رواية الحب جمرة من لظاه انا اكتويت -12

رواية الحب جمرة من لظاه انا اكتويت - غرام

رواية الحب جمرة من لظاه انا اكتويت -12

بوضاري: على وصول 00قريب
ام ضاري : دير بالك على الطريق
بوضاري : ان شألله مع السلامه
ام ضاري : الله يسلمك
ضاري : يبا 000شهاب خاطب اختي انفال
بوضاري : خطبها عمك بو شهاب لولده شهاب
ضاري : وانفال وافقت
بوضاري : هي ما عطتنا الموافقه النهائيه بس مالاحظت منها أي اعترضا على الخطوبه
ضاري : بس غريبه انــــــ 0000

توه ضاري بكمل بس حس ان الكلام الي بقوله ما له داعي مجرد افتراض

هو مستغرب ان شهاب خطب اخته انفال هو عنده علم بشهاب وتفكيره وسمعه اخر مره يقول لعمه

طلال انه ما يفكر بالزواج في هذا الوقت واذا فكر بيأخذ وحده من خارج العائله 00وبيزوج وحده على مستوى عالي من الجمال والاناقه

وفجأه يسمع انه خطب ومن اخته انفال 000كل شيء جايز

بوضاري : كمل وش بقيت تقول

ضاري : لا يبا ولا شيء

بوضاري : والله ان ودي ان انفال تأخذ ولد اخوي شهاب 000والله لو وافقت لسوي عرس

ما صار ولا ستوى

ضاري : انا يبا اذا تزوجت وش بتسوي لي

بوضاري ببتسامه : عاد انت الغالي ولد الغاليه والله لسوي عرس الكل يتكلم عنه

وينحفظ في التايخ

ضاري : خلاص 00بكره نروح نخطب

بوضاري : ههههههههههههه وش فيك و انا بوك لاحق على العرس

خلك الحين بدراستك

علــــــى طريق المطار

كان الشارع هدوء والسما صافيه والقمر نوره مكتمل

فــــــي سيارت بدر

بدر : دلال

دلال : مممممم

بدر : نمتي

دلال : لا

بدر : وش فيك ساكته

دلال : مندمجه مع الغنيه

بدر : اهااااااا 000طيب سولفي معي ما احب احس اني لحالي 00تفكرين اني جايبك معي

امشيك ولا علشان تجلسين لي كذا ساكته 000 ولا جايبك اسمعك كلمات الغنيه 00ياريتني ما خذ سلطان يهذر على راسي

بس انا قلت اجيب اختي مشتاق لسوالفها 000ذيك السوالف الي كلها رقه ودلع

دلال ببتسامه : طيب يالغالي قولي وش تبين اسولف فيه

بدر : مدري 000بس تصدقين 00ودي اقول شيء

دلال : قول

بدر : مدري بس الموقف الي صار مع الشاب الي توه من اشوي في المطار تذكرتيه

دلال : أي تذكرت الي كان موطي على عباتي

بدر : ايوه

دلال : وش فيه 000وش الطاري

بدر : ابد بس ما كانك احرجتيه شوي

دلال : هههههههههههههههههه تصدق عاد

بدر : أي اصدق 000وش

دلال : احس هذا الكائن مو مثلنا بشر 00مدري احسه من المريخ من عطارد من الزهره يعني من

مكان ثاني غير الارض في كل مره التقيت فيه وان كان القاء صدفه لم يدم غير لحظات

بس مدري ترتسم على ملامحه اشياء غيربه علامة استفهام ذهول 00زي كذا يعني

احسه مضيع الدرب 000صعب الاستعاب 00مو متأقلم مع الكوكب والناس الي

عايش وياهم 00ههههههههه ان كان غير ما ذكرت بس اكيد في صفه من الي قلتهم

فيه الا يمكن اكثر من صفه

بدر : هههههههههه لا بعد لقائات وصدف 000واستفهام وذهول هههههههههههههههههههههه

والله احيانا عليك حركات 00000طيب يالحركات وين التقيتو

دلال ما حبت تقول لاخوها الموقفين الي التقو فيها بس حبت تحدد له المكان لان

الموقفين ثقلين عليها 00يعني وش تقوله في المره الاوله شفته بالجرم المشهود

وهو ما سك جوالي يتعث فيه 000 وما قصرت فيه بالكلام

ولا عاد الموقف الثاني اندفعت عليه ورشيت عليه دش

كلام مو أي كلام 000وفي النهايه طلع اهو الصح وسواقنا

غلطان 000ولا عاد الموقف الثالث كفاي عليه اخوي ان شهد نصه

بدر : دلال وين وصلتي

دلال : نعم 000هذا الله يسلمك التقيت فيه بالسوق

كان يبيع بمحل 000والقاء الثاني كان عند الاشاره

وانا رايحه لصديقاتي في المشغل

بدر : الا على طاري صديقاتك شخبارهم

دلال : بخير

بدر : شخبار نتايجهم ان شألله كويسه

دلال : تمام

بدر : من الي جابت أعلى نسبه فيكم

دلال : انا بس اعرف نسبة سجى وهيام انفال ما بعد كلمتها الذي وصلنا

البيت بكلمها 000بس انا متأكده ان هي اعلى نسبه فينا

انفال للحين ما عرفنا ردها النهائي على موضوع خطوبتها من شهاب ؟

وشهاب للحين متأمل ان انفال ما توافق واذا وافقة وش راح يكون موقفه ؟

دلال وافي وان كان لقائهم صدفه الا انه يحمل العلامه السالبه

هل ممكن ان يتحول القاء يوما الى علامه موجبه

الفـــــــصل السادس

الجـــــــزء الثاني

وصل تفكرها لبعيد الــــــى هناك حيث لم تحلم يوما 000مازالت

غير مصدقه او غير مقتنعه

لاتدري هل تفرح ام تحزن هل تبكي ام تضحك

هل تفكر بعقلها ام تترك الامور الى حدسهها

هل هي هدية الحياه لها00 ام هي نقطة تحول00 او تغير اتجاه

افاقت انفال من دوامت الافكار التي وضعت نفسها فيها على صوت ابريق الشاي

وهو يفور قد وصل الي قمة غليانه وتصاعد الدخان من فوهته

بحركه سريعه اطفأت النار من تحته

وتركته يهدء

انفال : والله ما لي خلق اشرب شاهي لوحدي خليني اروح اشوف امي اذا تبي اصلح

لها واحد معي

لما وصلت انفال عند باب الصاله سمعت امها تكلم تلفون

تماضـــــر : تصدقين جا ابوها لحد عندنا يترجاها تخذ ولد اخوه

ام محمد : طيب وولد خالها عدنان

تمـــاضر : وش نسوي حكم القوي على الضعيف اقولك ولد عمها يبيها ميت عليها

ام محمد : ليش هو شافها

تما ضر : لا والله بس مجرد ما ينذكر اسمها 00عشقها الولد

ام محمد : وهي وش رايها

تماضر : اكيد بتوافق 00بعد هي ما ترد لبوها طلب وابوه حالف ان وافقت على ولد اخوه بسوي لها

عرس لا صار ولا ستوى عاد انت تدرين خيره كثير

لا وبعد اقولك حتى عمها بعد خيره كثير وهو بعد قايل ان انفال خذت ولده بعيشها احسن عيشه

ام محمد : ياعيني عليك يا ام نصار 00بنتك بتاخذ ذاك النسب الى كلن يحلم فيه

تماضر : علشان تعرفين حنا مو قليلين 000بعد ما دريت بشيء

ام محمد : هو وش يشتغل

تماضر : والله ما سك شركة عمه 00وعنده بعد مشاريع وعمارات ويعني

والولد ما شألله عليهم كامل من مجاميعه 000ول كامل الله

ام محمد : ما شألله 0000ما كامل الى وجه سبحانه

انفال هي واقفه عند الباب خلاص وصل حدها من اقوال امها

الناس يزيدون على الكلام كلام مو يحرفون الحقيقه والواقع ميه وثمانين درجه

والله احس ان الي تتكلم عنها امي مو انا 00الله يهديك يما وش لزومه هذا الكلام

ياخوفي ما يصير شيء ويطلع موقفك مو حلو قدام النسوان السالفه توه من ساعه

ما صار لها اربع وعشرين ساعه في بيتنا الحين في خلال نص ساعه نسوان الحاره

كلهم عندهم علم اذا امي زادت كلام وام محمد بعد غنيه عن التعريف بتزيد كلمتين

وكل وحده بتزيد كلمتين 0000يالله وش بتصير السالفه 000

صحيح ناقصات عقل ودين

خليني اروح غرفتي ازين لي والله ضاق خلقي 00يعني حتى لو اني برفض او بفكر

بالسالفه بتراجع 00صارت السالفه ما لها طعم 00دام انها صارت بفواه الناس

0000يوه حتى مالي نفس اشرب شاهي ولا اكل شيء

تماضر : والله يا ام محمد لو انت مو عزيزه وغاليه علي كان ما دقيت عليك اول وحده

وعلمتك بالسالفه >>>>>>> ( والله لو منتي بعارفه ان ام محمد افضل قناه لنقل الاخبار

مباشره من لحظت تلقيها ونشرها بتفصيل الممل واضافت بعض من التوابل عليها ما كان دقيت

عليها )

تمــــــاضر : عاد ما وصيك ابي حريم الحاره كلهم يدرون وخاصتا ام منذر الي

غشتنا ببنتها بنتي ما اخذها دكتور بنت ما خذها دكتور 000

ولا ام سامي الي كلتنا ببنتها بنتي خاطبها كبتن طيران 00بنت ما خذها طيار 00انقضو عليها سبع

طيور ونتفو لحمها اهي وبنتها

ام محمد : عاد هذي وصاه 000الحين الساعه كم

تماضر مستغربه : والله متأخر الوقت يمكن الساعه داخله على الثنعش 12

ام محمد : ما تجي الساعه 12 ونص الى حريم الحاره كلهم يدرون 00تلفونكم ما بيسكت

من الرن

تماضر : يدقون لمن بتعبون ما ني براده على احد بقطع واير التلفون 00بس ابي بكره

اذا رحت بيت ام عبدالله اشرب عندها شاي الضحى ما ابي انا اقولهم السالفه أبيهم هم

يسألوني وانا اجاوب

ام محمد : انت تامرين امر 000خلاص اشوفك بكره في بيت ام عبدالله

تماضر : ان شألله 00يالله مع الســـــــلامه

ام محمد : الله يسلمك من كل شــــــــر

تماضر يو م سكرت السماعه وهي طايره من الوناسه

والله وحظ بنتي قام 000والله لو تاخذ شهاب

لرقص بعرسها لين ينهد حيلي من كثر الرقص وبعزم نسوان الحاره كلهم

علشان يعرفون ام نصار من ناسبت00خليني اقوم اروح انام علشان بكره

اروح بين ام عبدالله 000نشرب عندها شاي الضحى 00عاد بكره شاي الضحى

غير 00اكيد احلى 00

وهي واقفه 00كانها تذكرت شيء ورجعت مره ثانيه ومسكت سماعت التلفون

خليني اكلم اخوي بو عدنان اسأل عن اخباره و اقوله بسالفه علشان

يعرف وش كبر خسارته

تماضر : اقول ناد ابوك

ناصر : خالتي تماصر ليش ما تسلمين

تماضر ( هذا من وين طلع لي اخر عمري يعلمني الاصول ويحاسبني بعد ) : ياماما روح ناد ابوك

ناصر : ان شألله خالتي

بوعدنان بصوته الثقيل : السلام عليكم 00هلا اختي تماضر 00شخبارك

تماضر : بخير 00انت اخبارك واخبار العيال

بوعدنان : بخير 000قول لي شخبار انفال

تماضر : بخير وعالي العال

بوعدنان بستغراب : هي عرفت بسالفه

تماضر : اعرفت وعليه عليها بنتيتي ضاق خلقها بس الله عوضها خير وخير مو أي خير

بوعدنان : 0000

تماضر : اليوم جا ابوها وقال لها لا تتضايقين هذا ولد عمك شهاب شاريك ويبيك

بوعدنان ( والله وسويتها يا بوشهاب منت بهين ما مداك ) : زين هي وش رايها

تماضر : هي للحين ما ردت 00بس انا من جهتي انا وعمها بو نصار موافقين وابوها بعد موافق

بوعدنان : الله يوفقها 00ويجعها زواجه صالحه والله يهنيها

تماضر مستغربه من ردت فعل بوعدنان البارده : الله يهنيها ويسعدها

فـــــــي غرفت انفال

كانت انفال جالسه على الكرسي تمشت شعرها ولامته على جنب واحد وجالسه تمشط فيه وتناظر

شكلها في المرايه وتتذكر صوت شهاب يوم شافته في بيت ابوها

ودها تشوفه مره ثانيه تحس انها ما شافته زين الصوره الي

تتذكرها شوي مشوشه

الا تسمع صوت جوالها قامت بثقل من الكرسي وخذته من فوق السرير

وجلست على الكرسي مره ثانيه امام المرايه

يوم شافت الشاشه فرحت وخجلت في نفس الوقت كانت المتصله ليلى بنت عمها

بو شهاب

انفال ( مسرع درت هي بعد بالخبر ) خليني ارد عليها

انفال : هلاااااااا وغلاااااااا

ليلــــــى : هلاااااا فيك هلااااااا بنت العم هلاااا بالي ما تسأل 00 وهلااا بالي

نستنا ولا كان حنا اهلها هلااااا00

انفال : هههههههه بس عاد ما بقى شي ما قلتيه

ليــــلى : خليني اعبر 000طمنيني انت وش اخبارك

انفال : انا بخــــــير انت اخبارك واخبار عمي ومرت عمي

لـــــيلى : كلهم بخــير ويسلمون عليك

انفال حسيت بخجل ( كلهم يعني يمكن شهاب معهم معقوله يسلم علي !) : الله يســــلمهم من كل شر

لـــــيلى : مبـــــــرووووووووووك الف الف مبروك 000والله اني فرحت لك حيل

انفال وستحت حيل ( معقوله ليلى فرحانه كذا بخطوبه )

انفال بحياه : الله يبارك فيك 000الفال لك

ليــــلى مستغربه : ههههههه هههههه لا خلاص راحت علينا

انفال : لا لا تقولين كذا انت توك صغيره

ليـــــلى : ههههههههههههههه بس خلاص خلصنا الثنويه طلعنا منها

انفال مستغربه( وش دخل الثنويه بالموضوع )

ليـــــــلى : عاد انا زعلانه عليك حيل 00ليه ما خبرتيني

انفال : توني ادري 000 انفال تكمل بخجل ::ليه شهاب ما خبرك

ليــــــلى بستغراب : وش دخل شهاب بالموضوع

انفال ( ليكون ليلى ما تدري 00يالله وش قلت انا )

ليلى : انفال وين رحتي قول لي وش دخل اخوي شهاب بالنسبه

انفال وكان احد كاب عليها مويه باره ( ياالله هذي صدق ما تدري 00وش اقول الحين )

انفال : هههههههههههههههههههه لان يوم يخبرني عمي طلال كان شهاب

معه بالسياره فكرته خبرك (( الحمدلله قدرت اطلع منها ))

ليــــلى : لا انا اخوي شهاب ما شفته اليـــــوم 000طيب اشتقت لك متى راح تجين

بيت عمي علشان نجي نشوفك

انفال : بكره ان شألله بروح بين ابوي

ليــــــلى : خلاص بكره حنا عدك 00عاد نبي عشا دسم

انفال : ههههههههههههههههههه جيب عشاك معك 00من عيوني

ليـــــلى : اخليك الحين وبكره نكمل سوالفنا

انفال : اوكي 00مع السلامه

ليلــــى : باااااااي

لمــــا سكلت انفال من ليلى حست بالحراج زين انها قدرت تصرف

ضلت فتره تناظر في المرايه وتضحك على نفسها 00ما تدري كيف

صارت كل المواقف تنقلب وتاخذ اتجاه اخر ويعني المفروض

اني فكرت مو من المعقول انها تدري بهذي السرعه وتدق تقولي مبروك

وانا حتى ما وفقت او لسى ما قلت وش راي 000ما ادري ابوي خبر عمي ان فاتحني بالموضوع ولا

ما خبره وش بكون موقف شهاب اكيد بيفرح لان هو الي يبيني واذا درا

اني موفقه وما عندي مانع اكيد بيفرح طيب وعمي وش موقفه مع اني احسه

ما استلطفني 00بس يمكن هو طبيعته كذا ما يبين الي بداخله يمكن بيفرح لفرح

ولده طيب وليلى وعمتي ام شهاب 00وعمي طلال وعمتي ام عبدالعزيز هذا

عاد متأكده انها ما بتفرح 000يوه انا وش فيني استبق الاحداث وما كاني

مجنونه من يوم ابوي كلمني وانا حالتي غريبه 00 جالسه وافكر بالسالفه واتحلم

خليني اخلي الجنون على جنب واقوم انام ازين لي

ظلت انفال تتقلب يمين ويسار ما جاها نوم والافكار ما خلتها في حالها تجي وتروح

سمعت صوت جوالها يرن

حست انها ثقيله 00مو قادره تقوم تاخذه

ياالله وش فيه هذا الجوال اليوم كل يرن في اوقات غير مناسبه

خلينا اقوم ارد مو انا صايره مهمه اليوم ههههههههههه هههههههه وحديث الناس قصد

حديث الحريم بكره وحلاهم مع شاي الضحى في بيت جارتنا ام عبدالله

مسكت الجوال ورجعت وجلست على السرير يوم شافت المتصل

دلال 000هذا عاد مو معقوله درت بالسالفه هههههههه

انفال وبفرحه : هلاااا وغلااااااا

دلال : هلااااااا انفال 00اخبار يا البطه

انفال : بخير دامك بخير يا كتكوته

دلال : لا اليوم الاجواء صافيه 00 والمزاج عال العال 00اعترفي وش

سبب هذا الفرح المفاجأ

انفال بفرح : يعني ما تبيني افرح

دلال : افااااااااا عساها دوووم هذي الفرحه بس عاد فرحينا معك

انفال : لا عاد هذي يبيلها جلسه حلوووه

دلال : لا شكل السالفه مهمه

انفال : اقول دلال شخبار نسبكم انتي سجى وهيام

دلال : توك تتذكرين 00اي غرقانه في العسل

انفال : لا عاد 000والله كنت بدق عليكم اليوم بس انشقلت

دلال : انا اليوم دقيت بيتكم مشغول

انفال : اكيد امي تسولف تدرين اذا مسكت السماعه ما تسكرها الى وقت النوم ههههههههه

دلال : هههههههههههه والله يحفظها 0000تعال غريبه ما نمتي انا خبري الدجاج ينامون بدري من الساعه 8

انفال : لا00 على الاقل احسن من الخفافيش الي ما ينامون الى وجه الصبح ههههههههههههههههههه

والله توني بنام يعني لو داقه بعد نص ساعه ما رديت عليك

دلال : هههههههههههه زين اني دقيت 000ما قلت لي كم جبتي

انفال : مممممم 98

دلال : مبروووووووووووك الف مبرووووووووك عقبال الماجستير والدكتوراه 00الا ما قلت لي من طلع لك

نسبتك يا البطه

انفال : عمي طلال 00كلمني اليوم وطلع لي النسبه

دلال : يا عيــــــني حركات 000طيب الحين كيف علاقتك مع اهل ابوك يعني ما يدقون عليك ما يجونك

انفال : الا توها من شوي مكلمتني ليلى بنت عمي وعمي طلال كلمني امس وابوي واخوي

ضاري جاو اليوم بيتنا

دلال : اهاااااااااا الحين عرفت سبب هذ الفرحه 00بس غريبه ابوكي جاي بنفسه والله غريبه

انفال : لا وبكره بروح بيت ابوي بعد

دلال : اشوف رجلك خذت كثير على بيت ابوك

انفال : لا والله بس اوبي اليوم قال لي تعال عندنا يومين وانا ما قدرت ارده 00وبعدين

ليلى بتجين بكره مع بنات عمتي ام عبدالعزيز

دلال : طيب واحنا ما تبينا نجي

انفال بفرحه : صحيح دلال لو اقولكم تجون بنجون

دلال بعد تردد : ممممممم مدري بس اذا ما فيها ازعاج لخالتك وابوك عاد نجي والله نفسي نتجمع ونسولف

اشتقت لكم حيل

انفال : طيب خلاص انا لما اروح بيت ابوي بأخذ الاذن من ابوي وخالتي وبعطيك خبر 00بس ابيكم

تجون بدري قبل بنات عمي علشان ابيكم بموضوع لحالنا

دلال : خلاص طيب انتي عطينا خبر بكره وانا اقول للبنات 000او صحيح قبل لا انسى

ترى كلمتني هيام تقول ان الصور جاهزه مرو المشغل اخذوهم لان هي ما بتروح العصر

يتبع ,,,,

👇👇👇