رواية اكرهك واحبك ولا ابيك وابيك -3
فواز بتعجب : وشوو .... ماتعرفين غسان من ؟؟ اللي خاطبكغنادر : وييع الحين اللي خاطبني غسانوووه الخبل
فواز بعصبيه : وجع غنادر وشو الخبل .. وش شفتي منه انتي
غنادر بدموع : لا مابي مابي ليش ماقلت لي انه هو ايه هو صاحبك من زمان اكيد قلت له زوج امي وش يسوي فيني وطلبت منه يتزوجني ليش كذا يافواز ليييييش؟؟
فواز وقف بعصبيه : غنادر لا تعصبييييني زياده .. صدق ماتنعطون وجه انتم .. المهم ملكتك بعد اختباراتك على طووول يعني بعد اسبوع وثلاث ايام وطلع واخذ الباب وراه
لييييييييش كذا يافواز انا ادري كل اسرارنا عند صديقك ذا اكيد متشفق علي عشان زوج امي وش يسوي فيني قال يلا بتزوجها حرام مسكينه ولا بعد يمكن من فواز طالب منه ايييه طفش مني .. بس هين ياغسانوه والله لكدر عليك عيشتك هييييييييييييين!!
جاني فواز وقالي ملكة غنادر بعد اسبوع وثلاث ايام يعني اول ماتخلص من اختبارتها على طول ملكتها ... عادي ملكه مو مشكله بس الله يعيني عليها لاني انا اللي بشتري اغراضها هي اكييييد ماراح ترضى تشتري شي وقالي بعد انها اول مادرت ان زوجها غسان سوت مناحه الله يعينه الرجال عليها بس شكله بينتحر هههههه والله عنيده هالغنادر وذا ملكت شي ماتتركه لو بالموت يعني بصعوبه راح تتقبله بحياتها ويمكن يطلقها بعد او بيتحملها يارب يتحملها والله غنادر ماتستاهل تكون مطلقه مع اني ادري انها تتمنى الطلاق اعرفها خابزتها وعاجنتها بعد
دخلت علي شذى وقطعت حبل افكاري
شذى : هاااي
دانه : هلا شذى
شذى : صدق الخبر اللي سمعته ولا اشاعات؟؟
دانه باستهبال : لا كذبة ابريل
شذى : هه هه ماتضحك , لا جد غنادرووووه مخطوبه؟؟؟
دانه بضحكه : توك تدرين؟
شذى بعصبيه مصطنعه : لاوووالله وشو تنطزين ؟؟ جدتي مارضت فواز يعلمنها الا هالحييين ليه كذا والنذله غنادر ماقالت لنا مسويه فيها مستحيه هههههه عن اذنك بروح لها
دانه بضحكه : يااووويل غنادرمنك
بعد ماطلعت من عند دانه اتجهت لغرفة غنادر
فتحت الباب بعصبيه متصنعه
شذى : غنادررررررررر نذذذذذله ليش ماقلتي لنا؟؟؟؟؟
غنادر بصدمه : عن اييييش؟؟
شذى : عن خطبتك؟
غنادر بضحكه : هههآي وش اسوي طانت موب راضيه قالت لاتقولين لاحد
شذى : وحنااا احد؟؟
غنادر : اجل؟
شذى ماقدرت اصبر ورحت لها وبستها على خدها : مبروووووووك
غنادر بتكشيره : على شنووو غاصبيني ترى
شذى "قالي فواز" ضربتها على كتفها : اقووول بس بكره بتحبيه اد البحر
غنادر : وووع ووع احب مين غسانوه الخبل
شذى ماقدرت امسك حالي : ههههههههههههههه حرام عليك هذااا زوج المستقبل
غنادر : اقوول لا يكثر بس
شذى "ماينفع معها اكبر عنييييده" : يلا بس اجتهدي وذاكري عشان تفتكين من زوج امك الحقير
غنادر بفرحه : وهذا اللي هامني
شذى : ايييييوووه ابيك كذاا ياحلوه يلا انا بروح اوصل الخبر لوعد ونوف ههه
وطلعت من عندها
بعد ماطلعت شذووويه جوني وعد ونوف باركولي اففففف احس هم على قلبي شكرتهم فديتهم عسل دقيت على ديوومه وسألتها بتداوم بكره اسوي روحي مادريت انو فيه اختبار انهبلت ههه لان الساعه 11 بالليل قالت يووه ماذاكرتي ومن هالقبيل سسويت حالي منصدمه والله مادريت و...إلخ بعدين قلت لها امززح قالت خرعتيني يا الخبله وسكرت جوالي ونمت استعد لبكره اول اختبار !!! الله يسهل
&&&
مر هالاسبوع والثلاثة ايام ومافيه جديد اختبر واجي واليوم آخر اختبار لي خصلت منه ماحسيت الا ودانه عندي
دانه : مبرووووك نهاية الهم والغم
غنادر : وبعده الكدر افففف
دانه : تعوذي من ابليس , شوووفي تراني شريت لك فستان ملكتك والاكسسوارات تبعه والبوت تبعه عزكم الله
غنادر : ليش تعبتي روحك عندي فستان
دانه : مادريت
غنادر : ايه فستاني يوم عرس بنت جيرنا
دانه فتحت عيوني بصدمه : مهبووووله انتي ؟؟؟ حسبالي تقولين شريت ؟ لاياقلبي لازم فستان ملكه خاص
غنادر بطنازه : هههههاي قالت شريت قالت لمن غساانووه اشتري توكلي انتي ويااه بس
دانه بعصبيه : غنادر وبعدين....!!!!!!!!
انتهى الجزء السادس
توقعاتكم وش بيصير بالملكه؟؟؟
شوكرآ لـ سموكم لآ تبور
دودي وآلله صآآدقهـ آسم ح‘ـلوو وغريب وآنآ آحب آلآسمآء آلقليله والغريبه بس آلنآس هييييك ‘ يبون ريمآس
و.....إلخ بآلعكس آلآسمآء آلغريبه آحلى وآروع..!
الجزء السابع
غنادر : ولا قبلييييييين
دانه : اقوول بس لا تكثرين هرج روحي نامي الناس اول مايجون ينامون وانتي جالسه
غنادر : داخله علي ومزعجتني وتقولين نامي؟؟
دانه : انا ازعجتك؟؟ انا جيت اقول لك بسسس ,, يلا يلا نامي عشان بالليل ماتكونين تعبانه
وتغمز لي بعينها : عشان تشوفينه ههههههه
غنادر : براااا براااا
طلعت وسكرت الباب وراها اففففففففففف احس اني الحين جد كرهته وكرهت كل حاجه فيه تصدقون للحين ما استوعبت ان غسسسان هو اللي خاطبني ابد ماطرا علي اووووف لو داريه كان رفضته لا تقولون ليش ادري بفواز هو وياه مايغبون عن بعض تلقون فواز اللي قاله يتزوجني واحسافاه يا فواز...
رحت في نوومه ونسيت احط جوالي على المنبه ماحسيت الا وشذى تصحيني
شذى : يلااااااااااا غنادر قوووومي
غنادر بتعب : هاااه شفيك الساعه كم؟
شذى : ماصحيتي قالت جدتي تعبانه خليها تنام لما تصحى من روحها بس ماقمتي والساعه 5 ونص المغرب باقي ساعه ويجون
غنادر : من اللي يجون؟؟
شذى : يؤؤؤ المفروض ماتنسين اهل خطيبك
غنادر "اووف هذولا شلون راحو عن بالي" : اييييييييييييييه والله خلاص قمت
شذى : يلا بسرررعه
قمت ورحت للحمام عزكم الله تروشت ولبست الفستان اللي جابته خالتي دااانه اول مره اقول خالتي هههههه
احسه ناعم وحلوو موب منفووش عاجبني بس قصير لفوق الركبه بشوي عاادي حررريم ههههه
لبست الاكسسوارات تبعه والبوت عزكم الله ماحسيت الا ودانه تقولي
دانه : يلا تعالي لغرفتي
غنادر باستغراب : لييه؟
دانه : اووه نسيت اقولك دقيت على الكوافيره عشان تحط الميك اب وتسوي تسريحتك
غنادر : لييييييش؟؟؟ عادي انا اقدر اسووي اعرف ماله داعي المصاريف
دانه : اقووول انطمي بس وتعالي
غنادر : اففففففف ياربي علي انفذ ووبس
اتجهت لغرفة دانه ودخلتها سلمت على كوافيرتنا نعرفها من زمان حبوووبه سوريه اسمها سولاف
سولاف : مبروك حبيبتي
غنادر ابتسمت : الله يبارك فيك
سولاف : شووو ؟ في بالك شي ولا حابه تسريحه هيك جديده
غنادر : لا ابي تنعـيـ....
قاطعتني دانه بعصبيه ههههه الظاهر انها داريه اني بقول تنعيم : لا سويلها تسريحه جديده من هاللوكات الجديده
غنادر : وشووووو اللوكات الظاهر تبيني اصير مهرج
شذى و وعد ونوف : ههههههههههههههههههههههههههه
دانه بضحكه : ووووجع لوك يا المتخلفه يعني شكل جديد
سولاف : من عيوني
حطت ميك اب جالكسي مع اني مو من المعجبين فيه واحسه كثيير وسوت تسريحة البوف ومن تحت كأنه مجعد
طالع روووعه على شكلي الصراحه اعجبت بشكلي بسم الله علي طول عمري حلوه حتى يوم كنت ادرس كان عندي معجبات كثير احم احم هههههه
شذى ودانه ووعد ونوف : واااااااااااااااااااااااو
باستني دانه على خدي : طالعه حلوووه سم الله عليك
غنادر بخجل : تسلموووون
دخلت جدتي وقعدت تسمي علي بـ : ماشاء الله تبارك الله اللهم صلي على محمد وباستني على راسي الله يوفقك يابنيتي
غنادر بست جدتي على راسها : موب احلى منك يابعد هالدنيا
الجده : اقري عل نفسك ياحبيبتي
غنادر : ان شاء الله
الحين صار دور البنات قعدو يستشورون وانا جالسه اناظرهم اهم شي عندي افتك من زوج امممي اففففففف وما ابي امي تجي تفكني منها ادري بتتكلم بكلام ماينقال ابد
الساعه الحين 7 بالتمام ماحسيت الا صوت الجرس
شذى : هههههههه قلبك يسوي حفله طبووول ههههههههه
غنادر : حمدلله والشكر ليه؟؟؟ اقولك انا خلقه ما اهتميت
وعد بتعجب : من جدك غنادر؟؟
غنادر : لا من عمي ههههههههههه
التفتت عليهم نوف وهي تقول : لا وتنكتين بعد اخس على الرواقه
دانه : هي كذا دايم مرحه بس لاجاء وقت الجد تنسى هالحركات وبنظرات تهديد ضحكتني قالت : صح ياغنادر
غنادر بضحكه : ايييييييييه فكورس بعد
راحو البنات يسلمون عليهم وانا جالسه هنا اففففففففف ماتعودت متعوده اي احد يجي عندنا اول من يسلم عليه انا ههههههه عن جد رايقه انتظرت انتظرت انتظرت بعد 15 دقيقه جتني دانه
دانه : يلا روحي للمطبخ اخذي العصير وجيبيه وسلمي على امه بالاول بعدين اخته ثمن بنات اخته التوأم
غنادر : وانا وش دراني عنهم؟؟
دانه : امه اللي بجنب جدتي واللي بجنبها اخته اما بنات اخته التوأم بين اشكالهم وتراهم جالسين عند شذى
غنادر : اخسسس ياشذى من الحين بدينا بالتعارف
دانه : ههههههه يلا بس عجلي
غنادر : خلاص افففففف
رحت للمطبخ واخذت العصير واتجهت للصاله وانا موب خايفه ابد وما اعطيت للموضوع اهميه نزلت العصير على الطاوله وشفتهم وقفو سلمت على امه اول
: ياهلا بغنادر هلا والله بالحلا كله شلونك يمه؟؟
غنادرباحراج : تمام الحمدلله
لفيت على اخته وسلمت عليها
: اهلين غنادر شخبارك؟
غنادر بابتسامه : الحمدلله
جيت اروح لهم التوأم بس جوني احسهم عسل
سلمت عليهم وجلست بجنب جدتي
تكلمت اخته : ماتعرفين اسماءنا؟
غنادر باحراج : لا والله
احس دانه تفشلت ونزلت راسها ماااالت عليها احسني استحيت من حركتها هههه
: انا اخت غسان بشرى وهذي امي فوزيه وهذولا بناتي شموخ وشهد
غنادر : تشرفنا
بشرى : تسلمين من ذوقك
قعدو يسولفون بسوالف انا في غنى عنها سوالف حريم بعد شوي جتني دانه
دانه بهمس : تعالي ابيك
رحت معها شفتها تتجه لمجلس الرياجيل اييييييه بتقول بيشوفك هييين
دانه بابتسامة خوف : بيشوفك
وااااي ضحكتني دانووه شكلها خايفه مني تحسبني بصارخ واسوي مناحه بالعكس بسكت وبطلع عيونه : طيب خلاص
انتهى الجزء السابع
ميرررررسي قدن ع آلردود آلحلووهـ ~
سوري ع آلتأخير :/
الجزء الثامن
مدري مع اني ماهمني الا اني احس اني مرتبكه شويه هههههههه لو تدري شذى تفطس علي ضحك جاني فواز ودخل قبلي وهو يهمس : يؤ يؤ غنادر مستحيه هههههه
غنادر بقهر : من ايش استحي حمدلله ادخل وانت ساكت
فطس ضحك فواز : هههههههههههههههه من عيوني
دخل ودخلت وراه ومن دون ما ارفع راسي شفت ثوب ابيض بطرف عيني اكيد هو رحت في زاويه بعيده وجلست
شفت فواز جاء وجلس بجنبي بهمس : شفيك منحاشه ماراح ياكلك
غنادر بقهر : اقول بس عض على لسانك
فواز : ههههههههههه
سمعت صوته وعععع ياكرهي له ذا الآدمي
غسان : كيفك غنادر؟
غنادر بطفش : الحمدلله
غسان حسيت انها طفشانه بس ماهمني : وكيف جامعتك ؟ ...
غنادر : الحمدلله
غسان : ماودك تسألين عن اخباري؟
غنادر : مايحتاج الكتاب بين من عنوانه اشوفك قدامي مافيك شي ليش اسأل ؟
غسان "ياطووول لسانها الله يصبر" ابتسمت مجامله : تامرين على شي انا بروح؟
غنادر بزهق : لا شكرااا
غسان كتبت بورقه رقمي وحطيتها قدام الطاوله اللي جالسه عليها : هذا رقمي مع السلامه
فواز : الله معاك وطلع معه
افففففففف هم وانزااااح ياثقل دمه وعععع مسوي عاقل ياكرهي له
اول ماطلعت نطت شذى ومعها وعد ونوف ودانه عندي كيف شكله حلو ولا لا ؟ قلت شيفه هههههههه يعني موب حلو
بس الصراحه هو وسيم بس ماهمني الجمال ..
دانه تغمز بعينها : هاااه خقيتي؟
غنادر : يخسي
شذى ماقدرت تصبر انفرطت ضحك : ههههههههههههههههههههههههههههه ياقلبي ياغنادر بكره بتخقين جد
غنادر بتحدي : نشوووف اهله طسو معه؟
وعد : اكيييييد بيروحون وياه
غنادر : فكه
نوف : الله يهديك غنادر وش هالالفاظ والله انهم عسل
غنادر : هم صح عسل بس هو وعععععع يقهر
نوف : ههههههههه كره ماقبل المحبه
غنادر : اقووول سقيها بس انا وش مجلسني عندكم بروح انام احسن لي تصبحووون على خير
رحت نمت ماصحيت الا على جوالي الساعه 9 الصباح قمت اخذت شور ولبست قميص قطني تحت الركبه بشوي
نزلت شفت جدتي بست راسها وسألت عن احوالها
الجده : وش سويتي امس بعد الشوفه
غنادر "ما احب اتكلم عند جدتي" : الحمدلله
الجده : الحمدلله , الله يوفقك يابنيتي
غنادر بابتسامه : الله لايحرمني منك ولا من دعواتك
الجده بحنان : يابعد كل هلي انتي
وضمتني لصدرها فديتها جدتي والله ما احس بأحساس الامومه الا عندها
شذى : صباااااااح الجوري
الجده بابتسامه : صباح الخير بشوفتكم ووالله
شذى بابتسامه : يابعد هالدنيا يا جدوووده اخبارك اليوم؟؟
الجده : الحمدلله على كل حال وانا جدتس
شذى : هااه وش صار بعد امس اكيد سهره لليل بالجوال هههههه
غنادر : ايه ماتصدقين لو اقولك ماسكرت الا الفجر
شذى " ادري تطنز وماتبي توضح عند جدتي ياكبر عنادها هالبنت" : المهم ماقال متى زواجكم؟
غنادر : لا
دخل على كلامنا فواز
فواز : السلام
الكل : وعليكم السلام
فواز : كيفك يايمه
الجده : بخير الله يسلمك فطرت؟
فواز : ايه مع اخوياي
الجده : حنا مافطرنا ارسلت الخدامه تجيب الفطور افطر معنا
فواز : لا والله شبعت ,, الا ياغنادر ترى غسان كان بيقولك عن الزواج امس بس نسى
غنادر " الله ينساه" : متى؟
فواز : بعد شهر
غنادر بصدمه : بدرررري؟؟؟؟؟؟؟
فواز : لا يمديك
غنادر " ماحبيت آخذ واعطي عند جدتي يمكن تشك وعاد فواز مايسلم بس هين انا اوريه والله لاخليه يرجعني من اول يوم لي معاه"
شذى : عاااادي انا وانتي ودانه نروح للسوق ونشتري لك اغراضك من هالاسبوع
غنادر مارديت عليها : .........
شذى : تسمعين؟؟؟
غنادر شفت جدتي نتاظرني افففففف : ايه خلاص
وقمت وانا معصبه رحت لغرفتي شفت رساله من ديومه "يعني اذا جت اجازه تقطعين؟؟"
والله مالي خلق ارد اففففف برد عليها وقت ثاني لو تصدقون امس ما اخذت رقمه من على الطاوله وقلت للشغاله
تكب الورقه بالزباله عزكم الله هاوشني فواز واخذتها مضطره ونطلتها انا بنفسي ههههههه مابقى الا ذي آخذ رقمه يخسي
مر اليوم من غير احداث جاء اليوم الثاني الساعه 4 العصر
دخلت علي دانه
دانه : اشوفك فاضيه؟
غنادر : شوفة عينك
دانه : اجل يا الله نروح نشتري اغراضك
غنادر : اغراض ايش؟؟؟
دانه : تستهبلين ؟ زواجك مو بعد شهر؟
غنادر : مالي خلق روحي انتي وشذى ذوقكم يعجبني
دانه ترفع حاجبها : براحتك
وطلعت .. عن جد مابقى الا ذا اروح اشتري له يخسي ملابسي ذي بلبسها واللي يجبونها يلبسونها هم بس اسكتم وحتى لو ماملت عينه اصلا هو مايملا عينه غير التراب اكرررررره من قلبي
انتهى الجزء الثامن
توقعاتكم؟؟
الاجزاء اللي كاتبتها من زمان هذي ووبس . الجزء التاسع موب جاهز بس يمكن اكتبه اليوم وبكره ويمكن لا :/
بمنآآآسبـة آلآجـآزهـ آلموقرهـ ^^
كتبت آلييييوم بآرت لع‘ــيونكم وطويل وممتع :/
الجزء التاسع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك