رواية الا ليت القدر-34
ابتهال: الحمد لله والشكر بس...العقل نعمه بصراحه...مدى: ما عليك منها تربيتها عندي..
ابتهال: سمعتيها وش تقول؟؟
مدى: سمعت..
لانا: تتوقعين سمعوا شي..
ريماس: شكل اصواتنا كانت عاليه..
لانا ضربت وجهها: يا ويلي فضيحتي قربت..
ريماس خافت: اسكتي تكفين ترى انا راسي يعورني لا تزيدينها علي...
وشافوا ضاري نازل..
لانا : اوش...جاء الاعصار..
ضاري وقف قبال الثنتين وطالعهم بجمود: وش عندك انتي وياها؟؟؟وليش جايه متأخره؟؟
لانا: عمتي لزمت علي..
ريماس: اخبارك ضاري...؟
ضاري بدون نفس: الحمد لله...لانا قولي للخدم يجهزوا الضيافه خويي بيجي..
لانا: من هو؟؟
ضاري طالعها وهو رافع حاجب: ايش قلتي؟؟؟
لانا خافت: لالا خلاص بقولهم..بقولهم..
وطلع..
لانا: يمه قلبي...اعوذ بالله ما يعرف يتكلم بأسلوب..
ريماس بلعت ريقها:لنو...لو عرف عنك ايش راح يسوي؟؟؟؟؟
لانا طالعت ريماس والخوف ملى وجهها.:آكيد راح يذبحني..
>>>>>
فـــي الحديقــه..
مدى: بدر...لا تجي الورد...لا تخربه..
بدر وهو يجمع الورد بيده: بسوي لك هديه..
ابتهال ضحكت: الولد رومنسي طالع علي..ههههههههههههههه
الا سيارة موضي داخله..
موضي وهي بالسياره تشوف بدر يقطع الورد ويجمعه..وولعت على وردها..اللي جايبه عشانه اخصائي زراعه..ونزلت من سيارتها..
: خير ..خير..وين احنا فيه؟؟؟تعالي خذي مزبلتك وادخلي بلا قرف انتي وياها.
مدى طنشتها...
موضي: بسرعه تعالي...
مدى: خليه يلعب شوي..
موضي بتهديد: والله لا اشيله وارميه فاهمه..
مدى وقفت: انا سكت لك المره الاولى..بس المره الثانيه لا ارد لك نفس الحركه..
موضي ضحكت ضحكه عاليه: ايش حبيبتي ما سمعتك..لا تعلي صوتك على اعمامك اللي اكبر منك مره ثانيه...ولا تنسين انا العنه هنا..وانتي مجرد لاجئه كم يوم وتضفين وجهك فاهمه..
ضاري اللي كان حاضر اول النقاش..
: والله اذا صار البيت بيتك تكلمي...واطردي اللي تبين..والحين لو سمحتي ادخلي داخل عشان بيجي خويي ممكن..
موضي مشت جنب ضاري: حتى انت...راح اعملك كيف تتكلم معاي باحترام..
ضاري همس لها: شفتي اعلى ما في خليك..اركبيه...
مشى وهو يضبط "عقاله والشماغ" ...ويعدل الساعه..
واتجه للبنات: ممكن يا بنات عمي تدخلون..عشان فيه ضيف بيجي..
مدى وقفت وتوجهت للغرفه..
ابتهال اخذت اخوانها ودخلوا..
مدى: عائله متخلفه من اكبرها لاصغرها..
ابتهال: ابد مو صاحي هالضاري يرد الكلمه بعشر على امه...
مدى: ما قلت لك يحب نفسه..
ابتهال سرحت ببالها بعيد تفكر بسالفته..
&& &&
واقفين كلهم قدام الضابط ومنزلين روسهم من التهزئ..
: انتوا وبعدين معاكم..شوفوا هذا اخر انذار لكم..ولا والله بعدها انفرادي فاهمين..
كانت اشكالهم تدل على ان في مضاربه قووويه..وكل واحد ماخذ منها نصيب..
الاول: سيدي ..هم الغلطانين..
الضابط: انت اسكت ولا كلمه..
الثاني تكلم: لا جد سيدي هم اللي الغلطانين..
الضابط: حتى انت..لو انا مو عارف اخلاقهم يمكن شكيت..بس قلت لكم اخر انذااااار "وصرخ"...عسكري تعال خذهم عن وجهي..
جاء العسكري وضرب التحيه ومشوا معاه بهدوء..
رجع الضابط عينه على سلطان وثامر: وانتوا؟؟؟ ليش تتضاربون معاهم...هم راعين مشاكل مالها اول ولا اخر..
سلطان:هم اللي بدوا يتحرشون فينا..
ثامر: وهم اللي بدوا بالضرب..
الضابط: لا حول ولا قوة الا بالله..انا ما ادري متى راح ينضبطون..شكلي باخذ فيهم اجراء..على العموم..انا ابي سجلكم نظيف عشان ما يكون فيه شي يأخر طلعتكم.....يا عسكري تعال خذهم..
ونفس الشي تحركوا مع الضابط..ورجعوا ثانيه لقضبان الحديد..اللي صارت حتى على قلوبهم..
سلطان جلس ورجله كانت تألمه: آخ...حسبي الله عليهم...
ثامر وهو يمسح دم نازل من فمه: بس ما قصرنا فيهم "وابتسم"
سلطان ضحك مع انه ما فيه على الضحك من الالم: هههه اشوفك حطيت حرتك فيهم..
ثامر وهو يستعرض عضلاته: خويك ذيب..والله ما بقيت فيهم..
سلطان: واضح من وجهك..واللي تحت عينك والخوف يكون عندك سن طايح بعد..
ثامر: هههه لا يا اللي طالع منها...روح شوف وجهك بس انواع التشوهات..
سلطان: هههه آي...آآآآخ..انا على الاقل ما رزيت نفسي وقلت صفقتهم..والحقيقه اكلتها وهم كلوا مني بعد..
&& &&
فــــي القصــــر..
: يا هلا والله ومرحبا..
مساعد: هلا فيك..
ضاري: اقلط..ما حولك احد..
دخل مساعد المجلس وجلس في اخره..صديق الطفوله كاتم اسرار ضاري..صح ما يعرف خفايا ضاري الا البسيط منها...بس هو اقرب شخص له..
ضاري: اخبارك...يا شيخ زمان عنك؟؟
مساعد: والله الشغل هد حلينا..
ضاري: انا كم مره قلت لك اترك وظايف الحكوميه وتعال عندي..وانت رافض..
مساعد: لا الحمد لله مرتاح في شغلي...وعاجبني...بس انت عارف الشغل وين ما كان يهدك...
ضاري: الا معاك حق...اسألني انا...
الا بسة دانا داخله عليهم وجات عند ماسعد..
مساعد حطها على رجوله وحرك الجرس اللي على رقبتها: هذي بستكم؟؟؟"وتذكر صاحبتها لما شافها بالمول"
ضاري: لا حول الله...لحظه"واخذ التليفون وضغط رقم التحويله"...دانا..
دانا: هلا ضاري..
ضاري: تعالي خذي بستك وفكينا منها..
دانا بسرعه وقفت تدري ضاري مو دايم يتقبلها وخافت يرميها: وانا ادورها ساعه..يله جايه..
ونزلت بسرعه..ما حصلت احد بالصالات كلها..وغرفة الطعام حتى...ولا أي مكان حصلتها..
مرت الخدامه من عندها ومعاها القهوه والحلا..
: ما شفتي مستر ضاري..
الخدامه: الا موجود ادخل مجلس..
دانا: اوك..وراحت له ودخلت قسم الرجال الي اصلا كله مفتوح على بعض..
: لالي...لالي..
لالي اللي فزت من حضن مساعد وراحت لدانا..
دانا ما انتبهت للي في اخر المجلس..
نزلت تاخذ بستها: ضاري...انت..."ورفعت راسها شويه وسكتت حست ان في شخصين..يعني في احد غريب.."
:اوه سوري...
وطلعت بسرعه بدون حتى ما تنتبه او تميز الشخص اللي كان جالس جنب اخوها..
ضاري منزل راسها وما يدري ايش يقول..بس باين انه عصب شوي..
مساعد صح اول ما سمع الصوت الناعم رافع راسه غصب عنه..بس اول ما لمحها نزله..
حاول يغير السالفه: ايش صار على مشروعك الجديد؟؟
ضاري اللي انقلب مزاجه..بما انه من الناس المزاجيه..يعصب بسرعه وما يروق كمان..
وفهم ان خويه يبي ينسيه وسلك معاه بالسوالف...
>>>>>
دانا طبعا طلعت ولا كأن شي صار...راحت فوق من جديد تدور امها..دخلت غرفتها..شافتها رايحه جايه..
: مــــامي..
موضي موصله معاها:انا خلاص...ما عاد اقدر اتحمله اكثر من كذا...
دانا استغربت: مين؟؟
موضي: اخوك ضاري..
الا بدخلة لانا: وانا بعد..ما عاد اتحمله..تغير علينا بسبب بنات الفقر..
دانا: بس انا ما لاحظت انه تغير علينا..بالعكس احسه تغير للاحسن..صار يتكلم معانا..ويضحك شوي..انا طول عمري ما شفته يضحك اقصاها ابتسامه...
لانا: مو عشان بنات الفقر يضحك..بس مستحيل يضحك لك..
موضي: انا ما همني يتغير ولا لا..اهم شي يحترمني وما يرفع صوته علي...
لانا: الا ماما بجد ليه ضاري كذا...بعكس ولد الغربه دايم بحضنك..ومعاك..
موضي حنت لولدها: يا ليته يرجع ويفكني منه..هو اللي يقدر عليه..
دانا: انا عني ضاري احسن..
لانا: لالا ا نشا الله ما يرجع..ماما نسيتي ايام المشاكل ما نبيه يرجع...
موضي: الا خليه يرجع وياخذ حقي اللي ما خذاه ابوكم لي..انا ما عاد اقدر اتحمله بروحي..
دخل ابو ضاري...
: وش عند البنات مجتمعين بغرفتي؟؟؟
لانا ودانا راحوا لحضن ابوهم: قلنا نجي نشوفك..
حمد: انتي يا لانا ما شفتك اليوم..
موضي لفت عليها: ليه وين كنتي؟؟
لانا: كنت عند عمتي..
موضي تذكرت اخر لقاء بينهم كان هوشه: اهااا
حمد: يله ننزل للعشا...ترى ابوكم ميت جوع..
البنات مشوا مع ابوهم وكل وحده بحضنه من جهه..
دانا: يخسى الجوع دادي..
موضي تطالعهم من ورى: مالت عليهم..
ونزلوا لصالة الطعام..
>>>>>
في غرفة الضيوف..
:مدام..مستر حمد يقول عسا..
ابتهال وهي كاتمه الضحكه..: عسا !!...مدى يله عسا..
مدى: أي عسا؟؟؟
ابتهال: عشاء..عشااااء هههههههههههههه
مدى: هههه طيب ثواني بس...
بدلت ملابس اخوانها من بعد اللعب ولبستهم لبس نظيف بس من ايام ما كانوا في بيتهم الاول..
وطلعوا مع بعض...وهم بطريقهم للغة الاكل صادفوا ضاري طالع من قسم الرجال...
محد كلم الثاني...بس مشى معاهم..
ودخلوا مع بعض وجلسوا..
لانا لما شافت لبس الصغار طيرت عيونها: وآآآآي ايش هذا مررره قرقر..
مدى ما فهمت الكلمه بس تدري انها سبه..
ابتهال اللي كانت جنب لانا همست لها: قرقر في عينك..
ضاري والكل طالعوا الصغار ولبسهم..بجد كان لبسهم مررره قديم..
موضي: تكفين ايش راح يطلع منهم..
مدى غصت بلقمتها ما قدرت تبلعها..ما تدري ايش تسوي ترد عليها قدامهم..ولا تسكت وتحرق قلبها ولا ايش تسوي..
رد حمد: موضي لانا...وبعدين!!!
لانا نزلت راسها..وموضي ما زالت تطالعهم باستحقار...
ضاري رمى الملعقه: وبعدين معاكم..ما ناكل لقمه هنيه في هالبيت..
عم الهدوء المكان...واضح على ضاري انه وااااااصله معاه...
رفع راسه على دانا: وانتي الحين ليش داخله على الرجال؟؟
دانا نست السالفه: أي رجال؟؟
ضاري: مو انا محذرك الفين مره اذا كان عندي احد كل وحده تستحي على دمها شوي..
دانا: والله ما قصدت..اصلا ما دريت ولا حتى انتبهت انه موجود!
موضي: وانت لا تصرخ على بنتي..ما درت يعني ما درت.
ضاري غمض عيونه: صبر جميل والله المستعان..."وفتحها" انا اكلم دانا..
حمد صرخ فيه: ضاري!!!
ضاري: يبه انت عارف طبعي...شغل حركات برى مو عندي..
حمد: خلاص ما انتبهت..
ضاري وقف: الحمد لله...سديتوا نفسي شبعت هم..
الكل طالع ضاري وهو يطلع من الغرفه...ورجع الهدوء يعم المكان بس الكل وقف اكل..
مدى وابتهال قلوبهم دقت من الخوف...ايش هذا بجد متوحش..
حمد رمى الشوكه والسكين: الله يهديك..لازم تنكد الجو..
موضي: اصلا من متى ولدك صار هادي ..دايم مولع...
لانا: الله العالم من غيره علينا وقلب مخه.."وطالعت مدى بحاجب مرفوع"
مدى اللي قفلت معاها: دامت...الحمد لله ,.."راحت"
ولحقتها ابتهال واخوانها..
والبقيه كلهم تركوا اكلهم وقاموا..
دانا ما زالت مستغربه: طيب انا ما دريت وش فيها؟؟؟؟
&& &&
صبـــآح يـــوم جــديــد..
مسكت موبايلها واتصلت عليها...من زمان عنها واشتاقت لها كثييير..ونفسها تحكي لاحد يفهمها..
: السلام عليكم..
: وعليكم السلام والرحمه...هلا والله وغلا...اريام لالا ماني مصدقه..
اريام: لا صدقي...اخبارك منور وكيف الدنيا معاك؟؟
منار: الحمد لله كل شي تمام انتي طمنيني عنك...اخبار عريس الهنا..؟
اريام ابتسمت بأسى:عريس الهنا!!..الحمد لله بخير..
منار حست ان فيها شي: اريام فيك شي...ولا سامي صار عليه شي!!!!
اريام وهي تلعب بطرف البلوزه اللي عليها وتحاول تداري عبرتها:طلعت نتيجة التحليل....
منار: أيــــــوه..
اريام: ما ينفع معاه العلاج..الدكتور يقول تأخرتوا كثير"وبكت" كله مني يا منار...انا السبب انا اللي اخرته..
منار: لا حول ولا قوة الا بالله....استهدي بالله يا اريام وقل"لن يصيبنا الا ما كتب الله لنا" صدق الله العظيم..وهذا نصيبه يا اريام بك اوبدونك هذا المكتوب له...بالعكس قوي ايمانك بالله واحتسبي اجرك...وفكري انك لو ما حصلتيه بدنياك..ادعي ربك يجمعك فيه بالجنه...اريام العاقله الفاهمه تقول كذا !
اريام وهي تمسح دموعها اللي صارت سلاحها الوحيد : غصب عني...والله غصب..انا سامي كنت اتمناه بأحلامي بس..ولما حصلته طار..بسرعه طار..
منار: اذكري الله يا اريام..ولا تكوني ضعيفه..انتي اقوى من كذا..وهذا بلاء واختبار لك..ربي يبي يشوف قوة صبرك وأيمانك...وبعد صبره وايمانه..يعني هو اكيد اكثر الم منك..
اريام: ما بعد عرف بشي..
منار سكتت شوي....وبتردد: وما راح تقولين له !!؟؟
اريام بتفكير: لو اقوله..راح يوقف علاج..انا ابيه يستمر فيه..
منار بعقلانيه: اريام حبيبتي لا تغلطي وما تقولي له..لو مو الحين بعد فتره بس مو طويله..يمكن في باله شي ويبي يسويه..
اريام راحت عن بالها هالنقطه...كانت ما تبي سامي ينتظر موته باليوم والساعه والدقيقه...تبي يعيش ايامه بهدوء نفسي..
:راحت عن بالي...لا بقوله بس مو الحين..
منار: نصيح هلك من اخت وصديقه تحبك وتموت فيك..لا تضيعين ايامك معاه بالتفكير..عيشي يومك مثل أي يوم...لا تدمرين نفسك وتدمرينه معاك..عيشي معاه وكأنك لما كنتي بالرياض..وخلي الامور ماشيه تمام..
اريام: ربي يقدرني ا ن شا الله..
منار بعطف كبير: الله يكون بعونك يا صديقتي..وربي ادعي لك بالخير...يمكن كل هذا خيره لك..ما تدرين عسى ان تكرهوا شيئا وهو خير لكم..وخليكي قويه اوكي..
اريام: ربي يجزاك خير يا منور..بجد ارتحت لما كلمتك احس الدنيا خانقتني من كل اتجاه..يارب الطف بحالنا ..يارب..
منار: اللهم امين...اوك حبيبتي...اتصل عليك بوقت ثاني..بدا دوامنا الرسمي..
اريام: ا نشا الله...في اما ان الله ..
منار: انتبهي لنفسك..وفي امان الكريم...مسكينه يا اريام..طول حياتك في شقى..لكن بأذن الله ما بعد الضيق الا الفرج..
اريام راحت تشتري لها عصير وشي تاكله على لحم بطنها من امس..وصلت للكافتيريا..واشترت منها..كان الهدوء يعم المكان ولسه بدري...ما بعد بدا الدوامات بألمانيا..اخذت عصيرها وشربته وتوجهت لغرفة سامي...فجأه لفت على ورى وحست بظلال بسرعه اختفى..
: بسم الله الرحمن الرحيم...شكلي من قلة النوم بديت اتخيل..او من الجوع..
ودخلت غرفة سامي...
ورسمت ابتسامه على وجهها ..يكفي انها لحد الدقيقه هذي تشوفه قدامها..
: صبآحوا...واخيرا صحيت..
سامي وهو ماسك راسه: آخ راسي ..احسه ثقيل...انا ما احب المهدئات..
اريام اللي جلست جنبه وفتحت له علبة عصير: ايه معليش حيبي..اهم راحتك وصحتك..خذ العصير هذا وخليه يغذيك شوي..
سامي فقد كم كليوا ووضح عليه هالشي...وبدت تضعف صحته..
اخذ العصير منها وحطه بين ايديه وطالعه: اريام..ما طلعت النتايج؟؟؟؟!!!
اريام وقفت يدها عن الاكل ولسه في اكل بفمها وحاولت تبلعه بسرعه: احم..لا...لسه..
سامي تأكد الحين انها طلعت واكيد انها سلبيه عشان كذا تخبي عليه..
سكت شوي بعدين رد: اهاااا....الله يكتب لي اللي فيه الخير..
اريام صارت تشرب العصير بس: ا ن شا الله.....ان شا الله..
&& &&
في القصر نفس الروتين كل يوم ما تغير شي..الكل افطر واتجه لدوامه..
مدى اللي كانت بغرفتهم وجالسه عند التلفزيون..هالايام مره تحس بطفش فضيع..بس تطالع تلفزيون ولا مع اخوانها ولا انها تنام..على عكس ايامها اول..لما كانت تداوم..دائما الدوام يجدد النفسيه مهما كان ممل او روتينه يسبب الاكتئاب الا انك بدونه تبدا تحس بالطفش الفضيع..
سمعت دق على الباب..واستغربت من اللي ممكن يدق عليها بالوقت هذا...!!
فتحته وعليها حجابها...بس لابسه بيجامه....واستغربت
: ضـــاري!!
ضاري اللي بدون حتى ما يطالعها: ايوه ضاري...رجعت ومعاي المربيه.."ولزقت فيه المربيه"
:صباح الخير مدام..
مدى : هلا صباح النور..
: انا جانيت مربية اطفال..
مدى: هلا والله..
ضاري: طبعا ما راح تنام عندك..دوامها يبدا مثل هالوقت وينتهي على الساعه 10..
مدى تطالعها من فوق لتحت: اهلا...اهلا وسهلا تفضلي...
كانت لابسه بنطلون جينز ضييق بالمره ..والبلوزه "كات" وشويه من الصدر طالع والشعر مموج طبيعي...وجنسيتها لبنانيه..
: تسلمي لي...الصغار نايمين؟؟؟"ودخلت داخل"
مدى: ايوه نايمين..
ضاري وهو يطالع المربيه ويهمس لمدى: ان شا الله عجبتك..!
مدى وهي تطالعه :هذي بتخرب اخلاق اخواني ههههههه
ضاري طالعها وشاف ضحكتها وارتبك: لالا ..هي اوكي..
مدى: ا ن شا الله..
ضاري: انا رايح مع السلامه..
مدى سكرت الباب بدون ما تقول شي...
ضاري وهو يمشي"احس اني لو مليت الدنيا ذهب لها ما طالعت فيني بجد مغروره وشايفه نفسها"....ورجع الشركه..
مدى وهي تشوف جانيت طالعه من غرفة النوم: شفتي اخواني..
جانيت: ما شا الله حولهم..بيطروا العئل..الله يخليهن اليكون..
"وفتحت دولاب الملابس": هلأ هيدي ملابسهون بس!!
مدى بجد استحت لحد الان ما عندهم ملابس مثل الناس والعالم: ايوه..
جانيت بقرف: نو نو...impossible...مستحيل لازم يكون عندهون تياب جديده..
مدى بنفسها" حتى هذي تنقد مالت"
:ا نشا الله بنشتري لهم جاحات جديده..
جانيت: لأ..انا هلأ بتصل بمستر ضاري واخبروه.."واتصلت"..الو اهلين مستر ضاري...شي فضيع..كيف الاطفال ما عندهون ملابس ..مو معئول..طيب اوكي ...اكيد ميرسي..باي.....انا كلمتوه ألي اليوم راح ياخذنا ع المول..
مدى رمت نفسها على الكنب اللي قبال التلفزيون: تسوين خير وتروحين بدالي..
طبعا اللي ما تدري مدى عنه انه كان اتفاق بينه وبين جانيت من بعد اللي صار لهم امس والتعليق اللي جاهم على الملابس..
&& &&
بعـــد الغداء..
طلع ضاري للغرفه الخارجيه ودخل..
: اليوم بروح المول...لازم تشترون ملابس جديده..
ابتهال اللي لسه صحت من غفوتها بعد المدرسه: وانا اقول مثلك يا ضاري..ما عندنا شي..
جانيت وهي واقفه ومستنده على الجدار: اكيد بدهون...وانا بدي اساعدكون على اختيارهون كمان..
ابتهال بهمس: الحين هذي ورى ما تكرمنا بسكوتها..
مدى وهي لا يعه كبدها: والله ودي اقولها بس لولا الحياء والملامه..
ضاري: ايش فيكم؟؟
ابتهال: ولا شي سلامتك..متى نروح؟
ضاري وقف: الحين..
مدى: انا خلوني بعدين..
ضاري: تعالي اليوم معاهم..وروحي أي يوم ثاني لحالك وعلى مزاجك..
مدى خذت السالفه عناد: انا ما راح اروح اليوم..
ضاري بدا يعصب وطلع سيقاره ويتكلم وهي بفمه ويحاول يولعها: اوك براحتك...يله ابتهال استعدي.."وطلع"
ابتهال: لازم تعاند...لازم تتهاوش...وبعدين معاك يا مدى..
مدى: مالي مزاج اليوم..."وراحت داخل الغرفه"
>>>>>
داخل القصر...
دانا وهي تشوف ضاري مستعجل وهو يطلع الدرج: ضاري بتروح مكان؟؟؟
ضاري ما زال يصعد الدرج: ايوه..بروح المول مع بنات عمك..
دانا: اجي معاكم؟؟؟
ضاري: تعالي...."واختفى عن نظرها"
فرحت دانا ...وبسرعه راحت تبدل ملابسها...
وطلعوا للسياره..
دانا: وين مدى؟؟؟
ابتهال: ما جات...شكلها تعبانه..
ضاري المنقهر: ما علينا..اهم شي تشتروا اغلب اغراضكم اليوم اوك..
جانيت اوك..
دانا : من هذي؟؟؟
ابتهال بهمس: هذي المربيه الجديده...بس شنو ملقوفه..كل شي هي تعرفه وتفهمه..
دانا: ههههه واضح عليها..
ووصلوا المول..ضاري جلس ينتظرهم بكوفي...وهم يدخلون من محل ويطلعون من الثاني...
وجانيت بجد طلع عندها ذووووق خطير ومع ذوق دانا ابتهال اشترت اشياء كثيره وحلوه ولايقه عليها..
ورجعوا لضاري مهدودين..
ابتهال وهي تحط الاغراض: وه..هلكت..
دانا وهي الخدامه كم كيس: ايش هلكنا..الا متنا..
ابتهال: ههههه نفسها يا ذكيه...
دانا وهي تضبط طرحتها الشفافه: هههههه معليش مشيها لي..
ضاري: اهم شي خلصتوا؟؟
جانيت مبسوطه وما بعد تعبت: ايوه اكيد خلصنا...بس اشترينا كتير اشياء حلوه..
ضاري اللي كان طفشان وتنهد: يله اجل نرجع للبيت..
بدر ووداد مبسوطين ومعاهم حلويات وشبسات..وياكلون منها..
ابتهال: انا ميته جوع..
دانا مستغربه من الميانه القويه مع ضاري...وكأن ابتال تعرفه من سنين..او هي اقرب منه اكثر منها..
ضاري: معليش تحملوا...نتعشا بالبيت مع بعض...
ابتهال فاهمه قصده: ايوه حرام ..بعد مدى اختي تتعشى لحالها..
دانا اللي ما جابت خبر ولا فهمت شي: الا صح حرام..
ضاري مشى قبلهم ومخفي ابتسامه وحاس ان ابتهال فاهمه عليه....
>>>>>
رجعوا للقصر..
الكل توجه لغرفة الضيوف الا ضاري دخل داخل..
ابتهال وترمي الاكياس قدام مدى: ما بقى شي ما اشتريته..
دانا: هههه بجد ابتهال ما بقت شي..
جانيت: اهم شي الاولاد الصغار اشترينا اليهون وخلصنا..
وداد وبدر راحوا بسرعه لحضن مدى..
مدى الي تحسفت انها ما راحت بعد ما شافت اغراضهم: يا ليتني جيت معاكم..
ابتهال: احسن تستاهلين خلي العناد ينفعك..
دانا: ليه تعاند مين؟؟؟
ابتهال: ما عليك منها تعاند نفسها الحمد لله والشكر..
وجاتهم الخدامه:...girls....dinner..
جانيت : اوك ثواني وجايين...
مدى حطت يدها على راسها: الحين هذي ورى ما تنقلع ..ما خلص دوامها..
ابتهال: ههههههه لا يفوتك بالسوق كانها دافعه من حلالها..
دانا: ههههههه عيب بنات لا تسمعنا..
وطلعوا كلهم للعشاء..
الكل كان جالس...ولما جو البنات..واكتمل الكل..
موضي: وين كنتي دانا...؟
دانا: كنت....
قاطعها ضاري: كانت معاي..
موضي سكتت..
لانا وهي تطالع دانا : مره ثانيه..لما اقولك تجين معاي تجين..ولا ايش معنى بعض الناس..
دانا اللي توهقت فيهم: اوك مره ثانه اروح معاك..
ضاري: ايش ناوين عليه بالاجازه؟؟
لانا: نسافر..
دانا: وانا بعد..
موضي: ايوه كلنا نبي نسافر..
ضاري: طيب ما دام السالفه سفره..مع اني كنت ابيها المزرعه..
لانا: لا شنو المزرعه بالاجازه نبي نغير..
مدى وابتهال ك
أنهم خارج نطاق النقاش...ساكتين..
ضاري: اجل انا ابي اروح المزرعه الاربعاء الجاي..
دانا: انا أأيدك..
لانا: مو حر!!
حمد: لا اتوقع الجو بالليل كويس..
موضي: مالي خلق مزارع..
ضاري: براحتك سوي اللي يعجبك...لا تروحين..
موضي عناد: بس بأجي مع بناتي..
ضاري: وابتهال ايش رايك؟؟
ابتهال طالعت مدى: ما ادري شوف مدى...!
مدى انقهرت بجد حقرها كثير: براحتكم..
ضاري: خلاص جهزوا ليوم الاربعاء..
جانيت: ياي شي كتير حلو بدنا نغير جو..
الكل طالعها بنظرات مستغربه..
جانيت ضحكت: هههههه شو...ما بدكون تنبسطوا؟؟؟
دانا ضحكت: هههههه الحمد لله والشكر..
&& &&&
مرت الايام بسرعه..
سامي بدا يعيش حالته ويترقب يومه...بس بدون ما يوضح شي لاريام..وبدا ياخذ كورسات العلاج..
اريام كانت تظن ان سامي يدري..فا كانت تعاني وحدها..دايما تحال تسعده وترسم ابتسامه مصطنعه قدامه وما تبيه يقرا الحزن بعيونها..وهو مقدر لها الشي هذا..
طبعا بدت تشك بنفسها انها صارت تهلوس وتشوف ظل شخص دايم وراها...وفكرت تعرض نفسها على طبيب نفسي...
على القصر واهله ما تغير شي من روتينهم...لحد يوم الاربعاء..
>>>
الخدامات مجهزين للرحله..والكل مستعد لها...البنات راحوا مع ضاري بسيارته..ودانا قدام جنبه...
وموضي راحت هي وحمد مع السواق..
ووصلوا المزرعه..
كانت اكثر من انها مجرد مزرعه...كانت واحه او جنه خضراء قليله بحقها...كان كل شي مرتب ومنظم ومنسق على اصوله...ومضبطه اخر تضبيط..
نزلت لانا...لابسه برمودا جينز ازرق لحد الركبه..وبلوزه بيضا كات وفي رسمه بسيطه وناعمه بالوسط بالفوشي..
بعدها دانا...لابسه فستان ناعم قصير لنص ساقها سماوي..كمان نفس الشي كات..ومن تحت على اطرافه رسمات ورد باللون البينكي..
بعدها ابتهال لابسه بنطلون جينز رمادي مع تشيرت طويل لنص فخذها لونه اخضر..وفيه بالوسط اللون الاسود والذهبي مختلط مع بعض...وحجابها زيتي واسود..
مدى اللي اخذت من ملابس ابتهال..لابسه بنطلون جينز ازرق .."لو وست" وبلوزه طويله لونها فوشي..وفخمه شوي...مع حجاب فوشي عاكس عليها اللون وموردها اكثر..
جانيت تنوره قصيره لحد الركبه...وبلوزه توب سوداء والشعر نفس الشي مموج..
ضاري لابس شورت اسود..وتشيرت اسود" كات"...مبين جسمه وعضلاته..وشوز سبور ابيض..مع نظاراته طالع واو..بما انه نادر جدا انها ينشاف بغير الثوب..
ضاري قرب لهم وفسخ نظاراته..وكان الوقت غروب..
:ا نشا الله عجبتكم..
ابتهال فرحانه: واو...شي مو طبيعي..
طالع مدى وابتهال بجد تغيروا..
: حلو النيو لوك عليكم..
ابتهال ابتسمت: اله يعافي جانيت..
جانيت قربت من ضاري: تسلمي لي يا مزوئه..وانت مستر ضاري شي مررررره كووول..
ضاري حس انها تتلزق فيه ..بعد عنها...
: انا ما ادري ابوي وصل ولا لسه..."وراح"
لانا رفعت نظاراتها على شعرها: بنات حر شوي مو..
دانا: شوي ويتعدل الجو..
لانا: يارب انا ما تحمل بدخل داخل.."وراحت"
ابتهال: يبي لنا جوله هنا..
مدى: خلينا نريح...وناخذ جوله بعدين..
وداد وبدر طبعا بعادة الاطفال اكثر ناس ياخذون طلاقتهم وراحتهم في المكان...
@@
نهـــــــايه البــــــــــــــــــــارت..
بقايا شتات..
الجـــــــــزء الــــواحــــــد والثـــلآثـــــون...
أصعب شعور انك مو تحس بالالم بس..لكنك بعد تقدر تخطه وترسمه وتبنيه الم على الم...ويكون لك عالم ما يبقى فيه الا الاروآح والجثث..ورائحة الموت حولك..هنا تبدا تفهم ان الحياة بدت تبتعد عنك خطوه خطوه ..وفي يوم راح تكتشف انها راحت بعيـــــد بدون رجعه..ما اصعب هذا الشعور..لما تشوف الحياة اللي انت عايشها متمثله بالشخص اللي قدامك..وهالشخص هو روحك وحياتك وكل ما تملك من غالي وثمين..يعيش معاك نفس الالم..لكن الفرق الوحيد..انا رح ارتاح منه بيوم..بس هو بيبقى فيه لحد ما يقضي عليه بشكل مفزع..أريام حبيبتي..مهما كنتي تعانين في حياتي ابيك تعيشين بعد مماتي..ابي اعيش معاك بعد موتي حياة جديده..راح ازورك كل ليله..واجلس معاك..واحس بك..واكون حولك..واقبل شفاتك قبل نومك..وبعدها قبل لا ارحل وارجع لك من بكره..اقولك تصبحين على الف خير حبيبتي..لا تخافين حبيبتي..راح اكون معاك بفرحك ..بضحكتك..بس لما تحزني ما تاكدي اني راح اتضايق وازعل من زعلك..عشان كذا خلي حياتك من بعدي الوان..انا عشتها ابيض واسود..لكن اوعديني تعيشيها مفعمه بروح الحب..روح الحياة نبضات قلب..احساس دافي..بسمة شفافه..اوعديني يا حياتي..
سامي..يوم الاربعاء..
وسكر الدفتر مذكراته مع دخلة اريام..
:ها حبيبي ايش قاعد تسوي؟؟
سامي وهو يدخله بالدرج: كنت اكتب..
اريام وهي تطالع الدرج اللي حرص سامي على انه يسكره كويس..
:يعني كنت تكتب مذكراتك ولا ايش؟؟
سامي بتفكير: ايوه..تقريبا كذا..
اريام طالعته بنص عين وهي مبتسمه: سامي....صرت تخبي عني..
سامي طالع عيونها وغرق فيها" كيف راح اتركك تعيشين لحالك..والله صعبه عليك ..صعبه"
اريام تلوح يدها قدام وجهه: سامي...سامي وين رحت؟
سامي ابتسم لها: معاك قلبي..
اريام: وين معاي وبالك بعيد..
سامي: حتى لو بالي بعيد عنك شوي...بس تراه يفكر فيك "ومسك ايدها"
اريام طالعة سامي بحب ..بس ماهو سامي الاول اللي تعرفه..تغير كثيـــــر ..شعره بدا ينقص..جسمه بدا يذبل..عيونه اختفت منها اللمعه الحلوه...شفايفه راح لونها الوردي ومالت للبياض..ماهو هذا سامي..اللي كان فيه من الجمال ايه..ولا هو نفسه اللي اول يوم شافته فيه نبض قلبها له..
سامي: الله العالم من اللي يروح باله بعيد..
اريام ابتسمت ابتسامه باهته..لان العبره خنقتها..
كل واحد كان يخبي مشاعره عن الثاني وما يبي يوضحها..سامي يعاني لحاله..ما يقدر يبوح لاريام باللي في قلبه من الم وخوف عليها..
واريام ما قدرت تقوله عن اللي بداخلها...من معاناة وصراع من قدرها الأليم...
&& &&
بالمـــــزرعه..
ضاري راح عند البوابة المزرعه ينتظر ابوه..
مدى وابتهال دخلوا داخل الغرف بالمزرعه..
دانا: بنات ايش رايكم ناخذ لنا غرفه وحده!!
ابتهال: انا ما عندي مشاكل..
مدى: انا صعبه..ومعاي الصغار..
دانا: خلاص اوكي..مدو انا عذرتك عشان الصغار ..بس السهره معانا بهوله انتي معاي..
ابتهال: اوك..
راحت ابتهال مع دانا..
:هذي غرفتي دايما لما نجي المزرعه..
ابتهال وهي تطالعها تتأمل الديكور والاثاث..حتى هنا الاثاث مره راقي ومميز:واو بصراحه حلوه..
دانا وهي تحاول ترتب اغراضها: مره حلوه بالشتاء..ان شا الله راح تجربوها..يوووه وين سالي تجي تشوف الاغراض وترتبهم..
ابتهال: أي اغراض؟؟
دانا: اغراضي...
ابتهال: خلي الخدامه واعتمدي على نفسك وانا اساعدك..
دانا طالعت ابتهال وهي ترتب الاغراض وجلست تتفرج عليها..
مدى ومعاها جانيت راحوا لغرفتهم مع بعض..
:ياي شو هيدا كتير بتعئد..
مدى وهي تطالع الغرفه: لا بجد مرره حلوه..
جانيت: راح ننبسط كتير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك