رواية تسلط امرأة -8
المتصل : اختي لو حسبتي وزنك مع طولك راح تحصليه مناسبندى وفاتحه فمها على الاخر : اشوف الاسئله تتدخل بالاشياء الخاصه
المتصل : يااختي احنا شغلنا ترفيه وتسويق ولازم تكون الاسئله على هالموال
ندى وكبرت عقلها شوي : طيب لو سمحت انت وش اسمك
المتصل : معاك عبد العزيز من ادارة الحكير سنتر لي مكتب خاص اذا حابه تصدقي روحي واسألي
ندى : طيب ممكن تغير السؤال
المتصل اسف اختي وتراك اول وحده تاخذ معي وقت مثلك
ندي : طيب خلاص انا ماابي اشارك في هالمسابقه
ومع السلامه ..... وقفلت الخط
ام نايف : وش فيك ساعه تسولفي ومين هذ
ندى هذا رجال يسوي مسابقه لاطفال بمناسبة افتتاح الحكير في مدينتن
ام نايف : وش لك في الخربيط هاذي
ندى : هديتهم مررره حلو بس اسلتهم بايخه مثل وجهم
ويدق التلفون مره ثانيه
ندى : نعم
المتصل : السلام عليكم ......اختي راح اغير لك السؤال وهاذي اخر فرصه لك
واتمنى الجائزه ماتروح عليك
ندى ان شاء الله .... السؤال
المتصل: كم وزنك
ندى :رجعنا لاسئله البايخه
المتصل : ماهو لازم وزنك الحقيقي عادي أي وزن
ندى : امممممم وزني ستين
المتصل طيب وزعي وزنك على باقي جسمك
ندى : يعني كيف ....... ماني فاهمه
المتصل : يعني يدك فيها خمسه كيلو رجلك فيها عشره كيلو وكذ
ندى : طيب ...اممممم شعري فيه خمس كيلو
ويدي فيها خمس كيلو والثانيه فيها خمس ورجولي الثنتين فيها عشر وبطني فيها خمس
المتصل صار كذا ثلاثين والباقي وين راح الارداف وين راحت والصدر
وين راح والباقي .....!!!!!!!
ندى انقهرت من وقاحته : طيب لو سمحت اخوي اتصل على الهيئه واشاورهم بالاسئله
وبعدين اجاوبك
المتصل :وش دخل الهيئه واظن ان اسئلتي اسئلة اطفال وانتي الي اخترتي تجاوبي
ندى : طيب عادي ايش فيك خفت .....اكلمهم وارد عليك
المتصل : صدق انك ماتستحي ..بس ياليت انك .... يا..... يا.....
" الالفاظ مقدر اكتبها "
ندى انصدمت من الوقح الي يكلمها واخرتها طلع كذاب وقفلت التلفون بوجه
وبسرعه فتحت الدليل وطلعت رقم الهيئه
ندى : الو السلام عليكم
الهيئه : وعليك السلام
ندى :لو سمحت اخوي حبيت ابلغ عن شخص يتصل على الناس ويدعي انه من ادارة الحكير
و يجري مسابقه لهم ويسالهم اسئله خاصه
الهيئه : طيب مثل ايش يابنتي
ندى : اساله كثيره منها كم وزنك وش لابسه ومن هالاسئله
الهيئه : مشكوره يابنتي على حرصك ولو سمحتي اعطينا الرقم
ندى وتاخذ الرقم من الكاشف تفضل********
الهيئه : الله يجزاك خير في شيئ ثاني تضيفيه
ندى :لا مع السلامه
الهيئه : مع السلامه
ندى قفلت السماعة وانقهرت اول مره واحد يضحك عليها ويحاول يسحبها بكلام
ام نايف : وش سويتي فضحتين
ندى : هذا الي كان المفروض من اول اسويه وطلعت غرفتها وهي منقهره من هالتافه
الي ضحك عليه
...... .
.....
في بيت فهد
ناصر وفهد جالسين في المجلس وتدخل عليهم مرام وهي شايله القهوة
فهد ويقوم وياخذ القهوه منها ليش متعبه روحك
مرام عادي مافي تعب ولا حاجه
ناصر : نحن هن
فهد : عاد وش قلت
ناصر كل هذا حب لااختي.... وووواووو...... يامرام محد قدك
فهد: لايبوي ماهو لاختك معدين يكبرراسه ها للي بطنه
مرام الي استحت من اخوها ولا تكلمت
فهد : عقبالك نفرح فيك
ناصر : الله كريم
مرام : ماعليك عروسة ناصر عندي وانا ظامنه انها موافقه ومليون بالميه
ناصر : وش هالثقه ..... ومين هذي
مرام : لاتسالني اسال روحك
ناصر فهم قصدها وفرح من داخله ان ندى يمكن توافق عليه
فهد : اقول تراك خربتي اخوك علينا شوفي وين راح
ناصر : هاااااه لاخربتني ولا شيء بس سرحت شوي
مرام : صح ناصرليه ماجبت دينا معاك ...... حرام تتركها لوحدها في البيت
ناصر : ومن متى صرتي ترحمي دينا وتفكري فيه
مرام انقهرت من ناصر وتقول بنفسها عمرك ماراح تتغير يا ناصر
فهد وحب يقلب الموضوع : صح ناصر زوجني دينا مدري ليه ارحمه
مرام ونار الغيرة اشتعل في قلبها : محد طلب رحمتك .....وقامت عنهم وتركتهم
ناصر وفهد ماتو ضحك عليه
...... ....
......
ثاني يوم في الكلية وفاء ودينا عندهم محاضره
وندى مطنشه المحاضره وجالسه على طاولتهن مع صديقاته
لمى لمحتهن من بعيد وعرفة ان هالطاوله لهن وخاصة في الفترة الاخيرة زادت العلاقه بين لمى ونهى وصحباته
لمى : سلام بنات
البنات وعليك السلام
لمى : لو سمحتو هذي الطاوله لكم
ندى : لا للحكومه هههههه هههههه
لمى وانقهرت من ندى وتقول بنفسها حسابك عندي : ماقصد كذا اقصد في احد مشاركم عليه
ندى : ايه اختي وصاحباته
لمى وتغيرت ملامحها قصدك : نوره
ندى : لانهى
لمى: تشرفنا ...... معاك لمى
ندى اجلسي معانا وسعي صدرك
لمى وماصدقت على الله : مشكوره
ندى : تصدقو امس واحد قدر يضحك علي ويلعب علي ساعه واخرتها طلع كذاب
البنات بصوت واحد : كيف
حكت ندى للبنات القصة كلها وماحد توقع ان فيه واحد يسوي كذ
منيره صديقته ندى : وتحط يده على راسه ياويلي ......يامصيبتي
ندى وش فيك وعلامك تولولي
منيره : الحيوان اثريه كذاب وانا مصدقه حالي واعطيته اسمي بالكامل ورقم جوالي
ندى وهي تخبط راسه ياويلي لهدرجه انتي غبيه
منيره : وانا وش دراني وماكنت متوقعه انه كذاب .... والهديه اغرتني
ندي : ولاتكوني قلتي شي عنك
منيره ياليت بس علي واختي شاركة في المسابقه وبنت عمي
ندى يعني ضاع مستقبلك يامنيره
" هذا الاتصال حصل لي شخصيا انا وصديقة اختي ونقلته لكم بالحرف الواحد "
لمى وحبت تغيضهن : مسرع ماضحك عليك
ندى ومنقهره من العله الي تشوفها قدامها : ماهو العيب الواحد يغلط العيب لما الواحد
يتمادى بالغط
لمى وحست ان هالكلام مقصود لها وحبت تغير الموضوع : تصدقي تعجبني شخصيتك
ندى بخفه: ووووااااووومشكوره خليني اجيب التجراف توقعي لي
لمى : بايخه ههههه هههههه
ندى صح انتي ماهو من هن
لمى : لا من القصيم
ندى : بس غريبه مااشوفك تفطري على كليج
هههههه هههههههه ههههههه
لمى : شكلك كارها القصمان
ندى : لايعيوني مااكرهم يكفي انها ديره المطواعه
الله يحفضهم
منيره : انتي ماسمعتي المثل الي يقول "مطوع بريده "
لمى وكرهت الجلسه معاهن وتقوم : طيب عن اذتكم ولو جت نوره ولانهى سلموني عليه
ندى : طيب شيلي فضلتك معاك
ندى والبنات هههههه ههههههه
في الشقه عمر مولع على الاخر لان الاتصالات قفلت خطه
خالد وهو يضحك تستاهل محد قالك تستبهبل وتسوي نفسك رامبو زمانك
عمر : اخخخخ كله من الحيوانه الي اعطت رقمي لهيئه
خالد : تصدق والله البنت طلعت قويه وماينضحك عليه
عمر اصلا في البدايه زبطت العبه وبعدين مدري وش نغزها وانقلبت
خالد : اسئلتك محد يتصوره
عمر ماعلي يكفي ان لعبت على اكثر من عشر وصدقو واذا على رقم سوا هذا انا مسويه لاشكال هذي و عندي رقمي الرئيسي
خالد : والله طلعت مصيبه وينخاف منك
عمر : اجل خذ حذرك من الحين
خالد : يمه خوفتني
عمر: واخوف عشره من اشكالك
خالد خلي عنا خربيطك ...... وقول لي لمى اتصلت
عمر : لا ..... خير فيه شيء
خالد : لا بس انا موصيها تجيب لي صور صديقات نهى وارقامهن واشوفها طولت
عمر: خالد وش لك بصديقاته
خالد عندى تخطيط جديد ودي العبه عليهن
عمر: طيب وش تلعب صورتها وعندك ورقمها وقريب ياصلك وش تبي
خالد : انت وش دخلك .... وبعدين حركة اني اهددها بالصور قديمه
عمر: والله مادري وش ناوي عليه ياخالد
...... ....
....
انتظروني قريب
خااااالد لييييه ماهو مصدق ان قلبه بدا يتعلق بنهى
دينا والمصيبه الجديده الي جايه له
وعبدالله والسر الي مخبيه ومين راح يكشفه
ناصر وندى واللقاء المرتقب
وفاء وياسر والعلاقه الى وين توصل
.......
....
في عالم اخر عالم ملي بالسكينه والموده
مريم جالسه تلبس بنتها وابراهيم منسدح على السرير
مريم : ابراهيم ابي اروح اسهرعند دينا .....
ابراهيم : اليوم لا .... خليها الخميس
مريم : وش معنى الخميس
ابراهيم : مواعد ابو نايف نلتقى في بيتكم.....
مريم : غريبه وش عندكم ..... وش معنى بيت اهلي
ابراهيم : موضوع خاص..... يبي فيه اخوانك
وسحب الحاف وغطى راسه ونام
...... .
......
في الكليه وقت الظهر
على الطاوله و كعاده نهى وهيا ونوره
جالسات يتجهزن للطلوع
لمحتهم لمى من بعيد وجت لهم
لمى : على وين بنات ...... طالعات ....
هيا : خلصن محاضراتنا .... قلنا نروح
لمى : طيب وحده تجلس معاي تسليني ....... على بال مايجي السواق
نوره : والله ودنا نجلس معاك .......بس السواق بر
لمى : خساره يالتني جبت جوالي ....... على الاقل ادق على السواق يروحني
نهى وهي طلع جوالها من شنطتها وتعطيه لمى : طيب خذي جوالي واتصلي
لمى وقلبها طاير من الفرحه : مشكوره ......ماابي اخسرك
نوره : بلا خساره وبلا كلام فاضي ...... اتصلي
اخذت لمى الجوال ولفت عنهم وارسلت ثلاث بطاقات ارقام لخالد
لمى : خساره جواله مقفل ......مشكوره على الخدمه
نهى : ولو احنا اخوات ولااحتجتي شيء انا بالخدمه
لمى بتسامه لها الف معنى : الله يساعدني وارد جمايك
.......
.....
دخل احمد المجلس وشاف لاب توب حق عبدالله شغال وعبدالله ماهو فيه
راح عند دورة المياه وسمع صوت مويه
وبسرعه مسك الجهاز وقام يفتح على المستندات والملفات
لفت انتباه ملفين الاول مسجل باسم (الاتجاه ) والثاني (قريبا )
حاول يفتح الاول وانصدم بكلمة ""ادخل كلمة المرور ""
حاول يفتح الثاني "ادخل كلمة المرور "
انقهر احمد لما شاف جميع ملفات عبدالله محميه بكلمة مرور
وسك على اسانه وهو يتوعد يعرف وش وراه
سمع صوت فتح الباب وبسرعه قفل على الملفات
وفتح على سوليتير وسوى نفسه يلعب
عبدالله بتسامه يخفي فيها خوفه : وش عندك تتطفل على جاهزي
احمد ويعطيه الجهاز : ولا شيء ..... قاعد العب....
عبدالله : عااااادي خذ راحتك
احمد وكاااان نفسه يسأله بس خاااف يزعل : ....مشكور .. خذه عندي جهازي
......
.....
اما عند دينا
دينا جالسه مع ام نايف وندى " ام نايف من بعد موت ام ناصر ماتقطعها " ونهى راحت لهي
بحجة تكمل محاظراته
ام نايف : ليه يابنتي ماتطلبي عيال عمك يجبوك عندنا على الاقل تغيري شوي
دينا : والله ياليت ياعمه .......بس ياسر مااشوفه كثير .... وناصر ......وبعدين خافت تتكلم
قدام ندى ..... ماقدر اطلبه حاجه
ندى وهي منقهره: اظن ناصر لو طلبتيه مايقصر ..... وبتسامه ......خاصة عند عمته ام نايف
دينا بقهر : عااااااد في هذا صدقتي
ام نايف : وينه ناصر مايجي يسلم على عمته
دينا :على مااظن نايم
ندى وهي طالع في الساعه ....... غريبه في احد ينام الحين
دينا بروده: نااااااصر
ندى وعلاقتها الاخيرة بندى بدت تدهورمع دينا : طيب انا طالعه غرفة مرام ابي اتفرج على المجلات
وتلتفت لامها " عن اذنكم "
طلعت ندى فوق وراودها شعور ان تشوف ناصر وخاصة انه نايم وماراح ينتبه له
وقفت عند باب غرفته .......
وبعدين طردت الفكره من راسها وراحت لغرفة مرام
......
......
في بيت ام ابراهيم
هيا ونهى جالسات وقلوبهم منحرقه على هالاتصالات الي ازعجتهم وماخلتهم ياخذن راحتهن
نهى : شوفي نفس الرقم الي يدق عليك
هيا : غريبه مدري وش هالصدفه
نهى : ومين قال انها صدفه يمكن مقلب من وحده من البنات
هيا وهي تفكر : لا ماااااظن
وقطع كلامهم وصول مسج على جوالها نهى وتبعه واحد ثاني لهي
نهى : اقري وش مكتوب
هيا وهي تقر الي بالجوال وبصوت مرتفع شوي "" ردي الموضوع ضروري و مايتاجل""
وترجع وتقر بالجوالها : نفس الي عندى
نهى شكل الليله ماتعدي على خير
هيا :هذا هو اتصل ردي عليه
نهى : لايعيوني ردي انتي
هيا : هو الحين داق على جوالك ..... لادق على جوالي راح ارد
نهى وكانها اقتنعت وترد : الو .......نعم ....
خالد : السلام عليكم
نهى: وعليك السلام.... واخذت نفس .......نعم
خالد : انا اسف اختي على الازعاج بس عندي موضوع مهم ولازم تنتبهي له
نهى وهي تحط على المكرفون : خير قول وش عندك
خالد : لو سمحتي اختي انا اعارف ان الموضوع الي اقوله حساس ..... وحساس شوي ....
واتمنى انك ماتزعلي
نهى وطالع بهيا : قول .... خلصني ....
خالد : على مااظن انتي نهى الحمد ......وتدرسي بالكليه ......الاقسام العلميه
نهى وهي تقاطعه : لالالالا ماني نهى ....وتلتفت لهيا ......انت وش دراك
خالد : خليني اكمل
ونهى بدا صوتها يتغير : وش عندك قول وخلص
خالد : شوفي يااختي الرسول صلى الله عليه وسلم يقول : المر على دين خليله فلينظر احدكم من يخالل "
وانتي مصاحبه وحده ماتخاف الله واكبر مروجه صور لشباب
وهذي صورتك عندي ورقمك عليها وعلى مااظن "هيا "وحده من صديقاتك ..... والصوره
الثالثه على حسب ماهو مكتوب عليها "لمى"
نهى : وهي تصيح لا...لالا انا مااصاحب الاشكال هذي
خالد : المهم اختي ان لولا اني تبت من هاالحركات ولاكان صارشيء ثاني
واحمدي ربك انها وقعت بيدي
وشوفي صحباتك وتاكدي منه
نهي وكانها تذكرت شيء : يمكن انك كذاب ....وش الدليل انك صادق
خالد : لك حق بس اذا جولك يستقبل رسائل ووسائط راح ارسل لك الصور
نهى : ايييييه ارسله
خالد لحظه : ويرسل الصور الثلاثه مع الارقام
نهى وهي تقفل الخط بوجه وطالع بصورتها وتصيح
هيا : ياويلي ..... خليني اشوف صورتي ..... لو عرف نايف والله غير يذبحن
نهى وهي تمسح دموعها : مين .... مين هذي الحيوانه الي صورتن
ولا.... لا.... ومعطيته ارقامنا بعد
هيا : والله مدري ...... مدري
نهى: مافي غيرها ....... اكيد لمى
هيا : وهي طالع فيها بنص عين : وش هاالغباء ......البنت الي صورتنا حتي لمى ماسلمت
منها وقبل هذا ارقامنا ماهي عندها و حرام تظلمي الادميه
نهى وهو يزيد صياحها : اجل مــــــــــين
هيا وعيونها حمر من البكي : وانا وش دراني
نهى وهي تعد على اصابعها مافيه احد غريب اعطيته رقمي
انتي.....ودينا ..... ومرام ....... ونوره .....
وهي تلتفت على هيا : معقوله ....نوره
هيا : هااااااه ..... والله مدري ......
نهى : بس نوره كلنا نثق فيه
هيا : وليش الثقه ....... مافي غيره
ويقطع كلامهن اتصال
نهى تطالع بهيا وطالع بالجوال وترد
خالد :اسف اختي بس حبيت اوضح لك شيء
انك ماتتسرعي وتظلمي احد
نهى وهي معصبه : وش تقصد
خالد : يعني لو اقدر اجيب لك صورت الي صورتك كان بس
انا ماعندي صورتها واوعدك اني راج اجيبها لك ......بس اذكر ملامحه
نهى : مين صورتها....... هي مهبوله تصور حاله
المتصل : لاماهي مهبوله ..... بس غيرها مهابيل
نهى : وش تقصد بكلامك ......وقولي ملامحه
خالد وهو يتامل صورة نوره : الي اذكره انها ....وسكت شوي .....انها طويله وجسمها مليان شوي ....واممممم
نهى : وش هالملامح..... كل البنات كذ
خالد وهو يبتسم : وش يدرني ...... صح شعرها مصبوغ بغجري اونصه مدري عن خربيطكن
نهى بصوت تعبان: وش كمان
خالد : والله مدري ياختي اذكر البنت زمان
بس صح يوم تضحك تطلع لها غمازات
وهي تتمنى ان الارض تبلعها ولاتسمع هالكلام: انت صادق بالي تقوله
خالد يابنت الحلال من الصبح اكلمك واخرتها تكذبي ....... بس العتب ماهو عليك العتب على الي
يدور مصلحتك
نهى : وش يدرني انك دور مصلحتي .... وش معنى ان
خالد شوفي يابنت الحلال .....ايش معنى انتي .... مدري بس انتي لاتعرفيني وانا مااعرفك
والي يخليني ادور مصلحتك شيء واحد لاغير
نهى وهي مستغربه : وش هالشيء
خالد : والله ماراح تفهميه .... بس ايش اسوي اتكلم ...... انك تذكريني بواحد غالي علي
نهى وتنفخ من الخوف : ومين هالغالي
خالد : ايش فيك تنافخي ...... وحتى لو اقول ماراح تعرفيه
نهى : لا..لا...يمكن اعرفه
خالد الله يطولك ياروح : .... امام مسجد حارتنا .... ارتحتي
ويلا مع السلامه
نهى : طيب لحضه ياخوي ماعرفة اسمك
خالد : مااظن له داعي .......معاك خالد .....
وقفل السماعه من دون ماينتظر رده
نهى والدم جمد بعروووقا و طالع الجوال
معقوله.... يكون هو؟...؟؟...؟؟؟....
.....
.....
ناصر في هالوقت قام من نومه وماكان عارف ان في احد في البيت "ولبس وتكشخ وتعطر
وطلع من غرفته
وهو ماشي التفت على وراء شاف غرفة مرام الاضاءه شغاله والباب مفتوح
ودخل
في هذا للحظه ندى ماسكه المجله وتقر ومانتبهت الا بخيال رجال قدامه
نزلت المجله والتفت وهي ترفع الخصله الطايحه على وجها وراء اذانه
وقف نفسها..... ووقف العالم معاها....
وتلاقت العيون ..... وابت الاتتكلم
ناااااااصر
قالتها بصوت شبه مسموع
ناصر الي ماهو مصدق نفسها وكااااانه في حلم
وبصوت متقطع : مين..... ندى....ولا نه
ندى وهي تلتفت يمين وشمال ودور شيلته
ناصر وهو يقترب منها اكثر
نـــــــــدى
ندى رجعت على وراء واول مررره تخاف من ناصر
ندى وبصوت مليان بكى : وووششش تبي
ناصر ويحط يده على فمه : اص....ولاكلمه
ندى وتصدم بالجدار : نااااصر .... وضمت يدينها على صدرها وغمضت عينها بقوة لما شافته
يقترب منها اكثر
و
و
و
طاااااخ
فتحت عيونها وطالعت ناصر معطيها ظهر وطالع
طالعت الارض وشافت "صرصار" ميت
وع وش هذا ....ومن وين طلع
اخذت نفس .......الحمد لله
دينا الي انتبهت لناصر لما نزل والابتسامه ماليه الوجه
وبسرعه طلعت لندى
دينا بنظرات شك : وش فيك ..... صار شيء
ندى حطت يدينها على قلبها وتحاول تهدي نبضات قلبها الي خافت تفضحها: لا....لا بس
طالعي على الارض
دينا وطالع الارض وترجع وطالع ندى : اشوفك صرتي تذبحيهن وماتخافي منهن
ندى ارتبكت : .... اصلا ومن متى انا اخاف منهن
دينا وكانها فهمت الموضوع : طيب عمتي تنادي عليك
ندى : خلاص انا نازله
...... ......
......
قفل خالد وهو يضحك على غباء نهى
عمر: وش فيك تضحك ضحكنا معاك
خالد : ...... مسكينه بسرعه صدقت
عمر بحيره : والله ماندري مين المسكين انت ولاهي ..... سكت .... ورجع كمل
......نفسي اكذب قلبي.....
خالد بخوف واستغراب : وش تقصد....... ماني فاهم
عمر : انت فاهم وش اقصد ...... ويلا ترانا اتخرنا على الشباب
...... .......
.......
دينا جالسه بغرفتها اليوم حست بملل فضيع فضيع ماهوكالعاده
نزلت تحت وكانها دور احد يسمعها وتسمعه
احد يفهمها وتفهمه
دخلت المطبخ وفتحت الثلاجه وبعدين رجعت وسكرته
تنهدت بعمق " والله حتى الاكل مالي نفس "
طلعت الصاله ودارت البيت كله وهو متظايقه
واخير
شافت الباب انفتح فرحت من قلب
دخل ناصر البيت
ناصر : السلام عليكم
دينا :وعليكم السلام
ناصر وهوطالع غرفته اذا حابه تروحي عند مرام تجهزي بعد المغرب اوديك
دينا وهي طايره من الفرحه : خلاص انتظرك بعد المغرب
ناصر ويرجع لها : صح من كان عندكم امس العصر
دينا : عمتي ...... عمتي ام نايف
ناصر : بس ..... محد معاه
دينا : وحد من بناته
ناصر بقهر من حركتها : ومين هي
دينا بضيق : ومن غيرها .......ندى ....
ناصرولع من دينا : وش فيك تقوليها من دون نفس
خافت دينا من ناصر وبلعت ريقها : هااااااه لابس طفشانه
طلع ناصر غرفته
وبقت دينا في الصاله
نزلت دمعه من عينها على حاله
لمتى ..... لمتى وانا اعيش كذا ياليتني اموت وارتاح
مليت من حياتي
مريم بالعافيه تجي عندن
ومرام الي يكون بعونها مع حملها الاول
وعيال عمي كل واحد منشغل بحبيبة عمره
وانا ....... انا ايش
ليييه حياتي كذا.....لييييه انا تعيسه
ليييييه مااكون مثل خلق الله احب وانحب
وهي تهز راسه
لالالالا يادينا انتي جربتي الحب مره وحده
وذقتي الويل من كاااااسه
بس انا اقسمت ان قلبي مااسلمه الا الي يستحقه
ضحكت على نفسه
ومين الي يستحقه ....هااااااه .....قولي وش فيك سكتي ......
جى على بالها احمد اخو وفاء
وتذكرت اهتمامه فيها يوم العزء
وسكتت يمكن يكون اح
وبببببببووووووووو
طارت من مكانه وهي تحط يدها على قلبه
بسم الله الرحمن الرحيم
ياسر وهو يضحك : هههههه ههههه خفتي صح
دينا الله يسامحك كم مررره قلت مايجوز ترويع المسلم
ياسر : خلاص تووووبه وان شاء الله مااعوده
دينا : نفس الكلام كل مره
ياسر : لالالا المره هذي غير...... وامسحيها بوجهي
دينا بضحكتها المعتاده : نشوف اخرتها معاك
ياسر : بلا دلع فاضي وتراني ميت جوع سوي لي حاجه اكله
دينا وتعودت تكلمه بدون أي تكلف على عكس ناصر : ياااااسلام يقولون فاتحه مطعم هن
ياسر : الله يسامحك ..... هذا وانا راحمك وجايب جهاز الكمبيوتر لك
واقول حرام خليها تستأنس
دينا : اييييه كل العاده تقول اجيب لك الجهاز واخرتها تضحك علي وما اشوفه
ياسر : لاالمره هذي صدق والجهاز بالسياره
دينا : والله ..... احلف
ياسر:.......ايييييه وروحي سوي لي شيء اكله على بال مانزل الجهاز لك
وطلع ياسر وراحت دينا تجهز اكل له
...... ..
.......
دخل البيت وهو طاير من الفرحه
اخير البنك وافق يقرضه ..... راح اشتري فله كبيره .....وسياره اخر موديل
وراح نسافر......وووو مرام تقطع تفكيره
مرام : الي ماخذ عقلك يتهنى به
فهد بتسامه : الله يهنيه ....صح
مرام بدلع وغيره : لا ان شاء الله مايتهنى ق
فهد ويحط يده على فمها : حرام تدعي على روحك
مرام : ايييييه تعرف تلعبه
فهد ويمد لها بالاوراق : باركيلي وافق البنك اني اخذ قرض
مرام : على البركه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك