رواية قرب اكثر -4
ام فارس مو مصدقه وفرحانه عبد العزيز
عبد العزيز بشحمه ولحمه
ركضت ساره وحضنة رجل ابوهاا
ام فارس الحمد الله على السلامه .. (وناظرت ساره) .. وهذي بنوتتك الحلوه
رفعهاا عبد العزيز وحظنهاا اشتقت لك يابابا
ساره واهي تتمسك فيه بقوه بابا مو تروح
عبد العزيز خلاص يابابا مابروح وحتى لو بروح باخذك معي
ام فارس تذكرت شوق اي صح وهذي بنت اختك
انصدم عبد العزيز بنت اختي ..!
ام فارس اي بنت اختك عبيير
عبد العزيز بصدمه اكبر عبير
هزت راسها ام فارس وعبد العزيز نزل بنته ساره ولف الى شوق
عبد العزيز/ياهلا ببنت اختي
شوق مستحيه مب متعوده عليه/هلا فيك
عبد العزيز/اممم الا انتي شسمك
ساره بسرعه/شووق
عبد العزيز يجر خدود بنته/ فديتك اناا
........
اتمنى البارت يعجبكم
ولاعدمناكم يارب ........
^^
بعد ثلاث ايام راحوا اهل تركي وخطبوا حلا رسمي وجاا وقت الشوفه
حلا/مابي اشوفه
ملاك/بس ياحلا
حلا/ياربي ليه تبوني اسوي شي اناا ما ابيه
دخل عبد العزيز/حلا انتي جاهزه
حلا بعصبيه/لا لسى
ملاك/ايي جاهزه بسس خايفه وتتدلع
عبد العزيز/تيب يلا مشناا
نزلت حلا واهي منقهره
دخل عبد العزيز ودخلت بعده حلا اماا تركي من اول ما انفتح الباب وعينه عليه
ضرب عبد العزيز حلا بكوعه بحيث انه مايشوفه تركي
حلا فهمت قصده/السسلآم
تركي وعيونه على حلا وخاق ع شكلهاا/وعليكم السسلآم والرحمه
جلس عبد العزيز وجلست جنبه
تركي/كيفك حلا
حلا/بخير
تركي ناظر عبد العزيز/ماودك تضف وجهك
عبد العزيز وقف/ تيب هالمره بتركم لحالكم بس المره الجايه تحلم
حلا مسكته من كم تي شيرته وبصوت خفيف/على وين
عبد العزيز/اظن سمعتي الاخ ايش قال
حلا/تكفى عبد العزيز لا تروح
عبد العزيز جلس وكأنه ماصدق خبر
فترة صمت
تركي/عبد العزيز بالله عطشان ممكن مويه
عبد العزيز/معنوو عارف انهاا تصريفه بس امري لله
طلع عبد العزيز وقام تركي وجلس جنب حلا
حلا"افف ياخي ليه التلصق"
وقفت حلا تبي تطلع
تركي/على ويين توو الناس
حلا"لا مصدق نفسه الاخ"
تركي/تييب قبل لا تطلعين خوذي
عطاهاا كيس متوسط الحجم لونه احمر
حلا رافعه حاجب/وش ذا
تركي/بعدين فتحي وشوفي وش فيه
حلا "ع باله انه بهديه بيلعب بعقلي كل الرجال فترة الخطوبه يعملوا نفسهم رومانسين وبس يتزوجون وياخذون الي يبونه تبدأ معاملتهم الزفت"/شكراً
تركي/العفو ولو
طلعت حلا وصادفت في وجهاا عبد العزيز
عبد العزيز/هاا ايش رايك في حبيب القلب
حلا"يخسي الا ذا يملك قلبي"/مو مره
عبد العزيز استغرب بدأ يشك/حلا انتي مغصوبه
حلا تبي تقول ايه مشان تتخلص من تركي وفي نفس الوقت تبي تقول لا مشان ماتبين لهم انهاا ضعيفه /لا
عبد العزيز/اجل ليه حاس انك مو فرحانه او مثل كذا
حلا تصرف /بالعكس اناا فرحانه .. عن اذنك
حلا وقفت واهي بنص الدرج"لا ياخوي اناا مب فرحانه اناا مابيه ياعزيز " تراجعت خطواتها وكأنها تبي تقول الكلام الي يدور بعقلها بس تعوذت من ابليس وكملت طريقها
ملاك وشوق/ هاا عجبك
شوق/كيف شكله
ملاك/حلوو ولا شين
حلا"شييين .. لا ليه اكذب حلوو "/مدري مادققت في ملامحه
شوق/تيب ايش الكيس ذا
حلا/مدري
دخلوا الغرفه وفتحت حلا الكيس وكان ساعه ماركه كششخه لونهاا ذهبي بس كانت فخمه بجد وباين انهاا غاليه
ملاك/واااو ذوقه حلوو مثل عزوز
شوق/بجد حلوه الساعه
حلا/اناا احسها عاديه
حلا"ع باله بيقص علي انا لك ان ماطفشتك من حياتك وخليتك تندم على الساعه الي خطبتني فيها ما اكون حلا"
ّّْ
طبعاً بتسألون ليه حلا حاقده عليه ..
طييب سمعو السالفه ..؛)
حلا قبل كذا سنه كانت تحب تركي وتعشقه بجنون وكانت تقول لصديقتهاا عن حبها لتركي ومن فضول صديقتهاا بدور قالت لحلا انها تبي تشوفه وفعلاً شافت بدور تركي وعجبها الا دخل مزاجها طبعاً اهي بدورهاا حاولت تلفت انتباه تركي بس مافاد وفكرت بفكره انهاا تخلي حلا تكره تركي طبعاً بدور ماكانت تعتبر حلا صديقتها مثل ما حلا تعتبرهاا مثل اختهاا كانت بنت حسوده وحقوده كانت تبي تخرب حياة حلا من الحسد ..
وبديك اللحظه تعرفت بدور على اخت تركي وتقربت لهاا وصاروا يمونون على بعض بدور/اقول رغد شرايك نتبادل بالجوالات اسبوع
رغد/تييب بس غريب طلبك انتي ماتحبين احد ياخذ جوالك
بدور/مدري حبيت اغير شوي وقلت انتي انسب شي واقرب صديقه لي
رغد/تيب
وتبادلوا الجوالات هناا نفذت بدور اول خطوه من مخططهاا
اتصلت بدور على حلا طبعاً بدور عندها شريحتين الشريحه الاولى الي عند رغد والثانيه الي تكلم منهاا حلا
وعزمت بدور حلا وحلا راحت لعند بدور
وفي ذيك اللحظه اتصل تركي على جوال اخته رغد الي الحين عند بدور
مثلت بدور دور انهاا مرتبكه
حلا/بدور شفيك ليه ماتردين
بدور واهي تكمل تمثيلهاا/هاا ايي لا هذا واحد مزعجني
وبعد ساعتين بدور حبت تكمل خطتهاا
بدور تتصنع الخوف/حلا بقول لك شي بس مو تزعلين
حلا /تيب قولي ماراح ازعل
بدور/اكييد
حلا/اكييد
بدور طلعت جوالها وفتحت مسجاتهاا وعطت الجوال حلا
حلا قرت مسجين/طيب وهذا شي يزعل
بدور تكمل التمثيل/حلا هذا الرقم ازعجي ولما رديت عليه تتوقعين مين طلع
حلا/ميين
بدور تمثل دور الحزينه /الخاين تركي تخيلي يقول لي يحبني ولا في مره اتصل لي اناا رديت قلت بحاسبه توقعي وش قال لي
حلا منصدمه مو مصدقه كلام بدور
بدور/من كثر الي يكلمهم اقصد البنات يقول لي هلا وغلا بقلبي فوفو
حلا منصدمه"مو معقول كيف اخوي يصادق هالاشكال"
بدور /واذا مب مصدقتني اتصلي ع الرقم وشوفي
حبت حلا تتأكد واتصلت
رد تركي/هلا والله رغوود
ولأن حلا ماتعرف اهل تركي فماتعرف اخته
انصدمت تمنت الارض تنشق وتبلعهاا
تركي/ايش فيك رغد ليه ساكته
تركي / ياهوو رغد وينك خـ....
توت توت توت >> سكرت حلا الخط
وبكذا نجحت بدور بخطتهاا وحلا كرهت تركي وبكذا انتهت علاقة حلا بـ بدور
ولما يتقدم لهاا احد كانت ترفض واذا سألوهاا عن السبب تتحجج بأن صديقتهاا تزوجت وزوجهاا يظلمهاا ويخونهاا ومايعاملهاا كويس واهم يصدقوون ..
^^
حددوا موعد الخطوبه والملكه بيوم واحد بعد اسبوعين .. مروا الاسبوعين على ابطالناا بسرعه وتمت الملكه الخطوبه ع خيير
^^
نوف وريم واهم يتسوقون وفواز يمشي وراهم بملل
نوف/واو شرايك بالفستان ذا
ريم/حلوو
نوف/ايش رايك اخذه
فواز/تكفين خوذيه
نوف/لهدرجه عاجبك
فواز/لا اناا ما افهم بهالشغلات بس والله مليت وانا ادور من مكان لمكان وياريت على هالتعب يعجبكم شي
ريم/محد قال لك تعال معنا قلنا لك بنيجي مع السايق
فواز/اناا اكره شي عندي ان بنات يركبون مع السايق بروحهم
نوف بهمس/اخوك معقد
ريم بنفس نبرة نوف/حرام اهوو طيب بس مايرضى اركب مع السايق بروحي
نوف /وفوق كذا مزاجي
ريم/اقول نوف مو كأني عطيتك وجه
نوف تغير الموضوع/هاا ماقلتي لي رايك بالفستان
ريم/حلوو اذا عجبك خوذيه بس احس انو مالو داعي
نوف/عادي البسو اي وقت مو مهم مناسبه
.....
^^
بعد ثلاث اشهر خاليين من الاحداث جا يوم زواج حلا
وطبعاً طول الفترة تركي كان يتصل بحلا بس اهي تحقره واحيان تقفل الجوال اهوو كان يضنه خجل
^^
في القاعه..
كانت الاغاني طاربه المكان والرقص شغال
طلعت برا القاعه تكلم بسبب الازعاج
رغد/ياربي عليك ولا عرفتين مكانهاا
الهنوف/لا
وصارت رغد تشرح لـ الهنوف مكان القاعه
رغد/هاا دليتيهاا ولا لسى
الهنوف/لا دليتهاا يلا باي
رغد/باي
لفت رغد تبي تدخل بس صقعت بـ شخص رفعت راسها تبي تشوف منوو بسس تفاجأت الشخص اول مره تشوفه
واهو خقق على شكلهاا /تألمتين
رغد بارتباك/لا (وراحت تركض وبنص الطرق وقفت)اسفه(وكملت طريقهاا بسرعه
كان يراقبها حتى اختفت "ياربي جنان البنت ذي وصوتهاا عذاب بس كيف اعرفها "
ملاك كانت ترقص اهي وريم ونوف وليان على اغنية تنحط ع الجرح يبرى
ملاك لمحت بنت وراحت لهاا
ملاك اهي مب مصدقه/الهنوووف
الهنوف/ملاك
ملاك تسلم على الهنووف/من زمان عنك وينك يالقاطعه يعني اجت الاجازه ونسيتيناا
الهنوف/اناا مانسيت انتي الي نسيتي وقطعتي
ملاك/ مو مهم الحين كيفك
الهنوف/بخير وانتي ..؟
ملاك/منيحه
اجت لهم رغد
رغد/واخيراً وصلتي
ملاك/انتي تعرفينهاا
الهنوف/ايي هذي بنت عمتي
ملاك/اهاا
الهنوف/رغوود هذي ملووك صديقتي الي قلت لك عنهاا
رغد/تدرين ماتوقعتهاا حلوه كذا
ملاك خجلت /تسلمين عيونك الحلوه
ودخلوا وملاك ورغد اصروا على الهنوف ترقص
رغد/بالله خطوبة ولد عمتك ليه مابترقصيين
الهنوف/ ما اعرف ارقص ليه تحرجوني
رغد/هاهاها العبي غيرها ع بالك ماشفتك ترقصين في زواج ولد عممي
الهنوف/اففف طيب يلا
وقاموا يرقصوون
حلا كانت تشوف الكل فرحان عدا هي ليه اليوم زواجهاا المفروض تكون اهي اكثر وحده فرحانه
جا وقت الي يدخل فيه تركي بس قبل لا يدخل دخلوا اهل حلا ابوهاا واخوانهاا وعيالهم
سلموا عليهاا وطلع ابوهاا واخوانهاا بقوا الشباب طبعاً دقوهاا رقص والبنات خااقيين عليهم
عبد العزيز لـ ملاك/ملووك تعالي ارقصي معي
ملاك/استح ع وجهك هناا عيال عمي
خالد بغيره على اخته/لا كيف ترقص هناا عيال مايصير
عبد العزيز/معك حق
راح فارس الى حلا
فارس/حلوو
حلا/هلا
فارس/تعالي ارقصي معي
حلا/لا ما اعرف
فارس/بس شوي يلا عااد
حلا/تيب شوي بس
ورقصت حلا مع فارس وكان شكل فارس واهو يرقص معاهاا يجنن
ملاك ناظرت بـ فارس وجذبهاا شكله
الوليد/افاا حلوو ترقصين معه واناا
حلا /يلا عاد مصختوهاا
فهد/يلا عاد حلوو ارقصي معي تخيليني تركي وارقصي ممعي
حلا"وااااع دامك شبهت نفسك بتركي تحلم"/تحلم
ملاك تكلم فهد/اقول فهيدان
فهد/اصغر عيالك اناا ضفي بسس
ملاك/هذا جزاي الي جايه بقول لك شي يخص حنان
فهد/بالله وشوو
ملاك/الحين هاا يلا ضف وجهك
بعدهاا ام نواف طلعت الشباب ودخل تركي والكل تغطا ماعداالي محرم عليهم
حلا من شافته تذكرت الي صار وانقهرت
تركي دخل وباس يدهاا وجبينهاا
تركي/مبرووك ياقلبي
حلا"مبروك على اييش مووتي "/.........(لارد)
تركي/شدعوه مافي مبروك ولا الله يبارك فيك
حلا بجفا/الله يبارك فيك
وبعدهاا بساعه ونص طلع تركي و حلا من القاعه
وطبعاً حلا ودعت اهلهاا وصارت مناحه وبعدهاا طلعت مع تركي وراحوا الشقه الي حاجزهاا تركي
دخلوا الشقه وكانت رهيبه باين انهاا متعوب عليهاا وذووق
تركي/ادخلي ليه واقفه
دخلت حلا وجلست ع الكنبه
تركي/ماودك تبدلين الفستان ذاا
هزت حلا راسهاا
تركي بمزح/لايكون ماعندك لسان
حلا"ياثقل دمك"/الا عندي لسان
تركي/واخيراً سمعنا صوتك
حلا/وين التواليت
تركي فرجهاا ع الشقه
حلا/تيب ممكن تتركني لحظه
تركي ورفع حاجب/ليه
حلا/امممم ببدل ملابس
تركي/ليه ماتبدلين بالتواليت
حلا/ما اعرف يتبللون ملابسي
تركي بخبث/طلعه مب طالع وبعدين انا زوجك عادي
حلا"قليل ادب "/تحلم افسخ قدامك
تركي/اجل تحملي
حلا تدور لهاا صرفه جلست تحوس بشنطتها الي فيها الملابس وكانت عاطيه تركي ظهرهاا طلعت جوالهاا واتصلت عليه اهو لما سمع جواله يرن راح يشوف واهي من طلع ركضت للباب وقفلته
تركي/تييب ياحلا وين بتروحين مني
حلا"ع بالك مابقدر علييك"
ودخلت التواليت بدلت الفستان ولبست بجامه فتحت الباب وطلعت مخده وفراش رمتهم ع الباب وطوالي قفلته
تركي منصدم/انتي اييش تسوين
حلا/مابيك تنام معي
تركي ومازال منصدم/حلا انتي جنيتي شي
حلا/ياخي افهم اناا محرمه عليك
تركي /اييش تقولين
حلا/اناا معاي عذر شرعي
تركي وكأنه بدأ يفهم ابتسم تيب وليه قافله الباب خلاص ماراح المسك
حلا"في احلامك ياعبقرينو اناا ماكذبت هالكذبه مشان افتح لك الباب"
تركي توقع سكوتهاا خجل "امري لله ايش اسوي" اخذ الفراش والمخده ونام ع الكنبه
........
اماا عند ملاك قالت الى امهاا انهاا بتنام مع ليان واهي وافقت بعد محاولات من ليان وحنان
ليان/ملاك يلا فارس برا ينتظرنا
ملاك/لحظه بس بجيب شنطتي وبجي
راحت ملاك تجيب شنطتهاا وليان ركبت السياره كان بيمشي فارس بس صرخت ليان وقفته
ليان بصراخ/لحظـــــــــه
فارس/شـبلاك انتي خرعتيني
ليان/لا بس كنت بقول لك وقف لأن ملاك بتجي معناا
فارس"ملاك بتجي معناا"/اهاا وليه ماقلتي من زمان
دخلت ملاك/السسلآم عليكم
الكل/وعليكم السسلآم
ملاك/اسفه تأخرت
فارس/لا عادي شدعوه بنت العم
ابتسمت ملاك من تحت الغطا ولفت لليان/حنوو مالهاا حسس
فارس ناظر حنان الي جالسه جنبه /الاخت شكلها صاكه امها نومه
ضحكت ليان على شكل حنان وملاك اكتفت ببتسامه
وصلوا بيت ابو فارس ونزلوا ملاك وليان راحوا غرفة ليان وحنان راحت تكمل نومهاا اماا فارس راح تروش ونزل الصاله يشاهد
ملاك/لنوو ابي مويه
ليان ع بالهاا انو فارس نام/انزلي انتي تعبانه حيل
ملاك/اخاف احد اخوانك تحت
ليان/الوليد نايم وفارس كمان يلا انزلي والله تعبانه خوذي راحتك البيت بيتك
نزلت ملاك واهي لسى مابدلت فستان العرس سمعت صوت التلفزيون قالت اكيد احد اخوانهاا ومشت بصوت خفيف وتوجهت الى المطبخ وكانت كل شوي تلتف وراهاا ولما وصلت عند الباب واهي تمشى لفت وراها وصقعت بشي مثل الجدار
ملاك بألم /آهـ
فارس"سلامتك من الاه ياقلبي"/اسف تألمتي
ملاك واهي خجلانه/لا اناا الي اسفه
رفعت راسها ملاك والتقت عيونهم ملاك اول مره تشوف فارس من قريب دققت في ملامحه وعجبهاا فارس لما شافها بالفستان وكذا انجن على شكلهاا نزلت ملاك راسهاا وفارس حس على دمه وتركها تدخل وراح يشاهد معنوو ماوده يتركها بس ولو تضل بنت عمه
شربت ملاك مويه وصعدت بسرعه واهي معصبه ع ليان
ملاك تقلد صوت ليان/الوليد نايم وفارس كمان
ليان/ايش بك انتي
ملاك/بالله اخوك تحت يافالحه
ليان/واناا ايش عرفني
ملاك/من باب الذوق انك انتي الي تنزلين تجيبين لي مويه
ليان/اقول اسكتي يا ام الذوق
ملاك/وغصباً عنك كمان
......
في اليوم الي بعده صحى تركي واهو متكسر من نومة الكنبه راح دق الباب على حلا
حلا واهي ناسيه الموضوع/يمه ابي اناام مانمت الا متأخر
ابتسم تركي"ياحليلك ياحلا"
ورد طق الباب
قامت حلا وفتحته بدفاشه وعيون مفتحه والثانيه نايمه/نعـ.... (سكتت لما شافت تركي قدمهاا )
تركي/صح النوم ياقلبي
حلا"قلبك خليه لك ما ابيه"/صح بدنك
تركي/اي بدن الي تتكلمين عنه تكسرت واناا ع الكنبه
حلا تضحك بصوت خفيف/تستاهل
تركي واهو يتقرب منهاا واهي ترجع ع ورا
تركي/ايش قلتي
حلا واهي خايف/تركي تكفى لا تقرب مني
رفع حاجب/وليه مو زوجتي
حلا"زوجتك بالورق بس"/.........(لارد)
تركي/ليه خايفه
حلا وقفت وكأنهاا تثبت له انهاا مب خايفه/اناا مب خايفه
تركي قرب منها حتا صار لاصق فيهاا حاوط خصرها بيدينه واهي تحاول تباعده عنها بس اهو ماسكها بقوه
تركي/ليه الايام الي طافت ماتردين علي
حلا/كذا بسس
تعجب تركي/كذا وين اصرفها ذي
حلا/البنوك ماليه المملكه اختر البنك الي تبيه واصرفهاا
تركي واهو يحط عينه بعين حلا
تركي/حلا انتي مغصوبه علي
حلا/ومن قال
تركي بعد عنهاا/تصرفاتك تقول كذا
حلا"لسى ماشفت شي ياتركي"/ليه ايش سويت اناا
تركي رجع وحوط خصرهاا بيدينه/ مو مهم حلا متى تخلصين
حلا مافهمت/اخلص اييش
تركي وكأنه متعمد يحرجهاا ويقلد صوتها/عذرك الشرعي
حلا نست انهاا كذبت عليه بسس لما قال كذا خجلت
تركي يبوسهاا مع خدهاا /فديت الي يستحون اناا
حلا بخجل/بسس اناا مامعي عذر
تركي بشك/يعني كذبتي علي
حلا وكأنهاا تذكرت كذبتهاا وعضت شفاتهاا
تركي جذبه شكلها وقرب لهاا بيبوسهاا بس اهي تذكرت ولفت وجهاا
.....
ساره/بابا
عبد العزيز/عيون بابا
ساره/ابي اروح الملاهي خالتو حلا كانت دايم توديني الملاهي
عبد العزيز/بس كذا تيب وباسها مع خدهاا
ساره/بابا ابي العنود تروح معي
شوق واهي تنزل من الدرج/واناا ماتبيني
ساره تهز راسهاا بالنفي
شوق/افاا ليه
ساره/اناا زعلانه عليك
شوق/وليه
ساره/امس نمتي عني وماقلتي لي قصه مثل عمتي حلا
شوق/بس انتي ماقلتي لي
ساره/خلاص مايحتاج اناا سامحتك ابي بابا يحكي لي
……..
ريم/فواز فواز
فواز/يانعم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك