رواية غلطه وبندفع ثمنها السنين -10
فهد كان بالغرفه وراشد يطالع اتلفزيون وحمد ومحمد انزلوا تحت يشترون عشاء لهم وسعيد عند امه وضحه.فهد شاف المتصل رقم عرف انها ناديه . استغرب اتصالها.
قال اكيد امي نوره فيها شي.
فهد. الو
ناديه والعبره خانقتها.ليه يافهد تسوي معي كذا وهذا انا مسلمتك الخيط والمخيط. امنتك على حلالي . وثقت فيك ثقه عمياء . وهذي النتيجه تستغفلني وتسرقني .قويه يافهد ماتتحملها اجبال . قلت لي ابعيد ابو عماد عن الشركه قلت لك ان شاء الله .ماكنت اعرف عن نوياك .شنو تفرق عن ابراهيم .انت نسخه منه .
لا في فرق هو يسرق ابوي على حياته وانت تسرق ابوي على موته.. مستقوين على بنت عمكم علشان مالها سند .
ناديه سكرت اتلفون وهي تبكي
ايمان منصدمه من ناديه .شنو سويت انا ..ياويلي ..
ايمان. ناديه حبيبتي اهدي .انــ
ناديه تقطع كلام ايمان..الله يخليك ماابي اسمع شي. كفايه اللي سمعته منك.
ايمان. لا انا اتغشــــــــ
سكتتها ناديه.
ناديه. انا بروح الحرم ..وهي تلبس عبايتها
ايمان. انطري بعد ساعه راح ننزل كلنا.
ناديه ماعطتها مجال تكمل. اطلعت من الغرفه.
ايمان صبري بروح معج ..
فهد شنو تقول هذي محد عندها افلو س غيرها ..شنو سالفة سرقتني بعد. لا تشبهني في ابراهيم. شنو مفكره حالها هذي يبيلها من يادبها. خليني ادق عليها
فهد دق على جوال ناديه
ناديه انسته مااخذته معاها.
ايمان خذت جوال ناديه المتصل رقم عرفت انه رقم فهد
ايمان. الو
فهد . وينها المحترمه بنت اخوج.
ايمان خافت من صوت فهد معصب.انزلت
فهد. وين راحت باخر الليل.
ايمان. المسيد.
فهد. مع منو.؟؟
ايمان . بروحها
فهد.هين خليها توصل اما ادبتها لج مااكون ابو ناصر.
ايمان.فهد الله يخليك اترك ناديه بحالها.
فهد. لا انا راح اوقف في حلقها ...عجل انا تقولي سرقت ابوها انا تقولي نسخه من ابراهيم وانا استغفلها ..خليني اشوفها.
فهد سكر اتلفون بوجه ايمان.
فهد طلع من الغرفه راح الصاله .
راشد. عسى خير منو كان يكلمك.
فهد. واحد ماوراه غير عوارالقلب.
راشد فهم اسالفه فيها شغل لان فهد دائما يعصب على الموظفين.فهد هدي اعصابك مايسوي عليك الشغل.
.................
عند ايمان
انا شنو سويت ياربي استر .هذي وين راحت ابروحها ..بعدين شنو سالفت ابراهيم سرق ابوها على حياته..
خليني اقعد امي من انوم واشوف ناديه ان شاء الله اشوفها في المسيد راحت وخلت جوالها.
..................
في سويت وضحه
غرفة ريم هيونه
ريم منسدحه على السرير وهيونه نايمه
ريم تعيد الموقف محمد يوم لمها على صدره.
يالله شنو راح يقول عني ..اشلون احط عيني بعينه.مالي وجه اشوفه. تذكرت شكل الطراره وهي تحط يدها على وجهه .ريم تلحفت والصقت في هيونه .خايفه تجيها الطراره في الفندق . تسويها الطراره .
..................
الحرم
ناديه جالسه في قسم الحريم مقابله الكعبه
عيونها تدمع وتبكي بصمت تبكي على قسوت الحياء تبكي على فقدان والدينها تبكي على فهد منصدمه منه كانت مصورته الرجل مثالي تبكي على حبها اللي انتهاء .
ناديه بصوت مسموع .هو بدا علشان ينتهي .
ارفعت يدها الي سماء واخذت تدعي ان الله يحفظها ويستر عليها ويرزقها بزوج اللي راح يشيل عنها الهموم ويزيح الخوف عنها ويعيشها بامان .
جاتها مره وعطتها ماء زمزم.
المره.الدنيا ماتسوي تزعلين علشانها .
.................
نزلت ايمان وامها قبل الصلاه بساعه
ام ناصر. مافيه مكان نجلس
ايمان. خلينا نروح اهناك شوفي مكان فاضي.
رحو وجلسوا يصلون التهجد .
ايمان مشغول بالها على ناديه
ناديه كانت جالسه قدام وام ناصر وايمان وراء بس ماشافوها.
ناديه تبي تروح تلفون الحرم حق الاستفتاء.
وهي ماشيه حصلت ايمان وامها نوره.
ام ناصر. وينك.
ناديه جالسه اهناك.تاشر على مكانها واقراء قران.
ايمان. تعالي اجلسي.
ناديه .بروح اكلم الشيخ وبرد.
ناديه راحت وسئلت الشيخ وردت وجلست جنب ايمان واشغلت نفسها با لقراءة القران .ايمان افهمت ان ناديه ماتبي تكلمها.اذا ردينا الفندق بقولها.
.................
الشباب انزلوا صلاة الفجر وصلوا
راشد.يالله نمشي.
فهد.لا روحوا انتم
حمد.فيك شي.؟؟؟
فهد. لا انا بجلس لين يطلع الصبح.اصلي الضحى.
(هي ليه قالت جذي .ليكون احد قالهاعن شي ولا سامعه عني شي.حتى ولو ليه تقولي هذا الكلام انا مو موظف عندها ولا اخذراتبي منها كل شهر.انا سرقت ابوج هذي اخرتها ياناديه
خذا جواله ودز رساله ناديه.
..............
النسوان صلو الفجر وجلسوا لين صلاة الضحى وبعدين راحو يفطرون في زمزم.
...............
في غرفة ناديه وايمان
ناديه كانت تسبح وايمان تستعد نوم.
ناديه اطلعت من الحمام ولابسه بيجامه بيضه.
ناديه تنشف شعرها اخذت جوالها وجلست جنب ايمان وحطت جوالها على الطاوله اللي جنبها.
ايمان اقولها ذلحين ولا بعدين ...بقولها.
ايمان. ناديه نمتي.
ناديه .لا.
ايمان تجلس وهي مقابله ناديه. امممممممم انتي ليه زعلانه.
ناديه.انتي تشوفين السالفه ماتستاهل احد يزعل علشانها.
ايمان.بس السالفه كانت كذبه مني؟
ناديه. ايمان لا تحولين تهديني.انتي كذا بينتي حقيقته.
ايمان.اي حقيقة انا كنت اتغشمر معاج.
ناديه.ايمان انتي حاسه بذنب علشان قلتي لي وبينتي حقيقة فهد ليه مايهمك انا اكون مخدوعه فيه.
ايمان. ناديه انتي فاهمه غلط . انا اتغشمر وياج انا قلت لج جذي بس علشان اعرف منو اللي في بال فهد..لما شفتج تدورين جوالج قلت خلاص راح اعرف منو اللي في بال فهد ..لكن تفاجئة من كلامج حق فهد.
ناديه مو مستوعبه. ايمان بطلي استهبال
ايمان. والله مااقص عليج
ناديه.ليه سويتي فيني كذا حرام عليك انتي حطتيني في موقف محرج مع فهد اشلون اقابله مالي وجه ..حرام عليك انا موناقصه اللي فيني كافيني.
ايمان. انا شنو دراني انج راح تقولين فهد جذي.
ناديه.شنو راح يقول عني .
ايمان . بعد ماكلمتيه ودق عليج وكان معصب وقال . اما ادبتها لج مااكون ابو ناصر
(وعلمتها شنو قال فهد)
ناديه. الله يسامحكيالله يسامحك
.......................
صلاة الظهر
صحة ناديه من النوم قامت وتوضت
وقومت ايمان علشان ينزلون يصلون
قامت ايمان توضئ وناديه اخذت الجوال.
وتفآجأت بمسج من فهد ,, فتحته وهي قلبها يدق ولقت ,,
.................
[ إسمعي يآ بنت أبوج .. أنا البعيد يشهد لي بالطيب وبالمراجل قبل القريب وعمري محد مسك علي زلة لاني عمري ما عطيت أحد مجال ,, مهوب غرور لا والله بس مأ أقوول إلا الله يجملني في حل و ترحال أما إنج تجين وتقولين عني كلام ولا بعد تشبهين باللي يسوى وما يسوى ,, انا لو بسرق ابوج على قولتج كان ماشفتي الشركة مفتوحه وماشي شغلها .,,
ناديه بعد ماقرت المسج تضايقة . ولله مالومك اذا قلت هذا الكلام ..كنت اتوقع منك تسطرني . الله يسامحك يايمان
...............
جلسوا في مكه يومين وبعدين ردوا الكويت.
في اليومين هذي.
ناديه كارهه عمرها ماتبي تواجهه فهد.
.............
في السياره راشد
ايمان. اموت واعرف ليه فهد عطاج خمسة الاف وفي اليو م الثاني عطاج خمسة الاف يعني صار عشرة الاف
ناديه.لا تكفين لا تموتين بعدين راح تطيح براسي.
ايمان.هههههههههههه
ناديه .في مشروع صدقه جاريه بمكه وسوية ابوي وامي صدقه جاريه .عسىالله يقبلها مني.
ايمان.يزاج الله خير..............امممممممممم في سؤال ثاني .
ناديه. وش فيك اليوم صايره محقق كونان.
ايمان. شنو سالفة ابراهيم
ناديه تتهرب .اي سالفه .
ايمان. يوم قلت سرق ابوج على حياته.
ناديه. ليه سمعتيها مني
ايمان. ايه وانتي تكلمين فهد.
ناديه. انتي تدرين كنت معصبه واقط كلام لا تاخذين كلامي محمل الجد.
راشد. شنو عندهم الاخوات يتساسرا.
ايمان.اسرار.
راشد. اقول ناديه خوالج متى بيردون من سوريا.
ناديه. بعد شهر. ليه تسئل .
راشد فهم على ناديه. جذي حب الستطلااااااااع
ايمان ومحمد. هههههههههههههههههههههههههههههههه
راشد يبتسم. محمد لا تخليني اقلب عليك خلك حبيب.
ام ناصر تكلم ولدها ناصر. وين حنا وصلنا
راشد. طلعنا من الرياض وحنا ذلحين في الوسيع.
......................
الجزء 17
في بيت احمـــــــــــــــــــد
ابراهيم. عبد الرحمن زوجته لبنانيه وماعنده غير بنت وحده ومدلعها . يعني تجارة ابوها كلها لها
محمد. هذا بلا ابوك يعقاب...افلوسه
مي. عنده اخت متزوجه و ساكنه في بيت اجار وين افلوس اخوها .
ابراهيم. هذي اخته مو بنته
احمد. اللي مافيه خير الاخته مافيه خير في اهله
محمد. مو من ثوبنا ولا حنا من ثوبهم
نوريه. شنو تقصد يعني هم احسن منا .الحمد الله الله منعم علينا نفس مستواهم المادي.
محمد. لا يايمه انا مااقصد المستوى المادي اقصد عاداتهم وتقاليدهم مو نفسنا في فرق اكبير.
احمد. لا تفكر انك تاخذ البنيه علشان افلوسها .فكر في مستقبل اعيالك .
ابراهيم. مستقبلهم مضمون .امهم بنك متنقل وانا مراح اقصر عندي دخل يمشيني .
محمد. الفلوس مو كل شي فكر بكره لا جاك اعيال منو خالهم منو جدانهم بكره اعيالك راح يتاثرون في امهم وانت تعرف عاداتهم مجتمع متفتح بزياده . النتيجه معروفه.
مي. عيل شنو تبونه ياخذ البدويه.
محمد. شوف ابوي خذا امي مو من ثوبه ابوي بدوي وامي احضريه والنتيجه شوفت عينك البنات متاثرات في خوالهم ويتبرون من اصلهم والعيال وهو ياشر على نفسه وعلى ابراهيم .ماقصرت الي يشوفني مايقول فيني عرق البدوي .
نوريه. محمد. احمد ربك اني امك .
محمد. الحمد الله الي رزقني بام حنونه وطيبه ومدلع اعيالها.
احمد. شنو قصدك يعني امك ماسحه شخصيتي.
محمد. لا يوبا بس اقصد ام لها تاثير على اعيالها اكثر من الاب.
ابراهيم يبتسم. ايه رقع رقع .
مي. سبحان الله الي غيرك اول ماعترف تلبس اثوب لا صار يو الجمعه امي تلبسك باغصب .وذلحي ماتنزله من عليك.
نوريه. متى ناوي روح تخطب .
احمد . قبل لا اروح ابي اقول ابراهيم قدام اخوان وامك
انا بروح معك وبخطبلك و بتكفل زوجك .بس هذا مو معناتها اني وافق لا انا مو راضي على زواجك من بنت عبد الرحمن .. انت ماتفكر في المستقبل تكون لك اسره عائله لا انت تفكر في الماده. كلام اخوك محمد عين العقل . الاواحديدور اصل والفصل مو افلوس
انا من ذلحين اقولك انا مو مسؤل عن نتيجة اختيارك
نوريه.الله يهديك يابو ابراهيم انت الخير والبركه مالنا غناء عنك.
ابراهيم. ماعليك انا اتحمل قراري واختياري بس متى نروح نخطب
احمد. اصبر لين يجي اخوي ناصر.
نوريه. عسى ربي يلحقني هذاك اليوم الي خطب محمد
الكل.امين
منى بضحكه. امرته معروف
مي. حاط عينك على احد والله منت هين.
نوريه. قولي من وانا احطها بعيوني واداريها لين تخطبها.
احمد. هههههههههههههههههه سياسة حريم
منى .اقول اقول
محمد يالله خليها تقول نعرف ردت فعل امي.قولي احد ماسكج.
منى. ريم بنت عمي ناصر
نوريه. ليه قلو البنات ماحصلة غير بنت وضحه .
ابراهيم.الخسران الي يفكر في بنات عمي ناصر شوف من اخوهم فهيدان .
نوريه. لو زوجت ابراهيم عندها اخت كان زوجتك اياها ابرك من بنت عمك.
احمد متضايق ليه اعياله ومرته مايحبون اعيال ناصر . خلصتو ا ..الخسران الاي ماياخذ من بنات عمك ناصر . ياليتك طلعت للعمانك ولا اولد عمك انت ماتجي عند مرجلتهم شي ..
انا وافقت على عرسك بس علشان تعرف انت من أي صنف من الرجال بكره الحياء راح تعلمك ..لا تجي عندي تقولي يبا زوجني من بنات اخوك ..اعرف جوابي اني مستحيل اغش اخوي وازوجك بنته.
احمد يكلم محمد. ابركها من الساعه اللي تاخذ من بنات عمك هذا العرس الاي نفرح فيه.
(محمد فرحان ان ابوهم معه )
منى : شنو اسم زوجتك.؟؟
ابراهيم: مرام.
.........................
بعد اسبوعين
في بيت ام ناصر
ايمان جايه من الكوفيره صابغه شعرها اشقر وخصل ثلجيه
ناديه.حلو عليك مره مناسبك
هيونه.القصه مغيره شكللج.
ريم. قلبج قوي قصيتي وايد من شعرج
ايمان تضحك.لا ماقصيت اكثير بس انتي تحبين الشعر علشان جذي تشوفيني قاصه واااايد.
ناديه تكلم ريم. طول شعرك معطيك ميزه بس حلو الواحد يغير شكله. انت من يوم عرفتك كله لامته بس تفكينه في المناسبات؟؟
ريم. لا امي نوره تزعل اذا قصيته .وانا بعد احب الشعر الطويل.
هيونه. ليه ماسويتي حواجبج مره وحده
ايمان. عندها زحمه قلت بكره اروح عندها.
ناديه. تشقرينها ..انا اسويه لك
ايمان.انا كنت انتف حواجبي بس قالو حرام ترك النتف صرت اشقر واقص.
ناديه. حتى القص مايجوز... التشقير حلال .
هيونه. والله انتف واقص احلى يخلون حواجبج مرتبه وشكلها حلو
ناديه. ايه انا معاك مرتبه وشكلها حلو وشيطان يحليها في عينك .......علشانها حرام
اسمعوا قصةالبنيه
في البنيه راحت الكوفيره تسوي حواجبها تنتفها
وهي جالس على الكرسي والفلبنييه تنتف لها حواجبها .اخلصت الفلبنييه وعطتها المرايا تشوف حواجبها.في شعره ما نتفتها الفلبنييه قالت البنيه تعالي نتفيها قالت الفلبنيه مافي مشكله مدام عادي خليها مراح تبين
اصرت البنيه تشيلها المهم شالتها الفلبنيه وماتت البنيه بسبب شعرالحواجب
علشان تعرفون ان الاسلام دين حق مايحرم ويحلل منا والطريق.
لان نتف الحواجب في ضرر للعين .
ايمان .سبحان الله اسئل الله ان يهدينا الي طرق الحق ويبعد نا الحرام.
ريم. ويحسن خاتمتنا...مسكينه ماتت وهي تنتف حواجبها خاتمتها مو زينه ..يالله ترحمهابرحمتك.
هيونه .زين في مشايخه يقولون حلال.
ناديه .الحديث واضح (لعن الله الانامصه والمتنمصه)
العن يعني مطروده من رحمة الله .
لا تغرك الحياء وتعشينها على انك مخلده فكري في الاخره
راح يحاسبك عليها رب العالمين.
ايمان. والتشقير حلال
ناديه .هم اختلفوا في حكم الحواجب .بس انا سمعت مشايخه يحللون التشقير على النتف والقص .
هيونه. يعني التشقير حلال
ناديه.الله واعلم انه حلال.
ايمان. اختلاف امتي رحمه.
..............
الساعه وحده بالليل
في جناح البنات
ايمان منسدحه بصاله اللى بين غرفهم وماده ار جيلها وناديه وريم كل وحده ماسكه رجل وتشيل شعرها بالحلاوه وهيونه تشيل شعر يد ايمان.
ايمان. اااااااااااااااي يعور.. ارحموني قطعتوا رجلي
ريم. انا خلصت رجلج شوفي ولا شعره .
هيونه .حتى انا خلصت يدج.
ناديه . اصبري باقي منطقه وحده ماسويتها
ايمان . ساعه اخلصي باقي حواجبي ماشقرتيها.
ناديه تبتسم بخبث. تحط الحلاوه على رجل ايمان الحلاوه اخذت مساحه كبيره و المنطقه فيها شعر وايد. وشالتها مره وحده
ايمان. ااااااااااااي
ناديه تبتسم تتكلم بصوت واطي. علشان تعرفين تحطيني موقف محرج مع فهد. وقامت تغسل يدها
ايمان. والله مااخليج ...عورتيني ..شوهتيني .. رجلي صارت حمره
..................
في اليوم الثاني
في بيت ام ناصر
على الغداء
جالسين في غرفه فيها جلسه ارضيه وفارشين سفره وحاطين عليها الغداء ولبن والمشروبات الغازيه والسلطه والحلا.
جالسين يتغدون
ام ناصر.اليوم احمد واهله بيجون يسلمون علينا
ايمان.احمد توه يجي يسلم عليج
ام ناصر .لا جعلني قبله قد جاني كم مره بس مرته وبناته ماجوني.
ايمان. شنو جيبها توها تصحصح ان حنا ردينا..ا الله والغني عن سلامها
ام ناصر. مو علشانها علشان بناتنا
ايمان. بناتها طالعين لها.. اغسلي يدج منهم
ام ناصر. وانا ماابي منهم شي ..انا اداريهم علشان ولدي احمد.مابيه يقول ليه تحبين بنات ناصر على بناتي انا اعامله نفس شي.
ريم. يمه ابوي متى راح يجي
ام ناصر. اليوم بيجيبه فهد من المطار.
................
جات نوريه وبناتها عند ام ناصر تسلم عليها
اجلسوا يسولفون ويتقهون اذن المغرب قاموا البنات يصلون
مي ومنى ونوريه يبون لفه علشان يصلون اطلبوا من ريم تجيب لهم لفه (ثوب صلاه)
ناديه. ليه تغطون شعركم وانتم تصلون.
نوريه.ماتقبل الصلاه اذا ماغطينا شعرنا
مي. تغطين كل جسمك بس تخلين يدك وجهك في الصلاه.
ناديه تبي توضح لهم ان لغطاء واجب عليه مو بس في الصلاه.
ناديه. بس انتم ماتتغطون صلوا وانتم كاشفين.
نوريه وبناتها ماعرفوا اشلون يردون عليها
ناديه شافتهم ماتكلموا كملت
ناديه تكلم نوريه علشان هي امهم اذا تاثرت في الكلام راح تاثر على بناتها.
ناديه . يعني انتي تتغطين بس في الصلاه واذا جيتي تطلعين ماتتغطين ..انتي ما جلستي مع نفسك تحاسبينها ليه انا اتغطا في الصلا ولااتغطئ اذا طلعت ..علشان تعرفين ان الغطاء واجب علينا. قال المراء كلها عوره ماعدا وجها ويدها بالصلاه.
يعني وجهك عوره مايجوز تطلعين وانتي كاشفه فما بالك انتي تطلعين حتى ماعليك عباه تسترك ..
(جات ريم ومعها لف مال الصلاهـ,, اخذوها من ريم وصلوا)
راحت ناديه فوق واخذت ثلاث الكياس وانزلت وهم بعد خلصوا من الصلاه
ايمان. بصراحه اعجبتيني عرفتي اشلون تحكرينهم في زاويه..انا من زمان اقولهم بس كانوا يحاجوني ودائما اطلع بدون نتيجه.
هيونه. ماشفتي اشلون وجيهم كيف صارت...
ناديه. انا اليوم راح اكملها وهي تاشر على الكياس اللي معاها .هذي هديه لهم عبايه وشيله
ريم. ان شاء الله ياخذونها منج ومايفشلونج.
ناديه تبتسم. لا هم بياخذونها بس راح يفتحونها في البيت .
ايمان. بروح معاهم ابي اشوف اشكالههم.
الكل . هههههههههههههههههههههههههههه
ردوا البنات داخل في غرفة الحريم بعد ماخلصوا صلاه وجلسوا يسولفون بعد استئذنوا علشان يروحون قبل لا يطلعون وقفتهم ناديه وعطتهم الكياس قالت هذي هديه من مكه خذوها واشكروها .
.....................
احمد مراح مع اهله جلس عند امه قال حق مرته وبنته يروحون مع سايق شوكت (سايق امه)
في المجلس البنات معهم راشد يسولفون ويضحكون جالسين واحمد مانزل عينه من ريم
البنات لاحظوا نظرات احمد .
احمد يكلم ريم. ماجاء ابوج من السفر
ريم. اليوم بيجي ان شاء الله.
احمد. الله يوصله بسلامه.
ام ناصر. اخبار ابراهيم وينه معاد شفناه ولا جا يسلم علينا.
احمد. انا جاي اليوم اقولك ان ابراهيم بيعرس عن قريب بس ننطر اخوي ناصر يرد من السفر
ام ناصر . على البركه....من بنته
احمد. خذاله بنت وحيدت امها وابوها ومدلع وامها لبنانيه
ام ناصر موب راضيه. من الي شار عليه.
احمد. هو اللي قال يبي بنت عبد الرحمن ال.......
راشد. والله ابراهيم مايطيح الا وهو مسمي .
ايمان. وين طاح عليهم.
ام ناصر. وانت موافق على ابرهيم ياخذ بنت عبد الرحمن.
احمد.انا مو راضي .
ام ناصر. عجل ليه ياخذها اذا انت موب راضي.
احمد. انا ابيه يتحمل قراره ..ابيه يجرب ويتعلم من تجربته ان الحياء مو كلها افلوس ..وفلوس عبد الرحمن مراح يطولها ..ابيه يقتنع باللي عندهـ.. ولايتطالع اللي عند الناس.
راشد. بنات الناس مو لعبه تخليهم تجربه حق ابراهيم.
احمد.لا مو جذي قصدي ابيه يتحمل نتيجة قراره.
ايمان. ابراهيم طيب وحنون وجلسه وياه تنشرى بس فيه صفة حب الماده .
ام ناصر. الله يخليه ابوه مو مقصر معه ولا معا اخوانه.
احمد. الله يصلحه.
ام ناصر . انا ماابيه يطلع من العائله.
راشد. نصيبه ياخذ بنت عبد الرحمن لا نعرفهم ولا يعرفونا.
ايمان كل شوي تطالع الساعه
راشد. ذبحتي عمرج كل شوي تطالعين الساعه باقي على طيارتهم 5ساعات.
الكل. ههههههههههههههههههه
السلام عليكم
هذا صوت ناصر داش البيت مع اهله وولده فهد.
الكل سلم عليه وعلى مرته هند وعيالها الصغار .
اجلسوا وهيونه وريم في حضن ابوها هيونه من يمين وريم من يسار
هيونه . اشتقت لك حييييييييييييل
ناصر. وانا بعد اشتقت لكم حيل.
ام ناصر. ماشاء الله طولتوا في لبنان.
هند.والله لبنان ماودج تطلعين منها حياء غير .
ايمان .شنو اللي غير عنا عمران وعندنا تطور وعندنا بس الفرق الجو عندهم شي.
فهد.لا البنات غير اهناك...ماتشوفين ابوي طول.
راشد.اعرف اخوي مايحب يطول في السفر بس هل مره غير.
الكل. ههههههههههههههههههههههههههه
هند تبتسم. لا مابغار لو بغار كان غرت من ريم وهيونه اذا رحنا السوق ودشينا المحل لا تنسين اشتري ريم وهيونه.
اذا نتمشى يقول الله ياليتهم معي . اذا ردينا الفندق يقول بكلم البنات اشوفهم وينهم فيه. وعلى هذا الموال كل يوم.
ريم تحضن ابقوها بقوه. الله لا يحرمني منك.
هيونه. يلموني فيك.
ناديه اولمره تجلس مع فهد بعد المسج. انا كنت مفتكره بس ابوي الحنون على بنته طلعت انت ياعمي حنون على بناتك.
ناصر. لا عاد ابوج غير حنانه بزياده...الله يرحمه ويعوضج خير.
ناديه. الابو مايتعوض.
ام ناصر. الابو مايتعوض بفلوس الدنيا كلها
فهد عاد فيه حره على ناديه انا سرقة ابوج : لا يمكن ناديه الفلوس تعوضها عن ابوها
ايمان وناديه افهموا شنو يقصد.
ناديه تطالع فهد ماتوقعته يقول كذا عليها: خلينا نكون صريحين الحياء ماتمشي من غير فلوس
تبين تغيرين جو وسافرين
يحتاج الفلوس
تروحين السوق
تحتاجين الفلوس
تكلمين افلانه تسلمين على افلانه من تلفون
تحتاجين الفلوس
تبين شغاله تساعدك في البيت
تحتاجين الفلوس
تبين تاكلين.
تحتاجين الفلوس
مرضتي تبين اعلاج
تحتاجين الفلوس
البيت يبيله تموين
تحتاجين الفلوس
تهدين الناس غالين عليك .ساعه على القيمه
تحتاجين الفلوس
والفلوس عمرها مراح تعوض عن واحد سكن وجدانك.
فهد يطالع ناديه بعد ماقالت تهدين ساعه فهم شنو تقصد بس مااهتم ..اهتم نبرت صوتها اوالعبره خانقتها وهي تقول الفلوس عمرها مراح تعوض عن واحد سكن وجدانك .
ناصر.الفلوس وسخ دنيا
فهد.الفلوس وسخ دنيا الى يقط افلوسه في الفساد وخراب الديار واللي يعرض نفسه تهلك ويجر غيره معه واللي يشتت عائله علشان الفلوس .
الله انعم عليك بفلوس تصدق ساعد لك ناس محتاجه عالج فيه واحد مريض ويحتاج المساعده. سفر ناس الي الحج من الدول لي حولك فقيره. ابني لك مسجد سولك مشروع خيري ساعد افلان في عرسه الله يوسع لك رزقك .
ايمان. الي يقول افلوس مو مهم هذا كذاب.
احمد.في ناس تجد سعادتها في الفلوس وناس تجد سعادتها في الصحه والعافيه وفي ناس تجد سعادتها في طاعة الله
راشد. الناس اجناس.
...........................
الساعه 2 بالليل.
بعد مراح ناصر واهله واحمد
راشد خذا ايمان و وداها البيت
وجلس معاها في البيت على مايجي مشعل وامه من المطار.
راشد. ماشاء الله البيت نظيف
ايمان. ايه انا جايب شركة تنظف البيت لو تشوف البيت شنو صاير اغبار .
راشد يطالع ايمان كاشخه من قلب .ذبحتي روحج.
ايمان .اشدعوه ماسويت شي كلها شركه نظفة البيت.
راشد يمزح. ليه شركه هي الي كشختج وعدلتج وصابغو شعرج.
ايمان افهمت عليه .زوجي غاب عني شهرين ماتبين اتكشخ واتعدل له.
راشد.ايه تكشخين اول مايجي وبعدين تلبسين ثوب البيت وريحة اطباخ فيج.
ايمان. لا ياحبيبي انا مو من الناس الي يكشخ الزوجها في المناسبا ت فقط .
انا البس واكشخ مو علشان زوجي وبس
علشان نفسي قبل كل شي..انا طبيعتي احب البس واكشخ وحتى اذا كنت مريضه احط روج خفيف ورشة عطر احاول اخلي شكلي مرتب مو يعني مريضه خلاص و انسدح على الفراش وحالتي حاله..الوحده تكون شخصيها من البسها وكشختها. الناس مع المظاهر لا شافو لبسها وكشختها حلوه احترموها. وبعدين الناس تاخذ فكره عني اني كشخه. ...وصدقني الكشخه واللبس له دور بالمجتمع.
راشد اقتنع بكلام ايمان. اممممممممممممم زين دارين تكشخ.
ايمان. هههههههههههههههههههه.عاد دارين لا يعلاء عليها ذووق.
راشد يمزح. اشوه ريحتيني. اخاف اطيح في وحده ماتعرف تلبس وتكشخ واابتلش.
ايمان.مافي احد بهذا الزمن مايعرف يلبس ..الناس تفتحت.
..............
وصل مشعل مع امه الي البيت وكان راشد وايمان في استقبالهم
سلموا عليهم ورحبوا فيهم
وجلسوا يسولفون اشوي
ايمان جابت العصيرات توزعها عليهم.
راشد شرب اشوي وقام بيروح.
راشد.يالله استئذن.
مشعل :وين اجلس.؟؟
راشد. توكم رادين من السفر اخليكم ترتاحون..وان شاء الله راح اجيكم مرة ثانيه ..يالله سلام.
وطلع راشد.
ام مشعل.الله لا يهينج تعبتي عمرج في تنظيف البيت.
ايمان . تعبكم راحه ..انا جبت شركه تنظف البيت.
مشعل يطالع ايمان بشوق .
مشعل. يعطيج العافيه.
ايمان. الله يعافيك.
ام مشعل.يزاج الله خير يابنتي..غيرج حتى مافكر يستقبلنا في المطار.
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك