رواية وفاء لقلبه -17
تعدوا المكتب لممر صغير وفتحوا الباب كانت غرفه وصاله مفتوحه على بعضلكنها رائعه بكل ماتعني الكلمه من معنى بعيده كل البعد عن شخصية فارس الي
تعرفه غاليه فيها حياة وجمال وامل لونها بيج والصاله اورنج والصوره لخيل
بالصاله موقعه بتوقيع صدم غاليه فارس محمد (الجامح) وباب صغير جنبه
غاليه ..هذا الحمام
ريم باابتسامه..لا هناك الحمام
غاليه..اجل شو هنا
ريم توترت ماعرف شو تقول
فارس ومتسند عالباب..هنا مرسم صغير لي
غاليه بصدمه واضحه..انت ترسم
ريم استغربت ان فارس قال لها انه يرسم وان عنده
مرسم
فارس.. كنت ارسم المهم كيف الغرفه عجبتك
قربت غاليه عند الصوره والتفت على فارس..انت الجامح الي ترسم
ومعروف بالصحافه
التفت بسرعه ريم على فارس ........
الجزء التاسع عشر
فارس سكت دقيقه ورفع راسه..تعالوا للمكتب
طلع وتبعته ريم وغاليه وبعدها استأذنت ريم وجلس فارس وكررت غاليه السؤال
..انت الجامح الي ترسم
فارس ويتنهد..مافهمت ..
غاليه ويحتد صوتها..انت فاهمني
فارس وووقف ..لا مافهمت ياوضحي او قفلي عالموضوع
غاليه..بيوم من الايام يمكن من سنتين او اقل رجع ابوي معه لوحه حلوه كثير
فيه خيول لكن القوه والشموخ كانت بواحد بس او الباقي كانوا متراجعين وكانت
بتوقيع الجامح سألت ابوي عنها وقال وصلت لنا المكتب اليوم هديه وجبتها لك
لما اخذتها حصلت مكتوب عليها كلمات حفظتها لاني قريتها كثير المهم كانت
كلامتها تقول
رغم القسوه ..والنكران
رغم الجفوه ..والغليان
رغم القوه ..والبركان
اتمنى ان ترمي هموك بقلبي وتطوي صفحة الايام
هذي الكلمات اثرت فيني كثير كانت متناقضه مع الرسمه بس كان لها تأثير
المهم علقت اللوحه بالصاله وكنت كل مااشوفها اتذكر كلمتها وبيوم من الايام
قريت مقال بتوقيع الجامح قلت يمكن نفسه بس كذبت نفسي بس العامل المشترك
بين الاثنين انه كان يتكلم عن شئ ويحلله وشبه هالشئ بالخيل هنا انا تأكدت انه
نفس الشئ وقررت اراسله لان ماعنده غير صندوق بريد بس نسيت بعدهاوتعب
ابوي والحين ابي اعرف انت الي ارسلت اللوحه لابوي والا لا وبصراحه
فاري ويتنهد..ايه
غاليه بااستغراب ..ليه
فارس..كلامي واضح رغم كل شئ صار بيني وبينه تمنيت لما عرفت انه
بمشكله اساعده ماقدرت مااساعده او احس تجاه بهالاحساس
غاليه وبحزن ..وليه ماحققت امنيتك وساعدته يمكن كنت رحمة من عذاب وذل
عاش فيه
فارس ويجلس عالمكتب ..ساعدته بس من بعيد لبعيد صدقيني غاليه ماكنت
حاب احد يعرف بس هالشئ خليه بيني وبينك الي قدرت عليه عملته
غاليه..والخيول شو قصدك فيها بالرسمه ابي افهمها
فارس ومن غير أي تعبير واضح ..الخيل يعبر عني لكذا ماكنت اقصد باللوحه شئ
غاليه..فيه احد يعرف انك ترسم وتكتب
فارس..لا الكتابه انا قليل هي مرتين او ثلاث كتبة مقالات وعلى فكره المرسم
مقفله من اكثر من سنه
غاليه..يعني ماترسم
فارس..انا ماارسم الا مره او مرتين بالسنه يعني هوايه بالفتره الاخيره كرهت
الرسم وقفلت المرسم وطلبت من اهلي مااحد يفتح معي الموضوع
غاليه..من غير سبب
فارس ..ايه
غاليه..بس رسمك حلو
فارس..انا ماارسم الا خيول
غاليه..ماترسم وجيه يعني مابترسمني ضحك فارس وخاف اكثر من عفويتها
وقف..يصير خير انا بطلع اصلي
ققامت غاليه .طيب اذا سألتني ريم عن الي صار اقول لها
فارس وهي يبتسم ويقفل الكمبيوتر..وانتي وشطارتك
ابتسمت غاليه وطلعت بس ظلت الفكره ببالها
الجامح يكتب ويرسم ومعقوله يكون بهالقسوه تذكرت الموقع وعلى شغلت
الجهاز وحصلته ويمكن الي صار كشف اسم فارس فعرفته على طول الجامح
بدت تقرأ مواضيعه ومشاركاته
كاان له احترام وتقدير من الكل بس كان له معجبات وهالشئ نرفز غاليه كثير
كان يعلق ويضحك بس بثقل ورزانه وهالشئ خفف على غاليه تعبت وهي تقرأ
مواضيع بس نامت وهي تفكر بكل كلمه قرتها له وافكر بالبنت الي رمزت لاسمها
بالمنتدى سحاب وابدت اعجابها بشكل مباشر وغير محبب لفارس ..
اسبوع كان من اسرع الاسابيع وصل الخميس سريع وكان بيت ابو محمد في
حالىة استنفار خصوصا ان اليوم ملكة احمد وهند دلوعة البيت الكل وصل ماعاد
ام فارس وعيالها
في بيت ام فارس احمد كان معصب وفارس يضحك
احمد..والله خواتك مايستحون تأخرنا
فارس وقام..بس خلاص فجرت راسي بطلع اسحبهم من كششهم وشتبي بعد
احمد..ههههههههههههه لا الله يخليك بعدين بيجلسون يصلحونها ثانيه
طلع فارس وهو يضحك وطلعت ام فارس مع احمد للحوش ينتظرونهم
بغرفة ريم كانت خلاص ماسكها عبايتها بتطلع وصادفها فارس ..بدري
ريم وتبتسم..خلاص يالله نزلنا بس شرايك فيني
فارس..اف اف ذكرتيني عز الله ذبحني اليوم
ريم مستغربه...مين
فارس..مااقدر اقول الحين بس ضروري اذا رجعنا اقول لك الموضوع
ريم شكت بموضوع بس قالت ان شاء الله
فارس ..وين الباقي
ريم..بغرفة غاليه
توها مكمله كلمتها ال طلعت نوره لابسه فستان فيروزي وكان عاري
ووقفت لما شافت فارس الي ظل يناظرها بصمت وهي خافت
فارس بقوه ثابته بنظراته ..مااكانه عاري بزياده
نوره بخوف ..معه شال والله
فارس ..يالله وين بنت عمك
نوره وهي خايفه ..الحين بتطلع
مشت نوره لغرفتها تأخذ عباتها وطلعت غاليه لما شافت فارس رجعت بسرعه
ولبست عباتها وطلعت وهنا ابتسم فارس لانها ماكانت عامله مكياج ثقيل بالعكس
كان خفيف ومميزلفت انتباهه فارس..ايه كذا انتي احلى
استحت غاليه وسكتت وكمل فارس ..اتمنى ماتكونين مثل نوره لاني انتبهت لما
رجعتي ولبستي عباتك
غاليه وتحاول ماتركز عليه ..طيب حتى لو كان مافيها شئ عادي
فارس ورافع حاجبه ..لو ماهي ملكت احمد جلستكم بالبيت
غاليه وترفع عينها بعينه ..مافيها شئ واذا صار عاري
فارس وتقدم عندها ..وريني ظهرك اشوف طالما مافيها شئ
غاليه وشدت عباتها..لا ليه
فارس بصوت عالي ..المشكله تقول مافيها شئ اعنبوكم ماتستحون فصختوا
الحياء مره وحده هذيك نص ظهرها طالع وانتي الله اعلم
غاليه بخوف..والله فستاني مو عاري
فارس بقهر..اجل ليه ترفعين ضغطي
غاليه ..اتناقش يعني بس اقول رائي
مسك فارس يدها بحركه نشفت الدم بعروقها ..امشي الله يخليك يالله دفها
هي وريم بضحكه وطلعوا لبيت خالهم ابو محمد الي الكل كانوا ينتظرونهم
كان بيت ابو محمد اليوم بحالة حب ايه حالة حب رائعه حب انولد بقلب احمد تجاه
بنت خاله حب شريف عفيف بعيد كل البعد عن اللقاءات او المكالمات هو اعجاب
وصل الحب بقلب احمد من كثر ماهو متشوق لبنت خاله اما هند فكان احمد حلم لما
تحقق وتوج فرحتها اليوم ..
نزلت هند وكانت لابسه فستان تفاحي باهت وكان مناسبها كثيييير مكياجها كان
خفيف وشعرها طبيعي كانت طبيعيه بس بجاذبيه ونعومه ورقه تسحر كل من
شافها سلمت عليها ام فارس وحضنتها ودعت لها بالتوفيق وشوي ودخل
احمد مع خاله ومحمد وبندر وعبدالله وطبعا كانت من اروع اللقاءات بينهم احمد
ماكانت الدنيا سايعته من الفرحه اما هند فكانت مستحيه بشكل مو طبيعي
محمد بصوت واطي ..مها وين دلال
مها تبتسم..الي عند الباب
التفت محمد واستحت دلال وغيرت عينها بس بحركه جريئه من محمد راح لها
وسلم عليها وكانت تتمنى بهاللحظه انها ماحضرت لان الكل ابتسم لها
نوره وهي متغطيه..ساروه وشفيه بندر شكله مو مبسوط
ساره وهي تضحك.زياعيني مركزه معه واذا احد جاب طاريه عصبت
نوره وتضربه مع رجلها..عادي ملاحظه عاديه المهم شوفي هند ياقلبي وجهها
احمرر
ساره..اجل تحسبينها مثلك ماتستحي
نوره..حسبي الله عليك يارب من قال اني مااستحي
ساره..الكل
نوره..اقول سوير وين مها
ساره..اقول خليك من مها شوفي خالاتي كلهم يصيحون انا بفهم ليه
نوره..عادي كل امهات الخليج يصيحون بزواج عيالهم
ساره وتضحك..وانتي شدراك
نوره..ماادري الكل يصيح المشكله يقولون انهم تذكروا ابوها اذا ميت او امها
اذا ميته طيب واذا كلهم عايشين يصيحون ليه
ساره..ههههههههههه حلوه يمكن يصيحون عشان ماعندهم احد يتذكرونه
نوره..اقول امشي نروح للجهه الثانيه
ساره وتغمز لها..اعترفي عشان بندر طلع خلاص
طنشت نوره وراحت للجهه الثانيه
اما بندر كان مو طبيعي رغم ضحكه الا ان فيه شئ مضايقه انسحب هو
عبدالله برا وظل محمد مع ابوه وبعد مالبس احمد هند شبكتها طلع معها
للمجلس الثاني
محمد باابتسامه..مبروك
هند وعينها بالارض..الله يبارك فيك
احمد..هند انا صح شفتك قبل بس انتي احلى مليون مره من الصوره الي
انرسمت ببالي والله يقدرني واسعدك
هند سكتت وماردت ا بتسم احمد لها وتقدم قبالها ..انا بطلع لاني اعرف انك
مابتقولين ولاكلمه بس اكيد بينا الوو
ابتسمت هند وطلع احمد
دخلت عليها اختها وحضنتها وبكت هند يمكن من الخوف او التوتر او الفرح كل
الاحاسيس اجتمعت وانتجت دمعه من قلب صادق ..مرت الملكه بشكل حلو تخللها
البكاء والضحك والفرح كانت فيه قلوب مبسوطه وفرحانه وقلوب تردد بداخلها
دعوه بالتوفيق وان الفال لعيالهم وقلوب تبكي بداخلها انكسار الامل وبكذا مشت
الدقايق الكل ظاهر عليه الفرح والكل يردد بداخله امنيه ؟؟
عند البنات كانت ريم تكلم فارس..انا بمشي الحين يه احد بيروح معي منكم لان
امي بترجع مع احمد
ريم وتلتف لغاليه..نروح مع فارس
غاليه..اوكي
ريم..خلاص فارس بطلع معك انا وغاليه
فارس ..يالله انتظركم
طلعت ريم مع فارس الي كان مع فهد عند السياره
ريم..مساء الخير فهد
فهد يبتسم لفارس..هلا ريم مساء النوره كيف الحال
ريم ..الحمد لله
ركبت ريم لسياره مع فارس وطلعت غاليه وركبت وطول الطريق وفارس
يبتسم ويرجع يضحك بشكل خلا غاليه وريم يستغربون وشوي رن جواله
فارس..ههههههههههه من قدك
فهد..يااخي ربي يحبني جت صدفه
فارس..لاتفرح اليوم بنهي الموضوع
فهد..ماقصرت لك شهر
فارس..اشوفك مستعجل
فهد..يااخي محمد واحمد شجعوني
فارس..طيب اذا وصلت كلمتك والا اقول لك خليني اشوفك بالمنتدى
فهد..صار
فارس..سلم على خالتي فمان الله
ريم..شخبار احمد
فارس..اووووه مبسوط الله يديمه عليه
ريم استغربت صمت غاليه ..غاليه شفيك
غاليه..ولاشي
فارس..ماانبسطتي
غاليه وتناظر فارس بالمرايه..كيف ماانبسط وانا اشوف الفرحه بعيون الكل
فارس حس انها متضايقه وسكت وصلوا للبيت وعلى طول طلعت غاليه لغرفتها
ورمت نفسها عالسرير وبدت الدموع تنهمر بصمت وبعدها بدى يطلع صوتها
فارس وهو يطلع مع ريم ..وشفيها
ريم..ماادري بروح اشوفها
دخلت ريم وفارس تبعها عند باب غرفة غاليه..ريم بدخل لها
فتحت ريم الباب وسمعت غاليه تصيح وسمعها فارس وسكتت ريم ودخلت
بسرعه وحضنت غاليه الي ماانتبهت لفارس واقف مذهول من غاليه وشكلها
كانت لابسه فستان اسود مو عاري كثير وشعرها اسود لنص ظهرها ودموع
ماليه وجهاا
ريم وتمسح على ظهرها..غاليه شفيك
غاليه من بين الدموعها..ماادري حسيت بخوف والم وفقدان فقدان كل شئ حلو
حتى اللحظه فقدتها ليه حظي كذا حتى الفرح تخلى عني
انتبهت غاليه لفارس وسكتت وانصدمت
فارس ..كملي غاليه
غاليه..ارجوك فارس اتركني لححالي
فارس: ريم لو سمحتي اتركينا شوي
طلعت ريم وغاليه اعطت فارس ظهرها ونست حتى لبسها وكانت هذا اول
مره يشوف فارس غاليه لابسه كذا حتى شعرها او لمره يشوفها كذا ..
فارس ويتسند عالباب المفتوح ..تكلمي
غاليه وهي تصيح..اتركني ارجوك
فارس..زعلانه لانه ماانعمل لك شبكه نعمل ولايهمك
التفتت عليه ووجهها كله دموع..حتى لو عملتها مابشوف بعيونك فرح محمد
او احمد ولابتشوف بعيوني خوف وخجل هند او دلال بالعكس بشوف بعيونك ندم
وبتشوف بعيني انكسار
فارس وحس بوجع كلامها وبمدى المها ..يعني المطلوب مني ايش
غاليه وتصيح ..تطلع وتتركني بحالي
فارس ضغط على نفسه وابتسم..لا مابتركك الا اذا سكتي انتي تعرفيني مااحب
دموعك
غاليه وتجلس عالسرير..ماتحب دموعي لانك تكره الضعف وانا مااعرف اكون
قويه فارس الله يخليك اتركني
تقدم فارس وقف قبالها وهي منزله راسها ومسح على شعرها وقال كلمه خلة
غاليه تتمنى ترمي كل همومها عليه..اسمك غاليه وانتي غاليه اذكري الله ومالك
الا الي يرضيك من عيوني
طلع فارس وترك غاليه بحالة حزن والم وخوف وفرح وامل قليل مع كلمة
فارس الاخيره
طلع فارس واخذ ريم لمكتبه وجلس معها ..
فارس..ريم شرايك بغاليه
ريم..انسانه طيبه فوق ماتتصور
فارس..عاطفيه زياده عن اللزوم والا يتهيئ لي
ريم..يمكن غاليه عاشت كل عمرها بحضن عمي مدااه وكل شئ تبيه عندها
تعودت عالدلع يافارس
فارس ويتنهد..المهم انا عندي لك موضوع بيني وبينك اوكي
ريم..اوكي
فارس..فهد ولد خالتك خطبك مني
ريم بااستغراب..فهد خطبني
ابتسم فارس واستحت ريم
فارس..ريم فهد انا اعرفه هو نسخه مني بس هو احن مني ههههههه ولافيه
عيب بصراحه
ريم..بس هو يعرف اني اكتب
فارس ابتسم..تكمت معه بهالموضوع وعادي عنده ماله أي تحفظ عليه
ريم سكتت ماعرفت ترد اصلا عمرها فكرت بفهد وتذكرت سلامها وكلام فارس
معها واستحت وابتسم فارس وقال لها تاخذ وقتها وتقرر وتقول له وطلعت
من غرفته وصادفة احمد وحضنته ..الف مبروك
احمد باابتسامه..الله يبارك فيك عقبالكم ياارب
ريم باابتسامه..شرايك بالعروس
احمد..عروس مافيه مثله
ضحكت ريم وتركت احمد لانه كان محتاج يعيش احساسه لحاله
راحت ريم لغرفة غاليه وحصلتها جالسه عالكمبيوتر لكن واضح انها سرحانه
ريم تبتسم..الي ماخذ عقلك
غاليه باابتسامه حزينه..هلا ريم توقعتك نمتي
ريم..لا كنت عند فارس
غاليه حبت تغير الموضوع ..نوره مارجعت
ريم وتدخل وتقفل البب..لا بتنام عند خالتي الجوهره
غاليه..كويس تغير جو
ريم..شو تعملين
غاليه وتلتفت لها ..كنت اتصفح موقع بس مالي خلق
ريم ..طيب بقول لك شئ
غاليه وتجلس جنب ريم عالسرير..تفضلي
ريم باابتسامه..فهد ولد خالتي خطبني وتو فارس كلمني
غاليه..هو الي يكلم فارس عند بيت خالك
ريم..ايه
غاليه..طيب وش رايك
ريم..بصراحه ماادري ماعمري فكرت فهد ولاجاء على بالي
غاليه..طيب كم عمره وش يشتغل
ريم..عمره كبر فارس او اصغر بسنه يشتغل ضابط وله اعمال مع فارس
غاليه..اه يكون اخو مين من البنات
ريم..اخو دلال وودانا
غاليه تبتيم..اه الي دخل بخطبة دلال والله حليوو ماعليه
ريم..من ناحية الشكل ماعليه بس انا اخاف من شخصيته وتفكيره
غاليه ..هو مع فارس دايم
ريم وتبتسم..ايه
غاليه..اجل الله يعينك
ريم..ههههههههههههه لا بس هو احن من فارس وهالشئ معروف فهد حنون
على خواته وطيب معهم
غاليه وتغمز لها ..بدينا
ريم..هههههههه لا بس هذا الحق على ان فارس طيب بس انتي زعلانه عليه الحين
قامت غاليه وجلست عالكمبيوتر..تعالي اجل اكتشفي زوج المستقبل لانه اكيد
يكتب مع فارس بالمنتدى
ريم ووقفت عند غاليه..أي منتدى وشلون عرفتي
غاليه..فارس قال لي
ريم وترفع حاجبها..والله حركات
غاليه..اجلسي شوفي اخوك موجود بالمنتدى ويكتب رد على موضوع خلينا
نشوف وش را يكتب
ريم..ايش الموضوع
غاليه وبتركيز..لحظه نزل رده خليني اقراه
ريم..طيب اقري بصوت عالي
غاليه..الموضوع عن الحوار مع الذات ورد فارس كان ..اصعب حوار
هو حوار الذات المتعبه سيكون لي عوده بعد ان يصفى من الذهن من صور
مسيطره عليه
ريم..وش قصده
غاليه..مااعرف ولاابي اعرف
ريم..هههههههه طيب شرايك نروح غرفتي احسن
غاليه..لاماابي اطلع واصادف اخوك
ريم..طيب اجل بروح اقفل جهازي واجي عندك بس فارس حبيب لاتزعلين
غاليه ..المشكله اني مو زعلانه منه انا زعلانه من نفسي
ريم ..ليه
غاليه..زعلانه لاني احس ان غاليه تفقد شئ كبير من نفسها والسبب فارس
ريم..غاليه انتي تحبين فارس ؟؟؟
الجزء العشرون
في بيت ام بدر كانت نوره مع ساره بغرفة ساره سهرانين
نوره بعد سرحان لدقايق ..اقول سويره
سار ترمي المخده عليها..مليون مره قلت لك اسمي ساره
نوره..المهم اخوانك مابيعرسون
ساره مستغربه..ليه هالسؤال
نوره..بصراحه سمعت كلام وبتأكد
ساره بحماس ..وش سمعتي
نوره وتتعدل..سمعت انكم بتخطبون دانا لراكان
ساره..ايييييه هذا موضوع قديم رفض راكان يقول اجلو الموضوع لحد مايتخرج
نوره ..اقول مليت
ساره..شرايك بهند اليوم
نوره مبتسمه ..يهبل شكلها
ساره وتغمز لها..وبندر
نوره وعصبت..على تراب يالشينه طفشتوني ببندر
ساره وتضحك..كلنا نعرف ان خالي يقول نوره لبندر وبندر لنوره
نوره بملل..وانتي
ساره..وش فيني
نوره..سمعت انك انخطبتي
ساره وتمسح مكياجها..ورفضت
نوره..سوير ملل شرايك نطلع هالاسبوع
ساره..مااحد بيوافق باقي اسبوعين عالاختبارات النهائيه
نوره..اف طفش
ساره..تعودنا تعالي ننزل تحت نتفرج على فلم
نوره..اف مالي خلق اتغطى بس يالله
بعد صلاة الجمعه كان لقاء فارس مع ابو ثامر هو متعود يمره بعد الصلاة ويجلس
معه ساعه بس هالجمعه كانت غير كانت صدمه لفارس لما قال له ابو ثامر
..ابي تتزوجها
فارس مذهول..انا اتزوج بنتك
ابو ثامر..واشتريك بفلوس بعد انت رجال مايتعوض ومثلك قليل
فارس ..بس ياابو ثامر انت عارف اني متزوج بنت عمي
ابو ثامر..وعارف انك ماتبيها
فارس وارتسمت صورة غاليه بباله وهي تصيح ..لا انا رافض الزواج مو بنت
عمي بنت عمي الف من يتمناها
ابو ثامر..والنعم ياابوي فيها والله مانعيبها بهالكلام بس حتى لو تزوجت ثانيه
مافيها شئ هذا حلال
فارس من الصدمه ماعرف يرد وقام..يصير خير يالله انا طالع
ابو ثامر..فارس وشفيك
فارس..ولاشي فاجئني طلبك
ابو ثامر..فكر وانا متاكد انك بتوافق وانت الي بتصون لي هالبنت الباقيه لي
من الدنيا
فارس..خير ان شاء الله
طلع فارس وركب سياره وغصب عنه ابتسم كان يقول بخاطره كنت رافض المبدأ
والحين يبوني اتزوج ثنتين ضحك من قلب وحرك سيارته لبيت فهد حتى يضيع
وقت معه وينسى كلام ابو ثامر الي كان بالنسبه له صدمه كبيره ..
احمد وهو في دنيا ثانيه وعالم صافي رايق وهادي
..هلا والله بهالصوت
هند باابتسامه..اهلين
احمد..كيفك
هند..تمام
احمد..دوم ان شاء الله وكيف الاهل
هند..الحمد لله انت كيفك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك