رواية جرحت قلبك وجرحني القدر -2
حطت راسها ع دفترها ودموعها تنزل"صدق انتهينا ياحسن بس حبنا باقي"وظلت تبكي
ونامت على الدفتر وهي جالسه على مكتب حمد
بالصباح
صحى حمد
وناظر بالفراش ماحصل ريم
قام شافها نايمه على مكتبه
ابتسم وقرب وجلس يناظرها فتره
حس انها بتقوم
هزاها على خفيف:ريم
ريم قامت بسرعه:هاه
حمد ببتسامه:صباح الخير
ريم ناظرت بدفترها اللي نامت عليه
سكرته وهي تمشي:صباح النور
ودخلت دوره المياه
اخذت دش
طلعت لبست فستان قصير ابيض باسود
وربطت شعرها
وحطت روج وردي
جلست تضبط السرير وفتحت الستاير
حمد كان جالس يلبس
طلع شاف الغرفه مرتبه
ريم:حمد ممكن توديني بيت امي
حمد:من عيوني
ريم:تسلم
واخذت عباتها
ولبستها ونزلت تحت باست ام حمد
ريم:صباح الخير خالتي
ام حمد:صباح النور وين رايحه من الصبح
ريم:رايحه بيت امي
حمد وهو نازل:صباح الخير يالغاليه
ام حمد ببتسامه:صباح النور والسرور اجلس افطر
حمد:مستعجل يالغاليه بودي ريم واطلع لدوام
ام حمد:الله معاكم
حمد ناظر بريم:مشينا
ريم لبست غطوتها ومشت
حمد وصله بيت امها
وراح لدوامه
دقت الجرس
فتحت الشغاله
دخلت شافت امها جالسه بالصاله
حضنتها وجلست:وحشتيني ماما
ام فارس:وانتي اكثر يايمه طمنيني عنك
ريم:بخير يمه بس اشتقت لك
ام فارس:بس ماني حاستك مبسوطه يمه
......وليش ماتكون مبسوطه وحده غيرها تحمد ربها تزوجت واحد مثل حمد
ام فارس:فارس شهالكلام
ريم ناظرته:حمده ربي على العافيه وطبعا لانه صاحبك لازم تمدحه ولازم يكون خالي من العيوب
فارس بعصبيه:ليش شفتي منها شي طول هالشهرين صدر منه شي ضايقك
ريم وقفت:يااخي انا مابيه مابيه
فارس قرب وشد ايدها ومن بين اسنانه:تبينه غصب عنك
والله لو سمعت انك مزعله حمد لاتلومين الا نفسك
ريم تحاول تفك ايدها:اترك ايدي وليش هو مشتكي لك
ام فارس:اترك اختك يافارس
فارس دزاها:اصلا حمد مايتكلم وكلامه عنك كله عن حبه لك بس انتي ماتستاهلين شي
ريم: فارس قفل هالسيره مو انت زوجتني منه غصب خلاص هذاني تزوجته لكن قلبي مو على كيفك تخليه يحب حمد
فارس بصوت عالي:ايه قلبك عند الكلب اللي بالرياض
ريم حست بقهر:لاتغلط عليه يافارس
فارس عطاها كف:قليله حياء وماتربيتي بس انا بعرف كيف اربيك
وطلع
ريم جالسه تبكي وايدها على خدها
ام فارس جلست جنب بنتها:ليش راددتي اخوك ياريم
ريم ودموعها تنزل:يمه حرام عليكم فارس زوجني غصب عني وانتي سكتي له ولاقلتي لا
ام فارس:بعد سواتك الشينه تبيني اتكلم
ريم استغربت انقلب امها:سواتي الشينه يمه انا بنتك تربيتك كيف تشكين فيني
ام فارس:للاسف ماعرفت اربيك
لو عرفت اربيك كان ماتعرفتي على رجال غريب عنك وكلمتيه
ريم جلست تمسح دموعها:انا ماسويت غلط انا حبيته وهو حبني ماكان يلعب علي كان بيخطبني بس انتم فرقتونا
ام فارس:انقلعي بيتك ولا اشوفك هنا
ريم منصدمه وقامت وبعبره:ماحسستيني بحنانك يوم يمه
ام فارس وقفت:عشر دقايق ابي ارجع ماحصلك هنا
وطلعت
ريم قامت واخذت جوالها
واتصلت بحمد وقالت له يجي ياخذها
..
اعرفكم باهل ريم
ابوها متوفي
امها كانت حنونه عليها بس بعد ماعرفت بعلاقتها بحسن صارت قاسيه عليها
فارس اخوها الوحيد
شديد عليها عمره ووسيم
قاسي حيل وصديق حمد المقرب
.....
ربع ساعه وجاء حمد لريم
لبست عباتها وطلعت
ركبت مع حمد ووحمد يسمع صوت بكائها
وصلو البيت
نزلت بسرعه
ودخلت غرفتها وجلست تبكي بحراره
حست بدفي يد على كتفها
رفعت راسها شافته حمد دزت ايده وببكاء:لاتلمسني
حمد بستغراب:قلبي شفيك
ريم بصراخ:لاتقول قلبي انا مابي اكون قلبك انا اكرهك
حمد انصدم وانجرح قلبه:تكرهيني
ريم جلست بالارض وبضعف:ايه اكرهك لاني انجبرت فيك
حمد وقف من الصدمه وطلع من الغرفه
ريم جلست تبكي وتبكي
لين تعبت ونامت بالارض
انتهى البارات
توقعتكم
حمد وصدمته بكره ريم له؟
ريم وحبها لحسن ؟
حمد بيعرف عن حسن وان ريم تحب غيره؟
فارس وام فارس وقسوتهم على ريم؟
البارات الثالث
/
بالصبااااااااح
صحت ريم وشافت نفسها نايم بالارض
حست بالم بجسمها بسبب نومتها بالارض
بدلت ورتبت الغرفه
تنهدت وهي تذكر امس وشكل حمد وجفاها معاه طول هالشهرين
فتحت باب غرفتها وطلعت
حصلت خالتها ام حمد جالسه
باست راسها:صباح الخير
ام حمد:صباح النور
جلست ريم جنبها
ام حمد:حمد لسه نايم
ريم بربكه:حمد طلع من بدري
ام حمد هزت راسها وجلست تطقطق بالتلفزيون
ريم جالسه وتفكر"ياربي هذا وينه من امس اخاف يصير له شي بسببي لالا ان شالله مايصير له شي"
التفتت على صوت فتحت الباب
قامت بسرعه وحضنت حمد
حمد كان منصدم
ريم:حمد وينك خوفتني عليك
حمد ابعدها:لا ليش اخوفك علي فكيتك مني
ريم فهمت قصده اكتفت انها تطلع لغرفتها بصمت
حمد قرب وجلس جنب امه وبتعب:آآآه يمه
ام حمد بخوف:سلامتك يمه شفيك شمتعبك
حمد حط راسه بحضن امه وبحزن:الحب متعبني يمه
ام حمد تمسح على شعره:سلامتك من التعب يايمه وش حاصل بينك انتي وريم
حمد سكر عيونه ولاقال شي
جلس ساعه بحضن امه
بعدها قام
وطلع لغرفته
دخل شاف ريم جالسه تتصفح مجله ابتسم وبخاطره"ولا اهتميتي لي ياريم ولا فكرتي فيني انا شجالس اقول اصلا هي ماتحبني كيف بهمها"
رمى شماغه
طلع له بجامه
راح اخذ دش
بدل وانسدح
ريم:حمد
حمد:خير
ريم:اجلس ابي اكلمك شوي
حمد:ريم انا تعبان وابي انام مابي وجع راس
ريم:حمد بس بكلمك شوي
حمد جلس وكتف يدينه:شتبين
ريم:انا اسفه
حمد ابتسم بسخريه:اسفه
ريم بغصه:ايه اسفه حمد انا ماقصدت انا
حمد انسدح وتلحف:ولاكلمه
ريم مسحت دمعتها اللي خانتها ونزلت
وقامت من السرير
فتحت دفترها
لتعود بها الذكريات الى ثاني ثانوي
.....ريم يكفي نت انتي ماطفشتي
ريم:يايمه توني جلست عليه
ام فارس:ياريم انتبهي لدراستك واتركي عنك النت
ريم:ان شالله يمه
وفتحت مسنجرها
جتها اضافه من قروب
قبلتها
وجلست تطقطق بالمنتدي ونست القروب
الساعه ثلاثه الفجر
وريم جالسه على النت
فتحت على القروب
وكان اسمها بمسنجرها
تراتيل الجنون:السلام عليكم
كيان:وعليكم السلام
تراتيل الجنون:ممكن اعرف من صاحب هالقروب
الهنوف:انا صاحبه القروب
تراتيل الجنون:ممكن اعرف كيف جبتي ايميلي
الهنوف:اقولك بس ماتزعلين
تراتيل الجنون:اوكي قولي
الهنوف:جتني رساله بالبريد وفوق طالعه كل الايميلات اللي عنده واخذتها كلها واضفتك
تراتيل الجنون:اها
الهنوف:بجد اسفه
تراتيل الجنون:لاحصل خير حبيبتي عادي
الهنوف:تسلمين الا انتي شسمك
تراتيل الجنون:اسمي ريم
كيان:عاشت الاسامي ياريم<<قاط
تراتيل الجنون:ههههاي لاعادي تعيش ايامك
الهنوف:هههه دايم هذي قطاتك ياكيان
كيان:وجع الهنوف لاتشوهين سمعتي عند البنت
تراتيل الجنون:هههههه طيب انا استاذن توصون على شي
الهنوف:بدري
كيان:تو الناس ياشمعه لقلاس
تراتيل الجنون:سورى بس دايخه وبنام
الهنوف+كيان:نوم العوافي
تراتيل الجنون:باي
وقفلت لابها وانسدحت ونامت
++بعد اسبوع++
وريم بس ع النت
وصارت تدخل لقروب كثير
بس في اشياء تضايقها بالقروب
قفلت لابها وطلعت عند امها واخوها
ام فارس:اخير شفناك
فارس:شكلي بفصل النت من البيت
ريم طارت عيونها:ليش
فارس:مزاجي
ريم انقهرت من اسلوب فارس المتحكم والمستفز
وماردت
ام فارس:الله يصلحكم بس تراكم اخوان
وقفت ريم:علميه هو مو انا
ومشت لغرفتها
فارس:بنتك هذي يبي لها تربيه من جديد
ام فارس:لاتتكلم على اختك بذي الطريقه يافارس
فارس:يمه رجاء لاتتدخلين انا مسؤؤل عن ريم
ام فارس هزت راسها بقله حيله
وقامت لغرفتها
بغرفه ريم
جالسه تطقطق بالنت
الساعه ثنتين بالليل
طفشت ريم وشالت البلوك عن القروب
تراتيل الجنون:السلام
كيان:هلا وغلا ريوم عاش من شافج
تراتيل الجنون:هلا بك زود وتعيش ايامك
كيان:وينك ماعاد تنشافين
تراتيل الجنون:مشاغل دراسه وبعد اشياء كثيره بالقروب تخليني مادخل
كيان:افا وشي هالاشياء احد مضايقك
تراتيل الجنون:بصراحه كيان الفاظ بالقروب بجد قله حياء يعني القروب للفله مو لقله الادب
كيان:ايش هالالفاظ انا بالقروب من زمان ماشفت الا الادب فيه
تراتيل الجنون:لاواضح
كيان:طيب قوليلي ايش هالالفاظ
تراتيل الجنون:سورى ماقدر اقولهم
كيان:براحتك
بنت الرياض:السلام
كيان+تراتيل:هلا وعليكم السلام
بنت الرياض:اخباركم
كيان:بخير وانتي
تراتيل الجنون:بخير حبيبتي انتي اخبارك؟
بنت الرياض:انا......
تراتيل الجنون بصدمه:ايش
بنت الرياض:لحظه برسل لكم مقطع لي وانا بالبر
تراتيل الجنون:هاه كيان شرايك مو قلت لك في الفاظ مالها داعي
كيان:اصلا هذي انتي مرسلتها
تراتيل الجنون:انا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك