع ديني ..تشوفيني طول اليوم فرحانه
هيونه: مواضيع الاسلاميه يبيلها تدقيق وتحقق من صحتها.
ناديه: انا اخذها من منتدي اسلامي معروف واحيانا اخذها من الكتب مال الجامعه اللى ادرسها تعرفين اني تخصص شريعه اسلاميه..
هيونه: عجل ماتتعدين القسم الا سلامي؟
ناديه: ههههههههههه كان زين .. امر عليه مرور الكرام...كله منقعه في قسم الالعاب ؟؟
هيونه: هههههههه حتى انا ادش قسم الالعاب ..فيه الخبل وفيه الصالح...
ناديه: المنتدى اللي انا عضوه فيه..الاعضاء محترمين..بس مشكلتهم ما يتغشمرووون؟؟
احيانا اقول شغله بحسن نيه هم يفهمونها غلط؟
تشوفينهم يدزولك رساله يكتب لك كلام يهز بدنك؟
تندمين انك مزحتي معاهم ولا طيحتي الميانه معاهم..يشهد علي ربي انه من باب المداعبه.
هيونه: ايه في اعضاء ماودج تقربين منهم ..كريهين؟؟
ناديه:: احيانا
تكرهين نفسك لا شفتي عضو يتمادى عليك في الكلام
انا اذكر عضو قالي انتي مو محترمه ..والله مراح انساها العمر كله .. كلمته جات في الصميم...والثاني تحملت منك الكثير... تصعب عليك نفسك انك قضيتي وقتك كله في المنتدى مع ناس مايعرفون يميزون بين المزح والجد؟ ؟
هيونه: قويه الكلمه.
ناديه.
انا بنت ناس اهلي اتعبوا في تربيتي انا من عائله محترمه اهلي واثقين فيني لم ادش النت يعروفون اني مراح ادش مواقع غير مسموحه .. واثقين من اخلاقي.
يجي واحد من الاعضاء ويرمي عليك كلام يسمك .يهزك من وجدانك .. اذاقذف علي عضو كلام يمس اخلاقي احس كانه قذف اهلي قبل لا يقذفني
علشان كذا الواحد لازم يحط له حد في المنتدي بينه وبين الاعضاء
ريم: يكمن اسلوبج معاهم استفزازي او فيه من نوع السخريه.
ناديه: انا ادش بطبيعتي مااتصنع . احب اتغشمر مع الاعضاء احب اخذ واعطي مع الكل احب ابدي اريي ...
هيونه: المشكله هم مايعرفونك ولا انتي تعرفينهم وفوق هذا يحكمون عليك.. انج مو محترمه ..وغيرها
ريم: الناس مالها غيـــــــــر الظاهر؟؟
................
في بيت ام مشعل
تحديدا بغرفة مشعل وايمان
مشعل منسدح على السرير وايمان جنبه
مشعل: شفتي امي اشلون فرحان يوم جاوها وتعشوا عندها ..هي تطبخ وهي اللي توزع عليهم
ايمان: ايه الله يتم عليها الفرحه.
مشعل: انا مستغرب امي ماجابت سيرت طلعت وليد من البيت ولا حتى اسئلة ليش طلعت من البيت؟؟
ايمان: علمته بالحوار اللي دار بين ام مشعل وام نواف.
مشعل: مقيوله . قلبي على ولدي يتقطع وقلب اولدي علي حجر... امي تظاهر قدامنا انها قويه وهي من داخل مكسوره ..انا خايف على امي
ايمان. من شنو
مشعل: اخاف عليها لا يجيها ردت فعل وتطيح طيحه ماتقوم منها
ايمان: مشعل انت اليوم تاخرت في النوم صرت تقط خيط وخيط..
تفاؤلوا بالخير تجدوه
مشعل يطفي الاباجوره.
ايمان: ليه طفيتها
مشعل بخبث وهو يقرب منها حيل ويلمها من خصرها
مشعل. انتي تقولين تاخرت في النوم .... وانا مااحب انا م واخلي بخاطري شي.
.....................
مرت الايام والاسابيع
بسلام وهدوء
ابراهيم خطب بنت عبد الرحمن ووافقوا عليه وحددوا موعد العرس قبل رمضان بثلاث اسابيع.
.................
قبل ا لعرس بيوم
ناديه تكلم دارين على تلفون
ناديه: هاه مشيتوا
الله يستر عليكم
توصلون بسلامه
وسكرت اتلفون
راشد. هاه مشوا؟؟..
ناديه تبتسم: ايه صارلهم ساعه؟
راشد: منو اللي جايبهم.
ناديه: عبد الله ولدخالي سعود.
ان ناصر: مين اللى جاء مع ام سعود.
ناديه: دارين ورنيم.
هيونه: ليه يجيبونها ...نوريه مانعه اصطحاب الا طفال في العرس؟
ناديه: ام رنيم العنود مع امها تعبانه ومنومه في المستشفى ..وساره وحم متوحمه ماتحب الاناس حتى فواز ماتبي تشوفه.
ايمان: وحمها شين ..الله يعينها.
ريم: زين اللي جابوها معاهم .
هيونه. وين بيحطونها لا جاء العرس.
ناديه: تقول دارين اذا مادخلوها بتاخذ رنيم وتروح مع عبد الله تتمشى بالكويت...
راشد: ليه مايدخلونها بتدخل العرس غصب عنهم ..... راشد يبتسم...حتى لو توصل الذبح مع نوريه بذبحها وادخل رنيم.
ايمان: عاشوا كل هذا علشان دارين.
الكل : هههههههههههههههههههههههههههه
راشد يمزح: علشان كرم الضيافه . .. بكره راح يكتبن بالخط العريض بالجرايد...
طفله سعوديه اول مره تطلع من غير امها وتحضر عرس بالكويت ..يطردونها....فيها قبايل.
ناديه تضحك: اعتمد على الله ثم عليك
ام ناصر: بتدخل رنيم العرس
راشد: خلاص نطقة المحكمه
ايمان جات بتكلم حط راشد يده على فمها وقال
راشد: المحكمه صدرت قرار لا يحتاج النقاش..
......................
في بيت ام ناصر
اوصلت ام سعود وسوالهم عشاء
واعزموا الناس المقريين منهم
في غرفة الضيوف
ام ناصر: يامرحبا و مسهلا زارتنا البركه.
ناديه: تو مانور ت الكويت
دارين: منوره باهلها.
ايمان تكلم رنيم: تعالي سلمي علي.
ام سعود: روحي سلمي على خالتك.
رنيم تمشي وهي مستحيه وتسلم على ايمان
ايمان: ياحلو المستحين....عطيني بوسه.
ام ناصر: ذلحين بيجيك حمدان ويلعب معك.
ام سعود: شيخه بتجي.
ام ناصر: ايه قدها اقريب.
دارين: بيطياره.
ايمان: لا بسياره.
دارين: الله يعينها مسافه طويله بين الكويت والا مارات .
ايمان: فيه روحت عرس بتجيك تركض ..حتى لو تمشي من الا مارات الي الكويت بتمشي ماعندها مانع دام فيها عرس....نسوان يحبون الاعراس.
الكل: ههههههههههههههههههههههههههههه
ام سعود: اذكري الله لا تعطل في الطريق.؟؟
ايمان: لا عمتي شيخه اللي عيونها حاره موب انا؟؟
ام ناصر: لا شيخه اعيونها موب حاره... تحطين عليها ايشاعات.
ام سعود: تسترين على بنتك ان حنا خابرينها
ناديه: ههههههههههههههه معروفه شيخه بالعين.
ام ناصر: اول كانت اعيونها حاره ...ذلحين لا .
هيونه دشت عليهم وقالت عمي راشد بيدش يسلم على عمته.
دارين اسمعت اسم راشد قلبها يدق بسرعه.
ام ناصر: خليه يدش.
درين تغطت ورنيم جالسه جنبا
دارين من التوتر ضاقطه على يد رنيم حيل.
راشد كاشخ وريحت العطر تفوح منه
دش وعيونه تدور على حبيبته.
راشد سلم على عمته
وسولف معاها وبعدين التفت على دارين الي جالسه وراء امها
راشد: شلونج دارين وش اخبارج ..نورتي الكويت .
دارين مستحه صوت خفيف
دارين: بخير الله سلمكــ.. ويعافيك ..اشلونك وش اخبارك.؟؟
راشد نسى اناس اللى حواليه
راشد. يسرك الحل.
انشد انتباهه على توتر دارين واشلون ماسكه رنيم
راشد يبتسم: تعالي رنيم سلمي علي.
جات رنيم سلمت عليه.وجات بترجع مسكها من يدها اللى دارين ماسكتها.. وماسكتها وباس يد رنيم بقوه ..
راشد: فديت البنات.
دارين زاد توترها من حركه راشد.
ام سعود : متى اشوف اعيالك.
ام ناصر: خليه يعرس اول .
ام سعود: وليه مايعرس وش قاصره. شاب ومزيون ونظيف وعنده خير والكل يشهد له بالمرجله......انت تشتغل.
راشد: ابشرج اني اشتغل مع فهد. وعن قريب راح يتوسع شغلي
ويكون لي شركه صغيرهـ.. على قدي ..
ام سعود: دام انك تشتغل ليه ماتعرس .العرس يحفظ الولد من الخراب وبنات الحرام.
ناديه وايمان عارفين راشد ماعنده مقدمات بيعطيها كاش
راشد يطالع دارين
راشد: على يدك ياعمتي.
ام سعود: ابشر بعزك . ادورلك وحده تقول القمر قم وانا بجلس مكانك.
ام ناصر عارفه ولدها يبي من.
ام ناصر: لا تدورين العروس موجوده.
راشد ابتسم على امه فاهمه عليه وماشيه على الخط معه.
راشد: انا ابي بنتج دارين.
لحظة صمت
دارين انحرجت كل الانظار عليها
ام سعود ماعرفت شنو ترد عليه.
ام سعود: بصراحه ياولد اخوي انت فاجئتني.
ام ناصر: ليه فاجئناك....انتي تدرين ابو ناصر الله يرحمه كان يبي دارين حق راشد.
ام سعود: هذا كان كلام وانتي ادرا.....انت تبي تاخذ دارين علشان ابوك كان يبيها...ابوك مات وترك الدنيا...لا تربط نفسك بوحده ابوك اختارها لك.
ام ناصر: ابو ناصر اختار بنتك علشان انتي امها وابوها ابو سعود الله يرحمه وانتي تعرفين معزت ابو اسعود ومعزتك عند ابو ناصر...دائما ابو ناصر يقول دارين ماتاخذ الا راشد...حتى ابو اسعود كان يقول دارين راح تتزوج هزاع ولد عمتها ولا راشد ولد خالها.
راشد سمع طاري هزاع اضربته الحميه.
راشد: انا ياعمتي ابي بنتج وشاريها... دام راسي يشم الهواء والله ماتعرف غيري.
ام سعود افرحت من كلام راشد هي كانت تبيه من قبل تحسبه هو مايبيها علشان جذي ماعارضت
ايمان ترمي اشيله على راشد
ايمان: كفوووووووو يااخو شيخه...خلك عند كلمة ابوك.
الكل ضحك على ايمان. ماعدا دارين مستحيه تبي تطلع من الغرفه مو قادره .
راشد: انا ابيها مو علشان ابوي اختارهااا وبس لا ابيها علشان ..وهو ياشر على قلبه ..قلبي اختارها.
(يوم قلبك يبيها وش تنطر اعرس)
هذا صوت شيخه
......................
الجزء 18
في غرفة فهد
فهد: هههههههههههههههه
جبت العيد
راشد: حصلتها فرصه قلت خليني اقولها اني ابي بنتج.
فهد:احمد ربك ماقامت عليك ام سعود بالعصا.
راشد: ههههههههههههههههههههه
انت لو تشوف شكلها انصدمت مني يوم اقول قلبي يبيها
هههههههه قالت انا بنت ابوي تغزل في بنتي قدامي.
خلاص هونا مانبيك
هههههههههههههههه.فديتها عمتي تحب الغشمره.
فهد: هههههههه انت ذلحين تقدمت خطوه .يالله كمل الباقي.
راشد: يوم شفت امي ماشيه معي بالخط هذا يعني موافقه اني اعرس....
فهد: امي نوره مو معارضه على عرسك بالعكس بتفرح لك ...بس انت اللى مسوي حساسيه بزياده...واذا على عمي خالد لا تعرس ذلحين بعدين بس اخطبها وهم راح يتفهمون وضعك انت مو غريب عنهم ولد خالهم.
راشد: اشوفك تنصحني انصح عمرك اول ... تحرك .ليكون هونت ماتبيها
فهد: اه ه ه ه ابيها اليوم وبكرا لين مائة سنه ابيها.
راشد:ابي اعرف شنو رادك لا تخطبها.
فهد: امي تبيني اخذ شوق .. صعبه اقولها ماابي بنت اخوج ابي بنت عمي..
راشد: اجلس لين تطير البنيه من يدك.
فهد: ابي امي تنسى السالفه وتيئس مني وبعدها اخطب ناديه.
راشد: احلف قول والله..ليه البنيه تنطرك لين امك تيئس منك ..اتفل على وجي امااعرست ناديه وخلتك.
فهد: والله لااذبحه عند الباب البيت اللى بيخطبها.
راشد: انا الى بوقف في وجهك لا تقطع نصيب البنيه ..تبيها قول حق امك وهي راح تفهم وضعك..اما انك تسكت لها كل مافاتحتك في الموضوع شوق اكيد راح تفهم انك موافق بس مستحي وبتروح تخطبها من وراك . وبتحطك في وجه المدفع ..هذيك الساعه قول لا اتحداك تقول لا بعد ماربطتك مع خالك.
فهد: الله يسهل ويسر اموري.
.................
في جناح البنات
شيخه: سوالفكم ماتخلص خلوني اجيب اعيالي من تحت لا يزعجون العجايز نايمين ..
دارين: جيبي رنيم معك خليني ابدل ملا بسها وانومها.
ايمان تمزح: مو لايق عليك انك تصيرين ام
دارين: حرام عليك انا ماصلح اكون ام .انا كلي حنان
ريم: حنان ولا دارين
الكل : هههههههههههههههههههههههههههههه
ايمان تبي ترفع ضغطها: اخذي كورس من ذلحين ابي اعيال اخوي يشبعون حنان
دارين: لا تذكريني بخوك ..تمنيت الارض تنشق وتبلعني . فشلني قدام امي وام ناصر .
ناديه تبتسم: يعني مستحيه من امي نجلاء وامي نوره وحنا لا منتي مستحيه منا.
دارين بمزح: لو ام ناصر وامي مو مودجدين كان حضنت راشد وقلت موافقه.
الكل: ههههههههههههههههههههههههههههههههههههههه
ناديه: الحمد الله ان العجايز موجودين ولاكان فضحتينا في عمي.
ريم: ههههههههه راح تتعودين على اسلوب عمي ا نسان مرح و حبوب .
ايمان: بيجيك صدمات في بداية زواجك من اسلوب راشد.
دارين تغايضهم: فديته وفديت صدماته.
هيونه: يوووووه فاصخه الحياء البنيه.
الكل: هههههههههههههههههههههههه
.....................
راشد كان طالع فوق بيروح الداره وشيخه طالعه معه شايله بنتها رهف وحمدان رنيم يمشون وراهم.
راشد يمزح: اقول لاحد يضايق دارين اذا ماعندكم مكان تنام فيه خلوها تنام في غرفتي وانا بنام عند فهد.
شيخة تبتسم: ارتاح في غرفتك دارين بتنام عند ناديه غرفتها وسيعه تشيلهم ..لا تحاتي.
راشد: انتي تعرفين اضيوف عندنا لازم ندور راحتهم.
شيخه: ههههههههههههههههههههه
راشد: تصبحين على خير.
راشدراح للداره وشيخه راحت عند البنات.
................
دارين خذت رنيم : يالله تصبحون على خير.
هيونه: وين تو الناس
دارين:وين تو الناس الساعه 2 بكره ورانا عرس.
ريم: لازم انام بدري علشان نصحصح.
شيخه تكلم هيونه: نامي علشان وجهكـ.. مايكون مرهق من السهر.
ايمان: تصبحون على خير
راحت دارين غرفة ناديه وشيخه في غرفة ايمان وهيونه وريم مع بعض.
.................
في غرفة ناديه
دارين منسدحه على السرير تنوم رنيم وناديه تستعد النوم ..كلهم على السرير ورنيم بينهم.
ناديه تبوس خد دارين.
ناديه.والله اني فرحانه يوم جيتوا مشتاقه لك مره
دارين تبتسم: تشتاق لك العافيه..حتى انا مشتاقه لك وسوالفك.
ناديه: مبسوطه.
دارين: على وش؟؟.
ناديه: على راشد اخطبك من امك.
دارين: اممممممممم تعرفين اني احب راشد ... دارين وهي تجلس اقبال ناديه
صعبه ياناديه اعيش بالكويت ومستقبلي بالسعوديه تعرفين اذا توظفت بالكويت يعاملوني معامله اجنبيه يعني راح يكون راتبي اقل من الموظفه الكويتيه حقوقي مو نفس حقوق المراءالكويتيه. ..صعبه اترك امي انا بنتها الوحيده بعد اختي امل الله يرحمها. اتركها واعيش ابعيد عنها...انا اعيش ابحيره امشي مع قلبي ولا مع عقلي.
ناديه. ضحي علشان حبك لا يضيع..... وعيشتك بالكويت راح تعودين عليها مثل ماانا تعودت عليها.
دارين: تدرين جاني وظيفه شركة ارامكو السعوديه وظيفه محترمه وبعثه الخارج وراتب مغري ..
ناديه: وقبلتيها.
دارين: مابعد رديت عليهم .... محتاره
ناديه تبتسم: مارديتي عليهم علشانك تنتظرين راشد يخطبك وتعرفين وين مصيرك.
دارين: تعرفين انا مااخبي عليك شي ..هذا هو السبب الرئيسي..
ناديه: اقولك استخيري ....وصدقيني راشد يناسبك ويكفي انه يحبك. ....
دارين تذكرت فهد : اخبار فهد
ناديه: بعد سالفت تعين فيصل ولد ابو عماد ماشفته اذا جاء اكون انا فوق واذا نزلت يكون في الدوانيه.
دارين: عشتووووو دوانيه اشوفك تأثرتي.
ناديه: هههههههههههه لا زلت اللسان.
دارين: والله اللى سويته مع فهد ماله معنا واحد انك ماتثقين فيه.
ناديه: والله انا موقصدي اهينه ولا احط فيصل علشان اثق فيه ولااثق في فهد انا حطيت علشان انا مو محصله فرصه اتكلم معه بخصوص فيصل اول ماشفته فتح الموضوع الشركه قلت له ....
دايرن : تبين تكحلينها اعميتيها.
ناديه: وش اسوي هذا الى صار...
دارين: سبحان الله موقفين يصدر منك وار بعض وكله يد ل انك ماتثقين فيه.
ناديه: الله يخليك لا تذكريني قلبي يعورني ..اشلون تطاولت عليه وهزئت فيه في اتلفون..لحظه غضب
دارين : لا والله لحظة غيره ...انا اعرفك عدل.
ناديه: ياحبي لك تفهميني عدل.
رنيم بصوت باكي: ابي ماما
دارين تحضنها وتتلحف وياها
دارين: انا ماما...يالله نامي بكره بنروح العرس ونشوف العروسه.
رنيم: مثل خالتي ساره,
دارين. ههههههههه ايه مثل خالتك ساره.
................................
يوم العرس.
ايمان وريم وهيونه. راحواصالون ( الكوفيره)
وناديه ودارين وشيخه. جابوا لهم كوفيره في البيت.
ايمان واللى معاها اخلصوا وراحو العرس بدري
وام ناصر وام سعود راحوا العرس بعد مادقت عليهم ايمان وقالت لهم تعالوا الناس جااو.
وداهم فهد.
شيخه وناديه ودارين..اخلصوا متاخر علشان الكوفيره جاتهم متاخره..
ام ناصر تدق على شيخه
ام ناصر.وينك الناس جاوا وارقصوا وانتم مابعد جيتوا.
شيخه. يالله خلصنا دزي السايق علينا.
ام ناصر: السايق اخذته نوريه يروح يجيب خالتها.
شيخه: ليه وين سواقها.؟؟
ام ناصر: تقول احمد دازه بشغله بيسويها وبيتاخر علينا...
شيخه: عجل نستنا السايق على مايجيب خالتها.
ام ناصر: لا دقوا على راشد يجيبكم
شيخه: ان شاء الله.
شيخه دقت على راشد
بعد ربع ساعه جاهم راشد وخذاهم.
.......................
في السيارة راشد
شيخه تكلم حمدان: روح مع خالك العرس ..لا تهده خلك معه.
راشد: اذيتي الولد كم مره قلتيله..حفظ الدرس..
شيخه تبتسم: بكره بنشوف اعيالك ...
راشد: اعيالي ..لو تحملين كل سنه ماجبتي مثلهم.
شيخه تغيضه: والله لو اعيالك اطلعولك ماابيهم. اذا كان اطلعوا على امهم فيه حكي ثاني.
راشد يبتسم ويحط المرايا على دارين: أي هين خليني اشوف بكره تجين تخطبين حمدان وحده من
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك